“Qarabağ” və “Olimpiya” arasında keçiriləcək oyununun hakimləri açıqlanıb

UEFA Avropa Liqasının pley-off mərhələsində “Qarabağ” və Sloveniyanın “Olimpiya” komandası arasında Bakıda keçiriləcək cavab oyununun hakimləri açıqlanıb. Qitə futbol qurumunun rəsmi saytı xəbər verir ki, Tofiq Bəhramov adına Respublika stadionunda oynanılacaq matç İspaniyadan olan hakimlər briqadasına tapşırılıb. Qarşılaşmanı Alexandro Ernandes idarə edəcək. Ona yan xətt hakimləri Xose Naranyo və Dieqo Sançes Royo köməklik göstərəcəklər. Dördüncü hakim isə Alexandro Munyis Ruis olacaq. Qeyd edək ki, avqustun 31-də keçiriləcək görüş saat 20:00-da başlayacaq. İlk oyun isə avqustun 24-də Lyublyanada baş tutacaq.xeber100.com

Boks üzrə yeniyetmələrdən ibarət Azərbaycan milli komandası yeni rekord vurub

Boks üzrə yeniyetmələrdən ibarət Azərbaycan milli komandası yeni rekord vurub. Federasiyadan verilən məlumata görə, komandamız bu uğura Belarusda keçirilən II MDB Oyunlarında imza atıb. Yığmanın heyətində Aynur Mikayılova (54 kq), Məhəmmədəli Qasımzadə (60 kq), Ziya Həsənov (71 kq) və Fərhad Şeydayev (75 kq) gümüş medal qazanıb. Ömər Aslanlı (54 kq), Aslan Quliyev (63,5 kq), Lalə Mədətova (48 kq), Aysu İsmayılova (50 kq), Nərmin Əlizadə (52 kq) və Qızbəs İsgəndər (60 kq) Oyunları bürünc mükafatla bitiriblər. Bununla da I MDB Oyunları ilə müqayisədə medalların sayında ikiqat yüksəliş qeydə alınıb. Komanda 4 gümüş və 6 bürünc medal əldə etməklə ikinci ilki də rəsmiləşdirib. Boksçularımız mükafat sayı ilə yanaşı, medalların əyarında da rekord müəyyənləşdirib. Bundan əlavə, Orşa şəhərində baş tutan yarışda qızlardan ibarət yığma 3 medalı 5-ə, oğlanlardan ibarət komanda 2 mükafatı 5-ə yüksəldib. 2 il öncə Rusiyanın Kazan şəhərində keçirilmiş I MDB Oyunlarında isə boksçularımızın qazancı 5 “bürünc” olub. Belarusda, həmçinin 4 gümüş medal əldə etməklə, mükafatların əyarında da ilk yaşanıb.xeber100.com  

Azərbaycan Premyer Liqasının oyunlarını idarə edəcək hakimlər açıqlanıb

Azərbaycan Premyer Liqasının III turunun oyunlarını idarə edəcək hakimlər açıqlanıb. Peşəkar Futbol Liqasının rəsmi saytına istinadən xəbər verir ki, turun mərkəzi qarşılaşması hesab olunan “Sabah”–“Neftçi” matçı FİFA referisi ƏIiyar Ağayevə tapşırılıb. Azərbaycan Premyer Liqası III tur 18 avqust (cümə) 17:00. “Kəpəz” – “Turan Tovuz” Hakimlər: Cavid Cəlilov, Zöhrab Abbasov, Şirmamed Mamedov, Əli Əliyev VAR: Rəşad Əhmədov AVAR: Cavanşir Yusifov Hakim-inspektor: Babək Quliyev AFFA nümayəndəsi: Seymur Səlimli Gəncə şəhər stadionu. 19 avqust (şənbə) 18:00. “Qəbələ” – “Sumqayıt” Hakimlər: Kamranbəy Rəhimov, Kamran Bayramov, Rəhman İmami, Kamran Əliyev Hakim-inspektor: Munis Abdullayev AFFA nümayəndəsi: Mübariz Hüseynov Qəbələ şəhər stadionu 20:00. “Səbail” – “Zirə” Hakimlər: İnqilab Məmmədov, Namiq Hüseynov, Teymur Teymurov, Fərid Hacıyev Hakim-inspektor: Rəhim Həsənov AFFA nümayəndəsi: Rüfət Əmirov “ASCO Arena” 20 avqust (bazar) 18:00. “Qarabağ” – “Araz-Naxçıvan” Hakimlər: Nicat İsmayıllı, Cəmil Quliyev, Eyyub İbrahimov, Kamal Umudlu Hakim-inspektor: Asim Xudiyev AFFA nümayəndəsi: Əsgər Əmirəliyev “Azersun Arena” 20:00. “Sabah” – “Neftçi” Hakimlər: Əliyar Ağayev, Zeynal Zeynalov, Elşad Abdullayev, Rauf Cabarov Hakim-inspektor: Barış Şimşek AFFA nümayəndəsi: Elgiz Abbasov “Bank Respublika Arena”xeber100.com

“Neftçi” və “Sabah” futbol klubları növbəti oyunlarına çıxacaqlar

Bu gün UEFA Konfrans Liqasında III təsnifat mərhələsinin cavab oyunları keçiriləcək. Azərbaycanın turnirdəki təmsilçiləri “Neftçi” və “Sabah” növbəti oyunlarına çıxacaqlar. Hər iki komanda rəqibi ilə səfərdə üz-üzə gələcək. “Neftçi” Türkiyədə “Beşiktaş”ın qonağı olacaq. Ötən həftə Bakıda 1:3 hesabı ilə məğlub olan “ağ-qaralar”ın İstanbulda bunun əvəzini çıxmaq şansı o qədər də yüksək deyil. “Sabah” isə öz meydanında iki cavabsız qolla üstələdiyi Serbiya “Partizan”ı ilə Belqradda qarşılaşacaq. Murad Musayevin kollektivi avrokuboklardakı debüt mövsümündə daha bir mərhələ adlamağa yaxındır.xeber100.com

UEFA Konfrans Liqasının III təsnifat mərhələsində

Bu gün Türkiyədə “Beşiktaş” və “Neftçi” arasında keçiriləcək UEFA Konfrans Liqasının III təsnifat mərhələsinin cavab oyununun başlama saatı dəyişdirilib. Görüş əvvəldən planlaşdırıldığı kimi Bakı vaxtı ilə saat 21:00-da başlamayacaq. Qarşılaşma nəzərdə tutulan vaxtdan 1 saat gec başlayacaq. Dəyişikliyin hansı səbəbdən edildiyi hələlik açıqlanmayıb. Qeyd edək ki, komandalar arasında Bakıda keçirilmiş ilk matçda “Neftçi” rəqibinə 1:3 hesabı ilə uduzub.xeber100.com

Beynəlxalq Cüdo Federasiyası: Beynəlxalq cüdo turniri keçiriləcək

Beynəlxalq Cüdo Federasiyasının (BCF) qərarı ilə “Dünya Cüdo Turu” çərçivəsində bu il 22-24 sentyabrda Bakıda keçiriləcək Böyük dəbilqə yarışı Ümummilli Lider Heydər Əliyevin anadan olmasının 100-cü ildönümünə həsr ediləcək. Azərbaycan Cüdo Federasiyasından verilən məlumata görə, rəsmi olaraq “Heydar Aliyev Baku Grand Slam 2023” adlandırılacaq yarış Milli Gimnastika Arenasında baş tutacaq. Turnirdə 60-dan çox ölkədən 350-dən artıq idmançının iştirak etməsi gözlənilir. Yarışın dünyanın 100-dən çox ölkəsinə canlı yayımlanması planlaşdırılır. BCF-in çox istisna hallarda icazə verdiyi bu hal Ümummilli Lider Heydər Əliyevin ölkəmizdə idmanın və cüdonun inkişafına verdiyi əvəzedilməz töhfənin beynəlxalq idman ictimaiyyəti tərəfindən də tanındığını göstərir. “Biz çox şadıq ki, ölkəmiz yenidən Bakı Böyük dəbilqə turnirinə ev sahibliyi edəcək. Bakı Böyük dəbilqə turnirinin Ümummilli Lider Heydər Əliyevin anadan olmasının 100-cü ildönümünə həsr edilməsi bizim üçün böyük şərəfdir və tədbirin ən yüksək səviyyədə təşkili üçün Azərbaycan Cüdo Federasiyası olaraq əlimizdən gələni edəcəyik. Bu turnir idmançılara öz bacarıqlarını nümayiş etdirmək və yüksək səviyyədə yarışmaq üçün gözəl imkan yaratmaqla yanaşı, həm də onlara öz azarkeşləri qarşısında bunu etməyə imkan verir və bu da əvəzolunmaz təcrübədir. Dünyanın hər bir yerindən cüdoçuların ölkəmizə gəlməsini səbirsizliklə gözləyirik”, - Azərbaycan Cüdo Federasiyasının baş katibi Rəşad Rəsullu bildirib.xeber100.com

Bu gün UEFA Superkubokunun qalibi müəyyənləşəcək

Bu gün UEFA Superkubokunun qalibi müəyyənləşəcək. Matç “Mançester Siti” və “Sevilya” komandaları arasında Yunanıstanın paytaxtı Afina şəhərində “Georgios Karaiskakis” stadionunda keçiriləcək. Qarşılaşma Bakı vaxtı ilə 23:00-da baş tutacaq. Qeyd edək ki, “Mançester Siti” tarixində ilk dəfə UEFA Superkubokunda mübarizə aparacaqsa, İspaniya təmsilçisi 6-cı dəfə bu titulu əldə etməyə çalışacaq. “Sevilya” indiyədək bir dəfə, 2006-cı ildə “Barselona”nı 3:0 hesabı ilə məğlub edərək Superkuboku qazanıb.xeber100.com

U-17 Liqasında 2023/2024 mövsümünün püşkü atılıb

AFFA Gənclər Liqası və U-17 Liqasında 2023/2024 mövsümünün püşkü atılıb. AFFA-nın rəsmi saytı xəbər verir ki, püşkatma mərasimində milli assosiasiyanın baş katibinin müavini Kamran Vəliyev, qurumun Texniki Direktoru Cahangir Həsənzadə, Məşqçilər Komitəsinin üzvü Yaşar Vahabzadə və klub nümayəndələri iştirak ediblər. Gənclər Liqasında 11 komanda mübarizə aparacaq və mövsüm üç dövrədən ibarət olacaq. Hər turda bir komanda istirahət edəcək. I turun təqvimi 19-20 avqust “Səbail” PFK – “Neftçi” PFK “Qarabağ” FK – “Zirə” PFK “Sabah” FK – İCBFA “Araz-Naxçıvan” PFK – “Qəbələ” İK “Kəpəz” PFK – “Turan Tovuz” PFK “Sumqayıt” bu tur istirahət edəcək. 14 komandanın mübarizə aparacağı AFFA U-17 Liqası üç dövrədən ibarət olacaq. Birinci turun oyunları 26-27 avqustda keçiriləcək. I turun təqvimi 26-27 avqust “Sumqayıt” FK – EFA “Zirə” PFK – “Turan Tovuz” PFK “Neftçi” İK İB – İCBFA “Sabah” FK – “Universal” FA “Səbail” PFK – “Qarabağ” FK “Neftçi” PFK – “Kəpəz” PFK “Qəbələ” İK – “Araz-Naxçıvan” PFKxeber100.com

Futbolçular arasında keçirilən dünya çempionatının finalçıları bəlli olub

Avstraliyada qadın futbolçular arasında keçirilən dünya çempionatının finalçıları bəlli olub. Sidneydəki “Avstraliya” stadionunda baş tutan ikinci yarımfinal oyununda Avstraliya və İngiltərə milli komandaları qarşılaşıblar. Rəqibinə 3:1 hesabı ilə qalib gələn Avropa təmsilçisi finala vəsiqə qazanaraq İspaniyaya rəqib olub. Qeyd edək ki, həlledici qarşılaşma avqustun 20-də keçiriləcək.xeber100.com

Dünya Kubokunda 1/8 final mərhələsinin cavab oyunları keçirilib

Bakıda keçirilən şahmat üzrə Dünya Kubokunda 1/8 final mərhələsinin cavab oyunları keçirilib. Azərbaycan şahmatçısı Nicat Abasov qara fiqurlarla Birləşmiş Ərəb Əmirliklərinin təmsilçisi Saleh Salemlə qarşılaşıb. İlk partiyada olduğu kimi cavab oyununda da Nicat Abasov qələbə qazanıb. Bununla da Azərbaycan şahmatçısı karyerasında ilk dəfə Dünya Kubokunda 1/4 finala vəsiqə qazanıb. Şahmatçımızın növbəti rəqibi Yan Nepomnyaşi (FIDE) - Santoş Vidit (Hindistan) cütünün qalibi olacaq.xeber100.com