“Ural Airlines” müxtəlif istiqamətlərə uçuşlar təklif edir

Gürcüstana aviareyslər müvəqqəti qadağan olunduğu üçün “Ural Airlines” iyulun 8-dən sonrakı tarixlərə Gürcüstan şəhərlərinə aviabilet alan sərnişinlərə əvvəlcədən planlaşdırılmış tətillərini ləğv etməmək üçün Azərbaycan da daxil olmaqla müxtəlif istiqamətlərə uçuşlar təklif edir.Azərtac xəbər verir ki, bu barədə aviaşirkət məlumat yayıb.xeber100.com

Maliyyə Bazarlarına Nəzarət Palatasının məlumatına görə…

Azərbaycanda “Sığorta həftəsi” başlayıb.Maliyyə Bazarlarına Nəzarət Palatasının (MBNP) mətbuat xidmətindən Azərtac-a bildirilib ki, Prezident İlham Əliyevin 2016-cı il 6 dekabr tarixli Fərmanı ilə təsdiq edilmiş “Azərbaycan Respublikasında maliyyə xidmətlərinin inkişafına dair Strateji Yol Xəritəsi” və Nazirlər Kabinetinin 2019-cu il 21 may tarixli Sərəncamı ilə təsdiq edilmiş “Sığorta sektorunun inkişaf etdirilməsi üçün görülməli işlərlə bağlı Tədbirlər Planı”nın icrası məqsədilə MBNP-nin təşkilatçılığı ilə iyunun 24-dən ölkəmizdə “Sığorta həftəsi” başlayıb. Həftə çərçivəsində Maliyyə Bazarlarına Nəzarət Palatası, İcbari Sığorta Bürosu, Azərbaycan Sığortaçılar Assosiasiyası və sığorta şirkətlərinin birgə əməkdaşlığı zəminində bu sahədə ictimai savadlılığın artırılması məqsədilə müxtəlif səpkili maarifləndirmə məqsədli görüşlərin və tədbirlərin təşkil edilməsi, eyni zamanda, sayca IX olan “Azərbaycanda sığorta bazarı: trendlər və imkanlar” adlı Beynəlxalq Sığorta Forumu keçirilməsi nəzərdə tutulub.“Sığorta həftəsi”nin ilk günü KİV nümayəndələri üçün sığorta bazarı haqqında maarifləndirici seminar keçirilib. Müzakirə formatında keçirilən təlimdə iştirakçılar sığortanın mahiyyəti, növləri, sığorta riskləri, təkrarsığorta, bazardakı mövcud durum və gələcək layihələr barədə məlumat əldə ediblər. “Sığorta həftəsi”nin növbəti günlərində Bakı və Sumqayıt şəhəri üzrə dövlət qurumlarının və rayon icra hakimiyyətlərinin nümayəndələri ilə, həmçinin bu ərazilərdə fəaliyyət göstərən sahibkarlarla maliyyə bazarlarının dəyər yaradan önəmli sektorlarından biri kimi sığorta mövzusu ətrafında interaktiv təqdimatların keçirilməsi planlaşdırılıb.Bundan əlavə, “Sığorta həftəsi”ndə sektorda fəaliyyət göstərən mütəxəssislər üçün xarici ekspertlər tərəfindən seminar keçiriləcək. Seminarda avtonəqliyyat vasitəsi sığortası üzrə anderraytinq, risk qiymətləndirilməsi, zərər qiymətləndirilməsi üzrə beynəlxalq təcrübə barəsində məlumat veriləcək.xeber100.com

“Azeri Light” markalı neftin bir barrelinin qiyməti…

Azərbaycan neftinin qiyməti bahalaşır.Azərtac xəbər verir ki, “Azeri Light” markalı neftin bir barrelinin qiyməti 1,05 dollar artaraq 66,76 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Avtobusların hərəkət sxemində dəyişiklik edilib

Vətəndaşların ictimai nəqliyyatdan rahat və fasiləsiz istifadəsini təmin etmək məqsədilə 2 müntəzəm marşrut xətti üzrə avtobusların hərəkət sxemində dəyişiklik olunub.Bakı Nəqliyyat Agentliyindən Azərtac-a bildirilib ki, Kürdəxanı qəsəbəsində məcburi köçkünlər üçün salınan yeni yaşayış kompleksində sakinlərin sərnişindaşımaya olan tələbatlarının təmin edilməsi üçün 185 nömrəli marşrutun hərəkət sxemi dəyişdirilib. Dəyişiklik sayəsində kompleks sakinləri Sabunçu rayon mərkəzi, “Neftçilər” metro stansiyası və 8-ci kilometr bazarı istiqamətinə birbaşa müntəzəm marşrut xəttindən istifadə etməklə gedib-gələ biləcəklər.Bununla yanaşı, 194 nömrəli müntəzəm marşrut xətti üzrə avtobusların hərəkət sxemində dəyişiklik edilib. Dəyişiklik Yasamal rayonu Dadaş Bünyadzadə küçəsində yaşayan sakinlərin çoxsaylı müraciətləri nəzərə alınaraq edilib. Yeni hərəkət sxeminə əsasən 194 nömrəli müntəzəm marşrut xətti üzrə avtobuslar Dadaş Bünyadzadə küçəsindən keçməklə hərəkət edəcək. Bununla da qeyd olunan küçədə yaşayan sakinlərin sərnişindaşımaya olan tələbatı təmin ediləcək.Hər iki dəyişiklik iyunun 22-dən qüvvədə olacaq.xeber100.com

Dövlət Neft Fondunun iştirakı ilə hərrac keçirilib

İyunun 18-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Avtomobil Nəqliyyatı Xidmətinin məlumatı

“Bakı-Məşhəd” müntəzəm sərnişindaşıma marşrutunun açılması və Azərbaycanda qeydiyyatda olan yük nəqliyyat vasitələrinin İran ərazisinə yüksüz daxil olması üçün tətbiq edilən məhdudiyyətlərin aradan qaldırılmasına dair razılığa gəlinib.Dövlət Avtomobil Nəqliyyatı Xidmətindən (DANX) Azərtac-a bildirilib ki, Azərbaycan Respublikası ilə İran İslam Respublikası arasında 2002-ci ilin mayında Tehranda imzalanmış “Beynəlxalq avtomobil daşımaları haqqında” Sazişin 13-cü bəndinə əsasən, beynəlxalq avtomobil əlaqələri sahəsində Birgə Komissiyanın növbəti iclası Bakıda keçirilib.Görüşdə Azərbaycan nümayəndə heyətinə Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin rəisi Həbib Həsənov, İran nümayəndə heyətinə Yol və Şəhərsalma Nazirliyinin Yol və avtonəqliyyat departamentinin tranzit və sərhəd-keçid məntəqələri ilə iş üzrə baş idarəsinin rəisi Mənuçehr Salmanzadə rəhbərlik edib. İclasda Azərbaycanla İran arasında beynəlxalq avtomobil daşımaları sahəsində mövcud vəziyyət, ticarət əlaqələri üzrə və hər iki ölkənin avtodaşıyıcıları tərəfindən "İcazə" blanklarının istifadəsi ilə bağlı statistik məlumatların mübadiləsi və kontingenti barədə, yük və sərnişin daşımaları zamanı avtodaşıyıcıların qarşılaşdığı problemlər və onların həlli yolları, cari ildə daşımaların həyata keçirilməsi üçün istifadə olunan "İcazə" blanklarının kvota sayı, daşımaların inkişafı perspektivləri və digər aktual məsələlər müzakirə edilib.Görüş zamanı əldə edilən ən mühüm razılıq "Bakı-Məşhəd" müntəzəm sərnişindaşıma marşrutunun açılması və Azərbaycanda qeydiyyatda olan yük nəqliyyat vasitələrinin İran ərazisinə yüksüz daxil olması üçün tətbiq olunan məhdudiyyətlərin aradan qaldırılması barədə olub.xeber100.com

İqtisadi siyasət, sənaye və sahibkarlıq komitəsinin iclası keçirilib

İyunun 14-də Milli Məclisin İqtisadi siyasət, sənaye və sahibkarlıq komitəsinin iclası keçirilib.Azərtac xəbər verir ki, komitənin sədri Ziyad Səmədzadə gündəlik barədə məlumat verib.Əvvəlcə “Lombardlar haqqında” qanun layihəsi müzakirə olunub. Qeyd edilib ki, 6 fəsil və 32 maddədən ibarət olan qanun layihəsi Azərbaycan Respublikası Konstitusiyasının 94-cü maddəsinin birinci hissəsinin 15-ci və 27-ci bəndlərinə uyğun olaraq hazırlanıb və lombardlar tərəfindən kreditlərin verilməsi və əşyaların saxlamaya qəbul edilməsi, habelə lombardlar tərəfindən həyata keçirilən fəaliyyətin nizamlanması və ona nəzarətlə bağlı münasibətləri tənzimləyir.Sonra “Bank olmayan kredit təşkilatları haqqında” Qanunda dəyişiklik edilməsi barədə qanun layihəsinə baxılıb. Bildirilib ki, dəyişikliklər nəticəsində BOKT-lərdəki inzibatçıların daha ixtisaslı kadrlarla əvəz olunması, zərurət yarandığı təqdirdə nəzarət orqanının çevik və effektiv təsir imkanlarından istifadə edilməsi, sistemin sağlamlaşdırılması, tələblərə cavab verməyən BOKT-lərin kənarlaşdırılması, istehlakçıların hüquqlarının qorunması və digər sahələrdə inkişaf üçün hüquqi əsas formalaşacaq.Vergi Məcəlləsində dəyişiklik edilməsi barədə qanun layihəsini təqdim edən komitə sədri Ziyad Səmədzadə deyib ki, həmin məcəllənin 164-cü maddəsi kənd təsərrüfatı sahəsində bir sıra malların, məhsulların ƏDV-dən azad olunmasını nəzərdə tutur. Eləcə də məcəllənin 164.1.34-cü maddəsinə əsasən kənd təsərrüfatı təyinatlı suvarma və digər qurğuların, maşınların, avadanlıqların və texnikaların idxalı və satışı ƏDV-dən azad edilib.Qanun layihəsinə əsasən ƏDV-dən azadolma qeyd edilən qurğuların, maşınların, avadanlıqların və texnikaların idxalı və satışı ilə yanaşı, onların istehsalına da tətbiq ediləcək. Eyni zamanda, təsdiq edilmiş siyahı üzrə kənd təsərrüfatı texnikasının ehtiyat hissələrinin idxalı və satışı da ƏDV-nin tətbiqindən azad ediləcək. Qanun layihəsi ölkədə suvarma təyinatlı kənd təsərrüfatı texnikasının, avadanlıqların və onların ehtiyat hissələrinin istehsalının stimullaşdırılmasına, kənd təsərrüfatı texnikalarının ehtiyat hissələri ilə təminatının yaxşılaşdırılmasına və mövcud texnikaların saz vəziyyətdə saxlanmasına, kənd təsərrüfatı texnikasının və onların ehtiyat hissələrinin qiymətlərinin optimallaşdırılmasına, son nəticədə aqrar sektorun dəstəklənməsinə xidmət edəcək.Müzakirələrdən sonra qanun layihələri Milli Məclisin plenar iclasına tövsiyə olunub.xeber100.com

Avtomobil Yolları Dövlət Agentliyi xəbərdarlıq edib

Paytaxtın Məhəmməd Hadi küçəsi, 51 ünvanında (Ukrayna dairəsi yaxınlığı) yolun altından keçən və “Azərsu” ASC-yə məxsus su xəttində yenidən qəza baş verib.Azərbaycan Avtomobil Yolları Dövlət Agentliyinin ictimaiyyətlə əlaqələr şöbəsindən Azərtac-a bildirilib ki, baş vermiş qəzanın aradan qaldırılması üçün sözügedən qurumun əməkdaşları tərəfindən ərazidə qazıntı işləri aparılır.Sürücülərdən həmin ərazidə diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com

Neft İxrac Edən Ölkələr Təşkilatının neft istehsalı azalıb

Mayda Neft İxrac Edən Ölkələr Təşkilatı (OPEC) üzrə sutkalıq xam neft istehsalı azalıb.Azərtac xəbər verir ki, bu barədə OPEC-in aylıq hesabatında deyilir. Bildirilir ki, ötən ay OPEC-in neft istehsalı aprel ayı ilə müqayisədə 236 min barrel azalaraq gündəlik 29 milyon 880 min barrel olub. OPEC-in dünya neft hasilatındakı payı isə 30,4 faiz olub.Keçən ay OPEC-ə üzv ölkələrdən neft istehsalını ən çox İraq, Anqola və Qabon artırıb. İraqın sutkalıq hasilatı 94 min barrel çoxalaraq 4 milyon 724 min barrelə çatıb. Anqolada gündəlik istehsal 74 min barrel artaraq 1 milyon 471 min barrel olub. Qabonda isə neft hasilatı 23 min barrel çoxalaraq sutkada 221 min barrelə yüksəlib.Mayda kartelə üzv ölkələrdə neft istehsalı ən çox İran, Nigeriya və Səudiyyə Ərəbistanında azalıb. İranın gündəlik hasilatı 227 min barrel azalaraq 2 milyon 370 min barrelə düşüb. Nigeriyada istehsal 92 min barrel geriləyərək sutkada 1 milyon 733 min barrel təşkil edib. Səudiyyə Ərəbistanında isə hasilat 76 min barrel azalaraq 9 milyon 690 min barrel təşkil edib.Ötən ay dünyada 3 qazma qurğusu fəaliyyətini dayandırıb, 41 qurğu isə işə düşüb, ümumilikdə qurğuların sayı isə 2 min 339 olub. Həmin qurğuların 574-ü OPEC-ə üzv ölkələrdədir.xeber100.com

III Milli Mühasiblər Forumu keçirilir

İyunun 12-də Bakıda III Milli Mühasiblər Forumu keçirilir.Azərtac xəbər verir ki, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev ənənəvi keçirilən mühasiblər forumunun əhəmiyyətindən danışıb. Bildirib ki, forumun məqsədi Azərbaycanda mühasibat uçotunun inkişafı, mühasibat uçotu və vergi qanunvericiliyi sahəsində baş verən dəyişikliklər ətrafında müzakirələrin təşkili, bu sferada islahatların dərinləşməsinə yönəlmiş təkliflərin toplanması və beynəlxalq təcrübə üzrə məlumatlılığın artırılmasıdır.Forumda “Mühasibat uçotu sahəsində müasir çağırışlar: milli yanaşmalar və beynəlxalq standartlar paradiqması”, “İrəliyə addım: rəqəmsal mühasibat uçotu və Azərbaycan reallığında auditin təşkili problemləri” və “Qanunvericilikdə edilmiş dəyişikliklərin MÜHASİBAT uçotuna təsirləri” mövzularında məruzələr dinləniləcək.xeber100.com

“Light” markalı neftin qiyməti ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,15 dollar geriləyərək 61,14 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 1,07 dollar ucuzlaşaraq 52,20 dollar təşkil edib.xeber100.com

Manatın ortaçəkili məzənnəsi 1,7000 səviyyəsində formalaşıb

İyunun 11-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Bakı Fond Birjasında hərrac keçiriləcək

İyunun 12-də Bakı Fond Birjasında (BFB) Azərbaycan Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildirilib ki, hərraca çıxarılan notların həcmi 200 milyon manat, bir notun nominal dəyəri 100 manat, tədavül müddəti 28 gündür. Notlar iyulun 10-da ödəniləcək.Hər bir bank tərəfindən təqdim edilən sifarişlərin ümumi sayı 2-dən (1 rəqabətli və 1 qeyri-rəqabətli) çox olmamalıdır. Hərrac zamanı notların buraxılışının 20 faizdən çox olmamaq şərtilə qeyri-rəqabətli sifarişlərin qəbul edilməsinə icazə verilir. Mərkəzi Bankın qısamüddətli notlarının alıcıları yalnız lisenziya əsasında fəaliyyət göstərən yerli banklar ola bilər.xeber100.com

Vergilər Nazirliyinin məlumatı əsasında…

Abşeron rayonunda mülkiyyətində olan binada yaşayan aztəminatlı ailəyə Vergi Məcəlləsinə əsasən əmlak vergisi tətbiq edilirmi? Vergilər Nazirliyinin Media və kommunikasiya mərkəzindən Azərtac-ın sualına cavab olaraq bildirilib ki, Azərbaycan Respublikasının ərazisində xüsusi mülkiyyətində tikililər olan fiziki şəxslər əmlak vergisinin ödəyiciləridir. Fiziki şəxsin xüsusi mülkiyyətdə olan evin yaşayış sahələrinə münasibətdə 30 kvadratmetrədək olan hissəsindən əmlak vergisi tutulmur. Yaşayış sahələrinin 30 kvadratmetrdən çox olan hissəsinin hər kvadratmetrinə Abşeron rayonu üzrə müəyyən olunan 0,3 manat vergi dərəcəsi tətbiq edilir. Aztəminatlı ailələr üçün xüsusi güzəşt nəzərdə tutulmayıb.xeber100.com

“Fiat Chrysler Automobiles NV” şirkətinin təklifi…

İtaliya-amerika şirkəti "Fiat Chrysler Automobiles NV" Fransanın "Renault SA" avtomobilqayırma korporasiyasına birləşməklə bağlı etdiyi təklifi geri çəkib.Milli.az bildirir ki, bu barədə "The Wall Street Journal" qəzeti yazıb.Nəşrin məlumatına əsasən, "Fiat Chrysler" təklifini Fransa avtomobil istehsalçısının partnyoru "Nissan Motor Co." birləşmək haqqında sazişi dəstəkləməkdən imtina etdikdən sonra geri çağırıb."The Wall Street Journal"-ın mənbələri qeyd edirlər ki, "Renault"-nun baş investoru olan Fransa hakimiyyəti 40 mln dollarlıq saziş bağlanacağı təqdirdə danışıqlara hazır olduğunu bildirmişdi. Eyni zamanda Fransa müqavilənin "Renault" və "Nissan" alyansının şərtləri əsasında bağlanmağını tələb edirdi.Xatırladaq ki, bir müddət öncə "The Financial Times" "Fiat Chrysler" və "Renault" arasında birləşməklə bağlı danışıqlar aparıldığını bildirmişdi.xeber100.com

“Brent Dated” etalon növlü neftin qiyməti azalıb

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti iyunun 3-də 64,32 dollar/barel təşkil edib ki, bu da əvvəlki göstəricidən 2,77 dollar/barel azdır.Milli.az bildirir ki, FOB bazisi üzrə Türkiyənin Ceyhan limanında Azərbaycanın yüngül neftinin qiyməti 63,64 dollar/barel təşkil edib ki, bu da əvvəlki göstəricidən 2,7 dollar/barel azdır.Novorossiysk limanından yüklənən URALS neftinin qiyməti isə 60,89 dollar/barel təşkil edib ki, bu, əvvəlki göstəricidən 2,8 dollar/barel azdır.Şimal dənizindən hasil edilən "Brent Dated" etalon növlü neftin qiyməti 63,34 dollar/barel olub, bu da əvvəlki göstəricidən 2,27 dollar/barel azdır.xeber100.com

Avropa İttifaqı-Azərbaycan biznes forumu keçiriləcək

İyunun 13-də Bakıda Avropa İttifaqı-Azərbaycan biznes forumu keçiriləcək.Azərtac xəbər verir ki, tədbirə Azərbaycanda biznes mühiti mövzusu üzrə plenar sessiya, o cümlədən hökumət rəsmiləri və şirkət nümayəndələrinin iştirakı ilə kənd təsərrüfatı, əlaqələndiricilik və turizm sektorları üzrə paralel panel müzakirələri daxildir.Biznes forum Avropa İttifaqının Azərbaycandakı nümayəndəliyinin Alman-Azərbaycan Xarici Ticarət Palatası (AHK Azərbaycan) və Azərbaycanda İxracın və İnvestisiyaların Təşviqi Fondu (AZPROMO) ilə birgə əməkdaşlığı çərçivəsində təşkil olunur.xeber100.com

İqtisadi siyasət, sənaye və sahibkarlıq komitəsinin iclası keçirilib

İyunun 4-də Milli Məclisin İqtisadi siyasət, sənaye və sahibkarlıq komitəsinin növbəti iclası keçirilib.Azərtac xəbər verir ki, komitənin sədri Ziyad Səmədzadə gündəliyə beş məsələnin daxil olduğunu bildirib.Əvvəlcə “Azərbaycan Respublikasının 2018-ci il dövlət büdcəsinin icrası haqqında” qanun layihəsi ikinci oxunuşda müzakirə olunub. Qanun layihəsi ilə bağlı Maliyyə nazirinin müavini Azər Bayramov, deputatlar fikir və təkliflərini səsləndiriblər.Sonra “Aqrar sığorta haqqında”, “Sığorta fəaliyyəti haqqında”, “Dövlət rüsumu haqqında” və “Təhsil haqqında” qanunlarda dəyişiklik edilməsi barədə qanun layihələri də ikinci oxunuşda müzakirə olunub.Qanun layihələri Milli Məclisin plenar iclasına tövsiyə edilib.xeber100.com

Vergi sahəsindəki əməkdaşlıq müzakirə edilib

Vergilər naziri Mikayıl Cabbarov Gürcüstanın Maliyyə Nazirliyinin Gəlirlər Xidmətinin rəhbəri Vaxtanq Laşkaradze ilə görüşüb.Vergilər Nazirliyinin Media və kommunikasiya mərkəzindən Azərtac-a bildirilib ki, görüşdə Azərbaycan və Gürcüstan arasında vergi sahəsində əməkdaşlığın mövcud vəziyyəti və daha da genişləndirilməsi imkanları ilə bağlı məsələlər müzakirə olunub, qarşılıqlı maraq doğuran mövzular ətrafında fikir mübadiləsi aparılıb.xeber100.com

TANAP vasitəsilə 3 milyard kubmetrədək qaz nəql olunacaq

Bu ilin sonunadək Trans-Anadolu (TANAP) qaz kəməri vasitəsilə "Şahdəniz" yatağından 3 milyard kubmetrədək qaz nəql olunacaq.Bu barədə özəl olaraq Trend-ə TANAP konsorsiumundan bildiriblər.Bu il mayın 1-dən TANAP-ın birinci mərhələsi çərçivəsində 1,5 milyard kubmetr qaz nəql olunub.Bu marşrutla qazın kommersiya nəqli ötən il iyunun 30-dan başlayıb.Hələlik TANAP qaz kəməri Eskişehir şəhərinədək qaz nəql edir. Şərqdə bu kəmər Səngəçal qaz terminalından başlayan Cənubi Qafqaz boru kəməri ilə birləşir.TANAP-ın Eskişehirdən Yunanıstan sərhədinə qədər olan hissəsi işə salındıqdan sonra bu layihə Azərbaycan qazının Avropaya nəqlini nəzərdə tutan Trans-Adriatik (TAP) qaz kəməri ilə birləşəcək.Qeyd edək ki, TANAP Azərbaycan qazının Avropaya nəqlini nəzərdə tutan "Cənub Qaz Dəhlizi"nin bir hissəsidir.İyunun 12-də Türkiyənin Əskişəhər şəhərində TANAP qaz kəmərinin istifadəyə verilməsi münasibətilə təntənəli mərasim keçirilib.Uzunluğu 1805 kilometr olan TANAP boru kəmərinin diametri 56 və 48 düym, Mərmərə dənizi boyunca isə 36 düym təşkil edir. Kəmərin dəniz səviyyəsindən maksimal hündürlüyü 2700 metr yüksəklikdə yerləşir. Kəmərdən Türkiyə qazpaylama sisteminə iki qol ayrılıb və onun maksimum illik ötürücülük qabiliyyəti 31 milyard kubmetrdir. Layihənin ilkin mərhələsində illik ötürücülük qabiliyyəti 16 milyard kubmetr qaz təşkil edəcək.xeber100.com