“Art management” adlı silsilə vebinarlara start verilir

25 May 2021 11:07

Xəbər 61 dəfə oxunub

Bu gündən Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə “Art management” adlı silsilə vebinarlara start verilir.Dövlət Rəsm Qalereyasından Azərtac-a bildirilib ki, saat 20:00-da başlayacaq ilk tədbir rəssamların yaradıcılıq potensialından səmərəli istifadə etmək, onların “Art management” istiqamətləri üzrə hazırlıq səviyyəsini yüksəltmək, mövcud çatışmazlıqları vaxtında aşkar edərək tədbirlər görmək, proseslərin inkişafı üçün yeni bilgi və təcrübə mübadiləsi platformasını yaratmaq məqsədilə keçiriləcək.Qeyd edək ki, yaradıcılıq sənayesi (“Creative industry”) bütün dünyada inkişaf edir, yeni özünürealizə və məhsul təqdim etmə imkanları yaradır.Bu baxımdan, ölkəmizdə əksər rəssamların “Art management”in müasir satış bazarında rolundan istifadə etmələri, ənənəvi və rəqəmsal platformalarda özlərini təqdim etmə, bilik, bacarıqları və kuratorluq sahəsində sənətşünasların fəaliyyətinin yüksəldilməsi labüd sayılır.Vebinarlar mühazirəçi qismində sahə üzrə mütəxəssislər və təcrübəli şəxslərin iştirakı ilə əvvəlcədən planlaşdırılmış proqram əsasında keçirilməsi nəzərdə tutulur.Treninqlər “Zoom” tətbiqi vasitəsilə keçiriləcək.Silsilə təlimlərə qoşulmaq istəyənlər Azərbaycan Dövlət Rəsm Qalereyasının rəsmi saytı (www.azgallery.az), feysbuk və instaqram sosial media hesablarını izləyə bilərlər.xeber100.com

“YARAT” Müasir İncəsənət Məkanının təşkilatçılığı ilə…

İyunun 3-də “YARAT” Müasir İncəsənət Məkanının təşkilatçılığı ilə “ARTIM Lab-2021” proqramının iştirakçıları Elmira Babayeva, Səidə Quluzadə, Ayna Moazzen, Səbinə Mehdiyeva, Ləman Məmmədova, Nəzrin Məmmədova, Rəfiqə Novruzlu, Marta Ramazan, Nərgiz Səmədova, Nigar Səfərova və Şəbnəm Vəliyevanın əsərlərindən ibarət birgünlük “Dalğıc: duyğusal mənaların yeddi qatı” adlı sərgi təşkil olunacaq.“YARAT”dan Azərtac-a bildirilib ki, proqramının ilk studiya sərgisində iştirakçılarının budəfəki mentoru olan Cahangir Səlimxanov ilə silsilə görüşlərin yaradıcılıq nəticələri təqdim edilir.“Nəzirə” konsepsiyası altında keçirilmiş seminar, yeni yaradıcı layihələrin digər incəsənət əsərindən götürülən hər hansı bir elementdən bəhrələnərək ərsəyə gətirilməsinə həsr edilib. “Nəzirə” - Şərq poeziyası ənənələrində istənilən sənətkarın əsərinin təsiri altında yazılmış “cavab” əsəridir.Məşğələlərin məqsədi nümunə olaraq seçilmiş Nizami Gəncəvinin “Yeddi gözəl” poemasına ən müxtəlif vasitələrlə, hətta qeyri-adi tərzdə və formatda “nəzirələr” (ithaf, cavab) yaratmaq idi.İştirakçılara əsəri oxuyub, özləri üçün hər hansı süjet səbəbi (motivi), məcazı (metaforası), təsviri, hətta dolayı məlumatı - astronomiya, sosial zümrələr, sevgi ifadəsinə dair ədəb, astrologiya, saray əyləncələri, gemologiya, mədəni coğrafiya, landşaft memarlığına və digər mövzulara aid edilən elementi seçmək, həmin “mənimsədilmiş” materialın rəssamların öz bədii təxəyyüllərinə hansı şəkildə təkan verə biləcəyi barədə düşünmək təklif olunmuşdu. Sərgi, həmin prosesin nəticələrini izləmək və qədim dövrdən gələn ədəbi abidəyə müasir yaradıcı şəxslərin yanaşmasını duymaq imkanı yaradır.xeber100.com

May 31, 2021 15:26

“Art management” adlı silsilə vebinarlara start verilir

Bu gündən Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə “Art management” adlı silsilə vebinarlara start verilir.Dövlət Rəsm Qalereyasından Azərtac-a bildirilib ki, saat 20:00-da başlayacaq ilk tədbir rəssamların yaradıcılıq potensialından səmərəli istifadə etmək, onların “Art management” istiqamətləri üzrə hazırlıq səviyyəsini yüksəltmək, mövcud çatışmazlıqları vaxtında aşkar edərək tədbirlər görmək, proseslərin inkişafı üçün yeni bilgi və təcrübə mübadiləsi platformasını yaratmaq məqsədilə keçiriləcək.Qeyd edək ki, yaradıcılıq sənayesi (“Creative industry”) bütün dünyada inkişaf edir, yeni özünürealizə və məhsul təqdim etmə imkanları yaradır.Bu baxımdan, ölkəmizdə əksər rəssamların “Art management”in müasir satış bazarında rolundan istifadə etmələri, ənənəvi və rəqəmsal platformalarda özlərini təqdim etmə, bilik, bacarıqları və kuratorluq sahəsində sənətşünasların fəaliyyətinin yüksəldilməsi labüd sayılır.Vebinarlar mühazirəçi qismində sahə üzrə mütəxəssislər və təcrübəli şəxslərin iştirakı ilə əvvəlcədən planlaşdırılmış proqram əsasında keçirilməsi nəzərdə tutulur.Treninqlər “Zoom” tətbiqi vasitəsilə keçiriləcək.Silsilə təlimlərə qoşulmaq istəyənlər Azərbaycan Dövlət Rəsm Qalereyasının rəsmi saytı (www.azgallery.az), feysbuk və instaqram sosial media hesablarını izləyə bilərlər.xeber100.com

May 25, 2021 11:07

“Araxçın” filmi 16-cı Beynəlxalq Cizgi Filmləri Festivalına dəvət alıb

Azərbaycan Kinematoqrafçılar İttifaqının sifarişi ilə "Birlik" studiyasında istehsal olan "Araxçın" cizgi filmi Braziliyada keçirilən 16-cı Beynəlxalq Cizgi Filmləri Festivalında - 2021-ci ildə "Dünya Mədəniyyəti"nin peşəkar filmləri kateqoriyası ilə iştirak edəcək. Bu barədə rejissor Firəngiz Qurbanova məlumat verib. Rejissor qeyd edib ki, "Araxçın" cizgi filmi festivalda iştirak etmək üçün dəvət alıb və filmlərin Grand Prix baxışı üçün Braziliya şəhərlərində və dünyanın başqa ölkələrində hərəkət marşrutuna razılığı istənilib: “Beynəlxalq film festivalı tələbələr üçün müxtəlif ölkələrin studiyalarından peşəkar filmlərin, fərqli mədəniyyətlərin nümayişini təşkil edir. Bu filmin rejissoru kimi bizim filmimizi dünya mədəniyyətlərinin bu peşəkar kateqoriyasına daxil olmasına və Azərbaycanı təmsil edəcəyimizə görə çox şadam”. Onu da qeyd edək ki, 2021-ci ilin ən yaxşı peşəkar cizgi filmləri kolleksiyasına, dünya mədəniyyətləri kateqoriyasında daxil olan və istehsalı üçün ilk film olan "Araxçın" filmi, Kino Məktəbinin tələbələri üçün bir film istehsalı ilə yaxından tanış olmaq imkanı yaradacaqdır. Filmin ssenari müəllifi və quruluşçu rejissoru Firəngiz Qurbanova,  rəssam-animator Zema Əhədova.xeber100.com        

May 18, 2021 14:39

Şuşa şəhərində “Xarıbülbül” musiqi festivalı keçirilir

Prezident İlham Əliyevin təşəbbüsü ilə mayın 12-13-də “Xarıbülbül” musiqi festivalı ölkəmizin mədəniyyət paytaxtı Şuşanın əsrarəngiz Cıdır düzündə yenidən təşkil olunub.Azərtac xəbər verir ki, festivalın açılışından əvvəl incəsənət xadimləri və qonaqlar “Yallı” və digər milli rəqslərimizi ifa ediblər.Heydər Əliyev Fondunun təşkilatçılığı ilə keçirilən festivalın ilk günündə ölkəmizdə yaşayan müxtəlif xalqların musiqi yaradıcılığı “Azərbaycan musiqisində multikulturalizm” mövzusunda təqdim edilib. Ölkəmizin müxtəlif bölgələrində yaşayan ayrı-ayrı xalqların musiqi qrupları və ifaçıları öz çıxışları ilə Azərbaycanın millətindən, dinindən asılı olmayaraq hər bir kəsin vahid Vətəni olduğunu, hər bir vətəndaşın da bu torpaq uğrunda yaşadığı ideyasını çatdırıb.Festivalın birinci günündə əfsanəvi Bülbülün, Seyid Şuşinskinin, Xan Şuşinskinin, Rəşid Behbudovun, Şövkət Ələkbərovanın Azərbaycanı və Qarabağı vəsf edən unudulmaz ifalarının videoyazıları da nümayiş olunub.“Xarıbülbül” musiqi festivalının birinci günü Xalq artisti Polad Bülbüloğlunun özünün bəstələdiyi “Azərbaycan - Odlar yurdum mənim” və “Şən Azərbaycan” mahnılarının ifası ilə başa çatıb.Festival daha bir layihə ilə də yadda qalıb. Heydər Əliyev Fondunun prezidenti Mehriban Əliyevanın təşəbbüsü ilə reallaşan “Əbədi imzalar” layihəsi təqdim olunub. Layihə çərçivəsində Azərbaycan bəstəkarlıq məktəbinin görkəmli nümayəndələrinin əsərlərinin notları ilk dəfə toplu halında nəşr edilib. Topluda Azərbaycan bəstəkarlıq məktəbinin 6 görkəmli nümayəndəsinin - Asəf Zeynallı, Cövdət Hacıyev, Fikrət Əmirov, Qara Qarayev, Niyazi və Vasif Adıgözəlovun əsərlərinin notları yer alıb. Toplu Azərbaycan musiqisi ənənələrinin, bəstəkarlarımızın əsərlərinin qorunub saxlanılması və yeni nəsil arasında təbliği baxımından mühüm əhəmiyyət daşıyır. “Əbədi imzalar” layihəsi çərçivəsində digər görkəmli bəstəkarlarımızın da əsərlərinin notlarının təqdimatı nəzərdə tutulur. Qeyd edək ki, “Xarıbülbül” musiqi festivalı ərəfəsində Heydər Əliyev Fondu tərəfindən, həmçinin “Xarıbülbül” beynəlxalq incəsənət festivalı təşkil olunub. İncəsənət festivalı zamanı xarıbülbül maketləri hazırlanıb və 13 ölkəni - Azərbaycan, Türkiyə, Pakistan, Estoniya, İordaniya, İraq, İsrail, Latviya, Mərakeş, Niderland, Rumıniya, Ukrayna və Yunanıstanı təmsil edən 32 rəssam - Anar Yolçiyev, Anastasia Tarasenko, Andris Vitolins, Dina Oskilko, Leyla Əliyeva, Nikole Bukrejeva, Rəhiməxanım Hacıyeva, Sare Kural, Yelena Haqverdiyeva, Zöhrab Salamzadə və digərləri Ermənistanın işğalından azad olunan ərazilərimizdə gördüklərini, yaşadıqları hissləri maketlərin üzərində çəkdikləri rəsm əsərləri ilə ifadə ediblər. Xatırladaq ki, Şuşanın rəmzi olan gülün adını daşıyan “Xarıbülbül” musiqi festivalı ilk dəfə 1989-cu ilin mayında Şuşanın əsrarəngiz Cıdır düzündə təşkil edilib. Festival mayın 13-də keçiriləcək qala konsertlə davam edəcək.xeber100.com

May 12, 2021 16:21

“Edam günü” filmi beynəlxalq festivalda sertifikata layiq görülüb

“SPP Production” tərəfindən istehsal edilən “Edam günü” bədii filmi Braziliyada “O ECOCINE –Internacional de Cinema Ambiental e Direitos Humanos” beynəlxalq festivalında sertifikata layiq görülüb.Bu barədə Azərtac-a filmin ssenari müəllifi və baş prodüseri Cəlaləddin Qasımov məlumat verib.O deyib: “Azərbaycan mədəniyyətini, dəyərlərini dünyada tanıtmağımla qürur duyuram. Bu, təkcə mənim yox, bütövlükdə mədəniyyətimizin uğurudur. Düşünürəm ki, hər bir yaradıcı insan qismən də olsa ölkəmizin təbliği işinə töhfə verməlidir”.Rejissor bildirib ki, “Edam günü” psixoloji trillerində hadisələr sovet dövrünün son illərində həbsxanada cərəyan edir.C.Qasımov deyib ki, ekran əsərinin çəkilməsində məqsəd istedadlı gəncləri üzə çıxarmaq, onların qabiliyyətini geniş kütləyə göstərməkdir.“Ekran əsərində məhkum olunmuş bir dustağın kamerada yaşadığı həyəcanlı anlar əks olunub. Filmin ssenarisini yazarkən Bayıl həbsxanasında keçmiş sovet dövründə işləmiş işçilərlə görüşüb maraqlı məlumatlar toplamışam”, - deyə ssenari müəllifi bildirib.Filmdə rolları Rövşən Kərimduxt, Sabir Məmmədov, Məmməd Əliyev, Nazil Ağalarov, Ramin Şıxəliyev, Soltan Qasımov, Hikmət Məmmədov, Vüqar Qurbanov və digərləri canlandırıblar. Filmin quruluşçu operatoru Mehdi Yaqubovdur. “SPP Production” tərəfindən istehsal edilən ekran əsərinin xronometrajı 95 dəqiqədir.xeber100.com

May 11, 2021 16:30

Mədəniyyət sahəsində əlaqələrin inkişafı müzakirə olunub

Azərbaycan və Türkiyə arasında mədəniyyət sahəsində əlaqələrin inkişafından danışılıb.Mədəniyyət Nazirliyindən Azərtac-a bildirilib ki, bu barədə aprelin 13-də mədəniyyət naziri Anar Kərimovun Türkiyənin ölkəmizdəki fövqəladə və səlahiyyətli səfiri Erkan Özoralın diplomatik fəaliyyətinin başa çatması ilə əlaqədar səfirlə görüşü zamanı qeyd edilib.Anar Kərimov iki qardaş ölkə arasında münasibətlərin bütün sahələrdə uğurlu inkişafından söz açaraq, Erkan Özoralın diplomat kimi bu prosesdə fəaliyyətini xüsusi vurğulayıb.Tarixi zəfərlə nəticələnən Vətən müharibəsində Türkiyənin ölkəmizlə həmrəyliyini diqqətə çatdıran nazir Azərbaycanın haqq işinə Türkiyə dövlətinin və xalqının hərtərəfli dəstəyinə görə minnətdarlığını ifadə edib.Mədəniyyət Nazirliyinin nümayəndə heyətinin bu yaxınlarda qardaş ölkəyə səfərini xatırladan Anar Kərimov Türkiyə ilə mədəniyyət sahəsində əməkdaşlığın daha da gücləndirilməsi və müxtəlif sahələr üzrə təcrübə mübadiləsinin aparılmasının önəmini vurğulayıb. Qeyd edib ki, Vətən müharibəsində əldə edilən Qələbənin həm türk dünyasında, həm də beynəlxalq platformada ən yüksək səviyyədə təbliğində Türkiyə ilə işbirliyi böyük əhəmiyyət kəsb edir.Səmimi qəbula görə təşəkkürünü bildirən Erkan Özoral diplomatik fəaliyyəti müddətində ölkələrimiz arasında əlaqələrin bütün istiqamətlər üzrə, o cümlədən mədəniyyət sahəsində uğurlu inkişafından məmnunluğunu ifadə edərək, Azərbaycan üçün çox önəmli bir dövrdə burada səfir qismində çalışdığını, ölkəmizin tarixi Zəfərinə şahidlik etdiyini deyib.Azərbaycanın apardığı mübarizəyə Türkiyənin ilk günlərdən bütün qurum və təşkilatları ilə dəstək verdiyini, bütün imkanları ilə azərbaycanlı qardaşlarının yanında olduğunu bildirən diplomat bunu ölkələrimiz arasındakı sarsılmaz münasibətlərin təzahürü kimi qiymətləndirib.Erkan Özoral bundan sonrakı fəaliyyətində də qardaş xalqlarımız arasında əlaqələrin inkişafında fəal iştirak edəcəyini qeyd edib.Sonda nazir Azərbaycanda səfir kimi səlahiyyət müddəti başa çatan Erkan Özorala gələcək fəaliyyətində uğurlar arzulayıb.xeber100.com

Aprel 14, 2021 09:55

Elvin Abdullayev: “Kapitan Fərhadın Odisseyası” ssenarisi bir ümiddir

Azərbaycan  Kinematoqrafçılar İttifaqının Qarabağ həqiqətlərini kinoda ifadəsi və dünya tamaşaçısına çatdırmaq məqsədi ilə elan etdiyi “Qarabağ.İnsan.Qələbə” ssenari müsabiqəsinin finalçıları sırasında gənc rejissor Elvin Abdullayev də yer aldı. E.Abdullayevin yazdığı  “Kapitan Fərhadın Odisseyası” ssenarisi, Qarabağ haqqında yazılan ssenarilər sırasında üstünlük təşkil etdi. Xatırladaq ki, Elvin Abdullayev 2015-2019-cu illərdə Azərbaycan Dövlət Mədəniyyət və İncəsənət Universitetinin kino və televiziya fakultəsində - rejissor sənəti üzrə təhsil alıb. O, 2020-ci ildə magistratura üzrə təhsil alan zaman internetdə əsir həyatı yaşamış bir döyüşçü haqqında məlumat oxuyur, onunla gerçək həyatda da tanış olur və  həyat hekayəsini qələmə alır. Qeyd edək ki, ssenari Qarabağda döyüşən, əsir düşən və sonrakı mərhələdə əsirlikdən qaçmağı bacaran Fərhad Mirnaib oğlu Fərhadov haqqındadır. Rejissor deyir ki, ssenari üzərində bir il işləyib: “Öncəliklə qeyd edim ki, ssenari ilə reallıq arasında çox az fərq var, sadəcə bəzi mövcud olan məqamları reallıqla uzlaşdırıb  hadisələrə əlavə etmişəm. Bu ssenari qəhrəmanın simasında düşüncənin, xəyalın, oxumağın, mütaliənin, təhsilin gücünü göstərir. Eynşteyn deyirdi ki, fizika sizi A nöqtəsindən B nöqtəsinə aparar, təsəvvür isə hər yerə. Fərhad təsəvvür gücünə və Allaha ümid edərək əsirlikdən qaçır. Bu ssenari eyni zamanda ümiddir. Əsir və itkin düşmüşlərin ailələri üçün doğan bir ümid. Bəlkə 4 minə yaxın əsir və itkin düşmüş adamların aqibəti bilindi. Onlar arasında mənim müharibədə döyüşüb itkin düşən əmim, dayım da var. Bu ssenari həm də motivasiyadır. İzləyici kütləyə birdən çox ideya öyrədir və aşılayır”. “Kapitan Fərhadın Odisseyası” adına gəlincə, rejissor qeyd edir ki, bunun səbəbi ssenaridə əsas rolu oynayan kitabdır: “Fərhad əsir qaldığı evdə “Captain Blood and his odyssey” nağılını oxuyur və bu kitaba bağlanır. Kitabda təsvir olunan qəhrəmanın həyatını özünə doğma bilir və Peter Blood-un elədiyi kimi qaçmaq barədə fikirləşir, gecə-gündüz plan qurur. Və beləcə onun nağıl kimi qaçışı gerçəkləşir. Bu ssenari həm də mütaliənin, dünya görüşün insan həyatında əhəmiyyətini göstərir”. Qələmə aldığı hekayədən təsirlənən Elvin deyir ki, ssenarinin müsabiqənin birinci mərhələsindən keçəcəyinə inansa da ikinci mərhələdən keçəcəyinə o qədər də inanmayıb: “Udmaq və ya uduzmaq deyil, münsiflərin ilk qələm təcrübəm haqqında olan fikirləri, onların rəyləri məni daha çox maraqlandırırdı. İkinci mərhələdən keçdim, finala qalmışam, bu, mənim üçün sevindirici haldır”. İlk qələm təcrübəsində düşüncə tərzi ortaya qoyan, belə ssenarilərin ölkə, vətən, dövlətçilik kimi məqamlarda önəmli olduğunu vurğulayan gənc ssenarist elə önəmli olan bir məqama da toxunur: “II Vətən müharibəsi dövründə və ondan sonra gördük ki, xarici dövlətlər, beynəlxalq təşkilatlar bizi hərbi cinayətlər törətməkdə ittiham edirlər. Biz isə ittihamlara cavab olaraq faktlarla göstəririk ki, əslində hərbi cinayətlər bizə qarşı törədilib. Ssenarim əsasında çəkiləcək film bütün bu sullara cavab olacaq, xarici tamaşaçılara da göstərəcək ki, əsl cinayətkar kimdir”. İlk ssenarisi ilə “Qarabağ.İnsan.Qələbə” müsabiqəsinin münsiflərinin müsbət rəyini alan finalçı Elvin Abdullayevə bu yolda uğurlar arzulayırıq.    

Aprel 5, 2021 22:16

“Oskar” kino mükafatlarının təqdim edilməsi mərasimi keçiriləcək

Aprelin 25-də 2021-ci il üçün “Oskar” kino mükafatlarının təqdim edilməsi mərasimi keçiriləcək.Azərtac xəbər verir ki, ABŞ-da bu mükafata namizədlərin siyahısı elan edilib. Devid Finçerin “Mank” filmi siyahıda birinci yerdədir – bu film 10 nominasiya üzrə mükafata namizəddir.Hər biri altı nominasiyada namizəd olan filmlər bunlardır: Şaki Kinqin “İuda və Qara Messiya” tarixi trilleri, Florian Zellerin ağıldankəmlərdən bəhs edən “Ata” dramı, Aaron Sorkinin “Çikaqo yeddiliyinin məhkəməsi” dramı, Li İsaak Çanqın “Minari” lenti, Xloya Çjaonun “Köçərilər ölkəsi” dramı və Darius Marderin korların mədəniyyətindən bəhs edən “Metal səsi” adlı tədqiqatı.“Oskar” mükafatlarının təqdim edilməsi mərasimi bu il 93-cü dəfə keçiriləcək. Aprelin 25-də ABC kanalında translyasiya ediləcək tədbirin aparıcısı hələ məlum deyil, lakin nominasiyaya daxil edilmiş istedadların siyahısı çox rəngarəngdir. Beş il bundan əvvəl düşünülmüş #OscarsSoWhite heşteqindən müsbət mənada kənarlaşma kimi bu faktı qeyd etmək lazımdır ki, builki mükafatlara 20 namizəddən 9-u qaradərilidir.Ən yaxşı film nominasiyasında namizədlər arasında “Köçərilər ölkəsi”, “Mank”, “Ata”, “Metal səsi”, “Çikaqo yeddiliyinin məhkəməsi”, “İuda və Qara Messiya”, “Minari” və Emerald Fennellin qisasından bəhs edən “Ümidverici qız” adlı feminist filmi var.“Ma Reyni” filmində ən yaxşı qadın roluna nominant Viola Devis “Oskar” mükafatlarının tarixində ən tez-tez nominasiya edilən qaradərili aktrisadır. İki dəfə “Oskar” mükafatının sahibi olmuş Frensis MakDormant (“Köçərilər ölkəsi”), Keri Malliqan (“Ümidverici qız”), Andra Dey (“Birləşmiş Ştatlar Villi Holideyə qarşı”) və Vanessa Kirbi də (“Qadın fraqmentləri”) bu kateqoriyada təmsil olunub. Mərhum Çedvik Boouzman “Ma Reyni” filmində işinə görə ən yaxşı kişi roluna nominant seçilib (ölümündən sonra). Bu kateqoriyada Entoni Hopkins (“Ata”), Stiven Yun (“Minari”), Geri Oldman (“Mank”) və müsəlman kişi aktyorlar arasında ilk dəfə bu nominasiyaya seçilmiş Riz Əhməd (“Metal səsi”) var.Ən yaxşı rejissor nominasiyasında “Oskar” mükafatına namizədlər arasında Finçer, Çanq və Tomas Vinterberq (“Başqa raund”) ilə birlikdə iki qadın da var: Çjao və Emerald Fennell (“Ümidverici qız”).

Mart 16, 2021 10:35

Novruz bayramı ərəfəsində dörd çərşənbə – Su, Od, Yel və Torpaq qeyd edilir

Hər il Novruz bayramı ərəfəsində xalqımız dörd çərşənbəni - Su, Od, Yel və Torpaq çərşənbələrini qeyd edir.Azərtac xəbər verir ki, xalq arasında “Külək oyadan çərşənbə”, “Küləkli çərşənbə”, “Yelli çərşənbə” və “Heydər çərşənbəsi” kimi tanınan Yel çərşənbəsi ilaxır çərşənbələrin üçüncüsüdür.Yel çərşənbəsi günündə əsən isti külək yazın gəlişindən xəbər verir. İnanclara görə, bu çərşənbədə külək oyanmış suyu, odu hərəkətə gətirir. Şifahi xalq yaradıcılığında yelin Tanrı olması ilə bağlı müxtəlif nəğmə, əfsanə, rəvayət, mif, inanc, məsəl və s. yaranmışdır. Novruz şənliklərində icra olunan “Yel baba” mərasimi öz kökü etibarilə qədim əcdadlarımızın yel Tanrısına etiqadı ilə bağlıdır.Yel çərşənbəsi günü tonqallar qalanır, evlərdə südlü plov və ya bulğur aşı bişirilir. Süfrəyə daha çox quru meyvə və dənli bitkilərdən hazırlanmış çərəzlər düzülür. Qadınlar axır çərşənbə üçün hazırlıq görürlər. Ev əşyaları təmizlənir, xalça-palaz çırpılır, yorğan-döşək havaya verilir. Xanımlar uşaqlar üçün təzə paltar biçib-tikir. Qız-gəlinlər qoz-fındığı ləpələyib şirniyyat hazırlığı tədarükü görürlər. Həmin gün bir qarış böyümüş səməninin ortasına qırmızı qumaş bağlanır.Yel çərşənbəniz mübarək!xeber100.com

Mart 9, 2021 12:39