“AGF Junior Trophy” adlı beynəlxalq turnirin ikinci günündə

24 Aprel 2018 12:40

Xəbər 82 dəfə oxunub

Aprelin 24-də Milli Gimnastika Arenasında gənc gimnastların iştirak etdikləri “AGF Junior Trophy” adlı beynəlxalq turnirin ikinci günündə 2003-2005-ci il təvəllüdlü gimnastların yaş qrupunda gimnastların fərdi çıxışlar üzrə qalib və mükafatçıları məlum olub.Azərtac xəbər verir ki, Azərbaycan təmsilçisi Dərya Farşbafşəhriyari 15.600 xal toplayaraq üçüncü yerin sahibi olub.İlk pillədə 17.750 xalla rusiyalı Lala Kramarenko, ikinci yerdə isə 16.000 xalla Belarus gimnastı Anna Kamenşçikova qərarlaşıb.Mükafatları Gənclər və İdman Nazirliyinin baş məsləhətçisi Rafiq Rzayev və Azərbaycan Gimnastika Federasiyasının meneceri Sevda Bağırova təqdim edib.Top üzrə yarışlarda Azərbaycan təmsilçisi Nərminə Səmədova 16.050 xal toplayaraq turnirin gümüş medalına sahib olub. Rusiya gimnastı Darya Trubnikova 17.650 xal toplayaraq qızıl medala layiq görülüb. Bolqarıstan təmsilçisi Tatyana Volojanina 15.850 xal toplayıb və bürünc medala layiq görülüb.Mükafatçılara medalları hakim Yevqeniya Jidkova, AGF-nin meneceri Fərhad Əhmədbəyli təqdim ediblər.Qeyd edək ki, ötən gün Azərbaycan yığması 89.250 xal toplayaraq turnirin bürünc mükafatına layiq görülüb. Turnirin qızıl və gümüş mükafatına müvafiq olaraq Rusiya (100.900) və Belarus (93.300) komandaları layiq görülüb.Azərbaycanlı gimnast Arzu Cəlilova hakimlər briqadası tərəfindən “Ən yüksək icra xalına görə” “AGF Trophy” mükafatına layiq görülüb.Xatırladaq ki, “AGF Junior Trophy” turniri 2018-ci il iyunun 1-dən 3-dək İspaniyanın Quadalaxara şəhərində baş tutacaq bədii gimnastika üzrə Avropa çempionatı formatında təşkil ediləcək.xeber100.com

Reklam

Avropa birinciliyində finalçılar müəyyənləşib

Rusiyanın Anapa şəhərində yeniyetmə boksçular arasında Avropa birinciliyində finalçılar müəyyənləşib. Azərbaycan millisinin yarımfinala yüksələn 3 üzvündən ikisi bu mərhələni də qələbə ilə başa vuraraq, çempionluq mübarizəsini davam etdirir.Bu barədə Azərtac-a Azərbaycan Boks Federasiyasından məlumat verilib.Belə ki, Əli Zamanov (48 kq) dördüncü qarşılaşmasında da rəqibinə şans verməyib. Ardıcıl olaraq, Hayk Alaberkyan (Ermənistan), Eduard Voskanyan (Rusiya) və Krasimir Churova (Bolqarıstan) qalib gələn həmyerlimiz yarımfinalda Mixail Taranudan (Moldova) üstün olub. O, finalda ingiltərəli Jo Makqraili sınağa çəkəcək.Çempionatda 80 kiloqram çəki dərəcəsində qüvvəsini sınayan Murad Allahverdiyev də finalda iştirak hüququ qazanıb. Türkiyəli Əmir Böyükdağa, belaruslu Vladislav Novikova qalib gələn boksçumuz finala gedən yolda rusiyalı Andrey Voyvodinə də gücünü göstərib. M.Allahverdiyev gərgin keçən döyüşdə qələbə qazanıb. Yığmamızın üzvü çempionluq üçün Patrik Myerslə (İrlandiya) qüvvəsini sınayacaq.Digər boksçumuz Əhməd Əhmədov (80 kq-dan yuxarı) isə bürünc medalla kifayətlənib. Serbiyalı Mixail Miliç və litvalı Edvin Ostapenkonu mübarizədən kənarlaşdıran ən ağır çəkili idmançımız macarıstanlı Levent Kissə uduzub. O, yarımfinalda yarışla vidalaşdığından 3-cü yeri tutub.Qeyd edək ki, Avropa birinciliyinə bu gün yekun vurulacaq.xeber100.com

Oktyabr 16, 2018 10:07

Güləş üzrə dünya çempionatının heyəti açıqlanıb

Oktyabrın 20-dən 28-dək Macarıstanın paytaxtı Budapeştdə keçiriləcək güləş üzrə dünya çempionatında iştirak edəcək yığmalarımızın heyəti açıqlanıb.Azərtac xəbər verir ki, oktyabrın 20-23-də sərbəst güləşçilər mübarizə aparacaqlar. Baş məşqçi Firdovsi Umudov, böyük məşqçi Zəlimxan Hüseynov və məşqçi Arif Abdullayevin rəhbərliyi altında Georgi Edişeraşvili (57 kq), Pərviz İbrahimov (61 kq), Hacı Əliyev (65 kq), Hacımurad Hacıyev (70 kq), Abubakr Abakarov (74 kq), Cəbrayıl Həsənov (79 kq), Murad Süleymanov (86 kq), Şərif Şərifov (92 kq), Aslanbek Alborov (97 kq) və Cəmaləddin Məhəmmədov (125 kq) mundialda qüvvələrini sınayacaqlar.Ayın 22-dən 25-dək xalça üzərinə qadın güləşçilər çıxacaqlar. Baş məşqçi Aslan Ağayev və məşqçi Rövşən Umudovun məsul yarışda şans verəcəyi heyətdə Mariya Stadnik (50 kq), Anjela Doroqan (53 kq), Alyona Kolesnik (57 kq), Tatyana Omelçenko (59 kq), Elmira Qəmbərova (62 kq), İrina Netreba (65 kq), Elis Manolova (68 kq) və Səbirə Əliyeva (76 kq) yer alacaqlar.Oktyabrın son günlərində (25-28) isə meydan yunan-Roma güləşçilərinin ixtiyarına veriləcək. Baş məşqçi Şaban Donat, böyük məşqçi Rövşən Bayramov, məşqçilər Emin Əhmədov və Turac Hüseynlinin rəhbərliyi altında Eldəniz Əzizli (55 kq), Murad Məmmədov (60 kq), Taleh Məmmədov (63 kq), Kamran Məmmədov (67 kq), Rəsul Çunayev (72 kq), Elvin Mürsəliyev (77 kq), Rafiq Hüseynov (82 kq), İslam Abbasov (87 kq), Orxan Nuriyev (97 kq) və Sabah Şəriəti (130 kq) uğur qazanmağa çalışacaqlar.Qeyd edək ki, dünya çempionatında hakimlərimizdən Hicran Şərifov, İntiqam Alıyev və Asif Şirəliyev ədaləti qoruyacaqlar.xeber100.com

Oktyabr 12, 2018 12:14

“Qəbələ” boks klubu “Leather Gloves” komandası ilə qarşılaşacaq

“Qəbələ” idman klubunun boksçuları Ukraynada təşkil olunan təlim-məşq toplanışını başa vurub. Oktyabrın 4-də başlayan hazırlıq prosesini yekunlaşdıran boksçularımız bu gün start götürəcək klublararası beynəlxalq turnirdə qüvvələrini sınayacaqlar.Azərtac xəbər verir ki, yarışa qatılan 4 komandanın iştirakı ilə püşkatma və çəki mərasimləri, həmçinin klub nümayəndələrinin qatıldığı mətbuat konfransı təşkil olunub. “Qəbələ”nin boks bölməsinin rəhbəri Fariz Məmmədov və baş məşqçi Ramiz Mirkamilov jurnalistlərin suallarını cavablandırıb, konfrans zalına toplaşanlara klubun boks bölməsi haqda, həmçinin nailiyyətlər və gələcək planlar barədə məlumat veriblər.Püşkün nəticələrinə görə, bu gün keçiriləcək ilk döyüşlərdə “Qəbələ”nin rəqibi “Leather Gloves” (Özbəkistan) klubu olacaq. Klubların 7 çəki dərəcəsindəki təmsilçiləri Krivoy-Roq şəhərindəki turnirdə üz-üzə gələcəklər. “Qırmızı-qaralar”ı rinqdə Cavid Çələbiyev (60 kq), Bəxtiyar Qazıbəyov (64 kq), Lorenso Sotomayor (69 kq), Kamran Şahsuvarlı (75 kq), Alfonso Dominqos (81 kq), Rahil Məmmədli (91 kq) və Asəf Aslanlıdır (91 kq-dan yuxarı) təmsil edəcəklər.Qarşılaşmaya Bakı vaxtı ilə saat 17:00-da start veriləcək. Digər matçda isə DKD (Gürcüstan) və yerli KB-75 klubları qarşılaşacaqlar. Qalib komandalar oktyabrın 12-də final, məğlub klublar isə 3-cü yer uğrunda matçda görüşəcəklər.xeber100.com

Oktyabr 11, 2018 13:21