Ümumdünya Boks Şurasının 57-ci Konqresi start götürəcək

Oktyabrın 20-də Ümumdünya Boks Şurasının (WBC) 57-ci Konqresi start götürəcək.Azərtac xəbər verir ki, Meksikanın Kankun şəhərində təşkil olunacaq tədbir bir həftə davam edəcək. Konqres iştirakçıları arasında “Qəbələ” idman klubunun boks bölməsinin rəhbəri Fariz Məmmədov da olacaq.Azərbaycanın peşəkar boks üzrə ilk dünya çempionu oktyabrın 26-dək keçiriləcək tədbirə dəvət alıb.Xatırladaq ki, F.Məmmədov ötən il Ukraynanın paytaxtı Kiyevdə keçirilən 56-cı Konqresdə də iştirak edib. Həmin vaxt tədbirə 160 ölkədən 700-dən artıq qonaq, o cümlədən Lennoks Lyuis, Evander Holifild, Oskar de la Xoyya, Xulio Sezar Çaves kimi dünya boksunun əfsanələri qatılıb.xeber100.com

Budapeştə sumo üzrə Avropa birinciliyinə yekun vurulub

Macarıstanın paytaxtı Budapeştə sumo üzrə Avropa birinciliyinə yekun vurulub.Azərtac xəbər verir ki, yarışda 60 kiloqram çəki dərəcəsində mübarizə aparan Nahid Vəliyev birinci görüşündə estoniyalı idmançıya qalib gəlib. Macarıstan idmançısını məğlubiyyətə uğradan sumoçumuz yarımfinalda Ukrayna idmançısına uduzub. N.Vəliyev bürünc medal uğrunda mübarizədə polşalı idmançını üstələyərək üçüncü olub. Bu çəkidə yarışan digər idmançımız Məhərrəm Eyvazov Rusiya, Macarıstan və Polşa təmsilçilərini udaraq finala yüksəlib. Finalda ukraynalı rəqibinə məğlub olan M.Eyvazov gümüş medalla kifayətlənib.Qitə birinciliyində Azərbaycanı Məhərrəm Eyvazov, Nahid Vəliyev, Əli Süleymanov, Hüseyn Hüseynov, Elcan Tarverdiyev və Ağamalı Abdulov təmsil ediblər.Komandamız yarışlarda Azərbaycan Sumo Federasiyasının prezidenti Samir Abdullayevin rəhbərliyi altında mübarizə aparıb.Qeyd edək ki, yarışlarda hakim Rəsul Həsənov ədaləti qoruyub.xeber100.com

İtaliya A Seriyasının altıncı turunun növbəti oyunu keçirilib

Sentyabrın 29-da İtaliya A Seriyasının altıncı turunun növbəti oyunu keçirilib.azərtac xəbər verir ki, çempionluğa iddialı “Napoli” doğma azarkeşlər önündə “Breşiya” klubunu qəbul edib.Görüş neapolluların minimal hesablı qələbəsi ilə başa çatıb – 2:1.Karlo Ançellotinin yetirmələrinin heyətində Dris Mertens (13) və Kostan Manolas (44) fərqləniblər. Qonaqların isə yeganə qoluna yeni transferi Mario Balotelli (67) imza atıb.Bu qələbədən sonra “Napoli” xalların sayını 12-yə çatdıraraq turnir cədvəlində dördüncü yerə yüksəlib. “Breşiya” isə 6 xalla 11-ci yerdə qərarlaşıb.Növbəti turda “Breşiya” öz meydanında “Sassuolo” ilə, “Napoli” isə səfərdə “Torino” ilə üz-üzə gələcək.Turun qalan oyunları bu gün oynanılacaq.xeber100.com

Futbol üzrə Azərbaycan Premyer Liqasının 6-cı turu yekunlaşıb

Sentyabrın 29-da futbol üzrə Azərbaycan Premyer Liqasında 6-cı tur yekunlaşıb.Azərtac xəbər verir ki, turun sonuncu görüşündə “Keşlə” öz meydanında “Zirə”ni qəbul edib. Görüş meydan sahiblərinin qələbəsi ilə bitib (2:0).İlk yarıda hesab açılmayıb. İkinci hissədə isə “Keşlə” iki baxımlı qola imza atıb. Qarşılaşmanın 53-cü dəqiqəsində Ruslan Qurbanov qapının uzaq küncünə qarşısıalınmaz zərbə endirib. Oyunun 64-cü dəqiqəsində isə Lorenso Frutos cinah ötürməsindən sonra topu qapıya keçirib.Bununla da “Keşlə” xallarını 10-a çatdıraraq 3-cü pilləyə yüksəlib. “Zirə” isə 7 xalla 5-ci pillədə qalıb.Qeyd edək ki, turun ilk üç matçında “Qarabağ” evdə “Sumqayıt”ı məğlub edib (2:0), “Qəbələ” doğma meydanda “Neftçi”yə 3 cavabsız qolla uduzub. “Sabah” isə “Səbail”dən üstün olub (2:0).Altı turdan sonra turnir cədvəlinə 18 xalla “Qarabağ” klubu başçılıq edir. Aktivlərində 10 xalları olan “Səbail” və “Keşlə” ikinci və üçüncü yerləri bölüşürlər. Digər pillələrdə müvafiq olaraq “Neftçi” (8), “Zirə” (7), “Sumqayıt” (6), “Sabah” (5) və “Qəbələ” (4) yer alıb.xeber100.com

“Rizəspor” futbol komandası “Başakşəhər”in qonağı olub

Sentyabrın 27-də futbol üzrə Türkiyə Superliqasının VI turunun ilk qarşılaşmasında “Rizəspor” səfərdə “Başakşəhər”in qonağı olub.Azərtac xəbər verir ki, “Fateh Terim” stadionunda baş tutan görüş maraqlı hücumları ilə yadda qalıb. Görüşdə hesabı ilk hissənin 19-cu dəqiqəsində İstanbul klubunun hücumçusu Daniyel Aleksis açıb. Meydan sahibləri 33-cü dəqiqədə bir daha fərqləniblər. Fredrik Gulbrandsen hesabı ikiyə çatdırıb. Birinci hissə elə bu hesabla bitib. İkinci hissənin 73-cü dəqiqəsində Daniyel Aleksis özünün ikinci, komandasının isə üçüncü qolunu vurub. “Başakşəhər” 87-ci dəqiqədə hesab arasındakı fərqi dördə çatdırıblar. Enzo Kriveli çərçivəni dəqiq nişan alıb. Lakin bu da oyunda son qol olmayıb. İstanbullular 91-ci dəqiqədə İrfan Qəhvəcinin qolu ilə hesabı 5:0 çatdırıblar. Beləliklə “Başakşəhər” doğma meydanda “Rizəspor”u darmadağın edib. Bu oyundan sonra “Başakşəhər” çempionatda 8 xalla 6-cı pillədə qərarlaşıb.Turun digər qarşılaşmaları bu gün və sentyabrın 29-30-da keçiriləcək.xeber100.com

Şahmat üzrə dünya kuboku turnirinin yarımfinal mərhələsində

Sentyabrın 28-də Xantı-Mansiyskdə şahmat üzrə dünya kuboku turnirində yarımfinal mərhələsinin tay-breyk partiyaları oynanılacaq.Azərtac xəbər verir ki, bu mərhələdə çinli Liren Dinq komanda yoldaşı Yanqyi Yu ilə qarşılaşacaq. Qrossmeysterlər ilk iki partiyada heç-heçə ediblər. Bu qarşılaşmanın qalibi final mərhələsində Azərbaycan şahmatçısı Teymur Rəcəbov ilə görüşəcək.Qeyd edək ki, Teymur Rəcəbov yarımfinal mərhələsində fransalı Maksim Vaşe-Laqrava qalib gələrək finala vəsiqə ilə yanaşı, iddiaçılar turnirində iştirak hüququ da qazanıb.Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Şəhriyar Məmmədyarova uduzaraq mübarizəni dayandırıblar. Ş.Məmmədyarov isə səkkizdəbir finalda komanda yoldaşı T.Rəcəbova məğlub olaraq turnirdə iştirakını başa vurub.Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanırlar. FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.xeber100.com

Futbol üzrə “Avro 2020”nin seçmə mərhələsi çərçivəsində

Futbol üzrə “Avro 2020”nin seçmə mərhələsi çərçivəsində oktyabrın 13-də təşkil olunacaq Macarıstan–Azərbaycan oyunu azarkeşsiz keçiriləcək.Azərtac xəbər verir ki, bununla əlaqədar UEFA-nın Nəzarət, Etika və İntizam Komitəsi tərəfindən AFFA-ya məktub ünvanlanıb.Matç Budapeşt şəhərindəki “Ferencvaros Stadion”da keçiriləcək.xeber100.com

Azərbaycan Triatlon Federasiyasının təşkilatçılığı ilə…

Oktyabrın 6-da Avropa Oyunları Parkında həvəskarlar arasında “Baku Triathlon 2019” turniri keçiriləcək.Azərtac xəbər verir ki, Gənclər və İdman Nazirliyi və Azərbaycan Triatlon Federasiyasının təşkilatçılığı ilə keçiriləcək yarış sprint məsafəsi üzrə baş tutacaq.İştirakçılar 0,5 kilometr üzgüçülük, sonra velosipedlə 20 kilometr qət etmə və 5 kilometr qaçışla məsafəni tamamlayacaqlar.Müxtəlif yaş kateqoriyasında keçiriləcək turnirdə komanda estafetində də qaliblər müəyyənləşəcək.xeber100.com

Braziliya ciu-citsusu üzrə dünya kubokunun növbəti turnirində

Moskvada Braziliya ciu-citsusu üzrə dünya kuboku turniri keçirilib.Azərtac xəbər verir ki, turnirdə azərbaycanlı idmançılar da iştirak ediblər.İdmançılarımız Ayaz Süleymanov, Mehman Fətəliyev, Vüsal Eynullayev, Zaur Aşumov, Müşfiq Əlili və Zaman Qəhrəmanov ciu-citsunun bütün versiyaları üzrə ümumilikdə 5 qızıl, 1 gümüş və 6 bürünc medal əldə ediblər.xeber100.com

İspaniya La Liqasının altıncı turunun növbəti oyunu keçirilib

Sentyabrın 26-da İspaniya La Liqasının altıncı turunun növbəti oyunu keçirilib.Azərtac xəbər verir ki, “Qarabağ” klubunun UEFA Avropa Liqasının qrup mərhələsindəki rəqibi, “Sevilya” klubu ölkə çempionatında növbəti oyununu keçirib. Bu dəfə rəqib çempionatın autsayderi “Eybar” klubu olub.Oyuna hücumlarla başlayan “Sevilya” klubu matçın 11-ci dəqiqəsində hesabda önə keçib. Lukas Okompos fərqlənib - 0:1. Oyunun 33-cü dəqiqəsində qonaqlar Oliver Torresin sayəsində hesab arasındakı fərqi iki topa çatdırıb - 0:2.Birinci hissə “Sevilya”nın üstünlüyü ilə başa çatıb.Qarşılaşmanın ikinci hissəsində meydan sahibləri oyunda dönüş yaradaraq ardıcıl üç qol vurmaqla vacib üç xalı qazanıb. Fabian Orellana (66), Pedro Leon (77) və Xose Angel (82) adlarını tabloya yazdırıb.Qeyd edək ki, altıncı tura “Selta Viqo” - “Espanyol” və “Real Sosyedad” - “Deportivo Alaves” oyunları ilə yekun vurulacaq.xeber100.com