“Yuventus” klubu 34-cü dəfə İtaliya çempionu adını qazanıb

14 May 2018 14:39

Xəbər 226 dəfə oxunub

“Yuventus” klubu tarixində 34-cü dəfə futbol üzrə İtaliya çempionu adını qazanıb.Azərtac xəbər verir ki, Turin komandası buna A Seriyasının sonuna bir tur qalmış nail olub. 37-ci turda səfərdə “Roma” ilə qolsuz heç-heçə edən “Qoca Sinyora” xallarını 92-yə çatdırıb. Meydan sahibləri 68-ci dəqiqədə Raca Nainqqolanın qırmızı vərəqə alması səbəbindən görüşü azlıqda başa vurublar.“Yuventus”un ən yaxın izləyicisi “Napoli” səfərdə “Sampdoriya”nı 72-ci dəqiqədə Arkadiuş Milik və 81-ci dəqiqədə Raul Albiolun qolları sayəsində 2:0 hesabı məğlub edib. Bu qələbədən sonra Neapol komandası xallarını 88-ə çatdırsa da, liderdən 4 xal geri qalıb.Nəticədə “ağ-qaralar” son turun nəticəsindən asılı olmayaraq, ardıcıl 7-ci dəfə A Seriyasının qalibi adını qazanıblar. Xallarını 74-ə çatdıran “Roma” isə bürünc medal qazanmaq şansını son tura saxlayıb.UEFA Avropa Liqasına düşmək uğrunda mübarizə aparan “Milan” və “Atalanta” üz-üzə qəlib. Oyunda hesabı qonaqlar açıblar. Yanik Kesi fərqlənib – 1:0. Matçın əsas vaxtına əlavə olunmuş birinci dəqiqədə meydan sahibləri hesabı bərabərləşdirməyə nail olublar. Masiello adını tabloya yazdırıb – 1:1. Beləliklə görüş 1:1 hesabı ilə başa çatıb.Turun digər oyunlarında aşağıdakı nəticələr qeydə alınıb:

“Bonevento” – “Genoya” – 1:0

“İnter” – “Sasuolo” – 1:2

“Bolonya” – “Kievo” – 1:2

“Fiorentino” – “Kalyari” – 0:1

“Verona” – “Udineze” – 0:1

“Torino” – “Spal” – 2:1

Beləliklə 37 turdan sonra İtaliya A Seriyasının bitməsinə bir tur qalmış çempionluğunu təmin edən “Yuventus” 92 xalla turnir cədvəlinə başçılıq edir. “Napoli” 88 xalla ikinci, “Roma” 74 xalla üçüncü, “Lazio” isə 72 xalla dördüncü sırada qərarlaşıblar.Qeyd edək ki, İtaliya çempionatının son turu mayın 19-da və 20-də keçiriləcək.xeber100.com

Reklam

UEFA Çempionlar Liqasının birinci turunda…

Sentyabrın 19-da UEFA Çempionlar Liqasının qrup mərhələsinin birinci turunda növbəti səkkiz oyun keçiriləcək.Azərtac xəbər verir ki, “E” qrupunda yer alan Almaniyanın “Bavariya” klubu səfərdə Portuqaliyanın “Benfika” komandasının qonağı olacaq. Qrupun digər qarşılaşması Hollandiyada oynanılacaq. “Ayaks” Yunanıstanın AEK klubunu qəbul edəcək.“F” qrupunda qərarlaşan “Mançester Siti” (İngiltərə) Fransanın “Lion” klubunu qəbul edəcək. “Hoffenhaym” (Almaniya) isə səfərdə Ukraynanın “Şaxtyor” klubunun qonağı olacaq.“G” qrupunda maraqla gözlənilən oyun İspaniyada baş tutacaq. “Santiaqo Bernabeo” stadionunda meydan sahibi son UEFA Çempionlar Liqasının qalibi “Real Madrid” İtaliyanın “Roma” klubunu sınağa çəkəcək. Bu klublar bu vaxtadək UEFA Çempionlar Liqasında on dəfə qarşılaşıblar. Altı oyunda Madrid təmsilçiləri, üç oyun isə romalılar üstün olublar. 2001-ci ildə keçirilən oyun isə heç-heçə başa çatıb.“Viktoriya” (Plzen, Çexiya) – MOİK (Rusiya) oyunu ilə “G” qrupunda birinci tura yekun vurulacaq.Sonuncu - “H” qrupunda yer alan İtaliyanın “Yuventus” klubu ilk dəfə olaraq yeni transferi Kriştianu Ronaldu ilə bu turnirdə meydana çıxacaq. Rəqib isə İspaniyanın “Valensiya” klubudur. Qrupun digər favoriti sayılan İngiltərənin “Mançester Yunayted” klubu səfərdə İsveçrənin “Yanq Boyz” klubu ilə münasibətlərə aydınlıq gətirəcək.Qeyd edək ki, “Ayaks” – AEK və “Şaxtyor” - “Hoffenhaym” oyunu Bakı vaxtı ilə saat 20:55-də başlayacaq. Digər qarşılaşmalar isə saat 23:00-da başlayacaq.xeber100.com

Sentyabr 19, 2018 11:22

UEFA Çempionlar Liqasının 2018/2019-cu il mövsümünə start verilir

Sentyabrın 18-dən etibarən UEFA Çempionlar Liqasının 2018/2019-cu il mövsümünə start verilir.Azərtac xəbər verir ki, dünyanın ən mötəbər klub turniri sayılan UEFA Çempionlar Liqasının C qrupunda yer alan “Liverpul” və PSG klubları üz-üzə gələcəklər. Futbolsevərlər bu iki klub arasında baş tutacaq görüşü Məhəmməd Salah və Neymar qarşılaşması kimi qiymətləndirirlər.M.Salah və Neymar ilk dəfə 2015-ci ildə “Roma” və “Barselona” oyununda üz-üzə gəliblər. Həmin görüş 1:1 hesabı ilə başa çatıb, görüşdə heç bir oyunçu fərqlənməyib.“Liverpul” və PSG UEFA Çempionlar Liqasında heç vaxt qarşılaşmayıblar. Görüş “Enfild” stadionunda keçiriləcək. C qrupunun digər qarşılaşmasında “Crevena Zvezda” Serbiyada “Napoli” klubunu qəbul edəcək.UEFA Çempionlar Liqasının birinci turunun ilk oyun günündə altı qarşılaşma baş tutacaq.A qrupunda yer alan “Brügge” (Belçika) “Borussiya” (Dortmund, Almaniya) klubunu qəbul edəcək. Qrupun favoritləri sayılan “Atletiko Madrid” (İspaniya) səfərdə “Monako” (Fransa) klubunun qonağı olacaq.B qrupunda maraqla gözlənilən oyun İtaliyada baş tutacaq. “San-Siro” stadionunda meydan sahibi “İnter” İngiltərənin “Tottenhem” klubunu qəbul edəcək. Bu klublar bu vaxta kimi UEFA Çempionlar Liqasında iki dəfə qarşılaşıblar. 2010/2011-ci ilə təsadüf edən görüşdə hər iki komanda UEFA Çempionlar Liqasının A qrupunda mübarizə aparıblar. İtaliyada keçirilən oyun 4:3 hesabı ilə “İnter”ın, İngiltərədə isə 3:1 hesabı ilə “Tottenhem”in qələbəsi ilə başa çatmışdı.Bu qrupun digər favoriti sayılan İspaniyanın “Barselona” klubu “Nou Kamp” stadionunda PSV (Hollandiya) klubunu qəbul edəcək.D qrupunda aşkar favorit yoxdur, hər dörd komanda eyni gücə malikdir. Türkiyənin bu turnirdə yeganə təmsilçisi “Qalatasaray” klubu “Türk Telekom” stadionunda Rusiya təmsilçisi “Lokomotiv”lə üz-üzə gələcək. “Şalke” (Almaniya) isə Portuqaliyanın “Portu” klubu ilə qarşılaşacaq.Qeyd edək ki, UEFA Çempionlar Liqasının B qrupunun oyunları Bakı vaxtı ilə 20:55-də, digər qrupların oyunları isə saat 23:00-da başlayacaq.xeber100.com

Sentyabr 18, 2018 12:46

Avropa çempionatının ilkin seçmə mərhələsi çərçivəsində

Futbol üzrə 19 yaşadək qızlardan ibarət Azərbaycan yığma komandası sentyabrın 22-dən 29-dək Bakıda, sentyabrın 29-dan oktyabrın 10-dək Antalyada təlim-məşq toplanışı və Avropa çempionatının ilkin seçmə mərhələsi çərçivəsində oyunlar keçirəcək.Azərtac xəbər verir ki, hazırlıq prosesinə Elvira Əsgərzadə (“Təhsil”), Sudə Topçu (“1207 Antalya Döşəməaltı Bələdiyyə Spor”, Türkiyə), Minarə Gözəlova (“Təhsil”), Ayşən Əhmadova (“Gənclik Şəki”), Cəmilə Hüseynova (“Qubek”), Həqiqət Qasımova (“Təhsil”), Lamiyə Qurbanova (“Qəbələ”), Vüsalə Seyfətdinova (“Gənclik Şəki”), Öznur Tas (“1207 Antalya Döşəməaltı Bələdiyyə Spor”, Türkiyə), Sona Rəhimova (“Təhsil”), Anna Abulaşvili (“Qəbələ”), Rövşanə Sərdarlı (“Gənclik Şəki”), Aytac Nemətova (“Təhsil”), Beyzanur Aslan (“1207 Antalya Döşəməaltı Bələdiyyə Spor”, Türkiyə), Nərmin Əhmədli (“Təhsil”), Fidan Abdurrahmanova (“Keşlə”), Bərfin Yılmaz (“Ereğli Gənc Yıldızspor”, Türkiyə), Salome Qasviani, Nino Qurqenidze (hər ikisi “Martve”, Gürcüstan) və Umnisə Əliyeva dəvət olunublar.Millimiz Avropa çempionatının ilkin seçmə mərhələsi çərçivəsində oktyabrın 3-də Türkiyə, üç gün sonra İsveçrə, oktyabrın 9-da isə Kipr seçməsi ilə qarşılaşacaq.xeber100.com

Sentyabr 18, 2018 12:40

İngiltərə Premyer Liqasının 5-ci turuna start verilib

Sentyabrın 15-də İngiltərə Premyer Liqasının 5-ci turuna start verilib.Milli.az bildirir ki, "Uembli" stadionunda keçirilən turun açılış matçında "Tottenhem" klubu "Liverpul" komandasını qəbul edib.Oyunda ilk təhlükəli vəziyyəti qonaqlar yaradıblar. Milnerin cinah ötürməsindən sonra Sadio Mane bir toxunuşla topu qapıdan keçirsə də, yan hakimin bayrağı havaya qalxdığından oyundankənar vəziyyət qeydə alınıb. Qarşılaşmanın 5-ci dəqiqəsində yenidən "Liverpul" klubunun seneqallı hücumçusu Sadio Manenin diqqət mərkəzində olub. Londonluların qapıçısı Miçel Vorm ilə təkbətək qalan Mane fürsəti əldən verib. Matçın 20-ci dəqiqəsində Məhəmməd Salah iki mərkəz müdafiəçisini arxada qoyaraq qapıya qüvvətli zərbə vurub. Amma qapıçı yenidən inamlı oyun nümayiş etdirib. Yurqen Klopun yetirmələrinin kəskin hücumları oyunun 39-cu dəqiqəsində öz bəhrəsini verib. Belə ki, Milnerin künc ötürməsini qapıçı uzaqlaşdırsa da, Jorjinyo Vijnaldum dəqiq baş zərbəsi ilə "Liverpul" klubunu hesabda önə çıxarıb. Birinci hissə "Liverpul" klubunun 1:0 hesablı üstünlüyü ilə başa çatıb.Fasilədən sonra irəli atılan meydan sahiblərinin bir neçə təhlükəli vəziyyətlərinə baxmayaraq qarşılaşmanın 54-cü dəqiqəsində "mersisayd"lılar hesab arasındaki fərqi artırıblar. Sadio Manenin cinah ötürməsini Roberto Firmino asanlıqla qapıdan keçirib - 0:2. Oyunun əsas vaxtına əlavə olunmuş ikinci dəqiqədə meydan sahibləri hesab arasındakı fərqi minimuma endiriblər. Bu dəfədə qol künc ötürməsindən sonra vurulub. Kristian Eriksenin cərimə meydançasına verdiyi ötürməni Filip Lamela dəqiq zərbə ilə tamamlayıb. Qalan dəqiqələrdə hər iki komandaların cəhdlərinə baxmayaraq hesab dəyişilməyib. Beləliklə, görüş "Liverpul" klubunun 2:1 hesablı qələbəsi ilə başa çatıb. Ardıcıl beş oyunda qalib gələn "Liverpul" 15 xalla turnir cədvəlinin birinci pilləsində qərarlaşıb. "Tottenhem" klubu isə 9 xalla beşinci yerdədir. "Liverpul" klubu beş ildir "Uembli"də "Tottenhem" komandasını məğlub edə bilmirdi.Qeyd edək ki, komandalar bu vaxtadək İngiltərə Premyer Liqasında 150 dəfə üz-üzə gəliblər. Altmış doqquz oyunda "Liverpul", 42 qarşılaşmada isə "Tottenhem" komandası üstün olub. Otuz doqquz oyun heç-heçə başa çatıb.xeber100.com

Sentyabr 15, 2018 19:56

Topaz Premyer Liqasının dördüncü turuna start veriləcək

Sentyabrın 14-də uzun sürən fasilədən sonra Topaz Premyer Liqasının dördüncü turuna start veriləcək.Azərtac xəbər verir ki, bu gün meydançaya “Qarabağ” və “Sumqayıt” komandaları çıxacaq. İnqilab Məmmədovun idarə etdiyi oyun Bakı vaxtı ilə saat 20:00-da başlayacaq.Bu komandalar Premyer Liqada indiyədək 24 dəfə qarşılaşıblar. On yeddi matçda Ağdam təmsilçisi, dörd oyunda sumqayıtlılar qələbə qazanıb, üç qarşılaşma isə heç-heçə başa çatıb. Topların fərqində də Qurban Qurbanovun yetirmələri böyük üstünlük ilə öndədir (50:12).Turun növbəti oyunu sentyabrın 15-də keçiriləcək. “Səbail” klubu “Bayıl Arena”da “Zirə” komandası ilə qarşılaşacaq. Bakı vaxtı ilə saat 20:30-da başlayacaq oyunu baş hakimi Rəşad Əhmədov idarə edəcək.Xatırladaq ki, bu komandalar indiyədək dörd dəfə qarşılaşıblar. Üçün oyunda “Zirə” qalib gəlib, bir matçda isə heç-heçə qeydə alınıb.Çempionatın debütantı “Sabah” klubunu bu turda ağır sınaq gözləyir. Komanda doğma meydanda - “Əlincə Arena”da “Qəbələ” klubunu qəbul edəcək. Görüş Bakı vaxtı ilə saat 19:00-da başlayacaq.Dördüncü tura derbi oyunu ilə yekun vurulacaq. İki paytaxtın iki təmsilçisi “Neftçi” və “Keşlə” üz-üzə gələcəklər. “Bakcell Arena”da baş tutacaq oyunu Ramil Diniyev idarə edəcək. Qarşılaşma Bakı vaxtı ilə saat 21:00-da başlayacaq.“Ağ-qara”lar və keşləlilər bu vaxta kimi Topaz Premyer Liqasında 55 oyunda üz-üzə gəliblər. Bu oyunların 27-si “Neftçi”nin, 14 oyun isə “Keşlə” klubunun qələbəsi ilə başa çatıb, 14 qarşılaşma heç-heçə qurtarıb.Qeyd edək ki, turun bütün görüşləri “CBC Sport” kanalında canlı yayımlanacaq.xeber100.com

Sentyabr 14, 2018 12:53