Futbolçulardan ibarət Azərbaycan millisi İnkişaf turnirində iştirak edəcək

17 yaşadək futbolçulardan ibarət Azərbaycan millisi Belarusun paytaxtı Minskdə keçiriləcək İnkişaf turnirində iştirak edəcək. AFFA-nın rəsmi saytı xəbər verir ki, İlham Yadullayevin baş məşqçisi olduğu kollektiv Belarus, Özbəkistan və Tacikistan seçmələri ilə qarşılaşacaq. Görüşlər müvafiq olaraq, aprelin 23, 25 və 28-də təşkil olunacaq.xeber100.com  

“Fənərbağça” məğlub olduğu Yunanıstan “Olimpiakos”unu İstanbulda qəbul edəcək

Bu gün Konfrans Liqasında 1/4 final mərhələsinin cavab görüşləri keçiriləcək. Türkiyənin turnirdəki yeganə təmsilçisi “Fənərbağça” ilk matçda 2:3 hesabı ilə məğlub olduğu Yunanıstan “Olimpiakos”unu İstanbulda qəbul edəcək. Görüş Bakı vaxtı ilə saat 23:00-da start götürəcək. Konfrans Liqası 1/4 finalın digər oyunları 18 aprel 20:45. “Lill” – “Aston Villa” İlk oyun – 1:2 20:45. “Fiorentina” – “Viktoriya” İlk oyun – 0:0 23:00. PAOK – “Brügge” İlk oyun – 0:1.xeber100.com  

Badminton üzrə Azərbaycan milli komandası təlim-məşq toplanışı keçirir

Badminton üzrə Azərbaycan milli komandası Bakı İdman Sarayında təlim-məşq toplanışı keçirir. Hazırlıqda yığmanın baş məşqçisi Morteza Validarvinin rəhbərliyi altında 18 idmançı iştirak edir. Fevralın 8-dək davam edəcək məşqlərə Keişa Fatimə Zəhra, Nərmin Hüseynova, Fatimə Həsənzadə, Əminə İsmayılova, Leyla Camalzadə, Aysu Kərimzadə, Viktoriya Kumanyayeva, Era Maftuha, Nəzrin Mehralızadə, Həcər Nuriyeva, Nigar Səmədova, Sərxan Bağırov, Aqil Qabilov, Əli Gözəlov, Vaqif İsmayılov, Rəvan Niftəliyev, Edi Reski Dviçayo və Dikki Dvi Pangestu cəlb olunublar. Toplanış fevralın 8-11-də Bakı İdman Sarayında baş tutacaq “Azerbaijan International 2024” turnirinə hazırlıq xarakteri daşıyır. Qeyd edək ki, “Paris-2024” Yay Olimpiya Oyunlarına lisenziya xarakterli yarışda 49 ölkədən ümumilikdə 293 badmintonçu qüvvəsini sınayacaq.xeber100.com

UEFA Millətlər Liqası turnirinin 2024-2025-ci illər mövsümünün püşkatma mərasimi keçiriləcək

Fransanın paytaxtı Parisdə UEFA Millətlər Liqası turnirinin 2024-2025-ci illər mövsümünün püşkatma mərasimi keçiriləcək. Fevralın 8-də baş tutacaq mərasim Bakı vaxtı ilə saat 21:00-da start götürəcək. C Liqasında Kosovo, Bolqarıstan və Farer adaları ilə birlikdə 2-ci səbətdə yer alan Azərbaycan millisinin mümkün rəqibləri məlumdur. Yığma 1-ci səbətdən Rumıniya, İsveç, Ermənistan, Lüksemburq, 3-cü səbətdən Şimali Makedoniya, Slovakiya, Şimali İrlandiya, Kipr, 4-cü səbətdən isə Belarus, Estoniya, Latviya və Litva - Cəbəllütariq cütünün qalibi olacaq komandalardan ibarət qrupda yer alacaq. UEFA İcraiyyə Komitəsinin qərarına əsasən, C liqasının 1-ci səbətində yer alan Ermənistan seçməsi Azərbaycan millisinə rəqib ola bilməzxeber100.com

Azərbaycanlı beynəlxalq dərəcəli hakim Avropa Voleybol Konfederasiyasından təyinat alıb

Azərbaycanlı beynəlxalq dərəcəli hakim Eldar Əliyev Avropa Voleybol Konfederasiyasından (CEV) təyinat alıb. Türkiyə mətbuatı xəbər verir ki, o, kişi voleybolçular arasında Çağırış Kubokunun 1/4 final mərhələsinin cavab oyununu idarə edəcək. E.Əliyev Türkiyədə “Arkas Spor” və Yunanıstanın “Olimpiakos” komandası arasında keçiriləcək qarşılaşmada ikinci hakim vəzifəsini yerinə yetirəcək. İlk görüşdə qonşu ölkə rəqibinə 3:2 hesabı ilə məğlub olub. Qeyd edək ki, görüş fevralın 7-də Atatürk Voleybol İdman Kompleksində keçiriləcək.xeber100.com

“Real Madrid” futbol komandası futbolçusu ilə müqaviləni yeniləyib

İspaniyanın “Real Madrid” komandası futbolçusu Eder Militao ilə müqaviləni yeniləyib. Klubun rəsmi saytına istinadən xəbər verir ki, 26 yaşlı müdafiəçinin sözləşməsinin müddəti 2028-ci ilin yayınadək uzadılıb. Braziliyalı oyunçu zədə səbəbindən bu mövsüm cəmi bir matçda meydana çıxıb. Qeyd edək ki, Braziliya millisinin də formasını geyinən Eder Militao “Real Madrid”ə 2019-cu ildə Portuqaliyanın “Portu” klubundan transfer olunub.xeber100.com

Türkiyə Superliqasının XXII turunda daha üç oyun keçirilib

Futbol üzrə Türkiyə Superliqasının XXII turunda daha üç oyun keçirilib. Günün ilk matçında "Hatayspor" "Alanyaspor"u qəbul edib. Qarşılaşma 1:1 hesablı heç-heçə ilə yekunlaşıb. Günün digər görüşündə də "Beşiktaş" "Adanademirspor"la 0:0 hesablı bərabərliyə razılaşıb. "Pendikspor" isə evdə "Kasımpaşa"nı məğlub edib - 3:2. Bu nəticələrdən sonra "Beşiktaş" 36 xalla dördüncü, "Adanademirspor" 31 xalla altıncı, "Kasımpaşa" 30 xalla səkkizinci, "Alanyaspor" 26 xalla on ikinci, "Hatayspor" 22 xalla on dördüncü, "Pendikspor" isə 22 xalla on yeddinci pillədə qərarlaşıb. Qeyd edək ki, turnir cədvəlinə 54 xalla "Fənərbağça" başçılıq edir.xeber100.com

Asiya Kubokunda qrup mərhələsinin üçüncü turunun oyunları davam edir

Qətərdə təşkil olunan futbol üzrə Asiya Kubokunda qrup mərhələsinin üçüncü turunun oyunları davam edir. Ötən gün B və C qruplarında növbəti qarşılaşmalar keçirilib. B qrupunda iki matç baş tutub. Avstraliya və Özbəkistanın üz-üzə gəldiyi oyun 1:1 hesablı heç-heçə ilə yekunlaşıb. Bu nəticədən sonra Avstraliya 7 xalla qrup birincisi, Özbəkistan 5 xalla ikinci olaraq pley-offa adlayıb. Qrupun digər görüşündə Suriya Hindistana minimal hesabla qalib gəlib - 1:0. C qrupunda isə İran millisi Birləşmiş Ərəb Əmirliklərini 2:1 hesabı ilə üstələyərək maksimum xalla növbəti mərhələyə vəsiqəni təmin edib. Günün son qarşılaşmasında Fələstin yığması Honkonqu 3 cavabsız qolla məğlub edib. Qeyd edək ki, Asiya Kubokuna fevralın 10-da yekun vurulacaq.xeber100.com

Afrika Millətlər Kubokunun qrup mərhələsində üçüncü turun növbəti oyunları keçirilib

Futbol üzrə Afrika Millətlər Kubokunun qrup mərhələsində üçüncü turun növbəti oyunları keçirilib. C və D qruplarında baş tutan matçlardan sonra 1/8 finalın növbəti iştirakçıları bəlli olub. C qrupunda pley-off mərhələsinə çıxmağı daha əvvəl təmin edən Seneqal millisi Qvineya seçməsinə 2 cavabsız qolla qalib gəlib. Qrupun digər görüşündə isə Kamerun yığması Qambiyanı 3:2 hesabı ilə məğlub edərək növbəti raunda vəsiqə əldə edib. D qrupunda isə Anqola Burkina Fasonu 2:0 hesabı ilə üstələyərək pley-offa yüksəlib. Qrupun sensasiyası Mavritaniyanın Əlcəzairə 1:0 hesabı ilə qalib gəlməsi olub. Bu nəticə mavritaniyalıları tarixində ilk dəfə növbəti mərhələyə daşıyıb.xeber100.com

Futbol üzrə Azərbaycan Premyer Liqasının XIX turunda

Futbol üzrə Azərbaycan Premyer Liqasının XIX turunda qapılara cəmi 8 qol vurulub. Geridə qalan turda orta məhsuldarlıq 1,6-ya bərabər olub. Bu isə mövsümün antirekordudur. Cari çempionatda bunadək ən aşağı göstərici 9 top olub. Komandalar II, IX, XIV və XVIII turlarda bu qədər qol vurublar. Qeyd edək ki, XIX turda “Sabah” – “Neftçi”, “Səbail” – “Zirə” matçları qolsuz başa çatıb, “Kəpəz” “Turan Tovuz”a 2:1, “Sumqayıt” “Qəbələ”yə 1:0, “Qarabağ” isə “Araz-Naxçıvan”a 3:1 hesabı ilə qalib gəlib.xeber100.com

Həndbol Federasiyası: Azərbaycan çempionatlarında VII turun oyunları keçirilib

Həndbol üzrə Azərbaycan çempionatlarında VII turun oyunları keçirilib. Azərbaycan Həndbol Federasiyasının mətbuat xidmətindən bildiriblər ki, kişilərin yarışında tura “Dinamo” – “Azəryol” görüşü ilə start verilib. “AHF Arena”da keçirilən oyuna favorit qismində çıxan nominal qonaqlar etimadı doğruldublar. “Azəryol”un üstünlüyü ilə yadda qalan qarşılaşma 24:49 hesabı ilə başa çatıb. “Təhsil” – “İdman Akademiyası” matçı daha gərgin mübarizə şəraitində keçib. Fasiləyə 3 topluq üstünlüklə yollanan “Təhsil” qalan vaxtda rəqibin vəziyyəti dəyişməsinə imkan verməyib - 30:28. Maraqlı mübarizə vəd edən “Bakı” – “Kür” görüşündə isə qonaqların qələbəsinə inananlar yanılmayıblar. Yüksək əzmkarlıq nümayiş etdirən Mingəçevir həndbolçuları paytaxtdan uğurlu nəticə ilə dönməyi bacarıblar - 20:26. Qadın həndbolçuların çempionatında 7-ci tur “Bakı” – “Gənclər Birliyi” matçı ilə başlanıb. İlk hissədən təşəbbüsə yiyələnən paytaxtın eyniadlı komandası fasilədən sonrakı üstünlüyünü də tabloda əks etdirib - 35:25. “Kür” komandası da azarkeşlərini sevindirib. Mingəçevirin həndbolçuları növbəti qələbəni “İdman Akademiyası” ilə oyunda rəsmiləşdiriblər - 49:16. Yeddinci tura yanvarın 21-də keçiriləcək “Azəryol” – “Qarabağ” matçı ilə yekun vurulacaq.xeber100.com  

“Everton” və “Nottingem Forest” komandaları cəzalana bilər

İngiltərə Premyer Liqasında mübarizə aparan “Everton” və “Nottingem Forest” komandaları cəzalana bilər. İngiltərə mətbuatı xəbər verir ki, hər iki klub maliyyə feyr-pley qaydalarını pozmaqda şübhəli bilinir. Elita təmsilçilərinin özlərini müdafiə etmək üçün lazımi sənədləri hazırladığı iddia olunub. Qeyd edək ki, “Everton” 2021-2022-ci illər mövsümündə maliyyə feyr-pley qaydalarını pozduğu üçün ötən ilin noyabr ayında klubun aktivindən 10 xal silinib.xeber100.com

Azərbaycan milli komandaları Cənubi Koreyada təlim-məşq toplanışına start veriblər

Kişi və qadın taekvondoçulardan ibarət Azərbaycan milli komandaları Cənubi Koreyada təlim-məşq toplanışına start veriblər. Azərbaycan Taekvondo Federasiyasından verilən məlumata görə, Seul şəhərindəki Milli İdman Universitetində təşkil olunan hazırlıqda kişilərdən ibarət yığmanın baş məşqçisi Məmməd Abdullayevlə məşqçi Rəşad Abdullayevin rəhbərliyi altında Səyyad Dadaşov, Qaşım Maqomedov, Cavad Ağayev, Eltac Qafarov, Hamidreza Badrialiabadi və Milad Beigi Harçeqani iştirak edirlər. Qadınlardan ibarət milli komanda isə baş məşqçi Sun Mi Parkın rəhbərliyi altında hazırlıq keçir. Mütəxəssis məşqlərə Zemfira Həsənzadə, Məryəm Məmmədova, Minayə Əkbərova, Səmmərux Osmanova, Səidə Əliyeva və Fatimə Məcidovanı cəlb edib. Qeyd edək ki, toplanış “Paris-2024” Yay Olimpiya Oyunlarına lisenziya verən turnirlərə hazırlıq xarakteri daşıyır. Məşqlər yanvarın 27-dək davam edəcək.xeber100.com

Gənclər və İdman Nazirliyinin təşkilatçılığı ilə “Quba – İdman Paytaxtı 2024″ün açılış mərasimi keçirilib

Gənclər və İdman Nazirliyinin və Quba Rayon İcra Hakimiyyətinin birgə təşkilatçılığı ilə "Quba - İdman Paytaxtı 2024"ün açılış mərasimi keçirilib. Dövlət Himninin səsləndirilməsi ilə başlayan tədbirdə Azərbaycan Respublikasının ərazi bütövlüyünün bərpası uğrunda canlarını fəda etmiş şəhidlərin xatirəsi 1 dəqiqəlik sükutla yad edilib. Sonra "Quba - İdman Paytaxtı 2024"ün maskotu "Fuji" tamaşaçılara təqdim edilib. Bunun tarixi və əlamətdar hadisə olduğunu deyən Quba Rayon İcra Hakimiyyətinin başçısı İlqar Mahmudov Prezident İlham Əliyevin dəstəyi ilə regionlarda müasir standartlara cavan verən idman komplekslərinin tikildiyini vurğulayıb. Bölgədə 8 mindən artıq gəncin idmanla məşğul olduğunu söyləyən İ. Mahmudov idmançıların yerli və beynəlxalq yarışlarda qazandığı uğurlardan bəhs edib. Gənclər və idman naziri Fərid Qayıbov Quba Olimpiya İdman Kompleksində yaradılan yüksək şəraitdən danışıb. O, kompleksdə müxtəlif idman növləri üzrə təlim-məşq toplanışları və yarışların keçiriləcəyini diqqətə çatdırıb. Gimnastika üzrə Azərbaycan millisinin də hazırda Quba Olimpiya İdman Kompleksində hazırlıq keçdiyi bildirilib. Daha sonra nazir idman paytaxtının rəmzi açarını icra başçısına təhvil verib. Ardınca sambo üzrə dünya və Avropa çempionatlarının mükafatçısı Zaur Paşayev və peşəkar MMA döyüşçüsü, 4 qat dünya çempionu Vüqar Kərəmov çıxış ediblər. Onlar hazırda beynəlxalq arenada Azərbaycanı təmsil edən bütün idmançılara uğurlar arzulayıblar. Tədbir bədii hissə ilə davam edib. Müxtəlif idman növləri üzrə federasiyaların üzvlərinin paradından sonra respublikanın tanınmış incəsənət ustaları və müğənnilərinin iştirakı ilə möhtəşəm konsert proqramı təşkil olunub.xeber100.com

Voleybolçuların Yüksək Liqasında IX turun oyunlarının vaxtı bəlli olub

Qadın voleybolçuların Yüksək Liqasında IX turun oyunlarının vaxtı bəlli olub. Azərbaycan Voleybol Federasiyasından (AVF) verilən məlumata görə, yanvarın 16-da keçiriləcək qarşılaşmalar Bakı və Gəncə şəhərlərində baş tutacaq. Əvvəlcə meydana “Gəncə” və “Abşeron” komandaları çıxacaqlar. Bu görüş saat 15:00-da başlayacaq. Günün digər oyunlarında isə UNEC “Murov Az Terminal”ı, “Azərreyl” isə Gənclər və İdman Nazirliyinin Voleybol Mərkəzində “Milli Aviasiya Akademiyası”nı qəbul edəcək. Hər iki görüş saat 18:00-da başlayacaq.xeber100.com

“Qarabağ” futbol klubu yeni rekorda imza atıb

“Qarabağ” klubu Azərbaycan çempionatları tarixində yeni rekorda imza atıb. Peşəkar Futbol Liqasının (PFL) saytına istinadən xəbər verir ki, Ağdam klubu eyni rəqiblə oyunlarda ən çox qol vuran komanda olub. Belə ki, matçdakı sonuncu qolun müəllifi Hamidu Keyta “Köhlən atlar”ın derbidəki 120-ci qoluna imza atıb. Qurban Qurbanovun yetirmələri bu göstəriciyə 93-cü matçda çatıb. Bu görüşədək rekord “Neftçi”yə məxsus idi. Bakılılar “Şamaxı” ilə qarşılaşmalarda 119 qol vurub. Qeyd edək ki, “Qarabağ” bu oyunda “Neftçi”yə 2:0 hesabı ilə qalib gəlib.xeber100.com

Azərbaycan Basketbol Federasiyası: Azərbaycan Kubokunun püşkatma mərasimi keçirilib

Basketbol üzrə Azərbaycan Kubokunun püşkatma mərasimi keçirilib. Azərbaycan Basketbol Federasiyasından verilən məlumata görə, mart və aprel aylarında "Sərhədçi" İdman Mərkəzində təşkil olunacaq yarışda 10 komanda iki yarımqrupda mübarizə aparacaq. A qrupunda "Neftçi", "Xəzri", "Cəlilabad", "Xırdalan" və "Sumqayıt", B qrupunda isə "Sabah", "NTD-İndiqo ", "Sərhədçi", "Gəncə" və "Şəki" klubları yer alıblar. Qrup oyunları dairəvi sistemdə keçiriləcək və ilk iki yeri tutmuş komandalar yarımfinala vəsiqə qazanacaqlar. Qeyd edək ki, basketbol üzrə Azərbaycan Kubokunun reqlamentinə əsasən, oyun zamanı meydançada mütləq şəkildə 3 yerli basketbolçu olmalıdır.xeber100.com

Türkiyə Respublikasının 100-cü ildönümünə həsr olunmuş beynəlxalq futbol turniri keçirilib

Noyabrın 23-27-də Antalyada Türkiyə Respublikasının 100-cü ildönümünə həsr olunmuş beynəlxalq parlamentlərarası futbol turniri keçirilib. Milli Məclisin Mətbuat və ictimaiyyətlə əlaqələr şöbəsindən bildirilib ki, turnirdə Türkiyə, Azərbaycan, Rumıniya, Bolqarıstan, Bosniya və Herseqovina, Macarıstan və Gürcüstan parlamentlərinin komandaları iştirak ediblər. B qrupunda mübarizə aparan Milli Məclisin komandası ümumilikdə 4 oyunda 3 qələbə qazanaraq yarışı bürünc medallarla başa vurub. Komandamızın yeganə məğlubiyyəti yarışı çempion kimi tamamlayan Rumıniya kollektivinə qarşı olub.xeber100.com

Azərbaycan Kubokunda II təsnifat mərhələsinin hakim təyinatları açıqlanıb

Futbol üzrə Azərbaycan Kubokunda II təsnifat mərhələsinin hakim təyinatları açıqlanıb. Peşəkar Futbol Liqasının rəsmi saytı xəbər verir ki, FIFA referilərindən Əliyar Ağayev “Kəpəz” – “Baku Sportinq” matçını, Rauf Cabbarov isə “Kür-Araz” – “Araz-Naxçıvan” görüşünü idarə edəcək. Bu raundun qarşılaşmaları üç günü əhatə edəcək. Azərbaycan Kuboku II təsnifat mərhələsi 28 noyabr (çərşənbə axşamı) 13:30. “Karvan” – “Difai Ağsu” Hakimlər: Rauf Allahverdiyev, Elşad Abdullayev, Səbuhi Sultanov, Elvin Bayramov Hakim-inspektor: Ömər Paşayev AFFA nümayəndəsi: Mübariz Hüseynov Yevlax şəhər stadionu. 13:30. “Araz Saatlı” – “İrəvan” Hakimlər: Kamal Umudlu, Şirmamed Mamedov, Kərim Zeynalov, Əkbər Əhmədov Hakim-inspektor: Asim Xudiyev AFFA nümayəndəsi: İlham Əliyev Saatlı OİK stadionu. 13:30. MOİK – “Cəbrayıl” Hakimlər: İnqilab Məmmədov, Kamran Bayramov, Rahil Ramazanov, Rövşən Rəcəbov Hakim-inspektor: Ramil Diniyev AFFA nümayəndəsi: Rüfət Əmirov Binə qəsəbə stadionu. 15:00. “Şəfa” – “Səbail” Hakimlər: Əli Əliyev, Asiman Əzizli, Tərlan Talıbzadə, Fəridə Lütfəliyeva Hakim-inspektor: Barış Şimşek AFFA nümayəndəsi: Elman Musayev “ASCO Arena”. 17:00. “Turan Tovuz” – “Göygöl” Hakimlər: Tural Qurbanov, Müslüm Əliyev, Vüsal Məmmədov, Şamil İmanzadə Hakim-inspektor: Orxan Məmmədov AFFA nümayəndəsi: Anar Şixəliyev Tovuz şəhər stadionu. 29 noyabr (çərşənbə) 13:30. “Şahdağ Qusar” – “Qaradağ Lökbatan” Hakimlər: Rəvan Həmzəzadə, Eyyub İbrahimov, Samir Qaracayev, İslam Məmmədov Hakim-inspektor: Anar Salmanov AFFA nümayəndəsi: Azər Əsgərov Şamaxı OİK stadionu. 13:30. “Kəpəz” – “Baku Sportinq” Hakimlər: Əliyar Ağayev, Zeynal Zeynalov, Akif Əmirəli, Namiq Bəkirov Hakim-inspektor: Zöhrab Qədiyev AFFA nümayəndəsi: Nəriman Axundov Tovuz şəhər stadionu. 15:00. “Kür-Araz” – “Araz-Naxçıvan” Hakimlər: Rauf Cabarov, Namiq Hüseynov, Vüqar Bayramov, Emin Əliyev Hakim-inspektor: Babək Quliyev AFFA nümayəndəsi: Kifayət Mustafayeva “Dalğa Arena”. 18:00. “Lerik” – “Sumqayıt” Hakimlər: Nicat İsmayıllı, Cəmil Quliyev, Orxan İbişov, Səbuhi Bayramov Hakim-inspektor: Vüsal Əliyev AFFA nümayəndəsi: Elgiz Abbasov “Kapital Bank Arena”. 30 noyabr (cümə axşamı) 13:30. “Zaqatala” – “Şamaxı” Hakimlər: Fərid Hacıyev, Taleh Məmmədov, Qəzənfər Məmmədov, Mahmud Bağırzadə Hakim-inspektor: Əmrah İbrahimov AFFA nümayəndəsi: Erkin Hüseynov Zaqatala OİK stadionu. 13:30. “İmişli” – “Mingəçevir” Hakimlər: Kamran Əliyev, Zöhrab Abbasov, Teymur Teymurov, Murad Səlimli Hakim-inspektor: Rəhim Həsənov AFFA nümayəndəsi: Seymur Səlimli.xeber100.com

BMT Baş Assambleyası Paris Oyunları dövründə Olimpiya barışığı elan edilməsinə çağırıb

BMT Baş Assambleyası növbəti il Fransa paytaxtında keçiriləcək Olimpiya Oyunları dövründə barışığa əməl edilməsi ilə bağlı ölkələrə çağırış ehtiva edən qətnamə qəbul edib. BMT Baş Assambleyasının bu sənədini 2024-cü il Olimpiya Oyunları təşkilat komitəsinin rəhbəri Toni Estange Parisdə təqdim edib. O deyib: “Olimpiya Oyunları idmanın gücünün ən yaxşı təcəssümüdür, çünki onlar qlobal dəyərlər kimi tolerantlıq, hörmət və qarşılıqlı mübadilə nümayiş etdirir. Müasir Olimpiya Oyunlarının dirçəlişi ilə əlaqəli bir ölkə 100 illik fasilədən sonra 33-cü Yay Olimpiya Oyunları və sayca 17-cisi keçiriləcək Paralimpiya Oyunlarına ilk dəfə ev sahibliyi edəcək... Mən Parisdə 2024-cü il Paralimpiya və Olimpiya Oyunları kontekstində daha yaxşı idman dünyası üçün qətnaməni təqdim etməkdən şərəf duyuram”. Təqdim olunan “İdman və Olimpiya ideallarının təcəssümü vasitəsilə planetdə sülhün bərqərar olması və daha xoşbəxt həyatın qurulması” adlı qətnamə doqquz bənddən ibarətdir. Birincisi, Olimpiadanın açılışına yeddi gün qalmış başlayan və Paralimpiya Oyunlarının bağlanış mərasimindən yeddi gün sonra başa çatan müddət ərzində Olimpiya barışığına hörmət etməyə, habelə idmançıların, rəsmi nümayəndələrin və bütün digər akkreditə olunmuş şəxslərin təhlükəsiz keçidini, girişini və iştirakını təmin etməyə çağırışdır. Bundan əlavə, sənəddə "idman potensialını maksimum dərəcədə artırmaq məqsədilə üzv ölkələr, BMT, eləcə də ixtisaslaşmış qurumlar, fondlar və proqramlar, Beynəlxalq Olimpiya Komitəsi və Beynəlxalq Paralimpiya Komitəsi arasında əməkdaşlıq alqışlanır".xeber100.com