Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) 2021-ci il martın 1-nə olan reytinq siyahısını açıqlayıb.Azərtac xəbər verir ki, dünya reytinqinə görə, ilk onluqda qərarlaşan Şəhriyar Məmmədyarov (2770) səkkizinci, dünya kubokunun qalibi Teymur Rəcəbov (2765) isə onuncu pillədədir. Dünyanın ən qabaqcıl iki gənc şahmatçısı xalların sayını 2700-ə çatdırıblar. Belə ki, rusiyalı Andrey Yesipenko və niderlandlı Yorden van Forest 2701 xal toplayıblar.Digər şahmatçılarımız - 1 pillə geriləyən Qədir Hüseynov 2665 xalla 72-ci, Nicat Abbasov isə 2664 xalla 75-ci sırada qərarlaşıblar. Rauf Məmmədov (2654 xal) isə 3 pillə geriləyərək 90-cı yerdə qərarlaşıb.Kişi şahmatçıların siyahısına norveçli dünya çempionu Maqnus Karlsen (2847) başçılıq edir.Qadın şahmatçılardan Günay Məmmədzadə 2443 xalla 29-cu, Gülnar Məmmədova (2383) 79-cu, Xanım Balacayeva 2376 xalla 89-cu yerdədirlər.Qadın şahmatçılar arasında ən yüksək reytinq xalı (2658) çinli Yifan Houya məxsusdur.xeber100.com

Azərbaycan Gimnastika Federasiyasının məlumatına görə…

Gənclər və İdman Nazirliyi gimnastika sahəsində nailiyyətlər qazanmış idmançıların bir qrupunu “İdman ustası” fəxri adı ilə təltif edib.Azərtac Azərbaycan Gimnastika Federasiyasına istinadla xəbər verir ki, 2020-ci ildə Kiyevdə keçirilmiş bədii gimnastika üzrə Avropa çempionatında gümüş və bürünc medal qazanmış qrup hərəkətləri komandamızın üzvləri - Məryəm Səfərova, Darya Sorokina, Yelizaveta Luzan, gənclər arasında ilk dünya çempionatının (2019-ci il) gümüş və bürünc medalçısı - Arzu Cəlilova, həm Avropa, həm də dünya çempionatının finalçısı Nərminə Səmədova bu ada sahib olublar.Təltif olunanlar arasında gimnastikanın daha iki növünün təmsilçiləri də var. Kişi idman gimnastikası üzrə yığma komandanın üzvü, “Tokio-2020” Olimpiya Oyunlarına lisenziya qazanmış İvan Tixonov və Bakıda keçirilmiş aerobika gimnastikası üzrə Avropa çempionatının (2019-cu il) qalibləri, aerodans komandasının üzvləri - Elçin Məmmədov, Balaxanım Əhmədova, Nərminə Hüseynova, İmran İmranov, Mədinə Mustafayeva, Akif Kərimli, Ayxan Əhmədli, Nigar İbrahimbəyliyə “İdman ustası” fəxri adı verilib.xeber100.com

“Karabakh is Azerbaijan” şahmat seriyasının 7-ci mərhələsi keçirilib

“Karabakh is Azerbaijan” onlayn şahmat seriyasının 7-ci mərhələsi keçirilib.Azərtac xəbər verir ki, Chess.az saytının təşkil etdiyi və “Azerfon” şirkətinin baş sponsoru olduğu seriya yarışının "Kalbajar Cup" adlı mərhələsində Azərbaycan təmsilçiləri İlə yanaşı, Türkiyə, Rusiya, Ukraynadan 61 şahmatçı iştirak edib.İsveçrə sistemi üzrə keçirilmiş yarışın yekun nəticələrinə görə, ilk 3 yeri Azərbaycan şahmatçıları tutublar. Belə ki, 11 oyundan 10 xal toplayan Şəhriyar Rəhmanov birinci yeri tutub. İkinci yerdə 9 xalla Ləman Hacıyeva, üçüncü yerdə isə 8 xalla Yusif Mustafazadə qərarlaşıblar.Ötən turların nəticələrinə görə, ümumi hesabda Azərbaycan şahmatçıları Elnur Mehtiyev (30 xal), Orxan Bağırov (20 xal), Şəhriyar Rəhmanov (18 xal) ilk üçlükdədirlər. İndiyədək keçirilmiş seriya yarışlarında Azərbaycanla yanaşı, Türkiyə, Rusiya, Ukrayna və Hindistandan 200-dən çox şahmatçı mübarizə aparıb.xeber100.com

“Tottenhem” futbol klubunun qapıçısı komanda rekorduna imza atıb

İngiltərənin “Tottenhem” futbol klubunun qapıçısı Uqo Loris komanda rekorduna imza atıb.Azərtac xəbər verir ki, 35 yaşlı qolkiper buna ötən gün Premyer Liqanın 26-cı turunda “Bernli” ilə matçda (4:0) qol buraxmamaqla nail olub. Yerli çempionatda 285-ci oyununa çıxan U.Loris həmin görüşlərdən 100-də qapısını toxunulmaz saxlamağı bacarıb. Bu isə “Tottenhem” tarixi üçün ən yaxşı göstərici sayılır. Beləliklə, fransalı qapıçı klub rekorduna imza atıb.Premyer Liqada qapısını ən çox oyunda toxunulmaz saxlayan “Çelsi”nin və “Arsenal”ın sabiq qolkiperi Petr Çexdir. O, 202 matçda qol buraxmayıb.Qeyd edək ki, hazırda turnir cədvəlində “Tottenhem” 39 xalla 8-ci pillədə qərarlaşıb.xeber100.com

İspaniya La Liqasının 25-ci turunun mərkəzi qarşılaşması keçirilib

Fevralın 27-də futbol üzrə İspaniya La Liqasının 25-ci turunun mərkəzi qarşılaşması keçirilib.Azərtac xəbər verir ki, turun maraq doğuran görüşü “Ramon Sançes Pisxuan” stadionunda baş tutub.Cari mövsüm iddialı oyunu ilə diqqət çəkən, dördüncü pillədə qərarlaşan “Sevilya” doğma azarkeşlər önündə üçüncü yerdə olan “Barselona” komandasını qəbul edib. Görüş qonaqların 2:0 hesablı qələbəsi ilə başa çatıb. Oyunda hesab 29-cu dəqiqədə açılıb. Usman Dembele komandasını hesabda önə çıxarıb. Fasilədən sonra Kataloniya təmsilçisi hesab arasındakı fərqi iki topa çatdırıb. Komandanın əsas qol silahı Lionel Messi adını tabloya yazdırıb. Bu argentinalı futbolçunun cari mövsüm vurduğu 19-cu qolu olub. Bu qələbədən sonra xal ehtiyatını 53-ə çatdıran “Barselona” turnir cədvəlində ikinci yerə yüksəlib. “Sevilya” isə 48 xalla dördüncü yerdə qalıb. “Barselona”nın əzəli rəqibi “Real Madrid” martın 2-də öz meydanında “Real Sosyedad” komandasını qəbul edəcək.xeber100.com

Türkiyə çempionatının XXVII turunun ikinci gün qarşılaşmasında

Fevralın 27-da futbol üzrə Türkiyə çempionatının XXVII turunun ikinci gün qarşılaşmasında "Qalatasaray" doğma meydanda "Ərzurumspor"u qəbul edib.Azərtac xəbər verir ki, qarşılıqlı hücum şəraitində keçən görüşdə "Qalatasaray" qonaqların qapısından iki cavabsız top keçirib. İstanbul təmsilçilərinin qollarını hər ikisini Mustafa Məhəmməd vurub.Günün digər matçında "Fatih Karagümrük" öz meydanında "Alanyaspor"u məğlub edib – 2:0. "Ankaragücü" isə səfərdə "Hatayspor"a 4:1 hesabı ilə uduzub. "Antalyaspor" – "Başakşəhər" və "Rizəspor" – "Sivasspor" oyunlarında isə qapılara top vurulmayıb.Tura "Göztəpə" - "Kasımpaşa" və "Trabzonspor" – "Fənərbağça" matçları ilə yekun vurulacaq.Hazırda Türkiyə Superliqasının turnir cədvəlinə 57 xalla "Qalatasaray" başçılıq edir. İkinci pillədə 54 xala malik olan "Beşiktaş", üçüncü pillədə isə onunla 51 xal toplayan "Fənərbağça" qərarlaşıb.Qeyd edək ki, yeni mövsümdə Superliqada 21 komanda yarışır. XXVII turda "Kayserispor" istirahət edir.xeber100.com

İtaliya A Seriyasının 24-cü turunun növbəti oyunu keçirilib

Fevralın 27-də futbol üzrə İtaliya A Seriyasının 24-cü turunun növbəti oyunu keçirilib.Azərtac xəbər verir ki, turun maraq doğuran görüşü “Mark Antonio Benteqodi” stadionunda baş tutub.Cari mövsüm iddialı oyunu ilə diqqət çəkən,“Verona” doğma azarkeşlər önündə son çempion “Yuventus” komandasını qəbul edib.Qarşılıqlı hücumlarla keçən görüşdə qalib müəyyənləşməyib - 1:1.Oyunda hər iki qol oyunun ikinci hissəsində vurulub.Əvvəla qonaqların portuqaliyalı ulduzu Kriştiank Ronaldo (49-cu dəqiqə) sonra isə meydan sahiblərin futbolçusu Antonin Barak (77-ci dəqiqə) fərqlənib. Qeyd edək ki, bu Ronaldonun cari mövsüm İtaliya A Seriyasında vurduğu 19-cu qolu olub.Bu nəticədən sonra xal ehtiyatını 46-a çatdıran “Yuventua” turnir cədvəlində üçüncü yerdə, “Verona” isə 35 xalla doqquzuncu yerdə qərarlaşıb.xeber100.com

Türkiyə çempionatının XXVII turunun birinci gün qarşılaşmasında

Fevralın 26-da futbol üzrə Türkiyə çempionatının XXVII turunun birinci gün qarşılaşmasında “Beşiktaş” doğma meydanda “Dənizlispor”u qəbul edib.Azərtac xəbər verir ki, qarşılıqlı hücumlar şəraitində keçən görüşdə "Beşiktaş" qonaqların qapısından üç cavabsız top keçirib. "Beşiktaş"ın qollarını Kayl Larin, Vinsent Aboubakar və Adem Lyayiç vurub.Günün digər matçında "Gənclərbirliyi" öz meydanında "Yeni Malatyaspor"la heç-heçə edib – 1:1. "Konyaspor" – "Qaziantep" matçında isə qapılara qol vurulmayıb.Turun digər oyunları aşağıdakılardır: "Fatih Karagümrük" - "Alanyaspor"; "Hatayspor" - "Ankaragücü"; "Antalyaspor" – "Başakşəhər"; "Rizəspor" – "Sivasspor"; "Qalatasaray" – "Ərzurumspor"; "Göztəpə" - "Kasımpaşa"; "Trabzonspor" – "Fənərbağça": Hazırda Türkiyə Superliqasının turnir cədvəlinə 54 xalla "Qalatasaray" başçılıq edir. İkinci pillədə onunla eyni xala malik olan "Beşiktaş", üçüncü pillədə isə 51 xal toplayan "Fənərbağça" qərarlaşıb.Qeyd edək ki, yeni mövsümdə Superliqada 21 komanda yarışır. XXVII turda "Kayserispor" istirahət edir.xeber100.com

UEFA Avropa Liqasında səkkizdəbir final mərhələsinin püşkü atılıb

Bu gün futbol üzrə UEFA Avropa Liqasında səkkizdəbir final mərhələsinin püşkü atılıb.Azərtac xəbər verir ki, İsveçrənin Nyon şəhərində keçirilən mərasimdə bu raundda üz-üzə gələcək cütlüklər bəlli olub.“Qarabağ”la A qrupunda mübarizə aparmış İspaniyanın “Vilyarreal” klubu səkkizdəbir finalda Ukraynanın “Dinamo Kiyev” komandasının rəqibi olub. Mərhələnin ən maraq doğuran oyunu isə İngiltərənin “Mançester Yunayted” və İtaliyanın “Milan” klubları arasında olacaq.Püşkatmaya görə cütlüklər aşağıdakı kimi olacaq: “Ayaks” (Niderland) – “Yanq Boyz” (İsveçrə) “Dinamo” Kiyev (Ukrayna) – “Vilyarreal” (İspaniya) “Roma” (İtaliya) – “Şaxtyor Donetsk” (Ukrayna) “Olimpiakos” (Yunanıstan) – “Arsenal” (İngiltərə) “Dinamo Zaqreb” (Xorvatiya) – “Tottenhem” (İngiltərə) “Mançester Yunayted” (İngiltərə) – “Milan” (İtaliya) “Slaviya Praqa” (Çexiya) – “Reyncers” (Şotlandiya) “Qranada” (İspaniya) – “Molde” (Norveç) Səkkizdəbir finalın ilk oyunları martın 11-də, cavab matçları isə bir həftə sonra keçiriləcək. Qarşılaşmalar Bakı vaxtı ilə saat 21:55-də və 00:00-da start götürəcək. Xatırladaq ki, UEFA Avropa Liqasının final matçı Polşanın “Leqiya” klubunun ev oyunlarını keçirdiyi Qdansk şəhərindəki “PGE Arena”da baş tutacaq.xeber100.com

Azərbaycan millisinin təlim-məşq toplanışı keçiriləcək

Kişi boksçulardan ibarət Azərbaycan millisinin təlim-məşq toplanışı keçiriləcək.Azərbaycan Boks Federasiyasının mətbuat xidmətindən Azərtac-a verilən məlumata görə, baş məşqçi Umberto Orta Dominqesin rəhbərlik etdiyi yığmamız Avropa Olimpiya təsnifat turnirinə hazırlığı Türkiyənin Kastamonu şəhərində keçəcək.Məşqçilər korpusu toplanışda Rüfət Hüseynov, Məsud Yusifzadə (52 kq), Ümid Rüstəmov, Tayfur Əliyev (57 kq), Cavid Çələbiyev, Ruslan Rüstəmov (63 kq), Sərxan Əliyev, Lorenzo Sotomayor, Nəbi İsgəndərov (69 kq), Kamran Şahsuvarlı (75 kq), Alfonso Dominqes (81 kq), Osnay Benkoma (91 kq) və Məhəmməd Abdullayevin (+91 kq) hazırlıq səviyyəsini yoxlayacaq. Bolqarıstanın paytaxtı Sofiyada keçirilən ənənəvi “Strandja” turnirinə qatılan Türkiyə millisinin də sonradan boksçularımızla birgə məşqə qatılacağı gözlənilir.Komandamız martın 21-dək davam edəcək hazırlıq çərçivəsində beynəlxalq turnirə də qatılacaq. Yığmamızın üzvləri İstanbulda təşkil olunacaq Boğaziçi yarışında qüvvəsini sınayacaq. Bu turnir martın 16-da start götürəcək və beş gün davam edəcək. Boksçularımız Türkiyəyə fevralın 26-da yola düşəcək və martın 21-də Vətənə qayıdacaqlar.Xatırladaq ki, komandamızın heyətində hələlik Tayfur Əliyev “Tokio-2020” Yay Olimpiya Oyunlarına vəsiqə əldə edib.xeber100.com

“Barselona”nın futbolçusu Lionel Messi üçün 2021-ci il uğurlu başlayıb

“Barselona”nın futbolçusu Lionel Messi üçün 2021-ci il uğurlu başlayıb.Azərtac xəbər verir ki, son olaraq La Liqanın 1-ci turundan təxirə salınmış “Elçe” ilə matçda (3:0) dubla imza atan argentinalı hücumçu bu il vurduğu qolların sayını 13-ə yüksəldib. Bununla da o, hazırda Avropanın beş ən böyük liqasında ən çox qol vuran oyunçudur. Otuz üç yaşlı futbolçu “Bavariya”dan Robert Levandovski (12 qol) və “Borussiya”dan Erlinq Haalandı (10 qol) geridə qoymağı bacarıb.Qeyd edək ki, Messi, eyni zamanda, La Liqada bu mövsümün ən yaxşı bombardiridir - 18 qol.xeber100.com

UEFA Çempionlar Liqasının final oyunu ABŞ-da keçirilə bilər

UEFA Çempionlar Liqasının (ÇL) final oyunu ABŞ-da keçirilə bilər.Azərtac xəbər verir ki, UEFA-nın prezidenti Aleksander Çeferin Avropa sərhədlərini aşmağı planlaşdırır.Sloveniyalı futbol funksionerinin rəhbərlik etdiyi qurum 2024-cü ildən etibarən Çempionlar Liqasında inqilaba hazırlaşır. Maksimum sayda klubun iştirakının planlaşdırıldığı yeni formata əsasən, hədəflərdən biri də başqa qitədə final görüşü təşkil etməkdir. Bu səbəbdən Nyu-York 2025-ci ildəki finala ev sahibliyi etmək üçün mümkün namizəd sayılır.Çempionlar Liqasının finalı bu il İstanbulda, gələn il Sankt-Peterburqda, 2023-cü ildə Münhendə, 2024-cü ildə isə Londonda baş tutacaq.xeber100.com

2032-ci il Yay Olimpiya Oyunlarına ev sahibliyi edəcək əsas namizəd müəyyənləşdirib

Beynəlxalq Olimpiya Komitəsinin (BOK) İcraiyyə Komitəsi 2032-ci il Yay Olimpiya Oyunlarına ev sahibliyi edəcək əsas namizəd şəhəri müəyyənləşdirib.Azərtac xəbər verir ki, Avstraliyanın Kvinslend ştatının Brisben şəhəri əsas namizəd şəhər kimi təsdiqlənib. Bu barədə BOK prezidenti Tomas Bax mətbuat konfransında məlumat verib. Bununla bağlı son qərar BOK-un sessiyasında veriləcək.2019-cu ilin iyun ayında BOK olimpiadaların paytaxtını seçmək üçün adi prosedurdan uzaqlaşıb. Belə ki, indi Olimpiya Xartiyasında Olimpiadanın keçirilməsindən yeddi il əvvəl namizəd şəhərin seçilməsi ilə bağlı heç bir tələb yoxdur. BOK-un bundan sonra daimi və ya müvəqqəti idman və infrastruktur obyektlərinin olmasına üstünlük verəcəyi bildirilib. Eyni zamanda, artıq şəhərlər Oyunlara ev sahibliyi etmək hüququ uğrunda bir-biri ilə yarışmayacaq. Bunun əvəzinə, yay və qış Oyunları üçün xüsusi komissiyalar yaradılacaq ki, ən uyğun variantın seçilməsi onlara həvalə ediləcək.Qeyd edək ki, Brisbendən əlavə, Doha (Qətər), Budapeşt (Macarıstan), Almaniyanın Reyn-Rur bölgəsi, Çinin Çendu və Çunçin şəhərləri əvvəllər 2032-ci il Yay Olimpiya Oyunlarına ev sahibliyi etmək arzusunu bildiriblər.xeber100.com

“Seltik” futbol klubu baş məşqçisi ilə yollarını ayırıb

“Seltik” futbol klubu baş məşqçisi ilə yollarını ayırıb.Azərtac xəbər verir ki, Şotlandiya təmsilçisi çalışdırıcısı Nil Lennonu istefaya göndərib. Buna səbəb 50 yaşlı mütəxəssisin komanda ilə qənaətbəxş olmayan nəticələr göstərməsidir.Onun yerinə köməkçisi Con Kennedi təyin olunub.xeber100.com

Avropa Olimpiya Təsnifat Turnirinin tarixi dəqiqləşib

Boks üzrə kişilər arasında keçiriləcək Avropa Olimpiya Təsnifat Turnirinin tarixi dəqiqləşib.Azərtac xəbər verir ki, yarış iyunun 4-18-də keçiriləcək. Turnirin keçiriləcəyi yer hələ müəyyənləşməyib. Bununla bağlı martın 1-dək məlumat veriləcək. Yarışın Skandinaviya və ya Baltikyanı ölkələrdən birində təşkil olunacağı gözlənilir.Qeyd edək ki, ötən il martın 14-də Böyük Britaniyanın paytaxtında başlayan Avropa Olimpiya Təsnifat Turniri üç gündən sonra koronavirus infeksiyası səbəbindən yarımçıq dayandırılıb.Xatırladaq ki, boksçumuz Tayfur Əliyev Avropa Olimpiya Təsnifat Turnirində dörddəbir finala yüksəlməklə Tokio Olimpiadasına lisenziya əldə edib.xeber100.com

UEFA Çempionlar Liqası səkkizdəbir final mərhələsinin ilk oyunlarına yekun vurulub

Fevralın 25-də futbol üzrə UEFA Çempionlar Liqası səkkizdəbir final mərhələsinin ilk oyunlarına yekun vurulub.Azərtac xəbər verir ki, sonuncu oyun günündə iki qarşılaşma baş tutub.Gecənin maraq doğuran görüşü İtaliyada “Atalanta” və “Real Madrid” komandaları arasında oynanılıb. Gərgin keçən görüş “Real Madrid”in minimal hesabla qələbəsi ilə başa çatıb. Oyunda yeganə qolun müəllifi 86-cı dəqiqədə Ferlan Mendi olub.Bu matça “Atalanta” 17-ci dəqiqədə azlıqda qalıb. Oyunun baş hakimi Remo Floyleri meydandan kənarlaşdırılıb.Günün digər matçı Almaniyanın “Borussiya Mönhenqladbax” və İngiltərənin “Mançester Siti” klubları arasında keçirilib. Qarşılaşma pandemiya səbəbindən Macarıstanın paytaxtı Budapeştdəki “Puşkaş Arena”da oynanılıb. Görüş Mançester təmsilçisinin 2:0 hesablı qələbəsi ilə yekunlaşıb. Oyunda Bernardo Silva və Qabriel Jesus fərqləniblər.Bu komandalar arasında cavab matçları martın 17-də təşkil ediləcək.Qeyd edək ki, səkkizdəbir finalın əvvəlki görüşlərində “Paris Sen-Jermen” klubu “Barselona” komandasına 4:1, “Liverpul” klubu “Leyptsiq” kollektivinə 2:0, “Portu” komandası “Yuventus”u 2:1, “Borussiya Dortmund” klubu “Sevilya”nı 3:2, “Çelsi” səfərdə “Atletiko Madrid”i 1:0, “Bavariya” isə səfərdə “Latsio”nu 4:1 hesabı ilə məğlub edib.xeber100.com

Avropa Voleybol Konfederasiyasından yeni təyinat

Beynəlxalq dərəcəli hakim Zaur Hacıyev Avropa Voleybol Konfederasiyası (CEV) tərəfindən yeni təyinat alıb.Azərtac xəbər verir ki, həmyerlimiz qadın voleybolçular arasında Çağırış kuboku yarışlarının yarımfinal oyunları çərçivəsində Türkiyənin “Türk Hava Yolları” və “Yeşilyurt” komandaları arasında keçiriləcək görüşləri idarə edəcək.Z.Hacıyev Burhan Felek Voleybol Salonunda təşkil olunacaq ilk görüşdə əsas, cavab oyununda ikinci referi funksiyasını yerinə yetirəcək. O, hər iki qarşılaşmanı yerli İlhami Senyurt ilə idarə edəcək.Görüşlər martın 2-3də təşkil olunacaq.xeber100.com

UEFA Çempionlar Liqasının səkkizdəbir final mərhələsinin daha iki qarşılaşması keçirilib

Fevralın 24-də futbol üzrə UEFA Çempionlar Liqasının səkkizdəbir final mərhələsinin daha iki qarşılaşması keçirilib.Azərtac xəbər verir ki, pandemiya səbəbindən Rumıniyanın paytaxtı Buxarestdə baş tutan görüşdə İspaniya çempionatının lideri “Atletiko Madrid” klubu öz meydanında Londonun “Çelsi” klubunu qəbul edib. Qarşılıqlı hücumlar şəraitində keçən görüşdə “Çelsi” minimal hesabla qələbə qazanıb. Oyunda yeganə qolun müəllifi 71-ci dəqiqədə Olivye Giru olub.Gecənin ən məhsuldar qarşılaşması İtaliyanın “Olimpiko” stadionunda qeydə alınıb. Turnirin son qalibi “Bavariya” səfərdə “Latsio” komandasının qonağı olub. Görüş Münhen təmsilçisinin böyük hesablı qələbəsi ilə yekunlaşıb - 4:1. “Bavariya”nın heyətində Robert Levandovskiy, Camal Musiala, Leroy Sane, Françesko Açerbi (avtoqol) fərqləniblər. “Latsio”nun isə yeganə qoluna Xoakin Korrea imza atıb.Bu komandaların cavab görüşü martın 18-də keçiriləcək.Qeyd edək ki, səkkizdəbir finalın əvvəlki görüşlərində “Paris Sen-Jermen” klubu “Barselona” komandasına 4:1, “Liverpul” klubu “Leyptsiq” kollektivinə 2:0, “Portu” klubu İtaliyanın “Yuventus” komandasına 2:1, “Borussiya Dortmund” klubu isə “Sevilya”ya 3:2 hesabı ilə qalib gəlib. Bu mərhələnin digər iki oyunu fevralın 24-də keçiriləcək. “Real Madrid” İtaliyada “Atalanta”, “Mançester Siti” komandası isə Budapeştdə “Borussiya Mönhenqladbax” ilə qarşılaşacaq.xeber100.com

“Çelsi”nin hücumçusu Çempionlar Liqasında yeni rekorda imza atıb

“Çelsi”nin hücumçusu Olivier Jiru Çempionlar Liqasında yeni rekorda imza atıb.“Sky Sports” nəşri xəbər verir ki, fransalı hücumçu Çempionlar Liqasının səkkizdəbir final mərhələsinin ilk oyununda “Atletiko”nun qapısına vurduğu qolla şəxsi rekordunu yeniləyib. Belə ki, bu qol O.Jirunun 2020-2021-ci il mövsümündə Çempionlar Liqasında vurduğu 6-cı qol olub. Bundan əvvəl futbolçunun ən yaxşı nəticəsi 2015-2016-cı il mövsümündə “Arsenal”ın heyətində qazandığı göstərici olub – 5 qol.Qeyd edək ki, futbolçu 6 qolu 3 səfər matçında vurub.xeber100.com

Beynəlxalq Olimpiya Komitəsinin İcraiyyə Komitəsinin növbəti iclasında

Beynəlxalq Olimpiya Komitəsinin (BOK) İcraiyyə Komitəsi növbəti iclasında 2032-ci il Yay Olimpiya Oyunlarına ev sahibliyi edəcək əsas namizəd şəhəri müəyyənləşdirəcək.“Inside the Games” nəşri xəbər verir ki, BOK İcraiyyə Komitəsinin iclası fevralın 24-də videokonfrans vasitəsi ilə keçiriləcək.Qeyd edək ki, Brisben (Avstraliya), Doha (Qətər), Budapeşt (Macarıstan), Almaniyanın Reyn-Rur bölgəsi, Çinin Çendu və Çunçin şəhərləri əvvəllər 2032-ci il Yay Olimpiya Oyunlarına ev sahibliyi etmək arzusunu bildiriblər. Müxtəlif dövrlərdə İstanbul (Türkiyə), Cakarta (İndoneziya), Yeni Delhi (Hindistan), Sankt-Peterburq (Rusiya) Oyunlara maraq göstərib və Koreya Xalq Demokratik Respublikası (KXDR) və Koreya Respublikasından birgə müraciət variantına da baxılıb.xeber100.com