Badminton üzrə Azərbaycan çempionatına yekun vurulub

25 Noyabr 2019 12:35

Xəbər 41 dəfə oxunub

Badminton üzrə növbəti Azərbaycan çempionatına yekun vurulub.Azərtac xəbər verir ki, 1 nömrəli İdman Liseyinin badminton zalında keçirilən ölkə çempionatında 5 kateqoriya üzrə qaliblərin adlarına aydınlıq gəlib.Kişilərin şəxsi yarışında Edi Reski Dviçayo birinci olub. Ezmi Qovimuramadhoni və Orxan Qələndərov isə müvafiq olaraq ikinci və üçüncü yerləri bölüşüb.Qadın badmintonçuların şəxsi yarışında ən güclü adını Nigar Əliyeva qazanıb. Fidan Salmanova ikinci, Zülfiyyə Hüseynova isə üçüncü yeri tutub.Kişilərin qoşa yarışında Ezmi Qovimuramadhoni-Cahid Əlhəsənov tandemi bu kateqoriya üzrə qalib olub. Kənan Rzayev-Səbuhi Hüseynov qoşası ikinci, Rəvan Niftəliyev-Aqil Qəbilov ikilisi isə üçüncü yeri bölüşüb.Qadınların qoşa yarışında Azərbaycan çempionu adına Nigar Əliyeva-Nərmin Şərifova layiq görülüb. Mədinə Nağıyeva-Fatimə Əşrəfova gümüş, Adilə Mehdiyeva-Alla Vlasyuk isə bürünc medal qazanıb.Qarışıq-qoşa yarışlarında Səbuhi Hüseynov-Zülfiyyə Hüseynova qələbəni bayram edib. Rəvan Nifətliyev-Nigar Əliyeva bu kateqoriya üzrə ikinci, Cahid Əlhəsənov-Anna Jeleznyak isə üçüncü yeri tutub.Noyabrın 20-də start verilən Azərbaycan çempionatında 38 qadın və 58 kişi badmintonçu yarışıb. Bakı ilə yanaşı, Quba, Qusar, Gəncə və Lənkərandan rekord sayda 30 badmintonçu ölkə çempionatınıın iştirakçısı olub.Turnirin qalibləri Gənclər və İdman Nazirliyi və Azərbaycan Badminton Federasiyası tərəfindən diplom, medal və pul mükafatları ilə təltif ediliblər.xeber100.com

İngiltərə Premyer Liqasının 15-ci turuna yekun vurulub

Dekabrın 5-də İngiltərə Premyer Liqasının 15-ci turuna yekun vurulub.Azərtac xəbər verir ki, turun gözlənilməz hesabı “Emirates” stadionunda qeydə alınıb. “Arsenal” öz meydanında “Brayton” komandasına məğlub olub – 1:2. Bu məğlubiyyətdən sonra “Arsenal” 7 oyunda Premyer Liqada qələbəyə həsrətdir.Turun mərkəzi qarşılaşması “Old Trafford” stadionunda oynanılıb. Çempionluğa iki iddialı klub Mançester Yunayted” və “Tottenhem” üzləşib. Görüş meydan sahiblərinin 2:1 hesablı qələbəsi ilə başa çatıb.Mançester təmsilçisinin heyətində Markus Reşford (2), londonluların isə Delli Alli fərqləniblər.Turnir cədvəlinin hazırkı lideri “Liverpul” öz meydanında “Everton” komandasını 4:2, “Mançester Siti” isə səfərdə “Börnli”ni 4:1 hesabı ilə məğlub edib.Yeddi oyunu məğlubiyyətsiz başa vuran və turnir cədvəlində ikinci pillədə olan “Lester Siti” isə yenidən qələbə qazanıb. Bu dəfə komanda öz meydanında “Votford” klubunun qapısından iki cavabsız top keçirib.Turun digər oyunlarında aşağıdakı hesablar qeydə alınıb: “Kristal Palas” - “Bormunt” - 1:0; “Çelsi” - “Aston Villa” - 2:1; “Southemton” - “Norviç Siti” - 2:1; “Şeffild Yunayted” – “Nyukasl Yunayted” – 0:2; “Volverhemton” - “Vest Ham Yunayted” - 2:0.xeber100.com

Dekabr 6, 2019 14:20

Azərbaycan Güləş Federasiyasının məlumatı əsasında

Rusiyanın paytaxtı Moskvada sərbəst və yunan-Roma güləşi üzrə ALROSA Kuboku keçirilib.Azərtac Azərbaycan Güləş Federasiyasına istinadla xəbər verir ki, ənənəvi yarışda sərbəst güləş yığmamızın üzvləri ölkəmizi təmsil edib. İki gün davam edən turnirdə baş məşqçi əvəzi Zəlimxan Hüseynovun rəhbərliyi ilə Georgi Edişeraşvili (57 kq), Hacı Əliyev (65 kq), Hacımurad Hacıyev (74 kq), Cəbrayıl Həsənov (86 kq) və Şərif Şərifov (97 kq) mübarizə aparıb.Noyabrın 29-da olimpiya çəkiləri üzrə fərdi mübarizəyə start verilib. Ancaq ən yüngül çəkidə cəmi iki iştirakçı olduğundan bu kateqoriyada fərdi yarış keçirilməyib. Həmin gün Şərif Şərifov (97 kq) iranlı Məhəmməd Məhəmmədi üzərində əzmkar qələbə qazanıb - 5:4. Hacı Əliyev (65 kq) İkinci Avropa Oyunlarının finalında məğlub etdiyi gürcü Vladimir Xinceqavilini növbəti dəfə üstələyib - 7:3. Beləliklə, hər iki güləşçimiz ertəsi gün Rusiya və dünya yığması qarşılaşmasında iştirak etmək hüququ əldə edib.Hacımurad Hacıyev (74 kq) yarışda ilk görüşdə gürcü Avtandil Kençadzeyə (2:12), Cəbrayıl Həsənov (86 kq) isə rusiyalı Məhəmməd Ramazanova (1:4) uduzub. Ancaq yığma üzvləri bürünc medal qazanıb. Axşam seansında H.Hacıyev kubalı Kabalyero Qarzondan (7:2), C.Həsənov isə moldovalı Petr Yanulovdan (3:0) güclü olub.Noyabrın 30-da həlledici qarşılaşmalar keçirilib. H.Hacıyev son Avropa çempionatında məğlub etdiyi rusiyalı Naçın Kuulara növbəti dəfə qalib gəlib. İdmançımız son saniyələrdə icra etdiyi uğurlu fəndlə 5:4 hesablı qələbəyə sevinib. G.Edişeraşvili yerli idmançı Ramiz Həmzətova (4:7), Ş.Şərifov isə Rusiyanın digər təmsilçisi Əlixan Cəbrayılova (2:5) məğlub olub.xeber100.com

Noyabr 30, 2019 19:51

UEFA Avropa Liqasının qrup mərhələsinin V turunda

Noyabrın 28-də UEFA Avropa Liqasının qrup mərhələsinin V turunun oyunları keçirilib.Azərtac xəbər verir ki, gün ərzində aşağıdakı hesablar qeydə alınıb: A qrupu: “Sevilya” (İspaniya) – “QARABAĞ” (Azərbaycan) - 2:0; “Düdelanj” (Lüksemburq) - APOEL (Kipr) - 0:2. B qrupu: “Luqano” (İsveçrə) – “Kopenhagen” (Danimarka) - 0:1; “Malmö” (İsveç) – “Dinamo” (Kiyev, Ukrayna) - 4:3. C qrupu: “Trabzonspor” (Türkiyə) – “Xetafe” (İspaniya) - 0:1; “Krasnodar” (Rusiya) – “Bazel” (İsveçrə) - 1:0. D qrupu: “Rusenborq” (Norveç) - LASK (Avstriya) - 1:2; “Sportinq” (Portuqaliya) - PSV (Hollandiya) - 4:0. E qrupu: “Latsio” (İtaliya) – “ÇFR Kluj” (Rumıniya) - 1:0; “Seltik” (Şotlandiya) – “Renn” (Fransa) - 3:1. F qrupu: “Gimaraynş” (Portuqaliya) – “Standard” (Belçika) - 1:1; “Arsenal” (İngiltərə) – “Ayntraxt” (Frankfurt, Almaniya) - 1:2. G qrupu: “Feyenoord” (Hollandiya) – “Qlazqo Reyncers” (Şotlandiya); “Yanq Boyz” (İsveçrə) – “Portu” (Portuqaliya). H qrupu: “Ferentsvaroş” (Macarıstan) – “Espanyol” (İspaniya) - 2:2; MOİK (Moskva, Rusiya) – “Lüdoqorets” (Bolqarıstan) - 1:1. I qrupu: “Aleksandriya” (Ukrayna) – “Volfsburq” (Almaniya) - 0:1; “Sent-Etyen” (Fransa) – “Gent” (Belçika) - 0:0. J qrupu: “Volfsberq” (Avstriya) – “Borussiya” (Mönxenqladbax, Almaniya) - 0:1; “Başakşehir” (Türkiyə) - “Roma” (İtaliya) - 0:3. K qrupu: “Braqa” (Portuqaliya) – “Vulverhempton” (İngiltərə) - 3:3; “Beşiktaş” (Türkiyə) – “Slovan” (Bratislava, Slovakiya) - 2:1. L qrupu: “Astana” (Qazaxıstan) – “Mançester Yunayted” (İngiltərə) - 2:1; “AZ Alkmar” (Hollandiya) – “Partizan” (Serbiya) - 2:2.xeber100.com

Noyabr 29, 2019 13:07