“AzerGold” Qapalı Səhmdar Cəmiyyəti “Təqaüd proqramı” müsabiqəsini elan edir

“AzerGold” Qapalı Səhmdar Cəmiyyəti (QSC) və Peşə Təhsili üzrə Dövlət Agentliyi (PTDA) arasında təsdiq olunmuş Fəaliyyət Planına uyğun olaraq peşə təhsili müəssisələrində sənaye və dağ-mədən istiqaməti üzrə təhsil alan tələbələr üçün növbəti “Təqaüd proqramı” layihəsinin icrasına başlanılır. QSC-dən bildirilib ki, dağ-mədən sahəsində ixtisaslı kadr hazırlığına dəstək vermək məqsədilə təsis edilən təqaüd Sənaye və Texnologiyalar üzrə Gəncə Dövlət Peşə Təhsil Mərkəzində təhsil alan tələbələr arasında keçiriləcək müsabiqənin nəticələri əsasında təqdim olunacaq. Müsabiqədə tam orta təhsil bazasından sözügedən peşə təhsili mərkəzlərinə qəbul olunan və 2023-2024-cü tədris ili üzrə “Torna və frezer dəzgahlarının operatoru”, “Çilingər-santexnik”, “Dağ-mədən işləri üzrə mütəxəssis”, “Elektrik xətlərinin quraşdırılması və təmiri üzrə mütəxəssis”, “Elektrik qaz qaynaqçısı” və “Təmirçi-çilingər” ixtisasları üzrə təhsil alacaq tələbələr iştirak edəcəklər. Münsiflər heyəti tərəfindən aparılan qiymətləndirmə zamanı müvafiq olaraq ən yüksək nəticə göstərən 10 namizəd qalib qismində elan olunacaq. Müsabiqəni uğurla keçmiş tələbələr müvafiq təltifnamə və hər tələbə üçün 9 ay müddətində olmaqla hər ay 200 AZN olmaqla təsis edilmiş təqaüd əldə edəcəklər. Bununla, tələbələr “AzerGold” QSC-də istehsalat təcrübəsi keçmək və gələcəkdə karyeralarını dağ-mədən sənayesində qurmaq fürsəti qazanacaqlar. Xatırladaq ki, peşə təhsili müəssisələrində sənaye və dağ-mədən istiqaməti üzrə təhsil alan tələbələr üçün “Təqaüd proqramı” layihəsi 2021-ci ildən təşkil edilir. Daha öncə peşə təhsili üzrə keçirilən 2 təqaüd layihəsində qalib olan ümumilikdə 27 nəfər tələbədən 4 nəfəri “AzerGold” QSC-də işlə təmin edilib. Qeyd edək ki, “AzerGold” QSC və PTDA arasında əməkdaşlığın əsasını 2020-ci il mayın 19-da qurumlar arasında metal filizi yataqlarının öyrənilməsi, tədqiqi, kəşfiyyatı, qiymətli və nəcib metalların hasilatı, emalı və satışı üzrə ehtiyac duyulan peşə təhsilli ixtisaslı kadrların hazırlanması istiqamətində birgə fəaliyyətlə bağlı imzalanmış Anlaşma Memorandumu təşkil edir.xeber100.com

İqtisadi Əməkdaşlıq Təşkilatının turizm nazirlərinin görüşü keçiriləcək

Bu il oktyabrın birinci yarısında İranın Ərdəbil şəhərində İqtisadi Əməkdaşlıq Təşkilatının (ECO) turizm nazirlərinin görüşü keçiriləcək. İranın İRNA agentliyi bildirir ki, bu barədə Ərdəbil vilayətinin valisi (ostandarı) Seyid Həmid Amili məlumat verib. O qeyd edib ki, görüşdə üzv dövlətlərin turizm sahəsindəki əlaqələrini genişləndirmək, bu sahəyə qarşılıqlı investisiya yatırmaq, insanların qarşılıqlı səfərlərini asanlaşdırmaq və digər məsələlər müzakirə olunacaq. Qeyd edək ki, ECO iqtisadi və ticarət əlaqələrini artırmaq məqsədilə 1985-ci ildə İstanbulda Türkiyə, İran və Pakistan tərəfindən yaradılıb. SSSRİ dağıldıqdan sonra -1992-ci il noyabrında daha 7 ölkənin - Azərbaycan, Əfqanıstan, Qazaxıstan, Qırğızıstan, Özbəkistan, Tacikistan və Türkmənistanın da təşkilata daxil olması ilə ECO üzvlərinin sayı 10-a çatdı. ECO-nun kənd təsərrüfatı sahəsi, sənaye əməkdaşlığı, nəqliyyat və rabitə, infrastruktur və ictimai işlər, elm, təhsil və mədəniyyət, energetika, narkotik maddələrin yayılmaması məsələləri üzrə fəaliyyət göstərən 8 texniki komitəsi var. Komitələr ildə bir dəfə toplanır. ECO Nazirlər Şurası da ildə ən azı bir dəfə yığıncaq keçirir. Təşkilat 1993-cü ildə BMT-də, 1994-cü ildə isə İslam Əməkdaşlıq Təşkilatında müşahidəçi statusu alıb. ECO-nun mənzil-qərargahı Tehran şəhərindədir. Azərbaycanın İrandakı səfiri, eyni zamanda, ölkəmizin ECO-da daimi nümayəndəsidir.xeber100.com

Rəşt-Astara dəmir yolu xəttinin çəkilməsi ilə əlaqədar danışıqlar davam edir

Rəşt-Astara dəmir yolu xəttinin çəkilməsi ilə əlaqədar Rusiya və İran arasında danışıqlar davam edir. Cari ilin sonuna kimi İran ilə Rusiya arasında yolunun tamamlanmasına sərmayə yatırılması haqqında müqavilə imzalanacaq.Bu barədə məlumatı İranın Yol və şəhərsalma nazirinin müavini Abbas Xətibi verib. O bildirib ki, 160 kilometrlik Rəşt-Astara dəmir yolunun tikintisinin başa çatdırılması üçün 1 milyard avro vəsait lazımdır. Bunu da İran ilə Rusiya sərmayə kimi yolun inşaasına yatıracaqlar. Cari ilin may ayında İran ilə Rusiya arasında Rəşt-Astara dəmir yolunun tikilib başa çatdırılmasına dair anlaşma memorandumu imzalanıb. Müqaviləyə əsasən, Rusiya tikintiyə sərmayə yatırmalı, elektrik xətlərini çəkməli və bir sıra digər işləri həyata keçirməlidir. Qeyd edək ki, Rəşt-Astara yolu Şimal-Cənub Beynəlxalq Nəqliyyat Dəhlizinə daxil olan Qəzvin-Rəşt-Astara (İran) –Astara (Azərbaycan) dəmir yolunun bir hissəsidir. Yüklər Hindistan və Cənub Şərqi Asiyanın digər ölkələrindən İranın Çabahar və Bəndər Abbas limanlarına gətiriləcək. Buradan isə Qəzvin-Rəşt-Astara (İran)-Astara (Azərbaycan) dəmir yolu və Azərbaycandan tranzit keçməklə Rusiyaya, eləcə də əks istiqamətə daşınacaqxeber100.com

Energetika sahəsi üzrə fəaliyyət növləri müəyyənləşir

Azərbaycanda energetika sahəsində 10 fəaliyyət növü olacaq. Bu, Milli Məclisə daxil olmuş "Energetika haqqında" yeni qanun layihəsində öz əksini tapıb. Sənədə əsasən, həmin fəaliyyət növləri aşağıdakılardır: - enerji resurslarının kəşfiyyatı; - enerji resurslarının işlənməsi və hasilatı; - enerji resurslarının emalı; - enerjinin istehsalı; - enerjinin saxlanılması; - enerjinin nəqli (ötürülməsi); - enerjinin paylanması; - enerjinin idxalı və ixracı; - enerjinin topdan və (və ya) pərakəndə satışı; - təbii qaz və elektrik enerjisi bazarlarının fəaliyyətinin təşkili.xeber100.com

ABŞ Rusiya gübrələrinin alışını rekord səviyyəyə – 944 milyon dollara çatdırıb

Yanvar-iyul aylarında ABŞ Rusiya gübrələrinin alışını rekord səviyyəyə – 944 milyon dollara çatdırıb. Bu barədə “RİA Novosti” məlumat yayıb. Əvvəlki ən yüksək göstərici keçən il, yeddi ay ərzində alışların dəyəri 900 milyon dollara çatanda qeydə alınıb. Bu il ixracın dəyəri 5 % artıb. Eyni zamanda, iyulda alışlar iyun ayı ilə müqayisədə üç dəfə, illik ifadədə isə, demək olar, 40 % azalaraq 54,4 milyon dollar təşkil edib. Bu, 2021-ci ilin avqustundan bəri minimumdur. Rusiya bu il ABŞ-nin ikinci ən böyük gübrə tədarükçüsü olub. Birinci yerdə yeddi ayda 2,8 milyard dollar dəyərində gübrə tədarük edən Kanadadır. İlk beşliyə həmçinin Səudiyyə Ərəbistanı (484,4 milyon dollar), İsrail (216 milyon dollar) və Qətər (214,2 milyon dollar) daxildir. Ümumilikdə, ABŞ bu ilin yanvar-iyul aylarında gübrə idxalını 22 % azaldaraq 6 milyard dollara çatdırıb. Eyni zamanda, bu kateqoriya üzrə amerikan ixracı da 36 % azalaraq 3,4 milyard dollara düşüb.xeber100.com

Azərbaycan neftçiləri gününə həsr edilən “Neft Buruğu” art-obyektinin açılışı olub

Rusiyanın paytaxtı Moskvada Azərbaycan neftçiləri gününə həsr edilən "Neft Buruğu” art-obyektinin açılışı olub. Rusiya bürosu xəbər verir ki, "SOCAR-RUS" tərəfindən Xalq Təsərrüfatı Nailiyyətləri Sərgi Mərkəzindəki "Azərbaycan" pavilyonunda qoyulan art-obyektin açılışı Moskva gününə həsr olunan tədbir çərçivəsində baş tutub. Pavilyonun direktoru Səadət Kadırova "Neft Buruğu" art-obyektinin pavilyonun qonaqlarının heyranlığına səbəb olduğunu deyib. "Azərbaycanın əsas sərvətlərindən biri neftdir. Biz bu sənət obyektini 20 sentyabrda qeyd olunan Azərbaycan Neftçiləri Günü ərəfəsində Moskva sakinləri və qonaqlarına təqdim etməkdən çox məmnunuq”. Bayram tədbiri çərçivəsində ziyarətçilərə Azərbaycan xalq rəqsləri, “Məhəndi” ənənəvi xına rəsmləri üzrə ustad dərsləri, milli rəqslər üzrə təlimlər, pavilyonla bağlı tematik ekskursiyalar, Azərbaycan pavilyonunun və tərəfdaşlarının hədiyyəli viktorinaları təqdim olunub. Həmçinin mini yarmarkada qonaqlara kəklikotu, hil və mixəkli ənənəvi Azərbaycan çayı təqdim edilib.xeber100.com

“Brent” markalı neftin bir barelinin qiyməti 0,73 dollar artıb

Dünya birjalarında neft qiymətləri bahalaşıb. Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,73 dollar artaraq 90,65 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,64 dollar bahalaşaraq 87,51 dollar təşkil edib.xeber100.com

Azərbaycan Yerüstü Nəqliyyat Agentliyinin məlumatı

Azərbaycan Yerüstü Nəqliyyat Agentliyindən (AYNA) bildirilib ki, gecikmələr aşağıdakı istiqamətlər üzrə müşahidə edilir. 1.“Moskva prospekti” – “20 Yanvar” dairəsi istiqamətində 2, 7A, 13, 14, 18, 29, 67, 83, 92, 96, 114A, 114B, 119, 135 və 199 nömrəli müntəzəm marşrut xətlərindəki avtobuslararası 12-15 dəqiqə gecikmə müşahidə olunur. 2.Tbilisi prospekti – hər iki istiqamətdə 2, 13, 65 və 79 nömrəli müntəzəm marşrut xətlərindəki avtobuslararası intervallarda 13-16 dəqiqə gecikmə var. 3.Akademik Həsən Əliyev küçəsi – Hər iki istiqamətdə (Tbilisi prospekti və Koroğlu Rəhimov küç) sıxlıq yaranıb. Bu səbəbdən də həmin ərazidən keçən 6, 13, 61, 83 nömrəli müntəzəm marşrut xətlərindəki avtobuslararası intervallarda 15-17 dəqiqə gecikmə müşahidə olunur. 4.Koroğlu Rəhimov küçəsi – Hər iki istiqamətdə sıxlıq. Bu səbəbdən həmin ərazidən keçən 13 nömrəli müntəzəm marşrut xəttindəki avtobuslararası intervallarda 13-15 dəqiqə gecikmə qeydə alınır. 5.Ziya Bünyadov prospektinin, Müzəffər Nərimanov küçəsi ilə kəsişməsindən başlayaraq köməkçi yol, eyni zamanda, M.K.Atatürk prospekti ilə kəsişməsindən Azadlıq prospekti ilə kəsişməsinə qədər olan hissə - köməkçi yolda 20 Yanvar dairəsi istiqamətində, eyni zamanda, əks istiqamətdə 7A, 7B, 11, 24, 67, 71, 85 və 199 nömrəli müntəzəm marşrut xətlərindəki avtobuslararası intervallarda 13-18 dəqiqə gecikmə müşahidə olunur. 6.Binəqədi şosesi – hər iki istiqamətdə sıxlıq yaranıb. Bu səbəbdən də həmin ərazidən keçən 71, 79, 133, 165, 179, 202 nömrəli müntəzəm marşrut xətlərindəki avtobuslararası intervallarda 14-17 dəqiqə gecikmə var. 7.Bakıxanov küçəsindən keçən 3 və 17 nömrəli müntəzəm xətlərindəki avtobuslararası intervallarda 9-12 dəqiqə gecikmə müşahidə olunur. 8.Xocalı prospekti - Yusif Səfərov küçəsi istiqamətində 4, 10, 21, 30, 32, 46, 49 nömrəli müntəzəm xətlərindəki avtobuslararası intervallarda 15-18 dəqiqə gecikmə müşahidə edilir. 9.28 May küçəsi, Azadlıq prospekti, Zərifə Əliyeva küçəsi, Neftçilər prospekti – “Azneft” dairəsi istiqamətində 5, 18, 88 və 125 nömrəli müntəzəm xətlərindəki avtobuslararası intervallarda 10-15 dəqiqə gecikmə müşahidə olunur. 10. Dilarə Əliyeva küçəsi hər iki istiqamətdə 1, 2, 14, 21, 30, 32, 49 və 88A nömrəli müntəzəm xətlərindəki avtobuslararası intervallarda 11-16 dəqiqə gecikmə var. 11.Qara Qarayev prospekti– hər iki istiqamətdən Dakar dairəsi istiqamətinə (avtobus zolağının olmasına baxmayaraq digər nəqliyyat vasitələri zolağın tələbini pozurlar) 7A, 11, 15, 30, 35, 40, 44, 49, 51, 62, 64 və 81 nömrəli müntəzəm marşrut xətlərindəki avtobuslararası intervallarda 15-21 dəqiqə gecikmə müşahidə olunur.xeber100.com

“Heydər Əliyevin kənd təsərrüfatının inkişafında rolu” mövzusunda tədbir keçirilib

Naxçıvan Muxtar Respublikasında Ümummilli Lider Heydər Əliyevin 100 illik yubileyinə həsr olunmuş “Heydər Əliyevin kənd təsərrüfatının inkişafında rolu” mövzusunda tədbir keçirilib. Kiçik və Orta Biznesin İnkişafı Agentliyindən (KOBİA) bildirilib ki, Naxçıvan Muxtar Respublikasının Kənd Təsərrüfatı Nazirliyinin təşkilatçılığı ilə keçirilən tədbirdə müxtəlif dövlət qurumlarının nümayəndələri və sahibkarlar iştirak ediblər. Tədbirdə Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov Ulu Öndər Heydər Əliyevin ölkəmizdə iqtisadiyyatın bütün sahələrində olduğu kimi kənd təsərrüfatının inkişafı istiqamətində müstəsna xidmətlərindən danışıb. KOBİA sədri, həmçinin agentliyin kənd yerlərində sahibkarlığın və KOB-ların inkişafına dəstək tədbirləri barədə məlumat verib. Bildirilib ki, Agentlik regionlarda sahibkarlıq fəaliyyətini və aqrar sahədə məşğulluğu təşviq edir, gənclərin biznes fəaliyyətinə cəlb olunması və sahibkar kimi formalaşmasına dəstək istiqamətində tədbirlər görür. Bunun üçün KOBİA-nın müxtəlif dəstək alətləri mövcuddur.xeber100.com  

Azərbaycan Avtomobil Yolları Dövlət Agentliyinin məlumatına görə…

İntensiv yağıntılar nəticəsində yaranan sel sularının İsmayıllı-Lahıc avtomobil yolunun (15.8, 17.2 və 18.6 km-lik hissələrdə) hərəkət hissəsinə özü ilə bərabər lil və qaya parçaları gətirərək avtonəqliyyat vasitələrinin fasiləsiz və təhlükəsiz hərəkətində yaratdığı problemlər aradan qaldırılıb. Bu barədə Azərbaycan Avtomobil Yolları Dövlət Agentliyi məlumat yayıb. Bildirilir ki, aparılan təxirəsalınmaz işlər nəticəsində sözügedən yolda avtonəqliyyat vasitələrinin hərəkəti tam bərpa edilib.xeber100.com

“ICE Futures” birjası: Avropada təbii qazın birja qiymətləri 1,6 % düşüb

Avropada təbii qazın birja qiymətləri 1,6 % düşüb. Londonun “ICE Futures” birjası xəbər verir ki, Avropanın ən likvid habı olan TTF-də (Niderland) təbii qazın oktyabr fyuçerslərinin qiyməti günə 388,1 ABŞ dolları ilə (+3,5 %) başlasa da, sonradan 369 ABŞ dollarına (-1,6 %) qədər düşüb. Kotirovkaların dinamikası əvvəlki ticarət gününün hesablaşma qiymətinə - hər 1000 kubmetr üçün 374,9 ABŞ dollarına əsaslanır.xeber100.com

Qaradağ və Binəqədi rayonlarının bir hissəsində qaz təchizatı dayandırılacaq

"Azəriqaz" İB Qaradağ və Binəqədi sakinlərinə müraciət edib. İB-dən bildirilib ki, sentyabrın 4-ü saat 10:00-dan Qaradağ rayonu, Sahil qəsəbəsində qaz xəttinin kipliyə sınaq olunması, həmçinin “Tbilisi prospekti” ölçü qovşağından qidalanan “Motodrom” əhali qaz kəməri üzərində və Biləcəri qəsəbəsi, Y.Hüseynov küçəsində istismara yararsız siyirtmənin yenisi ilə əvəz olunması məqsədilə qaz təchizatı dayandırılacaq. Təmir-quraşdırma işləri aparılan zaman Qaradağ rayonu, Sahil qəsəbəsinin tam olaraq və Binəqədi rayonu, Motodrom ərazisinin, eləcə də Biləcəri qəsəbəsinin bir hissəsinin qaz təchizatında müvəqqəti fasilə yaranacaq.xeber100.com

Çinin paytaxtı Pekində “Azərbaycan Ticarət Evi” fəaliyyətə başlayıb

Çinin paytaxtı Pekində “Azərbaycan Ticarət Evi” fəaliyyətə başlayıb. Ticarət evinin açılış mərasimində hər iki ölkənin rəsmi şəxsləri, sahibkarlar, Çində akkreditə olunan diplomatik korpusun nümayəndələri iştirak ediblər. Azərbaycan Respublikası Prezidentinin müvafiq tapşırığının icrası olaraq İqtisadiyyat Nazirliyi tərəfindən yaradılmış “Azərbaycan Ticarət Evi” “Made in Azerbaijan” brendinin Çin bazarında daha çox tanıdılmasına, Azərbaycan məhsullarının ixracının təşviqi və genişləndirilməsinə dəstək göstərəcək, bu sahədə əlaqələndirməni həyata keçirəcək. Tədbirdə iştirak edən iqtisadiyyat naziri Mikayıl Cabbarov Azərbaycanın Çində sayca 4-cü ticarət evinin ticarət və mədəni mübadilə üçün dinamik platforma rolunu oynayacağını vurğulayıb. Azərbaycanın Çindəki Ticarət Nümayəndəliyinin bu kontekstdə uğurlu fəaliyyəti qeyd edilib. Bildirilib ki, Çindəki digər ticarət evləri ölkənin tanınmış şəhərlərindən olan Çindao, Çengdu və Canciaciyedə uğurla fəaliyyət göstərir. Bundan əlavə, Azərbaycanın Şanxay, Harbin, Cinan və Uhanda 4 ticarət bölməsi, Urumçi və Şanxayda isə 3 “Azərbaycan şərab evi” var. Asiya regionu daxilində Çin bazarı şərab məhsullarının əsas istehlakçısı kimi Azərbaycan üçün böyük potensial təklif edir. Qeyd olunub ki, xaricdə, xüsusən də Çində Azərbaycan ticarət evlərinin yaradılması müsbət nəticələr verib, yerli məhsullarımızın tanıdılmasına, ixracın artmasına, “Made in Azerbaijan” brendinin səmərəli nümayişinə şərait yaradıb. Digər ticarət evlərində olduğu kimi bu ticarət evində də Azərbaycanın zəngin mədəni irsinə, turizm potensialına, iqtisadi imkanlarına və sərmayə mühitinə aid materiallar nümayiş olunur. Burada, ticarət evi ilə yanaşı, Azərbaycan təamlarının təklif olunduğu restoran da fəaliyyət göstərir.xeber100.com

“Azərbaycan Hava Yolları”: İstanbul-Bakı aviareysi təxirə salınıb

"Azərbaycan Hava Yolları" aviaşirkətinin ötən gün J2-078 İstanbul-Bakı marşrutu üzrə planlaşdırdığı reysin icrası təyyarənin göyərtəsindəki kompüter sistemində yaranmış nasazlıq səbəbindən təxirə salınıb. AZAL-dan bildirilib ki, texniki xidmət işçilərinin problemi dərhal həll etməyə çalışmalarına baxmayaraq, bu proses əlavə vaxt tələb edib. Reysin bu gün günorta saatlarında yerinə yetirilməsi planlaşdırılır. Qeyd edək ki, bu reyslərin sərnişinləri hoteldə yerləşdirilib və aviaşirkətin qaydalarına uyğun olaraq içki və qidalanma daxil olmaqla, zəruri vasitələrlə təmin ediliblər.xeber100.com  

Mərkəzi Bank USD/AZN rəsmi məzənnəsini açıqlayıb

Azərbaycan Mərkəzi Bankı (AMB) sentyabrın 1-də olan USD/AZN rəsmi məzənnəsini açıqlayıb. AMB-dan bildirilib ki, bankın sentyabrın 1-nə USD/AZN rəsmi məzənnəsi 1,7000 səviyyəsində müəyyən olunub.xeber100.com

Azərbaycan Yerüstü Nəqliyyat Agentliyi: Marşrut xətlərində gecikmələr yaranıb

Bu gün axşam pik saatlarında küçə və prospektlərdə olan sıxlıqlarla əlaqədar marşrut xətlərində gecikmələr yaranıb. Azərbaycan Yerüstü Nəqliyyat Agentliyindən (AYNA) bildirilib ki, aşağıdakı istiqamətlər üzrə gecikmələr müşahidə edilir: 1. Bakı-Sumqayıt şosesi - Bakı Beynəlxalq Avtovağzal Kompleksi - Moskva prospekti - 20 Yanvar dairəsi istiqamətində 2, 7A, 13, 14, 18, 29, 67, 83, 92, 96, 114A, 114B, 119, 135 və 199 nömrəli müntəzəm marşrut xətlərindəki avtobuslararası 20-22 dəqiqə gecikmə müşahidə olunur. 2. 3-cü mikrorayon dairəsi istiqamətində - Ceyhun Səlimov küçəsi, Rövşən Cəfərov küçəsi, Cavadxan küçəsi, Asif Məhərrəmov küçələrindən keçən 7A, 7B, 9, 61, 67, 79, 83, 85, 92, 119, 135, 165, 199 və 211 nömrəli müntəzəm xətlərdəki avtobuslararası intervallarda gecikmə 17-20 dəqiqədir. 3. Ziya Bünyadov prospektinin, Müzəffər Nərimanov küçəsi ilə kəsişməsindən başlayaraq köməkçi yol, eyni zamanda, M.K.Atatürk prospekti ilə kəsişməsindən Azadlıq prospekti ilə kəsişməsinə qədər olan hissə - köməkçi yolda 20 Yanvar dairəsi istiqamətində, eyni zamanda, əks istiqamətdə 7A, 7B, 11, 24, 67, 71, 85 və 199 nömrəli müntəzəm marşrut xətlərindəki avtobuslararası intervallarda 22-24 dəqiqə gecikmə var. 4. Tbilisi prospekti – 20 Yanvar dairəsi və şəhər istiqamətində 2, 13, 65 və 79 nömrəli müntəzəm marşrut xətlərindəki avtobuslararası intervallarda 16-18 dəqiqə gecikmə müşahidə olunur. 5. Heydər Əliyev prospekti - şəhər istiqamətində (Bağırov körpüsü, Heydər Əliyev Mərkəzinə qədər) sıxlıq yaranıb. Bu səbəbdən də həmin ərazidən keçən 1, 2, 38, M8 nömrəli müntəzəm marşrut xətlərindəki avtobuslararası intervallarda 12-14 dəqiqə gecikmə qeydə alınır. 6. Babək prospekti – şəhər istiqamətində 30, 49 nömrəli müntəzəm marşrut xətlərindəki avtobuslararası intervallarda 14-16 dəqiqə gecikmə müşahidə olunur. 7. Mikayıl Useyinov küçəsi - Azneft meydanı istiqamətində (avtobus zolağının olmasına baxmayaraq, digər nəqliyyat vasitələri zolağın tələbini pozurlar) 5, 6, 53, 88, 125 və 205 nömrəli müntəzəm marşrut xətlərindəki avtobuslararası intervallarda 20-22 dəqiqə gecikmə müşahidə edilir. 8. Şah İsmayıl Xətai prospekti-Təhsil Nazirliyi istiqamətində sıxlıq müşahidə olunur. Bu səbəbdən də həmin ərazidən keçən 11 və 199 nömrəli müntəzəm marşrut xətlərindəki avtobuslararası intervallarda 16-17 dəqiqə gecikmə var. 9. Zabrat şosesi – Maştağa qəsəbəsi istiqamətində 40, 131, 163, 216, 217 və M8 nömrəli müntəzəm marşrut xətlərindəki avtobuslararası intervallarda 13-15 dəqiqə gecikmə müşahidə olunur. 10. Binəqədi şosesi – Binəqədi istiqamətində də sıxlıq yaranıb. Bu səbəbdən də həmin ərazidən keçən 71, 79, 133, 165, 179, 202 nömrəli müntəzəm marşrut xətlərindəki avtobuslararası intervallarda 16-18 dəqiqə gecikmə qeydə alınır. 11. Qara Qarayev prospekti - hər iki istiqamətdə 7A, 11, 15, 30, 35, 40, 44, 49, 51, 62, 64, 81, E1 nömrəli müntəzəm marşrut xətlərindəki avtobuslararası intervallarda 10-12 dəqiqə gecikmə müşahidə olunur. 12. Abdulla Şaiq küçəsi - İnşaatçılar prospekti - Bakıxanov küçəsindən keçən 3, 17, 14, 37 və 96 nömrəli müntəzəm xətlərindəki avtobuslararası intervallarda 8-10 dəqiqə gecikmə var. 13. Xocalı prospekti - Yusif Səfərov küçəsi, Heydər Əliyev prospekti istiqamətində 1, 2, 4, 10, 21, 30, 32, 46, 49 nömrəli müntəzəm və E1 ekspres marşrut xətlərindəki avtobuslararası intervallarda 16-18 dəqiqə gecikmə müşahidə olunur. 14. 28 May küçəsi, Azadlıq prospekti, Zərifə Əliyeva küçəsi, Neftçilər prospekti - Azneft dairəsi istiqamətində 5, 18, 88 və 125 nömrəli müntəzəm xətlərindəki avtobuslararası intervallarda 12-14 dəqiqə gecikmə qeydə alınır. 15. Afiyəddin Cəlilov küçəsi – Yusif Səfərov küçələrinin kəsişməsindən keçən 1, 2, 4, 10, 30, 32, 46, 49 nömrəli müntəzəm marşrut xətlərindəki avtobuslararası intervallarda 11-12 dəqiqə gecikmə müşahidə olunur. 16. Badamdar şosesi, Mikayıl Müşfiq küçəsi, Parlament prospekti istiqamətində 3, 29, 31, 53 və 206 nömrəli müntəzəm marşrut xətlərindəki avtobuslararası intervallarda 13-15 dəqiqə gecikmə var. 17. Akademik Həsən Əliyev küçəsi – hər iki istiqamətdə (Tbilisi prospekti və Koroğlu Rəhimov küç.) sıxlıq yaranıb. Bu səbəbdən də həmin ərazidən keçən 6, 13, 61, 83 nömrəli müntəzəm marşrut xətlərindəki avtobuslararası intervallarda 13-15 dəqiqə gecikmə müşahidə olunur.xeber100.com

“Digital Bridge 2023” forumu keçiriləcək

Oktyabrın 12-13-də Qazaxıstanın paytaxtı Astana şəhərində Mərkəzi Asiya regionunun ən irimiqyaslı innovasiya tədbirlərindən biri “Digital Bridge 2023” forumu keçiriləcək. Forumun əsas mövzusu müasir dünyada süni intellektin rolunun müzakirəsi olacaq. Beynəlxalq forum ənənəvi olaraq dünya şirkətlərinin rəhbərlərinin, İT innovasiyaları sahəsində ən yaxşı beynəlxalq və yerli ekspertlərin, regionun hər yerindən vençur investorlarının iştirakı ilə keçiriləcək. “Digital Bridge 2023” forumu 15 ölkədən 20 mindən çox iştirakçı, 300-dən çox İT şirkəti, 100-dən çox investor və biznes mələyi, 250 məruzəçi və 100-dən çox startapı öz platformasında bir araya gətirəcək. Xatırladaq ki, “Digital Bridge” beynəlxalq texnologiya forumu 2018-ci ildən etibarən hər il Astanada keçirilir. Rəqəmsal Körpünün təşkilatçıları Qazaxıstan Respublikasının Rəqəmsal İnkişaf, İnnovasiya və Aerokosmik Sənaye Nazirliyi və Astana Hub beynəlxalq texnoparkıdır. 2022-ci ildə keçirilmiş “Digital Bridge” beynəlxalq texnoloji forum çərçivəsində Azərbaycanın və Qazaxıstanın aparıcı telekommunikasiya şirkətləri “AzerTelecom” MMC və “Kazakhtelecom” Xəzər dənizinin dibi ilə Fiber-Optik Rabitə Xəttinin çəkilməsi layihəsi üzrə strateji tərəfdaşlıq haqqında memorandum imzalayıblar.xeber100.com

AZAL və “YAŞAT” Fondu arasında Əməkdaşlıq Memorandumu imzalanıb

Azərbaycanın milli aviadaşıyıcısı AZAL və "ASAN xidmət"in “YAŞAT” Fondu arasında Əməkdaşlıq Memorandumu imzalanıb. Sənədi AZAL QSC-nin birinci vitse-prezidenti Samir Rzayev və “YAŞAT” Fondunun rəhbəri, Qarabağ müharibəsi qazisi Elvin Hüseynov imzalayıblar. Sözügedən əməkdaşlıq Fond tərəfindən reallaşdırılan sosial layihələr üçün “Azərbaycan Hava Yolları” tərəfindən dəstək tədbirlərini nəzərdə tutur. Qeyd olunan əməkdaşlıq sosial məsuliyyət çərçivəsində AZAL və “YAŞAT” Fondu tərəfindən müvafiq kateqoriyadan olan şəxslərin həyat keyfiyyətinin yaxşılaşdırılmasına real töhfələr verəcək.xeber100.com

Dövlət Vergi Xidmətinin məlumatı əsasında

Vergi Məcəlləsinin 198.1.1-ci maddəsinə görə, fiziki şəxslər onların xüsusi mülkiyyətində olan binaların sahəsinin (yaşayış sahələrinə münasibətdə – onların 30 kvadratmetrdən artıq olan hissəsinin) hər kvadratmetrinə görə müəyyən edilmiş dərəcələr tətbiq olunmaqla əmlak vergisi ödəyirlər. Dövlət Vergi Xidmətinə istinadla xəbər verir ki, əgər Daşınmaz Əmlakın Dövlət Reyestri Xidməti tərəfindən verilmiş mülkiyyəti təsdiq edən sənədi yoxdursa, o zaman həmin binaya əmlak vergisi hesablanmamalıdır. Əmlak vergisi yalnız mülkiyyəti təsdiq edən sənədi olan əmlaklar üçün tətbiq edilir. Qanunvericilikdə “kupça”sı olmayan evlərə görə əmlak vergisi nəzərdə tutulmayıb. Həmin maddəyə görə, yalnız xüsusi mülkiyyətdə olan evlər üçün əmlak vergisi hesablanır. Qeyd olunub ki, sənədi olmayan həyətyanı sahələr üçün bələdiyyələr tərəfindən torpaq vergisinin toplanılmasına gəldikdə, qanunvericiliyə görə, fiziki şəxslərin və müəssisələrin Azərbaycan ərazisində mülkiyyətində və ya istifadəsində olan torpaq sahələri vergitutma obyekti sayılır.xeber100.com

İpoteka və Kredit Zəmanət Fondu kreditlərin məbləğini açıqlayıb

İpoteka və Kredit Zəmanət Fondu dövlət xətti ilə zəmanət və subsidiyalar verilmiş kreditlərin məbləğini açıqlayıb. Fonda xəbər verir ki, zəmanət və subsidiyalar verilmiş kreditin məbləği 371 milyon 469 min manatdır. Kirayəçilərin istifadəsinə 3886 yaşayış sahəsi verilib.xeber100.com