“Azərbaycan Xalq Sənətkarlığı” adlı geniş kitab sərgisi açılıb

İyulun 3-də UNESKO-nun Ümumdünya İrs Komitəsinin 43-cü sessiyası çərçivəsində təşkil olunmuş 1-ci Respublika Sənətkarlıq Festivalının açılış mərasimi keçirilib. Açılış mərasimindən öncə qonaqlar Milli Kitabxananın nəzdində fəaliyyət göstərən Açıq Kitabxanada təşkil olunmuş “Azərbaycan Xalq Sənətkarlığı” adlı geniş kitab sərgisi ilə tanış olublar.Kitabxanadan Azərtac-a bildirilib ki, Mədəniyyət naziri Əbülfəs Qarayev sərgi ilə tanışlıqdan sonra xalq sənətkarlıq incilərini əks etdirən belə dəyərli kitabların nəşrinin vacibliyini qeyd edərək, “Azərbaycan xalçaları Qarabağ qrupu”, “Azərbaycan xalçaları İrəvan qrupu” kimi kitabların nəfis tərtibatda və müxtəlif dillərdə nəşr edilməsini yüksək qiymətləndirib.Sərgidə Azərbaycan xalq sənətkarlığının zəngin nümunələrini əks etdirən xalçaçılıq, toxuma və bədii tikmə, kəlağayı, milli geyim nümunələri, boyaqçılıq, dulusçuluq, xəttatlıq və digər incəsənət növlərinə dair Azərbaycan və xarici dillərdə nəşr olunmuş kitablar nümayiş olunur.xeber100.com

“26 iyun – Silahlı Qüvvələr Günüdür” adlı kitab sərgisi açılıb

Milli Kitabxanada “26 iyun – Silahlı Qüvvələr Günüdür” adlı kitab sərgisi açılıb.Kitabxanadan Azərtac-a bildirilib ki, sərgidə Azərbaycan və xarici dillərdə nəşr olunmuş Azərbaycanın ordu quruculuğunu, hərb tariximizi əks etdirən kitablar və dövri mətbuat materialları nümayiş olunur.Sərgi bir həftə davam edəcək.Xatırladaq ki, tarixi varislik ənənəsinə uyğun olaraq ümummilli lider Heydər Əliyevin Fərmanı ilə Azərbaycan Xalq Cümhuriyyəti dövründə Milli Ordunun yarandığı 26 iyun günü Azərbaycan Silahlı Qüvvələri Günü kimi bayram edilir.xeber100.com

Milli Kitabxanada Qurtuluş Gününə həsr olunmuş sərgi açılıb

İyunun 14-də Milli Kitabxanada “15 iyun Milli Qurtuluş Günüdür” adlı geniş kitab sərgisi açılıb.Kitabxanadan Azərtac-a bildirilib ki, sərgidə Azərbaycan xalqının ümummilli lideri, ulu öndər Heydər Əliyevin ictimai-siyasi fəaliyyətini əks etdirən Azərbaycan və xarici dillərdə nəşr olunmuş kitablar nümayiş olunur.Sərgi bir həftə davam edəcək.xeber100.com

Bu gün Dünya Kitab və Müəlliflik Hüququ Günüdür

Aprelin 23-ü Dünya Kitab və Müəlliflik Hüququ Günüdür. Bu barədə qərar 1995-ci ildə Parisdə UNESCO-nun Baş Konfransında qəbul edilib. 1996-cı ildən etibarən isə kitaba və müəlliflərə hörmət əlaməti olaraq bu əlamətdar gün bütün dünyada qeyd olunur.Azərtac xəbər verir ki, UNESCO-nun baş direktoru Odre Azule Dünya Kitab və Müəlliflik Hüququ Günü münasibətilə ictimaiyyətə müraciət edib.Müraciətdə kitabların bizim mənəvi dünyamıza boylanmağa imkan verdiyi, heç bir sərhəd və fərqə baxmayaraq, insanlar arasında qarşılıqlı hörmətə və anlaşmaya yol açdığı bildirilir. Qeyd edilir ki, yaşadığımız qeyri-sabit dövrdə kitablar cəmiyyəti irəli getməyə yönəldən, insan zəkasının müxtəlifliyini təcəssüm etdirən və bəşəriyyətin zəngin təcrübəsini özündə ehtiva edən xəzinədir. Müraciətdə Dünya Kitab və Müəlliflik Hüququ Gününün insanlara yazılı söz mədəniyyətinin genişləndirilməsinin daha səmərəli yolları və bu mədəniyyətin hər kəs üçün əlçatan olması barədə düşünməyə imkan yaratdığı bildirilir. UNESCO-nun baş direktorunun müraciətinin tam mətnini bu təşkilatın saytından oxumaq mümkündür.Azərbaycanda Dünya Kitab və Müəlliflik Hüququ Günü 1997-ci ildən qeyd edilir.Xatırladaq ki, Azərbaycan Respublikası Prezidentinin “İstehlak bazarına nəzarət, standartlaşdırma, metrologiya və əqli mülkiyyət hüquqları obyektlərinin mühafizəsi sahəsində idarəetmənin təkmilləşdirilməsi ilə bağlı tədbirlər haqqında” 2018-ci il 20 aprel tarixli Sərəncamına əsasən Azərbaycan Respublikasının Müəllif Hüquqları Agentliyinin və Patent və Əmtəə Nişanları Mərkəzinin birləşmə formasında yenidən təşkili yolu ilə Azərbaycan Respublikasının Əqli Mülkiyyət Agentliyi yaradılıb.Agentliyin qarşısında duran əsas vəzifələr müəllif və oxşar hüquqların qorunması və təmin edilməsi, rəqəmli hüquqların idarə edilməsi, kontrafaksiya və piratçılığa qarşı mübarizə ilə yanaşı, sənaye mülkiyyəti obyektlərinin idarə edilməsi və bu idarəçiliyin zamanın tələblərinə uyğun təşkili, patent və əmtəə nişanlarına dair müraciət edən şəxslər üçün dürüstlüyün, açıqlığın və şəffaflığın təmin edilməsidir.xeber100.com

“Aprel döyüşləri və ya dördgünlük müharibə” adlı kitab sərgisi açılıb

2016-cı il aprelin 1-dən 2-nə keçən gecə erməni təcavüzkarları tərəfindən atəşkəs rejimi pozularaq Azərbaycanın cəbhəboyu mövqeləri və yaşayış məntəqələri güclü artilleriya atəşinə məruz qalmışdır. Dörd gün davam edən döyüşlər nəticəsində Azərbaycan Silahlı Qüvvələri tərəfindən Goranboy rayonuna və Naftalan şəhərinə təhlükə yarada biləcək Talış kəndi ətrafındakı yüksəkliklər, Seysulan məntəqəsi və Füzuli rayonu istiqamətində yerləşən “Lələtəpə” adlandırılan yüksəklik düşməndən azad edilmişdir.Azərbaycan Respublikasının ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdikləri qəhrəmanlıq və igidliyə görə Azərbaycan hərbçilərinin xüsusi fərqlənən bir qrupu 2016-cı il aprelin 19-da Azərbaycan Respublikası Prezidentinin müvafiq sərəncamları ilə yüksək fəxri ada layiq görülmüş orden və medallarla təltif olunublar.Tarixə “Dördgünlük müharibə” adı ilə düşən Aprel döyüşləri gənclərin hərbi vətənpərvərlik ruhunu daha da yüksəltdi. Aprel döyüşlərində qazanılan qələbə xalqımızın orduya olan inamını artırdı.Bu məqsədlə aprel ayının 2-də Milli Kitabxanada “Aprel döyüşləri və ya dördgünlük müharibə” adlı geniş kitab sərgisi açılıb.Kitabxanadan Azərtac-a bildirilib ki, sərgidə hərbi vətənpərvərlik mövzusunda, Milli qəhrəmanlarımız haqqında və onların keçdiyi döyüş yolundan bəhs edən 200-dən çox ədəbiyyat nümayiş olunur.Sərgi bir həftə davam edəcək.xeber100.com

“Xocalı – XX əsrin soyqırımı” adlı kitab sərgisi açılacaq

Fevralın 22-də Azərbaycan Milli Kitabxanasında “Xocalı – XX əsrin soyqırımı” adlı kitab sərgisi açılacaq. Kitabxanadan Azərtac-a bildirilib ki, sərgi çərçivəsində Ulduz Qasımın “Xocalı şikəstəsi” adlı kitabının təqdimatı da olacaq.Tədbir Mədəniyyət Nazirliyi və Azərbaycan Milli Kitabxanasının birgə təşkilatçılığı ilə gerçəkləşəcək.xeber100.com

14 Fevral Beynəlxalq Kitab Bağışlama Günü kimi qeyd edilir

Dünya əhalisi fevralın 14-nü Beynəlxalq Kitab Bağışlama Günü kimi qeyd edir. Bu, təqvimdə ən gənc bayramlardandır.Azərtac xəbər verir ki, bu gün uşaqlara kitab bağışlayan və onlarda kitaba məhəbbət yaradan bütün insanları birləşdirir. 2012-ci ildən qeyd edilən bu bayram ABŞ-da məşhur “Delightful Children’s Books” uşaq kitabı saytının yaradıcısı Emmi Brodmoorun adı ilə bağlıdır. Bu ideyanı ona balaca oğlu verib. O, anasından niyə insanların bir-birinə kitab bağışladığı xüsusi günün olmamasını soruşub.2013-cü ildə Cənubi Afrikadan Braziliyaya, Sinqapurdan İngiltərəyə, Hindistandan Yeni Zellandiyaya qədər fərqli ölkələrdən olan blogerlər birlikdə hərəkət edərək insanları həmin günü “uşaqlara kitab bağışlama günü” olaraq qeyd etməyə çağırıb. Bununla da dünyanın bir çox ölkəsində 14 fevral “Dövlətlərarası bağışlama günü” olaraq qeyd olunmağa başlayıb.xeber100.com

Müstəqil Dövlətlər Birliyində Kitab İli elan olunub

2019-cu il Müstəqil Dövlətlər Birliyində Kitab İli elan olunub.CA-NEWS xidməti xəbər verir ki, 2019-cu ilin MDB-də Kitab İli elan olunması ilə əlaqədar, gənc nəslin bədii ədəbiyyata marağını artırmağa, kitab və illüstrasiya sərgilərinin təşkilinə, kitabların və mütaliənin təbliğinə yönəlmiş mədəni-maarif tədbirləri keçirilməsinə xüsusi diqqət yetiriləcək.xeber100.com

“12 noyabr – Konstitusiya Günüdür“ adlı kitab sərgisi açılıb

Milli Kitabxanada “12 noyabr - Konstitusiya Günüdür“ adlı geniş tərtibatda kitab sərgisi açılıb.Milli Kitabxanadan Azərtac-a bildirilib ki, sərgidə azərbaycançılıq, dövlətçiliyimiz, dövlət atributlarımız və müstəqilliyimiz haqqında Azərbaycan və xarici dillərdə nəşr olunmuş 250-yə yaxın kitab və dövri mətbuat materialları sərgilənir.Sərgi bir həftə davam edəcək.xeber100.com

Milli Kitabxanada növbəti kitab sərgisi açılıb

Oktyabrın 17-də Milli Kitabxanada “18 oktyabr Dövlət Müstəqilliyi Günüdür” adlı kitab sərgisi açılıb.Kitabxanadan Azərtac-a bildirilib ki, sərgini kitabxananın direktor müavini Ədibə İsmayılova açaraq Azərbaycanın dövlət müstəqilliyi haqqında məlumat verib. Bildirib ki, XX əsrin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa edib. 1991-ci i il oktyabrın 18-də Ali Sovetin sessiyasında Dövlət müstəqilliyi haqqında Konstitusiya Aktı qəbul olunub. Azərbaycanın müstəqilliyi bərpa olunandan sonra Dövlət bayrağı, himni və gerbi haqqında da qanunlar qəbul edilib.Ədibə İsmayılova diqqətə çatdırıb ki, Azərbaycan Milli Kitabxanası hər il dövlət müstəqilliyi günü ilə bağlı mütəmadi olaraq bir sıra kütləvi tədbirlər, eləcə də geniş kitab sərgisi vasitəsilə oxucuları məlumatlandırır.Sərgidə Azərbaycanın dövlət müstəqilliyindən bəhs edən 300-ə yaxın Azərbaycan, rus, ingilis və digər dillərdə nəşr olunmuş kitablar, dövri mətbuat materialları nümayiş edilib.xeber100.com

“LiFFt-2018” üçüncü festivallar festivalı keçiriləcək

Mayın 25-dən 28-dək Rusiya Federasiyasının Soçi şəhərində Avrasiya materikinin “LiFFt-2018” ədəbiyyat üzrə üçüncü festivallar festivalı keçiriləcək.Azərtac xəbər verir ki, 30-dan çox ölkədən nümayəndələrin qatılacağı bu nüfuzlu festivalın proqramında böyük ədəbiyyat forumu, müxtəlif müsabiqələr, “dəyirmi masa”lar, ustad dərsləri, seminarlar, sərgilər, kitab təqdimatları və kitab yarmarkaları yer alacaq. Həmçinin festival iştirakçıları üçün maraqlı mədəni proqramı, əyləncəli idman yarışları təşkil olunacaq.Festivalın zəngin ekskursiya proqramı da var. İştirakçılar Soçinin məşhur çimərliyi, tarixi və müasir memarlıq inciləri, ədəbi məkanları ilə yanaşı, futbol üzrə dünya çempionatı oyunlarının keçiriləcəyi şəhər stadionuna getmək, habelə indiyədək futbol üzrə dünya və Avropa çempionatları, olimpiya oyunları finallarında oynanılan, üstündə çempionların avtoqrafları həkk olunmuş toplardan ibarət nadir Top muzeyini görmək şansı qazanacaqlar.Bu il ilk dəfə Avrasiya festivallar festivalında Azərbaycanın və qardaş Türkiyənin də yazarları iştirak edəcəklər. Azərbaycan festivalda yazıçı Varislə, Türkiyə isə şair Serhat Kabaklı ilə təmsil olunacaq.Festivalın laureatı qızıl, vitse-laureatlar gümüş medallar və qiymətli hədiyyələrlə təltif olunacaq, qırmızı xalça üzərindən keçəcəklər. Festivalın laureatı həm də əsərlərinin külliyyatının böyük tirajla dərci üçün nəşriyyat müqaviləsi əldə edəcək.Bütün digər iştirakçılara fəxri diplomlar və sertifikatlar veriləcək.Festivalın açılış və bağlanış mərasimləri tanınmış incəsənət ustalarının iştirakı ilə qeyd olunacaq, hər iki mərasimdən sonra iştirakçıların şərəfinə ziyafət veriləcək.Festivalın işini Rusiyanın aparıcı mediası, eləcə də materikin bir neçə ölkəsindən gəlmiş jurnalistlər işıqlandıracaqlar.Xatırladaq ki, əvvəlki iki “LiFFt” festivallar festivalının qalıbləri Konstantin Kedrov-Çelışev (Rusiya) və Oljas Süleymenov (Qazaxıstan) olub.xeber100.com

“Qarabağın tacı Şuşa” adlı sərgi açılıb

Mayın 8-də Milli Kitabxanada Qarabağın dilbər guşələrindən biri olan Şuşa şəhərinin ermənilər tərəfindən işğal olunmasının 26–cı ildönümü ilə əlaqədar “Qarabağın tacı Şuşa” adlı sərgi açılıb.Kitabxanadan Azərtac-a bildirilib ki, sərgidə Azərbaycan və xarici dillərdə Şuşa şəhərinin tarixi, mədəniyyəti, incəsənəti, görkəmli şəxsiyyətləri haqqında kitab və dövri- mətbuat materialları nümayiş olunur.Sərgi bir həftə davam edəcək.xeber100.com

Müəllif hüquqları gününə həsr olunmuş kitab sərgisi açılıb

Milli Kitabxanada 23 aprel – Beynəlxalq kitab və müəllif hüquqları gününə həsr olunmuş kitab sərgisi açılıb.Kitabxanadan Azərtac-a bildirilib ki, sərgidə Azərbaycan və rus dillərində dünya ədəbiyyatı nümunələrindən seçmələr, müəlliflik hüquqları ilə bağlı kitablar və dövri mətbuat materialları sərgilənir.Sərgi bir həftə davam edəcək.xeber100.com

Milli kitabxanalar arasında əməkdaşlığa dair memorandum imzalanacaq

Qətərin paytaxtı Dohada Qətər Milli Kitabxanasının yeni binasının açılış mərasimi olub. Tədbirdə ölkəmizi Mədəniyyət və Turizm Nazirinin birinci müavini Vaqif Əliyev, Milli Kitabxananın direktoru Kərim Tahirov və Azərbaycanın Qətərdəki səfiri Rəşad İsmayılov təmsil ediblər.Milli Kitabxanadan Azərtac-a bildiriblər ki, tədbirə bir sıra ölkələrin dövlət və hökumət başçıları, mədəniyyət və turizm nazirləri, 30-dan artıq ölkənin milli kitabxanasının direktoru qatılıb.Açılış mərasimində Qətər dövlətinin əmiri Şeyx Təmin bin Həməd Əl Sani, Qətər Fondunun prezidenti xanım Şeyxa Moza bint Nasir Əl-Misnəd, Qətər Milli Kitabxanasının icraçı direktoru Sohair Vastavy və bir sıra dünya milli kitabxanalarının direktorları çıxış ediblər.Bildirilib ki, Qətər Milli Kitabxanası məşhur Qətər Fondunun nəzdində fəaliyyət göstərir və modern, möhtəşəm arxitekturaya malik bina həmin fondun dəstəyi ilə dünyanın ən məşhur arxitektorları və mütəxəssisləri cəlb olunmaqla inşa olunub. Kitabxananın 1 milyonluq kitab fondu tam şəkildə açıq fond kimi oxucuların istifadəsinə verilib. Çox böyük oxu zalları və evə verilən kitabların qaytarılması üçün avtomatlar quraşdırılıb. Binada ən son texnoloji avadanlıqlardan və avtomatlaşdırma vasitələrindən istifadə olunub.Tədbirdən sonra qonaqların şərəfinə təşkil olunmuş ziyafətdə Qətər əmiri Şeyx Təmin bin Həməd Əl Sani ilə görüşən mədəniyyət və turizm nazirinin birinci müavini Vaqif Əliyev ölkə prezidentinin salamlarını əmirə çatdırıb və bu möhtəşəm layihə münasibətilə onu və Qətər xalqını təbrik edib.Qeyd edək ki, bu gün Qətər Milli Kitabxanasının yeni binasında Azərbaycan və Qətər Milli kitabxanaları arasında qarşılıqlı əməkdaşlığa dair memorandum imzalanacaq.xeber100.com

Milli Kitabxanada növbəti sərgi açılıb

Aprelin 10-da Milli Kitabxanada “Salam Qədirzadə - 95” adlı sərgi açılıb.Kitabxanadan Azərtac-a bildirilib ki, yazıçı-dramaturq Salam Qədirzadənin 95 illiyinə həsr edilən sərgidə yazıçının əsərləri, sözlərinə yazılmış mahnılar, haqqında olan kitablar və qəzet-jurnal materialları yer alıb.Bir həftə davam edəcək sərgi ilə hər kəs tanış ola bilər.xeber100.com

Milli Kitabxanada kitab sərgisi açılıb

Milli Kitabxanada 31 mart – Azərbaycanlıların Soyqırımı Gününə həsr olunmuş kitab sərgisi açılıb.Kitabxanadan Azərtac-a bildirilib ki, 1918-ci il azərbaycanlıların soyqırımının 100-cü ildönümünə həsr olunmuş sərgidə əvvəlcə soyqırımı qurbanlarının xatirəsi bir dəqiqəlik sükutla yad edilib.Tədbirdə Milli Kitabxananın direktoru Kərim Tahirov çıxış edərək bildirib ki, hər il martın 31-i ölkəmizdə dövlət səviyyəsində azərbaycanlıların soyqırımı günü kimi qeyd edilir. Bu il Azərbaycan Respublikası Prezidentinin “1918-ci il azərbaycanlıların soyqırımının 100 illiyi haqqında” Sərəncamına əsasən respublikanın müxtəlif regionlarında silsilə tədbirlər reallaşdırılır.Sonda tədbir iştirakçıları Milli Kitabxana tərəfindən təşkil olunmuş Azərbaycan və xarici dillərdə kitablar, şəkillər, qəzet və jurnal materiallarından ibarət geniş sərgi ilə tanış olublar.xeber100.com    

Milli Kitabxananın məlumatına görə…

"Beynəlxalq Kitab Sammiti müxtəlif ölkələrin kitabxanaları arasında qarşılıqlı əlaqələrin qurulmasında çox böyük əhəmiyyətə malikdir". Apa-nın xəbərinə görə, bunu Azərbaycan Milli Kitabxanasının direktoru Kərim Tahirov bildirib.Sammitdə kitabın təbliği, qiymətləndirilməsi, insanlar üçün əlçatan olması və bu istiqamətdə elektron vasitələrdən istifadə ilə bağlı maraqlı müzakirələr aparıldığını nəzərə çatdıran K. Tahirov bildirib ki, artıq sammit çərçivəsində Azərbaycan Milli kitabxanası və San Fransiskodakı internet arxivi kitabxanası ilə əməkdaşlıq üçün danışıqlar aparılıb: "İki gün bundan əvvəl direktorla görüşdük və gələcək əməkdaşlığın perspektivlərini müəyyən etdik. Bu ilin yanvar ayında Los Anceles kitabxanası ilə belə müqavilə imzaladıq. Bundan başqa, sabah Bolqarıstan Milli Kitabxanası ilə qarşılıqlı əməkdaşlıqla bağlı görüşümüz olacaq, dekabrda müqavilə imzalayacağıq".xeber100.com

Milli Kitabxanada növbəti sərgi açılıb

Milli Kitabxanada Xalq Şairi Cabir Novruzun 85 illiyi münasibətilə “Cabir Novruz – 85” adlı kitab sərgisi açılıb.Kitabxanadan Azərtac-a bildirilib ki, sərgidə şairin Azərbaycan və rus dilində olan əsərləri, tərcümələri, “Ön söz” yazdığı, redaktoru olduğu, sözlərinə bəstələnmiş mahnılar, habelə şair haqqında yazılmış kitablar və dövri mətbuat materialları sərgilənib. Bir həftə ziyarətçilər üçün açıq olacaq sərgi ilə hər kəs tanış ola bilər.xeber100.com

Milli Kitabxanada kitab sərgisi açılıb

Milli teatrımızın 145 illiyi münasibətilə martın 9-da Milli Kitabxanada “Azərbaycan teatrı bu gün” adlı kitab sərgisi açılıb.Kitabxanadan Azərtac-a bildirilib ki, sərgidə Azərbaycanın teatr tarixi, görkəmli aktyorları, teatrşünasları, teatr sənətimizin inkişafında xüsusi xidmətləri olmuş şəxsiyyətlər haqqında kitablar yer alıb.Bir neçə gün davam edəcək sərgi ilə hər kəs tanış ola bilər.xeber100.com

“Azərbaycan ədəbiyyatı antologiyası” layihəsində

Beynəlxalq Türk Akademiyası (TWESCO) “Azərbaycan ədəbiyyatı antologiyası”nın qazax dilində nəşrini həyata keçirir.Azərtac xəbər verir ki, “Azərbaycan ədəbiyyatı antologiyası” layihəsində 20-dək azərbaycanlı şair və yazıçının qazax dilinə tərcümə olunmuş əsərləri yer alacaq. Akademiyanın rəhbəri Darxan Kıdıralinin sözlərinə görə, TWESCO-nun həyata keçirdiyi türk dünyası ədəbiyyatı antologiyası seriyasından ilk olaraq “Azərbaycan ədəbiyyatı antologiyası” çap ediləcək.Kitabda Nizami Gəncəvi, Məhəmməd Füzuli, İmadəddin Nəsimi, Molla Pənah Vaqif, Mirzə Fətəli Axundzadə, Mirzə Ələkbər Sabir, Cəlil Məmmədquluzadə, Hüseyn Cavid, Cəfər Cabbarlı, Səməd Vurğun, Rəsul Rza, Bəxtiyar Vahabzadə, Mir Cəlal Paşayev, Məmməd Araz və digər ədiblərin seçilmiş əsərləri yer alıb.xeber100.com