Yaponiya Cənubi Koreyaya etirazını bildirib

25 Aprel 2018 14:40

Xəbər 173 dəfə oxunub

Yaponiya Xarici İşlər Nazirliyi aprelin 27-də keçiriləcək koreyalararası sammitdə təklif ediləcək şokoladın üzərindəki fotoya görə Cənubi Koreyaya etirazını bildirib.NHK telekanalı xəbər verir ki, sammit zamanı planlaşdırılan naharın menyusu Cənubi Koreya Prezidentinin ofisi tərəfindən yayılıb.Yaponiya XİN-in bildirdiyinə görə, nahar zamanı təqdim ediləcək desert üçün nəzərdə tutulan şokoladın üzərində Yapon dənizində yerləşən mübahisəli Takeşima adasının rəsmi də yerləşdirilib. Yaponiya hökumətinin qənaətinə görə, bu ada Yaponiyanın ayrılmaz tərkib hissəsidir.XİN-in Asiya və Okeaniya bürosunun rəhbəri Kenci Kanaşuqi məsələ ilə əlaqədar aprelin 24-də Cənubi Koreya səfirinin müavini ilə Tokioda görüşüb. K.Kanaşuqi bildirib ki, bu addım Yaponiya üçün dərindən kədərləndirici və qəbuledilməz aktdır. O, Cənubi Koreya tərəfini nahar vaxtı desertdən imtina etməyə çağırıb.xeber100.com

Reklam

Xarici siyasət idarələri Şərqdəki vəziyyəti müzakirə ediblər

ABŞ Suriyadan qoşunlarını çıxardıqdan sonra bu ölkədə “İslam dövləti” terrorçu qruplaşması ilə mübarizəni davam etdirəcək. Bu bəyanatı Birləşmiş Ştatların dövlət katibi Maykl Pompeo Qahirədə həmkarı Sameh Şükri ilə görüşdən sonra keçirdiyi mətbuat konfransında verib.Azərtac xəbər verir ki, Pompeonun sözlərinə görə, Suriyadan qoşunların çıxarılması ilə bağlı ABŞ Prezidenti Donald Trampın mövqeyi qətidir və bu qərar həyata keçiriləcək. Dövlət katibi əlavə edib ki, ABŞ qoşunları “İslam dövləti” terrorçu təşkilatına sarsıdıcı zərbələr endirməyə davam edəcək. Dövlət katibi deyib ki, bu terror təşkilatı hələ bir çox ölkədə fəaliyyət göstərir və bu kontekstdə ABŞ özünün Yaxın Şərqdəki müttəfiqləri ilə terrorçuluğa qarşı mübarizə sahəsində əlaqələri möhkəmlədəcək.M.Pompeo Misirin Yaxın Şərq regionunda mühüm rolunu qeyd edərək bildirib ki, Vaşinqton-Qahirə münasibətləri strateji xarakter daşıyır.ABŞ-ın dövlət katibi Misirin bir çox sahələrdə, xüsusən iqtisadiyyatda əldə etdiyi uğurları qeyd edib. O əlavə edib ki, Vaşinqtonda Əbdülfəttah əs-Sisinin rəhbərliyi altında Misirdə həyata keçirilən iqtisadi islahatları yüksək qiymətləndirirlər. Pompeo Misir liderinin etiqad azadlığı və dini tolerantlıq üzrə siyasətini xüsusi vurğulayıb.xeber100.com

Yanvar 11, 2019 12:17