Sərbəst və yunan-Roma güləşi üzrə Azərbaycan çempionatı başlayıb

“Sərhədçi” İdman Olimpiya Mərkəzində gənclər arasında sərbəst və yunan-Roma güləşi üzrə Azərbaycan çempionatı başlayıb.Azərtac xəbər verir ki, çempionatın ilk günündə 57, 61, 65, 70, 74, 79, 86, 92, 97 və 125 kiloqram çəki dərəcəsində sərbəst güləşçilər mübarizə aparırlar.Çempionata fevralın 23-də yekun vurulacaq.xeber100.com

“Aeroflot Open” şahmat turnirinin oyunları keçiriləcək

Bu gün Moskvada ənənəvi “Aeroflot Open” şahmat turnirinin üçüncü turunun oyunları keçiriləcək.Azərtac xəbər verir ki, fevralın 21-də keçirilən ikinci turda “A” qrupunda mübarizə aparan şahmatçımız Rauf Məmmədov rumın Boqdan Deakla heç-heçə edib. Digər təmsilçimiz Eltac Səfərli isə hindistanlı Çitanbaram Aravindxla məğlub olub. Şahmatçılarımızın hər ikisi birinci turu qələbə ilə başa vurmuşdular.“B” qrupunda isə 6 şahmatçımızdan ikisi, Azərbaycanın kişilər arasında hazırkı çempionu Məhəmməd Muradlı və gənc şahmatçı Aydın Süleymanlı qələbə qazanıblar. Hər iki şahmatçının birinci turdakı oyunları heç-heçə başa çatıb. İlk turda uğurla çıxış edən Vüqar Əsədli bu dəfə məğlub olub. Ülviyyə Fətəliyeva, Xanım Balacayeva və Read Səmədov üçün də ikinci tur uğursuz olub.xeber100.com

Futbol üzrə Avropa çempionatının seçmə mərhələsində

Futbol üzrə Avropa çempionatının seçmə mərhələsində iştirak edəcək qadınlardan ibarət Azərbaycan milli komandasının keçirəcəyi oyunların təqvimi müəyyənləşib.Azərtac AFFA-ya istinadla xəbər verir ki, millimiz oktyabrın 4-də səfərdə İspaniya, noyabrın 7-də Bakıda Çexiya, üç gün sonra isə yenidən səfərdə Moldova komandası ilə qarşılaşacaq. Yığmamız gələn il martın 11-də Polşanı qəbul edəcək. Komandalar arasında cavab oyunu aprelin 10-da təşkil olunacaq. Futbolçularımız iyunun 5-də Çexiya yığmasının qonağı olacaqlar. Komandamız sentyabrın 16-da Moldova, ayın 22-də isə İspaniya millisini qəbul edəcək.xeber100.com

Aerobika gimnastikası üzrə Avropa çempionatı keçiriləcək

Mayın 24-26-da Bakıda ilk dəfə aerobika gimnastikası üzrə Avropa çempionatı keçiriləcək.Azərtac Azərbaycan Gimnastika Federasiyasına istinadla xəbər verir ki, gimnastikanın müxtəlif növləri üzrə bir çox irimiqyaslı yarışlara ev sahibliyi edən Milli Gimnastika Arenası bu dəfə öz qapılarını Avropanın dinamik və enerjili gimnastika növünün təmsilçilərinə açacaq. Üç gün davam edəcək çempionatda aerobika gimnastları medallar uğrunda mübarizə apararaq, öz aralarında ən güclüləri müəyyənləşdirəcəklər.Böyük və gənc gimnastlar fərdi qadın və kişi, qarışıq cütlük, üçlük, qrup, həmçinin aero dans, aero step (yalnız böyüklər) proqramında yarışacaqlar. Qaydalara əsasən, bir iştirakçı bu kateqoriyaların maksimum 3-də çıxış edə biləcək. Komanda hesabında qaliblər isə 5 ən yaxşı çıxışa görə müəyyən ediləcək.On birinci Avropa çempionatda hər bir kateqoriya üzrə təsnifat və final mərhələləri baş tutacaq.xeber100.com    

Cüdo üzrə açıq Avropa turniri keçiriləcək

Martın 2-3-də Polşanın Varşava şəhərində cüdo üzrə açıq Avropa turniri keçiriləcək.Azərtac Beynəlxalq Cüdo Federasiyasının saytına istinadla xəbər verir ki, turnirdə Azərbaycanı kişilərin yarışında 19 idmançı təmsil edəcək.Tatami ustalarımız Balabəy Ağayev, Davud Məmmədsoy, Oruc Vəlizadə, Əhməd Yusifov (hamısı 60 kq), İbrahim Əliyev, İlkin Babazadə, Mehman Sadıqov, Nurlan Osmanov (hamısı 66 kq), Kərim Allahverdiyev, Kənan Quluzadə (hər ikisi 73 kq), Afiq Səfərli, Fəqan Quluzadə, Araş Ağayi, Naim Hüseynov (hamısı 81 kq), Qurban Qurbanov (90 kq), Kərim Abdullaxanlı (100 kq), Rüstəm Kotsoyev, Şahin Qəhrəmanov, Ayxan Cəfərov (100 kiloqramdan yuxarı) medallar uğrunda mübarizə aparacaqlar.Yarışda artıq 35 ölkədən 291 cüdoçunun iştirakı dəqiqləşib.xeber100.com

UEFA Çempionlar Liqasının namizədləri müəyyənləşib

Fevralın 21-də UEFA Çempionlar Liqasının səkkizdəbir final mərhələsinin ən yaxşı oyunçusu adına namizədlər müəyyənləşib.Azərtac xəbər verir ki, UEFA-nın rəsmi saytında azarkeşlər arasında aparılan səsvermə ilə müəyyənləşən namizədlər arasında belçikalı Ceyson Denayer (“Lion”, Fransa), ispaniyalı Tyaqo Alkantara (“Bavariya”, Almaniya), ingiltərəli Rahim Sterlinq (“Mançester Siti”, İngiltərə) və uruqvaylı Dieqo Qodin (“Atletiko”, İspaniya) yer alıblar.xeber100.com

Qılıncoynatma Federasiyasının məlumatına görə…

Qılıncoynadanlarımız İtaliyada keçiriləcək Avropa birinciliyində iştirak edəcəklər.Azərbaycan Qılıncoynatma Federasiyasından Azərtac-a bildiriblər ki, şpaqa və sablya üzrə yığma komandamız fevralın 22-də İtaliyanın Foccia şəhərində keçiriləcək yeniyetmə və gənclər arasında Avropa birinciliyində yarışacaqlar. İdmançılarımız martın 3-dək davam edəcək qitə birinciliyində həm şəxsi, həm də komanda yarışlarında mübarizə aparacaqlar.xeber100.com

Futbol Avropa Çempionatının püşkatma mərasimi keçiriləcək

Bu gün Nyonda futbol üzrə qadınlar arasında 2021-ci il Avropa Çempionatının seçmə mərhələsinin püşkatma mərasimi keçiriləcək.Azərtac xəbər verir ki, püşkatmada rekord sayda – 47 yığma komanda, o cümlədən Azərbaycan yığması iştirak edəcək. Qeyd edək ki, yığma komandamız 2009-cu ildən bəri AVRO turnirlərinin seçmə mərhələsində iştirak etməyib.İlkin olaraq Azərbaycan yığması Farer adaları, Malta, Şimali Makedoniya, Estoniya, Çernoqoriya, Gürcüstan, Latviya, Litva, Kipr, Kosovo, Lüksemburq və Andorra komandaları ilə birlikdə 5-ci səbətə düşüb.Püşkatmanın gedişində 9 qrup formalaşacaq. 2019-cu il avqustun 26-dan 2020-ci il sentyabrın 22-dək komandalar ev və səfər matçları keçirəcəklər. Qrupların qalibləri və ikinci yeri tutan ən yaxşı üç komanda final mərhələsində turnirə ev sahibliyi edən İngiltərəyə qoşulacaqlar. İkinci yeri qazanan daha 6 komanda 2020-ci ilin oktyabrında 2021-ci ilin iyulunda keçiriləcək final mərhələsinə üç vəsiqə uğrunda pley-off matçları oynayacaq.xeber100.com

UEFA Çempionlar Liqasının növbəti oyunları keçirilib

UEFA Çempionlar Liqasınını 1/8 final oyunları keçirilib.Trend-in məlumatına görə, İngiltərənin "Liverpul" komandası Almaniyanın "Bavariya" klubunu qəbul edib. Oyun qolsuz he-heçə ilə yekunlaşıb.Bu oyunla parallel olaraq Fransada "Park Olimpik Lionne" stadionunda meydan sahibi "Lion"la "Barselona" qarşılaşıb. Bu oyunda da analoji hesab qeydə alınıb - 0:0.Qeyd edək ki, komandalar arasında cavab qarşılaşmaları martın 13-də keçiriləcək.Xatırladaq ki, turnirin final oyunu iyunun 1-də Madriddə "Metropolitano" stadionunda keçiriləcək.xeber100.com

2032-ci ildə keçiriləcək Yay Olimpiya Oyunları ilə bağlı qərar…

İndoneziya 2032-ci ildə keçiriləcək Yay Olimpiya Oyunlarına ev sahibliyi etmək üçün namizədliyini irəli sürüb.Azərtac bildirir ki, bu barədə İndoneziyanın Antara informasiya agentliyi məlumat yayıb.İndoneziya ötən il Asiya Oyunlarının uğurlu təşkilindən sonra 2032-ci ildəki olimpiadaya ev sahibliyi etmək qərarına gəlib. Bu ölkənin İsveçrədəki səfiri Muliaman Hadad Beynəlxalq Olimpiya Komitəsinə (BOK) İndoneziya Prezidenti Coko Vidodonun adından məktub təqdim edib. O bildirib ki, BOK 2018-ci ildə Asiya Oyunlarından və Asiya Paralimpiya Oyunlarından sonra İndoneziyanın təşkilatçılıq qabiliyyətinə bələd olub.Xatırladaq ki, Koreya Respublikası və Koreya Xalq Demokratik Respublikası da 2032-ci ildəki olimpiadaya birgə ev sahibliyi ilə əlaqədar müraciət etməyi planlaşdırır.xeber100.com

İngiltərə Kubokunun püşkatma mərasimi keçirilib

Futbol üzrə İngiltərə Kubokunun 1/4 final mərhələsinin püşkatma mərasimi keçirilib.Milli.Az "Report"a istinadən bildirir ki, püşkün nəticələrinə görə, aşağıdakı komandalar sözügedən mərhələdə üz-üzə gələcək: "Suonsi Siti" - "Mançester Siti" "Uotford" - "Kristal Pelas" "Vulverhempton" - "Mançester Yunayted" "Milluoll" - "Brayton end Houv Albion". Dörddə bir final oyunları martın 15-dən 17-dək keçiriləcək.Daha əvvəl "Mançester Yunayted" "Çelsi"ni Kubokdan kənarlaşdırıb.xeber100.com

“Mançester Yunayted” klubu “Çelsi”yə 2:0 hesabı ilə qalib gəlib

İngiltərə FA kubokunda 1/8 finala yekun vurulub.Milli.Az xəbər verir ki, "Mançester Yunayted" səfərdə "Çelsi"yə 2:0 hesabı ilə qalib gəlib və 1/4 finala adlayıb. "Çelsi" - "Mançester Yunayted" - 0:2 Qollar: Ander Herrera, 31, Pol Poqba, 45.xeber100.com

Futbol üzrə Türkiyə Superliqasının XXII turu çərçivəsində

Fevralın 17-də futbol üzrə Türkiyə Superliqasının XXII turu çərçivəsində turnir cədvəlinin ikinci pilləsində qərarlaşan “Qalatasaray” komandası səfərdə “Kasımpaşa” ilə qarşılaşıb.Azərtac xəbər verir ki, meydan sahibləri matçın 14-cü dəqiqəsində misirli yarımmüdafiəçi Mahmud Trezegenin cərimə zərbəsindən vurduğu qolla hesabı açıblar - 1:0. Lakin ev sahiblərinin qol sevinci cəmi 8 dəqiqə çəkib. “Qalatasaray” görüşün 22-ci dəqiqəsində hesabı bərabərləşdirməyə nail olub. Səlcuq İnanın məhsuldar ötürməsini Younes Belhanda qolla tamamlayıb - 1:1. Oyunun 28-ci dəqiqəsində Sofiane Fequli “Qalatasaray”ı hesabda irəli çıxarıb - 2:1. Birinci hissə bu hesabla başa çatıb. Matçın 53-cü dəqiqəsində S.Fequli özünün ikinci, komandasının üçüncü qolunu vurub - 3:1. On beş dəqiqə sonra əlcəzairli futbolçu het-trik edib – 4:1.Fatih Terimin yetirmələri bu qələbədən sonra xallarının sayını 42-yə çatdıraraq lider “Başakşəhər” ilə xal fərqini üçə endiriblər.Gərgin anlar və çoxsaylı qayda pozuntuları ilə yadda qalan qarşılaşmada baş hakim Ali Palabıyık futbolçulara 8 sarı vərəqə göstərib.Turun bu gün keçirilmiş digər oyunlarında “Ərzurumspor” klubu “Sivasspor”u (4:2), “Kayserispor” komandası “Göztəpə”ni (2:1) məğlub edib. Digər oyunda isə altıncı pillədəki “Trabzonspor” doğma meydanda gözlənilmədən “Alanyaspor”a məğlub olub – 0:1.Hazırda “Başakşəhər” 45 xalla çempionatda vahid liderliyini davam etdirir. “Qalatasaray” 42 xalla ikinci, “Beşiktaş” isə 39 xalla üçüncü pillədə qərarlaşıb.Tura fevralın 18-də keçiriləcək “Antalyaspor” – “Başakşəhər” matçı ilə yekun vurulacaq.xeber100.com

Bədii gimnastika üzrə dünya kuboku yarışları keçiriləcək

Aprelin 26-28-də Milli Gimnastika Arenasında bədii gimnastika üzrə dünya kuboku yarışları keçiriləcək. Batutçulardan və idman gimnastlarından sonra bu dəfə meydançanı gimnastikanın ən zərif nümayəndələri təhvil alaraq güclərini sınayacaqlar.Azərtac Azərbaycan Gimnastika Federasiyasının saytına istinadla xəbər verir ki, ilkin qeydiyyat siyahısına əsasən, artıq 43 ölkədən 200-dən çox gimnastın kubok yarışlarında mübarizə aparacağı gözlənilir. Üç gün davam edəcək turnirdə 25 qrup komandası və 70-dən çox fərdi gimnast hakimlər qarşısına çıxacaq.Yarışın ilk iki günündə təsnifat mərhələləri təşkil olunacaq. Həmçinin çoxnövçülük üzrə ən yüksək xal toplamış 8 fərdi gimnast, həmçinin qrup komandası final mərhələsinə adlayacaq. Aprelin 28-də isə həlledici final mərhələsinin qalibləri müəyyənləşəcək. Bununla yanaşı, ən çox icra xalını yığan gimnast və qrup komandasına ənənəvi “AGF Trophy” Kuboku da təqdim olunacaq.xeber100.com

Həndbolçuların Azərbaycan çempionatı davam edir

Qadın həndbolçuların Azərbaycan çempionatı davam edir.Azərtac Azərbaycan Həndbol Federasiyasının saytına istinadla xəbər verir ki, yarışın 14-cü turu da favoritlərin qələbəsi ilə yekunlaşıb. Çempionluğa iddialı komandalar növbəti iki xalı fərqli mübarizənin yekununda qazanıblar.“Azəryol” komandası “İdman Akademiyası” ilə oyunda ciddi müqavimətlə üzləşməyib. Nominal meydança sahibinin tam üstünlüyü ilə keçən görüş 38:23 hesabı ilə başa çatıb.Çempionatın lideri “Azərsu” ilə “Qarabağ”ın görüşü gözlənildiyindən də gərgin alınıb. Maraqlı mübarizə şəraitində keçən oyunun taleyi son dəqiqələrdə həll olunub. Güclü rəqibə qarşı başabaş oyun nümayiş etdirən “Qarabağ” çox çalışsa da, azarkeşlərini sevindirə bilməyib. Son nöqtəni qoymağı bacaran “Azərsu” 25:24 hesablı qələbə ilə nahaq yerə baş mükafata əsas namizəd sayılmadığını sübut edib.Hesabına 28-ci xalı yazdıran “Azərsu” turnir cədvəlində liderliyini davam etdirir. Bir oyun az keçirən “Azəryol” liderdən 4 xal geri qalır. Üçüncü yerdə qərarlaşan “Qarabağ”ın 14 xalı var. “İdman Akademiyası” və “Olimpiya” komandaları hərəyə 7 xalla sonrakı pillələri bölüşürlər. “Gənclər Birliyi”nin hələ də xalı yoxdur.xeber100.com

“Paris Sen-Jermen” futbol klubu rekorda imza atıb

Fransanın “Paris Sen-Jermen” futbol klubunun hücumçusu Kilian Mbappe Liqa 1 çempionatının XXV turunda rekorda imza atıb.Azərtac xarici KİV-lərə istinadla xəbər verir ki, “Sent-Etyen”lə görüşdə qələbə qolunu vuran (0:1) hücumçu tarixə düşüb. İyirmi yaşlı fransalı müdafiəçi son 45 ildə Fransa çempionatında 19 oyunda 18 dəfə fərqlənən ilk futbolçu olub. O, komanda yoldaşı Edinson Kavanini (17 qol) üstələyib.Qeyd edək ki, Mbappe cari mövsümdə “Paris Sen-Jermen”nin heyətində 29 oyunda 24 qol vurub.xeber100.com

Batut gimnastikası və tamblinq üzrə Dünya Kubokunda

Çin idmançısı Linqlinq Lyu Bakıda keçirilən batut gimnastikası və tamblinq üzrə Dünya Kubokunda qadınlar arasında batut üzrə fərdi proqramda qızıl medal (57.050 bal) qazanıb.Trend-in məlumatına görə, ikinci yerə Kanada təmsilçisi Rozanna Maklennan (56.245), üçüncü yerə isə yaponiyalı Tisato Doihata (55.800) layiq görülüb.Tokio Olimpiya Oyunlarına təsnifat xarakteri daşıyan və batutçular üçün ilin ən vacib startlarından biri olan bu Dünya Kubokunda ümumilikdə 30 ölkədən 160-dan çox gimnast iştirak edir.Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.2019 və 2020-ci illərdə Tokio Olimpiya Oyunlarına batut gimnastikası üzrə təsnifat xarakterli 6 Dünya Kuboku keçiriləcək. Paytaxtımız gələn il bu kuboklardan daha birinə də ev sahibliyi edəcək.xeber100.com

“İnter” klubunun müdafiəçisi “Mançester Yunayted”ə keçə bilər

"İnter"in müdafiəçisi Milan Şkrinyar yayda "Mançester Yunayted"ə keçə bilər.Milli.az xəbər verir ki, sloveniyalı futbolçu hazırda "qırmızı şeytanlar"ın əsas transfer hədəfi hesab olunur. Mankunyanlar daha əvvəl 23 yaşlı oyunçu üçün İtaliya klubuna 60 milyon avro təklif etsələr də, rədd cavabı almışdılar. İnter aparıcı üzvü üçün 90 milyon avro tələb edir. Bu mövsümün sonunda "Mançester Yunayted" rəhbərliyinin sözgedən məbləği ödəyərək, Milanı alacağı iddia olunur.Qeyd edək ki, Şkrinyar "İnter"ə 2017-ci ilin yayında 34 milyon avro qarşılığında "Sampdoria"dan keçmişdi. Onun Milan təmsilçisi ilə 2022-ci ilin iyun ayına qədər müqaviləsi var.xeber100.com

“Borussiya” klubu müqavilə müddətini uzadıb

Dortmund "Borussiya"sının yarımmüdafiəçisi Ceydon Sançoya təkliflər gəlməkdə davam edir.Milli.az xəbər verir ki, budəfəki təklif daha cəlbedici olub.Belə ki, "Mançester Yunayted" də 18 yaşlı vinger uğrunda mübarizəyə qoşulub. "Qırmızı şeytanlar" hətta rəqiblərini qabaqlayaraq rəsmi təklif də göndərib. Belə ki, "mankunianlar" İngiltərə millisinin üzvü üçün 80 milyon avro ilə almanların qapısını döyüb. Keçid reallaşarsa, transfer məbləğinin 15 faizi "Mançester Siti"yə çatacaq. Çünki "şəhərlilər"in yetirməsi olan Sanço 2017-ci ildə "Borussiya"ya keçərkən klublar bunda ortaq məxrəcə gəliblər.Qeyd edək ki, Ceydon Sançonun "Borussiya" ilə müqavilə müddəti 2022-ci ilin yayına qədərdi.xeber100.com

“Neftçi” futbol klubu daha bir transfer həyata keçirib

"Neftçi" PFK daha bir transfer həyata keçirib.Trend klubun saytına istinadən məlumat verir ki, moldovalı futbolçu Petru Raku ilə mövsümün sonunadək müqavilə bağlanıb.31 yaşlı müdafiəçi komandanın heyətində 4 nömrəli formanı geyinəcək.Qeyd edək ki, sonuncu klubu "Şerif” (2017-2018) olan P.Raku Moldovanın "Zimbru” (2005-2007), "Veris” (2013-2014), "Milsami” (2015-2017), İsveçin "Norrçöpinq” (2007-2011), Finlandiyanın "MüPa-47” (2008) və Danimarkanın "Hyörrinq” (2012) klublarında da çıxış edib. O, Moldova milli komandasının heyətində 47 oyun keçirib.xeber100.com