Futzal üzrə Yüksək Liqada XIII turun oyunları keçirilib

Dekabrın 13-də futzal üzrə Yüksək Liqada XIII turun oyunları keçirilib.Azərtac xəbər verir ki, turun “Neftçi”–EKOL oyunundan əvvəl AFFA-nın Hakimlər Komitəsinin sədri Frits Ştuxlik, komitənin departament rəhbəri Cavid Cəlilov, Azərbaycan Futzal Federasiyasının vitse-prezidenti Rəmiş Malıyev, oyunun hakim-inspektoru Murad Məmmədov, EKOL komandasının rəhbərliyi FIFA referisi Elçin Səmədliyə hakimlik karyerasını başa vurması ilə əlaqədar təşəkkürnamə və xatirə hədiyyələri təqdim ediblər.Elçin Səmədli 2003-cü ildən hakimlik fəaliyyətinə başlayıb. Müxtəlif liqalarda oyunlar idarə edən referi 2006/2007-ci illərdə Premyer Liqa matçlarına təyinat alıb. 2007-ci ilin ikinci yarısından sırf futzal hakimi kimi fəaliyyət göstərən E.Səmədli 2008-2018-ci illərdə futzal üzrə FIFA referisi olub.İndiyədək futzal üzrə ölkə çempionatının müxtəlif liqalarında, eləcə də Azərbaycan kuboku yarışında 1150-dən çox oyun idarə etmiş referi FIFA və UEFA-nın 83 rəsmi oyununa təyinat alıb. E.Səmədli UEFA-nın I kateqoriyasına qədər yüksəlməyi bacarıb.xeber100.com

UEFA Avropa Liqası 2018-2019-cu il mövsümündə

Dekabrın 13-də UEFA Avropa Liqasının 2018-2019-cu il mövsümünün qrup mərhələsinin sonuncu – altıncı turuna yekun vurulub.Azərtac xəbər verir ki, tur çərçivəsində ən gözlənilməz hesabı Yunanıstanda qeydə alınıb. “Olimpiakos” doğma meydanda İtaliyanın “Milan” klubunu 3:1 hesabı ilə məğlub edib. Bu məğlubiyyətdən sonra Milan təmsilçisi avrokuboklarda mübarizəni dayandırıb. F qrupunun digər oyununda İspaniyanın “Real Betis” klubu səfərdə Lüksemburq təmsilçisi “F91 Dudelanj” ilə heç-heçə edib - 0:0.Qrup mərhələsini 12 xalla başa vuran “Real Betis” növbəti mərhələyə yüksəlib. Hər birinin aktivində 10 xalı olan “Olimpiakos” və “Milan” ikinci və üçüncü yerləri bölüşürlər. UEFA-nın reqlamentinə əsasən, şəxsi oyunların nəticəsinə görə Yunanıstan təmsilçisi pley-off mərhələsinə vəsiqə qazanıb. “F91 Dudelanj” isə 1 xalla sonuncu pillədə yer alıb.A qrupunda “Bayer Leverkuzen” səfərdə “AEK Larnaka”nı darmadağın (1:5) edərək 13 xalla qrup lideri kimi pley-offa yüksəlib. “Ludoqorets” ilə səfər görüşündə 1:1 hesablı heç-heçə edən “Sürix” də 10 xalla qrup ikincisi kimi qrupdan çıxmağı bacarıb. “AEK Lanaka” 5, “Ludoqorets” isə 4 xalla qrupda qalıblar.xeber100.com

Milli Karate Federasiyasının məlumatı əsasında…

Karate üzrə kişilərdən ibarət Azərbaycan millisinə yeni baş məşqçi təyin edilib.Azərbaycan Milli Karate Federasiyasının mətbuat xidmətindən Azərtac-a bildiriblər ki, milli komandanı bundan sonra türkiyəli mütəxəssis Bahəddin Kandaz çalışdıracaq.Baş məşqçini heyətə təqdim edən federasiyanın prezidenti Yaşar Bəşirov qarşıya qoyulan hədəflərə nail olmaq yolunda ona uğurlar arzulayıb.Dünyada güclü karate komandalarından biri kimi tanınan Azərbaycan millisini çalışdırmaqdan məmnunluğunu bildirən B.Kandaz komandanın imicini qorumağa söz verib. Mütəxəssis ona həvalə olunan bu məsuliyyətli işdə həvəslə çalışacağını, hədəflərə çatmaq üçün qazandığı təcrübəni əsirgəməyəcəyini vurğulayıb. O, qarşıdakı fəaliyyət planı barədə məlumat verib və nəzərdə tutulan işlərin müsbət nəticələnəcəyinə əminliyini bildirib.Qeyd edək ki, 1968-ci il iyunun 25-də Türkiyənin Girəsun şəhərində doğulan Bahəddin Kandaz İstanbulda Bədən Tərbiyəsi və İdman Akademiyasını bitirib. 1982-ci ildən karate ilə məşğul olan mütəxəssis idmançı kimi 20 illik karyerasında dünya və Avropa çempionatlarının dəfələrlə mükafatçısı, həmçinin klublararası dünya və Avropa çempionu olub. Əlli yaşlı mütəxəssis 2006-cı ildən məşqçi kimi fəaliyyət göstərir. O, 2014-cü ildə klub məşqçisi kimi işləmək üçün İsveçrənin Bazel şəhərinə dəvət edilib. Məşqçilik dövründə yetirmələri dünya və Avropa çempionatlarının qalib və mükafatçıları olublar.B.Kandaz üç ay əvvəl Böyük Britaniyaya məşqçi kimi dəvət alsa da, bu yaxınlarda Azərbaycan milli komandasını çalışdırmaq təklifinə üstünlük verib. Lakin Böyük Britaniyada da məsləhətçi kimi işini davam etdirəcək. Türkiyəli mütəxəssisin Azərbaycan milli komandası ilə ilk rəsmi yarışı yanvarın ikinci yarısında Fransada keçiriləcək ilin ən nüfuzlu Karate 1 Premyer Liqa turniri olacaq.xeber100.com  

“Fənərbağça” futbol klubu yeni baş məşqçisinin adını açıqlayıb

Türkiyənin “Fənərbağça” futbol klubu yeni baş məşqçisinin adını açıqlayıb.Azərtac klubun rəsmi saytına istinadla xəbər verir ki, bu, İstanbul təmsilçisini 2013-2014-cü ildə Türkiyə Super Liqasının qalibi edən Ersun Yanalldır. Klub 56 yaşlı mütəxəssis ilə 1,5 illik müqavilə imzalayıb.Qeyd edək ki, Ersun Yanall Fillip Kokunun istefaya göndərilməsindən sonra baş məşqçi vəzifəsində çalışmış Ervin Kumanı əvəzləyib.xeber100.com  

AFFA-nın İntizam Komitəsinin iclası keçirilib

Dekabrın 12-də AFFA-nın İntizam Komitəsinin iclası keçirilib.Azərtac Peşəkar Futbol Federasiyasına istinadla xəbər verir ki, iclasda Azərbaycan çempionatının XIV turunda baş vermiş qayda pozuntularına görə cərimələr tətbiq olunub.“Sabah” – “Keşlə” matçında meydan sahiblərinin 4, qonaqların isə 5 futbolçusu sarı vərəqə ilə cəzalandığı üçün hər iki klub 800 manat cərimələnib.“Səbail” – “Qəbələ” matçının 85-ci dəqiqəsində əyalət təmsilçisinin futbolçusu Rauf Əliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb və klub 200 manat cərimə olunub.Həmçinin həmin oyunda “Qəbələ” klubunun ehtiyat məşqçisi Miloş Yevtiç texniki zona qaydalarını pozduğuna və həmin zonadan kənarlaşdırıldığına görə 1 oyunluq cəzalanıb, klub 800 manat cərimə edilib. Qarşılaşma boyu hər iki komandanın azarkeşləri pirotexniki vasitələrdən istifadə etdiklərinə görə hər iki klub 800 manat məbləğində cərimələnib.xeber100.com

“Qarabağ” futbol klubu “Arsenal” klubu ilə qarşılaşacaq

Azərbaycanın avrokuboklarda yeganə təmsilçisi Ağdamın “Qarabağ” klubu UEFA Avropa Liqasının qrup mərhələsinin sonuncu – altıncı turunda İngiltərənin “Arsenal” klubu ilə qarşılaşacaq.Azərtac xəbər verir ki, Bakı vaxtı ilə saat 00:00-da Londondakı “Emireyts” stadionunda baş tutacaq görüşün idarə edilməsi danimarkalı hakimlər briqadasına həvalə olunub. Matçın baş hakimi Yens Moedir. Lars Hummelqorl və Heyne Serensen yan xətt hakimi funksiyalarını yerinə yetirəcəklər.Beş turdan sonra E qrupuna 13 xalla “Arsenal” klubu başçılıq edir. Aktivində 10 xal olan Portuqaliyanın “Sportinq” klubu ikinci, hərəyə 3 xalı olan “Vorskla” (Ukrayna) və “Qarabağ” üçüncü və dördüncü yerləri bölüşürlər.Bu komandaların yer aldığı E qrupunda meydan sahibləri ilə Portuqaliya təmsilçisi “Sportinq”i artıq play-off mərhələsinə vəsiqəni təmin etdiyindən görüş formal xarakter daşıyır.Ağdamlıların “Arsenal” ilə Bakı Olimpiya Stadionundakı görüşü II tura təsadüf edib. Oktyabrın 4-də keçirilən oyunda “topçular” Sokratis Papastatopulos, İmil Smit-Rou və Matteo Genduzinin qolları ilə qalib gəliblər.“Topçular” cari mövsümə qədər heç vaxt Azərbaycan komandaları ilə qarşılaşmayıb. “Qarabağ” isə İngiltərə təmsilçilərinə qarşı daha əvvəl keçirdiyi 4 oyunun hamısında uduzub. Qurban Qurbanovun rəhbərlik etdiyi kollektiv 2015/16 mövsümdə Avropa Liqasının qrup mərhələsində “Tottenhem”ə (0:1, 1:3), ötən mövsüm Çempionlar Liqasının (ÇL) qrupunda isə “Çelsi”yə məğlub olub (0:6, 0:4).Xatırladaq ki, UEFA Avropa Liqasının 2018-2019-cu il mövsümünün final oyunu gələn il mayın 29-da Bakı Olimpiya Stadionunda keçiriləcək.xeber100.com

“Arpaçay Open” beynəlxalq turniri keçiriləcək

Yanvarın 18-20-də Bakı İdman Sarayında “Arpaçay Open” beynəlxalq turniri keçiriləcək. Azərbaycan Milli Karate Federasiyasının və “Arpaçay” karate klubunun təşkilatçılığı ilə keçiriləcək açıq turnirdə uşaqlar, yeniyetmələr və gənclər iştirak edəcəklər.Azərtac federasiyanın saytına istinadla xəbər verir ki, turnirin birinci günündə bütün yaş qruplarında fərdi kata, ertəsi gün isə 6-11 yaşlı uşaqlar arasında fərdi və komanda kumite yarışları təşkil olunacaq. Turnirin sonuncu günündə 12-13 yaşlı uşaqlar, 14-15 yaşlı yeniyetmələr və 16-17 yaşlı gənclər arasında müxtəlif çəki dərəcələrində kumite yarışları keçiriləcək. Qalib və mükafatçılar federasiyanın diplom, kubok və medalları ilə təltif olunacaqlar.Yarışın açılış mərasimi yanvarın 19-da saat 17:00-da olacaq.Beynəlxalq turnirə qeydiyyat yanvarın 10-dan 17-dək ilk dəfə olaraq internet vasitəsilə aparılacaq.xeber100.com

Cüdo üzrə Bakı birinciliyi start götürüb

“Sərhədçi” İdman Olimpiya Mərkəzində cüdo üzrə 2002-2004-cü illər təvəllüdlü oğlanlar və qızlar arasında Bakı birinciliyi start götürüb.Azərtac xəbər verir ki, turnirə 56 idman klubu və cəmiyyətindən 556 cüdoçu qatılıb. Oğlanlar və qızlar 9 çəki dərəcəsində medallar uğrunda mübarizə aparırlar.Yeniyetmələrin Bakı birinciliyinə dekabrın 14-də yekun vurulacaq.xeber100.com

“Qalatasaray” futbol klubu “Portu”nu qəbul edib

Dekabrın 11-də UEFA Çempionlar Liqasında altıncı tura start verilib.Azərtac xəbər verir ki, turun açılış oyununda D qrupunda yer alan İstanbulun “Qalatasaray” klubu qrupunun lideri “Portu”nu qəbul edib. Görüş qonaqların 3:2 hesablı qələbəsi ilə başa çatıb.Qrupda ikinci yerdə olan “Şalke” isə Moskvanın “Lokomotiv” komandasını qəbul edib. Qarşılaşma meydan sahiblərinin qələbəsi ilə başa çatıb (1:0). Beləliklə, "Portu" qrup lideri (16), "Şalke" (11) isə ikinci pillənin sahibi kimi növbəti mərhələyə vəsiqə qazanıblar. İstanbul təmsilçisinin məğlubiyyətinə baxmayaraq, klub UEFA Avropa Liqasında mübarizənin davam etdirəcək. "Lokomotiv" isə 3 xalla qrupun sonuncu yerində qərarlaşıb.xeber100.com

“Liverpul” futbol klubu İtaliyanın “Napoli” klubunu qəbul edib

Dekabrın 12-də UEFA Çempionlar Liqasında altıncı turun oyunları keçirilib.Azərtac xəbər verir ki, turun mərkəzi qarşılaşması İngiltərənin “Enfild” stadionunda baş tutub. Çempionlar Liqasının son finalçısı "Liverpul" doğma meydanda İtaliyanın “Napoli” klubunu qəbul edib. Görüş meydan sahiblərinin 1:0 hesablı qələbəsi ilə başa çatıb. Yeganə qolun müəllifi 34-cü dəqiqədə misirli Məhəmməd Salah olub.Qrupun digər oyununda “PSJ” klubu Serbiyada "Srvena Zvezda"nı məğlub edib-4:1. Nəticədə “PSJ” birinci, “Liverpul” isə ikinci yerin sahibi kimi növbəti mərhələyə vəsiqə qazanıb. “Napoli” isə üçüncü yerin sahibi kimi mübarizəni Avropa liqasında davam etdirəcək.B qrupunda vaxtından əvvəl növbəti mərhələyə vəsiqəni təmin etmiş “Barselona” klubu doğma meydanda İngiltərənin “Tottenhem” klubu ilə qarşılaşıb. Görüş 1:1 hesablı heç-heçə ilə başa çatıb. Bu nəticə növbəti mərhələyə çıxmaq üçün "Tottenhem" klubuna kifayət edib. Qrupun "İnter"-"PSV Eyndhoven" digər oyununda da eyni hesablı nəticə qeydə alınıb. Qrup mərhələsini "Barselona" klubu 14 xalla lider kimi başa vurub, aktivində 8 xalı olan "Tottenhem" ikinci, eyni xala malik "İnter" üçüncü yerdə qərarlaşıb. "PSV Eyndhoven" isə 2 xalla qrup mərhələsini dördüncü yerdə başa vurub.Turun açılış oyununda D qrupunda yer alan İstanbulun “Qalatasaray” klubu qrupunun lideri “Portu”nu qəbul edib. Görüş qonaqların 3:2 hesablı qələbəsi ilə başa çatıb.Qrupda ikinci yerdə olan “Şalke” isə Moskvanın “Lokomotiv” komandasını qəbul edib. Qarşılaşma meydan sahiblərinin qələbəsi ilə başa çatıb (1:0). Beləliklə, "Portu" qrup lideri (16), "Şalke" (11) isə ikinci pillənin sahibi kimi növbəti mərhələyə vəsiqə qazanıblar. İstanbul təmsilçisinin məğlubiyyətinə baxmayaraq, klub UEFA Avropa Liqasında mübarizənin davam etdirəcək. "Lokomotiv" isə 3 xalla qrupun sonuncu yerində qərarlaşıb.A qrupunda yer alan "Atletiko Madrid" (İspaniya) klubu səfərdə Belçikanın "Brügge" komandası ilə üz üzə gəlib. Qarşılaşma qolsuz heç-heçə ilə başa çatıb.Qrupun digər oyununda "Borussiya Dortmund" (Almaniya) səfərdə Fransanın "Monako" klubunun qapısından iki cavabsız top keçirib.Bu qələbə sayəsində almanlar 13 xalla qrup mərhələsini lider kimi başa vurublar, eyni xala malik olan "Atletiko Madrid" isə şəxsi oyunların nəticəsinə əsasən ikinci yerdə qərarlaşıb. "Brügge" 6 xalla üçüncü, "Monako" isə 1 xalla sonuncu yerdədir.xeber100.com

Çövkən Milli Atüstü Oyunu üzrə turnirə start verilib

Azərbaycan Respublikası Atçılıq Federasiyasının (ARAF) təşkilatçılığı ilə Çövkən Milli Atüstü Oyunu üzrə Prezident kuboku turnirinə start verilib.ARAF-dan Azərtac-a verilən məlumata görə, püşkatmanın nəticəsinə əsasən günün ilk oyununda "A" qrupu üzrə "Ağstafa" çövkən komandası ilə "Murad" çövkən komandası üz-üzə gəlib. Görüş "Murad" komandasının böyük hesablı qələbəsi ilə başa çatıb (7-0).Günün ikinci oyunu "B" qrupunda oynanılıb. "Qarabağ" komandası "Köhlən"i 3-1 hesabı ilə məğlub edib.Həmin qrupun digər oyununda "Omar" ilə "Polad" çövkən komandaları qarşılaşıblar. Görüş "Omar" komandası 1-0 hesablı qələbəsi ilə başa çatıb.Günün son oyunu "A" qrupu yer alan "Buta Golden" və "Sərhədçi" çövkən komandaları arasında baş tutub. Oyunda “Sərhədçi” komandası rəqibinin qapısından 6 cavabsız top keçirib.Qeyd edək ki, dekabrın 13-14-də Çövkən Milli Atüstü Oyunu üzrə Prezident kuboku turnirinin qrup mərhələsində ikinci turun oyunları keçiriləcək.xeber100.com

UEFA Çempionlar Liqasının qrup mərhələsinə yekun vurulacaq

Dekabrın 12-də UEFA Çempionlar Liqasının 2018-2019-cu il mövsümünün qrup mərhələsinə yekun vurulacaq.Azərtac xəbər ki, 12 xalla G qrupuna liderlik edən “Real Madrid” qrupda sonuncu pillədə qərarlaşan “CSKA”nı (Rusiya) qəbul edəcək. Doqquz xalla ikinci sırada qərarlaşan “Roma” isə səfərdə qrupun üçüncüsü “Viktoriya Plzen” komandasının qonağı olacaq. “Real Madrid” və “Roma” pley-off mərhələsinə vəsiqəni təmin etdiklərindən bu tur UEFA Avropa Liqasına vəsiqəyə sahib olmaq üçün “Viktoriya Plzen” və “ÇSKA” üçün vacib əhəmiyyət daşıyır. Hər iki komandanın 4 xalı var.E qrupunda yel alan “Ayaks” (Hollandiya) doğma meydanda “Bavariya” ilə görüşəcək. Komandalar pley-off mərhələsinə vəsiqələri artıq təmin ediblər. Qrupun lideri bu oyunun nəticəsində müəyyənləşəcək. “Bavariya”nın 13, “Ayaks”ın isə 11 xalı var. Dörd xalla qrupda üçüncü sırada qərarlaşan “Benfika” xal qazana bilməyən “AEK Larnaka” ilə üz-üzə gələcək.On üç xalla F qrupuna liderlik edən “Mançester Siti” doğma meydanda qrupun autsayderi, aktivində üç xal olan “Hoffenhaym” (Almaniya) klubunu qəbul edəcək. Qrupun digər oyununda qrupda ikinci yer uğrunda gərgin idman mübarizəsi gözlənilir. Donetskin “Şaxtyor” komandası Ukraynada Fransanın “Lion” kollektivini qəbul edəcək. “Şaxtyor” qələbə qazanacağı təqdirdə pley-offa yüksələcək. Fransızlara bu oyunda heç-heçə də kifayət edir. Fransa təmsilçisinin aktivində 7, “Şaxtyor”un isə 5 xalı var.H qrupunda yer alan “Yuventus” səfərdə İsveçrənin “Yanq Boyz” komandasının qonağı olacaq. Qrupun digər oyununda isə “Valensiya” öz meydanında “Mançester Yunayted”i qəbul edəcək. Beş turdan sonra turnir cədvəlinə 12 xalı olan “Yuventus” başçılıq edir. Aktivində 10 xal olan “Mançester Yunayted” ikinci, “Valensiya” 5 xalla üçüncü yerdədir. “Yanq Boyz” isə 1 xalla sonuncu yerdə qərarlaşıb.xeber100.com  

“Prova Internacional Municipo de Anadia” turnirinə yekun vurulub

Portuqaliyada trek velosipedi üzrə ənənəvi “Prova Internacional Municipo de Anadia” turnirinə yekun vurulub.Azərtac xəbər verir ki, Beynəlxalq Velosipedçilər İttifaqının 1-ci kateqoriyalı yarışı Azərbaycanın elit yığma komandasının üzvü Sergey Omelçenko üçün uğurlu nəticə ilə yadda qalıb.Keyrin növündə mübarizə aparan təmsilçimiz təsnifat yürüşünü inamla keçərək final mərhələsinə vəsiqə qazanıb. Həlledici yürüşdə İspaniya və Kanadanın 2, İtaliyanın isə 1 idmançısı ilə mübarizə aparan velosipedçimiz finiş xəttini 3-cü keçib və Anadia turnirinin bürünc medalına layiq görülüb. İtaliyalı Francesko Sesi birinci, ispaniyalı Xose Moreno Sançes isə ikinci olublar.Nüfuzlu yarışda əldə etdiyi bürünc medal Sergey Omelçenkoya həm də 160 reytinq xalı qazandırıb. Qeyd edək ki, Beynəlxalq Velosipedçilər İttifaqının reqlamentinə əsasən, trek növündə yarışan velosipedçilər Yay Olimpiya Oyunlarına 2 il qalmış iştirak etdikləri yarışlarda reytinq xalları toplamaqla 4 illiyin zirvə yarışına lisenziya əldə edirlər.xeber100.com

Həndbol Federasiyasının məlumatına görə…

Həndbol üzrə Azərbaycan çempionatında ikihakimiyyətlilik yaranıb.Azərtac Azərbaycan Həndbol Federasiyasının saytına istinadla xəbər verir ki, kişi həndbolçuların yarışında “Bakı” komandası “Məhsul” kollektivini məğlub edib - 22:21. Bu qələbədən sonra hər ikisinin 8 xalı olan “Məhsul” və “Bakı” komandaları çempionatda liderlik edirlər.Günün digər oyununda isə “Təhsil” aktivində xal olmayan “U-16”nı məğlubiyyətə uğradaraq (31:25) aktivinə dördüncü xalı yazdırıb.xeber100.com

Futbol üzrə Türkiyə Superliqasının XV turunda

Dekabrın 10-da futbol üzrə Türkiyə Superliqasının XV turunda çempionatın vahid lideri "Başakşəhər" səfərdə "Ankaragücü" ilə qarşılaşıb.Azərtac xəbər verir ki, çempionatın ən az qol buraxan komandası olan "Başakşəhər" rəqibinə minimal hesabla qalib gəlib - 1:0. Matçda yeganə qolu 8-ci dəqiqədə Edin Viska vurub.Bu matçdan sonra İstanbul komandası xallarının sayını 33-ə yüksəldib və turnir cədvəlində ilk pillədəki yerini möhkəmləndirib. O, ən yaxın izləyicisi olan "Kasımpaşa"dan yeddi xal irəlidədir.İkinci sıradakı "Kasımpaşa" (26 xal) son sıralarda qərarlaşmış "Kayserispor"u qəbul edib. Oyun qonaqların 3:0 hesablı qələbəsi ilə başa çatıb. "Kasımpaşa" öz meydanında xal itirməsinə baxmayaraq ikinci pillədəki mövqeyini qoruyub.Xatırladaq ki, bu tur çempionluq uğrunda yarışan komandalardan "Beşiktaş" səfərdə "Alanyaspor"la (0:0), "Qalatasaray" isə öz meydanında "Rizespor"la (2:2) heç-heçə edərək çempionatda vacib xallar itiriblər.Autsayderlər sırasında qərarlaşmış "Fənərbağça" isə səfərdə "Akhisar"a böyük hesabla uduzub - 3:0.Hazırda turnir cədvəlində üçüncü yerdə olan "Antalyaspor"un 26 xalı var. "Beşiktaş" isə 25 xalla dördüncüdür.xeber100.com

UEFA Çempionlar Liqasının altıncı turuna start veriləcək

Dekabrın 11-də UEFA Çempionlar Liqasının 2018-2019-cu il mövsümünün qrup mərhələsinin sonuncu - altıncı turuna start veriləcək.Azərtac xəbər verir ki, turun mərkəzi qarşılaşması C qrupunda yer alan İngiltərənin “Liverpul” və İtaliyanın “Napoli” klubları arasında baş tutacaq. İngiltərə təmsilçisi pley-off mərhələsinə çıxmaq üçün bu oyunda mütləq qələbə qazanmalıdır. Qrupun digər oyununda “Srvena Zvezda” (Serbiya) doğma meydanda Fransanın “Paris Sen-Jermen” klubunu qəbul edəcək.Bu qrupa 9 xalla “Napoli” liderlik edir. “Paris Sen-Jermen” 8 xalla ikinci, “Liverpul” isə 7 xalla üçüncü pilədədir. “Srvena Zvezda” 4 xalla sonuncu yerdə qərarlaşıb.Turun maraq doğuran digər görüşü B qrupunda yer alan “Barselona” və “Tottenhem” komandaları arasında oynanılacaq. Kataloniyalılar növbəti mərhələyə vəsiqəni təmin etdiklərinə görə bu oyun onlar üçün formal xarakter daşıyır. Bu qrupun digər oyununda isə Hollandiyanın “PSV Eyndhoven” komandası səfərdə İtaliyanın “İnter” klubunun qonağı olacaq. Qrupdakı vəziyyətlə əlaqədar londonlulara növbəti mərhələyə yüksəlmək üçün “Barselona” ilə oyunda qələbə qazanmaqla yanaşı, “İnter”in də xal itirməsi lazımdır. Qrupun lideri “Barselona”nın 13 xalı var. Hər ikisinin yeddi xalı olan “İnter” ikinci, “Tottenhem” isə üçüncüdür. “PSV Eyndhoven” isə 1 xalla sonuncu sıradadır.Turun digər oyunlarında A qrupunda “Brügge” (Belçika) “Atletiko Madrid”i (İspaniya), “Monako” isə (Fransa) “Borussiya Dortmunt”u (Almaniya) qəbul edəcək. Bu turdakı görüşlərin nəticələrindən asılı olmayaraq, “Atletiko Madrid” (12 xal) və “Borussiya Dortmunt” (10 xal) növbəti mərhələyə vəsiqəni artıq təmin ediblər. “Brügge” 5 xalla üçüncü, “Monako” isə 1 xalla sonuncudur.İstanbulun “Qalatasaray” klubu D qrupunun lideri “Portu”nu qəbul edəcək. Qrupda ikinci yerdə olan “Şalke” isə Moskvanın “Lokomotiv” komandası ilə üz-üzə gələcək. Qrupda “Portu”nun 13, “Şalke”nin 8 xalı var. “Qalatasaray” 4 xalla üçüncü, “Lokomotiv” isə 3 xalla sonuncudur. “Portu” və “Şalke” pley-off mərhələsinə vəsiqəni təmin ediblər.D qrupunun görüşləri Bakı vaxtı ilə saat 21:55-də, digər oyunlar isə gecə saat 12-də başlayacaq.xeber100.com  

Milli Paralimpiya Komitəsinin məlumatına görə…

Azərbaycan Milli Paralimpiya Komitəsində (AMPK) pauerliftinq idmanı üzrə milli paralimpiya komandamızın üzvlərinin iştirakı ilə iclas keçirilib.Komitədən Azərtac-a bildiriblər ki, iclasda AMPK-nın sədri İlqar Rəhimov, milli komandanın baş məşqçisi, şəxsi məşqçilər və idmançılar iştirak ediblər.İclasda 2020-ci ildə Tokioda keçiriləcək XVI Yay Paralimpiya Oyunlarına hazırlıqla əlaqədar məşqçi və idmançıların məlumatları dinlənilib, görülmüş işlər və qarşıda duran vəzifələr geniş müzakirə edilib. Müzakirələrin yekununda müvafiq qərarlar qəbul edilib.xeber100.com

“River Pleyt” və “Boka Xuniors” klubları arasında görüş keçirilib

“Libertadores” kuboku uğrunda Argentinanın “River Pleyt” və “Boka Xuniors” klubları arasında final matçının cavab görüşü keçirilib.Azərtac xəbər verir ki, Madridin "Santyaqo Bernabeo" stadionunda təşkil olunan oyunda iki əzəli rəqib üz-üzə gəlib. Görüş “River Pleyt” klubunun 3:1 hesablı qələbəsi ilə başa çatıb.Qeyd edək ki, iki komanda arasında noyabrın 11-də “Alberto Armando” stadionunda keçirilən ilk matçda qalib müəyyənləşməyib - 2:2. Daha əvvəl cavab görüşü azarkeşlərin hücumu ilə əlaqədar təxirə salınıb. Bundan sonra hüquq-mühafizə orqanları “Libertadores” kubokunun cavab matçında təhlükəsizliyi təmin etməkdən boyun qaçırıblar.Cənubi Amerika Futbol Konfederasiyası (CONMEBOL) görüşün Argentinanın hüdudlarından kənarda keçiriləcəyini açıqlayandan sonra oyuna ev sahibliyi ilə bağlı bir neçə şəhərdən təklif irəli sürülüb.Uzun müzakirələrdən sonra CONMEBOL rəhbərliyi matçın Madriddə oynanılmasına dair qərar qəbul edilib.Hər iki klubun azarkeşlərinə matçda iştirak etməyə icazə verilib.xeber100.com

“Neftçi” futbol klubunun hazırlıq planı müəyyənləşib

Bakının “Neftçi” futbol klubunun qış fasiləsindəki hazırlıq planı müəyyənləşib.Azərtac kluba istinadla xəbər verir ki, yanvarın 13-dən 27-dək Antalyada olacaq komanda Manavqat bölgəsində yerləşən "The Sense De Luxe” otelində məskunlaşacaq.Flaqman qardaş ölkədə 3 yoxlama görüşü keçirməyi planlaşdırır. Oyunlar yanvarın 18-də, 23-də və 26-da olacaq. Rəqiblər hələ müəyyənləşməyib.xeber100.com

Sərbəst güləş üzrə “Alans” turniri keçirilib

Şimali Osetiyanın paytaxtı Vladiqafqazda sərbəst güləş üzrə “Alans” turniri keçirilib.Azərtac xəbər verir ki, yığmamızın böyük məşqçisi Zəlimxan Hüseynovun rəhbərliyi altında Olimpiya və dünya çempionu Şərif Şərifov və Məhəmmədhacı Xatiyev (hər ikisi 92 kq) yarışda ölkəmizi təmsil ediblər.Aslanbek Alborov son anda zədə üzündən xalça üzərinə çıxa bilməyib. Digər təmsilçilərimizə gəlincə, M.Xatiyev 1/8 finalda mübarizəni dayandırsa da, Ş.Şərifov bürünc medal qazanaraq min ABŞ dolları pul mükafatına sahib çıxıb.xeber100.com