“Bayer Leverkuzen” futbol klubu yeni müqavilə imzalayıb

“Bayer Leverkuzen” futbol klubu müdafiəçi Tin Edvay ilə müqaviləni yeniləyib.Azərtac kluba istinadla xəbər verir ki, xorvatiyalı futbolçunun müqavilə müddəti 2023-cü il iyunun 30-dək uzadılıb.Futbolçu bildirib ki, “Bayer” həmişə məni dəstəkləyib. Ən çətin anlarımda məni tək qoymayıb. Mən özümü “Bayer”də evdəki kimi hiss edirəm. Komandamızın gözəl gələcəyi var və biz birlikdə böyük uğurlara imza ata bilərik.Edvay “Bayer”ə 2015-ci ildə “Roma”dan keçib. Xorvatiyalı müdafiəçi cari mövsüm Almaniya klubunun heyətində 4 oyunda meydana çıxıb.xeber100.com

2019-cu il Formula 1 yarışlarının cədvəli məlum olub

2019-cu il Formula 1 yarışlarının mövsümqabağı testlərinin cədvəli məlum olub.Azərtac Barselonadakı trasın rəsmi tvitter səhifəsinə istinadla xəbər verir ki, 2019-cu ilin mövsümqabağı testləri hər biri 4 gün davam edəcək iki sessiyadan ibarət olacaq.Birinci sessiya 2019-cu il fevralın 18-dən 21-dək, ikinci sessiya isə fevralın 26-dan martın 1-dək keçiriləcək. Beləliklə, gələn il mövsümqabağı testlərin formatı 2018-ci ildə istifadə edilən formatdan əsla fərqlənməyəcək. Hərçənd, bu sessiyaların İspaniyadan Bəhreynə keçirilə biləcəyi barədə söhbətlər gedirdi.2016-cı il mövsümündən başlayaraq mövsümqabağı testləri eksklüziv olaraq Kataloniyadakı tras qəbul edir.Onu da qeyd edək ki, 2019-cu il mövsümündə ilk Qran-Pri yarışları mövsümqabağı testlər başa çatandan cəmi iki həftə sonra – martın 15-dən 17-dək Avstraliyada keçiriləcək.xeber100.com

“Isle of Man International” turnirinə start veriləcək

Oktyabrın 20-də Men adasının paytaxtı Duqlasda üç qrupda keçiriləcək “Isle of Man International” turnirinə start veriləcək.Azərtac xəbər verir ki, güclü şahmatçıların “Masters” turnirində 167 oyunçu, o cümlədən 92 qrossmeyster və Azərbaycan təmsilçisi Arkadi Naydiçin də daxil olduğu 20 “yeddiyüzçü” iştirak edəcək. Turnirdə, həmçinin hollandiyalı Aniş Giri, fransız Maksim Vaşye-Laqrav, rusiyalı Vladimir Kramnik, amerikalı Uesli So, hindistanlı Vişvanatan Anand və digər tanınmış şahmatçılar mükafatlar uğrunda mübarizə aparacaqlar.Turnirin birinci mükafatı 50000, qadın şahmatçılar üçün isə 7000 funt sterlinqdir.Men adası turniri İsveçrə sistemi üzrə 9 turdan ibarət olaraq keçiriləcək.xeber100.com

UEFA Fransanın “Pari Sen-Jermen” klubunu cərimələyib

UEFA Fransanın “Pari Sen-Jermen” (PSG) klubunu Çempionlar Liqasının qrup mərhələsində Serbiyanın “Red Star” komandası ilə keçirdiyi matçda yaşananlarla əlaqədar 20 min avro məbləğində cərimələyib. Bununla yanaşı, hər iki komandanın azarkeşlərinin səbəb olduğu hadisələrlə bağlı əlavə araşdırmanın aparılması qərara alınıb.Azərtac xəbər verir ki, bu barədə UEFA-nın saytında məlumat verilib.“PSG”nin cərimələnməsinin əsas səbəbi oyunun gec başlaması olub. Komandanın baş məşqçisi Tomas Tüxelə bu barədə xəbərdarlıq edilib. Parislilərə qarşı, həmçinin oyun zamanı azarkeşlər tərəfindən pirotexniki vasitələrdən istifadə və klub nümayəndələrinin uyğun olmayan davranışları ilə bağlı da iddialar irəli sürülüb. UEFA-nın “Red Star” klubunun azarkeşlərinin davranışları ilə bağlı da müəyyən ölçü götürəcəyi gözlənilir. Bununla əlaqədar oyunda baş vermiş hadisələri və hər iki komandanın azarkeşlərinin davranışlarını araşdırmaq üçün müfəttişin təyin olunması qərara alınıb.Xatırladaq ki, oktyabrın 3-də Parisdə keçirilən həmin qarşılaşma ev sahiblərinin 6:1 hesablı qələbəsi ilə başa çatıb.xeber100.com

Şahmat üzrə dünya birinciliyi başlanır

Bu gün Yunanıstanın Halkidiki şəhərində 14, 16 və 18 yaşa qədər oğlanlar və qızlar arasında şahmat üzrə dünya birinciliyi başlanır.Azərtac xəbər verir ki, ilk dəfə olaraq şahmatın üç növü üzrə medallar uğrunda mübarizə aparılacaq. Oktyabrın 17-18-də sürətli şahmat üzrə, oktyabrın 19-da blits üzrə, oktyabrın 20-dən 30-dək klassik şahmat üzrə yarışlar keçiriləcək.Hazırda iştirakçıların sıyahısında dünyanın 79 ölkəsindən 653 şahmatçının, o cümlədən Azərbaycanın 7 nümayəndəsinin adı var. Ölkəmizi bu yarışlarda FİDE ustaları Murad İbrahimli, Əhməd Əhmədzadə, Aydın Süleymanlı, Vüqar Manafov, Gövhər Beydullayeva, ustalığa namizəd Ayan Allahverdiyeva və Ləman Hacıyeva təmsil edəcəklər.Rapid və blits üzrə turnirlər 9 turdan, klassik şahmat üzrə yarışlar isə 11 turdan ibarət olacaq.xeber100.com

Cüdoçular arasında dünya çempionatına start verilib

Meksikanın Kankun şəhərində veteran cüdoçular arasında dünya çempionatına start verilib. Yarışın ilk günü Azərbaycan millisi üçün uğurlu olub.Azərtac xəbər verir ki, dünya çempionatında ölkəmizi təmsil edən veteran cüdoçu Fərhad Rəcəbli M-6 kateqoriyası üzrə 90 kiloqram çəki dərəcəsində bütün rəqiblərinə qalib gələrək qızıl medal qazanıb. Fərhad Rəcəbli Rusiya, ABŞ və Braziliyadan olan rəqiblərini məğlub edərək mundialın ən güclüsü adına layiq görülüb.Qeyd edək ki, bu idmançımızın usta cüdoçular arasında qazandığı səkkizinci çempionluqdur.xeber100.com

Ağır atletika üzrə Avropa birinciliyi keçiriləcək

Oktyabrın 20-dən 27-dək Polşanın Zamots şəhərində 20 və 23 yaşadək idmançılar arasında ağır atletika üzrə Avropa birinciliyi keçiriləcək.Azərbaycan Ağır Atletika Federasiyasından Azərtac-a bildiriblər ki, 40-dək ölkədən 393 atletin (169 qadın+224 kişi) mübarizəyə qoşulduğu turnirdə Azərbaycan 8 idmançı ilə təmsil olunacaq.Heyətdə 20 yaşadək idmançılardan Rüstəm Qasımov (62 kq) və Səbinə Əzimova (53 kq) yer alıblar. Həmçinin 23 yaşadək ağır atletlərin yarışında Məhəmməd Məmmədli (62 kq), Paşa İbrahimli (69 kq), Mərziyyə Məhərrəmova (48 kq), Gülçin Əlizadə (58 kq), Firuzə İbrahimova (63 kq) və Elnarə Abbasova (69 kq) güclərini sınayacaqlar.xeber100.com

Futbol üzrə Kolumbiya çempionatının 14-cü turunda

Futbol üzrə Kolumbiya çempionatının 14-cü turunda “Atletiko nasyonal” və “Deportivo Kali” komandaları arasında matçda (0:0) maraqlı bir hadisə baş verib.Azərtac xəbər verir ki, final fitinin səslənməsinə bir neçə dəqiqə qalmış meydan sahibləri rəqib komandanın cərimə meydançası yaxınlığında standartı icra etmək hüququ qazanıblar. “Atletiko nasyonal”ın yarımmüdafiəçisi Xeyson Lukumi standartı icra etməyi qərara alaraq topu əlinə götürüb. Lukuminin komanda yoldaşı, hücumçu Dayro Moreno topu vuraraq onun əlindən salıb, bundan sonra oyunçular arasında az qala dava düşüb. Münaqişə zamanı başı ilə Morenonun üzünə vuran Lukumi buna görə qırmızı vərəqə alıb.Matçdan sonra “Atletiko nasyonal” elan edib ki, bu hadisəyə görə Moreno ilə sazişi pozmaq qərara alınıb, Lukumi isə 8 günlüyə əsas komanda ilə məşqlərdən kənarlaşdırılıb.xeber100.com

Belçika və Niderland yığmaları arasında yoldaşlıq görüşü keçirilib

Oktyabrın 16-da Belçika və Niderland yığmaları arasında yoldaşlıq görüşü keçirilib.Azərtac xəbər verir ki, Brüsseldə baş tutan qarşılaşma 1:1 hesabı ilə heç-heçə yekunlaşıb. Belçika millisinin heyətində 5-ci dəqiqədə Dris Mertens, Niderland yığmasının heyətində isə 27-ci dəqiqədə Qroeneveld fərqlənib.xeber100.com

Afrika Millətlər Kubokunun seçmə mərhələsində

“Qəbələ”nin futbolçusu Lalavele Atakora Toqo millisində növbəti oyununu keçirib.Azərtac xəbər verir ki, yarımmüdafiəçi Afrika Millətlər Kubokunun seçmə mərhələsinin IV turunda meydana çıxıb. O, “D” qrupunda keçirilən Qambiya–Toqo qarşılaşmasında iştirak edib. Start heyətində yer alan Atakora 90 dəqiqə meydanda olub. Toqo yığması səfər görüşündə vacib 3 xal qazanıb – 1:0.Bu qələbədən sonra Lalavelenin komandası xal hesabını 5-ə çatdırıb. Üçüncü pillədə qərarlaşan toqolular Əlcəzair və Benindən 2 xal geri qalırlar.xeber100.com

“World Masters” 2018-ci ilin dekabrında keçiriləcək

Cüdo üzrə səkkizinci “World Masters” 2018-ci ilin dekabrında Çinin Quançjou şəhərində keçiriləcək.Azərtac xəbər verir ki, dünyanın, o cümlədən Azərbaycanın 16 ən yaxşı cüdo ustasının iştirak edəcəyi yarışlar artıq hər çəki dərəcəsi üzrə dekabrın 15-16-sında müəyyən olunmuş IJF reytinqi siyahısı üzrə keçiriləcək.Ən yüksək səviyyəli turnirlərdən biri 2011-ci ildə Azərbaycanın paytaxtı Bakıda keçirilib.“World Masters” turnirində planetin ən yaxşı idmançıları – Olimpiya oyunları və dünya çempionatlarının qalibləri, “Böyük dəbilqə” və “Qran-Pri” yarışlarında qalib gəlmiş və mükafatlara layiq görülmüş cüdoçular təmsil olunacaq.xeber100.com

UEFA Millətlər Liqasının 4-cü turu çərçivəsində

Oktyabrın 16-da UEFA Millətlər Liqasının 4-cü turu çərçivəsində doqquz oyun keçiriləcək.Azərtac xəbər verir ki, turun maraq doğuran qarşılaşması “Stad de Frans”da Fransa-Almaniya görüşü olacaq. A liqasının 1-ci qrupunda yer alan hər iki komanda indiyədək 15 dəfə qarşılaşıblar. Bu görüşlərin 7-də fransızlar, 4-də isə almanlar qalib gəliblər. Almaniya millisi bu oyunda məğlub olacağı təqdirdə növbəti mərhələ yüksəlmək şansını itirəcək. İki turdan sonra qrupa 4 xalla Fransa millisi başçılıq edir. Niderland yığması üç xalla ikinci, aktivində 1 xalı olan Almaniya seçməsi isə üçüncü yerdə qərarlaşıb.B liqasının 1-ci qrupunda keçiriləcək Ukrayna - Çexiya oyunu da prinsipial qarşılaşmalardan olacaq. Belə ki, Ukrayna yığması qələbə qazanacağı təqdirdə pley-offa vəsiqəni vaxtından əvvəl təmin edəcək.Bu liqanın 4-cü qrupunda İrlandiya - Uels matçı keçiriləcək. İrlandiya seçməsi məğlub olsa, növbəti mərhələyə çıxmaq şansını itirəcək.Gün ərzində keçiriləcək növbəti oyunlar aşağıdakılardır: C liqasının 3-cü qrupu: Norveç – Bolqarıstan Sloveniya - Kipr D liqasının 1-ci qrupu: Qazaxıstan – Andorra Latviya - Gürcüstan D liqasının 4-cü qrupu: Ermənistan – Makedoniya Cəbəllütariq – Lixtenşteyn.xeber100.com

Avropa birinciliyində finalçılar müəyyənləşib

Rusiyanın Anapa şəhərində yeniyetmə boksçular arasında Avropa birinciliyində finalçılar müəyyənləşib. Azərbaycan millisinin yarımfinala yüksələn 3 üzvündən ikisi bu mərhələni də qələbə ilə başa vuraraq, çempionluq mübarizəsini davam etdirir.Bu barədə Azərtac-a Azərbaycan Boks Federasiyasından məlumat verilib.Belə ki, Əli Zamanov (48 kq) dördüncü qarşılaşmasında da rəqibinə şans verməyib. Ardıcıl olaraq, Hayk Alaberkyan (Ermənistan), Eduard Voskanyan (Rusiya) və Krasimir Churova (Bolqarıstan) qalib gələn həmyerlimiz yarımfinalda Mixail Taranudan (Moldova) üstün olub. O, finalda ingiltərəli Jo Makqraili sınağa çəkəcək.Çempionatda 80 kiloqram çəki dərəcəsində qüvvəsini sınayan Murad Allahverdiyev də finalda iştirak hüququ qazanıb. Türkiyəli Əmir Böyükdağa, belaruslu Vladislav Novikova qalib gələn boksçumuz finala gedən yolda rusiyalı Andrey Voyvodinə də gücünü göstərib. M.Allahverdiyev gərgin keçən döyüşdə qələbə qazanıb. Yığmamızın üzvü çempionluq üçün Patrik Myerslə (İrlandiya) qüvvəsini sınayacaq.Digər boksçumuz Əhməd Əhmədov (80 kq-dan yuxarı) isə bürünc medalla kifayətlənib. Serbiyalı Mixail Miliç və litvalı Edvin Ostapenkonu mübarizədən kənarlaşdıran ən ağır çəkili idmançımız macarıstanlı Levent Kissə uduzub. O, yarımfinalda yarışla vidalaşdığından 3-cü yeri tutub.Qeyd edək ki, Avropa birinciliyinə bu gün yekun vurulacaq.xeber100.com

UEFA Millətlər Liqası çərçivəsində daha yeddi oyun keçiriləcək

Oktyabrın 15-də UEFA Millətlər Liqası çərçivəsində daha yeddi oyun keçiriləcək.Azərtac xəbər verir ki, günün maraqlı qarşılaşması A liqasının 4-cü qrupunda oynanılacaq. İspaniya millisi İngiltərə yığmasını qəbul edəcək. Bu komandaların İngiltərədə ilk qarşılaşması İspaniya seçməsinin qələbəsi ilə başa çatmışdı (2:1). Qrupa iki turdan sonra 6 xalla İspaniya millisi başçılıq edir, aktivlərində 1 xalı olan İngiltərə və Xorvatiya yığmaları üçüncü dördüncü yerləri bölüşürlər.Günün növbəti oyunlar aşağıdakılardı: A liqası 2-ci qrup İslandiya – İsveçrə B liqası 3-cü qrup Bosniya və Herseqovina – Şimali İrlandiya C liqası 2-ci qrup Finlandiya – Yunanıstan Estoniya – Macarıstan D liqası 2-ci qrup Belarus – Moldova Lüksemburq – San Marino.xeber100.com

Cüdo üzrə beynəlxalq “Təhsil CUP” turniri keçirilib

Şağan Olimpiya İdman Kompleksində cüdo üzrə beynəlxalq “Təhsil CUP” turniri keçirilib.Azərtac xəbər verir ki, iki gün davam edən yarışda Çexiya, Rusiya, Gürcüstan, Yunanıstan, İran İsrail, Qazaxıstan, İsveç, Türkiyə, Ukrayna, Özbəkistan və Azərbaycandan olan 9 çəki dərəcəsində 646 cüdoçu iştirak edib.Ümumi medal sayında Türkiyə 2 qızıl, 1 gümüş və 1 bürünc medal qazanaraq birinci yeri tutub. Rusiyanın Nalçik komandası ikinci (2 qızıl, 1 bürünc), “Aura” idman klubu isə üçüncü (1 qızıl, 1 gümüş, 1 bürünc) olub.xeber100.com

Həndbol Federasiyasının məlumatına görə…

Kişi həndbolçuların 2022-ci ildə Macarıstan və Slovakiyada təşkil olunacaq Avropa çempionatının ilkin təsnifat mərhələsinin püşkü atılıb.Azərtac Azərbaycan Həndbol Federasiyasının rəsmi saytına istinadla xəbər verir ki, Vyanada keçirilən püşkatmanın nəticəsinə əsasən, “B” qrupunda yer alan Azərbaycan seçməsi, Kipr, Gürcüstan və Malta kollektivləri ilə yarışacaq. “A” qrupunda isə Lüksemburq, Böyük Britaniya, İrlandiya və Bolqarıstan komandaları mübarizə aparacaqlar.Millimizin yer aldığı qrupun görüşləri Maltada təşkil olunacaq. 2019-cu il yanvarın 11-də Kiprlə qarşılaşacaq həndbolçularımız bir gün sonra Gürcüstanla, ayın 13-də isə Malta ilə üz-üzə gələcəklər. Qarşılaşmalar Kospikua şəhərinin “Kottonera Sports Kompleks” arenasında keçiriləcək.Qeyd edək ki, 2022-ci il Avropa çempionatının növbəti təsnifat mərhələsinə yalnız qrup qalibləri vəsiqə qazanacaqlar.xeber100.com

“Tokio-2020” Paralimpiya Oyunlarına hazırlıq müzakirə olunub

Milli Paralimpiya Komitəsində (MPK) atletika idman növü üzrə Paralimpiya millimizin üzvlərinin iştirakı ilə iclas keçirilib.Azərtac xəbər verir ki, MPK-nın prezidenti İlqar Rəhimovun rəhbərliyi altında iclasa atletika idman növü üzrə milli komandanın baş məşqçiləri, şəxsi məşqçilər və idmançılar qatılıblar.İclasda 2020-ci ildə Yaponiyanın paytaxtı Tokioda keçiriləcək XVI Yay Paralimpiya Oyunlarına hazırlıqla əlaqədar məşqçi və idmançıların məlumatları dinlənilib, görülmüş işlər və qarşıda duran vəzifələr müzakirə edilib.Müzakirələrin yekunu olaraq müvafiq qərarlar qəbul olunub.xeber100.com

UEFA Millətlər Liqası turniri çərçivəsində

UEFA Millətlər Liqası turniri çərçivəsində oktyabrın 14-də, saat 20:00-da, Bakı Olimpiya Stadionunda keçiriləcək Azərbaycan - Malta oyunu ərəfəsində millimizin müdafiəçisi Maksim Medvedev də mətbuat konfransında iştirak edib.Milli.az bildirir ki, müdafiəçi Malta ilə qarşılaşma daha əhəmiyyətli olacağını deyib:"Uzaq səfərdən vacib qələbə ilə dönmüşük. Komandada əhval-ruhiyyə yüksək səviyyədədir. Sabah meydanda yaxşı oynayacağımıza və vacib xallar qazacağımıza inanıram. Əlbəttə, azarkeşlərin sayının çox olmasını istərdik və ümid edirik ki, Farer adaları ilə oyundakı qələbədən sonra tribunada bizi izləyənlərin sayında artım olacaq".xeber100.com

İnter futbol klubu PSJ-dən transfer etmək istəyir

İtaliyanın İnter klubu PSJ-dən Anxel Di Mariya ilə maraqlanır.Goal.az xəbər verir ki, bu haqda məşhur italyan jurnalist Pyerpaolo Marino danışıb. İnter futbolçunu artıq yanvar ayından komandasına qatmaq istəyir. Anxelin isə PSJ ilə müqaviləsi mövsümün sonunda bitir. Xatırladaq ki, Di Mariya bu mövsüm 13 oyuna çıxıb, və 6 qol vurub.xeber100.com

“Barselona” klubu yeni müqavilə imzalayacaq

İspaniyanın "Barselona" klubunun futbolçusu Lionel Messi komandası ilə yeni müqavilə imzalayacaq.Milli.az bildirir ki, yeni müqaviləyə əsasən Leo ən azı 4 il də katalonların şərəfini qoruyacaq.Bir neçə ay sonra başlayacaq danışıqlarda argentinayalı kifayət qədər yüksək məvacib təklif ediləcəyi gözlənilir.xeber100.com