Nəcibə Məlikova – 95

Sabunçu rayon Mərkəzləşmiş Kitabxana Sisteminin 8 nömrəli filialında Azərbaycanın Xalq Artisti Nəcibə Məlikovanın anadan olmasının 95 illiyi münasibətilə “Müqəddəs ana obrazının ən yaxşı ifaçısı” adlı “dəyirmi masa” keçirilib.Tədbirdə filialın müdiri Həmayə Əzizova, N.Məlikovanın teatrda klassik və çağdaş Azərbaycan dramaturqlarının, dünya ədiblərinin dram əsərlərində oynadığı rollardan danışıb. Bildirib ki, Nəcibə xanım teatrla yanaşı, kinoda da uğurlu rollar yaradıb. Onların arasında “Ögey ana”da Dilarə, “Aygün”də Aygün, “Arşın mal alan”da Cahan xala, “Əhməd haradadır”da Nərgiz xala rollarının ifası aktrisanın yaradıcılıq nailiyyətləri kimi dəyərləndirilib.Tədbirdə aktrisanın ifa etdiyi obrazları əks etdirən fotolardan ibarət sərgi nümayiş etdirilib.xeber100.com

Musiqili Teatrda xatirəsi gecəsi keçirilib

  Musiqili Teatrda Mobil Əhmədovun xatirəsi yad edilib. Azərbaycan Dövlət Musiqili Teatrının aktyoru, xalq artisti Mobil Əhmədovun 85 yaşı tamam olub. Teatrdan bildirib ki, bu münasibətlə Dövlət Musiqili Teatrında mərhum aktyorun xatirəsi anılıb, dahi Üzeyir Hacıbəylinin ölməz “O olmasın, bu olsun” iki hissəli musiqili komediyasının növbəti nümayişi Mobil Əhmədovun 85 illiyinə həsr olunub.xeber100.com      

Pantomima Teatrı dekabr ayına olan repertuarını təqdim edir

Pantomima Teatrının dekabr repertuarı maraqlı tamaşalarla zəngindir.Teatr dekabr ayına olan repertuarını təqdim edir: 3 dekabr – “Pantomima buketi” 4 dekabr – “Fəlakət və insan” (uşaq tamaşası), “Underground” (yeni tamaşa) 10 dekabr – “Ağ bığlılar” 11 dekabr – “Fəlakət və insan” (uşaq tamaşası), “Adajio” 18 dekabr – “Fəlakət və insan” (uşaq tamaşası), “Son ştrix” 24 dekabr – “Underground” (yeni tamaşa) 25 dekabr – “Fəlakət və insan” (uşaq tamaşası), “Ora-bura” 26 dekabr – “Dejavü” Qeyd: Böyüklər üçün tamaşalar saat 18:00-da, uşaqlar üçün isə saat 14:00-da başlanır.xeber100.com

Sumqayıt Teatrı 48-ci mövsümün açılışına hazırlaşır

Sumqayıt Dövlət Dram Teatrı 48-ci mövsümün açılışına hazırlaşır. Teatr mövsümün ilk tamaşası kimi M.F.Axundzadənin “Hacı Qara” komediyasını təqdim edəcək. Tamaşanın quruluşçu rejissoru Firudin Məhərrəmovdur. Əsas rolları Əməkdar artistlər Cəlal Məmmədov, İlahə Səfərova, aktyorlar İlham Səfərli, İlahə Səfərova və b.təqdim edəcəklər.xeber100.com

Şuşa Teatrı təqdim edir…

Noyabrın 21–də Beynəlxalq Muğam Mərkəzində Şuşa Dövlət Musiqili Dram Teatrının təqdimatında görkəmli Azərbaycan dramaturqu Nəcəf bəy Vəzirovun “Dələduz” tamaşasının premyerası olacaq.Azərtac xəbər verir ki, tamaşanın quruluşçu rejissoru Lalə Şirinova, quruluşçu rəssamı Valeh Məmmədov, musiqi tərtibatçısı Ağasəlim Feyzullayevdir.Tamaşada teatrın aktyorları - Teymur Məmmədov, Mətanət Eres, Etibar Cəfərov, Rasəf Mehdiyev, Nazir Rüstəmov və b. iştirak edirlər.xeber100.com

“Vaqif” operasının premyerası keçiriləcəkdir

Noyabrın 26-da  Azərbaycan Dövlət Akademik Opera və Balet Teatrında  bəstəkar Ramiz Mustafayevin "Vaqif" operasının premyerası keçiriləcəkdir. Operanın yeni quruluşu mərhum bəstəkarın 90 illik yubileyinə həsr olunub. Premyera tamaşasında xalq artisti Əli Əsgərov (Vəzir), Əməkdar artistlər Ramil Qasımov (Vaqif), İlahə Əfəndiyeva (Xuraman),  Əkrəm Poladov  (Vidadi) və b. çıxış  edəcəklər.Tamaşanın dirijoru Cavanşir Cəfərov, quruluşçu rejissoru Hafiz Quliyevdir.xeber100.com

Nəsibə Zeynalova – 100

Bu il böyük gülüş ustası Nəsibə Zeynalovanın anadan olmasının 100 ili tamam olur. Xatırladaq ki, yubiley tədbiri Musiqili Teatrında keçiriləcək. Teatrdan verilən məlumata görə, yubiley gecəsində N. Zeynalovanın yaxınları, sənət dostları, vaxti ilə onunla birlikdə çalışmış həmkraları iştirak edəcəklər. Musiqili Teatrın direktoru Əliqismət Lalayev bildirib ki, N. Zeynalovanın 100 illik yubiley tədbirilərinin yüksək səviyyədə keçirilməsi ilə əlaqədar ölkə başçısı  Sərəncam imzalayıb: “Sərəncama uyğun olaraq milli mədəniyyətimizin inkişafına dəyərli töhfələr vermiş korifey sənətkar, fitri istedadı ilə xalqımızın çoxəsrlik zəngin mədəniyyət salnaməsində silinməz iz qoymuş, parlaq yaradıcılıq yoluna malik olan Nəsibə Cahangir qızı Zeynalovanın 100 illik yubiley tədbiri 24 noyabr 2016-cı il tarixində keçiriləcək. Yubiley tədbirləri çərçivəsində Dövlət Teatr Muzeyi tərəfindən hazırlanmış N. Zeynalovanın yaradıcılıq yolunu əhatə edən səyyar sərginin teatrımızda, aktrisanın iştirakı ilə çəkilmiş bədii filmlərin “Nizami” Kino Mərkəzində nümayişi və qüdrətli sənətkarın həyat və yaradıcılığına həsr olunmuş kitabın (müəllifi İ. Rəhimli) və foto-albomun nəşr edilməsi nəzərdə tutulur”, - deyə Ə. Lalayev bildirib.xeber100.com                

Rus Dram Teatrında mətbuat konfransı keçiriləcək

Noyabrın 18-də Azərbaycan Dövlət Rus Dram Teatrında Moskva Akademik Teatrı kollektivinin Bakıya qastroluna həsr olunan mətbuat konfransı keçiriləcək.Azərtac Rus Dram Teatrının saytına istinadla xəbər verir ki, görüşdə Rusiya Qastrol Fəaliyyətinə Dəstək Federal Mərkəzinin direktoru Anton Proxorov, V.Mayakovski Teatrının bədii rəhbəri Mindauqas Karbauskis, direktoru Leonid Oşarin, Rusiyanın Xalq artistləri Svetlana Nemolyayeva, Qalina Anisimova, Mixail Filippov, Rus Dram Teatrının direktoru, Əməkdar Mədəniyyət İşçisi Ədalət Hacıyev, teatrın baş rejissoru Aleksandr Şarovski iştirak edəcəklər.Xatırladaq ki, qastrol çərçivəsində V.Mayakovski Teatrının bədii rəhbəri Mindauqas Karbauskisin quruluşunda “Rus romanı” və Sergey Artsibaşevin quruluşunda “Evlənmə” tamaşalarının nümayişi nəzərdə tutulur.xeber100.com

IV Bakı Beynəlxalq Teatr Konfransı çərçivəsində…

Musiqili Teatrda “Teatr və multikulturalizm” mövzusunda keçirilən IV Bakı Beynəlxalq Teatr Konfransı çərçivəsində ölkəmizə gələn Rusiya Federasiyasının aparıcı teatr kollektivlərinin rəhbərləri ilə görüş keçirilib. Dövlət Musiqili Teatrının Mətbuat katibi Samir Sədaqətoğlu bildirib ki, görüşdə Musiqili Teatrların Beynəlxalq Assosiasiyasının İcraçı direktoru Natalya Zıkova, Sverdlovsk Akademik Musiqili Komediya Teatrının baş direktoru Mixail Safronov, İrkutsk Musiqili Teatrının direktoru Tatyana Mezençeva, həmin teatrın baş rejissoru Anna Feketa, “Sankt-Peterburq Opera” Kamera Musiqili Teatrının direktoru Yevgeni Malıgin, Severski Musiqili Teatrının direktoru Svetlana Bunakova, Moskva Dövlət Musiqili Teatrının Bədii rəhbəri Gennadi Çixaçov, baş dirijoru Vladimir Yankovskiy, Orenburq Dövlət Musiqili Teatrının direktoru Svetlana Barisova və Rusiya Federasiyasının nüfuzlu teatr tənqidçisi Larisa Barikina iştirak ediblər. Azərbaycan Dövlət Musiqili Teatrının direktoru Əliqismət Lalayev qonaqları salamlayaraq onları ölkəmizdə görməkdən məmnun olduğunu bildirib. İşgüzar şəraitdə keçən görüşdə ikitərəfli mədəni əlaqələr müzakirə edilib, bir sıra tövsiyə xarakterli təkliflər səsləndirilib. Belə səmərəli təkliflərdən biri də yaradıcılıq mübadiləsi ilə bağlı olub. İki ölkə dramaturqlarının əsərlərinin səhnələşdirilməsi, rejissor və aktyorların müvafiq olaraq Azərbaycana və Rusiyaya dəvət edilərək səhnə əsərlərinə quruluş verməsi və iştirakı, habelə qarşılıqlı səfər və qastrolların təşkili ilə bağlı məsələlərə toxunulub.xeber100.com

Milli Dram Teatrında xatirə gecəsi keçiriləcək

Noyabrın 15-də Milli Dram Teatrında xalq artisti Yaşar Nurinin 65 illik yubileyi münasibəti ilə tədbir keçiriləcək. Mərasimdə Y. Nurinin kino, televiziya və teatr tamaşalarından fraqmentlər nümayiş olunacaq, sənətkarın dostları xatirələrini bölüşəcəklər. Gecədə eyni zamanda Y. Nurinin sevdiyi mahnılar səslənəcək.xeber100.com