“Loftcube” memarlıq studiyası kosmik stildə evlər inşa edib

13 Oktyabr 2017 16:12

Xəbər 75 dəfə oxunub

Almaniyanın “Loftcube” memarlıq studiyasının layihəsi ilə kosmik stildə mini evlər inşa edilib.Azərtac novate.ru saytına istinadla bildirir ki, “LoftCube” adlanan evləri istənilən yerdə və tez bir zamanda quraşdırmaq mümkündür. Bu isə vaxta və pula qənaət etmək baxımından çox əlverişlidir.Dörd ədəd dəmir boru üzərində dayanan kubşəkilli mini evlər həm şəhərdə, həm də meşədə quraşdırıla bilər.Maraqlısı odur ki, modul konstruksiyalı belə evlərdə bir neçə modulu bir-irinə birləşdirmək yolu ilə genişləndirmək olar.Mini evlər 5-7 gün ərzində tikilərək quraşdırılır.xeber100.com

Reklam

Avropa Parlamenti qətnamə qəbul edib

Avropa Parlamenti noyabrın 15-də keçirilən iclasında Aİ-nin Şərq qonşuları ilə münasibətlərinə yeni dinamika verməyə çağıraraq, “Şərq tərəfdaşlığı” sammiti üçün tövsiyələr qəbul edib. Parlamentdə təmsil olunan 680 deputatdan 519-u qətnamənin lehinə, 114-ü əleyhinə səs verib.Sammitin özü noyabrın 24-də Brüsseldə nəzərdə tutulub. Zirvə görüşündə Aİ-nin və “Şərq tərəfdaşlığı“ Proqramının üzvü olan 6 ölkənin – Azərbaycan, Ermənistan, Gürcüstan, Belarus, Moldova və Ukraynanın rəhbərləri bir araya gələcək.Qeyd edək ki, bu təşəbbüs Şərq ölkələrini Aİ-yə yaxınlaşdırmaq üçün 2009-cu ildə işə salınıb. O vaxtdan etibarən həmin ölkələrin üçü – Gürcüstan, Moldova və Ukrayna ilə assosiasiya haqqında sazişlər qüvvəyə minib.Yeni dinamika yaratmaq - Avropa Parlamentinin iclasında çıxışların çoxunda bu mövzu səslənib. Amma “Çoxa çox, aza az” prinsipinin bunun üçün əsas imkanın olması barədə də az fikirlər səslənməyib. Yəni, Avropa yolu istiqamətində daha çox iş görən ölkələr daha çox imkanlar əldə edəcək. Az iş görənlər isə aza qane olmalı olacaqlar. Qətnamə layihəsinin iki müəllifindən biri Layma Lüsiya Andrikiyena deyib: “Biz öz resurslarımızı ən çox Avropa yolunda əhəmiyyətli inkişafa nail olmuş EaP ölkələri üzərində cəmləşdirməliyik”.Bu prinsipin reallaşması “Şərq tərəfdaşlığı+” olmalıdır. Avropa Parlamentinin qətnaməsində bu modeli assosiasiya haqqında müqaviləsi olan həmin üç ölkə arasından bu müqavilələrin reallaşması yolunda daha çox inkişafa nail olanlara təklif etmək istəyirlər. Sənəddə deyilir: “Nəticədə bu, gömrük ittifaqına, energetika ittifaqına, rəqəmsal ittifaqa və Şengen zonasına daxil olmağa gətirib çıxara bilər”. Daha yaxın tədbirlər, məsələn, tərəfdaşlarla Aİ arasında rouminq tariflərinin ləğv olunması da göstərilir.xeber100.com

Noyabr 16, 2017 15:16

ASEAN 31-ci sammitinin rəsmi açılışı keçirilib

Noyabrın 13-də Manilada Cənub-Şərqi Asiya Dövlətləri Assosiasiyasının (ASEAN) 31-ci sammitinin rəsmi açılışı keçirilib. Ümumi iclasdan sonra sammit iştirakçılarının ASEAN-a daxil olan ölkələrin biznes dairələrinin iştirakı ilə işgüzar və investisiya forumu keçiriləcək. Forumda Hindistan və Rusiyanın Baş nazirlərinin çıxışları gözlənilir.Noyabrın 13-də, həmçinin tərəflər arasında dialoqun qurulmasının 40 illiyinə həsr edilən beşinci ASEAN-ABŞ sammitinin keçiriləcəyi gözlənilir. Həmin gün 20-ci ASEAN-Çin, 19-cu ASEAN-Cənubi Koreya, 20-ci ASEAN-Yaponiya sammitləri, həmçinin 9-cu ASEAN sammiti keçiriləcək.Noyabrın 14-də isə 20-ci yubiley ASEAN+3 (ASEAN+Çin, Yaponiya, Cənubi Koreya), 40-cı ASEAN-Kanada və 40-cı ASEAN-Aİ sammitlərinin keçirilməsi planlaşdırılır. Günün ikinci yarısında isə Şərqi Asiya sammiti başlayacaq.Sammitin gündəliyinə ASEAN ölkələrinin həll etməyə çalışdığı siyasi və təhlükəsizlik məsələləri, iqtisadi və sosial-mədəni problemlər daxil edilib ki, bunların da müzakirəsində məqsəd təşkilata daxil olan ölkələrin hərtərəfli və dayanıqlı inkişafının əldə edilməsidir. Görüş iştirakçıları, həmçinin radikallaşma və separatizm, dünya və regional iqtisadiyyatın proqnozları, iqtisadi inteqrasiya, qadınların, işçi-miqrantların hüquq və imkanlarının genişləndirilməsi, iqlim dəyişmələri, gənclər və yoxsulluq məsələlərini də müzakirə edəcəklər.Xatırldaq ki, sammitdə 20-dək ölkənin liderləri, o cümlədən ABŞ Prezidenti Donald Tramp, Rusiyanın Baş naziri Dmitri Medvedev, Çinin Baş naziri Li Keçyan, Yaponiyanın Baş naziri Şinzo Abe, Kanadanın Baş naziri Castin Trüdo, Hindistanın Baş naziri Narendra Modi iştirak edirlər. Sammitə, həmçinin BMT-nin Baş katibi Antonio Quterreş də qatılıb.Cənub-Şərqi Asiya Dövlətləri Assosiasiyası 1967-ci il avqustun 8-də Banqkokda (Tailand) təsis edilib. İlk mərhələdə təşkilata İndoneziya, Malayziya, Sinqapur, Tailand və Filippin daxil olub. Sonradan ASEAN-a Bruney-Darussalam (1984-cü il), Vyetnam (1995-ci il), Laos və Myanma (1997-ci il), Kamboca (1999-cu il) daxil olublar. Papua-Yeni Qvineya və Şərqi Timor qurumda xüsusi müşahidəçi statusuna malikdirlər.xeber100.com

Noyabr 13, 2017 12:52

TASS informasiya agentliyinin məlumatı əsasında…

Livanın Baş naziri Saad Hariri öz postunu tərk edib. Onun bəyanatı Səudiyyə Ərəbistanının paytaxtı Ər-Riyad şəhərindən “Al Mustaqbal” və “Al Arabiya” telekanalları tərəfindən yayımlanıb.TASS informasiya agentliyi xəbər verir ki, müraciətdə Hariri həyatının təhlükə altında olduğunu bildirib. “Livanda atamın öldürülməsindən əvvəlki vəziyyət hökm sürür”, - deyə o qeyd edib.Qeyd edək ki, 1992-ci ildən 1998-ci ilədək və 2000-ci ildən 2004-cü ilə qədər hökumət başçısı postunu tutan Rafiq Hariri 2005-ci il fevralın 14-də terror hadisəsi nəticəsində həlak olmuşdu.Baş nazir istefasının əsas səbəbi kimi xarici ölkələrin, həmçinin onlarla əlbir olan Hizbullah qruplaşmasının Livanın daxili işlərinə qarışmasını göstərib. Livan Prezidentinin mətbuat xidmətinin informasiyasına görə, Hariri ölkə sərhədləri xaricindən Prezident Mişel Auna zəng vuraraq istefası barədə məlumat verib. Prezident Aun Baş nazirin Beyruta qayıtmasını və istefasının səbəbini lazımi qaydada izah etməsini gözləyir.“Əl-Mayadin” telekanalında yayımlanan xəbərə görə, parlamentin spikeri Habih Berri Baş nazirin bəyanatı fonunda Misirə səfərini yarımçıq qoyaraq vətəninə qayıdıb. Həmçinin Prezident Aunun Küveytə planlaşdırılan səfəri də sual altındadır.“Livan modeli”nə əsasən, ölkənin Baş naziri müsəlman-sünni, parlamentin spikeri müsəlman-şiə, prezident isə xristian-maronit olmalıdır.xeber100.com

Noyabr 5, 2017 22:35