5G şəbəkəsi üçün 4300 baza stansiyası quraşdırılıb

11 İyun 2019 15:57

Xəbər 180 dəfə oxunub

Çin paytaxtında 5-ci nəsil mobil rabitə şəbəkəsi (5G) xidmətlərinin göstərilməsi üçün indiyədək 4300 baza stansiyası quraşdırılıb.Azərtac Pekin meriyasının kommunikasiya bürosuna istinadla xəbər verir ki, artıq may ayının sonunda Çin paytaxtının bəzi hissələrində, o cümlədən “Pekin Ekspo 2019” beynəlxalq botanika sərgisinin ərazisində, “Dasin” aeroportunda, 2022-ci il Qış Olimpiya Oyunlarının keçiriləcəyi idman məkanlarında, habelə paytaxtın mərkəzindəki Tiananmen meydanında ilkin 5G xidmətlərinin göstərilməsi üçün baza stansiyaları qurulub. Bildirilir ki, 2021-ci ilədək işgüzar rayon, iqtisadi-texniki inkişaf zonası da daxil olmaqla, Pekinin əsas hissələri 5G şəbəkəsi ilə əhatə olunacaq.Qeyd edək ki, iyunun 6-da Çinin Sənaye və İnformasiya Texnologiyaları Nazirliyi 5G üzrə kommersiya xidmətlərinin göstərilməsi üçün “China Mobile”, “China Telecom” və “China Unicom” mobil rabitə operatorlarına, habelə “China Broadcasting Network”a müvafiq lisenziyalar təqdim edib.Çinin mobil rabitə operatorları qarşıdakı 5 il ərzində 5G şəbəkəsinə 220 milyard ABŞ dolları sərf edəcəklər. Cari il ərzində isə bu xərclər 5 milyard dollara çatacaq. İl ərzində “China mobile” 50 minə yaxın, “China Telecom” isə 20 min baza stansiyası quraşdırmağı hədəfləyib. Proqnozlara görə, 2025-ci ilədək Çində 5G istifadəçilərinin sayı 460 milyona çatacaq ki, bu da dünyada ən böyük 5G bazarı olacaq.xeber100.com

BMT Baş Assambleyası 74-cü sessiyasının ilk plenar iclası keçiriləcək

Sentyabrın 24-də Nyu-Yorkda dünya ölkələri liderlərinin iştirakı ilə BMT Baş Assambleyası 74-cü sessiyasının ilk plenar iclası keçiriləcək.Azərtac təşkilatın saytına istinadla xəbər verir ki, BMT Baş Assambleyası 74-cü sessiyasının sədri Ticani Məhəmməd-Bəndə ölkələr arasında etimadsızlığı azaltmağa çağırıb. O deyib: “Gələn il biz Birləşmiş Millətlər Təşkilatının yaradılmasının 75 illik yubileyini qeyd edəcəyik. Bu münasibətlə qarşımızda ölkələr arasında etimadsızlığı azaltmaq istiqamətində unikal imkan meydana çıxıb. Bizim hamımızın eyni hədəflərimiz var və bu səbəbdən birgə fəaliyyət göstərməkdən başqa yolumuz yoxdur. Qurucu atalarımızın ideyalarını həyata keçirmək üçün təşkilatda biganəliyə və qətiyyətsizliyə son qoymalıyıq”.BMT-nin Baş Assambleyası təşkilatın yeganə orqanıdır ki, burada hər bir üzv dövlət bərabər təmsilçiliyə malikdir. Məşvərətçi orqan olan Baş Assambleyada mühüm məsələlər üzrə - sülh və təhlükəsizliyə dair tövsiyələr, Təhlükəsizlik Şurasının üzvlərinin seçilməsi qərarları üçdəiki səs çoxluğu ilə, digərləri isə sadə səs çoxluğu ilə qəbul edilir. Assambleyada hər bir dövlət bir səsə malikdir, BMT-yə üzvlük haqqını ödəməyən dövlətlərə də səsvermədə iştirak etmək hüququ verilə bilər.Bundan əvvəlki – Baş Assambleyanın 73-cü sessiyasının sədri Mariya Fernanda Espinosa olub.xeber100.com

Sentyabr 21, 2019 19:22

Nüvə reaktorunun inşası müzakirə ediləcək

Sentyabrın 14-də ABŞ-ın Enerji naziri Rik Perri ilə Səudiyyə Ərəbistanın yeni Enerji naziri, şahzadə Əbdüləziz bin Salman arasında Krallığın ərazisində nüvə reaktorunun inşasının müzakirə edilməsi gözlənilirdi. Lakin ABŞ rəsmiləri bu gün bəyan ediblər ki, görüş Beynəlxalq Atom Enerjisi Agentliyinin gələn həftə Vyanada keçiriləcək iclası çərçivəsində baş tutacaq. Rik Perri sentyabrın 14-də keçirdiyi mətbuat konfransında bəyan edib ki, səudiyyəli həmkarı ilə nüvə reaktorunun inşası məsələsini müzakirə edəcək.Azərtac CNN telekanalının saytına istinadla xəbər verir ki, Səudiyyə Ərəbistanı bugünədək uranın zənginləşdirilməsi və plutoniumun təkrar emalı üzrə tədqiqatların aparılmasına səy göstərib. Əbdüləziz bin Salman bildirib ki, onun ölkəsi bu məqsədlə xüsusi proqram hazırlayıb və ABŞ ilə müvafiq sazişin şərtlərini, habelə Amerika şirkətlərinin bu prosesdə rolunu qiymətləndirir. Ötən həftə bəyanatla çıxış edən vəliəhd şahzadə Məhəmməd bin Salman isə vurğulayıb ki, Səudiyyə Ərəbistanı nüvə silahına malik olmaq istəmir, lakin onun regiondakı rəqibi İranın bu silahı əldə edəcəyi təqdirdə həmin variantı da nəzərdən keçirəcək.İranla bağlı məsələyə toxunan Rik Perri bəyan edib ki, ABŞ İranın neft ixracına qarşı sərt sanksiyaların tətbiq edilməsini davam etdirəcək. “İran dünyanın yaxşı vətəndaşı olmağın qaydalarını yaxşı bilir, amma bugünkü davranışlarını davam etdirsə, o zaman Birləşmiş Ştatlar daha sərt və ciddi tədbirlərə əl atacaq”, -deyə amerikalı nazir əlavə edib.xeber100.com

Sentyabr 14, 2019 22:17