Dövlət İmtahan Mərkəzi Apelyasiya Komissiyası yaradıb

14 May 2018 14:59

Xəbər 39 dəfə oxunub

Mayın 13-də Dövlət İmtahan Mərkəzi (DİM) tərəfindən II və III ixtisas qrupları üzrə keçirilmiş qəbul imtahanında istifadə olunmuş test tapşırıqlarının məzmunu ilə əlaqədar abituriyentlərin müraciətlərinə baxılması üçün Apelyasiya Komissiyası yaradılıb.DİM-dən Azərtac-a bildirilib ki, Apelyasiya Komissiyası Bakı şəhəri, Abdulvahab Salamzadə küçəsi, 28 ünvanında (Bakı Asiya Universitetinin binasında) fəaliyyət göstərir.Abituriyentlər Apelyasiya Komissiyasına mayın 14-dən 16-dək saat 10-dan 17-yə qədər şəxsiyyəti təsdiq edən sənədin əslini təqdim etməklə şəxsən müraciət edə bilərlər.Apelyasiya Komissiyası fəaliyyətini başa çatdırdıqdan sonra test tapşırıqlarının məzmunu, həmçinin imtahanda baş vermiş digər hallarla bağlı müraciətlərə baxılmır.xeber100.com

Reklam

Dövlət İmtahan Mərkəzinin məlumatı

Dövlət İmtahan Mərkəzi (DİM) mayın 22-də 11 dövlət orqanında inzibati vəzifələrin A və B növü üzrə 27 vakant vəzifənin tutulması üçün ümumi müsahibə elan edib.DİM-dən Azərtac-a bildiriblər ki, ümumi müsahibəyə çıxarılan vəzifələrdən altısı A növü - inzibati rəhbər vəzifələr üzrə (Energetika Nazirliyi – altı vəzifə), 21-i isə B növü – inzibati icraçı vəzifələr üzrə olmaqla (Energetika Nazirliyi – bir vəzifə, Qaçqınların və Məcburi Köçkünlərin İşləri üzrə Dövlət Komitəsi – bir vəzifə, Şirvan Apellyasiya Məhkəməsi – üç vəzifə, Əmlak Məsələləri Dövlət Komitəsi – iki vəzifə, Hesablama Palatası – bir vəzifə, Maliyyə Nazirliyi – dörd vəzifə, Şabran Rayon Məhkəməsi – iki vəzifə, Lənkəran Ağır Cinayətlər Məhkəməsi – iki vəzifə, Təhsil Nazirliyi – üç vəzifə, Şirvan Apellyasiya Məhkəməsi – bir vəzifə, Kəlbəcər Rayon Məhkəməsi – bir vəzifə) mərkəzi icra hakimiyyəti orqanlarının mərkəzi aparatlarında, tabeliyində olan qurumlarda, yerli təşkilatlarında və rayon məhkəmələrindədir.Ümumi müsahibəyə çıxarılan vəzifələr arasında ən yüksək vəzifələr inzibati vəzifələrin dördüncü təsnifatına uyğun olan Energetika Nazirliyi insan resursları və dövlət qulluğu şöbəsi, kadr siyasəti sektoru şöbə müdirinin müavini-sektor müdiri, beynəlxalq əməkdaşlıq şöbəsinin müdiri, beynəlxalq əməkdaşlıq şöbəsi, dövlətlərarası əməkdaşlıq sektoru şöbə müdirinin müavini-sektor müdiri, strateji proqramlar və islahatlar şöbəsi-şöbə müdirinin müavini, inzibati vəzifələrin beşinci təsnifatına uyğun olan Energetika Nazirliyi insan resursları və dövlət qulluğu şöbəsi, dövlət qulluğu sektorunun müdiri, Çağrı Mərkəzi sektorunun müdiri vəzifələridir.Ümumi müsahibədə iştirak etmək istəyən namizəd buradan “Dövlət qulluğu üzrə müraciət Forması” vasitəsilə DİM-in internet portalına məlumatları daxil etməlidir. Namizəd portala daxil etdiyi məlumatların və sənədlərin aktuallığını və tamlığını təsdiqləməli və mayın 22-dən iyunun 22-si saat 18:00-dək (30 gün müddətində) mərkəzin portalı vasitəsilə müsahibədə iştirak üçün müraciət etməlidir.xeber100.com

May 22, 2018 13:24

İqtisad Universitetinin təşkilatçılığı ilə “Startap günləri” keçiriləcək

Mayın 25-də Nəqliyyat, Rabitə və Yüksək Texnologiyalar Nazirliyi, “Startap Azərbaycan” Təşkilat Komitəsi və Azərbaycan Dövlət İqtisad Universitetinin (UNEC) birgə təşkilatçılığı ilə “Startap günləri” keçiriləcək.UNEC-dən Azərtac-a bildirilib ki, tədbir Nəqliyyat, Rabitə və Yüksək Texnologiyalar Nazirliyi nəzdində Yüksək Texnologiyalar Parkı və İnformasiya Texnologiyalarının İnkişafı Dövlət Fondunun dəstəyi ilə reallaşacaq.“Startap günləri”nin keçirilməsinin məqsədi yeni startapların yaradılmasına və internet biznesin inkişafına təkan verməkdir. Eyni zamanda, milli startap infrastrukturunu inkişaf etdirmək və tələbələrə bu istiqamətdə metodik dəstək göstərmək layihənin prioritetləri sırasındadır.İki gün davam edəcək tədbirlər çərçivəsində startapların təqdim edilməsi, layihələrin ilkin versiyalarının və prototiplərinin hazırlanması mövzusunda təlimlər keçiriləcək. Eyni zamanda, tələbələrə yerli startap sahibləri, tanınmış ekspert və nüfuzlu informasiya texnologiyaları şirkətlərinin rəhbərləri ilə görüşmək imkanı yaradılacaq.“Startap günləri”ndə gənclərin biznes ideyalarının və yeni internet layihələrinin ilkin variantlarının müsabiqəsi təşkil olunacaq. Tələbələr innovativ biznes ideyalar ətrafında komandalar formalaşdıraraq, mentor və ekspertlərin köməyi ilə yeni startap layihələrinin ilkin variantlarını hazırlayacaqlar. Yekunda öz layihələrini təqdim etməklə yarışmaya qatılan tələbələrin ideyalarını peşəkar münsiflər heyəti qiymətləndirəcək.Qaliblərə qiymətli hədiyyələr, diplom və sertifikatlar təqdim olunacaq.xeber100.com

May 21, 2018 13:05

Sonuncu sınaq imtahanına qeydiyyat başlayır

I-IV ixtisas qrupları üzrə ali təhsil müəssisələrinə qəbul olunmaq istəyən abituriyentlərin qəbul imtahanlarına daha səmərəli hazırlaşmalarına kömək məqsədilə iyunun 10-da sonuncu sınaq imtahanı keçiriləcək.Dövlət İmtahan Mərkəzindən (DİM) Azərtac-a bildirilib ki, sınaq imtahanları bir növbə üzrə keçirilir və bütün binalarda saat 11:00-da başlayır.Sınaq imtahanına qeydiyyat mayın 16-sı saat 10:00-dan iyunun 6-sı saat 10:00-dək aparılacaq.Sınaq imtahanının 11 şəhər və rayonda keçirilməsi nəzərdə tutulur. İmtahanın keçiriləcəyi binalar DİM-in rəsmi saytının müvafiq bölməsində hər şəhər və rayonda bir bina olmaqla yerləşdiriləcək. Növbəti imtahan binası sayta əvvəlki bina tam dolduqdan sonra yerləşdiriləcək.Sınaq imtahanlarında iştirak etmək istəyən şəxslər ekabinet.dim.gov.az saytındakı “Şəxsi kabinet”in “Hesab” bölməsində “Sınaq imtahanına yazılmaq üçün ödəmə kartı” > “Sınaq imtahanının növü” > “Bakalavriat səviyyəsi üzrə sınaq imtahanı” ardıcıllığı vasitəsilə ödəmə kartını əldə edib eservices.dim.gov.az/sinaq səhifəsində YENİ İSTİFADƏÇİ kimi qeydiyyatdan keçməlidirlər. Sınaq imtahanında iştirak haqqı 20 AZN-dir.Qeydiyyatdan keçmiş istifadəçilər istədiyi zaman yeni ödəmə kartı əldə edib hesablarının balansını artıra bilərlər. İstifadəçilər balanslarındakı vəsaitdən istifadə edib sınaq imtahanlarına istənilən şəxsləri yazdıra bilərlər.xeber100.com

May 16, 2018 12:29

Dövlət İmtahan Mərkəzinin məlumatı

Bu günlərdə Dövlət İmtahan Mərkəzi (DİM) tərəfindən 2017-ci ildə tələbə qəbulu və ümumtəhsil müəssisələri üzrə buraxılış imtahanlarının nəticələrinin elmi-statistik təhlilinin əks olunduğu “Abituriyent” jurnalının 12 nömrəli buraxılışı nəşr edilib.DİM-dən Azərtac-a bildiriblər ki, mərkəz daim bu sahədə ictimaiyyətin hərtərəfli məlumatlandırılmasına, qəbul prosesinin şəffaflığının təmin edilməsinə, təhsil ictimaiyyətinin bu prosesinin idarə olunmasında iştirakına, bu sahəyə ictimai nəzarətin təşkilinə böyük önəm verib.İyirmi ildən artıqdır ki, çoxlu sayda mütəxəssislərin gərgin əməyi sayəsində tələbə qəbulunun nəticələrinin elmi-statistik təhlili aparılır, təklif və tövsiyələr bildirilir. Təhlil elmi-statistik xarakter daşıdığından burada müzakirə obyekti daha çox aydın müqayisəli nəticələrə əsaslanmalı, kontekstdən çıxarılmış statistikaya söykənməməlidir. Nəticələr, ilk növbədə, mütəxəssislər tərəfindən elmi müstəvidə müzakirə olunmalıdır.Elmi-statistik tərəfdən bu təhlilə diqqətlə baxdıqda istər buraxılış, istərsə də qəbul imtahanlarında son beş ildə davamlı müsbət dinamikanın müşahidə olunduğunu görmək mümkündür. Bunun üçün sadəcə olaraq əvvəlki illərlə müqayisədə təhlilə diqqətlə baxmaq kifayətdir.DİM təəssüflə qeyd edir ki, bir çox hallarda bəzi media qurumları kontekstdən çıxarılmış statistik göstəriciləri təqdim edir, bununla da cəmiyyətdə yanlış təsəvvür, ajiotaj yaratmağa çalışırlar.Mərkəz media qurumlarından bir daha xahiş edir ki, tələbə qəbulunun nəticələrinin elmi-statistik təhlilinə peşəkar media güzgüsündə baxsınlar.xeber100.com

May 15, 2018 13:18

Mühəndislik və robototexnika üzrə yarış keçiriləcək

Mayın 12-də məktəblilər arasında “FIRST LEGO League (FLL) Azərbaycan” mühəndislik və robototexnika yarışına start veriləcək.Tədbir Təhsil Nazirliyi, “ADA” Universiteti, “Mars Academy” MMC və Respublika Uşaq-Gənclər İnkişaf Mərkəzinin birgə təşkilatçılığı və PAŞA Bank, Enginet və Təhsildə İnnovativ Texnologiyalar şirkətlərinin dəstəyi ilə reallaşdırılır.Azərtac xəbər verir ki, bu barədə mayın 11-də Təhsil Nazirliyində keçirilən mətbuat konfransında bu qurumun sektor müdiri Ayla Həsənova məlumat verib. Bildirilib ki, Danimarkanın “LEGO” qrupu və ABŞ-ın “FIRST” (For Inspiration and Recognition of Science and Technology) təşkilatının ortaq layihəsi olan FLL 1999-cu ildən bəri hər il təşkil edilən yarışdır. Yarışın keçirilməsinin məqsədi ümumtəhsil məktəb şagirdlərinin elm və texnologiyalara marağını artırmaq, hazırkı qlobal problemlərin elmi-texniki həllinə öz töhfələrini verməyə həvəsləndirməkdir.Dünyanın 80-dən artıq ölkəsində 250 mindən çox məktəblinin cəlb edilməsi ilə keçirilən FLL bu il Azərbaycanda da təşkil olunacaq.Builki yarışın mövzusu “Hidrodinamika: suyun səyahəti”dir. FLL çərçivəsində hər komandada dörd məktəbli olmaqla 12 komanda dörd kateqoriya - əsas dəyərlər, layihə təqdimatı, robot dizaynı və robot yarışı üzrə gücünü sınayacaq.MDB məkanında FLL formatında ilk müsabiqə 2005-ci ildə Azərbaycanda “Robotlar missiyası” layihəsi çərçivəsində keçirilib. 2005-2006-cı illərdə üç Milli Robot Yarışı təşkil olunub və azərbaycanlı məktəblilər iki dəfə britaniyalı komanda yoldaşları ilə birgə Birləşmiş Krallığın FLL finalında iştirak ediblər.xeber100.com  

May 11, 2018 15:08

Yeni təhsil proqramları üzrə sınaq imtahanı keçiriləcək

Mayın 6-da yeni təhsil proqramları (kurikulumlar) əsasında 10-cu sinif şagirdləri üçün 5–10-cu siniflər (10-cu sinif birinci yarımilədək) üzrə məzmun standartlarının reallaşması səviyyəsinin yoxlanılması məqsədilə sınaq imtahanı keçiriləcək.Dövlət İmtahan Mərkəzindən DİM) Azərtac-a bildiriblər ki, imtahanlar Bakı, Sumqayıt, Naxçıvan, Gəncə, Şəki, Bərdə, Göyçay, Şirvan, Xaçmaz və Lənkəran şəhərlərində, ümumilikdə 24 binada təşkil olunacaq.İmtahanda iştirak üçün yazılış internet vasitəsilə aparılıb və 11.827 şagird qeydiyyatdan keçib.Sınaq imtahanı bir növbə üzrə keçiriləcək və bütün binalarda saat 11:00-da başlanacaq.Şagirdlərə hər fənn üzrə 30 test tapşırığı təqdim olunur. Bu tapşırıqların 22-si qapalı, 8-i isə açıq formalıdır. Açıq formalı tapşırıqlardan üçü yazılı cavablandırılması tələb olunan situasiya və yaxud mətn əsasında hazırlanan tapşırıqlardır. Digər açıq formalı tapşırıqlar uzun müddətdir istifadə olunan hesablama, seçim, xronologiya, uyğunluğu müəyyənetmə tipli tapşırıqlardır.İmtahanların idarə edilməsi üçün 75 imtahan rəhbəri, 728 nəzarətçi-müəllim ayrılıb.DİM şagirdlərin nəzərinə çatdırır ki, imtahan binalarına buraxılış yalnız şagirdlərin şəxsiyyət vəsiqəsinin əsli və “İmtahana buraxılış vərəqəsi” əsasında həyata keçirilir. Şəxsiyyət vəsiqəsində şəkli olmayan şagirdlər digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa şagirdin 3x4 sm ölçülü şəkli yapışdırılır və şəkil möhürlə təsdiqlənir) da özləri ilə imtahana gətirməlidirlər. Göstərilən sənədlərindən biri olmayan, sənədləri arasında uyğunsuzluq aşkarlanan, imtahana şəxsiyyət vəsiqəsinin surəti ilə gələn, başqasının şəxsiyyət vəsiqəsi ilə qeydiyyatdan keçən şagirdlər imtahana buraxılmırlar.xeber100.com  

May 3, 2018 14:27