“Apple” şirkəti “MacBook Pro” noutbuk modelini təqdim edib

"Apple" şirkəti ilk dəfə olaraq səkkiznüvəli prosessor ilə təchiz olan "MacBook Pro" noutbuk modelini təqdim edib.Trend-in məlumatına görə, bu barədə şirkət öz rəsmi saytında bildirib.Məlumata əsasən, yenilənmiş "MacBook Pro" səkkizinci və doqquzuncu nəsil Intel prosessorları ilə təchiz olunacaq ki, bu da onu keçmiş modellərdən daha sürətli edəcək. Əvvəlki kimi, noutbuk, iki ölçüdə təqdim olunacaq - 13 və 15 düym və iki rəng variyasiyasında - "gümüş" və "boz kosmos"."MacBook Pro"nun böyük versiyası altı və səkkiz nüvəli prosessorlar ilə olacaq. 13 düymlük versiya yenilənmiş dördüncü prosessor ilə təchiz olunacaq.xeber100.com

Növbədənkənar parlament seçkilərinin tarixi ilə bağlı razılıq əldə edilib

Ukrayna Prezidenti Vladimir Zelenski və Ali Radanın fraksiya rəhbərlərinin müzakirələrindən sonra növbədənkənar parlament seçkilərinin iyulun 21-də keçirilməsi barədə razılıq əldə olunub.Azərtac xəbər verir ki, bu barədə görüşdən sonra jurnalistlərə Radikal Partiyasının fraksiyasının rəhbəri Oleq Lyaşko məlumat verib.Onun sözlərinə görə, bununla bağlı Seçki Məcəlləsinə müvafiq dəyişiklik ediləcək. Bununla bağlı V.Zelenskinin xüsusi Sərəncamı gözlənilir.Qeyd edək ki, Ukraynada növbəti parlament seçkiləri oktyabr ayında keçirilməlidir. Lakin, Vladimir Zelenski andiçmə mərasimində parlamenti buraxacağı və növbədənkənar parlament seçkilərinin keçiriləcəyinə dair bəyanatla çıxış edib.xeber100.com

Amerikalı konqresmenlər üçün iftar süfrəsi açılıb

ABŞ Konqresi tarixində ilk dəfə amerikalı konqresmenlər üçün iftar süfrəsi açılıb.TASS agentliyi xəbər verir ki, iftar süfrəsi ABŞ Konqresinin Nümayəndələr Palatasının üzvləri İlxan Omar (Minnesota ştatı), Andre Karson (İndiana ştatı) və Rəşidə Tlaip (Miçiqan ştatı) tərəfindən Amerika Müsəlman Hüquqşünaslar Assosiasiyası ilə birgə təşkil edilib.İftarda ABŞ Konqresinin Nümayəndələr Palatasının çoxsaylı üzvləri və əməkdaşları iştirak ediblər.R.Tlaip iftarın böyük tarixi əhəmiyyətini qeyd edərək deyib: “Bizi qorxuya salmaq və nifrəti təşviq etmək üçün ədalətsizliklə təqib edirlər. Bu gün biz burada ədalətə və sülhə sadiq olduğumuzu nümayiş etdiririk”.2018-ci ilin noyabrında Konqresə aralıq seçkilərin yekunları əsasında tarixdə ilk dəfə iki müsəlman qadın ABŞ Konqresinin Nümayəndələr Palatasına üzv seçilib. Miçiqan ştatından Demokratlar Partiyasının nümayəndəsi, mənşəcə Fələstindən olan siyasətçi Rəşidə Klaip, Minnesota ştatından demokratların nümayəndəsi, əslən Somalidən olan İlxan Omar Konqresə seçilib.xeber100.com

Eyfel qülləsi müvəqqəti olaraq bağlanıb

Parisin rəmzlərindən biri olan Eyfel qülləsi müvəqqəti olaraq bağlanıb.Trend-in məlumatına görə, buna naməlum şəxsin dəmir qurğularla qülləyə çıxmaq niyyəti səbəb olub.Polis Eyfel qülləsini əhatəyə alaraq turistləri qüllədən təxliyə edib. Hazırda Eyfelin yaxınlığına da turistlər buraxılmır.Qeyd olunur ki, həmin şəxs qüllənin üçüncü mərtəbəsinədək çıxa bilib. Onun polis tərəfindən saxlanıldığı deyilir.Eyfel qülləsinin nə vaxt açılacağı barədə məlumat verilməyib.xeber100.com

Yaxın Şərqin inkişaf, təhlükəsizlik məsələləri müzakirə edilib

Səudiyyə Ərəbistanının vəliəhd şahzadəsi Məhəmməd ibn Salman Əl Saud ABŞ-ın dövlət katibi Mayk Pompeo ilə Yaxın Şərqin inkişaf, regionda təhlükəsizlik və sabitliyin qorunması məsələlərini müzakirə ediblər.Trend-in məlumatına görə, bu barədə "SPA" xəbər agentliyi xəbər verir.Səudiyyə Ərəbistanının vəliəhd şahzadəsi və ABŞ-ın dövlət katibi arasında telefon danışığı, Səudiyyə Ərəbistanının kralı Salman ibn Əbdül Əzizin Ərəb dünyasının liderlərini, mayın 30-da Məkkədə fövqəladə zirvə toplantısının keçirilməsinə dair çağırışından sonra baş tutub.xeber100.com

Vaşinqton bəzi məhdudiyyətlərin qoyulmasını təxirə sala bilər

Vaşinqton Çinin "Huawei" telekommunikasiya şirkətinə qarşı bəzi məhdudiyyətlərin qoyulmasını təxirə sala bilər.Milli.az bildirir ki, bu barədə ABŞ Ticarət Nazirliyinin rəsmi nümayəndəsi bildirib.Nümayəndə qeyd edib ki, təxirəsalınma məhdudiyyətlər tətbiq olunmağa başladıqdan sonra bağlanmış sazişlərə şamil edilmir. 90 günlük müvəqqəti lisenziyalar "Huawei"-lə işgüzar münasibətdə olan şəxs və ya şirkətlərə, onların avadanlıqları və şəbəkələrinin təhlükəsizliyini təmin etmək üçün verilə bilər.xeber100.com

Suriya məsələsi ilə əlaqədar növbəti görüş hələlik planlaşdırılmır

Rusiya, Türkiyə, İran sammitinin keçirilməsi planlaşdırılmır.Azərtac xəbər verir ki, bu barədə jurnalistlərə Rusiya Prezidentinin mətbuat katibi Dmitri Peskov məlumat verib.O bildirib ki, Rusiya, Türkiyə və İran prezidentlərinin Suriya məsələsi ilə əlaqədar növbəti görüşü hələlik planlaşdırılmır.Xatırladaq ki, sonuncu dəfə prezidentlər Suriya münaqişəsinin müzakirəsi üçün bu formatda 2019-cu ilin fevralında Soçidə görüşmüşdülər.xeber100.com

“Zaventem” hava limanında 60-dan çox reys təxirə salınb

Brüsseldən Moskvaya uçan "Aeroflot"un reysi təxirə salınıb. Trend-in məlumatına görə, bu, Belçikada dispetçerlərin tətili ilə əlaqədardır.Qeyd olunur ki, ümumilikdə Brüsselin "Zaventem" hava limanında artıq 60-dan çox reys təxirə salınb. Tətil səhər saat 9:30-dan 13:00-a qədər təyin olunub.Belçikanın digər aeroportarında təxirə salınan reyslərin dəqiq sayı hələ ki qeyd edilmir.Xatırladaq ki, aeroport əməkdaşları iş rejiminin ağır olmasından narazı olduqları üçün tətil elan ediblər.xeber100.com

5,9 bal gücündə zəlzələ baş verib

Salvador sahillərində 5,9 bal gücündə zəlzələ baş verib.Trend-in məlumatına görə, bu barədə ölkənin ətraf mühitin qorunması və təbii sərvətlər nazirliyinin "Twitter" səhifəsində deyilir.Bildirilir ki, zəlzələ ölkənin paytaxtı San-Salvadorda da hiss edilib.Avropa-Aralıq dənizi Seysmoloji Mərkəzi öz növbəsində bildirir ki, 5,7 bal gücündə zəlzələ Nikaraqua sahillərində baş verib.Yeraltı təkanların episentri Çinandeqa şəhərindən 77 kilometr qərbdə, ocağı isə 100 kilometr dərinlikdə yerləşib.xeber100.com

Litva Mərkəzi Seçki Komissiyasının məlumatı

Mayın 12-də Litvada prezident seçkiləri ilə yanaşı, qanuna edilməsi nəzərdə tutulan iki dəyişiklik barədə referendum da keçirilib.Azərtac ölkənin Mərkəzi Seçki Komissiyasının rəsmi məlumatına istinadla xəbər verir ki, Litva parlamentində mandat sayının 141-dən 121-ə salınması ilə bağlı referendumda cəmi 47,3 faiz seçici səs verib. Bu isə yetərli deyil. Qeyd edək ki, referendumda iştirak edən seçicilərin 34,8 faizi sayın azaldılmasının lehinə səs verib.Xarici ölkə vətəndaşlığı almış litvalıların ölkə vətəndaşlığının saxlanması ilə bağlı keçirilən referenduma qatılan seçicilərin sayı da yetərincə olmayıb. Referendumda iştirak edən seçicilərin 37,7 faizi ikili vətəndaşlığa müsbət baxdığını bildirsə də, bu rəqəm dəyişiklik üçün kifayət deyil.Ümumilikdə isə referendum baş tutmuş hesab olunub.xeber100.com

Prezident seçkilərinin ilk turu başa çatıb

Litvada mayın 12-də keçirilmiş prezident seçkilərinin ilk turu başa çatıb. İlkin hesablamalara əsasən ikinci tura Qitanas Nauseda və Saulyus Skvernelis çıxsalar da, səhər saatlarında verilən son açıqlamada nəticənin dəyişdiyi bildirilib.Azərtac xəbər verir ki, Mərkəzi Seçki Komissiyasının mayın 13-də saat 9.00-a olan son nəticələrinə əsasən mayın 26-da keçiriləcək prezident seçkilərinin ikinci turunda iki namizəd - sağ mərkəzçilər Qitanas Nauseda (30,95 faiz) və İnqrida Simonite (31,13 faiz) yarışacaq.Litvanın hazırkı Baş naziri Saulyus Skvernyalis çıxışında bildirmişdi ki, məğlub olacağı təqdirdə hazırkı vəzifəsindən də istefa verəcək. O, son nəticələrə görə 19,72 faiz səs toplaya bilib.xeber100.com

Meksika Prezidenti Milli İnkişaf Planını elan edib

Meksika Prezidenti Andres Manuel Lopes Obrador bu həftə yeni Milli İnkişaf Planını elan edib. Bu sənəddə narkotikləri leqallaşdırmağa çağırış da öz əksini tapıb. Planda, həmçinin qeyd edilir ki, Meksika narkotiklər haqqında milli qanunvericilikdə islahatlar aparmağı və Birləşmiş Ştatlarda da analoji qanunlar qəbul edilməsi barədə danışıqlar aparmağı nəzərdə tutur.Azərtac xəbər verir ki, Obradorun planına əsasən qeyri-qanuni narkotiklər leqallaşdırılacaq və onlara qarşı mübarizəyə sərf edilən vəsaitlər müalicə proqramlarının maliyyələşdirilməsinə yönəldiləcək. Prezident bildirib ki, narkotiklərə qarşı illər boyu aparılan beynəlxalq müharibə böyük faciələrə və neçə-neçə insanın həyatının itirilməsinə səbəb olub və müsbət nəticə verməyib. Obrador bu sahədə yeni strategiya qəbul edilməsi barədə dünya birliyi ilə, o cümlədən ABŞ ilə danışıqlar aparmağa çağırıb. Onun fikrincə, bu problemin həllinin yeganə real yolu narkotiklərin dekriminallaşdırılmasıdır.“Narkosiyasət üzrə beynəlxalq konsorsium”un keçən il dərc edilmiş hesabatında narkotiklərə qarşı mübarizə ilə bağlı zorakılığın qlobal miqyasda artması qeyd olunur. Sənəddə, həmçinin bildirilir ki, hazırda dünyadakı bütün məhbusların orta hesabla beş nəfərindən biri narkotiklərlə bağlı cinayətlər üzündən dəmir barmaqlıqlar arxasına düşüb. ABŞ-da bir neçə ştat, o cümlədən paytaxt Vaşinqtonun yerləşdiyi Kolumbiya dairəsi rekreasiya marixuananı leqallaşdırıb. Buna baxmayaraq, federal hökumət marixuananı hələ də qadağan olunmuş narkotik kimi təsnif edir.xeber100.com

Litvada prezident seçkilərində 2 min seçki məntəqəsi açılıb

Litvada yeddinci prezident seçkilərində bu gün yerli vaxtla saat 07:00-da təxminən 2 min seçki məntəqəsi açılıb.Trend-in məlumatına görə, eyni zamanda, ölkədə ikili vətəndaşlığın tətbiq edilməsi və deputatlar korpusunun 15% azaldılması ilə bağlı iki referendum keçirilir.Litvada 2.5 milyondan artıq vətəndaş səsvermə hüququna malikdir (ümumilikdə ölkədə 2,8 milyon insan yaşayır).Qeyd edək ki, Litvanın prezidenti postuna 9 namizəd var. Qələbə qazanmaq üçün namizəd 50% -dən çox səs toplamalıdır.xeber100.com

6,3 bal gücündə zəlzələ baş verib

Yaponiyanın Kyuşu adasının cənub-şərqində 6,3 bal gücündə zəlzələ baş verib.Trend-in məlumatına görə, yeraltı təkanların ocağı Miyadzaki prefekturası ərazisində 20 kilometr derinliyində yerləşib.Sunami təhlükəsi barədə elan olunduğuna baxmayaraq, xəbərdarlıq tez bir zamanda götürüldü.Zəlzələ nəticəsində xəsarət alanlar və dağıntılar barədə məlumat verilməyib.xeber100.com

ABŞ sanksiyaların siyahısını genişləndirib

ABŞ Venesuelaya qarşı sanksiyalar siyahısını genişləndirib.Milli.az bildirir ki, ABŞ Maliyyə Nazirliyinin yeni qərarı ilə Venesuelaya qarşı sanksiyalar siyahısın iki şirkət və iki tanker əlavə edilib.Sanksiyalar "Monsoon Navigation Corporation" və "Serenity Maritime Limited" şirkətlərinə, o cümlədən "Leon Dias" və "Ocean Elegance" tankerlərinə qarşı tətbiq edilib.xeber100.com

“Air France”nin məcburi eniş etməsinin səbəbi açıqlanıb

İranın İsfahan şəhərində "Air France" sərnişin təyyarəsinin məcburi eniş etməsinin səbəbi açıqlanıb.Trend-in məlumatına görə, səbəb ventilyasiya sistemində yaranan nasazlıq olub.Qeyd edək ki, Paris vaxtı ilə 17:00-da Paris - Mumbay reysini yerinə yetirən "A340" təyyarəsi İsfahanın beynəlxalq hava limanında məcburi eniş edib.Hadisə nəticəsində xəsarət alan olmayıb.xeber100.com

İranın Ali Milli Təhlükəsizlik Şurası bəyanat ünvanlayıb

İranın Ali Milli Təhlükəsizlik Şurası Hərtərəfli Birgə Fəaliyyət Planının üzvlərinə bəyanat ünvanlayıb.Trend-in məlumatına görə, bəyanatda deyilir ki, İran bu gündən etibarən nüvə sazişindəki bəzi addımlarını dayandıracaq.Əlavə olunur ki, İran hazırkı mərhələdə artıq zənginləşdirilmiş uranın və ağır su ehtiyatlarının saxlanılmasına dair məhdudiyyətlərə öhdəlikli olmayacaq.İranın Ali Milli Təhlükəsizlik Şurası Hərtərəfli Birgə Fəaliyyət Planında qalan ölkələrə nüvə sazişindəki, xüsusilə də bank və neft sektorlarında öz öhdəliklərini yerinə yetirmək üçün 60 gün vaxt verir.2016-cı il yanvar ayında İran və 5+1 qrupu (ABŞ, Rusiya, Çin, Britaniya, Fransa, Almaniya) arasında Hərtərəfli Birgə Fəaliyyət Planı icra olunub. ABŞ 2018-ci il may ayında nüvə sazişindən çıxdığını bəyan edib və noyabr ayında İrana qarşı sanksiyalar tətbiq edib.xeber100.com

“C-400” raket sistemlərinin istismarı üzrə təlimlər keçiriləcək

Türkiyə hərbçiləri Rusiyada “C-400” raket sistemlərinin istismarı üzrə təlimlər keçəcəklər.Hərbi-diplomatik mənbələrdən TASS agentliyinə verilən məlumata görə, mayın sonlarından başlayaraq 100-ə yaxın türk hərbçisi Rusiya ərazisindəki hərbi mərkəzlərdən birində “C-400” “Triumf” zenit raket sistemlərinin istismarına dair təlimlər keçəcək. Təlimlər 5 ay müddətində davam edəcək. Mənbənin məlumatına görə, Çin hərbi qulluqçuları da mart ayından başlayaraq bu raket sistemlərinin istismarını öyrənirlər. Türkiyə hərbçiləri Çin ordusu nümayəndələrinin ikinci qrupu ilə birgə təlimlər keçəcək.xeber100.com

Şimali Makedoniyada prezident seçkilərinin ikinci turu keçirilib

Xəbər verdiyimiz kimi, mayın 5-də Şimali Makedoniya Respublikasında prezident seçkilərinin ikinci turu keçirilib.Azərtac Şimali Makedoniyanın Dövlət Seçki Komissiyasının (DSK) rəsmi saytına istinadla xəbər verir ki, ölkə üzrə seçicilərin təxminən 46.7 faizdən çoxu səsvermədə iştirak edib.Hələlik səslərin 51.66 faizini toplayan Stevo Pendarovski liderdir. Bildirilir ki, DSK ən yaxın zamanda son nəticələri elan edəcək.Qeyd edək ki, Şimali Makedoniyanın Sosial Demokratlar Birliyinin namizədi olan Stevo Pendarovski ölkənin türk icması tərəfindən ciddi dəstəklənib.xeber100.com

“Şərq tərəfdaşlığı”nın 10 illik yubiley tədbirində…

Belarus prezidenti Aleksandr Lukaşenko "Şərq tərəfdaşlığı"nın yubiley tədbirinə qatılmayacaq.Milli.az xəbər verir ki, bu barədə Sputnik agentliyinin yaydığı məlumatda deyilir.Bildirilir ki, əvəzində Brüsellə Belarus xarici işlər naziri Vladimir Makey yollanacaq.Qeyd olunur ki, Lukaşenko "Şərq tərəfdaşlığı"nın 10 illik yubiley tədbirinə dəvət alsa da, sonda Brüsselə getməmək qərarına gəlib.Bununla belə Belarus XİN-in mətbuat katibi Anatoli Qlaz bildirib ki, yaxın zamanlarda "Şərq tərəfdaşlığı"nın əsas məqsəd və vəzifələrinin həyata keçirilməsi üçün şərait yaradılsa, Lukaşenkonun Brüsselə səfəri gerçəkləşə bilər.Qeyd edək ki, sözügedən tədbir Brüsseldə mayın 13-14-də keçiriləcək.xeber100.com