Batut gimnastikası üzrə 33-cü dünya çempionatı keçirilib

Sankt-Peterburqda batut gimnastikası, tamblinq və ikili mini-batut üzrə 33-cü dünya çempionatı keçirilib.Azərtac xəbər verir ki, dünyanın 34 ölkəsindən 250-dən çox gimnastın iştirakı ilə keçən çempionatda Azərbaycan komandası da təmsil olunub. Yarışlara ilk öncə batutçuların fərdi proqramda çıxışları ilə start verilib. Bu növdə təmsilçilərimizdən İlya Qrişunin zədələnərək final mərhələsindən uzaq qalıb və bu səbəbdən gimnastımız sinxron proqramda da iştirak edə bilməyib. Fərdi çıxışlarda kişilər arasında digər təmsilçimiz Ruslan Ağamirov və qadın batutçumuz Veronika Zemlyana isə çempionatı 54-cü olaraq başa vurublar.Tamblinq üzrə yarışlarda isə ölkəmizi millimizin üzvü, 2018-ci ilin Avropa çempionu Mixail Malkin təmsil edib. Gimnastımız çıxışlarına yaxşı başlasa da, ani səhvi ilə ondan medal gözləyən hər kəsi məyus edib. Belə ki, Mixailin səhvə görə yüksək cərimə xalı alması onu sıralamada 25-ci edib.Qeyd edək ki, dünya çempionatının ardınca Sankt-Peterburq şəhərində Dünya Yaş Qrupu Yarışları start götürəcək.xeber100.com

“Real” klubunun baş məşqçisi ən yaxşı debüt nümayiş etdirib

Madridin “Real” futbol klubunun baş məşqçisi vəzifəsini icra edən Santyaqo Solari bu klubda son 89 ildə ən yaxşı debüt nümayiş etdirib.Azərtac xəbər verir ki, “Kral klubu” Solarinin rəhbərliyi ilə keçirdiyi ilk 4 matçda topların fərqi 15-2 olmaqla 4 qələbə qazanıb. Bu, 1929-cu ildən bəri yeni məşqçi zamanı klubun ən yaxşı nəticəsidir.Solari “Real”a oktyabrın 29-dan başçılıq edir. Madrid klubu onun rəhbərliyi ilə İspaniya Kubokunda “Melilya” (4:0), Çempionlar Liqasında “Viktoriya Plzen” (5:0), həmçinin İspaniya Çempionatında “Valyadolid” (2:0) və “Selta” (4:2) komandalarına qalib gəlib.Xatırladaq ki, “Real”ın baş məşqçisi vəzifəsində Solari istefaya göndərilmiş Xulen Lopeteqanı əvəz edib. Yaxın vaxtlarda Solari Madrid komandasının daimi baş məşqçisi kimi təsdiq edilə bilər.xeber100.com

Kosovo yığması ilə qarşılaşacaq milli komandanın heyəti açıqlanıb

Futbol üzrə UEFA Millətlər Liqası çərçivəsində noyabrın 17-də Bakı Olimpiya Stadionunda Farer adaları, üç gün sonra isə səfərdə Kosovo yığması ilə qarşılaşacaq Azərbaycan milli komandasının heyəti açıqlanıb.Azərtac xəbər verir ki, heyətə Kamran Ağayev (“Keşlə”), Səlahət Ağayev (“Neftçi”), Emil Balayev(“Səbail”), Maksim Medvedev, Bədavi Hüseynov, Rahil Məmmədov (hər üçü “Qarabağ”), Şəhriyar Əliyev(“Sumqayıt”), Təmkin Xəlilzadə, Urfan Abbasov (hər ikisi “Qəbələ”), Tural Axundov (“Neftçi”), Pavlo Paşayev (“Aleksandriya”, Ukrayna), Qara Qarayev, Araz Abdullayev (hər ikisi “Qarabağ”), Emin Mahmudov (“Neftçi”), Əfran İsmayılov (“Sumqayıt”), Rahid Əmirquliyev (“Səbail”), Cavid İmamverdiyev(“Sabah”), Riçard Almeyda (“Astana”, Qazaxıstan), Dmitri Nazarov (“Erzgebirge”, Almaniya), Mahir Mədətov (“Qarabağ”), Mirabdulla Abbasov (“Neftçi”), Ramil Şeydayev (“Krılya Sovetov”, Rusiya), Rüfət Dadaşov (“Proysen”, Almaniya) və Ruslan Qurbanov (“Səbail”) dəvət olunublar.Dörd turdan sonra Qurban Qurbanovun yetirmələri 6 xalla qrupda ikinci pillədə qərarlaşıblar. Kosovo 8 xalla birinci, Farer Adaları 4 xalla üçüncü, Malta isə 2 xalla sonuncu yerdədir. Sentyabrın 7-də Bakıda Kosovo seçməsi ilə heç-heçə (0:0) edən Azərbaycan yığması üç gün sonra Malta səfərindən bir xalla qayıdıb – 1:1. Komandamız oktyabrın 11-də səfərdə Farer Adaları yığmasının qapısından üç cavabsız top keçirib. Oktyabrın 14-də Bakı Olimpiya Stadionunda keçirilən Malta-Azərbaycan oyununda qalib müəyyənləşməyib -1:1.xeber100.com

Həndbolçuların ölkə çempionatı davam edir

Kişi həndbolçuların ölkə çempionatı davam edir.Azərtac Azərbaycan Həndbol Federasiyasının rəsmi saytına istinadla xəbər verir ki, dördüncü tur çərçivəsində çempionatın lideri “Məhsul” “Təhsil”lə görüşdə də azarkeşlərini sevindirib. Gərgin mübarizə şəraitində keçən oyun 24:21 hesabı ilə başa çatıb.“Bakı” isə U-16-nı növbəti məğlubiyyətlə barışdırıb. Görüş daha təcrübəli nominal meydan sahibinin 47:13 hesablı qələbəsi ilə nəticələnib. Bu nəticə ilə xal ehtiyatını 6-ya yüksəldən “Bakı” lider “Məhsul”dan iki xal geri qalır.xeber100.com

Formula 1 Braziliya Qran-Prisi başa çatıb

San-Paulu avtodromunda keçirilən Formula 1 Braziliya Qran-Prisi başa çatıb.Azərtac xəbər verir ki, yarışların qalibi “Mercedes” komandasının pilotu Lyuis Hemilton olub. İkinci yeri “Red Bull” komandasının yürüşçüsü Maks Ferstappen, üçüncü yeri isə Kimi Raykkonen tutublar.Hemiltonun bu qələbəsi və onun komanda yoldaşı Valtteri Bottasın beşinci yeri tutması nəticəsində “Mercedes” mövsümün başa çatmasına bir mərhələ qalmış Konstruktorlar Kubokunun qalibi olub.xeber100.com

Futbolçulardan ibarət Azərbaycan millisinin heyəti açıqlanıb

Noyabrın 15-də “Dalğa Arena”da Ukrayna, 19-da isə Zeniça şəhərində Bosniya və Herseqovina yığması ilə yoldaşlıq oyunu keçirəcək 21 yaşadək futbolçulardan ibarət Azərbaycan millisinin heyəti açıqlanıb.Azərtac xəbər verir ki, heyətdə Kamran İbrahimov (“Neftçi”), İsmayıl Muradov (MOİK), Hüseynəli Quliyev (“Sabah”), Amin Seydiyev (“Qəbələ”), Ömər Buludov, Ricat Qarayev (hər ikisi “Neftçi”), Hüseyin Seyliğli (“Beşiktaş”, Türkiyə), Əsgər Hüseynov (“Neftçi”), Faiq Hacıyev (“Qəbələ”), Rəhman Daşdəmirov (“Neftçi”), Metin Gülər (“Beşiktaş”, Türkiyə), Abbas Ağazadə (“Qəbələ”), Murad Xaçayev, Süleyman Əhmədov (hər ikisi “Sumqayıt”), İsmayıl İbrahimli (“Qarabağ”), Murtazəli Abakarov (“Səbail”), Əli Sadıxov(“Qəbələ”), Hacıağa Hacılı (“Qarabağ”), Ruslan Rzayev (“Krasnodar”, Rusiya), Ziya Əzizov (“NEC Nijmegen”, Hollandiya), Ozan Can Kökcü (“Giresunspor”, Türkiyə), Fərid Nəbiyev (“Slaviya”, Çexiya), Bahadur Həziyev (MOİK) və Rövlan Muradov (“Qarabağ”) yer alıblar.xeber100.com

“Yuventus” futbol klubu sabiq futbolçusunu transfer edəcək

İtaliyanın "Yuventus" klubu sabiq futbolçusu Pol Poqbanı qaytarmaq istəyində israrlıdır.Milli.az xəbər verir ki, ağ-qaralar fransalı yarımmüdafiəçinin transfer qiymətinin aşağı enməsi üçün futbolçularından birini "Mançester Yunayted"ə verməyə hazırdır.Turin təmsilçisi bunun üçün 3 oyunçusunu da təklif edir. Bunlar Aleks Sandro, Mehdi Benatia və Mario Mandzukiçdir.Qeyd edək ki, Poqba cari mövsümdə keçirdiyi 15 oyunda 5 qol və 4 məhsuldar ötürmə ilə fərqlənib.xeber100.com

EIA neft hasilatı üzrə proqnozunu dəyişməz saxlayıb

Azərbaycanda 2018-ci ildə neft və kondensat hasilatı orta hesabla sutkada 0,80 milyon barel təşkil edəcək.Milli.az bildirir ki, bu proqnoz ABŞ-ın Energetika Nazirliyinin Enerji İnformasiyası üzrə İdarəsinin (EIA) enerji bazarı üzrə noyabr icmalında öz əksini tapıb.Beləliklə, EIA 2018-ci il üçün Azərbaycanda neft hasilatı üzrə proqnozunu dəyişməz saxlayıb.Həmçinin qeyd olunur ki, 2019-cu ildə hasilat sutkada 0,79 milyon barelə çatacaq, halbuki bundan əvvəlki hesabatda bu göstərici 0,78 milyon idi.EIA-nın qiymətləndirməsinə görə, Azərbaycanda 2018-ci ilin dördüncü rübündə neft hasilatının həcmi sutkada 0,79 milyon barel təşkil edəcək, oktyabr hesabatında isə bu göstərici 0,78 milyon idi.Qurumun proqnozuna görə, ölkəmizdə 2019-cu ilin ilk iki rübündə neft hasilatının həcmi 0,80 milyon barel təşkil edəcək: "Üçüncü rübdə hasilat 0,79 milyon barel səviyyəsində gözlənilir, dördüncü rübdə isə - 0,77 milyon barel səviyyəsində".xeber100.com

UEFA Millətlər Liqasında növbəti oyunun heyəti açıqlanıb

Farer adaları yığmasının UEFA Millətlər Liqasında Azərbaycan və Malta qarşı keçirəcəyi oyunlar üçün heyəti açıqlanıb.Milli.az xəbər verir ki, baş məşqçi Lars Olsen 23 futbolçuya dəvət göndərib. Onlardan 3-ü qapıçı, 8-i müdafiəçi, 9-u yarımmüdafiəçi, 3-ü hücumçudur.Qapıçılar: Qunnar Nilsen ("Hafnarfyordur", İslandiya), Teytur Gestsson ("Torshavn"), Kristian Yönsen ("Klaksvik") Müdafiəçilər: Atli Qreqersen ("Vikinqur"), Odmar Feryo ("B-36 Torshavn"), Vilyormur Davidsen ("Veyle", Danimarka), Yoqvan Roy Davidsen ("Torshavn"), Sonni Raqnar Nattestad ("Horsens", Danimarka), Hayni Vatnsdal ("Fremad Amager", Danimarka), Qunnar Vatnhamar ("Vikinqur"), Maqnus Egilsson ("Torshavn") Yarımmüdafiəçilər: Kay Leo Bartalsstovu ("Vestmannaeyar", İslandiya), Gilli Rolantsson Sörensen ("Brann", Norveç), Rene Şaki Yensen ("Qrindavik", İslandiya), Hallur Hansson ("Horsens", Danimarka), Brandur Hendriksson Olsen ("Hafnarfyordur", İslandiya), Roqvi Baldvinsson ("Brüne", Norveç), Arni Frederiksberb ("NSİ Runavik"), Yohannes Byartalid ("Klaksvik"), Sölvi Vatnhamar ("Vikinqur") Hücumçular: Yohan Suymun Edmundsson ("Arminiya", Almaniya), Klemint Andrasson Olsen ("NSİ Runavik"), Yakub Tomsen ("Hafnarfyordur", İslandiya) Torshavnda Azərbaycan millisinin 3:0 hesabı ilə qalib gəldiyi ilk görüşlə müqayisədə Olsen 4 yeni oyunçuya - Frederiksberb, Byartalid, Vatnhamar və Tomsenə dəvət göndərib.Qeyd edək ki, noyabrın 17-də Bakı Olimpiya Stadionunda keçiriləcək Azərbaycan - Farer adaları qarşılaşması saat 21:00-da başlanacaq. Bundan 3 gün sonra isə Farer adaları Maltanın qonağı olacaq.xeber100.com

İspaniya La Liqasında ən yaxşı oyunçu müəyyənləşib

İspaniya La Liqasında oktyabr ayının ən yaxşı oyunçusu seçilib.Milli.az xəbər verir ki, "Barselona"nın hücumçusu Luis Suarez ötən ayın ən yaxşısı seçilib.Xatırladaq ki, Suarez oktyabrda 4 matçda 6 qol vurub. O, ötən ay "Real Madrid"lə görüşdə (5:1) het-trik edib.xeber100.com