“Azeri Light” markalı neftin bir barelinin qiyməti 5,93 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 5,93 dollar azalaraq 102,69 dollar olub.Xatırladaq ki, Azərbaycan neftinin bir barelinin bu il ərzində maksimum qiyməti martın 9-da (135,99) qeydə alınmışdı.xeber100.com

“Azərsu” ASC: İçməli suyun verilməsində məhdudiyyət yaranıb

Bakı şəhəri Neftçilər prospektindən keçən su xəttində baş vermiş qəza ilə əlaqədar aprelin 8-də Səbail rayonunun mərkəzi hissəsinə içməli suyun verilməsində məhdudiyyət yaranıb.“Azərsu” ASC-dən bildirilib ki, hazırda qəzanın aradan qaldırılması istiqamətində tədbirlər görülür.xeber100.com  

Yaponiya və Azərbaycanın sahibkarları əməkdaşlığı müzakirə ediblər

Bakıda səfərdə olan yaponiyalı qadın sahibkarlar Azərbaycanda Qadın Sahibkarlığının İnkişafı Assosiasiyasının (AQSİA) üzvləri ilə görüşüblər. Görüşdə birgə əməkdaşlıq perspektivləri, qarşılıqlı ticarət və təcrübə mübadiləsi, Azərbaycanla Yaponiya arasında iqtisadi əməkdaşlığa töhfə verilməsi və digər məsələlər ətrafında geniş fikir mübadiləsi aparılıb. AQSİA-dan Azərtac-a bildirilib ki, Yaponiyanın “Organic Halal VKSARA” kosmetik brendinin sahibi, iş xanımı Yumiko Nakano səfərin məqsədindən söz açıb. O deyib ki, Yaponiyada istehsal edilən ətriyyat məhsullarını Azərbaycan bazarında tanıtmaq məqsədilə Bakıya təşrif buyurublar: “Təkcə Azərbaycanda deyil, ölkənizin vasitəsilə məhsullarımızı türk və islam dövlətlərinə də idxal etmək niyyətindəyik. Bakıda mərkəzi ofis yaratmaq və regional satışlarımızı məhz buradan idarə etmək niyyətimiz var”. Azərbaycan və Yaponiya arasında iqtisadi və ticari münasibətlərin inkişafının vacibliyindən bəhs edən AQSİA sədri bu xüsusda yapon iş xanımlarının ölkəmizə səfərini yüksək qiymətləndirib: “Bakı səfərinizin nəticələrinə nəzər yetirdikdə görürük ki, kifayət qədər məhsuldar görüşlər keçirilib. Bu, bir daha əminliklə söyləməyə əsas verir ki, sizin səfərinizlə Azərbaycan və Yaponiyanın xanım sahibkarları arasında uğurlu əməkdaşlığın təməli qoyulub. Əminəm ki, qarşılıqlı və faydalı işbirliyinə nail olacağıq”.xeber100.com  

Mərkəzi Bank aprelin 8-nə olan USD/AZN rəsmi məzənnəsini açıqlayıb

Azərbaycan Mərkəzi Bankı (AMB) aprelin 8-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın aprelin 8-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Aerokosmik və Texnologiya Festivalına hazırlıq çərçivəsində

“TEKNOFEST Azərbaycan” Aerokosmik və Texnologiya Festivalına hazırlıq çərçivəsində Milli Federasiyaların “Rocket League” üzrə Avropa Çempionatında iştirakla bağlı qeydiyyatı başa çatıb.Məlumat üçün bildiririk ki, “TEKNOFEST Azərbaycan” Festivalı Türkiyə Teknoloji Takımı Vakfı (T3 Vakfı), Azərbaycan Respublikası Rəqəmsal İnkişaf və Nəqliyyat Nazirliyi (RİNN) və Türkiyə Respublikası Sənaye və Texnologiya Nazirliyinin birgə təşkilatçılığı ilə bu ilin 26-29 may tarixlərində Bakıda ilk dəfə olaraq keçiriləcək.RİNN-dən Azərtac-a bildirilib ki, Azərbaycan da daxil olmaqla Avropanın 25 ölkəsindən kiber atletlər “Rocket League” və “Tekken” yarışları üzrə paytaxtımızda bir araya gələcəklər.Sözügedən çempionat zamanı Avropa Kiber İdman Federasiyası da daxil olmaqla Milli Federasiyalardan ümumilikdə 27 nümayəndə yarışları izləmək üçün Bakıda rəsmi səfərdə olacaq.“Tekken” yarışması üzrə Azərbaycan, Bosniya və Herseqovina, Estoniya, Finlandiya, Fransa, Gürcüstan, İsrail, İtaliya, Macarıstan, Litva, Lüksemburq, Makedoniya, Malta, Monako, Monteneqro, Niderland, Polşa, Rumıniya, Rusiya, Serbiya, Slovakiya, İspaniya, İsveç, Türkiyə və Uelsdən ümumilikdə 25 kiber atlet mübarizəyə qoşulacaq.“Rocket League” üzrə isə Azərbaycan, Gürcüstan, İsrail, Macarıstan, Lüksemburq, Monako, Monteneqro, Niderland, Rumıniya, Rusiya, Serbiya, Slovakiya, İspaniya, İsveç, Türkiyə və Uelsdən ümumilikdə 48 iştirakçı 16 komandada təmsil olunmaqla mübarizəni davam etdirəcək.xeber100.com  

Mərkəzi Bankda Dövlət Neft Fondunun iştirakı ilə valyuta hərracı keçirilib

Aprelin 5-də Mərkəzi Bankda Dövlət Neft Fondunun da iştirakı ilə valyuta hərracı keçirilib.Bankdan Azərtac-a bildirilib ki, hərracda tələb 68 milyon ABŞ dolları təşkil edib və tam təmin olunub. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Azərbaycan-İordaniya biznes forumu keçiriləcək

Aprelin 17-də Əmmanda Azərbaycan-İordaniya biznes forumu keçiriləcək.Azərbaycanın İordaniyadakı səfirliyinə istinadla xəbər verir ki, tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədovun rəhbərliyi ilə nümayəndə heyətinin iştirakı gözlənilir.Tədbirdə iqtisadi əməkdaşlıq əlaqələrinin inkişaf yolları müzakirə ediləcək, əməkdaşlıq sahələri haqqında fikir mübadiləsi aparılacaq.xeber100.com

“Light” markalı neftin bir barelinin qiyməti 1,01 dollar azalıb

Dünya birjalarında neft qiymətləri azalıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,32 dollar ucuzlaşaraq 104,39 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,01 dollar azalaraq 99,27 dollar olub.xeber100.com  

Bakı Fond Birjasında qısamüddətli notlarının yerləşdirilməsi üzrə hərrac keçiriləcək

Aprelin 4-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notun həcmi 30 milyon manat, nominal dəyəri 100 manat, tədavül müddəti 84 gündür. Notlar iyunun 27-də ödəniləcək. Hərracın gedişi zamanı hər bir bank tərəfindən təqdim edilən sifarişlərin ümumi sayı 2-dən artıq (1 rəqabətli və 1 qeyri-rəqabətli) olmamalıdır və verilmiş sifarişlərin nominal məbləği hərraca çıxarılmış notların həcmindən artıq olmamalıdır. Notların buraxılışının 20 faizdən artıq olmamaq şərti ilə qeyri-rəqabətli sifarişlərin qəbul edilməsinə icazə verilir. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizinə qədər artırıla bilər. Hərrac nəticəsində bağlanılan əqdlər üzrə hesablaşmalar T+0 rejimində həyata keçiriləcək. Azərbaycan Respublikasının Mərkəzi Bankının qısamüddətli notlarının alıcıları qismində yalnız lisenziya əsasında fəaliyyət göstərən yerli banklar çıxış edə bilər.xeber100.com

“Caspian Energy Club” üzvlərinin ümumi iclası keçirilib

“Caspian Energy Club” üzvlərinin ümumi iclası keçirilib. Toplantı çərçivəsində martın 16-dan 18-dək keçirilmiş seçkilərin nəticəsi elan olunub. Seçkilərin nəticəsinə görə, “Caspian Energy Club”un idarə heyətinin sədri, idarə heyətinin üzvləri, komitə və işçi qrupların sədr və üzvləri müəyyənləşib.Bu barədə Azərtac-a “Caspian Energy Club” qrupunun sədri və baş icraçı direktoru Telman Əliyev məlumat verib.“Olduqca maraqlı və pozitiv seçkilər keçdi. Hər bir namizəd qələbəyə layiq idi. Bu prosesdə klub üzvlüyünə maraq ilbəil artır. Builki seçkilərdə müxtəlif yerlər üzrə 40-dan artıq namizəd və 500-ə yaxın seçici var idi”, - deyə T.Əliyev bildirib.“Caspian Energy Club”un əvvəlki heyətinə, Savaş Uzana, Avni Dəmirçiyə, Fərid Məmmədova, Rəşad Abbasova, Zərifə Həmzəyevaya və Nəriman Məmmədova xüsusi təşəkkürümü bildirmək istəyirəm. Onlar pandemiya dövründə bu ağır yükü öz üzərinə götürərək, iki il ərzində biznes-hökumət dialoqunda fəal iştirak edib və biznes-netvorkinq üçün beynəlxalq platformanı idarə ediblər. Bu çətin mərhələdə idarə heyətinin üzvləri əvəzsiz dəstək göstərib, böyük dəyişikliklərə həvəsləndirib, həmçinin “Caspian Energy Club”a yeni iştirakçıların cəlb olunmasına kömək ediblər. Klubun idarə heyətinin və komitə rəhbərliyinin müntəzəm fəaliyyəti sayəsində biz netvorkinq üçün “CEO Breakfast”, “CEO Tea”, “CEO Cocktail” kimi yeni unikal formatlar yaratdıq. Onların hər biri “Caspian Energy Club”un vizit kartına çevriliblər. Mən, həmçinin icra komitəsinə və “Caspian Energy Club” komandasına minnətdarlığımı bildirmək istəyirəm. Onlar 2020-ci il martın 30-dan bu günədək onlayn və offlayn formatda 280-ə yaxın tədbirin təşkilində böyük səylə iştirak ediblər”, - deyə Telman Əliyev söyləyib.Sıralarında dünyanın 50 ölkəsindən 5 mindən artıq şirkət və təşkilatı birləşdirən “Caspian Energy Club” 2002-ci ilin iyununda yaradılıb. “Biznes-hökumət” dialoqunun fəal iştirakçısı olan “Caspian Energy Club”un əsas məqsədi Azərbaycanda və Klubun fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.xeber100.com