Təhsil Nazirliyinin məlumatına görə…

2017-2018-ci tədris ilinə ölkənin ümumi təhsil məktəblərinin 10-cu siniflərinin istifadəsi üçün nəzərdə tutulan, ilk dəfə olaraq yeni təhsil proqramları (kurikulumları) əsasında tərtib edilmiş dərsliklərə və həmin dərsliklər üzrə müəllimlərin işləməsi üçün hazırlanmış metodik vəsaitlərə dair ictimai rəyin öyrənilməsi prosesinə başlanılıb.Təhsil Nazirliyindən Azərtac-a bildirilib ki, bu məqsədlə həmin dərslik və metodik vəsaitlərin layihələri www.trims.edu.az saytının “İctimai müzakirə” bölməsində yerləşdirilir və yaxın müddətdə bütün layihələrin saytda yerləşdirilməsi başa çatacaq.Sayta daxil olaraq “İctimai müzakirə” bölməsində yerləşdirilmiş istənilən dərslik və metodik vəsaitin PDF variantı ilə tanış olmaq, eyni zamanda, xüsusi ayrılmış sahədə irad və təklifləri yazmaq mümkündür.xeber100.com

IX Respublika Olimpiadasının növbəti turu keçirilib

Şirvan şəhər E.B.İmanov adına 10 nömrəli məktəbdə rus dili və ədəbiyyatı fənni üzrə IX Respublika Olimpiadasının növbəti turu keçirilib.Bakıdakı Rusiya İnformasiya və Mədəniyyət Mərkəzindən Azərtac-a bildirilib ki, olimpiada Rusiyanın Azərbaycandakı səfirliyi, "Rossotrudniçestvo" Agentliyinin ölkəmizdəki nümayəndəliyi, Təhsil Nazirliyi və Azərbaycanın Rusdilli Tədris Müəssisələrinin Müəllimləri Assosiasiyasının birgə təşkilatçılığı ilə keçirilib.Rusiyanın Azərbaycandakı səfiri Vladimir Doroxin, Şirvan Şəhər İcra Hakimiyyəti başçısının müavini Elmira Ağayeva və Şirvan Şəhər Təhsil Şöbəsinin müdiri Rövşən Allahverdiyev olimpiada iştirakçılarını salamlayıblar.Vladimir Doroxin deyib: “Azərbaycan məktəblərində çox güclü rusdilli sektorlar var, Azərbaycanın ali məktəbində də bu cür sektor var. Bu, yaxşıdır, bu, ölkənin və bizim münasibətlərimizin rifahı naminədir. Rusiyada bunu bilir, görür və qiymətləndirirlər”.Olimpiadada Şirvan şəhərindən, Sabirabad, Saatlı, Hacıqabul və İmişli rayonlarından məktəblilər iştirak ediblər.Regional turun sonunda “Rossotrudniçestvo” Agentliyinin Azərbaycandakı nümayəndəliyinin rəhbəri Valentin Denisov Şirvan şəhər, Sabirabad, Saatlı, Hacıqabul və İmişli rayon icra hakimiyyətlərinə olimpiadanın keçirilməsini dəstəklədiklərinə görə təşəkkürünü bildirib. O, Şirvan şəhər 10 nömrəli məktəbə rus dili və ədəbiyyatı fənni üzrə dərsliklər verib.Olimpiadanın növbəti turları aprelin 7-8-də İsmayıllı və Şamaxı şəhərlərində keçiriləcək.xeber100.com

İlk elektron sınaq imtahanının vaxtı açıqlanıb

Dövlət İmtahan Mərkəzi (DİM) ali təhsil müəssisələrinin bakalavriat səviyyəsinə qəbul olmaq üçün aprel-may aylarında keçiriləcək birinci qəbul imtahanlarında iştirak edən abituriyentləri nəzərə alaraq I-IV ixtisas qrupları üzrə elektron sınaq imtahanları keçirir.DİM-dən Azərtac-a bildirilib ki, ilk elektron sınaq imtahanında iştirak üçün abituriyentlər martın 21-dən 25-dək Dövlət İmtahan Mərkəzinin imtahan.az saytına daxil olub qeydiyyatdan keçməlidirlər. Elektron sınaq imtahanı martın 25 və 26-da əvvəlcədən təyin edilmiş saatlarda keçiriləcək. Abituriyentlər qeydiyyat zamanı seçdikləri tarix və saatda imtahan.az saytına daxil olub imtahan verməlidirlər. İmtahan müddəti 3 saatdır.Birinci elektron sınaq imtahanında iştirak ödənişsizdir və bu imtahanda “Abituriyent” jurnalının 1 saylı buraxılışında qəbul imtahanı fənləri üzrə tərtib edilmiş model test tapşırığı nümunələrindən istifadə olunacaq. Bu imtahanda iştirak etməklə abituriyentlər elektron sınaq imtahanı texnologiyasını mənimsəyəcək və növbəti elektron sınaq imtahanlarında çətinlik çəkməyəcəklər.Növbəti elektron sınaq imtahanlarının 1 və 2 aprel tarixlərində keçirilməsi nəzərdə tutulur. Bu imtahanlarda yeni test tapşırığı nümunələrindən istifadə olunacaq və iştirak ödənişlidir (10 manat). Ödəniş etmək qaydaları ilə saytda tanış olmaq mümkündür. Ödənişli elektron sınaq imtahanlarında iştirak etmək üçün qeydiyyat martın 27-dən 31-dək aparılacaq.Abituriyentlər elektron sınaq imtahanı xidmətindən smart tipli mobil telefon və ya planşet vasitəsilə də istifadə edə bilərlər.Xatırladaq ki, I-IV ixtisas qrupları üzrə ənənəvi kağız üzərində keçirilən sınaq imtahanları 27 may və 11 iyun tarixlərində keçiriləcək.xeber100.com

Müəllim və valideynlərin növbəti səyyar qəbulu keçirilib

Paytaxtdakı 220 nömrəli məktəb-liseydə müəllim və valideynlərin növbəti səyyar qəbulu keçirilib.Bakı Şəhəri üzrə Təhsil İdarəsindən Azərtac-a bildiriblər ki, Nizami və Nərimanov rayonları üzrə keçirilmiş qəbula gələnlər məktəblərin təmiri, maddi-texniki təminat, fərdi təhsil və digər müvafiq məsələlərlə bağlı müraciət ediblər.Vətəndaşların müraciətləri qeydiyyata alınıb. Bir sıra müraciətlər yerindəcə həllini tapıb, digər məsələlərin həlli ilə bağlı müvafiq tədbirlərin icrasına başlanılıb.BŞTİ-nin rəhbərliyi və struktur bölmə əməkdaşlarının iştirak etdikləri səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə daha sağlam və yaradıcı mühitin təmini üçün sistemli iş aparılması məqsədlərinə xidmət edir.xeber100.com

Təhsil Nazirliyinin məlumatına görə…

Martın 21-dən 26-dək respublikanın regionlarında yerləşən dövlət uşaq müəssisələrinin şagirdləri üçün Bakı şəhərinə ekskursiyaların təşkili planlaşdırılır.Təhsil Nazirliyindən Azərtac-a bildiriblər ki, məqsəd şagirdlərin yaz tətillərini səmərəli təşkil etmək, onları mədəni-tarixi abidələr və muzeylərlə tanış olmalarına şərait yaratmaqdır.Tətil müddətində regionlardakı müəssisələrdən gələn şagirdlər Bakı şəhərində fəaliyyət göstərən internat məktəblərində qonaq olacaqlar.xeber100.com

Abituriyentlər üçün məsləhət saatları keçiriləcək

Azərbaycan Dövlət Rəssamlıq Akademiyası (ADRA) martın 28-29-da saat 10.00-dan 14.00-dək akademiyanın yeni tədris binasında abituriyentlər üçün məsləhət saatları keçirəcək.Dövlət İmtahan Mərkəzindən Azərtac-a bildiriblər ki, məsləhət saatlarına təsviri sənət istiqamətinin ixtisasları üzrə qabiliyyət imtahanında iştirak etmək istəyənlər qatıla bilərlər.Maraqlananlar ADRA-nın Bakı şəhəri, Heydər Əliyev prospekti, 24 ünvanında yerləşən tədris binasına müraciət edə bilərlər.xeber100.com

Dövlət İmtahan Mərkəzinin məlumatı

Dövlət İmtahan Mərkəzi ümumi orta təhsil bazasında buraxılış imtahanlarının keçirilməsi, materialların emalı və yazı işlərinin yoxlanılmasına ictimai nəzarətin təşkili, prosesin şəffaflığının təmin edilməsi məqsədilə İctimai Şura yaradır.Azərtac xəbər verir ki, bunu Dövlət İmtahan Mərkəzi (DİM) Direktorlar Şurasının sədri Məleykə Abbaszadə 2017/2018-ci tədris ili üçün Azərbaycan Respublikasının ali və orta ixtisas təhsili müəssisələrinə qəbul olunmaq məqsədilə ərizə qəbulunun başlanması ilə əlaqədar martın 17-də keçirdiyi mətbuat konfransında deyib.M.Abbaszadə diqqətə çatdırıb ki, İctimai Şura DİM Direktorlar Şurası tərəfindən formalaşdırılacaq. Proseslərə cəlb olunmazdan əvvəl şura üzvlərinə təlimlər keçiriləcək, onlara hüquq və vəzifələri izah ediləcək.xeber100.com

Novruz bayramına həsr olunmuş xonça festivalı keçirilib

Bakı Ali Neft Məktəbində (BANM) Novruz bayramına həsr olunmuş xonça festivalı keçirilib. Festival bu ali məktəbin ingilis dili və humanitar fənlər mərkəzi tərəfindən təşkil olunub.BANM-dən Azərtac-a bildiriblər ki, tələbələr 14 komandanın tərkibində tədbirdə iştirak ediblər.Vurğulanıb ki, Novruz bayramının ölkəmizdə, xüsusilə gənclər arasında geniş qeydedilmə ənənəsi var. Səməni və boyanmış yumurtalar Novruzun xüsusi simvollarıdır. Eyni zamanda, bu bayramda yumurta döyüşdürmək kimi maraqlı adətimiz də var. BANM-in tələbə və müəllimləri Novruzu birgə qeyd edərək onu hazırlıq kursunun ən yaddaqalan xatirəsinə çeviriblər.Festival çərçivəsində üç müsabiqə təşkil olunub. Xonça müsabiqəsi, yumurta döyüşü və şirniyyatın sürətlə yeyilməsi.xeber100.com

Gənc Alimlər Məktəbi yaradılacaq

Dünyanın tanınmış elmi-analitik informasiya təminatçısı olan “Thomson Reuters”in departament direktoru Oleq Utkin və şöbə müdiri Valentin Boqorov UNEC-in rektoru Ədalət Muradovla görüşüb.UNEC-dən Azərtac-a bildiriblər ki, “Thomson Reuters” ilə universitet arasında gələcək əməkdaşlığın üç istiqaməti – beynəlxalq konfransın təşkili, elmmetrik laboratoriyanın qurulması və Gənc Alimlər Məktəbinin yaradılması görüşün əsas müzakirə mövzusu olub.Bildirilib ki, UNEC və “Thomson Reuters”in birgə təşkilatçılığı ilə mayda keçiriləcək “Müasir universitetlərdə elmi fəaliyyətin idarə olunması modeli: innovativ inkişaf çağırışlar və perspektivlər” mövzusunda beynəlxalq konfrans dünyanın nüfuzlu universitetlərinin alimlərini UNEC-də bir araya gətirəcək. Tədbir, eyni zamanda, ölkədə “Web of Science” platformasına çıxış əldə etməyə dəstək göstərəcək.xeber100.com

Bakı Dövlət Universitetinin məlumatı

Bakı Dövlət Universitetinin (BDU) “Gənc istedadlar” liseyində Novruz bayramı münasibətilə tədbir keçirilib.BDU-dan Azərtac-a bildirilib ki, liseyin direktoru, professor Qasım Hüseynov bayram münasibətilə müəllim və şagirdləri təbrik etdikdən sonra 5 “r” sinfinin şagirdləri maraqlı səhnəсiklər göstəriblər.Liseyin müəllimləri Zəhra Qasımova, Yeganə Qarayeva və Kəmalə Əliyeva tərəfindən hazırlanan tədbirdə Novruz bayramı ilə bağlı şeirlər səsləndirilib, rəqslər nümayiş olunub.xeber100.com