“US News and World Report” jurnalı yazır…

19 İyul 2018 12:18

Xəbər 213 dəfə oxunub

ABŞ-da dərc olunan “US News and World Report” jurnalı maraqlı tədqiqat keçirərək iqtisadi, siyasi və hərbi baxımdan ən güclü dövlətlərin siyahısını tərtib edib və bu siyahıda İran 13-cü yeri tutub.Azərtac xəbər verir ki, Asiya və Avropa dövlətləri arasında İranın 13-cü olması onun uzun illər iqtisadi sanksiyalara məruz qalması ilə əlaqədardır. Sanksiyalar olmasaydı İran daha yüksək yerdə qərarlaşa bilərdi. Buna baxmayaraq İranın 100 dövlət arasında 13-cü olması yüksək göstərici hesab olunur.Siyahının ilk beşliyində ABŞ, Rusiya, Çin, Almaniya və Böyük Britaniya yer alıb. Bu dövlətlər iqtisadi və hərbi potensialları ilə qlobal siyasi proseslərə təsir etmək, həmin prosesləri istiqamətləndirmək imkanına malikdir.Türkiyə, Hindistan, Avstriya, İtaliya, Qətər, Niderland, Pakistan, İspaniya, və Misir siyahıda ilk onluğa daxildir. Bu dövlətlər son illərdə iqtisadi inkişafa qədəm qoyublar ki, bu da onların hərbi gücünün artmasına və dünya siyasətində iştirak etməsinə imkan yaradıb.xeber100.com

Reklam

London Aİ vətəndaşlarına viza rejimi tətbiq edəcək

Brexitin sazişsiz baş verəcəyi təqdirdə London ölkə ərazisində üç aydan artıq qalmaq istəyən Avropa İttifaqı vətəndaşları üçün viza rejimi tətbiq edəcək.Interfax informasiya agentliyi xəbər verir ki, bunu Britaniyanın daxili işlər naziri Sacid Cavid deyib.“Biz Böyük Britaniyanın biznes üçün açıq qalmasının təmin olunması üçün praktiki yanaşma tətbiq etməli və qanun pozuntularını minimuma endirməliyik. Bu səbəbdən keçid mexanizmlərinin vaxtına məhdudiyyətlər tətbiq edəcəyik və martın 29-dan sonra Avropa İttifaqı vətəndaşlarına müvəqqəti yaşama izni verəcəyik”, - deyə nazir bildirib. Onun sözlərinə görə, belə düzəlişlər Böyük Britaniyaya son on illər ərzində ilk dəfə olaraq sərhədə tam nəzarət etmək imkanı verəcək.Sərt Brexitin baş verəcəyi təqdirdə martın 29-dan sonra Böyük Britaniyaya gələn və ölkə ərazisində 3 aydan çox qalmaq niyyətində olan Avropa İttifaqı dövlətlərinin vətəndaşlarına müvəqqəti yaşama izni veriləcək. Həmin status üç il müddətinə tətbiq olunacaq, lakin bunun üçün rüsum ödənilməli və müəyyən prosedurlar həyata keçirilməlidir.Britaniya hökuməti də ölkənin Avropa İttifaqını sazişsiz tərk etməsinə hazırlığı davam etdirir. Bu məqsədlə Cəbəllütariq, Kipr və Folklend adalarında yerləşən xarici hərbi bazalarına və ölkə ərazisində yerləşən hərbi anbarlara ərzaq məhsulları, yanacaq, ehtiyat hissələri və hərbi sursat ehtiyatı toplanılır. Müdafiə Nazirliyi indiyədək bu məqsədlə 23 milyon funt sterlinq xərcləyib.xeber100.com

Yanvar 29, 2019 12:38

Çində dünyanın ən böyük beynəlxalq aeroportu açılacaq

Bu il Çində dünyanın ən böyük beynəlxalq aeroportu - Pekinin Dasin hava limanı açılacaq.Milli.az xəbər verir ki, aeroportun binasını nüfuzlu memar Zaha Hadid layihələndirib.Nəhəng kompleksdə 80-ə yaxın çıxış olsa da, terminalın özünəməxsus forması hesabına, onun mərkəzindən uçuş-eniş zolağına aparan istənilən çıxışa bir neçə dəqiqə ərzində çatmaq olacaq.Rekord ölçüdə olan aeroport Pekinin Dasin rayonunda inşa olunur. Aviaqovşaq Pekinin mərkəzindən 46 kilometr aralıda yerləşir. Aeroportun iri nəqliyyat qovşağına çevriləcəyi bildirilir. Hava limanında aviaterminaldan başqa dəmiryolu xətlərinin qovşağı da olacaq və aeroportun altında yerləşəcək.Dasində yeddi uçuş-eniş zolağı var. Gündəlik olaraq 620 min reysi qəbul edib-göndərə bilər. Aeroport təxminən 50 kvadrat kilometr sahəni tutur. Onun inşası üçün hökumət bir neçə yaşayış məntəqəsini sökmək və əhalinin başqa rayonlara köçürmək məcburiyyətində olub.Binanın dizaynında yumşaq xətlər əslən iraqlı olan Britaniya vətəndaşı Zahi Hadidin "vizit kartı" sayılır.Ötüb keçən yüksək sürətli təyyarələrin uçuşu zamanı kompleks "çiçəyinin" vibrasiya etməməsi üçün mindən çox dempferdən istifadə olunub. Təyyarələr rahatlıqla bina üzərindən 300 km/saat sürətlə uça bilərlər; terminalda olan sərnişinlər bundan heç nə hiss etməyəcək.Aeroportun nəhəng "hörümçək toru" artıq hazırdır. Pekin Dasin tamamilə baryersiz olacaq. 2022-ci ildə XIII Qış Paralimpiya Oyunlarının iştirakçılarını qarşılayacaq.xeber100.com

Yanvar 26, 2019 17:54