UEFA Çempionlar Liqasının növbəti mərhələsinə start verilib

Avqustun 20-də UEFA Çempionlar Liqasının play-off mərhələsinə start verilib.Azərtac xəbər verir ki, ilk oyun günündə üç oyun baş tutub. Azərbaycan çempionu “Qarabağ”ı üçüncü təsnifat mərhələsində mübarizədən kənarlaşdıran Kiprin APOEL klubu doğma azarkeşlər önündə Hollandiya təmsilçisi “Ayaks”ı qəbul edib. Görüş qolsuz yekunlaşıb.Digər oyunlarda Belçikanın “Brügge” klubu səfərdə LASK-ı (Avstriya), Çexiyanın “Slaviya” komandası isə Rumıniyada ÇFR-i eyni hesabla məğlub edib (0:1).xeber100.com

“Dünya məktəbi”ndə şahmat üzrə rapid turniri keçiriləcək

Avqustun 25-də Xəzər Universitetinin “Dünya məktəbi”ndə şahmat üzrə rapid turniri keçiriləcək.Azərtac xəbər verir ki, İsveçrə sistemi üzrə təşkil olunacaq turnir 7 turdan ibarət olacaq.Yarış FIDE-nin qaydaları əsasında baş tutacaq.xeber100.com

“Sabah” komandası heyətini yeni futbolçu ilə gücləndirib

“Sabah” klubu heyətini yeni futbolçu ilə gücləndirib. Komanda iyirmi doqquz yaşlı hücumçu Rocer Roxas ilə bir illik müqavilə imzalayıb.Azərtac klubun saytına istinadla xəbər verir ki, honduraslı futbolçu karyerası ərzində ölkəsinin “Olimpiya” (2008-2014, 2015-2016), Səudiyyə Ərəbistanının “Əl-İttifaq” (2014), Meksikanın “Nekaksa” (2014-2015) və “Simarrones” (2016-2017) komandalarında çıxış edib. O, sonuncu dəfə Kosta-Rikanın “Alaxuelense” klubunda forma geyinib.R.Roxas Honduras millisində 32 oyun keçirib və 3 qol vurub.xeber100.com

“Qarabağ”futbol klubu “Ayaks” komandasını qəbul edib

Avqustun 20-də UEFA Çempionlar Liqasının play-off mərhələsinə start verilib.Azərtac xəbər verir ki, ilk oyun günündə üç oyun baş tutub. Azərbaycan çempionu “Qarabağ”ı üçüncü təsnifat mərhələsində mübarizədən kənarlaşdıran Kiprin APOEL klubu doğma azarkeşlər önündə Hollandiya təmsilçisi “Ayaks”ı qəbul edib. Görüş qolsuz yekunlaşıb.Digər oyunlarda Belçikanın “Brügge” klubu səfərdə LASK-ı (Avstriya), Çexiyanın “Slaviya” komandası isə Rumıniyada ÇFR-i eyni hesabla məğlub edib (0:1).xeber100.com

UEFA Çempionlar Liqasında pley-off mərhələsinə start veriləcək

Bu gün UEFA Çempionlar Liqasında pley-off mərhələsinə start veriləcək.Azərtac xəbər verir ki, mərhələnin ilk oyun günündə üç qarşılaşma keçiriləcək.“Qarabağ”ı mübarizədən kənarlaşdıran Kiprin APOEL komandası ötən il UEFA Çempionlar Liqasının yarımfinalçısı Hollandiyanın “Ayaks” klubunu, LASK (Avstriya) isə “Brügge”ni (Belçika) qəbul edəcək.Çexiyanın “Slaviya” klubu səfərdə ÇFR (Rumıniya) komandası ilə qarşılaşacaq.Hər üç oyun Bakı vaxtı ilə saat 23:00-da başlayacaq.xeber100.com

Ukraynanın paytaxtı Kiyevdə təşkil olunacaq beynəlxalq turnirdə

On yeddi yaşadək futbolçulardan ibarət Azərbaycan yığma komandası avqustun 24-dən 31-dək Ukraynanın paytaxtı Kiyevdə təşkil olunacaq beynəlxalq turnirdə (Viktor Bannikov turniri) iştirak edəcək.Azərtac AFFA-ya istinadla xəbər verir ki, avqustun 20-dən 24-dək Bakıda təlim-məşq toplanışında olacaq yığmamız Viktor Bannikov turnirində Ukrayna, Latviya və İsrail komandaları birgə “A” qrupunda mübarizə aparacaq.Millimiz avqustun 26-da İsrail, bir gün sonra Ukrayna, ayın 29-da isə Latviya yığması ilə qarşılaşacaq.Hazırlıq prosesinə Elgün Bayramov (“Neftçi”), Eldar Tağızadə (“Fundacion Marcet”, İspaniya), Amin Ramazanov (“Lokomotiv Moskva”, Rusiya), Rəşad Həsənov (“Keşlə”), Cəlal Hüseynov (“Zirə”), Raqib Abışov (“Sabah”), Samir Həsənov (“Rubin Kazan”, Rusiya), Nikita Pesotski Çertanovo (“Moskva”, Rusiya), Ülvi Mədətov (“Qəbələ”), Zöhrab Əsədov (“Qarabağ”), Mirəli Əhmədov, Nihad Cəfərov (hər ikisi “Neftçi”), Elnur Mirzəyev (“Zirə”), Rauf Rüstəmli (“Qəbələ”), Əbil Əbilov (“Keşlə”), Vüsal Qəmbərov (“Sabah”), Musa Musazadə (“Qarabağ”), Arif Məmmədov (“Səbail”), Vüsal Əliyev (“Zirə”), Kamal Kazımov (“Keşlə”), Nicat Quliyev (“Səbail”), Nurəli Nurəliyev (“Zirə”), Mirmövsüm Canıyev (“Qarabağ”) və Vaqif Həsənov (“Keşlə”) dəvət olunub.xeber100.com  

Azərbaycan Futzal Federasiyasının məlumatı

Futzal üzrə Yüksək Liqanın 2019-2020-ci il mövsümündə iştirak etmək üçün 10 komanda müraciət edib.Azərtac Azərbaycan Futzal Federasiyasına istinadla xəbər verir ki, bunlardan dördü - “Araz”, EKOL, “Neftçi” və “Yasamal” ötən çempionatın iştirakçısıdır. “Marafon Futsal” isə bir illik fasilədən sonra yenidən Yüksək Liqada iştirak etmək üçün müraciət edib. Tələbə Futbol Federasiyasının yığma komandası TFF-55 də qüvvəsini ən güclülərlə sınayacaq.“Baku Fire”, “Record club”, “Xəzər” (Yardımlı) və “Quba Premyer” komandaları Yüksək Liqada debüt edəcəklər.xeber100.com  

Voleybolçular arasında Avropa çempionatı təşkil olunacaq

Avqustun 23-dən sentyabrın 8-dək qadın voleybolçular arasında Avropa çempionatı təşkil olunacaq. Qitə birinciliyinə Macarıstan, Polşa, Slovakiya və Türkiyə birgə ev sahibliyi edəcək.Azərtac xəbər verir ki, Azərbaycan millisi çempionatda “C” qrupunda mübarizə aparacaq. Turnirdə voleybolçularımız Macarıstan, Xorvatiya, Hollandiya, Estoniya və Rumıniya yığmaları ilə üz-üzə gələcəklər.Millimiz ilk oyununu avqustun 23-də Xorvatiya yığmasına qarşı keçirəcək. Avqustun 25-də Azərbaycan–Hollandiya, ertəsi gün Macarıstan–Azərbaycan, ayın 28-də isə Azərbaycan–Estoniya görüşləri təşkil olunacaq. Yığmamız qrupda sonuncu oyununu avqustun 29-da Rumıniyaya qarşı keçirəcək.“C” qrupunun oyunları Budapeştdə təşkil olunacaq.xeber100.com

“Baku Оpen 2019” beynəlxalq şahmat festivalı keçiriləcək

Sentyabrın 20-dən 28-dək “Baku Оpen 2019” beynəlxalq şahmat festivalı keçiriləcək.Azərbaycan Şahmat Federasiyasından Azərtac-a verilən məlumata görə, festival Novxanı qəsəbəsində yerləşən “Spring” oteldə baş tutacaq.Festivalın uşaq turniri isə Respublika Şahmat Mərkəzində keçiriləcək.Turnir İsveçrə sistemi üzrə 9 turdan ibarət olacaq.xeber100.com

Azərbaycan milli komandasının təlim-məşq toplanışı olacaq

Avqustun 25-dən 28-dək futzal üzrə Azərbaycan milli komandasının Belarusun paytaxtı Minskdə təlim-məşq toplanışı olacaq.Azərbaycan Futzal Federasiyasından Azərtac-a bildiriblər ki, millimiz avqustun 26-da və 28-də Belarus yığması ilə yoldaşlıq oyunları keçirəcək. İlk oyun Minsk, digər matç isə Borisov şəhərində təşkil olunacaq.Qeyd edək ki, milli oktyabrın 22-dən 27-dək Bakıda təşkil olunacaq dünya çempionatının əsas mərhələsinin qrup oyunlarında Slovakiya, Moldova və Monteneqro yığmaları ilə qarşılaşacaq.xeber100.com

Braziliyalı yarımmüdafiəçi “Bavariya” klubunun heyətində çıxış edəcək

Braziliyalı yarımmüdafiəçi Filippe Koutinyo cari futbol mövsümünün sonuna qədər Münxenin “Bavariya” klubunun heyətində çıxış edəcək.Azərtac klubun saytına istinadla xəbər verir ki, “Barselona”dan icarəyə götürülən futbolçu tibbi müayinələrdən sonra “Bavariya” ilə 2020-ci il iyunun 30-dək qüvvədə olan müqavilə imzalayıb. “Bavariya”nın birillik icarə üçün “Barselona”ya 8,5 milyon avro ödədiyi bildirilir.F.Koutinyo bu barədə deyib: “Avropanın ən böyük klublarından birinin heyətində çıxış etmək mənim üçün yeni çağırışdır. Qarşıdakı dövr mənim üçün ciddi əhəmiyyət daşıyır. “Bavariya” klubu kimi mənim də böyük hədəflərim var və yeni komandamla birlikdə onlara nail olacağıma inanıram.“Bavariya” klubunun baş icraçı direktoru, əfsanəvi futbolçu Karl-Haynts Rummeniqqe isə bu barədə bildirib: “Çox şadıq ki, bu transferi başa çatdıra bildik. Transferlə bağlı razılığa görə “Barselona” klubuna minnətdaram. Filippe yaradıcılığı və qeyri-adi bacarığı ilə bizim hücum xəttimizi dərhal gücləndirə biləcək bir futbolçudur”.Braziliyanın “Vasko da Qama” komandasında yetişən futbolçu Avropada daha əvvəl “İnter”, “Espanyol” və “Liverpul” klublarında forma geyinib. O, 2018-ci ilin yanvarında 145 milyon avroya “Liverpul”dan “Barselona”ya transfer edilib. F.Koutinyo “Barselona”nın heyətində ardıcıl iki dəfə İspaniya çempionatının, bir dəfə Kral Kubokunun və İspaniya Super Kubokunun qalibi olub. Braziliya millisinin heyətində 55 dəfə meydana çıxan futbolçu 15 dəfə fərqlənib. O, bu il Braziliyanın “Kopa Amerika” turnirinin qalibi olmasında mühüm rol oynayıb.xeber100.com

Azərbaycan milli komandasının yeni baş məşqçisi müəyyənləşib

Kişi boksçulardan ibarət Azərbaycan milli komandasının yeni baş məşqçisi müəyyənləşib. Azərbaycan Boks Federasiyasından Azərtac-a verilən məlumata görə, yığmanın böyük məşqçisi Nəriman Abdullayev Vaqif Şirinovun vəzifəsindən ayrılmasından sonra boş qalan postu müvəqqəti tutacaq.Onun qarşısına sentyabrın 7-21-də Rusiyanın Yekaterinburq şəhərində keçiriləcək dünya çempionatında uğurlu çıxış etmək vəzifəsi qoyulub. N.Abdullayevin rəhbərlik etdiyi məşqçilər korpusunda əvvəlki kimi Oqtay İbrahimov və Etibar Abdullayev yer alıblar.Dünya çempionatından sonra yığmaya yeni baş məşqçi təyin olunacaq.xeber100.com

Futbol üzrə İngiltərə Premyer Liqasının ikinci turunda

Futbol üzrə İngiltərə Premyer Liqasının ikinci turunun mərkəzi qarşılaşması keçirilib.Azərtac xəbər verir ki, “Etihad” stadionunda baş tutan görüşdə son çempion “Mançester Siti” doğma azarkeşlər önündə “Tottenhem” komandasını qəbul edib. Görüş 2:2 hesabı ilə başa çatıb. “Mançester Siti”nin heyətində Rahim Sterlinq (20), Serxio Aquera (35), “Tottenhem”in isə Erik Lamela (23) və Lukas Maura (56) fərqləniblər.xeber100.com

2019-2020-ci illər mövsümündə ilk turun növbəti oyunu keçirilib

Avqustun 18-də futbol üzrə Türkiyə Superliqasının 2019-2020-ci illər mövsümündə ilk turun növbəti oyunu keçirilib.Azərtac xəbər verir ki, ötən mövsüm 65 xal toplayaraq çempionatı üçüncü pillədə başa vurmuş “Beşiktaş” komandası səfərdə “Sivasspor”la qarşılaşıb. Qarşılıqlı hücumlar şəraitində keçən oyunda meydan sahibləri 3:0 hesabı ilə rəqibinə qalib gələrək üç xala sahib olublar. Sivassporluların heyətində görüşün 30-cu dəqiqəsində Mert Hakan Yandaş, Mustafa Yatabare (54) və Emre Kılınç (76) fərqləniblər.Beləliklə, hücumçu Burak Yılmazın zədə səbəbindən heyətdə yer almadığı oyunda İstanbul təmsilçisi mövsümün ilk oyununa məğlubiyyətlə başlayıb. Xatırladaq ki, ötən gün son çempion “Qalatasaray” komandası “Dənizlispor”a səfərdə uduzub.Bu gün keçirilən “Gənclərbirliyi” – “Rizəspor” və “Kayserispor” - “Alanyaspor” matçlarının hər ikisi eyni hesabla qonaqların qələbəsi ilə yekunlaşıb - 1:0.Turun “Konyaspor” – “Ankaragücü”, “Göztəpə” – “Antalyaspor”, “Kasımpaşa” – “Trabzonspor” və “Yeni Malatyaspor” – “Başakşəhər” görüşləri avqustun 18-də oynanılacaq.xeber100.com

“Roma” futbol klubu hücumçusu ilə müqavilənin müddətini uzadıb

İtaliyanın “Roma” klubu Bosniya və Herseqovinadan olan hücumçusu Edin Dzeko ilə müqavilənin müddətini uzadıb.Azərtac klubun saytına istinadla xəbər verir ki, 33 yaşlı futbolçu paytaxt təmsilçisi ilə üçillik müqavilə imzalayıb.E.Dzeko 2016-cı ildən “Roma”nın şərəfini qoruyur. O, klubun heyətində keçirdiyi 179 oyunda 87 qol vurub və 38 məhsuldar ötürmə edib.xeber100.com

İngiltərə Premyer Liqasının ikinci turuna start verilib

Avqustun 17-də İngiltərə Premyer Liqasının ikinci turuna “Arsenal” – “Börnli” oyunu ilə start verilib.Azərtac xəbər verir ki, birinci turda səfərdə “Nyukasl” klubunu məğlub edən (0:1) “Arsenal” ikinci turda “Börnli”ni qəbul edib. Görüş London təmsilçisinin 2:1 hesablı qələbəsi ilə başa çatıb. “Arsenal” 13-cü dəqiqədə Aleksander Lakazetin qolu ilə hesabı açıb. Fasiləyə iki dəqiqə qalmış “Börnli”nin heyətində Eşli Barnes tarazlığı bərpa edib. Fasilədən sonra londonlular yenidən hesabda irəli çıxıblar. Matçın 64-cü dəqiqəsində Pyer-Emerik Obameyanq adını tabloya yazdırıb – 2:1.Qalan dəqiqələrdə hesab dəyişməyib və “Arsenal” Premyer Liqanın ikinci turunda da qələbə qazanaraq xalların sayını 6-ya çatdırıb.Turun qalan oyunları avqustun 17-də, 18-də və 19-da keçiriləcək.xeber100.com

“Qəbələ” futbol klubu “Sumqayıt” komandasını qəbul edib

Azərbaycan Premyer Liqasının ilk turunda “Qəbələ” komandası avqustun 17-də öz meydanında “Sumqayıt”ı qəbul edib.Azərtac xəbər verir ki, Qəbələ şəhər stadionunda keçirilən oyunda qonaq komanda 2:0 hesabı ilə qalib gəlib.Baş hakim Rauf Cabbarovun idarə etdiyi görüşdə “qırmızı-qaralar”ın qapısına hər iki qolu matçın 12-ci və 28-ci dəqiqələrində “Sumqayıt”ın yeni transferi Mehdi Şərifi vurub.Qeyd edək ki, on beşinci dəfə Sumqayıt şəhərinin təmsilçisini qonaq edən “Qəbələ” indiyədək öz meydanında bu rəqibə uduzmamışdı. Ümumilikdə bu komandalar indiyədək 29 dəfə üz-üzə gəlib. Bunlardan 18-də “Qəbələ”, 3-də isə qonaqlar meydanı üç xalla tərk edib. Səkkiz qarşılaşmada isə qalib müəyyənləşməyib.Xatırladaq ki, avqustun 16-da ölkə çempionatında turun açılış matçında sonuncu çempion “Qarabağ” komandası “Keşlə”yə 1:0 hesabı ilə qalib gəlib.Birinci tur çərçivəsində avqustun 18-də “Səbail” və “Zirə”, bir gün sonra isə “Neftçi” və “Sabah” kollektivləri qarşılaşacaqlar.xeber100.com

İspaniya La Liqasının növbəti oyunu keçirilib

Avqustun 17-də futbol üzrə İspaniya La Liqasının 2019-2020-ci il mövsümünün birinci turunun növbəti oyunu keçirilib.Azərtac xəbər verir ki, turun ikinci günündə çempionluğa iddialı “Real Madrid” səfərdə “Selta Viqo” komandasını qəbul edib. Görüş qonaqların 3:1 hesablı qələbəsi ilə başa çatıb. “Kral klubu”nun heyətində Kərim Benzema (12), Toni Kros (61) və Lukas Vasqets (80) fərqləniblər. Meydan sahibi - “Selta Viqo”nun heyətində isə yeganə qolun müəllifi 90-cı dəqiqədə İker Losada olub.xeber100.com

Azərbaycan Premyer Liqasının 2019-2020-ci il mövsümünə start verilib

Avqustun 16-da futbol üzrə Azərbaycan Premyer Liqasının 2019-2020-ci il mövsümünə start verilib.Azərtac xəbər verir ki, 28-ci ölkə çempionatının “Dalğa Arena”da oynanılan açılış matçında sonuncu çempion “Qarabağ” komandası “Keşlə”nin qonağı olub. Görüş ağdamlıların minimal hesablı qələbəsi ilə başa çatıb. Oyunda yeganə qolu matçın 78-ci dəqiqəsində İsmayıl İbrahimli vurub.Xatırladaq ki, birinci tur çərçivəsində avqustun 17-də “Qəbələ” – “Sumqayıt” görüşü oynanılacaq. Avqustun 17-də “Səbail” və “Zirə”, bir gün sonra isə “Neftçi” və “Sabah” komandaları qarşılaşacaqlar.xeber100.com

Cüdoçular arasında Azərbaycan birinciliyinə yekun vurulub

“Sərhədçi” İdman Olimpiya Mərkəzində 23 yaşadək cüdoçular arasında Azərbaycan birinciliyinə yekun vurulub.Azərbaycan Cüdo Federasiyasından Azərtac-a bildiriblər ki, yarışda 53 klubu təmsil edən 384 gənc cüdoçu medallar uğrunda mübarizə aparıb.Birinciliyin sonuncu günündə oğlanlar və qızlar arasında səkkiz çəki dərəcəsində qaliblər müəyyənləşib. Qızların yarışında Səbinə Qədirova (52 kq), Diana Şoranova (63 kq), Nərmin Əmirli (78 kq), Aytəkin Paşazadə (+78 kq), oğlanların mübarizəsində isə Elçin Hüseynov (66 kq), Samir Ağayev (81 kq), Aslan Mirzəyev (100 kq) və İmran Yusifov (100 kq-dan yuxarı) Azərbaycan çempionu adını qazanıblar.Ölkə birinciliyinin qalib və mükafatçılarına medallar və Azərbaycan Cüdo Federasiyasının diplomları təqdim olunub.xeber100.com