Əməkdaşlıq müqaviləsi imzalanıb

10 Oktyabr 2017 12:29

Xəbər 203 dəfə oxunub

Mədəniyyət və İncəsənət Universiteti (ADMİU) ilə Qazaxıstan Milli Konservatoriyası arasında əməkdaşlıq müqaviləsi imzalanıb.ADMİU-dan Azərtac-a bildirilib ki, müqavilənin imzalanmasında məqsəd ölkələr arasında elmi, mədəni əlaqələrin möhkəmləndirilməsi, yeni yaradıcı mühitin yaradılması, müəllim və tələbələrin fəaliyyətlərinin daha da genişləndirilməsidir.xeber100.com

Reklam

Anlaşma memorandumu imzalanacaq

Azərbaycan Dövlət İqtisad Universitetinin (UNEC) elm şöbəsinin müdiri Zahid Məmmədov Bakı Fond Birjasının (BFB) nümayəndələri ilə görüşüb.Universitetdən Azərtac-a bildirilib ki, görüşdə UNEC ilə BFB arasında əməkdaşlıq perspektivləri müzakirə olunub. Aparılan danışıqlar çərçivəsində, hər iki qurum arasında anlaşma memorandumunun imzalanması barədə qərar qəbul edilib.Hazırda sənədin yekun versiyasının hazırlanması üzərində hər iki tərəfin mütəxəssislərindən ibarət işçi qrupu çalışır. Yaxın vaxtlarda imzalanması gözlənilən sənəd iki müəssisə arasında əməkdaşlığı daha da möhkəmləndirəcək, yeni layihələrin icrasına start verəcək.Layihə çərçivəsində “Fond Birjası: iqtisadiyyatın barometri kimi” adlı Azərbaycan üçün yeni, konseptual yanaşma və praktik məsələlərin yer alacağı kitabın nəşri nəzərdə tutulub. Nəşrdə BFB-nin ən aktiv şirkətləri, maraqlı təcrübələr haqqında məlumatlar yer alacaq.Əməkdaşlıq çərçivəsində UNEC və BFB-nın birgə təşkilatçılığı ilə sektor üçün əhəmiyyətli olacaq maliyyə konfransının keçirilməsi nəzərdə tutulub. Biznes nümayəndələri və tələbələr üçün təşkil ediləcək konfrans çərçivəsində BFB-nin aparıcı şirkətlərinin və digər tərəflərin iştirakı ilə maliyyə sərgisi keçiriləcək.xeber100.com

Sentyabr 21, 2018 11:59

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) mərkəzi icra hakimiyyəti və məhkəmə orqanları olmaqla ümumilikdə 12 dövlət orqanında dövlət qulluğu vəzifələrinin A (8 vəzifə) və B (257 vəzifə) növünə aid 265 vakant vəzifənin tutulması üçün müsabiqənin müsahibə mərhələsini elan edir. Müsahibədə iştirak üçün qeydiyyat oktyabrın 17-dək aparılacaq.DİM-dən Azərtac-a bildiriblər ki, müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları mərkəzin internet portalında yerləşdirilib.Müsahibəyə qatılmaq istəyən namizədlər əldə etdikləri sertifikata uyğun gələn vakant vəzifələrin müsahibəsində iştirak edə bilərlər. Elan olunmuş müsahibədə iştirak üçün müraciət edən namizəd “Dövlət qulluğu haqqında” Azərbaycan Respublikası Qanununun 27-ci maddəsinin və qanunvericiliklə müəyyənləşdirilmiş vakant vəzifələrin tutulmasının ümumi şərtlərinin tələblərinə cavab verməlidir. Ümumi şərtlərə uyğun olaraq vakant vəzifə üzrə müəyyənləşdirilmiş tələblərə cavab verməyən namizəd müsahibədə iştirak edə bilməz.Müsahibədə iştirak üçün müraciət etmiş namizədin Forma vasitəsilə portala daxil etdiyi məlumatların və sənədlərin tamlığı, aktuallığı və namizədin müvafiq vakant vəzifənin tutulması şərtlərinə uyğunluğu mərkəz tərəfindən yoxlanılır və təsdiqləndikdən sonra namizəd müsahibədə iştirak üçün qeydə alınır.Müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak üçün qeydə alınır.xeber100.com

Sentyabr 17, 2018 11:11

Müəllimlərin işə qəbulu üzrə elektron sənəd qəbulu başlayır

Sentyabrın 14-dən 2018-2019-cu tədris ili üçün Təhsil Nazirliyi sisteminə daxil olan ümumtəhsil müəssisələrinə müddətli müqavilə əsasında müəllimlərin işə qəbulunun ikinci turu üzrə elektron sənəd qəbuluna başlanılır.Təhsil Nazirliyindən Azərtac-a bildiriblər ki, ikinci tura müddətli müqavilə ilə müəllimlərin işə qəbulu üzrə birinci turda uğur qazanmayan, müəllimlərin işə qəbulu üzrə builki və ötənilki müsabiqədə iştirak edən şəxslər qatıla bilərlər. Müəllimlərin işə qəbulu üzrə ötənilki müsabiqədə uğur qazanmış müəllimlər də ikinci iş yerində müddətli müqavilə ilə işləmək məqsədilə bu prosesdə iştirak edə bilərlər.Müddətli müqavilə ilə işə qəbul zamanı həvəsləndirmə tədbirləri tətbiq olunan ümumtəhsil müəssisələrinə keçid balı 30, həvəsləndirmə tədbirləri tətbiq olunmayan ümumtəhsil müəssisələrinə Azərbaycan bölməsində musiqi üzrə 30, fiziki tərbiyə üzrə 36, informatika və təsviri incəsənət üzrə 42, digər fənlər üzrə 48 bal, rus bölməsində isə fiziki tərbiyə üzrə 30, biologiya, coğrafiya, təsviri incəsənət, fizika, ibtidai sinif, kimya, musiqi, rus dili və ədəbiyyatı üzrə 42, digər fənlər üzrə 48 bal müəyyənləşdirilib.Bakı şəhərinin ümumtəhsil müəssisələrinə ibtidai sinif müəllimlərinin müddətli müqavilə ilə işə qəbulu birinci turda olduğu kimi Bakı Şəhəri üzrə Təhsil İdarəsi tərəfindən həyata keçiriləcək.Müddətli müqavilə ilə müəllimlərin işə qəbulu üzrə elektron sənəd qəbulu sentyabrın 15-dək davam edəcək.xeüber100.com

Sentyabr 14, 2018 13:10

Təhsil Nazirliyinin məlumatı əsasında…

Sentyabrın 8-dən 2018-2019-cu tədris ili üçün Təhsil Nazirliyi sisteminə daxil olan ümumi təhsil müəssisələrinə müddətli müqavilə ilə müəllimlərin işə qəbulu üzrə elektron sənəd qəbuluna başlanılır.Nazirlikdən Azərtac-a bildiriblər ki, müddətli müqavilə ilə müəllimlərin işə qəbulu prosesində iştirak etmək üçün builki müsabiqəyə qatılan namizədlər şəxsi səhifələrinə daxil olmaqla vakant yer seçməli və elektron ərizələrini təsdiqləməlidirlər. Bu prosesə ötənilki müsabiqədə iştirak etmiş namizədlər də qatıla bilərlər. Onlar miq.edu.az saytı vasitəsilə yenidən qeydiyyatdan keçdikdən sonra vakant yer seçib ərizələrini təsdiqləməlidirlər. Müddətli müqavilə ilə müəllimlərin işə qəbulu zamanı namizədlər iki vakant yer seçmək hüququna malikdirlər. Müəllimlərin işə qəbulu üzrə ötənilki müsabiqədə uğur qazanmış müəllimlər də ikinci iş yerində müddətli müqavilə ilə işləmək məqsədilə bu prosesdə iştirak edə bilərlər.Müddətli müqavilə ilə işə qəbul zamanı həvəsləndirmə tədbirləri tətbiq olunan ümumtəhsil müəssisələrinə keçid balı 30, həvəsləndirmə tədbirləri tətbiq olunmayan ümumtəhsil müəssisələrinə isə musiqi, təsviri incəsənət və fiziki tərbiyə fənləri üzrə 42, digər fənlər üzrə 48 bal müəyyənləşdirilib. Bakı şəhərinin ümumtəhsil müəssisələrinə ibtidai sinif müəllimlərinin müddətli müqavilə ilə işə qəbulu isə Bakı Şəhəri üzrə Təhsil İdarəsi tərəfindən həyata keçiriləcək.Qeyd edək ki, müddətli müqavilə ilə müəllimlərin işə qəbulu üzrə elektron sənəd qəbulu sentyabrın 9-dək davam edəcək.xeber100.com

Sentyabr 7, 2018 14:49

Bakı Şəhəri üzrə Təhsil İdarəsinə 9.161 müraciət daxil olub

Bakı Şəhəri üzrə Təhsil İdarəsinin (BŞTİ) Telefon Məlumat Mərkəzinə (telefon: (+99412) 599-12-22) daxil olan zənglərlə və Vətəndaşların Qəbulu Mərkəzində cari ilin avqust ayı ərzində vətəndaşlara göstərilən xidmətlərlə bağlı statistika açıqlanıb.BŞTİ-dən Azərtac-a bildiriblər ki, qeyd olunan müddətdə ümumilikdə, 9.161 müraciət daxil olub. Bu müraciətlərin əksəriyyəti dərhal cavablandırılıb və operativ həll edilib.Statistikaya əsasən, Telefon Məlumat Mərkəzində 2.626 zəng qəbul olunub. Vətəndaşların Qəbulu Mərkəzinə isə bu dövrdə 4.038 vətəndaş müraciət edib. Həmçinin 270 vətəndaş, sorğusuna uyğun olaraq, elektron qaydada BŞTİ-nin müvafiq məsul şəxslərinin qəbuluna yazılıb.Vətəndaşların Qəbulu Mərkəzində 1.616 sənəd (vətəndaşlar tərəfindən 508 ərizə, Təhsil Nazirliyindən 183, digər qurumlardan 130, məktəblərdən 237 məktub, 37 strukturdaxili yazışma və 521 kadr ərizəsi) qəbul olunub və qeydiyyata alınıb. Həmçinin, 611 elektron müraciətə baxılıb.Müraciətlər daha çox müxtəlif məsələlərin tənzimlənmə qaydalarının öyrənilməsi, məktəbəhazırlıq qruplarına və birinci sinfə uşaqların qəbulu, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin edilməsi, informasiya təminatı, işə qəbul və digər məsələlərlə əlaqədar olub.xeber100.com

Sentyabr 3, 2018 11:28

Pedaqoji Universitetin məlumatı əsasında…

Azərbaycan Dövlət Pedaqoji Universitetində (ADPU) əlavə təhsil üzrə - təkrar ali təhsil və yenidənhazırlanma təhsili üzrə sənəd qəbulu davam edir.ADPU-dan Azərtac-a bildirilib ki, 2018-2019-cu tədris ili üçün təkrar ali təhsil üzrə müxtəlif ixtisaslara sənəd verənlərin sayı 87, yenidənhazırlanma təhsili üzrə isə 238 nəfərdir. Hazırda qəbul olunmuş sənədlərin təhlili və tədrisə hazırlıq prosesi gedir.Təkrar ali təhsil almaq üçün universitetə sənəd vermiş şəxslərlə müsahibə aparılacaq. Müsahibədən uğurla keçənlər müqavilə yolu ilə müraciət etdiyi ixtisas üzrə tələbələr sırasına qəbul ediləcəklər. Həmin şəxslərlə universitetdə tələbələrlə işin məzmunu, tədrisin təşkili, daxili qaydalar və sair məsələlərlə bağlı ilkin təqdimat aparılacaq, qəbul olunmuş şəxslərin sualları cavablandırılacaq. Dərslər sentyabrın 15-də başlanacaq.Yenidənhazırlanma təhsili ödənişli formada idarə, müəssisə, təşkilat və ayrı-ayrı vətəndaşlarla ADPU arasında bağlanan fərdi müqavilələr əsasında həyata keçiriləcək. Bu təhsil iki semestri əhatə etməklə müvafiq ixtisas üzrə bakalavr və xüsusi hazırlanmış təhsil proqramları əsasında aparılacaq. Birinci semestrdə əsasən nəzəri və metodoloji dərslər tədris olunacaq, ikinci semestrdə isə tələbələr metodistlərin rəhbərliyi ilə pedaqoji təcrübə keçəcəklər.Qeyd edək ki, sənədlər sentyabrın 20-dək hər gün (istirahət günləri istisna olmaqla) saat 10-dan 17-dək ADPU-nun Koroğlu Rəhimov küçəsi, 108 ünvanındakı ikinci tədris binasında qəbul olunur.Yenidənhazırlanma təhsili almaq üçün universitetə sənəd verəcək şəxslərlə müsahibə aparılacaq. Müsahibədən uğurla keçənlər müqavilə yolu ilə əlavə təhsil ixtisası üzrə tələbələr sırasına qəbul ediləcəklər. Dərslər oktyabrın 1-də başlanacaq.Universitetə qəbul olunmuş və Bakı şəhərində qeydiyyatı olmayan şəxslər yataqxanada qalmaq üçün müraciət edə bilərlər. Yerlərin məhdudluğu nəzərə alınaraq müraciət etmiş şəxslərdən daha çox ehtiyacı olanlara üstünlük veriləcək.xeber100.com  

Sentyabr 3, 2018 11:26

Dövlət İmtahan Mərkəzinin məlumatına görə…

Dövlət İmtahan Mərkəzi (DIM) ümumi (9 illik) orta təhsil bazasında orta ixtisas təhsili müəssisələrinin boş qalan yerləri üzrə avqustun 28-dən sentyabrın 3-dək internet vasitəsilə ixtisas seçimi elan edir.DİM-dən Azərtac-a bildirilib ki, orta ixtisas təhsil müəssisələrinin boş qalan yerlərinə tələbə qəbulu müsabiqəsində iştirak etmək üçün ixtisas seçiminə qəbul imtahanında (hər iki mərhələ üzrə) topladıqları ümumi balı 40-dan, Azərbaycan dili və ya rus dili fənni üzrə balı 20-dən və riyaziyyat fənni üzrə balı isə 10-dan az olmayan abituriyentlər buraxılırlar. Ümumi (9 illik) orta təhsil səviyyəsini Azərbaycanın ümumi təhsil müəssisələrində cari ildə bitirən abituriyentlər müsabiqədə tədris dili (Azərbaycan dili və ya rus dili) və riyaziyyat fənlərindən buraxılış imtahanında (9-cu siniflər üzrə) qazandıqları nəticələr əsasında iştirak edirlər.İmtahan nəticələrinə görə, orta ixtisas təhsili müəssisələrinə qəbul olunan abituriyentlərin boş qalan yerlərə keçirilən müsabiqədə iştirak hüququ yoxdur.Boş qalan ixtisasların siyahısı “Abituriyent” jurnalının xüsusi buraxılışında təqdim olunub.İxtisas kodlarının ardıcıllığını abituriyent özü müəyyənləşdirir. Müsabiqə zamanı həmin ardıcıllıq hüquqi əsas kimi nəzərə alınır və abituriyent müsabiqədən keçdiyi ixtisasların birincisinə yerləşdirilir.Elektron ərizəsini təsdiqləməyən abituriyentlər müsabiqəyə buraxılmayacaqlar.Xüsusi qabiliyyət tələb edən ixtisasları yalnız müvafiq komissiya tərəfindən keçirilən qabiliyyət imtahanlarından “məqbul” alan abituriyentlər seçə bilərlər. Abituriyentlər xüsusi qabiliyyət tələb edən ixtisaslarla yanaşı, digər ixtisasları da seçə bilərlər.xeber100.com

Avqust 28, 2018 11:38