AFFA kütləvi futbol layihələri üzrə qrant müsabiqəsi elan edir

26 Aprel 2022 10:37

Xəbər 53 dəfə oxunub

AFFA kütləvi futbol layihələri üzrə qrant müsabiqəsi elan edir.Qurumun rəsmi saytı xəbər verir ki, müsabiqədə iştirak etmək üçün mayın 15-dək https://qrant.affa.az/formpage.html linki vasitəsilə qeydiyyatdan keçərək müvafiq müraciət formasını doldurmaq lazımdır. Qrant müsabiqəsində “Ən yaxşı kütləvi futbol layihəsi” nominasiyasında kütləvi futbol festivalı, müəyyən yaş qrupu və ya hədəf kütləsinin iştirakı ilə futbol turniri, kütləviliyin artırılması kimi istiqamətlər üzrə layihələr təqdim etmək olar.Qrant müsabiqəsi üçün müraciətlərə AFFA-nın baş katibinin müavini, texniki direktoru, kütləvi futbol, marketinq və sponsorluq departamentlərinin rəhbərlərindən ibarət münsiflər heyəti tərəfindən baxılacaq və qalib səsvermə nəticəsində təyin ediləcək. Qalibin təyin edilməsi üçün münsiflər heyəti tərəfindən layihənin kreativliyi və unikallığı, əsas performans göstəriciləri, davamlılığı, eləcə də gələcəkdə digər şəxslər, qurumlar, təşkilatlar tərəfindən tətbiq edilməsi imkanları əsas götürüləcək. Ən yaxşı layihə üçün 5, ikinci yer üçün 3, üçüncü yer üçün isə 2 min manat məbləğində büdcə ayrılacaq.Azərbaycanda futbolu kompleks şəkildə inkişaf etdirmək üçün AFFA-nın müəyyənləşdirdiyi prioritetlərdən biri kütləvilikdir. Respublikanın bütün bölgələrində futbolun inkişafı, idmanın bu növü ilə məşğul olan uşaq, yeniyetmə, gənclər və daha böyük yaş qruplarına daxil olan şəxslərdə ona maraq oyatmaq üçün daim müxtəlif layihələr icra olunur. Elan edilən qrant ölkəmizdə ən maraqlı kütləvi futbol layihələrini aşkarlamaq və onlara dəstək olmaq məqsədi daşıyır.Qrant müsabiqəsi üçün müraciət qəbulu aprelin 25-dən mayın 15-dək davam edəcək, qaliblər isə iyunda müəyyənləşəcək. Qalibə layihəni reallaşdırmaq üçün altı ay vaxt veriləcək.xeber100.com

2021/2022-ci il mövsümünün ən yaxşı futbolçusu müəyyənləşib

Azərbaycan Premyer Liqasında 2021/2022-ci il mövsümünün ən yaxşı futbolçusu müəyyənləşib.İdman Araşdırmalar Mərkəzinin (İAM) “Huner Group”un sponsorluğu və "Report"un informasiya dəstəyi ilə keçirdiyi səsvermə nəticəsində "Qarabağ"ın futbolçusu Kadi Borges Malinovski bu ada layiq görülüb.Mükafatlandırma mərasimi mayın 22-də Bakı Olimpiya Stadionunun qapalı meydançasında İAM-ın və ETOPAZ-ın 10 illik yubileyi münasibətilə jurnalistlər arasında Zəfər Kuboku çərçivəsində keçiriləcək "Suqovuşan" - "Xocalı" oyunundan əvvəl fəxri qonaqların iştirakı ilə keçiriləcək.Səsvermədə 8 komandadan adları Peşəkar Futbol Liqasının rəsmi saytında əsas komandaların heyətində göstərilən ümumilikdə 189 nəfər (181 futbolçu, 8 baş məşqçi) iştirak edib.“Qarabağ” və “Sumqayıt”ın 25, “Qəbələ”, “Zirə” və “Sabah”ın 24, “Şamaxı”nın 23, “Neftçi” və “Səbail”in 22 üzvü (oyunçular və baş məşqçi) öz variantlarını açıqlayıb.Respondentlər ümumilikdə 38 futbolçu arasında seçim ediblər. Nəticədə Kadi Borges 47 səslə birinci olub. İyirmi altı yaşlı braziliyalı yarımmüdafiəçi səslərdən 44-nü oyunçulardan, 3-nü isə baş məşqçilərdən alıb.“Qarabağ”ın digər yarımmüdafiəçisi Abdullah Zubir 24 səslə ikinci olub. Üçüncü yeri isə "Sabah"da çıxış edən Azərbaycan millisinin üzvü Aleksey İsayev 19 səslə tutub.Qalan baş məşqçilərdən 2-si "Neftçi"dən Emin Mahmudova, 2-si isə "Qarabağ"dan Maksim Medvedev və Patrik Andradeyə səs verib.Səsvermənin əsas şərtinə əsasən, respondentlər öz komandalarının futbolçularına səs verməyiblər.Qeyd edək ki, mövsümün ən yaxşı futbolçusunu ardıcıl beş ildir İAM “Report”un dəstəyi ilə 8 klubun oyunçuları və baş məşqçiləri arasında sorğu nəticəsində müəyyənləşdirir. Əvvəlki 4 mövsümdə hazırda “Kəpəz”də çıxış edən Cavid İmamverdiyev (2017/2018-ci il mövsümü), “Neftçi”nin yarımmüdafiəçisi Emin Mahmudov (2018/2019-cu), “Qarabağ”ın legioneri Abdullah Zubir (2019/2020-ci) və hazırda Türkiyənin “Bursaspor” komandasının formasını geyinən Namik Ələskərov (2020/2021-ci) ən yaxşı seçilib.xeber100.com

May 20, 2022 12:02