Türkiyə Respublikasının 100-cü ildönümünə həsr olunmuş beynəlxalq futbol turniri keçirilib

Noyabrın 23-27-də Antalyada Türkiyə Respublikasının 100-cü ildönümünə həsr olunmuş beynəlxalq parlamentlərarası futbol turniri keçirilib. Milli Məclisin Mətbuat və ictimaiyyətlə əlaqələr şöbəsindən bildirilib ki, turnirdə Türkiyə, Azərbaycan, Rumıniya, Bolqarıstan, Bosniya və Herseqovina, Macarıstan və Gürcüstan parlamentlərinin komandaları iştirak ediblər. B qrupunda mübarizə aparan Milli Məclisin komandası ümumilikdə 4 oyunda 3 qələbə qazanaraq yarışı bürünc medallarla başa vurub. Komandamızın yeganə məğlubiyyəti yarışı çempion kimi tamamlayan Rumıniya kollektivinə qarşı olub.xeber100.com

Azərbaycan Kubokunda II təsnifat mərhələsinin hakim təyinatları açıqlanıb

Futbol üzrə Azərbaycan Kubokunda II təsnifat mərhələsinin hakim təyinatları açıqlanıb. Peşəkar Futbol Liqasının rəsmi saytı xəbər verir ki, FIFA referilərindən Əliyar Ağayev “Kəpəz” – “Baku Sportinq” matçını, Rauf Cabbarov isə “Kür-Araz” – “Araz-Naxçıvan” görüşünü idarə edəcək. Bu raundun qarşılaşmaları üç günü əhatə edəcək. Azərbaycan Kuboku II təsnifat mərhələsi 28 noyabr (çərşənbə axşamı) 13:30. “Karvan” – “Difai Ağsu” Hakimlər: Rauf Allahverdiyev, Elşad Abdullayev, Səbuhi Sultanov, Elvin Bayramov Hakim-inspektor: Ömər Paşayev AFFA nümayəndəsi: Mübariz Hüseynov Yevlax şəhər stadionu. 13:30. “Araz Saatlı” – “İrəvan” Hakimlər: Kamal Umudlu, Şirmamed Mamedov, Kərim Zeynalov, Əkbər Əhmədov Hakim-inspektor: Asim Xudiyev AFFA nümayəndəsi: İlham Əliyev Saatlı OİK stadionu. 13:30. MOİK – “Cəbrayıl” Hakimlər: İnqilab Məmmədov, Kamran Bayramov, Rahil Ramazanov, Rövşən Rəcəbov Hakim-inspektor: Ramil Diniyev AFFA nümayəndəsi: Rüfət Əmirov Binə qəsəbə stadionu. 15:00. “Şəfa” – “Səbail” Hakimlər: Əli Əliyev, Asiman Əzizli, Tərlan Talıbzadə, Fəridə Lütfəliyeva Hakim-inspektor: Barış Şimşek AFFA nümayəndəsi: Elman Musayev “ASCO Arena”. 17:00. “Turan Tovuz” – “Göygöl” Hakimlər: Tural Qurbanov, Müslüm Əliyev, Vüsal Məmmədov, Şamil İmanzadə Hakim-inspektor: Orxan Məmmədov AFFA nümayəndəsi: Anar Şixəliyev Tovuz şəhər stadionu. 29 noyabr (çərşənbə) 13:30. “Şahdağ Qusar” – “Qaradağ Lökbatan” Hakimlər: Rəvan Həmzəzadə, Eyyub İbrahimov, Samir Qaracayev, İslam Məmmədov Hakim-inspektor: Anar Salmanov AFFA nümayəndəsi: Azər Əsgərov Şamaxı OİK stadionu. 13:30. “Kəpəz” – “Baku Sportinq” Hakimlər: Əliyar Ağayev, Zeynal Zeynalov, Akif Əmirəli, Namiq Bəkirov Hakim-inspektor: Zöhrab Qədiyev AFFA nümayəndəsi: Nəriman Axundov Tovuz şəhər stadionu. 15:00. “Kür-Araz” – “Araz-Naxçıvan” Hakimlər: Rauf Cabarov, Namiq Hüseynov, Vüqar Bayramov, Emin Əliyev Hakim-inspektor: Babək Quliyev AFFA nümayəndəsi: Kifayət Mustafayeva “Dalğa Arena”. 18:00. “Lerik” – “Sumqayıt” Hakimlər: Nicat İsmayıllı, Cəmil Quliyev, Orxan İbişov, Səbuhi Bayramov Hakim-inspektor: Vüsal Əliyev AFFA nümayəndəsi: Elgiz Abbasov “Kapital Bank Arena”. 30 noyabr (cümə axşamı) 13:30. “Zaqatala” – “Şamaxı” Hakimlər: Fərid Hacıyev, Taleh Məmmədov, Qəzənfər Məmmədov, Mahmud Bağırzadə Hakim-inspektor: Əmrah İbrahimov AFFA nümayəndəsi: Erkin Hüseynov Zaqatala OİK stadionu. 13:30. “İmişli” – “Mingəçevir” Hakimlər: Kamran Əliyev, Zöhrab Abbasov, Teymur Teymurov, Murad Səlimli Hakim-inspektor: Rəhim Həsənov AFFA nümayəndəsi: Seymur Səlimli.xeber100.com

BMT Baş Assambleyası Paris Oyunları dövründə Olimpiya barışığı elan edilməsinə çağırıb

BMT Baş Assambleyası növbəti il Fransa paytaxtında keçiriləcək Olimpiya Oyunları dövründə barışığa əməl edilməsi ilə bağlı ölkələrə çağırış ehtiva edən qətnamə qəbul edib. BMT Baş Assambleyasının bu sənədini 2024-cü il Olimpiya Oyunları təşkilat komitəsinin rəhbəri Toni Estange Parisdə təqdim edib. O deyib: “Olimpiya Oyunları idmanın gücünün ən yaxşı təcəssümüdür, çünki onlar qlobal dəyərlər kimi tolerantlıq, hörmət və qarşılıqlı mübadilə nümayiş etdirir. Müasir Olimpiya Oyunlarının dirçəlişi ilə əlaqəli bir ölkə 100 illik fasilədən sonra 33-cü Yay Olimpiya Oyunları və sayca 17-cisi keçiriləcək Paralimpiya Oyunlarına ilk dəfə ev sahibliyi edəcək... Mən Parisdə 2024-cü il Paralimpiya və Olimpiya Oyunları kontekstində daha yaxşı idman dünyası üçün qətnaməni təqdim etməkdən şərəf duyuram”. Təqdim olunan “İdman və Olimpiya ideallarının təcəssümü vasitəsilə planetdə sülhün bərqərar olması və daha xoşbəxt həyatın qurulması” adlı qətnamə doqquz bənddən ibarətdir. Birincisi, Olimpiadanın açılışına yeddi gün qalmış başlayan və Paralimpiya Oyunlarının bağlanış mərasimindən yeddi gün sonra başa çatan müddət ərzində Olimpiya barışığına hörmət etməyə, habelə idmançıların, rəsmi nümayəndələrin və bütün digər akkreditə olunmuş şəxslərin təhlükəsiz keçidini, girişini və iştirakını təmin etməyə çağırışdır. Bundan əlavə, sənəddə "idman potensialını maksimum dərəcədə artırmaq məqsədilə üzv ölkələr, BMT, eləcə də ixtisaslaşmış qurumlar, fondlar və proqramlar, Beynəlxalq Olimpiya Komitəsi və Beynəlxalq Paralimpiya Komitəsi arasında əməkdaşlıq alqışlanır".xeber100.com

Azərbaycan çempionatında növbəti oyunların proqramı açıqlanıb

Kişi voleybolçular arasında Azərbaycan çempionatında növbəti oyunların keçirilmə yeri və vaxtı dəqiqləşib. Ölkə çempionatının növbəti matçları noyabrın 22-də və 23-də təşkil olunacaq. Bu gün MOİK Yüksək Liqadakı növbəti matçında “Neftçi” ilə üz-üzə gələcək. Oyun saat 18:00-da başlayacaq. Noyabrın 23-də isə ilk olaraq meydana “Azərreyl” və “Murov Az Terminal” komandaları çıxacaqlar. Matç saat 16:00-da başlayacaq. Günün növbəti qarşılaşması isə “Xarı Bülbül Şuşa” və “Xarı Bülbül Laçın” klubları arasında olacaq. Oyun saat 19:00-da başlayacaq. Hər üç görüş Gənclər və İdman Nazirliyinin Voleybol Mərkəzində təşkil olunacaq. Yüksək Liqa (kişilər) 22 noyabr 18:00. MOİK - “Neftçi” 23 noyabr 16:00. “Azərreyl” - “Murov Az Terminal” 19:00. “Xarı Bülbül Şuşa” - “Xarı Bülbül Laçın”xeber100.com

“Vüqar Həşimov Memorial-2023” superturnirində iştirak edəcək şahmatçılar bəlli olub

"Vüqar Həşimov Memorial-2023" superturnirində iştirak edəcək şahmatçılar bəlli olub. Bu barədə yarışın direktoru Anar Allahverdiyev memorialla bağlı təşkil olunmuş mətbuat konfransında məlumat verib. O, superturnirdə ümumilikdə 10 şahmatçının iştirak edəcəyini bildirib. Bunlardan beşi azərbaycanlı, beşi isə əcnəbi olacaq. "Vüqar Həşimov Memorial-2023"ün iştirakçıları: Teymur Rəcəbov, Şəhriyar Məmmədyarov, Nicat Abasov, Rauf Məmmədov, Aydın Süleymanlı, Santoş Vidit (Hindistan), Riçard Rapport (Rumıniya), Yan-Kşiştof Duda (Polşa), Yorden van Forest (Niderland) və Boris Geifand (İsrail). Qeyd edək ki, turnir Vüqar Həşimov Şahmat Fondu, Gənclər və İdman Nazirliyi və Azərbaycan Şahmat Federasiyanın təşkilatçılığı ilə dekabrın 7-11-də Qəbələdə keçiriləcək.xeber100.com

Azərbaycan Üzgüçülük Federasiyası: Üzgüçülük üzrə qaliblər müəyyənləşib

Bakı Su İdmanı Sarayında keçirilən üzgüçülük üzrə Azərbaycan Kubokunun qalibləri müəyyənləşib. Federasiyadan verilən məlumata görə, sprint növü üzrə qızlar arasında Fatimə Alkərəmova, stayer növündə isə Kseniya Voronina ölkə kubokunun sahibi olublar. Oğlanlar arasında isə Ramil Vəlizadə (sprint) və Süleyman İsmayılzadə (stayer) birinci yerə layiq görülüblər. Turnirdə yığmanın üzvü, 2008-ci il təvəllüdlü Anastasiya Boborokina ilk dəfə olaraq idman ustası normativini yerinə yetirib. Bundan başqa 2012-ci il təvəllüdlü Orxan Əliyev və Məryəm Cavadova ilk dəfə idman ustalığına namizəd normativlərini yerinə yetiriblər. Həmçinin yarışda fəal iştirak edən 58 könüllü və hakimlərə federasiya tərəfindən sertifikatlar təqdim edilib. Gənclər və İdman Nazirliyi, Azərbaycan Üzgüçülük Federasiyasının təşkilatçılığı və Bakı Su İdmanı Sarayının dəstəyi ilə keçirilən kubok uğrunda yarışlarda ilk pillənin qaliblərindən başqa, digər yaxşı nəticələr göstərənlər də medal və diplomlarla təltif olunublar.xeber100.com

Azərbaycan Atçılıq Federasiyasının təşkilatçılığı ilə…

Azərbaycan Atçılıq Federasiyasının təşkilatçılığı ilə Binə Atçılıq Mərkəzində, Ümummilli Lider Heydər Əliyevin 100 illik yubileyinə həsr olunmuş Milli Atçılıq Festivalı başa çatıb. Bu gün çövkən üzrə dünya çempionatının üçüncülük uğrunda və final oyunları keçirilib. Günün ilk, çempionatın yeddinci matçı Özbəkistan və Polşa, final oyunu isə Azərbaycan və Mərakeş komandaları arasında olub. Özbəkistana 5 cavabsız qolla qalib gələn Polşa yığması bürünc medallara sahib çıxıb. Qarşılaşmada Marek Setkieviç (3), Marta Şostak (1) və Marianna Olbrix (1) fərqlənməyi bacarıblar. Finalda Mərakeşi 4:0 hesabı ilə üstələyən Azərbaycan millisi isə dünya çempionu olub. Rəqib komandanın qapısından qolları Tərlan Qurbanaliyev (2), Şamil Budaqov (1) və Şahmar Nağızadə keçiriblər. Mundialın bombardiri altı qolla Tərlan Qurbanaliyev olub. Sonda dörd, beşinci və altıncı yerin sahiblərinə çempionatda iştirak etdiklərinə görə təşəkkürnamə, ilk üç yeri tutanlara isə müvafiq olaraq, qızıl, gümüş və bürünc medallar, həmçinin fəxri diplom, dünya çempionu olan Azərbaycan yığmasına kubok təqdim edilib.xeber100.com

Azərbaycan milli komandası bu gün UEFA Millətlər Liqasında növbəti oyununa çıxacaq

Qadın futbolçulardan ibarət Azərbaycan milli komandası bu gün UEFA Millətlər Liqasında növbəti oyununa çıxacaq. Siyasət Əsgərovun baş məşqçi olduğu kollektiv dördüncü turda Monteneqro yığmasını qəbul edəcək. “Dalğa Arena”da oynanılacaq qarşılaşma saat 16:00-da start götürəcək. Görüşü Ukraynadan olan hakimlər briqadası idarə edəcək. Baş hakim Anastasiya Romanyuka həmyerliləri Aleksandra Vdovina və İrina Petrova kömək edəcəklər. Dördüncü hakim funksiyasını Kristina Kozeroq yerinə yetirəcək. Qeyd edək ki, üç turdan sonra aktivində 7 xalı olan Azərbaycan millisi hazırda qrup lideridir. Monteneqro seçməsi isə altı xalla ikinci pillədə yer alıb. Qarşılaşma Azərbaycan yığmasının liderliyini qoruyub saxlaması baxımından önəmlidir. Milli komanda Monteneqrodakı matçda rəqibini 1:0 hesabı ilə məğlub etmişdi. Millətlər Liqası C divizionu, 3-cü qrup 31 oktyabr 16:00. Azərbaycan – Monteneqro Baş hakim: Anastasiya Romanyuk Bakı, “Dalğa Arena”.xeber100.com

Beynəlxalq Futbol Tarixi və Statistikaları Federasiyası futbolçuların reytinq cədvəlini yeniləyib

Beynəlxalq Futbol Tarixi və Statistikaları Federasiyası (İFFHS ) ən çox oyun keçirən futbolçuların reytinq cədvəlini yeniləyib. 1000-dən çox matçda meydana çıxmış futbolçuların yer aldığı siyahıda bir dəyişiklik olub. Xorvatiya millisi və İspaniyanın “Real Madrid” klubunun yarımmüdafiəçisi Luka Modriçin adı reytinqə əlavə edilib. Siyahıda olan 21 oyunçudan altısı peşəkar karyerasını davam etdirir. Sıralamaya Braziliya millisinin sabiq qapıçısı Rocerio Seni (1225 oyun) başçılıq edir. İngiltərəli veteran qolkiper Piter Şilton (1217) ikinci, R. Seninin həmyerlisi Fabio (1192) üçüncü sırada qərarlaşıb. Hazırda Səudiyyə Ərəbistanın “Əl-Nəsr” klubunda çıxış edən portuqaliyalı ulduz futbolçu Kriştianu Ronaldu (1191) isə dördündü pillədə yer alıb. Ən çox oyun keçirən futbolçuların siyahısı: 1. Rocerio Seni (Braziliya) - 1225 oyun (1993-2015) 2. Piter Şilton (İngiltərə) - 1217 oyun (1966-1996) 3. Fabio (Braziliya) - 1192 oyun (1997-) 4. Kriştianu Ronaldu (Portuqaliya) - 1191 oyun (2002-) 5. Roberto Karlos (Braziliya) - 1090 oyun (1991-2015) 6. Canluici Buffon, (İtaliya) - 1070 oyun (1995-2013) 7. Rey Klemans (İngiltərə) - 1069 oyun (1965-1988) 8. Xavyer Zanetti (Argentina) - 1067 oyun (1993-2014) 9. Dani Alves (Braziliya) - 1056 oyun (2001-) 10. İker Kasilyas (İspaniya) - 1048 oyun (1999-2019) 11. Patrik Cenninqs (Şimali İrlandiya) - 1 046 oyun (1963-1986) 12. Lionel Messi (Argentina) - 1045 oyun (2004-) 13. Qlenn Ferqyuson (Şimali İrlandiya) - 1 041 oyun (1987-2011) 14. Raul Qonsales (İspaniya) - 1034 oyun (1994-2015) 15. Paolo Maldini (İtaliya) - 1028 oyun (1985-2009) 16. Yasuhito Endo (Yaponiya) - 1028 oyun (1998-) 17. Rayan Giqqz - (Uels) 1027 oyun (1990-2014) 18. Xavi Ernandes (İspaniya) - 1017 oyun (1998-2019) 19. Noel Beyli (Şimali İrlandiya) - 1013 oyun (1989-2011) 20. Frenk Lempard (İngiltərə) - 1009 oyun (1995-2016) 21. Luka Modriç (Xorvatiya) - 1000 oyun (2003-)xeber100.com

Peşəkar Futbol Liqası: XI tur “Qarabağ”la “Neftçi” üçün əlamətdar olub

Azərbaycan Premyer Liqasının XI turu “Qarabağ”la “Neftçi” üçün əlamətdar olub. Peşəkar Futbol Liqasının rəsmi saytı xəbər verir ki, hər iki komanda Azərbaycan çempionatları tarixində yubiley – 900-cü matçını keçirib. 1992-ci ildən təşkil olunan yarışın daimi iştirakçısı olan iki klub oyun sayında da mütləq rekordçudur. 32-ci mövsümdə 900-ə çatan yubilyarların ikisi də əlamətdar matçda uduzub. Yubileyini əzəli rəqibindən bir gün əvvəl qeyd edən “Neftçi” öz meydanında “Sabah”a 0:1, “Qarabağ” isə səfərdə “Araz-Naxçıvan”a 1:2 hesabı ilə məğlub olub. Bu, 900 matçda 518 qələbə qazanıb, 208 heç-heçə edən Ağdam klubunun 174-cü məğlubiyyəti olub. Bakılılar isə 507 qələbə və 198 heç-heçə etdikləri dövrdə 195-ci dəfə xalsız qalıblar. Qeyd edək ki, hər iki komandanın debütü ilk çempionata təsadüf edib. “Köhlən atlar” 1992-ci il mayın 3-də öz meydanında Sabirabad “İnşaatçı”sına 1:2 hesabı ilə uduzub. Beş gün sonra meydana çıxan paytaxt təmsilçisi evdə Sumqayıt “Xəzər”inə qalib gəlib – 1:0.xeber100.com

Azərbaycan Premyer Liqasının XI turunda qeydə alınan qayda pozuntuları ilə bağlı qərarlar qəbul edilib

AFFA İntizam Komitəsinin növbəti iclası keçirilib. İclasda Azərbaycan Premyer Liqasının XI turunda qeydə alınan qayda pozuntuları ilə bağlı qərarlar qəbul edilib. “Turan Tovuz”la oyunda (0:4) dörd futbolçusu sarı vərəqə alan “Kəpəz” klubu 700 manat cərimə edilib. Bundan başqa, “sarı-göylər”in analitiki İlkin Verdiyev hakimləri təhqir etdiyinə görə 2 oyun şərti olmaqla 5 oyun cəzalanıb, Gəncə təmsilçisi isə əlavə 4000 manat ziyana düşüb. Sınaq müddəti 3 ay təyin edilib. “Sumqayıt” – “Qəbələ” oyununa (0:0) təcili tibbi yardım avtomobili təyin edilmiş vaxtdan gec gəldiyinə görə meydana sahibi klub 1000 manat cərimə ödəyəcək. Həmçinin, qarşılaşma bitdikdən sonra meydançaya kənar şəxslər daxil olduğuna görə “gənclik şəhəri” təmsilçisi daha 800 manat cərimələnib. “Neftçi” ilə matçda (1:0) 4 futbolçusu sarı vərəqə görən “Sabah” komandası 700 manat cərimə edilib. Görüşün 90+3-cü dəqiqəsində qonaq komandanın müdafiəçisi Yuri Matias ikinci sarı vərəqədən “qırmızı” aldığına görə 1 oyun cəzalanıb, klubunu isə 500 manat xərcə salıb. Bundan başqa, oyun bitdikdən sonra meydançaya kənar şəxs daxil olduğuna görə “Neftçi” əlavə 800 manat cərimələnib. “Araz-Naxçıvan” – “Qarabağ” oyununda meydan sahiblərinin 5, qonaqların isə 6 futbolçusu sarı vərəqə aldığına görə komandaların hərəsi 700 manat məbləğində cərimə edilib.xeber100.com

UEFA Gənclər Liqasının II mərhələsində keçirəcəyi oyunların vaxtı və yeri müəyyənləşib

“Qəbələ”nin 19 yaşadək futbolçulardan ibarət komandasının UEFA Gənclər Liqasının Çempionlar yolunun II mərhələsində keçirəcəyi oyunların vaxtı və yeri müəyyənləşib. Yunanıstan təmsilçisi “Olimpiakos”a qarşı noyabrın 8-də baş tutacaq ilk matç Qəbələ şəhər stadionunda təşkil olunacaq. Görüş saat 16:00-da başlayacaq. Cavab oyunu noyabrın 29-da Pireydə keçiriləcək. Matç “Olimpiakos” Məşq Mərkəzində baş tutacaq. Yunanıstandakı qarşılaşmanın start fiti Bakı vaxtı ilə saat 19:00-da veriləcək. Qeyd edək ki, “Qəbələ” ilk mərhələdə Macarıstan təmsilçisi “Puşkaş Akademiya”nı mübarizədən kənarlaşdırıb – 1:1, 1:0.xeber100.com

Azərbaycan millisi UEFA Millətlər Liqasında bu gün növbəti oyununu keçirəcək

Qadın futbolçulardan ibarət Azərbaycan millisi UEFA Millətlər Liqasında bu gün növbəti oyununu keçirəcək. Komanda səfərdə Farer adaları yığması ilə qarşılaşacaq. Görüşü Latviyadan olan hakimlər briqadası idarə edəcək. Baş hakim Jelena Jermolajevadır. Ona həmyerliləri Liga Didrike, Diana Vanaga kömək edəcəklər. Dördüncü hakim funksiyasını isə Darja Voitehoviça yerinə yetirəcək. Qeyd edək ki, Klaksvik şəhərindəki “Djupumyru” stadionunda keçiriləcək oyun Bakı vaxtı ilə saat 17:00-da start götürəcək.xeber100.com

Voleybolçulardan ibarət “Azərreyl” klubu 1/16 final mərhələsinin ilk matçını keçirəcək

Çağırış kubokunda mübarizə aparan qadın voleybolçulardan ibarət “Azərreyl” klubu 1/16 final mərhələsinin ilk matçını Bakıda keçirəcək. Azərbaycan Voleybol Federasiyasından verilən məlumata görə, komandamız İspaniyanın “Avarca de Monerca” klubu ilə üz-üzə gələcək. Qarşılaşma noyabrın 9-da saat 19:00-da Gənclər və İdman Nazirliyinin Voleybol Mərkəzində baş tutacaq. Komandalar arasında ikinci oyun isə noyabrın 15-də keçiriləcək. Azərreyl səfərdəki cavab matçına Bakı vaxtı ilə saat 22:00-da çıxacaq. Qeyd edək ki, “Azərreyl” 1/32 finalda Ukraynanın SC BALTA komandasına hər iki qarşılaşmada qalib gəlib.xeber100.com

Avarçəkmə üzrə əməkdaşlıq memorandumu imzalanıb

Azərbaycan Kanoe və Avarçəkmə Federasiyası (AKAF) ilə Türkiyə Avarçəkmə Federasiyası (TAF) və Türkiyə Kanoe Federasiya (TKF) arasında əməkdaşlıq memorandumu imzalanıb. Bu barədə AKAF-ın mətbuat katibi Vüsal Qurbanov "Mingəçevir Reqatası-2023" beynəlxalq turniri zamanı jurnalistlərə açıqlamasında məlumat verib. Onun sözlərinə görə, memorandum federasiyalar arasında təcrübə mübadiləsinin aparılması, gələcəkdə Azərbaycan və Türkiyə milli komandalarının birgə təlim-məşq toplanışları keçməsində, həmçinin beynəlxalq yarışların təşkilində mühüm rol oynayacaq. Qeyd edək ki, 8 ölkədən 14 komandanın iştirakı ilə keçirilən reqatanın ilk iki günündə Azərbaycan avarçəkənləri ümumilikdə 16 medal qazanıblar.xeber100.com

Azərbaycan Cüdo Federasiyası: Yeni cüdo mərkəzi fəaliyyətə başlayıb

Mehdi Hüseynzadə adına Sumqayıt şəhər stadionunda yenidənqurmadan sonra yeni cüdo mərkəzi fəaliyyətə başlayıb. Bu barədə Azərbaycan Cüdo Federasiyasından məlumat verilib. Bildirilib ki, ölkəmizdə 1972-ci ildən inkişaf etdirilməyə başlayan və ötən il 50 illik yubileyini qeyd edən cüdo idman növünün ilk bölmələrindən biri elə həmin il Sumqayıt şəhərində fəaliyyətə başlayıb. Sumqayıt cüdo bölməsinin əsas mərkəzi uzun illər Mehdi Hüseynzadə adına Sumqayıt şəhər stadionunun binasında fəaliyyət göstərib. Sevindirici haldır ki, yenidən qurulan stadionun binasında ən müasir standartlara uyğun olan cüdo təlim mərkəzi də yaradılıb. Artıq oktyabrın 23-dən etibarən cüdo mərkəzi fəaliyyətə başlayıb və Sumqayıt cüdoçuları üçün ilk məşqlər keçirilib. Azərbaycan Cüdo Federasiyasının dəstəyi ilə qurulan cüdo mərkəzinin ümumi sahəsi 1900 kvadratmetrdir. Mərkəzdə üç “dojo” (cüdo məşq zalı) mövcuddur. Cüdo məşq zalları Beynəlxalq Cüdo Federasiyasının standartlarına uyğun olan tatamilər ilə təchiz olunub. Mərkəzin fiziki hazırlıq zalı da cüdo idman növü üzrə fiziki hazırlıq məşğələləri üçün hər bir şəraitə uyğundur. Təlim mərkəzində gözləmə zalı, hər zala görə paltardəyişmə otağı, həkim otağı, masaj otağı və sauna mövcuddur. Burada məşqçilərin və digər inzibati işçilərin fəaliyyəti üçün iclas otağı və ofis otaqları təmin edilib. Sumqayıt cüdo təlim mərkəzinin baş məşqçisi İlham Məmmədov bildirib ki, Sumqayıtda uşaqlar, yeniyetmələr və gənclər arasında cüdoya maraq böyükdür: “İlk növbədə, yaradılan yüksək şəraitə görə Prezident İlham Əliyevə Sumqayıt cüdo ictimaiyyəti adından dərin minnətdarlığımızı bildiririk. Cüdo idmançıların yüksək fiziki hazırlığa malik olmaqları ilə yanaşı, həmçinin onların intellektual və mənəvi inkişafına da mühüm töhfə verir. Biz də məşqçilər olaraq ölkə və beynəlxalq səviyyədə regionumuzu təmsil edə biləcək istedadlı cüdoçular və ən əsası layiqli vətəndaşlar yetişdirmək üçün əlimizdən gələni edəcəyik”. Qeyd edək ki, təlim mərkəzində 1500-ə qədər yeniyetmə və gəncin daimi məşq etməsi üçün şərait mövcuddur və onlar müəssisədə işləyən 10-dan yuxarı peşəkar cüdo məşqçilərinin təcrübəsindən faydalanacaqlar.xeber100.com

UEFA Çempionlar Liqasında qrup mərhələsinin oyunları keçirilib

UEFA Çempionlar Liqasında qrup mərhələsinin III turunda 4 qrupun oyunları keçirilib. İlk oyun günündə Almaniya çempionu “Bavariya” Türkiyədə “Qalatasaray”la qarşılaşıb. Oyun “Bavariya”nın 3:1 üstünlüyü ilə başa çatıb. İspaniya “Real”ı isə Portuqaliyanın “Braqa” klubuna səfərdə qalib gəlib – 2:1. Qrup mərhələsi, III tur 24 oktyabr A qrupu “Qalatasaray” (Türkiyə) – “Bavariya” (Almaniya) 1:3 “Mançester Yunayted” (İngiltərə) – “Kopenhagen” (Danimarka) 1:0 Xal hesabı: “Bavariya” – 9, “Qalatasaray” – 4, “Mançester Yunayted” – 3, “Kopenhagen” – 1. B qrupu “Lans” (Fransa) – PSV (Niderland) 1:1 “Sevilya” (İspaniya) – “Arsenal” (İngiltərə) 1:2 Xal hesabı: “Arsenal” – 6, “Lans” – 5, “Sevilya” – 2, PSV - 2. C qrupu “Braqa” (Portuqaliya) – “Real” (İspaniya) 1:2 “Union” (Almaniya) – “Napoli” (İtaliya) 0:1 Xal hesabı: “Real” – 9, “Napoli” – 6, “Braqa” – 3, “Union” - 0. D qrupu “İnter” (İtaliya) – “Zaltsburq” (Avstriya) 2:1 “Benfika” (Portuqaliya) – “Real Sosyedad” (İspaniya) 0:1 Xal hesabı: “Real Sosyedad” – 7, “İnter” – 7, “Zalsburq” – 3, “Benfika” - 0.xeber100.com  

“Sabah” basketbol klubu Avropa Kubokunda növbəti oyununu keçirəcək

“Sabah” basketbol klubu bu gün FIBA Avropa Kubokunda növbəti oyununu keçirəcək. Azərbaycan çempionu D qrupundakı ikinci sınağında Türkiyənin “Bağçaşəhər” komandası ilə qarşılaşacaq. “Sərhədçi” İdman Mərkəzində keçiriləcək oyun saat 19:00-da start götürəcək. Qeyd edək ki, “Sabah” qrupundakı ilk oyununda Monteneqroda “Mornar” komandasına 75:80 hesabı ilə uduzub.xeber100.com

Futbolçulardan ibarət Azərbaycan millisinin üç oyun üçün heyəti müəyyənləşib

On doqquz yaşadək qadın futbolçulardan ibarət Azərbaycan millisinin üç oyun üçün heyəti müəyyənləşib. AFFA-nın rəsmi saytına istinadən xəbər verir ki, yığmaya 19 oyunçu cəlb edilib. Komanda noyabrın 1-dən 5-dək Bakıda təlim məşq toplanışı keçəcək. Yığma noyabrın 6-15-də Sloveniyada UEFA Millətlər Liqası formatında təşkil olunacaq Avropa çempionatının seçmə mərhələsində iştirak edəcək. Qeyd edək ki, milli noyabrın 8-də Kosovo, 11-də Sloveniya, 14-də isə Moldova ilə üz-üzə gələcək. Yığmanın heyəti: Mehriban Şahməmmədova, Güləsər İsmayılova, Aytac Mirzəyeva, Müjgan Seyidova, Aydan Həsənova, Şəkər Piriyeva, Aysu Murtuzayeva, İntizar Haqverdiyeva, Lalə Abbaszadə (hamısı “Neftçi”), Aydan Əkbərova, Fatimə Əhmədova, Röya Əliyeva, Mələk Hacıyeva, Nailə Əliyeva, Fidan Abışova (hamısı “Baku Cuniors”), Aysel Ziyadova (“Şəmkir”), Fatiməyi Zəhra Hüseynli (“Sumqayıt”), Səma Həsənli (“Qəbələ”), Buse Nur Kocabey Asyaspor (Türkiyə).xeber100.com

Futbolçulardan ibarət Azərbaycan millisinin iki oyun üçün heyəti açıqlanıb

Qadın futbolçulardan ibarət Azərbaycan yığmasının UEFA Millətlər Liqasında Farer adaları və Monteneqro seçmələri ilə keçirəcəyi oyunlar üçün heyəti açıqlanıb. AFFA-nın rəsmi saytı xəbər verir ki, baş məşqçi Siyasət Əsgərov 23 oyunçuya dəvət göndərib. Milli komanda həmin matçlara hazırlıq məqsədilə oktyabrın 23-də Farer adalarında təlim-məşq toplanışına başlayacaq. Qeyd edək ki, oktyabrın 27-də səfərdə Farer adalarının qonağı olacaq Azərbaycan millisi dörd gün sonra “Dalğa Arena”da Monteneqronu sınağa çəkəcək.xeber100.com