Fransa Milli Assambleyasında irəli sürülən votum qəbul edilməyib

Fransa Milli Assambleyasında hökumətə etimadsızlıqla bağlı sol yönümlü üç partiyaya mənsub 62 deputat tərəfindən irəli sürülən votum 70 səs çoxluğu ilə qəbul edilməyib.Azərtac xəbər verir ki, votumun qəbul edilməsi üçün 577 deputatdan 289-nun səsi tələb olunurdu.Assambleyada etimadsızlıq votumu ilə bağlı debatlarda Sosialist Partiyasının baş katibi Olivuer Forun “böhranı gizlətmək üçün Strasburq faciəsindən istifadə olunur” sözləri iqtidar partiyasının üzvləri tərəfindən kəskin etirazlarla qarşılanıb.xeber100.com

Rusiya Dövlət Duması yeni qanun layihəsini müzakirə edib

Rusiya Dövlət Duması KİV-lərdə və internetdə yanlış məlumatların (feyk xəbərlərin) yayılmasına görə cərimə tətbiq olunması barədə qanun layihəsini müzakirə edib. Layihədə, həmçinin xarici sosial şəbəkə operatorlarının Rusiyada öz nümayəndəliklərini yaratması məsələsi də yer alıb.Azərtac xəbər verir ki, qanun layihəsində KİV-lərdə və informasiya-kommunikasiya şəbəkələrində ictimai cəhətdən əhəmiyyət kəsb edən, vətəndaşların həyatı və sağlamlığı, həyati vacib obyektlərin, nəqliyyatın və sosial infrastrukturun fəaliyyətinin dayanması üçün təhlükə yaradan, habelə ictimai asayişin və təhlükəsizliyin kütləvi şəkildə pozulmasına səbəb olan yanlış məlumatların mötəbər informasiya kimi yayılmasına görə bir milyon rubladək (təxminən 25 min 500 manat) cərimə nəzərdə tutulur. Bundan əlavə, prokurorluq orqanlarına yanlış məlumat yaymış informasiya resursunun fəaliyyətinə məhdudiyyət qoyulması tələbi ilə müvafiq orqanlara müraciət etmək səlahiyyəti verilə bilər.xeber100.com

Avstraliya hökuməti Milli Kosmik Agentliyin yaradıldığını elan edib

Avstraliya hökuməti mənzil-qərargahı Adelaida şəhərində yerləşəcək Milli Kosmik Agentliyin yaradıldığını elan edib.Azərtac federal hökumətin saytına istinadla xəbər verir ki, yeni qurum üçün ilk mərhələdə 40 milyon dollardan çox vəsait ayrılacaq.Məsələyə aydınlıq gətirən Baş nazir Skott Morrison deyib: “Yeni agentlik milli biznes üçün yeni sahələr açmaqla bərabər, dünya kosmik bazarına çıxmağa imkan yaradacaq. Hökumətin ayıracağı 41 milyon dollar məbləğində investisiya ölkənin kosmik sahəsinin yaranması və inkişafı üçün yaxşı start meydançası rolunu oynayacaq və bizim hesablamalara görə, 12 milyard dollar məbləğində şəxsi investisiyaların cəlb edilməsi 2030-cu ilədək 20 min iş yerinin açılmasına səbəb olacaq”.2019-cu ilin ortalarından fəaliyyətə başlayacaq agentlik yalnız Cənubi Avstraliya ştatının paytaxtı üçün deyil, bütün region üçün inkişaf nöqtəsi olacaq. Buna həmin regionda artıq mövcud olan kosmik sənaye və müdafiə sahəsi də öz təsirini göstərəcək.xeber100.com

İranın İnsan Hüquqları üzrə Ali Şurası bəyanat verib

İranın İnsan Hüquqları üzrə Ali Şurası Fransada baş verən kütləvi ixtişaşlarla bağlı bəyanat verib.Azərtac xəbər verir ki, bəyanatda Parisdə və başqa böyük şəhərlərdə baş verən kütləvi aksiya iştirakçılarına qarşı polisin qəddarlıqla davranması tənqid edilib.Diqqətə çatdırılıb ki, sadə fransalılar ölkədəki iqtisadi çətinliklərə qarşı etiraz edərkən polisin zorakılığı ilə üzləşib. İnsanların kütləvi şəkildə həbs edilməsi demokratiya və insan hüquqları prinsiplərinə sığmır. Məhkəmə prosesi olmadan etirazçıların zindana atılması insan hüquqlarına dair bütün beynəlxalq konvensiyalara ziddir.Bəyanatda deyilir ki, BMT-nin İnsan Hüquqları Şurası xüsusi komissiya yaradaraq qanunsuz həbsləri araşdırmalı və insanların azad edilməsinə nail olmalıdır.Xatırladaq ki, noyabrın 17-də Parisdə yanacağın qiymətinin hökumət tərəfindən artırılmasına etiraz edən insanlar polisin zorakılığına məruz qalıblar. Bu səbəbdən də etirazlar bu günə kimi davam edir. Son məlumatlara görə həbs edilənlərin sayı 600 nəfəri ötüb.xeber100.com

Xəzər dənizində təhlükəsizlik məsələsi müzakirə ediləcək

İran, Azərbaycan, Rusiya, Qazaxıstan və Türkmənistan nümayəndələrinin iştirakı ilə dekabrın 20-də Tehranda Xəzər dənizində gəmiçiliyin təhlükəsizliyi məsələsi müzakirə ediləcək.İranın Dəniz və Limanlar Təşkilatının sədr müavini Hadi Haqşenas Azərtac–a bildirib ki, iclasda yükdaşımaların təhlükəsizliyinin təmin olunması ilə yanaşı, su sərhədinin nəzarətdə saxlanılması, əməkdaşlıq əlaqələrinin genişləndirilməsi və ekoloji problemlər də müzakirə ediləcək.xeber100.com

Yaponiya parlamenti yeni qanun layihəsini müzakirə edir

Parlamentin cari sessiyasının başa çatmaqda olduğu son günlərdə Yaponiyanın müxalif və iqtidar partiyaları arasında ölkəyə gələn əcnəbi işçilərin sayının artırılması haqqında qanun layihəsi geniş müzakirələrə səbəb olub.Azərtac xəbər verir ki, hakim koalisiya həmin qanun layihəsini yuxarı palatanın cümə günü keçiriləcək plenar sessiyasında səsverməyə çıxarılanadək müvafiq komitədən keçirməyə çalışır.Dekabrın 6-da qanun layihəsi yuxarı palatanın Baş nazir Şinzo Abenin də qatıldığı komitə iclasında müzakirə edilib. Deputatları bu qanun layihəsini dəstəkləməyə çağıran Ş.Abe parlamentə əcnəbi işçilərin sayının artırılmasını nəzərdə tutan proqram barədə daha ətraflı informasiya veriləcəyini vəd edib. Qanun layihəsi qəbul ediləcəyi təqdirdə, onun gələn ilin aprelində qüvvəyə minəcəyi gözlənilir.xeber100.com

5,7 bal gücündə zəlzələ baş verib

Dekabrın 6-da İndoneziyanın Lombok adasında 5,7 bal gücündə zəlzələ baş verib.Azərtac xəbər verir ki, bu barədə Avropa-Aralıq Dənizi Seysmoloji Mərkəzi məlumat yayıb.Yeraltı təkanların episentri Mataram şəhərindən 5 kilometr şimalda, ocağı 30 kilometr dərinlikdə yerləşib.Dağıntılar və zərərçəkənlər barədə məlumat verilmir.xeber100.com

“Brexit”lə əlaqədar referendum keçirilməsi üçün imza toplanıb

Böyük Britaniyada “Brexit”lə əlaqədar ikinci referendumun keçirilməsi üçün 1,5 milyon imza toplanıb.Azərtac xəbər verir ki, bununla əlaqədar ölkənin Nazirlər Kabinetinə ərizələr göndərilib.“Independent” qəzetinin başlatdığı “Son söz” kampaniyasında 1 milyon 75 min, “Xalqın səsi” kampaniyasında isə 337 min imza toplanıb.Səsvermənin nəticələri eks təhsil naziri Castin Qrininq, Liberal Demokrat Partiyasının lideri Vins Keybl və İşçi Partiyasından deputat Çuk Umuna tərəfindən təqdim olunub.Qeyd edək ki, Böyük Britaniyanın Avropa İttifaqının tərkibindən çıxması barədə Baş nazir Tereza Meyin təklif etdiyi saziş dekabrın 11-də parlamentdə səsverməyə çıxarılacaq. Həmin sənəd dekabrın 5-dən etibarən beş iş günü ərzində müzakirə olunacaq.xeber100.com  

France-Presse agentliyinin məlumatına görə…

Fransanın Baş naziri Eduar Filipp “sarı jiletlər”in etiraz aksiyaları fonunda benzinin vergisinin artırılmasına moratorium qoymağa hazırlaşır.France-Presse agentliyi xəbər verir ki, Baş nazir dekabrın 4-də “İrəli, Respublika” partiyasının deputatlarına ölkənin icra hakimiyyətinin qərarını elan edəcək. Moratorium bir neçə ay qüvvədə qalacaq və “digər barışıq tədbirləri ilə müşayiət olunacaq”.Bununla yanaşı, BFMTV telekanalı “sarı jiletlər”in problemin həlli yollarını müzakirə etmək üçün Eduar Filipplə görüşdən imtina etdikləri barədə məlumat yayıb.Xatırladaq ki, Fransada benzinin qiymətinin bahalaşmasına etiraz edən “sarı jiletlər” hərəkatının kütləvi aksiyaları noyabrın 17-də başlayıb. Ötən şənbə günü Parisin mərkəzi küçələrində keçirilən etiraz aksiyaları nümayiş iştirakçıları ilə polis arasında şiddətli toqquşmalarla müşayiət olunub. Fransa paytaxtını bürüyən iğtişaşlar nəticəsində 412 nəfər saxlanılıb, 133 nəfər, o cümlədən 23 polis əməkdaşı yaralanıb.xeber100.com

Birləşmiş Millətlər Təşkilatının hesabatında

Birləşmiş Millətlər Təşkilatının (BMT) strukturuna daxil olan Beynəlxalq Əmək Təşkilatının (BƏT) hesabatında bildirilir ki, hazırda dünyada müasir quldarlığın müxtəlif təzahürlərinin qurbanına çevrilən 40 milyona yaxın insan var.Azərtac BMT-nin rəsmi saytına istinadla xəbər verir ki, bu qurbanları zorakılıq, aldatma və hakimiyyət səlahiyyətlərindən sui-istifadə yolu ilə qula çevirirlər. Vurğulanır ki, onların 42 faizini “seks sənayesində” köləliyə cəlb olunmuş qızlar və qadınlar, 58 faizini isə “kölgə iqtisadiyyatının” müxtəlif sahələrində işləyənlər təşkil edir.BƏT bu hallarla mübarizə aparmaq üçün Məcburi Əmək haqqında Protokol hazırlayıb və bu sənəd 2016-cı ilin noyabrında qüvvəyə minib. Protokolda nəzərdə tutulan tədbirlər quldarlıqla effektiv mübarizədə mühüm rol oynayır. Bundan başqa, BƏT “Azadlıq uğrunda 50” kampaniyası çərçivəsində sənədə imza atmayan əlli dövləti də Protokola qoşulmağa çağırır.Beynəlxalq Qul Əməyi ilə Mübarizə Günü dekabrın 2-də qeyd olunur. 1949-cu ilin həmin günü BMT-nin Baş Assambleyası tərəfindən insan ticarəti ilə mübarizə haqqında Konvensiya qəbul olunub.xeber100.com

Avropa İttifaqı Statistika Bürosunun məlumatı

Fransa vergilərin artırılmasının səviyyəsinə görə Avropa İttifaqında birinci yerdədir.Avropa İttifaqı Statistika Bürosunun (Eurostat) məlumatına görə, ötən il Fransa vergi yükü üzrə (ümumi daxili məhsulun 48,4 faizi) birinci, Belçika (47,3 faizi) ikinci, Danimarka (46,5 faizi) isə üçüncü yerdə olub. İrlandiya məcburi vergi ödəmə yükünə görə (23,5 faiz) ən gəlirli ölkədir.Sosial ödəmələr Fransada 18,8 faiz təşkil edir. Bu göstərici Avropa İttifaqında orta hesabla 13,3 faizdir. Avropa İttifaqının 28 üzv ölkəsindən 15-də vergi yükü artıb, digər 13-də isə azalıb. Hazırda ölkədə yanacaq vergisinin əhəmiyyətli dərəcədə artmasına qarşı etiraz aksiyaları davam edir.

Turist vizalarının ləğv edilməsi məsələsi müzakirə edilir

Rusiya və İran arasında turist vizalarının ləğv edilməsi məsələsi müzakirə edilir.RİA Novosti agentliyi xəbər verir ki, bu barədə İranın energetika naziri və Rusiya-İran hökumətlərarası komissiyasının həmsədri Reza Ardakaian məlumat verib.R. Ardakaian deyib: “Biz turist vizalarının ləğv edilməsi barədə razılığa gəlmişik. İndi yalnız bu məsələ ilə əlaqədar imzalanmış sənədlərin icrasını reqlamentləşdirmək lazımdır”.Həmin reqlamentin hazırlanması bir-iki ay davam edə bilər.xeber100.com

Prezident seçkilərinin ikinci turu davam edir

Gürcüstanda prezident seçkilərinin ikinci turu davam edir. Seçici fəallığı saat 12:00 üçün 19,6 faiz təşkil edib.Azərtac xəbər verir ki, bu barədə Mərkəzi Seçki Komissiyasının mətbuat katibi Ana Mikeladze məlumat verib.O deyib ki, seçkilərin birinci turunun eyni göstəricisi ilə müqayisədə seçici fəallığı daha yüksəkdir. Seçkilərin oktyabrın 28-də keçirilmiş birinci turunda saat 12:00 üçün seçici fəallığı 15,95 faiz olub.xeber100.com

Birləşmiş Millətlər Təşkilatının yeni hesabatında…

BMT-nin Narkotik və Cinayətkarlıq üzrə İdarəsinin yeni hesabatında bildirilir ki, 2017-ci ildə öldürülən təxminən 87 min qadının yarısından çoxu öz partnyorları və ya ailə üzvləri tərəfindən qətlə yetirilib.Azərtac xəbər verir ki, təşkilatın dəyərləndirməsinə görə, hesabat dövründə bütün dünyada təxminən 50 min qadın öldürülüb. Bu, hər gün 137, hər saat isə 6 qadının qətlə yetirilməsi deməkdir.“Qətl qurbanlarının böyük əksəriyyətinin kişilər olmasına baxmayaraq, gender bərabərsizliyi, ayrı-seçkilik və neqativ stereotiplərin nəticəsi hələ də qadınlara baha başa gəlir”, - deyə idarənin icraçı direktoru Yuri Fedotov dərc olunmuş hesabata daxil edilən bəyanatda bildirir.Hesabat Qadın Zorakılığına qarşı Beynəlxalq Mübarizə Günündə dərc edilib. Tədqiqatların nəticəsi, həmçinin göstərir ki, Afrika və Amerika qitəsində yaşayan qadınlar öz partnyorları və ailə üzvləri tərəfindən qətlə yetirilmə riskinə daha çox məruz qalırlar.xeber100.com

Çexiyanın Maliyyə Nazirliyinin proqnozlarına görə…

Çexiyanın Maliyyə Nazirliyinin proqnozlarına görə, gələn il çex iqtisadiyyatının avrozona ölkələri səviyyəsində 85 faizə çatması ilə əlamətdar olacaq.Azərtac xəbər verir ki, ölkənin ötən il üçün göstəricisi 83 faiz olub, cari ildə isə 84 faiz həddinə çatmaq nəzərdə tutulur. Əgər artım tempi qorunub saxlanılarsa, 2019-cu ildə Çexiya bu göstəriciyə bir faiz də əlavə edə bilər.Bundan başqa, ölkədə qiymətlərin səviyyəsi də artır. 2017-ci ildə ölkənin orta göstəriciləri avrozona səviyyəsinin 66 faizini təşkil edib, 2019-cu ildə isə bu rəqəmin 71 faizə çatacağı gözlənilir.xeber100.com

6,4 bal gücündə zəlzələ baş verib

İranın qərbində yerləşən Kermanşah vilayətində 6,4 bal gücündə zəlzələ baş verib. İlkin məlumata görə, zəlzələ nəticəsində azı 70 nəfər xəsarət alıb.AZƏRTAC Anadolu informasiya agentliyinə istinadla xəbər verir ki, Tehran Universitetinin geofiziki seysmoloji mərkəzinin məlumatına əsasən, yeraltı təkanlar yerli vaxtla saat 20:07-də qeydə alınıb. Zəlzələnin episentri yerin 7 kilometr dərinliyində yerləşib.xeber100.com

İsveçrə Konfederasiyasında növbəti referendum keçirilib

Noyabrın 26-da İsveçrə Konfederasiyasında növbəti referendum keçirilib.İsveçrə Xalq Partiyasının (SVP) təşəbbüsü ilə milli hüququn beynəlxalq hüquqdan üstünlüyünü təsbit etməli olan qanun layihəsi əhali tərəfindən rədd edilib. Partiyanın apardığı kampaniyada İsveçrənin beynəlxalq saziş, müqavilə və konvensiyalarla bağlı müstəqil qərar verməsi, eləcə də beynəlxalq qurumlar tərəfindən qəbul edilmiş qərarlarda beynəlxalq hüquq deyil, milli hüququn üstün tutulması tələb olunurdu. Kampaniyanın konkret hədəfləri sırasında Avropa İnsan Haqları Məhkəməsinin qəbul etdiyi qərarlara İsveçrənin tabe olmaması hüququnun referendumla təsdiqlənməsi idi. Lakin səsvermədə iştirak edən əhalinin 67 faizi bu təşəbbüsə mənfi cavab verib.Eyni zamanda, əhali bir qrup təşəbbüsçü tərəfindən referenduma çıxarılan və fermerlərə buynuzlu mal-qara saxlamağa görə dövlət tərəfindən subsidiya verilməsi təklifini əks etdirən məsələyə də mənfi münasibət göstərib və səsvermədə iştirak edənlərin 54 faizi bu qanun layihəsinin əleyhinə səs veriblər.xeber100.com

Britaniyanın Aİ-dən çıxmasına dair razılaşma təsdiq edilib

Avropa İttifaqı (Aİ) tərkibində qalan dövlətlər Böyük Britaniyanın Aİ-dən çıxmasına dair razılaşma layihələrini (Brexit) təsdiq ediblər. RİA "Novosti" xəbər verir ki, bunu öz "Twitter" mikrobloqunda Avropa Şurasının rəhbəri Donald Tusk yazıb.xeber100.com

“Gallup International” təşkilatı sosioloji rəy sorğusu keçirib

“Gallup International” təşkilatı noyabrın 28-də Gürcüstanda keçiriləcək prezident seçkilərinin ikinci turu ilə əlaqədar “İmedi” televiziya kanalının sifarişi ilə sosioloji rəy sorğusu keçirib.Azərtac xəbər verir ki, respondentlərə “Əgər prezident seçkilərinin ikinci turu bu gün keçirilsəydi, kimə səs verərdiniz” sualı təqdim olunub.Rəyi soruşulanların 52 faizi müstəqil namizəd, hakim “Gürcü arzusu-demokratik Gürcüstan” partiyasının da dəstəklədiyi Salome Zurabişvili, 48 faizi isə “Vahid Milli Hərəkat” partiyasının namizədi Qriqol Vaşadzeyə səs verəcəklərini bildirib. Respondentlərin 37 faizi qərar vermədiyini, 9 faizi isə səsvermədə iştirak etməyəcəyini deyib.Noyabrın 16-dan 18-dək aparılmış rəy sorğusunda səsvermə hüququna malik 2400 vətəndaş iştirak edib.Qeyd edək ki, prezident seçkilərinin ikinci turunda mübarizə müstəqil namizəd Salome Zurabişvili və müxalifətin namizədi Qriqol Vaşadze arasında gedəcək.xeber100.com

ABŞ-ın Enerji İnformasiya Administrasiyasının məlumatı

ABŞ-ın neft ehtiyatları 447 milyon barrelə çatır.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ABŞ-ın xam neft ehtiyatları ötən hesabat həftəsində 4,9 milyon barrel artaraq 446,91 milyon barrelə yüksəlib. Bu, 2017-ci ilin dekabrından indiyədək maksimum göstəricidir.Bazar proqnozları isə ehtiyatların 2,9 milyon barrel çoxalacağı istiqamətində idi. Əvvəlki həftə ölkənin neft ehtiyatları 10,3 milyon barrel artmışdı.ABŞ-ın benzin ehtiyatları ötən hesabat həftəsində 1,3 milyon barrel azalaraq 225,3 milyon barrel olub. Bazar proqnozları da ehtiyatların barrel azalacağı istiqamətində idi.xeber100.com