ABŞ Nümayəndələr Palatası yeni qanun qəbul edib

ABŞ Konqressinin Nümayəndələr Palatası bir sıra nazirliklər və sərhəd təhlükəsizliyinin büdcəsi haqqında qanunu qəbul edib.Trend-in məlumatına görə, sənəd prezident Donald Trampa imzalanması üçün göndərilib. Daha öncə büdcə qanunu Senat tərəfindən qəbul edilib.Prezident Tramp növbəti "şatdaun"un (nazirliklərin və qurumların işlərinin müvəqqəti dayandırılması) qarşısını almaq üçün cümə gününün sonuna kimi sənədi təsdiqləməlidir.Ancaq Ağ Ev bildirib ki, büdcəni təsdiqləyərək Tramp Konqresi keçmək və Meksika ilə sərhəddə hasarın tikintisi üçün maliyyələşdirmənin artırılması üçün sərhəddə fövqəladə hal elan etmək istəyir.xeber100.com

İspaniya parlamenti növbədənkənar seçkilər keçirilməsini tələb edib

Büdcə haqqında qanun layihəsinin rədd edilməsindən sonra İspaniya parlamenti Pedro Sançesin hökumətindən növbədənkənar seçkilər keçirilməsini tələb edib.Azərtac xəbər verir ki, P.Sançesin hökumətini deputatların yalnız dörddəbiri dəstəkləyir. Kataloniyanın müstəqilliyi tərəfdarları ilə danışıqlardan sonra Baş nazir bir sıra regional və sağ təmayüllü partiyaların etimadından məhrum olub. Separatçılar da Kataloniyanın müstəqilliyinə dair referendumun təşkilinə görə həbs olunan siyasi liderlərin məhkəmə prosesini dayandırmadığı üçün Pedro Sançesi dəstəkləmirlər.Danışıqlıların tərəfləri arasında fikir ayrılıqlarının qəribə vəhdəti səbəbindən uğradığı ağır və gözlənilməz məğlubiyyət Baş naziri yeni seçkilərə doğru aparır. Seçkilərin iki tarixdə - aprelin 14-də və ya 28-də keçirilməsi məsələsi müzakirə olunur.xeber100.com

Rusiya Federal Təhlükəsizlik Xidmətinin məlumatı

Moskvada Vladimir Leninin mavzoleyi müvəqqəti bağlanır.TASS xəbər verir ki, bu barədə ölkənin Federal Təhlükəsizlik Xidmətinin mətbuat və ictimaiyyətlə əlaqələr mərkəzindən məlumat verilib.Məlumatda bildirilir ki, fevralın 18-dən aprelin 16-dək nəzərdə tutulan profilaktik işlərlə əlaqədar Leninin mavzoleyi ziyarətçilərə bağlı olacaq.Qeyd edək ki, mavzoley sonuncu dəfə 2017-ci ildə profilaktik xidmət üçün bağlanıb.xeber100.com

Ukrayna Avropa İttifaqına üzv olmaq üçün müraciət edəcək

Ukrayna 2023-cü ildə Avropa İttifaqına üzv olmaq üçün müraciət edəcək.Azərtac xəbər verir ki, bu barədə açıqlamasında Ukrayna Prezidenti Petro Poroşenko məlumat verib. “Mən 2023-cü ildən sonra Ukraynanın Avropa İttifaqına üzvlüyü ilə bağlı ictimaiyyət qarşısında öhdəlik götürmüşəm. Daha sonra isə NATO-ya üzv olmaq üçün plan təsdiq ediləcək”, - deyə P.Poroşenko əlavə edib.Prezident qeyd edib ki, gələn həftə Avropa İttifaqına və NATO-ya daxil olmaq üçün Ali Radanın Konstitusiyaya düzəlişlərə dair qəbul etdiyi qanunu imzalayacaq.xeber100.com

Beynəlxalq Valyuta Fondu maliyyə yardımı göstərməyə hazırdır

Beynəlxalq Valyuta Fondu (BVF) Pakistana lazımi maliyyə yardımı göstərməyə hazırdır.Trend-in məlumatına görə, bu barədə BVF-nin rəhbəri Kristin Laqard Pakistanın baş naziri İmran Xan ilə Dubayda keçirilən görüşü zamanı bildirib.K.Laqard deyib: "Mən təsdiq etdim ki, Beynəlxalq Valyuta Fondu Pakistana dəstək göstərməyə hazırdır. Mən həmçinin vurğuladım ki, qətiyyətli siyasət və iqtisadi islahatlar paketi Pakistana öz iqtisadiyyatını bərpa etməyə və daha inamlı artım üçün təməl qoymağa kömək edəcək".BVF-nin rəhbəri qeyd edib ki, baş nazir İ.Xan ilə bizim yaxşı və konstruktiv görüşümüz baş tutdu: "Görüş zamanı biz iqtisadiyyatda yaxınlarda baş verən hadisələri və Pakistan üçün Beynəlxalq Valyuta Fondunun dəstək proqramının perspektivlərini müzakirə etdik".Qeyd edək ki, Pakistan hakimiyyəti BVF-dən 6-7 milyard dollar dəyərində kredit istəməyi planlaşdırırlar. Bu halda BVF İslamabaddan büdcə kəsirinin azaldılması və vergi sisteminin genişləndirilməsini tələb edə bilər.Pakistan 1980-ci ildən BVF-yə dəfələrlə maliyyə yardımı üçün müraciət edib. Sonuncu dəfə isə 2013-cü ildə müraciət edilib və BVF Pakistana 6,6 milyard dollarlıq kredit ayırıb.xeber100.com

Eurojackpot lotereyasında 63,2 milyonluq uduş…

lmaniyanın Reynland-Pfals federal ərazisinin sakini Eurojackpot lotereyasında 63,2 milyon avro udub.Milli.az bildirir ki, bu barədə lotereya şirkəti məlumat yayıb.Qalibin kimliyi barədə ətraflı məlumat verilmir. Məlumdur ki, qalib lotereyanın beş əsas rəqəmi, həmçinin iki əlavə rəqəmi tapıb."Eurojackpot" lotereyası 2012-ci ildən Avropa İttifaqı ölkələrinin əksəriyyətində keçirilir. Uduşlu rəqəmlər Helsinkidə həftənin cümə günləri elan olunur.xeber100.com

Italiyada hökümətin siyasətinə qarşı aksiya keçirilib

İtaliyanın paytaxtı Romada yüzminlərlə insan böyük peşə birliklərinin nümayişində iştirak edib.Trend-in məlumatına görə, aksiya iştirakçıları hazırki hakimiyyətin siyasətinə qarşı çıxır. Aksiyaçılar iqtisadi artımı təmin edəcək islahatları tələb edir.Etirazçıların əsas naraçılığı yeni pensiya islahatındandır.xeber100.com

ABŞ-KXDR sammiti Vyetnamda keçiriləcək

ABŞ və Koreya Xalq Demokratik Respublikası (KXDR) liderləri arasında görüş 27-28 fevral tarixlərində Vyetnamda keçiriləcək.Trend-in məlumatına görə, bu barədə ABŞ prezidenti Donald Tramp Senat və ABŞ Konqresinin Nümayəndələr Palatası qarşısında "Ölkənin vəziyyəti haqqında" illik müraciətlə çıxışı zamanı bildirib.D.Tramp deyib: "Sədr Kim və mən 27 və 28 fevral tarixlərində Vyetnamda görüşəcəyik".xeber100.com

“Rosneft” şirkəti ötən ilin xalis mənfəətini açıqlayıb

Rusiyanın ən böyük neft şirkəti olan “Rosneft”in ötən ilin sonuncu rübündəki xalis mənfəəti açıqlanıb.Azərtac şirkətə istinadla xəbər verir ki, “Rosneft”in keçən ilin dördüncü rübündəki xalis mənfəəti 109 milyard rubl olub. Bazar proqnozu isə mənfəətin 125,4 milyard rubl olacağı idi.Beləliklə də şirkətin hesabat rübündəki xalis mənfəəti əvvəlki rüblə müqayisədə 23 milyard rubl azalıb.“Rosneft” Rusiyanın gündəlik 10 milyon barreli keçən neft istehsalının təxminən 40 faizini həyata keçirir.xeber100.com

Rixter cədvəli üzrə 5,2 bal gücündə zəlzələ baş verib

Yunanıstanın Preveza şəhərindən 14 kilometr məsafədə Rixter cədvəli üzrə 5,2 bal gücündə zəlzələ baş verib.Azərtac xəbər verir ki, bu barədə Afina Universitetinin seysmologiya laboratoriyası məlumat verib. Bildirilir ki, zəlzələnin ocağı 10 kilometr dərinlikdə dənizdə olub.Xəsarət alanlar barədə hələlik məlumat yoxdur. Zəlzələ ətraf bölgələrdə, şəhərlərdə də hiss olunub.xeber100.com

Gürcüstan parlamentinin yaz sessiyasının ilk iclasında

Fevralın 5-də Gürcüstan parlamentinin yaz sessiyası açılacaq.Azərtac xəbər verir ki, parlamentin sessiyası 2012-ci ildən sonra ilk dəfədir Tbilisidə, Rustaveli prospektindəki binada açılacaq. Yaz sessiyasının ilk iclasında Prezident Salome Zurabişvilinin ölkədəki məsələlərlə bağlı hesabatı dinlənəcək.Bundan başqa, ilk dəfə olaraq parlamentin sədri İrakli Kobaxidze qanunverici orqanın fəaliyyətinə dair illik hesabatla çıxış edəcək.xeber100.com

Fransada etiraz aksiyasının 12-ci aktı başlayıb

Fransada “sarı jiletlər” etiraz aksiyasının 12-ci aktı başlayıb.Azərtac xəbər verir ki, etirazın 12-ci həftəsi aksiya başlayandan polislə qarşıdurmada yaralanan yüzlərlə fəala həsr edilib.“Sarı jiletlər” polisin nümayişçiləri əlil etməsinə son qoyulmasını tələb edirlər. Onlar nümayişçilərə qarşı istifadə olunan müdafiə üçün rezin güllə silahlarının, gözyaşardıcı qumbaraların və pnevmatik qumbara atan silahların qadağan olunmasını tələb edirlər.On ikinci aksiyanın iştirakçıları günorta saatlarında Domenil prospektindən hərəkətə başlayıb, Respublika meydanına doğru irəliləyəcəklər.Bu gün Parisdə 2-ci “sarı gecə” aksiyası da olacaq. Nümayişçilərin tələbləri “sarı dəftər”də qeyd ediləcək.xeber100.com

Böyük Britaniya vətəndaşları üçün vizasız rejim tətbiq oluna bilər

Avropa İttifaqına üzv 27 ölkənin səfirləri Brexit prosesindən sonra Böyük Britaniya vətəndaşları üçün vizasız rejim tətbiq olunması barədə razılığa gəlib.TASS informasiya agentliyi xəbər verir ki, bu barədə Avropa İttifaqı Şurasının fevralın 1-də Brüsseldə yayımlanan bəyanatında bildirilir.“Aİ səfirləri Brexit prosesindən sonra qısa müddət ərzində (istənilən 180 gün ərzində 90 gün) Şengen zonasına gələn Böyük Britaniya vətəndaşları üçün vizasız rejim tətbiq olunması barədə razılığa gəlib”, - bəyanatda belə deyilir.Sənədə əsasən, səfirlər Rumıniyanın Avropa İttifaqı Şurasındakı sədrliyinə bu qərarın qanunvericilik səviyyəsində reallaşdırılması üçün Avropa Parlamenti ilə danışıqlara başlamağı tapşırıb. Bununla yanaşı, Şura bu tədbirlərin qarşılıqlı olacağını qeyd edib.xeber100.com

Avropa Parlamentinə seçkilərin keçiriləcəyi tarix müəyyənləşib

Avstriyada Avropa Parlamentinə növbəti seçkilərin keçiriləcəyi tarix müəyyənləşib. Ölkə parlamentinin baş komissiyası seçkilərin mayın 26-da keçirilməsi barədə yekdilliklə qərar qəbul edib.Azərtac xəbər verir ki, namizədlərin qeydiyyatına martın 12-də start veriləcək. Daxili İşlər Nazirliyində aparılacaq qeydiyyat prosesi aprelin 14-dək davam edəcək.Avropa Parlamentinə seçki hüququ 16 yaşı tamam olmuş Avstriya vətəndaşları ilə yanaşı, bu ölkədə yaşayış qeydiyyatında olan digər Avropa İttifaqı vətəndaşlarına da şamil edilib. Seçki vaxtı Avstriyadan kənarda olan və ya xaricdə yaşayan ölkə vətəndaşları məktub vasitəsilə səsvermədə iştirak edə biləcəklər.Avropa Parlamentinə seçkilər üzv ölkələrin hamısında mayın 23-26-da keçiriləcək. Hər ölkənin müvafiq qurumu seçkilərin dəqiq gününü müəyyən edir. Böyük Britaniya Avropa İttifaqını tərk edəcəyi təqdirdə Avropa Parlamentində deputatların sayı 751-dən 705-ə düşəcək.xeber100.com

Ukraynanın Mərkəzi Seçki Komissiyasının növbəti iclasında

Ukraynanın Mərkəzi Seçki Komissiyasının növbəti iclasında daha 2 nəfərin prezidentliyə namizədliyi qeydə alınıb.Azərtac xəbər verir ki, bununla da MSK tərəfindən qeydə alınan prezidentliyə namizədlərin sayı 22-yə çatıb.Komissiya Ruslan Koşulinskiy və Aleksandr Danilyukun prezidentliyə namizədliyini qeydə alıb. MSK, həmçinin Aleksandr Kovalçukun prezidentliyə namizədliyini qeydə almaqdan imtina edib.Qeyd edək ki, Ukraynada prezident seçkiləri martın 31-də keçiriləcək. Prezidentliyə namizədlərin sayının 30-u ötəcəyi proqnozlaşdırılır. Artıq 41 nəfər namizədliyinin qeydə alınması üçün sənədlərini MSK-ya təqdim edib.xeber100.com

London Aİ vətəndaşlarına viza rejimi tətbiq edəcək

Brexitin sazişsiz baş verəcəyi təqdirdə London ölkə ərazisində üç aydan artıq qalmaq istəyən Avropa İttifaqı vətəndaşları üçün viza rejimi tətbiq edəcək.Interfax informasiya agentliyi xəbər verir ki, bunu Britaniyanın daxili işlər naziri Sacid Cavid deyib.“Biz Böyük Britaniyanın biznes üçün açıq qalmasının təmin olunması üçün praktiki yanaşma tətbiq etməli və qanun pozuntularını minimuma endirməliyik. Bu səbəbdən keçid mexanizmlərinin vaxtına məhdudiyyətlər tətbiq edəcəyik və martın 29-dan sonra Avropa İttifaqı vətəndaşlarına müvəqqəti yaşama izni verəcəyik”, - deyə nazir bildirib. Onun sözlərinə görə, belə düzəlişlər Böyük Britaniyaya son on illər ərzində ilk dəfə olaraq sərhədə tam nəzarət etmək imkanı verəcək.Sərt Brexitin baş verəcəyi təqdirdə martın 29-dan sonra Böyük Britaniyaya gələn və ölkə ərazisində 3 aydan çox qalmaq niyyətində olan Avropa İttifaqı dövlətlərinin vətəndaşlarına müvəqqəti yaşama izni veriləcək. Həmin status üç il müddətinə tətbiq olunacaq, lakin bunun üçün rüsum ödənilməli və müəyyən prosedurlar həyata keçirilməlidir.Britaniya hökuməti də ölkənin Avropa İttifaqını sazişsiz tərk etməsinə hazırlığı davam etdirir. Bu məqsədlə Cəbəllütariq, Kipr və Folklend adalarında yerləşən xarici hərbi bazalarına və ölkə ərazisində yerləşən hərbi anbarlara ərzaq məhsulları, yanacaq, ehtiyat hissələri və hərbi sursat ehtiyatı toplanılır. Müdafiə Nazirliyi indiyədək bu məqsədlə 23 milyon funt sterlinq xərcləyib.xeber100.com

“KAIST”da “6G” tədqiqat mərkəzi açılıb

Koreya Respublikasının “LG Electronics” şirkəti ilə Koreya Qabaqcıl Elmlər və Texnologiyalar İnstitutu (“KAIST”) “6G” şəbəkəsi üzərində işlərə başlayıb.Xarici KİV-lər xəbər verir ki, bu məqsədlə “KAIST”da “6G” tədqiqat mərkəzi açılıb. Mərkəz ölkənin iqtisadi inkişafının sürətlənməsi üçün növbəti nəsil texnologiyalarının öyrənilməsi və planlaşdırılması ilə məşğul olacaq.“6G” texnologiyasının 5 il sonra təqdim edilməsi nəzərdə tutulur.xeber100.com

Yaponiya parlamentinin növbəti sessiyası işə başlayır

Yanvarın 28-də Yaponiya parlamentinin növbəti sessiyası işə başlayır.NHK telekanalı xəbər verir ki, növbəti sessiyada hakim və müxalif partiyalar arasında müxtəlif mövzularda, o cümlədən işçi qüvvəsinin səhv hesablanması ilə əlaqədar gərgin mübahisələr gözlənilir. Parlamentin sessiyasının açılış mərasimində İmperator Akihito da iştirak edəcək. Bundan sonra hər iki palatanın qatılacağı ümumi iclasda Baş nazir Şinzo Abe siyasi məruzə ilə çıxış edəcək. Üç gün davam edəcək sual-cavab sessiyasının yanvarın 30-da başlayacağı bildirilir.Hökumət və hakim koalisiya martda başa çatacaq cari maliyyə ili üçün əlavə büdcənin qəbuluna çalışır. Müxalif partiyalar isə dövlət orqanlarına etibarı aşağı salan qeyri-dəqiq dövlət statistikası məsələsini ciddi şəkildə araşdırmağa çağırırlar. Bununla əlaqədar onlar əmək naziri Takumi Nemotonun istefasını tələb edirlər.Yaponiya parlamentinin bu sessiyasının iyunun 26-dək, cəmi 150 gün davam edəcəyi bildirilir.xeber100.com

Fransada etiraz aksiyaları davam edir

Fransanın paytaxtı Parisdə ölkədə qayda-qanunun bərpasını tələb edən və "sarı jiletlərin" aksiyaları zamanı zorakılığa qarşı çıxış edən "qırmızı yaylıqlar" hərəkatı tərəfindən "Respublika marşı" keçirilir.Milli.az bildirir ki, yağışlı və soyuq havaya baxmayaraq, aksiyada çoxlu sayda insan iştirak edir. Etirazçılar "Zorakılığa - yox", "İnstitutlarımıza - hörmət" kimi şüarlar səsləndirir.Aksiyada 7 avroluq futbolka almaq olar, onun bir tərəfində "Mən respublikamı sevirəm", digər tərəfində isə "Zorakılığa - yox" yazılıb.Qeyd edək ki, aksiya iştirakçılarının əksəriyyəti orta yaşlı və yaşlı insanlardı.xeber100.com

Çində dünyanın ən böyük beynəlxalq aeroportu açılacaq

Bu il Çində dünyanın ən böyük beynəlxalq aeroportu - Pekinin Dasin hava limanı açılacaq.Milli.az xəbər verir ki, aeroportun binasını nüfuzlu memar Zaha Hadid layihələndirib.Nəhəng kompleksdə 80-ə yaxın çıxış olsa da, terminalın özünəməxsus forması hesabına, onun mərkəzindən uçuş-eniş zolağına aparan istənilən çıxışa bir neçə dəqiqə ərzində çatmaq olacaq.Rekord ölçüdə olan aeroport Pekinin Dasin rayonunda inşa olunur. Aviaqovşaq Pekinin mərkəzindən 46 kilometr aralıda yerləşir. Aeroportun iri nəqliyyat qovşağına çevriləcəyi bildirilir. Hava limanında aviaterminaldan başqa dəmiryolu xətlərinin qovşağı da olacaq və aeroportun altında yerləşəcək.Dasində yeddi uçuş-eniş zolağı var. Gündəlik olaraq 620 min reysi qəbul edib-göndərə bilər. Aeroport təxminən 50 kvadrat kilometr sahəni tutur. Onun inşası üçün hökumət bir neçə yaşayış məntəqəsini sökmək və əhalinin başqa rayonlara köçürmək məcburiyyətində olub.Binanın dizaynında yumşaq xətlər əslən iraqlı olan Britaniya vətəndaşı Zahi Hadidin "vizit kartı" sayılır.Ötüb keçən yüksək sürətli təyyarələrin uçuşu zamanı kompleks "çiçəyinin" vibrasiya etməməsi üçün mindən çox dempferdən istifadə olunub. Təyyarələr rahatlıqla bina üzərindən 300 km/saat sürətlə uça bilərlər; terminalda olan sərnişinlər bundan heç nə hiss etməyəcək.Aeroportun nəhəng "hörümçək toru" artıq hazırdır. Pekin Dasin tamamilə baryersiz olacaq. 2022-ci ildə XIII Qış Paralimpiya Oyunlarının iştirakçılarını qarşılayacaq.xeber100.com