Futbol üzrə Azərbaycan çempionatının altıncı turuna start verilir

Sentyabrın 27-də futbol üzrə Azərbaycan Premyer Liqasının altıncı turuna start veriləcək.Azərtac xəbər verir ki, turun birinci günündə bir görüş oynanılacaq. Son çempion “Qarabağ” Tofiq Bəhramov adına Respublika Stadionunda “Sumqayıt”la üz-üzə gələcək. Saat 19:00-da başlayacaq görüşü Elçin Məsiyev idarə edəcək.Sentyabrın 28-də turun ikinci görüşündə “Qəbələ” və “Neftçi” komandaları qarşılaşacaqlar. Saat 17:00-da start götürəcək görüş Qəbələ şəhər stadionunda keçiriləcək. Matçın baş hakimi Kamal Umudlu olacaq.Sentyabrın 29-da iki qarşılaşma ilə altıncı tura yekun vurulacaq. “ASCO Arena”da “Keşlə” klubu “Zirə”ni, “Sabah” isə “Bank Respublika Arena”da “Səbail”i qəbul edəcək. İlk oyun saat 17:30-da, ikinci isə 19:45-də start götürəcək.Turun bütün görüşləri “CBC Sport” kanalı ilə birbaşa yayımlanacaq.Beş turdan sonra turnir cədvəlinə 15 xalla “Qarabağ” klubu başçılıq edir. On xalı olan “Səbail” ikincidir, “Keşlə” və “Zirə” hərəyə 7 xalla üçüncü və dördüncü yerləri bölüşürlər. Digər pillələrdə müvafiq olaraq, “Sumqayıt” (6 xal), “Neftçi” (5), “Qəbələ” (4) və “Sabah” (2) klubları yer alırlar.xeber100.com

Şahmat üzrə dünya kuboku turnirində yarımfinal mərhələsində

Sentyabrın 27-də Xantı-Mansiyskdə şahmat üzrə dünya kuboku turnirində yarımfinal mərhələsinin cavab partiyaları oynanılacaq.Azərtac xəbər verir ki, bu mərhələdə Azərbaycan şahmatçısı Teymur Rəcəbov fransalı Maksim Vaşe-Laqrav ilə üz-üzə gələcək. Şahmatçımızın birinci partiyada görüşü heç-heçə başa çatıb.Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Ş.Məmmədyarova uduzaraq mübarizəni dayandırıblar. Ş.Məmmədyarov isə səkkizdəbir finalda komanda yoldaşı T.Rəcəbova məğlub olaraq turnirdə iştirakını başa vurub.Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanacaqlar.FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.xeber100.com

İtaliya A Seriyasının beşinci turu çərçivəsində 7 qarşılaşma oynanılıb

Sentyabrın 25-də İtaliya A Seriyasının beşinci turu çərçivəsində daha 7 qarşılaşma oynanılıb.Azərtac xəbər verir ki, turun mərkəzi görüşü paytaxt Romada keçirilib. Çempionluq uğrunda mübarizədə favoritlərdən sayilan “Roma” komandası daha bir iddialı komanda - “Atalanta” ilə qarşılaşıb. Görüşdə qonaqlar 2:0 hesabı ilə qalib gəliblər. Berqamo təmsilçisinin heyətində Duvan Sapata (71) və Marten De Roon (90) fərqləniblər.Günün gözlənilməz hesabı “San Paolo” stadionunda qeydə alınıb. Çempionluğa iddialı “Napoli” öz meydanında “Kalyari” klubuna uduzub - 0:1.Digər maraq doğuran görüş “Cüzeppe Meazza” stadionunda oynanılıb. Paytaxt təmsilçisi “Latsio” səfərdə cari mövsümdə dörd görüşün hamısında qalib gələn “İnter”in qonağı olub. Görüş “nerazduza”in minimal hesabla qələbəsi ilə başa çatıb - 1:0.Xatırladaq ki, turun açılış görüşü sentyabrın 24-də sonuncu çempion “Yuventus” və “Breşiya” komandaları arasında oynanılıb. Matç “Yuventus”un 2:1 hesablı qələbəsi ilə başa çatıb.Turun digər oyunlarında aşağıdakı nəticələr qeydə alınıb: “Fiorentino” - “Sampdoriya” - 2:1, “Genoa” - “Bolonya” - 0:0, “Parma” - “Sassuolo” - 0:0, “Verona” “Udineze” - 0:0, SPAL - “Leççe” - 1:2. Tura sentyabrın 26-da keçiriləcək “Torino” - “Milan” oyunu ilə yekun vurulacaq.xeber100.com

Avropa Voleybol Konfederasiyasının 40-cı Baş Assambleyası keçiriləcək

Sentyabrın 26-27-də Parisdə Avropa Voleybol Konfederasiyasının (CEV) 40-cı Baş Assambleyası keçiriləcək.Azərtac Azərbaycan Voleybol Federasiyasına (AVF) istinadla xəbər verir ki, Assambleyada CEV-ə daxil olan voleybol federasiyalarının rəsmiləri iştirak edəcəklər. Tədbirdə AVF-ni federasiyanın baş katibi Cəlil Cəfərov təmsil edəcək.Assambleyada CEV-in 2019-cu il mövsümünün maliyyə hesabatı təqdim olunacaq. Həmçinin voleybolun Avropada daha da inkişafına dair müzakirələr aparılacaq, müvafiq qərarlar qəbul ediləcək.Eyni zamanda, assambleyada Şərqi Avropa Voleybol Assosiasiyasının (EEVZA) iclası keçiriləcək. İclasda çimərlik voleybolu, qarüstü voleybol və gənc komandalar arasında keçiriləcək turnirlərlə bağlı müzakirələr aparılacaq.xeber100.com

Şahmat üzrə dünya kuboku turnirinin yarımfinal mərhələsində

Sentyabrın 26-da Xantı-Mansiyskdə şahmat üzrə dünya kuboku turnirinin yarımfinal mərhələsinin birinci partiyaları oynanılacaq.Azərtac xəbər verir ki, bu mərhələdə Azərbaycan şahmatçısı Teymur Rəcəbov fransalı Maksim Vaşe-Laqrav ilə üz-üzə gələcək.T.Rəcəbov dörddəbir final mərhələsində ABŞ təmsilçisi Cefferi Xionqi məğlub edərək yarımfinala yüksəlib.Xatırladaq ki, beş şahmatçımızın qatıldığı dünya çempionatında Arkadi Naydiç almaniyalı Niklas Huşenbetə, Nicat Abbasov ABŞ təmsilçisi Leyner Dominquez Perezə, Eltac Səfərli isə Ş.Məmmədyarova uduzaraq mübarizəni dayandırıblar. Ş.Məmmədyarov isə səkkizdəbir finalda komanda yoldaşı T.Rəcəbova məğlub olaraq turnirdə iştirakını başa vurub.Dünya kubokunun finalına yüksələcək şahmatçılar 2020-ci ildə şahmat tacına iddiaçılar turnirində iştirak hüququ qazanacaqlar.FIDE prezidenti Arkadi Dvorkoviç bildirib ki, turnirin bürünc mükafatçısı da təşkilatçıların xüsusi dəvətnaməsi olacağı halda belə bir hüquqa yiyələnə bilər.Sentyabrın 10-da start götürən dünya kuboku turnirinə oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır.xeber100.com

“Dinamo”–“Şkendiya” oyununun hakimi müəyyənləşib

Azərbaycanın FIFA referisi Rauf Cabarov yeni təyinat alıb.Azərtac AFFA-ya istinadla xəbər verir ki, o, UEFA Gənclər Liqası çərçivəsində keçiriləcək “Dinamo” (Kiyev, Ukrayna) – “Şkendiya” (Şimali Makedoniya) oyununun baş hakimi olacaq. Ona Akif Əmirəli və Namiq Hüseynov kömək edəcəklər.Matç oktyabrın 2-də Kiyevdə keçiriləcək.xeber100.com

Kadetlər arasında cüdo üzrə dünya çempionatı davam edir

Qazaxıstanın Almatı şəhərində kadetlər arasında cüdo üzrə dünya çempionatı davam edir.Azərtac xəbər verir ki, yarışın ikinci günündə idmançımız Kamran Süleymanov (60 kq) otuzikidəbir finalda braziliyalı Felipe Limanı məğlub edib. Növbəti mərhələdə ukraynalı Vladislav Kazimirovu üstələyən cüdoçumuz səkkizdəbir finalda ermənistanlı Styopa Darbinyanı məğlubiyyətə uğradıb. Dörddəbir finalda Qazaxıstan təmsilçisi Marlen Adilə qalib gələn K.Süleymanov yarımfinala vəsiqə qazanıb. Bu mərhələdə onun rəqibi qırğızıstanlı Çingizxan Saqinaliyev olub. Cüdoçumuz rəqibini ipponla məğlub edərək finala yüksəlib.Bu çəki dərəcəsində mübarizəyə aparan digər cüdoçumuz Turan Bayramov onaltıdabir finalda italiyalı Simone Aversanı məğlub edib. Səkkizdəbirdə Monqolustan təmsilçisi Bulqantamir Davadorju üstələyən T.Bayramov növbəti görüşündə qazaxıstanlı Nursultan Zaizaqaliyevə qalib gələ bilməyib. Lakin cüdoçumuz təsəlliverici görüşdə kiprli Georgios Balarjişvilini mübarizədən kənarlaşdırıb. T.Bayramov bürünc medal uğrunda qarşılaşmada qırğızıstanlı Çingizxan Saqinaliyev ilə üz-üzə gələcək.Qeyd edək ki, çempionatda ölkəmizi 18 cüdoçu təmsil edir.xeber100.com

“Avro 2020” Könüllülük Proqramının növbəti mərhələsinə start veriləcək

Sentyabrın 28-dən etibarən “Avro 2020” Bakı Könüllülük Proqramının müsahibə mərhələsinə start veriləcək.Azərtac AFFA-ya istinadla xəbər verir ki, sentyabrın 25-dən başlayaraq könüllülərə dəvət göndərilir, könüllü namizədlər UEFA Fame sistemi vasitəsilə müsahibə vaxtlarını seçmək imkanına sahibdirlər.“Avro 2020” Könüllülük Proqramında 2000 könüllü seçiləcək. İndiyədək qeydiyyatdan keçməyən könüllülər noyabrın 29-na qədər qeydiyyatdan keçə bilərlər.xeber100.com  

İtaliya A Seriyasının beşinci turuna start verilib

Sentyabrın 25-də İtaliya A Seriyasının beşinci turuna start verilib.Azərtac xəbər verir ki, turun açılış görüşündə son çempion “Yuventus” səfərdə “Breşiya” komandasının qonağı olub.Görüş “Yuventus”un 2:1 hesablı qələbəsi ilə başa çatıb. Turin təmsilçisinin heyətində Jhon Chancellor (avtoqol) və Miralem Pyaniç, “Breşiya” isə Alfredo Donnarumma fərqləniblər.Bu qələbə sayəsində xalların sayını 13-ə çatdıran “Yuventus” turnir cədvəlində liderliyi ələ alıb. “Breşiya” isə 6 xalla 11-ci yerdə qərarlaşıb.Turun ilk oyun gününün ikinci qarşılaşmasında “Verona” “Udineze” üz-üzə gəliblər. Həmin görüş də heç-heçə olub.Qeyd edək ki, turun qalan oyunları 25-26-da keçiriləcək.xeber100.com

Azərbaycan Avtomobil Federasiyasının təşkilatçılığı ilə…

Sentyabrın 29-da Gəncədə Azərbaycan Avtomobil Federasiyasının (AAF) təşkilatçılığı ilə idman avtomobillərinin yarışı və şousu keçiriləcək. Heydər Əliyev Park Kompleksi ərazisində təşkil olunacaq tədbirdə 40-dan çox avtomobil – “volkicar”lar, kartinq və drift avtomobilləri, sportkarlar iştirak edəcək.AAF-dan Azərtac-a bildiriblər ki, tədbirdə tanınmış pilotlar – “Drift GP International” promouteri Nayl Qan, drift üzrə Almaniya çempionu Sebastian Fontiyn, “Drift All Stars European Series” yarışlarının qalibi Martin Riçards, “Drift GP International” yarışlarının texniki direktoru Antanas Kiquolis, eləcə də yerli drift və “volkicar” pilotları iştirak edəcəklər.Tədbirdə “volkicar”, drift və idman avtomobillərinin yürüşü, “volkicar”ların yarışı, “volkicar” və sportkarla “burnout”, drift şouları təqdim olunacaq. Tamaşaçılar arasında avtomobil idmanı və yol hərəkəti təhlükəsizliyi mövzusunda viktorina da keçiriləcək, 20 fəal iştirakçı mükafatlandırılacaq.Tədbir çərçivəsində Gəncədə uşaqlar üçün “Yol hərəkəti təhlükəsizliyi” həftəsi də keçiriləcək. Bununla əlaqədar sentyabrın 30-dan oktyabrın 4-dək Gəncə şəhərindəki bir sıra ümumtəhsil məktəblərində təşkil olunacaq təlimləri AAF-ın yol hərəkəti təhlükəsizliyi üzrə məsləhətçiləri Əlləz Əliyev, Ərşad Hüseynov və Sahib Əsgərov aparacaqlar. Uşaqlara yol hərəkəti təhlükəsizliyi, o cümlədən yol nişanları, işıqfor, piyada keçidi və digər istiqamətlər üzrə məlumat veriləcək.xeber100.com