“Linkoln” komandası Çempionlar Liqasının birinci təsnifat mərhələsində

Cəbəllütariqin “Linkoln” komandası Çempionlar Liqasının birinci təsnifat mərhələsində Ağdamın “Qarabağ” klubuna qarşı keçirəcəyi oyunlar üçün iştirak ərizəsini UEFA-ya göndərib. Komanda 22 futbolçu sifariş edib. Heyətdə qapıçılar - Deyl Kolinq, İvan Villanueva, Nauset Santana, müdafiəçilər - Roy Çipolina, Bernardu Lopeş, İtan Britto, İbrahim Ayu, Con Sarcent, Xesus Toskano, yarımmüdafiəçilər - Xuampe, Qrem Torilya, Cumaney Börnet, Marko Rosa, Mandi, Liam Uoker, Mustafa Yahaya, Samson Acayi, hücumçular - Santi Luke, Kike Qomes, Nano, Li Kasyaro və Xuan Penya yer alıblar. Qeyd edək ki, “Qarabağ” klubu “Linkoln”a qarşı ilk matçını iyulun 11-də səfərdə, cavab görüşünü isə iyulun 19-da evdə keçirəcək.xeber100.com

Dünya çempionatının seçmə mərhələsi çərçivəsində

Bakının ilk dəfə ev sahibliyi etdiyi çimərlik futbolu üzrə dünya çempionatının Avropa üzrə əsas seçmə mərhələsi zamanı bu sahəyə marağı olan bir qrup autizmli və Daun sindromlu uşaqlar peşəkar futbolçularla xüsusi təlim-məşq oyununda görüşüblər. “Hər şey mümkündür” adlı sosial layihə çərçivəsində təşkil olunmuş oyunda 20-ə yaxın uşaq iştirak edib. Tədbirə Xüsusi Olimpiya və Milli Paralimpiya komitələrinin nümayəndələri, Dünya Çimərlik Futbolu Təşkilatı, Azərbaycan Çimərlik Futbolu Federasiyasının rəsmiləri də qatılıblar. Oyun Bakı Su İdman Sarayı nəzdində fəaliyyət göstərən Avropa Oyunları Parkında baş tutub. Bir saata yaxın davam edən matçda qonaqlar fiziki məhdudiyyətlərə baxmayaraq müxtəlif Avropa yığmalarının futbolçular ilə yarışıb, idmanın bütün maneələri yıxmağa qadir olduğunu bir daha sübut ediblər. İdmanla məşğul olmaq fiziki qabiliyyətindən asılı olmayaraq fərdlərdə özünə inam yaradır və şəxsi inkişafa töhfə verir. Qeyd edək ki, Gənclər və İdman Nazirliyi, Bakı Şəhər Halqası Əməliyyat Şirkəti (BŞH) və Azərbaycan Futbol Federasiyaları Assosiasiyasının (AFFA) təşkilatçılığı ilə baş tutan seçmə mərhələ iyulun 9-da yekunlaşacaq.xeber100.com

“Neftçi” “Match TV” beynəlxalq turnirində ikinci oyununu keçirib

Yeni mövsümə Rusiyada hazırlaşan “Neftçi” “Match TV” beynəlxalq turnirində ikinci oyununu keçirib. Paytaxt klubu Serbiya təmsilçisi “Srvena Zvezda” ilə qarşılaşıb. Qarşılaşma “Neftçi”nin böyükhesablı məğlubiyyəti ilə başa çatıb - 0:4. “Srvena Zvezda”nın qollarını Mirko İvaniç, Stefan Mitroviç, Osman Bukari və Yovan Slyiviç vurublar. Xatırladaq ki, “Neftçi” turnirdə keçirdiyi ilk oyunda Rusiya “Zenit”inə 1:3 hesabı ilə uduzub. Paytaxt klubu son matçında Türkiyə “Fənərbağça”sı ilə qarşılaşacaq. Görüş iyulun 15-də olacaq.xeber100.com

Azərbaycan Həndbol Federasiyasının məlumatına görə…

Həndbol üzrə yığma komandamız Avropa çempionatına hazırlığı davam etdirir. Azərbaycan Həndbol Federasiyasının mətbuat xidmətindən bildiriblər ki, avqustun 5-dən 13-dək Bakıda keçiriləcək yarışa hazırlaşan on yeddi yaşadək qızlardan ibarət yığmamız Tbilisidə təlim-məşq toplanışında iştirak edir. On beş həndbolçunun qatıldığı hazırlıq prosesinə baş məşqçi Sergey Kambur və köməkçisi Sakinat Abbasova rəhbərlik edirlər. Yığma komandamızın təlim-məşq toplanışı iyulun 9-dək davam edəcək. Qeyd edək ki, milimiz A qrupunda Bosniya və Herseqovina, Sloveniya, Litva və Gürcüstan kollektivləri ilə yarışacaq. B qrupunda isə İspaniya, İsrail, Yunanıstan, Lüksemburq və Farer adaları komandaları mübarizə aparacaqlar.xeber100

Formula 1 çempionatının 2023-cü il mövsümünün onuncu mərhələsində

Formula 1 çempionatının 2023-cü il mövsümünün onuncu mərhələsi - Böyük Britaniya Qran-Prisi start götürür. Yarışlar “Silverstoun” avtodromunda keçiriləcək. Hazırkı mövsümdə titul uğrunda mübarizədə “Red Bull” komandasından olan niderlandlı pilot Maks Ferstappenə üçqat dünya çempion adını qazanmağa mane olan intriqalar gözlənilmir. O, ötən doqquz yürüşdən yeddisində, o cümlədən son beş yürüşdə qalib gəlib və yaxın təqibçisi, öz komanda yoldaşı olan meksikalı Serxio Peresi 81 xal üstələyir. Niderlandlının ortağına isə şəxsi hesabda ikinci yeri qoruyub saxlamaq o qədər də asan olmayacaq: ispaniyalı Fernando Alonso (“Aston Martin”) və britaniyalı Luis Hamilton (“Mercedes”) yəqin ki, meksikalı ilə mübarizəyə çıxacaqlar. “Silverstoun” trası Nortgemptonşirdə eyniadlı kəndin yaxınlığında yerləşir. İlk rəsmi Qran-Pri 1950-ci il mayın 13-də təşkil olunub və Formula 1 tarixində birinci olub. Avtodromun sxemi mövcud olduğu illər ərzində 9 dəfə dəyişib. Tras mürəkkəb, yüksəksürətli hesab edilir, sürətli döngələrə malikdir. Böyük Britaniya Qran-Prisinin qaliblər üzrə rekordsmen Hamilton hesab olunur. O, ev mərhələsində 8 dəfə birinci finiş edib. Hazırkı pilotlardan Alonso (2006, 2011) və ispaniyalı Karlos Sayns da (oğul) (2022) qalib olublar. 2020-ci ildə 70 illik Qran-Prisi çərçivəsində Silverstounda Ferstappen qələbə qazanıb. Bu gün sərbəst yürüşlərin birinci hissəsi başlayacaq. Şənbə günü üçüncü sərbəst praktika və təsnifat təşkil olunacaq. Mərhələnin proqramı bazar günü başa çatacaq.xeber100.com

“Sabah”klubunun yoxlama oyunundakı rəqibi bəlli olub

Bakının “Sabah” futbol klubu hazırlıq çərçivəsində keçirəcəyi ilk yoxlama oyunundakı rəqibi bəlli olub. Klub bildirir ki, Avstriyada təlim-məşq toplanışını davam etdirən "Sabah" Qətərin "Al-Sadd" komandası ilə qarşılaşacaq. Görüş iyulun 9-da Bakı vaxtı ilə saat 19:00-da Kematen stadionunda baş tutacaq.xeber100.com

Güləş üzrə U-15 Avropa çempionatı start götürəcək

İyulun 6-da Macarıstanın Kaposvar şəhərində güləş üzrə U-15 Avropa çempionatı start götürəcək. Azərbaycan Güləş Federasiyasından bildirilib ki, iyulun 9-dək davam edəcək qitə birinciliyində hər 3 güləş növü üzrə milli komandalarımız iştirak edəcək. Yarış ərəfəsində Azərbaycan Güləş Federasiyasının rəsmiləri komandalarla görüşüb və onlara uğurlar arzulayıblar. İyulun 6-da qadın güləşi üzrə yarışa start veriləcək. Məşqçi Həsrət Məmmədyarovun rəhbərliyi altında Əfsanə İslamova (39 kq), Nəzrin Əhmədli (42 kq), Esra Məmmədli (46 kq), Fidan Babayeva (58 kq) və Milana Bağırzadə (62 kq) mübarizə aparacaq. İyulun 7-də sərbəst güləşçilər xalçaya çıxacaq. Məşqçilər Namiq Quliyev, Elşad Allahverdiyev və Xəqan Süleymanovun rəhbərliyi altında Müstəcəb Məmmədov (38 kq), Rəşid Nazarov (41 kq), Ruslan Əlizadə (44 kq), Həsən Həsənov (48 kq), Fərid Ağazadə, Hüseyn İsmayılov (hər ikisi 52 kq), İsa Yusibov (57 kq), Nihad Abbasov (62 kq), Rəşad Veysəlov (68 kq), Hüseyn Məmmədtağızadə, Nihad Quliyev (hər ikisi 75 kq), Amin Nəsibov və Hakim Tağıyev (hər ikisi 85 kq) Kaposvarda uğur qazanmağa çalışacaq. Ayın 8-də isə yunan-Roma güləşçiləri yarışa qoşulacaq. Məşqçilər Əbülfət Məmmədovla İlham Vəzirovun rəhbərliyi altında Abdurrəhman Hüseynli, Qurban Məcnunov (hər ikisi 38 kq), Ayxan Əsədli (41 kq), Hikmət Haqverdiyev (44 kq), Elşad Abbasov, Əli Nəzərov (hər ikisi 48 kq), Nihad Məhərrəmov, Marat Ağakərimov (hər ikisi 52 kq), Məhəmməd Ələkbərli (57 kq), Nicat Yeylaqaliyev (62 kq), Yusif Əhmədli (68 kq), Rihad İbrahimli (75 kq) və Rüfət Əlizadə (85 kq) çıxış edəcək. Təsnifat və təsəlliverici görüşlər Bakı vaxtı ilə 12:30-da başlayacaq. Yarımfinallar 19:00, medal qarşılaşmaları isə 20:00-da start götürəcək. Yarışın sonuncu günündə isə həlledici görüşlər 15:30-da başlayacaq. Qadın güləşində medalçılar iyulun 7-də, sərbəst güləşdə ayın 8-də, yunan-Roma güləşində isə çempionatın sonuncu günündə müəyyənləşəcək. Qeyd edək ki, Avropa Çempionatında Kamran Baxışov və Samil Fəttayev ölkəmizi hakim qismində təmsil edəcək.xeber100.com

“Qəbələ” futbol klubu heyətinə daha bir futbolçu qatıb

Yeni mövsümə hazırlaşan “Qəbələ” klubu heyətinə daha bir futbolçu qatıb. Klubun saytı bildirir ki, komanda Gilad Abramovun keçidini rəsmiləşdirib. İsrailli yarımmüdafiəçi ilə ikiillik müqavilə imzalanıb. İyirmi üç yaşlı futbolçu peşəkar karyerasına 2018-2019-cu il mövsümündə “Hapoel” (Hadera) klubunda başlayıb. Son beş mövsümü bu komandada keçirən yarımmüdafiəçi 118 oyunda 5 qol vurub.xeber100.com

AFFA-nın təşkilatçılığı ilə “Qol U-15” beynəlxalq turniri keçiriləcək

Gənclər və İdman Nazirliyinin dəstəyi, AFFA-nın təşkilatçılığı ilə Ulu Öndər Heydər Əliyevin anadan olmasının 100 illiyi ilə əlaqədar “Qol U-15” beynəlxalq turniri keçiriləcək. AFFA xəbər verir ki, turnirdə “Neftçi”, “Sabah”, “Sumqayıt”, “Zirə”, “Səbail”, “Qarabağ” futbol klublarının müvafiq yaş qrupundan ibarət komandaları ilə yanaşı, Qırğızıstanın “İlbirs” və Özbəkistanın “Paxtakor” komandaları iştirak edəcəklər. İyunun 7-də start götürəcək turnirə ayın 15-də yekun vurulacaq. Oyunlar “ASK Arena”da və “ASCO Arena”da təşkil olunacaq.xeber100.com

Avropanın top futbol klublarının yeni reytinq cədvəli açıqlanıb

Avropanın top futbol klublarının yeni reytinq cədvəli açıqlanıb. Siyahıda 415 klub yer alıb. Reytinq cədvəlində Azərbaycanın 4 klubu qərarlaşıb. Yalnız “Qarabağ” “Top-100”də yer alıb. Azərbaycan çempionu 192 xalla qitənin 74-cü pillədədir. Baş məşqçi Qurban Qurbanovun yetirmələri ötən siyahı ilə müqayisədə yeddi pillə irəliləyiblər. Hesabında 37 xal olan “Neftçi” 10 pillə geriləyib. Bakı təmsilçisi 228-cidir. Avrokuboklarda debüt edəcək “Sabah” 20 xalla 255-ci sırada qərarlaşıb. “Qəbələ” 5 xalla 357-cidir. Azərbaycan kubokunun qalibi 6 pillə irəliləyib. Qeyd edək ki, siyahıya 2147 xala malik “Real” başçılıq edir.xeber100.com