Həndbolçuların ölkə kuboku yarışlarında finalçılar müəyyənləşib

5 Mart 2019 12:01

Xəbər 33 dəfə oxunub

Kişi həndbolçuların ölkə kuboku yarışlarında finalçılar müəyyənləşib.Azərtac Azərbaycan Həndbol Federasiyasının saytına istinadla xəbər verir ki, yarımfinal mərhələsində “Bakı” U-16 üzərində inamlı qələbə qazanıb. Yeniyetmə həndbolçular çox çalışsalar da, böyük hesablı məğlubiyyətdən qurtula bilməyiblər. “Bakı”nın tam üstünlüyü ilə keçən qarşılaşma 49:24 hesabı ilə nəticələnib.Günün digər görüşü daha gərgin idman mübarizəsi ilə yadda qalıb. “Məhsul”–“Təhsil” matçında birincilərin imkanlarını yüksək qiymətləndirənlər yanılmayıblar. Meydançaya qələbə üçün çıxan “Məhsul” həndbolçuları azarkeşlərinin etimadını doğruldublar – 32:28.Beləliklə, martın 30-da keçiriləcək final görüşündə “Bakı” və “Məhsul” komandaları kubokun sahibini müəyyənləşdirəcəklər.xeber100.com

Reklam

“Formula 1” yarışı 26-28 aprel tarixlərində baş tutacaq

Bakıda növbəti "Formula 1" yarışı 26-28 aprel tarixlərində baş tutacaq.Milli.az-a Bakı Şəhər Haqlasından verilən məlumata görə, bununla bağlı Azərbaycan Qran Prisinin təşkilatçısı Bakı Şəhər Halqası paytaxtın yarış trekinin üzərinə düşən mərkəzi küçələrində təmir-tikinti işləri qismən həyata keçirir.Bu işlərin davamı olaraq Puşkin küçəsinin Üzeyir Hacibəyov və Xaqani küçələrinin kəsişmələri arasında olan yol mart ayının 22-dən 26-dək və həmin küçənin Üzeyir Hacibəyov və Neftçilər küçələrinin kəsişmələri arasında yol hissəsi 27 mart - 8 aprel tarixlərində asfalt örtüyünün təmirinə bağlanacaq. Bu ərəfələrdə nəqliyyatın hərəkəti tamamilə dayandırılacaq, lakin Hökümət Evinin qarşısındakı yeraltı avtomobil dayanacağının çıxışı açıq olacaq.Bundan əlavə, aşağıda göstərilən zonalarda avtomobillərin hərəkətinə məhdudiyyət qoyulacaq: - Neftçilər prospektinin Rəşid Behbudov və Tərlan Əliyarbəyov küçələrinin kəsişmələri arasındakı yol hissəsi mart ayının 22-dən 26-dək qismən bağlanacaq, - Bül-bül prospektinin Xaqani və Zərifə Əliyeva küçələrinin kəsişmələri arasındakı yol hissəsi 27 mart - 8 aprel tarixlərində qismən bağlanacaq. - Xaqani küçəsinin Puşkin küçəsi və Bül-bül prospekti ilə kəsişmələri arasında yol hissəsi aprel ayının 1-dən 8-dək qismən bağlanacaq.Göstərilən iş qrafikində hava şəraitindən asılı olaraq dəyişikliklər ola bilər.xeber100.com

Mart 21, 2019 13:27