Topaz Premyer Liqasının XXV turuna start verilir

Aprelin 18-də futbol üzrə Topaz Premyer Liqasının XXV turuna start verilir.Azərtac xəbər verir ki, tur iki gün davam edəcək. Turun birinci günündə iki oyun keçiriləcək. XXV tur saat 16:45-də “Sumqayıt” – “Səbail” oyunu ilə başlanacaq. “Kapital Bank Arena”da oynanılacaq görüşü Vüqar Həsənli idarə edəcək.Günün ikinci qarşılaşmasında çempionluğa iddialı “Qarabağ” komandası autsayder “Keşlə”ni qəbul edəcək. Əliyar Ağayevin idarə edəcəyi matç Tofiq Bəhramov adına Respublika stadionunda keçiriləcək. Oyun saat 19:00-da start götürəcək.Aprelin 19-da - turun ikinci günündə “Qəbələ” komandası doğma arenada “Zirə” ilə qarşılaşacaq. Qəbələ şəhər stadionunda oynanılacaq görüşü İnqilab Məmmədov idarə edəcək. Görüş saat 16:00-da başlanacaq.Tura saat 18:30-da “Sabah” – “Neftçi” oyunu ilə yekun vurulacaq. “Əlincə Arena”da keçiriləcək qarşılaşmanın baş hakimi Rövşən Rəcəbov olacaq.Turun bütün görüşləri “CBC Sport” kanalı ilə birbaşa yayımlanacaq.Xatırladaq ki, 24 turdan sonra turnir cədvəlinə aktivində 54 xal olan “Qarabağ” başçılıq edir. “Neftçi” 52 xalla ikinci, “Səbail” 35 xalla üçüncü, 33 xalı olan “Qəbələ” isə dördüncü yerdədir. Digər pillələrdə müvafiq olaraq, “Sabah” (26), “Zirə” (25), “Sumqayıt” (20) və “Keşlə” (19) yer alıblar.xeber100.com

Budapeştdə keçirilən şahmat üzrə turnir başa çatıb

Budapeştdə keçirilən şahmat üzrə yaz festivalı başa çatıb.Azərtac xəbər verir ki, turnirin qalibi 9 turdan 7 xal yığan rusiyalı Artyom Timofeyev olub. Liderdən bir xal geri qalan şahmatçımız Vüqar Əsədli turnir cədvəlinin 17-ci pilləsində qərarlaşıb. Digər təmsilçilərimiz Nail Bəşirli 5,5, Zaur Bayramov 5 xal toplayıblar.Yaz festivalında 36 ölkədən 150-yə yaxın şahmatçı mübarizə aparıb.xeber100.com

Azərbaycan Ağır Atletika Federasiyasının məlumatı

Aprelin 20-dən 28-dək Azərbaycanın bütün bölgələrini əhatə edən ağır atletika üzrə respublika yarışlarının ikinci seçmə mərhələsi keçiriləcək.Azərbaycan Ağır Atletika Federasiyasından Azərtac-a bildiriblər ki, yarışlar Xırdalan, Lənkəran və Samuxda keçiriləcək. Xırdalanda aprelin 20-21-də Sumqayıt, Qobustan, Şamaxı, İsmayıllı və Bakıdan olan atletlər mübarizəyə qoşulacaqlar. Aprelin 24-25-də Lənkəranda Cəlilabad, Neftçala, Lerik və Astaranı, ayın 27-28-də isə Samuxda Goranboy, Gəncə, Qazax, Yevlax, Şəki və Qaxı təmsil edən atletlər körpücük üzərinə çıxacaqlar.Yarış şəxsi xarakter daşıyır və iştiraka yalnız texniki cəhətdən hazırlıqlı, yaşı ən azı 12 olan idmançılar buraxılacaq. Mərhələ yarışlarında 2001-2007-ci il və daha böyük təvəllüdlü kişilər və qadınlar, müvafiq yaş qruplarında mübarizə aparacaqlar. Qaliblər “Sinkleyr” cədvəli üzrə müəyyən ediləcək.Yarışın məqsədi regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.xeber100.com

Yay Olimpiya və Paralimpiya Oyunlarının ilk biletləri satışa çıxarılacaq

2020-ci ildə Tokioda keçiriləcək Yay Olimpiya və Paralimpiya Oyunlarının ilk biletləri mayın 9-da satışa çıxarılacaq.Azərtac xəbər verir ki, bu barədə Oyunların Yaponiya Təşkilat Komitəsi məlumat yayıb. Bildirilir ki, biletlərin ilk komplekti xüsusi lotereya da oynanılacaq. Bu biletləri əldə etmək istəyənlər Oyunların saytında qeydiyyatdan keçməli və bu barədə müraciət yerləşdirməlidirlər. Biletlərin potensial alıcıları Yaponiya ərazisində yaşamalıdırlar. Lotereyanın nəticələri iyunun 20-də elan ediləcək.Cari ilin payızında biletlərin satışının ikinci mərhələsi başlanacaq və bu mərhələdə ilk turda müraciət edən, lakin bilet uda bilməyənlər iştirak edəcəklər. Oyunlara biletlərin sərbəst satışına yalnız 2020-ci ilin yazında başlanacaq.xeber100.com

“Yuvnetus” futbol klubunun “Ayaks”a cavab oyunundan sonra…

"Yuvnetus"un baş məşqçisi Massimiliano Alleqri Çempionlar Liqasının 1/4 finalının "Ayaks"la cavab oyunundan sonra UEFA-nın saytına açıqlamasında deyib: "Çempionlar Liqasını qazanmaq üçün komanda pik formada olmalıdır. Son aylarda xeyli zədəlimiz oldu. Hətta bu görüşdə də vacib oyunçularımızdan məhrum olmuşduq. Buna görə də əla oyun göstərə bilmədik". Milli.az klubun saytına istinadən bildirir ki, turnirdə 1:2 hesabı ilə uduzaraq ÇL-lə vidalaşdıqları matçı şərh edən italiyalı mütəxəssis rəqibin qələbəyə layiq olduğunu etiraf edib: "Ayaks" yaxşı futbol sərgiləyir. Qələbəyə layiq idilər. Əsasən də ikinci hissədə yaxşı oynadılar. Komanda əla oyunçulardan qurulub. "Real"a iki görüşdə 5 qol vuran komanda necə ola bilər?Turnirdən ən pis gedişimiz olduğunu deməzdim. "Yuventus"un həmişə bir məqsədi olub - hər turniri qazanmaq. Bəzən alınır, bəzən yox". xeber100.com

Güləşçilər arasında “Çempionlar” turniri keçiriləcək

Aprelin 18-dən 21-dək Türkiyənin Antalya şəhərində gənc güləşçilər arasında "Çempionlar" turniri keçiriləcək.Azərbaycan Güləş Federasiyasından Trend-ə verilən məlumata görə, ənənəvi yarışda ölkəmizi sərbəst və qadın güləşçilərimiz təmsil edəcək. Sərbəst güləş üzrə gənclərdən ibarət yığmamızın böyük məşqçisi Rövşən Hacıyev və məşqçi Abil İbrahimovun rəhbərliyi altında Azər Əhmədov, Mahir Məmmədzadə (hər ikisi 57 kq), İntiqam Vəlizadə (61 kq), Turan Bayramov, Vahid Əlizadə (hər ikisi 65 kq), Əşrəf Aşurov, Elmar Kazımov (hər ikisi 70 kq), Nəsib İsayev, Nadir Hacıyev (hər ikisi 74 kq), Abubakr Abakarov (79 kq), Fuad Mayılov (86 kq), Asxab Həmzətov (92 kq), Sənan Əliyev (97 kq) və İslam Abuyev (125 kq) qardaş ölkədə xalça üzərinə çıxacaq.Qadınların yarışında isə böyük məşqçi Həsrət Məmmədyarovun tapşırıqlarını Sevinc Əhədova, Yasəmən Məcidli (hər ikisi 50 kq), Ayşən Yusifova (53 kq), Birgül Sultanova (57 kq), Ceyla Nağızadə (65 kq) və Jalə Əliyeva (68 kq) yerinə yetirməyə çalışacaq.Qeyd edək ki, "Çempionlar" turnirində beynəlxalq dərəcəli hakim Tural Əliyev ədaləti qoruyacaq.xeber100.com

UEFA Çempionlar Liqasının ¼ final mərhələsidə

UEFA Çempionlar Liqasının ¼ final mərhələsinin cavab qarşılaşmaları keçirilib.Trend-in məlumatına görə, “Barselona” komandası “Kamp Nou”da İngiltərənin “Mançester Yunayted” klubunu qəbul edib.Oyun meydan sahiblərinin 3:0 hesablı qələbəsi ilə yekunlaşıb. Matçda hesabı 16-cı dəqiqədə kataloniyalıların hücumçusu Lionel Messi açıb. Cəmi 4 dəqiqə sonra Messi hesabda fərqi artırıb.Oyunun son qolunu 61-ci dəqiqədə uzaq məsafədən zərbə ilə Filipe Koutinyo vurub.Xatırladaq ki, komandalar arasında ilk oyun kataloniyalıların 1:0 hesabı ilə yekunlaşıb. Beləliklə, “Barselona” turnirin yarımfinal mərhələsinə vəsiqə qazanıb.Turnirin digər ¼ final oyunu İtaliyada keçirilib. “Yuventus” Hollandiyanın “Ayaks” klubunu qəbul edib.Matç qonaq komandanın 1:2 hesablı qələbəsi ilə yekunlaşıb. Kristiano Ronaldonun 28-ci dəqiqədə vurduğu qola, hollandiyalılar 34-cü (Van de Bek) və 67-ci (Matteys de Liqt) dəqiqələrdə cavab verib.Qeyd edək ki, komandalar arasında keçirilən ilk oyun 1:1 hesablı heç-heçə ilə yekunlaşıb. Beləliklə, iki oyunun nəticəsinə əsasən, "Ayaks" Çempionlar Liqasının yarımfinalına vəsiqə qazanıb.xeber100.com

AFFA-nın inzibati binasında növbəti iclası keçirilib

Aprelin 16-da AFFA-nın inzibati binasında Klublar Komitəsinin növbəti iclası keçirilib.Azərtac AFFA-ya istinadla xəbər verir ki, iclasda 21 yaşadək futbolçulardan ibarət Azərbaycan milli komandasının baş məşqçisi Milan Obradoviç, Peşəkar Futbol Liqasının mətbuat və ictimaiyyətlə əlaqələr departamentinin rəisi Aslan Şahgəldiyev, Azərbaycan Premyer Liqasında mübarizə aparan “Qarabağ”, “Qəbələ”, “Neftçi”, “Keşlə”, “Sumqayıt”, “Zirə”, “Səbail” və “Sabah” klublarının nümayəndələri iştirak ediblər.Toplantıda ölkə futbolu ilə bağlı bir sıra məsələlər müzakirə olunub.

Həndbolçuların Azərbaycan çempionatına yekun vurulub

Kişi həndbolçuların Azərbaycan çempionatına yekun vurulub.Azərtac Azərbaycan Həndbol Federasiyasının saytına istinadla xəbər verir ki, son turda “Bakı” ilə “Məhsul” komandalarının qarşılaşmasına maraq daha böyük idi. Çempionluğa əsas namizədlərin qarşılaşması gözlənildiyi kimi gərgin mübarizə ilə yadda qalıb. Oyun 26:19 hesabı ilə “Bakı”nın xeyrinə nəticələnsə də, bu, çempionluq üçün yetərli olmayıb. Topların ümumi sayında rəqibini 2 top fərqi ilə qabaqlamağı bacaran “Məhsul” yarışın baş mükafatına sahib çıxıb.“U16” – “Təhsil” görüşü isə 20:29 hesabı ilə başa çatıb.Beləliklə, 12 turdan ibarət ölkə çempionatını “Məhsul” birinci, “Bakı” ikinci, “Təhsil” üçüncü, U-16 isə dördüncü pillədə başa vurub.Qeyd edək ki, “Məhsul” komandası bu mövsüm Azərbaycan kubokuna da sahib çıxıb.xeber100.com

55-ci Türkiyə Velosiped Turu keçirilir

İstanbulda 55-ci Türkiyə Velosiped Turu keçirilir.Azertac xəbər verir ki, aprelin 21-dək davam edəcək qitələrarası turda 17 komandada 119 velosipedçi iştirak edir.Yarışın ilk günü iştirakçılar İstanbul ilə Tekirdağ arasındakı 156,7 kilometrlik məsafəni qət edəcəklər. Velosiped turu altı mərhələdən ibarətdir.xeber100.com

“Marsel” klubunun hücumçusu ən yaxşı futbolçu seçilib

“Marsel” klubunun hücumçusu Mario Balotelli mart ayı üzrə Fransa çempionatının ən yaxşı futbolçusu seçilib.Azərtac Fransa mətbuatına istinadla xəbər verir ki, 28 yaşlı italiyalı hücumçu keçirilən səsvermədə birinci yerə layiq görülüb. O, birincilik uğrunda mübarizədə 45 faiz səs toplayıb. “Paris Sen-Jermen”in 20 yaşlı hücumçusu Kilian Mbappe isə 35 faiz səslə ikinci olub. İlk üçlüyü “Lion” klubunun hücumçusu Mussa Dembele 20 faiz səslə tamamlayıb.Kilian Mbappe və Mussa Dembele mart ayında Liqa 1-də iştirak etdikləri 4 oyunda 5 qol vurublar. Mario Balotelli Marsel təmsilçisinin heyətində keçirdiyi 4 qarşılaşmada 4 dəfə fərqlənib.Qeyd edək ki, italiyalı hücumçu sonuncu qış transfer pəncərəsində “Nitsa” komandasında “Marsel” klubuna transfer olunub. O, cari mövsümdə Marsel təmsilçisinin heyətində keçirdiyi 9 qarşılaşmada 7 qol vurub.xeber100.com

Şahmat üzrə səkkizinci turun oyunları keçiriləcək

Bu gün Macarıstanın paytaxtı Budapeştdə şahmat üzrə yaz festivalının səkkizinci turunun oyunları keçiriləcək.Azərtac xəbər verir ki, növbəti turda Azərbaycan şahmatçıları Vüqar Əsədli Hindistan təmsilçisi Aryan Çopra, Zaur Bayramov polşalı Pyotr Nguyen, Nail Bəşirli isə Hindistanın digər şahmatçısı Vuppala Prraneç ilə mübarizə aparacaq.Qeyd edək ki, ötən turda V.Əsədli ukraynalı Vitali Bernadskiyə qalib gəlib, Z.Bayramov Hindistan təmsilçisi Racpara Ankitlə heç-heçə edib, N.Bəşirli isə israilli Ariel Erenberə məğlub olub. Yeddi turun nəticəsinə görə, Vüqar Əsədli 5, Zaur Bayramov 4, Nail Bəşirli isə 3,5 xal toplayıb.Turnirdə 36 ölkədən 150-yə yaxın şahmatçı iştirak edir.xeber100.com

Qılıncoynatma Federasiyasının məlumatına görə…

Polşanın Torun şəhərində keçirilən yeniyetmə və gənclərin dünya birinciliyinə yekun vurulub.Azərtac Azərbaycan Qılıncoynatma Federasiyasının saytına istinadla xəbər verir ki, turnirin 9-cu yarış günündə şpaqa üzrə gənclərin komanda yarışları keçirilib. Ruslan Həsənov, Xalid Əliyev və Barat Quliyevdən ibarət yığma komandamız mübarizəyə 1/32 finaldan başlayıb. Bu mərhələdə Birləşmiş Ərəb Əmirlikləri komandası ilə qarşılaşan şpaqaçılarımız rəqibi 45:32 hesabı ilə məğlub edib. Kişi şpaqaçılarımız onaltıdabir finalda dünya birinciliyinin finalına kimi irəliləyən ABŞ yığması ilə qarşılaşıb. Gərgin və maraqlı mübarizə şəraitində keçən görüşün sonunda şpaqaçılarımız turnirin reytinq favoritinə 43:45 hesabı ilə uduzub. Daha öncə isə Barat Quliyev yeniyetmə şpaqaçıların şəxsi yarışında qüvvəsini sınayıb. Qrup mərhələsində keçirdiyi 5 görüşdən 4-nü qalib başa vuran Barat pley-offda Rumıniya təmsilçisi Daniel Popa üzərində 15:13 hesabla qələbə qazanıb. Quliyev 1/32 finalda Sinqapur idmançısı Li Simon Renjie ilə qarşılaşıb. Görüş sinqapurlu şpaqaçının 15:13 hesablı qələbəsi ilə başa çatıb.Xatırladaq ki, komandamızın üzvlərindən şpaqaçımız Ruslan Həsənov gənclərin dünya birinciliyində yarımfinala yüksəlməklə bürünc medal qazanıb.xeber100.com

Bədii gimnastika üzrə dünya kuboku yarışları keçirilib

Bolqarıstanın paytaxtı Sofiyada bədii gimnastika üzrə dünya kuboku yarışları keçirilib.Azərtac Azərbaycan Gimnastika Federasiyasına istinadla xəbər verir ki, turnirdə ölkəmizi milli komandamızın üzvləri Yelizaveta Luzan və Darya Sorokina təmsil ediblər.Gimnastlarımız hər 4 alət üzrə öz güclərini sınayıblar. Çoxnövçülük xallarına əsasən, D.Sorokina 59.150 xalla yarışları 45-ci, Y.Luzan isə 56.100 xalla 51-ci yerdə bitiriblər.xeber100.com

Şahmat üzrə yeddinci turun oyunları keçiriləcək

Bu gün Macarıstanın paytaxtı Budapeştdə şahmat üzrə “Yaz festivalı”nın yeddinci turunun oyunları keçiriləcək.Azərtac xəbər verir ki, növbəti turda Azərbaycan şahmatçıları Vüqar Əsədli ukraynalı Vitali Bernadski, Nail Bəşirli israilli Ariel Erenber, Zaur Bayramov isə Hindistan təmsilçisi Racpara Ankitlə qarşılaşacaq.Qeyd edək ki, ötən turu şahmatçılarımız heç-heçə başa vurublar. Altı turdan sonra V.Əsədlinin 4 xalı var. N.Bəşirli və Z.Bayramov hərəyə 3,5 xal toplayıblar.Turnirdə 36 ölkədən 150-yə yaxın şahmatçı iştirak edir.xeber100.com

Güləş üzrə Avropa çempionatına yekun vurulub

Rumıniyanın paytaxtı Buxarestdə güləş üzrə Avropa çempionatına yekun vurulub.Azərtac xəbər verir ki, qitə birinciliyində bir gümüş və iki bürünc medal qazanan yunan-Roma güləşi üzrə yığmamız 76 xalla komanda hesabında üçüncü yeri tutub. Rusiya (192) birinci, Türkiyə (132) isə ikinci olub.Millimizə ən çox xalı finaladək irəliləyən İslam Abbasov qazandırıb. Avropa ikinciliyinə görə komandamızın hesabına 20 xal yazılıb. Bürünc medalçılar - Eldəniz Əzizli və Taleh Məmmədovdan hərəyə 15 xal gəlsə də, medal görüşündən məğlub ayrılan Orxan Nuriyevin əldə etdiyi xal 10-a bərabər olub. Yığmamıza digər xallar Sabah Şəriəti (8), Murad Məmmədov (6) və debütant Ülvi Qənizadədən (2) gəlib.xeber100.com

“Liverpul” futbol klubu yeni müqavilə imzalamağa hazırlaşır

"Liverpul" yeni forma sponsorluğu müqaviləsi imzalamağa hazırlaşır.Milli.az xəbər verir ki, "New Balance" ilə müqaviləsi 2020-ci ildə başa çatacaq Premyer Liqa klubu artıq danışıqlara başlayıb."Liverpul"un məqsədi "Adidas"la 10 illik 750 milyon funt-sterlinq dəyərində müqavilə imzalayan "Mançester Yunayted"in rekordunu qırmaqdı. "Liverpul"un hazırda "Nike" və "Adidas"la danışıqlar apardığı bildirilir. "Qırmızılar" 10 illik 800 milyon funt-sterlinq (illik 80 miilyon) dəyərində müqavilə imzalamağı planlaşdırır.xeber100.com

Çin Qran Prisi çərçivəsində “Formula-1″in 1000-ci yarışı olub

"Mersedes" komandasının britaniyalı pilotu Lyuis Hemilton mövsümün üçüncü mərhələsinin - Çin Qran Prisinin qalibi olub.Trend-in məlumatına görə, Çin Qran Prisi çərçivəsində keçirilən yarış "Formula-1" tarixinin 1000-ci yarışı olub.Mövsümün üçüncü mərhələsində "Mersedes"in finlandiyalı pilotu Valtteri Bottas ikinci, "Ferrari"nin almaniyalı pilotu Sebastyan Fettel isə üçüncü olublar.Üç mərhələdən sonra 68 xalla L.Hemilton birinci yerdə, V.Bottas 62 xalla ikinci yerdə, "Red Bull" komandasının hollandiyalı pilotu Maks Ferstappen 39 xalla üçüncü yerdə qərarlaşıblar.Qeyd edək ki, "Formula-1"in növbəti, yəni dördüncü mərhələsi 26-28 aprel tarixlərində Bakıda keçiriləcək.xeber100.com

İtaliya A seriyasında növbəti tura start verilib

İtaliya A seriyasında 32-ci tura start verilib.Milli.az xəbər verir ki, turun açılış oyununda lider "Yuventus" SPAL-ın qonağı olub və 1:2 hesabı ilə uduzub.SPAL - "Yuventus" - 2:1 Qollar: Kin, 30 (0:1), Bonifaçi, 49 (1:1), Flokkari, 74 (2:1)Bu məğlubiyyətlə xalı 84 qalan Turin klubu vaxtından əvvəl çempionluğu təmin edə bilməyib. "Napoli" 64 xalla (31 oyundan) 2-ci, "İnter" 57 xalla 3-cü pillədə qərarlaşıb.xeber100.com

“Arsenal” klubu Avropa Liqasının 1/4 final mərhələsi çərçivəsində

"Arsenal" futbol klubu Avropa Liqasının 1/4 final mərhələsi çərçivəsində 2:0 hesabı ilə İtaliyanın "Napoli" komandasına qalib gəlib.Trend-in məlumatına görə, oyun "Emireyts" stadionunda baş tutub. Matçda ilk qolu 15-ci dəqiqədə Aaron Remzi vurub. İkinci qolu isə 25-ci dəqiqədə öz qapısına Napolinin müdafiəçisi Kalidu Kulibali vurub.Qeyd edək ki, komandalar arasında cavab qarşılaşması aprelin 18-də keçiriləcək.xeber100.com