Futbol üzrə UEFA Millətlər Liqasının növbəti oyununda

FIFA referimiz Əliyar Ağayev futbol üzrə UEFA Millətlər Liqasının oyununa təyinat alıb.Azərtac AFFA-ya istinadla xəbər verir ki, noyabrın 19-da keçiriləcək Danimarka–İrlandiya qarşılaşmasının baş hakimi Ə.Ağayev olacaq.Ona Zeynal Zeynalov və Rza Məmmədov kömək edəcəklər. Dördüncü hakim funksiyasını Mübariz Haşımov yerinə yetirəcək. Əlavə köməkçi hakimlər isə Rəhim Həsənov və Orxan Məmmədov olacaqlar.Görüş Aarhus şəhərindəki “Ceres Park” stadionunda keçiriləcək.xeber100.com

Voleybol üzrə dünya çempionatı keçiriləcək

Voleybol üzrə kişilərdən ibarət komandalar arasında 2022-ci il dünya çempionatı Rusiyada keçiriləcək.Azərtac Rusiya Voleybol Federasiyasına istinadla xəbər verir ki, Beynəlxalq Voleybol Federasiyasının konqresində 2022-ci il dünya çempionatına ev sahibliyi etmək istəyən ölkələrin namizədlikləri səsə qoyulub. Səsvermə nəticəsində Rusiyanın namizədliyi təsdiq edilib. Qeyd olunur ki, turnirin keçiriləcəyi şəhərlər və yarışların vaxtı 2019-cu ilin fevralında Beynəlxalq Voleybol Federasiyasının inzibati şurasında müəyyən olunacaq.Voleybol üzrə dünya çempionatları hər dörd ildən bir keçirilir. Kişilərdən ibarət komandaların yarışları 1949-cu ildən, qadın yığmalarının turnirləri isə 1952-ci ildən təşkil olunur. Kişilər arasında turnirinin ikisi (1952, 1962) və qadın komandaların yarışlarının üçü (1952, 1962, 1978) SSRİ-də keçirilib.Rusiya tarixində ilk dəfə voleybol üzrə dünya çempionatına ev sahibliyi edəcək.xeber100.com

Futbol üzrə 2018-2019-cu il mövsümünün püşkü atılıb

Noyabrın 14-də futbol üzrə Azərbaycan Kuboku uğrunda turnirin 2018-2019-cu il mövsümünün püşkü atılıb.Azərtac Peşəkar Futbol Liqasının saytına istinadla xəbər verir ki, AFFA-nın inzibati binasında keçirilən mərasimdə yarışda iştirak edəcək 12 komandanın rəqibləri müəyyənləşib. Kubok uğrunda turnirdə Premyer Liqada çıxış edən 8 klubla yanaşı, I Divizionda mübarizə aparan 4 klub da iştirak edəcək.Püşkatma mərasimində komandalar üç səbətə bölünüblər. Birinci səbətdə yer alan “Qarabağ”, “Qəbələ”, “Neftçi” və “Zirə” mübarizəyə dörddəbir finaldan başlayacaq. Püşk zamanı “Sumqayıt”, “Keşlə”, “Səbail” və “Sabah” ikinci, “Kəpəz”, “Qaradağ Lökbatan”, “Şüvəlan” və “Ağsu” klubları üçüncü səbətdə yer alıblar.Püşkün nəticələrinə əsasən, dekabrın 6-da keçiriləcək səkkizdəbir finalda “Ağsu” – “Sabah”, “Şüvəlan” – “Keşlə”, “Sumqayıt” – “Qaradağ Lökbatan” və “Səbail” – “Kəpəz” görüşləri oynanılacaq. Səkkizdəbir finalda komandalar bir oyun keçirəcəklər.Turnirin dörddəbir finalında “Qəbələ” klubu “Ağsu” - “Sabah”, “Qarabağ” komandası isə “Şüvəlan” - “Keşlə” görüşlərinin qalibi ilə qarşılaşacaq. Dörddəbir finalın digər oyunlarında isə “Neftçi” komandası “Sumqayıt” - “Qaradağ Lökbatan”, “Zirə” isə “Kəpəz” - “Səbail” matçlarında üstün olan tərəflə üz-üzə gələcək. Bu görüşlər dekabrın 15-16-da, cavab qarşılaşmaları isə dekabrın 19-20-də oynanılacaq.Turnirin yarımfinal matçları aprelin 23-də, cavab oyunları mayın 1-də keçiriləcək. Final qarşılaşması isə mayın 19-da baş tutacaq.xeber100.com  

Sərbəst güləş üzrə “Continental Cup” turniri keçiriləcək

Noyabrın 16-18-də Dağıstanın Xasavyurt şəhərində sərbəst güləş üzrə “Continental Cup” turniri keçiriləcək.Azərtac xəbər verir ki, ölkəmizi yarışda məşqçilər Rövşən Hacıyev və Əşrəf Əliyevin rəhbərliyi altında Mircəlal Həsənzadə, İslam Bazarqanov, Əliabbas Rzazadə (hər üçü 57 kq), İntiqam Vəlizadə (61 kq), Ənvərbəy Dalqatov (65 kq), Gitinoməhəmməd Hacıyev, Ağahüseyn Mustafayev (hər ikisi 70 kq), Coşqun Əzimov (74 kq), Elçin Məmmədov, Ravil Babazadə, Abdulmuslim Məmmədov (hər üçü 79 kq), Hacımurad Məhəmmədsəidov (86 kq), Məhəmmədhacı Xatıyev, Cavid Sadıqov (hər ikisi 92 kq) və Roman Bəkirov (97 kq) təmsil edəcəklər.İkinci dərəcəli beynəlxalq hakimlər Elman İsmayılov, Vüqar Şükürov, Vaqif Zeynallı və Kamran Əliyev, eləcə də üçüncü dərəcəli beynəlxalq hakim Babək Allahverdiyev turnirdə ədaləti qoruyacaq.xeber100.com

“Barselona” futbol klubu yardım üçün 6 milyon avro ayırıb

“Barselona” Fondu Yunanıstan, Livan və İtaliyada sığınacaq tapmış qaçqınlara yardım üçün 6 milyon avro ayırıb.“Marca” xəbər verir ki, “Barselonanın” keçmiş futbolçusu Lilian Tyüram yardımı çatdırmaq üçün Livana səfər edib.“Barselona” klubunun vitse-prezidenti Jorji Kardoner bununla bağlı deyib: “Biz qərara gəldik ki, hərəkətə keçək. Dünyada 68 milyon qaçqın var və onların 50 faizi uşaqlardır. Azyaşlılar bu münaqişələrin baş verməsində heç bir məsuliyyət daşımırlar. İstəyirik ki, bir çoxları öz ləyaqət hissini bərpa etsinlər”.Fondun təsisçisi Mariya Valles isə bildirib ki, onlar bu proqram sayəsində uşaqların öz problemlərini bir anlığa unutduqlarının və tənhalıq hissi keçirmədiklərinin şahidi olublar.xeber100.com

UEFA Millətlər Liqasında 5-ci turun oyunları keçiriləcək

Noyabrın 15-də UEFA Millətlər Liqasında 5-ci turun oyunları keçiriləcək.Azərtac xəbər verir ki, turun ilk oyun günündə 9 qarşılaşma təşkil olunacaq.Turun mərkəzi qarşılaşması “A” liqasının 4-cü qrupunda oynanılacaq. Son dünya finalçısı Xorvatiya millisi İspaniya yığması ilə münasibətlərə aydınlıq gətirəcək.Turun digər maraq doğuran oyunu “A” liqasının 2-ci qrupunda keçiriləcək. Belçika seçməsi doğma meydanda İslandiya ilə qarşılaşacaq. Meydan sahibləri bu görüşdə qələbə qazanacağı təqdirdə növbəti mərhələ şanslarını daha da artıracaqlar.“B” liqasının 3-cü qrupunda Bosniya və Herseqovina səfərdə Avstriyadan xal ala bilsə, növbəti matç komanda üçün formal xarakter daşıyacaq.“C” liqasının 2-ci qrupunda Macarıstan Estoniyanı, Yunanıstan isə Finlandiyanı qəbul edəcək. Macarıstan və Estoniya növbəti mərhələ şanslarını itirib. Finlandiya isə bir xal qazanacağı təqdirdə play-off mərhələsinə vəsiqə qazanacaq.Lüksemburq yığması “D” liqasının 2-ci qrupunda evdə Belarusla üz-üzə gələcək. Meydan sahibləri qələbə qazansa, növbəti mərhələyə yüksələcəklər. Qrupun digər matçında isə San-Marino və Moldova komandaları qarşılaşacaqlar.Azərbaycan milli komandasının yer aldığı “D” liqasının 1-ci qrupunda Qazaxıstan millisi Latviya yığmasını qəbul edəcək. Gürcüstan seçməsi isə səfərdə Andorra komandasının qonağı olacaq.Qeyd edək ki, Qazaxıstan-Latviya oyunu Bakı vaxtı ilə saat 19:00-da, qalan oyunlar isə 23:45-də başlayacaq.xeber100.com

Güləşçilər arasında dünya çempionatı davam edir

Rumıniyanın paytaxtı Buxarestdə 23 yaşadək güləşçilər arasında dünya çempionatı davam edir.Azərtac xəbər verir ki, ilk yarış günündə yunan-Roma güləşçilərimizdən ikisi mübarizəyə başlayıb. Ramiz Məmmədov (63 kq) mundiala inamlı start verib. Güləşçimiz 1/8 finalda macar rəqibinə elə ilk hissədə qalib gəlməyi bacarıb. Ancaq güləşçimiz 1/4 finalda iranlı rəqibi ilə gərgin mübarizə şəraitində keçən görüşdə uduzub.İslam Abbasov (87 kq) da 1/8 final mərhələsini rahat keçib. Güləşçimiz Yaponiya təmsilçisini ilk hissədə məğlub edib. Növbəti görüş isə ağır keçib. İ.Abbasov gürcü güləşçinin də öhdəsindən gələrək adını yarımfinala yazdırıb. Ancaq İslam finalın bir addımlığında ukraynalı həmkarı ilə bacarmayıb. Güləşçimiz Misir təmsilçisi ilə bürünc medal görüşünə çıxıb. İlk hissəni 0:3 geridə başa vuran güləşçimiz ikinci hissədə əzmkarlıq nümayiş etdirib və sona yarım dəqiqə qalmış hesabı bərabərləşdirib. Beləliklə, sonuncu xal prinsipinə əsasən, İ.Abbasov ötən il olduğu kimi, yenə U-23 dünya çempionatında bürünc medal qazanıb.xeber100.com

U-19 yığması İsrail millisi ilə qarşılaşacaq

On doqquz yaşadək futbolçulardan ibarət Azərbaycan yığması Avropa çempionatının seçmə qrup mərhələsində bu gün ilk oyununu keçirəcək.Azərtac xəbər verir ki, komandamız Tbilisi şəhərindəki Mixail Mesxi adına stadionunda İsraildən olan həmyaşıdları ilə qarşılaşacaq.Oyunu belçikalı baş hakim Erik Lambreçts idarə edəcək. Ona Karel De Roker (Belçika) və Giorgi Elikaşvili (Gürcüstan) kömək edəcəklər. Dördüncü hakim funksiyasını gürcüstanlı Aleko Aprsiauri yerinə yetirəcək.Oyunu AFFA-nın birinci vitse-prezidenti Rauf Əliyev və baş katib Elxan Məmmədov izləyəcəklər.xeber100.com

2017-2018-ci il mövsümünün ən yaxşı futbolçusu seçilib

“Barselona” klubunun argentinalı hücumçusu Lionel Messi İspaniya çempionatının 2017-2018-ci il mövsümünün ən yaxşı futbolçusu mükafatına sahib olub.Azərtac klubun rəsmi “Twitter” səhifəsinə istinadla xəbər verir ki, 31 yaşlı hücumçu ötən mövsüm La Liqada 36 oyunda 34 qol vurub. Kataloniya təmsilçisi mövsümü çempion kimi başa vurub. Komanda hazırkı mövsümdə 12 turdan sonra 24 xalla turnir cədvəlinə başçılıq edir.Qeyd edək ki, klubun prezidenti növbəti mövsümdə argentinalı ilə müqavilənin müddətini uzatmaq niyyətində olduğunu bildirib. Lionel Messinin “Barselona” klubu ilə hazırkı müqaviləsinin müddəti 2021-ci ildə başa çatacaq.xeber100.com

Həndbol Federasiyasının məlumatına görə…

Avropa Həndbol Federasiyasının (EHF) deleqatı İsgəndər Əsgərov yeni təyinat alıb.Azərtac Azərbaycan Həndbol Federasiyasının rəsmi saytına istinadla xəbər verir ki, İ.Əsgərov kişi həndbolçuların “Challenge Cup” turnirinin üçüncü mərhələsində “Masheka” (Belarus) və “Dobrudja” (Bolqarıstan) komandalarının görüşlərində EHF nümayəndəsi kimi fəaliyyət göstərəcək.Qeyd edək ki, noyabr ayının 16-sı və 17-də Belarusun Mogilyov şəhərinin “Olimpiets” İdman Kompleksində keçiriləcək oyunları Angelos Arguridis və Kristos Mouttasdan ibarət kiprli hakimlər briqadası idarə edəcək.xeber100.com