Ukraynaya 2,4 milyard dollar məbləğində kredit veriləcək

Kanada hakimiyyəti 2023-cü ildə Beynəlxalq Valyuta Fondu (BVF) vasitəsilə Ukraynaya 2,4 milyard Kanada dolları (1,76 milyard dollar) məbləğində kredit vermək niyyətindədir. Bu barədə ölkənin növbəti maliyyə ili üçün federal büdcə layihəsində deyilir. Bundan əlavə, büdcədə Ukraynaya hərbi texnikanın, o cümlədən artıq elan edilmiş 8 “Leopard 2” tankının verilməsi üçün Kanada Müdafiə Nazirliyindən 200 milyon Kanada dolları (146,7 milyon dollar) ayrılması nəzərdə tutulur.xeber100.com

“Bayraktar TB3” markalı ən yeni zərbə PUA təqdim ediləcək

Aprelin 27-dən mayın 1-dək İstanbuldakı Atatürk aeroportunda “TEXNOFEST-2023” aviasiya və kosmik texnologiyalar festivalı keçiriləcək. Festivalda Türkiyənin “Baykar” şirkəti “Bayraktar TB3” markalı ən yeni zərbə pilotsuz uçuş aparatını (PUA) təqdim edəcək. Şirkətdən Anadolu agentliyinə verilən məlumata görə, “Bayraktar TB3” zərbə dronunun test uçuşları bu il başlanacaq. Qanadları qatlanıb-açılan “Bayraktar TB3” dünyada ilk dəfə qısa uçuş-enmə zolaqlı dəniz gəmilərinə uçma və enmə əməliyyatlarını yerinə yetirə bilən pilotsuz uçuş aparatı olacaq. “Bayraktar TB3”ün hərəkətlərini həm kəşfiyyat-müşahidə məqsədilə, həm də zərbə endirmək üçün çox böyük məsafələrdən idarə etmək mümkün olacaq. Gözlənildiyinə görə, “Bayraktar TB3” Türkiyənin hərbi potensialının möhkəmləndirilməsinə sanballı töhfə verəcək.xeber100.com

Fransa hökuməti səsvermədən yan keçərək pensiya islahatını qəbul etdi

Milli Assambleyada (parlamentin aşağı palatası) səs çoxluğuna əmin olmayan Fransa hökuməti Konstitusiyanın 49-cu maddəsinin 3-cü bəndinə əsaslanaraq, pensiya islahatını qəbul edib. Emmanuel Makronun fikrincə, əks təqdirdə ölkə çox böyük maliyyə riskləri ilə üzləşəcək. Fransa hökuməti xalqın və əksər deputatların etirazına baxmayaraq, parlamentdən yan keçərək pensiya islahatı haqqında qanun layihəsinin qəbul olunduğunu elan edib. Bu qərardan sonra deputatların əksəriyyəti Milli Assambleyanı tərk edib, pensiya islahatına qarşı etirazlar daha da kəskinləşib. Beləliklə, yetərincə səs toplaya bilməyəcəyinə əmin olan hökumət yeni pensiya islahatı haqqında qanun layihəsi səsverməyə çıxarmayacaq. Deputatlar heç kimin istəmədiyi islahatın zorla qəbul edilməsinin bütün ölkəni rejim böhranına sürükləmək əlaməti olduğunu deyirlər. E.Makron Milli Assambleyada tərəfdarlarının azlıqda olmasını nəzərə alaraq riskə getmədi və yeni pensiya islahatını zorla həyata keçirmək qərarına gəldi.xeber100.com  

Yaponiya hökuməti ballistik raketin buraxılması ilə bağlı etiraz edib

Yaponiya hökuməti KXDR-ə ballistik raketin buraxılması ilə bağlı etiraz edib. Xarici KİV-lər xəbər verir ki, bu barədə Yaponiya Nazirlər Kabinetinin baş katibi Hirokazu Matsuno Tokioda keçirilən mətbuat konfransında söyləyib. “Biz Yaponiyanın Pekindəki səfirliyi vasitəsilə Şimali Koreyaya etirazımızı bildirdik. Bu cür hərəkətlər ölkəmizin və bütün regionun təhlükəsizliyini təhdid edir”, - deyə Hirokazu Matsuno vurğulayıb.xeber100.com

Səudiyyə Ərəbistanının Təbərcəl şəhərini qum fırtınası bürüyüb

Səudiyyə Ərəbistanının Təbərcəl şəhərini qum fırtınası bürüyüb. “TRT Haber” xəbər verir ki, ölkə səlahiyyətliləri tənəffüs xəstəlikləri olan şəxslərdən evdən çıxmamağı xahiş edib. Şəhərdə səmanın narıncı rəngə boyanması ilə görmə məsafəsi xeyli azalıb. Qum fırtınası səbəbindən avtomobillər yollarda hərəkət etməkdə çətinlik çəkib.xeber100.com

Yonhap agentliyi: “Freedom Shield” komanda-qərargah təlimləri başlayıb

Cənubi Koreya və ABŞ martın 13-də “Freedom Shield” komanda-qərargah təlimlərinə başlayıb. Birgə təlimləri miqyaslı “Warrior Shield” manevrləri müşayiət edəcək. Yonhap agentliyi xəbər verir ki, kompüter simulyasiyasına əsaslanan “Freedom Shield” komanda-qərargah təlimlərində nüvə-raket təhdidləri nəzərə alınmaqla, KXDR-in hücumunun qarşısının alınması, əks-hücum və Şimali Koreyada vəziyyətin “sabitləşdirilməsi kampaniyası” ssenarisi üzərində işlər aparılacaq. Təlimlər martın 23-dək fasiləsiz davam edəcək. Koreya Respublikasının Qərargah Rəisləri Komitəsinin məlumatına görə, müştərək təlimlər müdafiə xarakteri daşıyır və Şimali Koreyanın mümkün təcavüzünə qarşı operativ müdafiə planlarına əsaslanır. “Freedom Shield” təlimləri ilə paralel olaraq dəniz desantının çıxarılmasının da daxil olduğu 20-yə yaxın çöl təlimini birləşdirəcək “Warrior Shield” manevrlərinə də start veriləcək. Seul martın sonlarında Birləşmiş Ştatların “Nimitz” tipli atom təyyarədaşıyan gəmisinin manevrlərə qoşula biləcəyini bildirib. Pxenyan isə təlimlərə cavab olaraq martın 12-də sualtı qayıqdan iki strateji qanadlı raket buraxıb.

ABŞ-da kommersiya neft ehtiyatları həftə ərzində 1,7 milyon barel azalıb

ABŞ-da kommersiya neft ehtiyatları həftə ərzində 1,7 milyon barel azalaraq martın 3-nə 478,5 milyon barel təşkil edib. Bu barədə Birləşmiş Ştatların Energetika Nazirliyi məlumat yayıb. Bildirilib ki, ehtiyatların hazırkı səviyyəsi son beş ildəki eyni dövrlə müqayisədə orta göstəricidən təxminən 7 faiz çoxdur. Qeyd edək ki, ABŞ-da kommersiya neft ehtiyatları ilə bağlı xəbər dərc olunduqdan sonra Londonun ICE birjasında Brent markalı neftin may fyuçerslərinin qiyməti 0,35 faiz azalaraq 83 dollar/barel, WTI markalı neftin aprel fyuçerslərinin qiyməti isə 0,64 faiz azalaraq 77,08 dollar/barel təşkil edib.xeber100.com

Polşa Ukraynanı öz arsenalında olan “MiQ-29” qırıcıları ilə təchiz etməyə hazırdır

Polşa Ukraynanı öz arsenalında olan “MiQ-29” qırıcıları ilə təchiz etməyə hazırdır. Bunu CNN telekanalına müsahibəsində Polşa Prezidenti Andjey Duda deyib. “Biz Hərbi Hava Qüvvələrimizdə xidmətdə olan “MiQ-29” təyyarələrini verməyə hazırıq. Əminəm ki, Ukrayna onlardan istifadə edə biləcək. Çünki hazırda Ukraynada bunları idarə edə biləcək pilotlar var”, - Duda bildirib. Duda əmindir ki, gələcəkdə Ukrayna “F-16”-ları da tədarük etməli olacaq. “İnanıram ki, Ukrayna Silahlı Qüvvələri gələcəkdə “F-16”-dan istifadə edəcək. Ona görə də pilot hazırlığı indi çox vacibdir", - o əlavə edib.xeber100.com

Mayın 14-də keçiriləcək prezident seçkilərində müxalifətin namizədi açıqlanıb

Türkiyədə mayın 14-də keçirilməsi nəzərdə tutulan prezident seçkilərində müxalifətin namizədi açıqlanıb. “TRT Haber” xəbər verir ki, “Altılı” masanın namizədi Cümhuriyyət Xalq Partiyasının rəhbəri Kamal Kılıçdaroğlu olub. Qeyd edək ki, bir qədər əvvəl CHP, Demokratik Partiya, Səadət Partiyası, DEVA Partiyası, İyi Partiya və Gələcək Partiyası rəhbərlərinin görüşü başa çatıb. Uzun sürən müzakirələrdən sonra “Altılı masa”nın prezidentliyə ortaq namizədi ilə bağlı razılığa gəlinib. Qeyd edək ki, Ədalət və İnkişaf Partiyasının prezidentliyə namizədi hazırkı dövlət başçısı Rəcəb Tayyib Ərdoğandır.xeber100.com

Martın 5-də Estoniyada 15-ci çağırış parlament seçkiləri keçiriləcək

  TASS informasiya agentliyi xəbər verir ki, birpalatalı qanunverici orqanda 101 yer uğrunda 968 namizəd mübarizə aparır. Onlardan 10 nəfəri müstəqil namizəddir. İctimai rəy sorğularının nəticələrinə görə, seçkilərin favoriti iqtidarda olan İslahatlar Partiyasıdır. Bundan əvvəlki parlament seçkilərində islahatçılar 34 mandat əldə ediblər. Bu partiyanın parlamentdə 33-dən 36-dək yer əldə edəcəyi gözlənilir. Estoniyanın Mühafizəkar Xalq Partiyası ikinci yerdədir. Onun parlamentdə 19 yeri var. Proqnozlara görə, mühafizəkarlar öz təmsilçiliyini 23 mandata qədər artıra bilər. Mərkəz Partiyasının parlamentdə 15-19 mandat qazanacağı gözlənilir. Bu partiya 2019-cu il seçkilərində 26 mandat əldə edib.xeber100.com

İnsan hüquqlarını pozduğuna görə İrana qarşı sanksiyalar tətbiq edilib

Avropa İttifaqı insan hüquqlarını pozduğuna görə İrana qarşı növbəti dəfə sanksiyalar tətbiq edib. İranın 32 fiziki və 2 hüquqi şəxsinin adları sanksiyalar siyahısına əlavə olunub. Bu şəxslər etiraz aksiyasında iştirak edənlərə qarşı qəddarcasına davranıb və insanların ən sadə hüquqlarını belə qorumaqdan imtina ediblər. Adları sanksiyalar siyahısına salınanların Avropa İttifaqı ölkələrinə girişi qadağan olunub və onların Avropa banklarındakı aktivləri dondurulub. Avropa Komissiyasının rəhbəri Ursula Fon der Lyayen bəyan edib ki, fevralın 24-də İrana qarşı tətbiq olunacaq növbəti sanksiyalar paketi də açıqlanacaq.xeber100.com

Ağ ev Rusiya əleyhinə yeni sanksiyalar paketi hazırlayır

Bayden administrasiyası ixracat nəzarəti ilə bağlı yeni tədbirlər və Rusiya əleyhinə sənayenin əsas sahələrinə yönələn yeni sanksiyalar paketini tətbiq etməyi planlaşdırır. Bu barədə “Bloomberg News” agentliyi məlumatlı mənbələrə istinadla bildirib. Məlumatda deyilir ki, yeni sanksiyalar Rusiyanın müdafiə və enerji sektorlarına, maliyyə müəssisələrinə və bir sıra fiziki şəxslərə qarşı yönələcək. Daha sonra bildirilir ki, ABŞ və onun müttəfiqləri Rusiyanın üçüncü ölkələrdən aldığı dəstəyi pozmaqdan ötrü sanksiyalardan yayınma hallarını aradan qaldırmağın mümkünlüyü məsələsini nəzərdən keçirə bilərlər. Aİ-nin yeni sanksiyalar barədə təklifinə Rusiyaya PUA-lar və digər hərbi texnika, nəqliyyat vasitələri, elektronika və nadir torpaq metalları tədarük etməsi hesab olunan İran təşkilatları da daxildir. Daha əvvəl bu ay ABŞ Rusiyanın kiberməkanda fəaliyyəti ilə bağlı bu ölkə əleyhinə yeni sanksiyalar tətbiq etmişdi. Sanksiyalar yeddi nəfərə, o cümlədən 6 rusiyalı və 1 Ukrayna vətəndaşına qarşı yönəldilmişdi.xeber100.com

Ş.Rustaveli adına beynəlxalq hava limanında etibarlı sistem tətbiq olunacaq

Gürcüstanın Ş.Rustaveli adına beynəlxalq hava limanında baqajın yoxlanılmasında yeni müasir və etibarlı sistem tətbiq olunacaq. Bu barədə Tbilisi beynəlxalq aeroportundan məlumat verilib. Bildirilib ki, fevral və mart aylarında baqaj karuselləri bir neçə gün işləməyəcək. Lakin sərnişinlər heç bir diskomfort hiss etməyəcək və baqajın çeşidləmə zonalarına daşınmasına hava limanının əməkdaşları cavabdeh olacaq. Hollandiyanın Vanderlande şirkəti tərəfindən aparılan işlər iki ay ərzində yekunlaşacaq. Qeyd edək ki, Tbilisi hava limanının genişləndirilməsinə ehtiyac olması barədə əvvəllər də məlumat verilmişdi. Hazırda gələcək illər üçün investisiya və inkişaf planları üzərində iş gedir. Planda yeni terminalın tikintisi də var.xeber100.com

Avropa-Aralıq dənizi Seysmoloji Mərkəzinin məlumatı əsasında…

Filippində 6 bal gücündə zəlzələ baş verib. Bu barədə Avropa-Aralıq dənizi Seysmoloji Mərkəzi məlumat yayıb. Zəlzələnin episentri Leqaspi şəhərindən 89 kilometr cənub-şərqdə yerləşib. Zəlzələnin ocağı 40 kilometr dərinlikdə olub. Dağıntılar və zərərçəkənlər barədə məlumat verilməyib.xeber100.com

Nazirlər Kabineti yanında Operativ Qərargahın məlumatına görə…

Son sutkada Azərbaycanda yeni növ koronavirus (COVID-19) infeksiyasına 16 yoluxma faktı qeydə alınıb, 21 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, indiyədək ölkədə ümumilikdə 828 min 251 nəfərin koronavirus infeksiyasına yoluxması faktı müəyyən edilib, onlardan 818 min 7 nəfər müalicə olunaraq sağalıb, 10 min 99 nəfər vəfat edib. Aktiv xəstə sayı 145 nəfərdir. Son sutkada yeni yoluxma hallarının müəyyənləşdirilməsi ilə əlaqədar 1871, bu günə qədər isə ümumilikdə 7 milyon 507 min 868 test icra olunub.xeber100.com

İtaliyanın Xarici İşlər və Beynəlxalq Əməkdaşlıq Nazirliyinin məlumatı…

İtaliya zəlzələlərin fəsadlarının aradan qaldırılması üçün Türkiyəyə 1 milyon avro maliyyə yardımı ayırıb. Bu barədə İtaliyanın Xarici İşlər və Beynəlxalq Əməkdaşlıq Nazirliyi məlumat yayıb. “Fevralın 6-da Türkiyə və Suriyada baş vermiş, minlərlə insanın həlak olması və yaralanması, infrastrukturun və binaların zədələnməsi və dağılması ilə nəticələnən şiddətli zəlzələlərdən zərər çəkənlərə dəstək məqsədilə Baş nazirin müavini, xarici işlər və beynəlxalq əməkdaşlıq naziri Antonio Tayaninin təklifi ilə Beynəlxalq Qızıl Xaç və Qızıl Aypara Cəmiyyətləri Federasiyasına ümumilikdə 1 milyon 750 min avro maliyyə yardımı köçürülüb. Sözügedən yardımın 1 milyon avrosu Türkiyə Qızıl Aypara Cəmiyyətinə, 750 min avrosu isə Suriya Qızıl Aypara Cəmiyyətinə ayrılıb”, - deyə nazirliyin məlumatında bildirilir.xeber100.com

Gürcüstan parlamenti yeni qanun qəbul edib

Gürcüstan parlamenti gender bərabərliyi ilə əlaqədar maraqlı qanun qəbul edib. Yeni qanuna əsasən ölkənin Seçki Məcəlləsinə dəyişiklik ediləcək. Yeni dəyişiklikdə əsasən seçkilər zamanı proporsional siyahıda qadınların sayının artırılması nəzərdə tutulub. Belə ki, 2024-cü ildə və 2028-ci ildə keçiriləcək parlament seçkilərində iştirak edəcək siyasi partiyaların deputatlığa namizədlərlə bağlı təqdim edəcəyi siyahıda hər dörd nəfərdən birinin qadın olması nəzərdə tutulub. 2032-ci ildə keçiriləcək seçkilərdə isə təqdim olunacaq siyahıda hər 3 nəfərdən biri qadın olmalıdır. Səsvermə zamanı 88 deputat layihənin lehinə, 3 deputat isə əleyhinə olub. Hakim “Gürcü arzusu-demokratik Gürcüstan” partiyasının parlamentdəki fraksiyasının sədr müavini Qivi Mikanadze bildirib ki, bu qanun ölkədə gender bərabərliyi ilə bağlı kvotanı artıracaq və qadınların siyasətdəki rolunu genişləndirəcək.xeber100.com

Avropa İttifaqı donor konfransı təşkil edəcək

Avropa İttifaqı (Aİ) Türkiyə və Suriyada zəlzələdən zərərçəkənlərə kömək məqsədilə donor konfransı təşkil edəcək. TRT telekanalı xəbər verir ki, bu barədə Aİ Komissiyasından verilən açıqlamada bildirilib. Açıqlamada məqsədin Türkiyə və Suriyada zəlzələdən zərər çəkənlərə beynəlxalq ictimaiyyətin maliyyə yardımını səfərbər etmək olduğu və konfransın martın əvvəlində Brüsseldə keçirilməsinin planlaşdırıldığı bildirilib. Qeyd edilib ki, yüksək səviyyəli konfrans Aİ-yə üzv ölkələrlə yanaşı, qonşu dövlətlər, BMT-yə üzv ölkələr, beynəlxalq maliyyə institutları və digər qurumlar üçün açıq olacaq.xeber100.com

Anadolu agentliyi: Zəlzələ nəticəsində Suriyada 3 min 162 nəfər həyatını itirib

Regionda baş vermiş güclü zəlzələ nəticəsində Suriyada azı 3 min 162 nəfər həyatını itirib. Anadolu agentliyi xəbər verir ki, Suriya Səhiyyə Nazirliyinin məlumatına görə, Dəməşqin nəzarətində olan bölgələrdə 1262 nəfər həlak olub, 2 min 285 nəfər xəsarət alıb. Eyni zamanda, ölkənin şimalında müxalif qüvvələrin nəzarətində olan bölgələrdə isə azı 1900 nəfərin öldüyü, 2 min 950 nəfərin yaralandığı bildirilir. Fevralın 6-da Türkiyənin cənub-şərqində baş verən güclü zəlzələ Şərqi Aralıq Dənizi regionunda, Suriyada, Livanda, Bağdadda, Fələstində və Kipr adasında hiss olunub.

Türkiyəyə 50 xilasedici və 11 mütəxəssisdən ibarət həkim briqadası göndərilib

Rusiya Türkiyəyə əlavə olaraq 50 xilasedici və 11 mütəxəssisdən ibarət həkim briqadası göndərib. Bu barədə Rusiya Fövqəladə Hallar Nazirliyinin (FHN) mətbuat xidməti məlumat yayıb. Rusiya tibbi briqadasının tərkibində psixoloq, cərrah, travmatoloq və anestezioloq-reanimatoloq var.xeber100.com