“YARAT” Müasir İncəsənət Məkanının təşkilatçılığı ilə…

Oktyabrın 19-da “YARAT” Müasir İncəsənət Məkanının təşkilatçılığı ilə “Artım rooms” layihəsi çərçivəsində “Yeni hekayələr” adlı sərgisinin finisaj tədbiri keçiriləcək.Azərtac xəbər verir ki, ikinci layihə-sərgisində rəssamlar Füzuli Əliyev, Mina Abbasova, Vüsal Əhmədov, Rizone, Leyla Qabulova, Əhməd Nəbiyev və Roman Qocayevin müstəqil layihələri təqdim olunur. Bir-birindən fərqlənən layihələrdə bioqrafik, psixoloji-mental və sosial paralelləri vurğulamaq olsa da, hər bir layihə digəri ilə bağlı olmayan eksperiment kimi nümayiş etdirilir.Ziyarətçilər bir daha iştirakçıların işlərini görüb onlar ilə tanış ola bilərlər.xeber100.com

Mingəçevir Dövlət Dram Teatrı – 50

Oktyabrın 17-də Mingəçevir Dövlət Dram Teatrının 50 illiyinə həsr olunmuş tədbir keçiriləcək.Mədəniyyət Nazirliyindən Azərtac-a bildirilib ki, tədbir Prezident İlham Əliyevin “Mingəçevir Dövlət Dram Teatrının 50 illiyi haqqında” Sərəncamına uyğun olaraq reallaşacaq.Qeyd edək ki, 1968-ci ildə yaradılan bu sənət ocağı 1969-cu ilin mart ayının 28-də C.Cabbarlının “Almaz” tamaşası ilə fəaliyyətə başlayıb. Teatrın ilk mütəxəssisləri Mingəçevir Xalq Teatrının və Azərbaycan Dövlət Teatr İnstitutunun məzunlarından ibarət olub. Bu illər ərzində sənət ocağının yaradıcı kollektivi dünya və Azərbaycan dramaturgiyasından 300-ə yaxın tamaşa hazırlayıb.Yarandığı gündən repertuarında milli klassik və müasir dramaturgiya nümunələrini əsas götürən Mingəçevir Dövlət Dram Teatrı, hər zaman rus və dünya dramaturgiyasına da müraciət edib.Teatr ölkəmizin hüdudlarından kənarda da fəal mədəniyyət ocağı kimi tanınır. Teatr respublikamızın əksər şəhər və rayonları ilə bərabər, Türkiyə, Gürcüstan, Rusiya və digər ölkələrə qastrol səfərləri etməklə yanaşı, yerli və beynəlxalq festivalların iştirakçısı və qalibi olub.Azərbaycan Teatr Xadimləri İttifaqının İdarə Heyətinin müvafiq qərarı ilə Mingəçevir Dövlət Dram Teatrının Hüseyn Cavidin “Ana” tamaşası klassik dramaturgiyanın uğurlu səhnə təcəssümünə görə “Qızıl Dərviş” mükafatına layiq görülüb.xeber100.com

“YARAT” Müasir İncəsənət Mərkəzində konsert təşkil olunacaq

Oktyabrın 16-da “YARAT” Müasir İncəsənət Mərkəzində baltimorlu repçi, musiqiçi və sahibkar Vordsmith tərəfindən ustad dərsi və konsert təşkil olunacaq.Azərtac xəbər verir ki, Vordsmith çox güclü motivasiya mesajını çatdıran hip-hop musiqisi yaradır. Onun missiyası “Məqsəd mesajı” vasitəsilə əyləndirmək və maarifləndirmək, həmişə bir nümunə olaraq, bu mesajı təmiz, keyfiyyətli və çoxsatılan “kütlələr üçün musiqi” ilə əlaqələndirməkdir.Vordsmith öz şüurlu-kommersiya hip-hop musiqisi və teatr tamaşaları ilə milli və beynəlxalq səhnələrdə çıxış etməyə çalışır. Onun ilhamlandırıcı mesajla dolu məzmunlu və bütün yaş dövrlərini əyləndirən mahnıları, əsasən adi fəhlə təbəqəsinə ünvanlanıb.xeber100.com

İstiqlal Muzeyində tədbir–sərgi keçiriləcək

Oktyabrın 17- də Azərbaycan İstiqlal Muzeyində dövlət müstəqilliyimizin bərpasının 27–ci ildönümü münasibətilə “Paralel” adlı tədbir–sərgi keçiriləcək.Muzeydən Azərtac-a bildirilib ki, sərgidə Azərbaycan Xalq Cümhuriyyətinin və Müstəqil Azərbaycan Respublikasının fəaliyyətini və inkişafını özündə əks etdirən 40–dan çox fotoşəkil nümayiş etdiriləcək.Tədbirdə Təhsil Nazirliyi Gənclərin Respublika bədii yaradıcılıq evinin tələbələrinin hazırladığı maraqlı bədii proqram təqdim olunacaq.xeber100.com  

Mədəniyyət naziri vətəndaşları qəbul edəcək

Mərkəzi icra hakimiyyəti orqanlarının rəhbərləri tərəfindən şəhər və rayonlarda vətəndaşların qəbulu cədvəlinə uyğun olaraq mədəniyyət naziri Əbülfəs Qarayev oktyabrın 17-də saat 11.00-da Mingəçevir şəhərində vətəndaşları qəbul edəcək.Nazirlikdən Azərtac-a bildirilib ki, bu şəhərdəki Heydər Əliyev Mərkəzində( Mingəçevir şəhəri, 20 Yanvar küçəsi, 172 ) Mingəçevir, Yevlax şəhərlərindən, Bərdə, Tərtər, Ağcabədi, Ağdam və Laçın rayonlarından olan vətəndaşlar iştirak edə bilər.xeber100.com

Opera və Balet Teatrı oktyabr repertuarını açıqlayıb

Opera və Balet Teatrının yaradıcı kollektivi bu ay tamaşaçılarının görüşünə maraqlı səhnə əsərləri ilə gələcək.Teatr oktyabr repertuarını təqdim edir: 6 oktyabr- “Sevgi şərbətləri” (ikipərdəli opera) 7 oktyabr – “Əsli və Kərəm” (ikipərdəli balet) 10 oktyabr - “Karmen- Süita” (birpərdəli balet), “Bolero” (birpərdəli balet) 13 oktyabr - “Aşıq Qərib” (dördpərdəli opera) 14 oktyabr - “Yeddi gözəl” (ikipərdəli balet) 17 oktyabr - “Leyli və Məcnun” (ikipərdəli balet) 20 oktyabr - “Toska” (dördpərdəli balet) 21 oktyabr - “Min bir gecə” (ikipərdəli balet) 24 oktyabr - “Arşın mal alan” (operetta) 27 oktyabr – “Qu gölü” (üçpərdəli balet) 28 oktyabr – “Şah İsmayıl” (üçpərdəli opera) 31 oktyabr- “Cavadxan” (birpərdəli balet) Səhnə əsərləri müvafiq olaraq saat 19.00-da teatrsevərlərin ixtiyarına veriləcək.xeber100.com

Gənc Tamaşaçılar Teatrı oktyabr repertuarını təqdim edir

Gənc Tamaşaçılar Teatrı maraqlı tamaşalarla çıxış edəcək.Azərtac teatrın oktyabr repertuarını təqdim edir: 6 oktyabr - A.Lindqren “Uzuncorab Pippi”. Ə.Əmirli “Mən səni sevirəm (MSS)”; 7 oktyabr - A. Şaiq “Danışan gəlincik”, İ. Əfəndiyev “Sarıköynəklə Valehin nağılı”; 8 oktyabr - Cəfər Namiq Kamalın iştirakı ilə Şou-proqram; 13 oktyabr - C. Rodari “Çipollino”, V.Şuqrayeva, Ə.Əmirli “Qohumlar”; 14 oktyabr - P.Nurəliyeva “Dəcəl keçi”, F.Dürrematt “Dəlixanada qətl”; 19 oktyabr - H.Cavid “Ana” (Əməkdar artist Nübar Novruzovanın 60 illik yubileyinə həsr olunur); 20 oktyabr - Azərbaycan xalq nağılı “Qoğalın sərgüzəştləri”, Ə. Əmirli “Hasarın o üzü”; 21 oktyabr - Y.Şvarts “Qırmızı papaq”, H.Cavid “Şeyx Sənan”; 26 oktyabr - Kiçik səhnədə U.Lyusun “İstədiyim kimi yaşamışam”; 27 oktyabr - H. X. Andersen “Çirkin ördək balası”, U.Şekspir “III Riçard”; 28 oktyabr - A.Lindqren “Balaca və damda yaşayan Karlson”, M. Servantes “Don Kixot” (Premyera).xeber100.com

Musiqili Teatr oktyabr ayı üçün repertuar planını təsdiqləyib

Dövlət Musiqili Teatrı oktyabr ayı üçün rəngarəng repertuar planını təsdiqləyib. Bu dəfə də sənət ocağının yaradıcı kollektivi maraqlı səhnə əsərləri ilə teatrsevərlərin görüşünə gələcək.Azərtac teatrın repertuarını təqdim edir: 5 oktyabr - “Toya bir gün qalmış” 12 oktyabr- “Bir dayan canavar”, “Bir dəfə Bağdadda” (rus dilində) 13 oktyabr - “Dəcəl çəpişlər”, “Toya bir gün qalmış” 14 oktyabr - “Qızıl cücə”, “999-cu gecə” 19 oktyabr - “Nuri-didə- Ceyhun” 20 oktyabr - “Hacı Qara”, “Amerikalı kürəkən” 21 oktyabr - “Bremen musiqiçiləri və Pen”, “Bankir adaxlı” 25 oktyabr - “Qodunun intizarında” 26 oktyabr - “Qafqazlı qardaşqızı” (rus dilində) 27 oktyabr - “Qoğalın macərası” (rus dilində), “Mən dəyərəm min cavana” 28 oktyabr - “Yatmış gözəl və cırtdanlar”, “Kimdir müqəssir” Səhnə əsərləri müvafiq olaraq saat 12.00 və 19.00-da təqdim ediləcək.xeber100.com

“YARAT” Teatr Klubu çərçivəsində

Oktyabrın 26-da “YARAT” Teatr Klubu çərçivəsində “Telefon” tamaşası təqdim olunacaq.Azərtac xəbər verir ki, xalq yazıçısı Anarın “Mən, sən, o və telefon” hekayəsi əsasında səhnələşdirilmiş tamaşa müasir interpretasiyadır və bir təsadüfi hadisənin, iki tanış olmayan gənc arasında yaranmış telefon söhbətinin onların həyatını necə dəyişə bilməsindən bəhs edir.xeber100.com

Milli Dram Teatrı oktyabr repertuarını açıqlayıb

Azərbaycan Dövlət Akademik Milli Dram Teatrı oktyabr repertuarını açıqlayıb. Nəzərdə tutulan repertuarda klassik və çağdaş əsərlər əsasında hazırlanan tamaşalar yer alıb.Azərtac teatrın repertuarı təqdim edir: 5 oktyabr - “Anamın kitabı” 6 oktyabr - “Ah, bu uzun sevda yolu” 7 oktyabr - “Ah, bu uzun sevda yolu”, “Mənim günahım” 10 oktyabr - “Manqurt” 11 oktyabr - “Qürbətdən gələn məktublar” 12 oktyabr - “Sərgüzəşti vəziri xani Lənkəran” 13 oktyabr - “Qaraca qız”, “Sinif yoldaşlar” 19 oktyabr - “Almaz” 20 oktyabr - “Şah Qacar” 21 oktyabr - “Anamın kitabı”, “Cəhənnəm sakinlər” 25 oktyabr - “Bir, iki bizimki” 26 oktyabr - “Ölülər” 27 oktyabr - “Çipollino”, “Boy çiçəyi” 28 oktyabr- “Ah, bu uzun sevda yolu”, “Qətibə İnanc” Səhnə əsərləri müvafiq olaraq saat 19.00-da teatrsevərlərin ixtiyarına veriləcək.xeber100.com  

“Özünü kəşf et” adlı ustad dərsləri keçiriləcək

Oktyabrın 3-də “YARAT” Müasir İncəsənət Mərkəzində “Əmək, istirahət və xəyallar: 1960-1980-ci illər Azərbaycan ustadlarının gözləri ilə” adlı sərgi çərçivəsində böyüklər üçün “Özünü kəşf et” adlı ustad dərsləri keçiriləcək.“YARAT”dan Azərtac-a bildirilib ki, “Özünü kəşf et” – yaradıcılıq ab-havası ilə dolu, yeni rəngarəng layihədir. Ustad dərsləri zamanı iştirakçılar gündəlik həyat işlərini kənara qoyub, özlərini tamamilə yaradıcılığa həsr edə biliblər. İştirak edən hər kəs, peşəkar ustadlar tərəfindən müxtəlif bədii texnikalar və üslublarla tanış olub, kətan üzərində fırça və boya ilə öz əsərlərini yaradıblar. Budəfəki ustad dərslərinin mövzusu təbiət motivləri (linoqravüra), natürmort və sərbəst mövzu olub.Dost və ailə mühitində yaradıcılıq vasitəsilə hisslərini bölüşmək istəyənlər üçün ideal bir fürsət olan ustad dərsləri bundan sonra hər çərşənbə, 19:00-21:00 saatlarında keçiriləcək. Dərslər zamanı iştirakçılar bütün ləvazimatlarla təmin olunacaq.xeber100.com

1 oktyabr – Beynəlxalq Musiqi Günüdür

Bu gün dünyada Beynəlxalq Musiqi Günü kimi qeyd edilir.Azərtac xəbər verir ki, Beynəlxalq Musiqi Günü UNESCO-nun qərarı ilə 1975-ci il oktyabrın 1-də təsis edilib.Bu bayram hər il bütün dünyada ən yaxşı artistlərin və incəsənət kollektivlərinin iştirak etdikləri möhtəşəm konsert proqramları ilə qeyd olunur. Həmin gün dünya musiqi xəzinəsinin qeyri-adi, bənzərsiz inciləri ifa edilir.Bəşəriyyətin musiqi ilə tanışlığı çox qədim dövrlərdən başlayıb. Afrika mağaralarında aşkar edilmiş qayaüstü rəsmlərdə əlində musiqi aləti tutmuş insanlar təsvir edilib. 2000-ci ildə isə Çin arxeoloqları 2 min illik tarixi olan musiqi alətləri muzeyini aşkara çıxarıblar.Azərbaycanda da musiqinin tarixi çox qədimlərə gedib çıxır. Qobustandakı qavaldaş Daş dövründə yaşamış insanların istifadə etdikləri musiqi alətidir. Qobustan qayalarında qədim Azərbaycanın “Yallı” rəqs səhnələri təsvir olunub. Bu rəqsin uğurlu ov üçün ovsun mərasimi olduğu vurğulanıb. Görünür, Azərbaycan dilinin musiqi dili olması da buradan qaynaqlanır.Bütün bunlar bir daha sübut edir ki, musiqi intəhasız, heç bir ölçüyə sığışmayan gücə malikdir. Yer üzündə az adam tapılar ki, musiqiyə laqeyd qalsın. Musiqi həmişəyaşardır. İnsanlara bəxş edilən bu ilahi nemət bəşəriyyət durduqca var olacaq.xeber100.com

“Musiqi dünyamız” adlı bayram konserti təşkil olunacaq

Oktyabrın 18-də Heydər Əliyev Sarayında “Musiqi dünyamız” adlı bayram konserti təşkil olunacaq.Saraydan Azərtac-a bildirilib ki, konsertdə Xalq artistləri Aftandil İsrafilov, Faiq Ağayev, Əməkdar artistlər Elza Seyidcahan, Sevil Sarıyeva, Səlim Abbasov (skripka), Nuriyyə Hüseynova, Rəşad İlyasov, Cavanşir Məmmədov, Firuzə İbadova, Əməkdar mədəniyyət işçisi Aşıq Əhliman, populyar müğənnilər Günay İbrahimli, Emil Bədəlov, Vüqar Əbdülov (meyxana), Əlikram Bayramov, Günay İmamverdiyeva, Rüfət Axundov, Bahar Lətifqızı, İlqar Sail, Pərviz Bülbülə, Türkan Vəlizadə, Elxan Qaraxanoğlu, Orxan Babazadə, Firuz Səxavət, İlham Kərimli, Röya Əliyeva (rəqs), Ümid Kərimov və Sadıx Mustafayev iştirak edəcəklər.xeber100.com

“YARAT” Müasir İncəsənət Mərkəzi təqdim edir

Noyabrın 8-də “YARAT” Müasir İncəsənət Mərkəzində Çiten Teatrının “Vanya dayı” tamaşası təqdim olunacaq.Azərtac xəbər verir ki, tamaşa M.A.P Festivalı çərçivəsində reallaşacaq. Qeyd edək ki, Çiten teatrı (yapon dilindən chiten “yerləşmə nöqtəsi” deməkdir) – Yaponiyada ən tanınmış avanqard teatrlardan biridir. Teatrın bədii rəhbəri Motoi Miura öz tamaşalarında texnika və rejissuranın yeni sərhədlərini mənimsəyir.Realizmdən bilərəkdən imtina etməklə, o, truppanın məşqlərini və tamaşalarını improvizasiyalar üzərində quraraq, mürəkkəb və kompleks pərdə yaradır. Klassik ədəbi mənbələrə müraciət edən Miura, eyni zamanda sərbəst çıxışlara da imkan verir. O, personajların replikalarını qarışdırmaqla, səhnələrin ardıcıllığını dəyişməklə və tamaşada iştirak edən bir çox obrazları çıxarmaqla, mövcud materialdan özünəməxsus kollaj yaradır.xeber100.com

X Beynəlxalq Musiqi Festivalı çərçivəsində

Üzeyir Hacıbəyli X Beynəlxalq Musiqi Festivalı çərçivəsində “Xəzər” universitetində bəstəkar Murad Kajlayevin müəllif gecəsi keçirilib.Azərtac xəbər verir ki, əvvəlcə tədbir iştirakçıları bəstəkarın yaradıcılığından bəhs edən videoçarxa tamaşa ediblər.“Xəzər” universitetinin təsisçisi, professor Hamlet İsaxanlı bəstəkarın yaradıcılığının Azərbaycan və Dağıstan xalqları arasında əlaqələrin möhkəmlənməsinə xidmət etdiyini qeyd edib.Bəstəkarlar İttifaqının katibi Sərdar Fərəcov, Xalq artisti Tofiq Bakıxanov, rejissor Əli Usubov, bəstəkar Telman Hacıyev və digər çıxış edənlər Murad Kajlayevin çoxşaxəli yaradıcılığından danışıb, onun musiqisinin dünyanın bir çox ölkələrində səsləndiyini vurğulayıblar.Sonra konsert proqramı təqdim olunub. “Xəzər” universitetinin kamera orkestrinin ifasında bəstəkarın əsərlərindən parçalar səsləndirilib.Tədbirin sonunda Murad Kajlayev gecənin təşkilatçılarına və iştirakçılarına təşəkkür edib, yaradıcılığı haqqında kitabı universitetə bağışlayıb.xeber100.com

“YARAT” Müasir İncəsənət Mərkəzi təqdim edir

Sentyabrın 27-də “YARAT” Müasir İncəsənət Mərkəzində rejissor Raulə Rzayevanın və Rus Dram Teatrının aktrisası Milana Sokolenkonun teatr monolayihəsi olan "Səmavi" tamaşası təqdim ediləcək.Azərtac xəbər verir ki, tamaşa “YARAT” Freestyle proqramı çərçivəsində nümayiş olunacaq.Tamaşa müasir Rusiya dramaturqları A.Şipanov və A.Abrosimovun “Səmavi və ya onun həyatından dörd saat” adlı pyesi əsasında səhnələşdirilib.xeber100.com

Opera və Balet Teatrının məlumatına görə…

Sentyabrın 22-də Opera və Balet Teatrının səhnəsində “Məhəbbət tanqosu” baleti nümayiş olunacaq.Teatrın mətbuat xidmətindən bildirilib ki, Astor Pyatsollanın musiqisi əsasında səhnəyə qoyulan tamaşanın quruluşçu baletmeysteri Rusiyanın Xalq artisti Liliya Sabitovadır.İki gəncin sevgisindən bəhs edən səhnə əsərində onlardan biri həyatını faciəli şəkildə itirsə də, həyatın davam etdiyi, məhəbbətin əbədi olduğu vurğulanır.xeber100.com

Musiqili Teatr yeni mövsümün tarixini dəyişib

Musiqili Teatr 109-cu teatr mövsümünün açılış gününün tarixini dəyişib. Yeni mövsümün açılış mərasimi sentyabrın 20-dən 22-nə keçirilib. Teatrın mətbuat xidmətindən bildirib ki, teatr mövsümü Üzeyir Hacıbəylinin “Arşın mal alan” operettası ilə açacaq. Sənət ocağının repertuarında özünəməxsus yer tutan səhnə əsəri axşam saat 19.00-da teatrsevərlərin ixtiyarına veriləcək. Bundan başqa, sənət ocağı Üzeyir Hacıbəyliyə həsr edilmiş X Beynəlxalq Musiqi Festivalı çərçivəsində maraqlı səhnə əsərləri ilə çıxış edəcək.xeber100.com

Milli Məclisin 2018-ci ilin payız sessiyasında ilk iclası keçirilib

Sentyabrın 12-də Milli Məclisin mədəniyyət komitəsinin 2018-ci ilin payız sessiyasında ilk iclası keçirilib.Azərtac xəbər verir ki, iclası açan komitə sədri Rafael Hüseynov gündəlikdəki məsələlər barədə məlumat verib.Əvvəlcə iclasda mədəniyyət komitəsinin 2018-ci ilin yaz və növbədənkənar sessiyaları dövründə görülən işlərlə bağlı hesabatı dinlənilib. R.Hüseynov bildirib ki, komitədə müntəzəm olaraq 30-a yaxın vətəndaşın qəbulu aparılıb, onları narahat edən məsələlərin həlli üçün lazımi köməklik göstərilib. Hesabat dövründə komitənin ünvanına daxil olan 107 müraciətə, təklif, ərizə və şikayətə müvafiq qaydada baxılıb və onlardan 82-si araşdırılması üçün aidiyyəti təşkilatlara göndərilib.Sonra komitə sədri payız sessiyası ərzində görüləcək işlərdən danışaraq qeyd edib ki, qarşıdakı sessiyada müxtəlif məsələlərə baxılacaq, müəyyən qanun layihələri müzakirəyə çıxarılacaq.Deputatlar komitənin yaz sessiyası dövründə fəaliyyətini qənaətbəxş qiymətləndirib, payız sessiyasının iş planını təsdiqləyiblər.Daha sonra gündəlikdəki digər məsələlər müzakirə edilib.Əvvəlcə iclasda “Azərbaycan Respublikası Hökuməti ilə Türkiyə Respublikası Hökuməti arasında Mədəniyyət Mərkəzlərinin təsis olunması, iş mexanizmi və fəaliyyətləri haqqında” Sazişin təsdiq edilməsi barədə Azərbaycan Respublikası qanununun layihəsinə baxılıb.Deputatlar, həmçinin “Televiziya və radio yayımı haqqında”, “İctimai televiziya və radio yayımı haqqında”, “Teatr və teatr fəaliyyəti haqqında”, “Tarix və mədəniyyət abidələrinin qorunması haqqında”, “Milli arxiv fondu haqqında”, “Mədəniyyət haqqında” qanunlarda dəyişikliklər edilməsi barədə qanun layihələrini nəzərdən keçiriblər. Bildirilib ki, təklif olunan dəyişikliklər texniki xarakter daşıyır.Sonra deputatlar gündəlikdəki məsələlərlə bağlı fikir və təkliflərini səsləndiriblər.Müzakirə edilən bütün məsələlər Milli Məclisin plenar iclasına tövsiyə olunub.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Məkanı “Artxronika” adlı yeni maarifçilik layihəsinə start verir. Layihə çərçivəsində “Əmək, istirahət və xəyallar: 1960-1980-ci illər Azərbaycan ustadlarının gözləri ilə” sərgisi ətrafında dünyanın aparıcı sənətşünasları ilə görüşlər silsiləsi nəzərdə tutulub.Azərtac xəbər verir ki, sentyabrın 21-də “Artxronika” layihəsi çərçivəsində “XX-XXI əsr Azərbaycan rəngkarlığı” muzeyində Dövlət Tretyakov Qalereyasının rəngkarlığı bölməsinin əməkdaşı, sənətşünas və ekspert Olqa Polyanskaya ilə görüş keçiriləcək. Rusiyalı ekspert 1960-1980-ci illərin Azərbaycan rəngkarlığı əsərlərindən Dövlət Tretyakov Qalereyasının kolleksiyasında qorunub-saxlanan nümunələr haqqında danışacaq.Azərbaycan rəngkarlığı bir çox Rusiya muzeylərində mövcuddur, amma məhz Dövlət Tretyakov Qalereyasının kolleksiyası aparıcı ustadlarımızı təqdim edir və məhz bu kolleksiya Azərbaycan incəsənətinin olduqca mühüm mərhələsində rəngkarlığın təkamülü barədə təsəvvür yaradır. Bununla yanaşı, o, həmin dövrün Azərbaycan incəsənətinə müəyyən bir nəzər də salacaq. O vaxtlar təkcə Azərbaycan fırça ustalarının deyil, SSRİ-nin digər respublikalarını təmsil edən sənətkarların da müraciət etdiyi bədii kontekst Azərbaycan tamaşaçısı qarşısında açılacaq.xeber100.com