Dünya çempionatı üçün seçmə mərhələ yekunlaşıb

11 Oktyabr 2017 12:47

Xəbər 70 dəfə oxunub

Şimali və Mərkəzi Amerika və Karib Hövzəsi Ölkələrinin Futbol Konfederasiyasının dünya çempionatı üçün seçmə mərhələsi yekunlaşıb.Azərtac xəbər verir ki, turnir cədvəlində üçüncü olan Panama millisi dünya çempionatına vəsiqə qazanıb. Panama yığması tarixində ilk dəfə mundialda mübarizə aparacaq.Dördüncü olan Honduras millisi isə pley-off mərhələsində Avstraliya ilə qarşılaşacaq.Qeyd edək ki, turnir cədvəlində ilk iki pillədə qərarlaşan Meksika və Kosta-Rika yığmaları daha əvvəldən dünya çempionatına vəsiqəni təmin ediblər.xeber100.com

Reklam

“Pxençan-2018” Qış Olimpiya Oyunlarının yeddinci günündə

“Pxençan-2018” Qış Olimpiya Oyunlarının yeddinci günündə - fevralın 15-də atletlər 9 dəst medal uğrunda yarışıblar. Almaniya millisi öz hesabına əlavə iki qızıl və bir bürünc medal yazdıraraq liderliyini möhkəmləndirib. İspaniya snoubord, Sloveniya isə biatlon yarışlarında ilk medalını qazanıb.Azərtac xəbər verir ki, sərbəst xizək üzrə qadınlar arasında 10 kilometr məsafəyə mübarizədə məsafəni 25 dəqiqəyə qət edən norveçli Ragnhild Haqa “Pxençan-2018”in çempionu olub. İsveç təmsilçisi Şarlotte Kallanın gümüş medal qazanıb. Yarışda eyni nəticə göstərdikləri üçün Norveç xizəkçisi Marit Byoergen və finlandiyalı Krista Parmakoski bürünc medala layiq görülüblər.Kişilərin 10 min metr məsafəyə konkisürmə yarışlarında kanadalı Ted-Yan Bloemen 12 dəqiqə 39 saniyə nəticə ilə Olimpiya rekorduna imza ataraq qızıl medal qazanıb. Digər iki pillədə isə niderlandlı Yorrit Berqsmay və İtaliya atleti Nikola Tumolerom yer alıblar.Kişilər arasında snoubord yarışlarının kross növündə qalib adına Fransa təmsilçisi Piyer Vaultier sahib olub. Avstraliya təmsilçisi Jerrid Huqes gümüş, İspaniya idmançısı Regino Hernandez isə bürünc medal əldə ediblər.Oyunların yeddinci günündə biatlon yarışlarında iki dəst medal sahibini tapıb. Qadınlar arasında 15 kilometr məsafəyə fərdi yarışlarında İsveç idmançısı Anna Oeberq marşrutu 47 dəqiqə 7 saniyəyə qət edərək bütün rəqiblərini qabaqlayıb. Slovakiyalı Anastasiya Kuzmina yarışı ikinci, Almaniya atleti Laura Dahlmeyer isə üçüncü pillədə başa vurublar.Kişilər arasında 20 kilometr məsafəyə fərdi yarışlarda isə norveçli Yohannes Tingnes Boe 48 dəqiqə 3 saniyə nəticə ilə fəxri kürsünün ən yüksək pilləsinə qalxıb. Sloveniya idmançısı Yakov Fak gümüş, Avstriya təmsilçisi Dominik Landertinger bürünc medala sahib olublar.Fiqurlu konkisürmə yarışlarının sərbəst proqramında 235,90 xalla Almaniya təmsilçiləri Alyona Savçenko və Bruno Massot Olimpiya çempionu adını qazanıblar. Çinli cütlük Vencinq Sui və Conq Han gümüş, Kanada atletləri Meqan Dunamel və Erik Radford bürünc medal qazanıblar.Olimpiadada atletlər dağ xizəkçiliyi yarışlarında da iki dəst medal uğrunda mübarizə aparıblar. Kişilər arasında sürətli eniş yarışlarında ilk iki pillədə norveçli xizəkçilər Aksel Lund Svindal və Kyetil Cansurd qərarlaşıblar. İsveçrəli atlet Bit Feuz isə yarışı üçüncü pillədə tamamlayıb.Qadınların böyük slalom yarışlarında isə ABŞ təmsilçisi Mikaela Şiffrin bütün rəqiblərindən üstün olub. Norveçli Ragnhild Movinkel gümüş, italiyalı Federika Brinyone bürünc medala layiq görülüblər.Kirşəsürmə idmanı üzrə kişilərin komanda yarışında Almaniya birinci, Kanada ikinci, Avstriya isə üçüncü pillədə yer alıblar.“Ağ Olimpiada”da yeddinci günün yekunlarına görə, Almaniya millisi “Pxençan-2018” Qış Olimpiya Oyunlarının medal sıralamasında liderliyini davam etdirir. Bu ölkənin hesabında 9 qızıl, 2 gümüş və 4 bürünc medal var. Ümumilikdə 21 ölkədən idmançılar medalçılar arasında yer alıblar.Norveç (6-7-4) ikinci, Niderland (5-5-2) üçüncü, ABŞ (5-1-2) dördüncü, Kanada (4-5-4) isə beşinci pillədə qərarlaşıb.xeber100.com

Fevral 16, 2018 14:48

UEFA Avropa Liqası final mərhələsi çərçivəsində

Bu gün UEFA Avropa Liqasında onaltıdabir final mərhələsi çərçivəsində növbəti görüşlər keçirilib.Azərtac xəbər verir ki, bu mərhələnin ilk oyunları çərçivəsində daha 15 görüş baş tutub.Cari mövsümdə “Qarabağ”ın Çempionlar Liqasında rəqibləri olmuş Danimarkanın “Kopenhagen” klubu ilə Madridin “Atletiko” komandasının dueli qarşılıqlı idman mübarizəsi şəraitində keçib. Matçın sonunda sevinən tərəf Madrid təmsilçiləri olublar - 4:1.Londonun “Arsenal” klubu səfərdə İsveçin “Ostersund” kollektivinə qalib gəlib - 3:0. “Ludoqorets”in qonağı olan “Milan” da rəqibin qapısından üç cavabsız top keçirib. Dortmund “Borussiya”sı isə öz meydanında “Atalanta”nı son dəqiqələrdə vurulan qolla məğlub edə bilib - 3:2 . Günün mərkəzi görüşlərindən sayılan “Lion” və “Vilyarreal” klublarının qarşılaşmasında qalib tərəf meydan sahibləri olublar - 3:1.Günün digər oyunlarında isə aşağıdakı nəticələr qeydə alınıb: “Astana” (Qazaxıstan) – “Sportinq” (Portuqaliya) - 1:3 “Marsel” (Fransa) – “Braqa” (Portuqaliya) - 3:0 “Nitsa” (Fransa) – “Lokomotiv” (Rusiya) - 2:3 “Real Sosyedad” (İspaniya) – “Zalsburq” (Avstriya) - 2:2 “Spartak” (Moskva, Rusiya) – “Atletik” (İspaniya) - 1:3 AEK (Yunanıstan) – “Dinamo”(Ukrayna) - 1:1 “Seltik” (Şotlandiya) – “Zenit” (Rusiya) - 1:0 “Styaua” (Rumıniya) – “Latsio” (İtaliya) - 1:0 “Napoli” (İtaliya) – “Leypsiq” (Almaniya) - 1:3 “Partizan" (Serbiya) – “Viktoriya” (Çexiya) - 1:1.xeber100.com

Fevral 16, 2018 14:33

“Real Madrid”in hücumçusu 100 qol vuran futbolçu kimi tarixə düşüb

İspaniyanın “Real Madrid” klubunun portuqaliyalı hücumçusu Kriştiano Ronaldo Çempionlar Liqasında bir komandanın heyətində 100 qol vuran ilk futbolçu kimi tarixə düşüb.TASS-a agentliyi xəbər verir ki, onun ən yaxın izləyicisi olan “Barselona”nın futbolçusu Lionel Messinin hesabında 97 qol var.Çempionlar Liqasının səkkizdəbir final mərhələsində “Real” və Fransanın PSJ komandaları arasında keçirilən matçda 33 yaşlı Ronaldo dubla imza atıb.Portuqaliyalı hücumçuya bu nailiyyəti əldə etmək üçün 95 oyun bəs edib. O, İngiltərənin “Mançester Yunayted” klubundan “Real”a 2009-cu ilin yayında keçib. Çempionlar Liqasında onun hesabında ümumilikdə 117 qol var. Ronaldo turnir tarixinin ən yaxşı bombardiridir.Həmçinin Ronaldo yeddi mövsüm ardarda Çempionlar Liqasında ən azı 10 qol vuran ilk futbolçu olub. O, 2011-2012-ci il mövsümündə 10, 2012-2013–cü il mövsümündə 11, 2013-2014 –cü il mövsümündə 17, 2014-2015-ci illərdə 10, 2015-2016-cı il mövsümündə 17, 2016-2017-ci il mövsümündə isə 12 dəfə fərqlənib. Hazırkı mövsümdə onun hesabında 11 qol var.Qeyd edək ki, Ronaldo dörd dəfə Çempionlar Liqası, Avropa çempionu, beş dəfə “Qızıl top”, İspaniya və İngiltərə çempionu, İspaniya və İngiltərə kubok və superkubokunun sahibi, klublararası dünya çempionatının və UEFA Superkubokunun qalibi olub.xeber100.com

Fevral 15, 2018 13:34

Milli Karate Federasiyasının məlumatı

Milli komandamızın əsas və əvəzedici heyəti fevralın 16-18-də Dubayda mötəbər “Karate-1 Premyer Liqa” turnirində iştirak etmək üçün Birləşmiş Ərəb Əmirliklərinə yola düşüb.Azərbaycan Milli Karate Federasiyasından Azərtac-a bildirilib ki, federasiyanın prezidenti Yaşar Bəşirovun rəhbərlik etdiyi heyətdə vitse-prezident Rəhman Hətəmov, baş məşqçi Şahin Xudaverdiyev (kumite), baş məşqçi Vahid Ayvazov (kata), böyük məşqçi Qurban Tağıyev, beynəlxalq hakimlər Cahangir Babayev və Vüqar Kərimov, o cümlədən 20 idmançı var.Milli komandanın əsas və əvəzedici üzvlərindən kumite yarışlarında Firdovsi Fərzəliyev, Tural Ələkbərli (hər ikisi 60 kq), Niyazi Əliyev, Tural Ağalarzadə, Rafiz Həsənov (hər üçü 67 kq), Rafael Ağayev (75 kq), Ayxan Mamayev, Turqut Həsənov, Pənah Abdullayev (hər üçü 84 kq), Şahin Atamov, Asiman Qurbanlı, Əli Cəfərov (hər üçü 84 kq-dan yuxarı), eləcə də Nuranə Əliyeva (50 kq), İlahə Qasımova (55 kq), Fəridə Abiyeva (61 kq) və Fəridə Əliyeva (67 kq-dan yuxarı) mübarizə aparacaqlar.Roman Heydərov fərdi kata, Rövşən Əliyev, Tural Balcanlı və İsmayıl Quliyev isə ilk dəfə olaraq turnirin komanda kata yarışında çıxış edəcəklər.Qeyd edək ki, 2018-ci il mövsümünün yeddi analoji turnirindən ikincisi olan Dubay mərhələsinə 74 ölkədən 626 idmançı qatılacaq.Xəbər verdiyimiz kimi, İspaniyanın Qvadalaxara şəhərində 82 ölkədən 1354 idmançının mübarizə apardığı nüfuzlu A seriyası turnirinə qatılan idmançılarımız yarışı mükafatsız başa vurublar.Karateçilərdən yalnız Rafiz Həsənov (67 kq) və Pənah Abdullayev (84 kq) bürünc medal qazanmaq imkanı əldə etsələr də, təsəlliverici görüşlər uğursuz nəticələnib. Buna baxmayaraq mərhələ keçən karateçilərimiz dünya reytinq cədvəlində xallarını artırmağa nail olublar.xeber100.com  

Fevral 14, 2018 13:47