Beynəlxalq Universitet İdman Federasiyasının məlumatı

10 Oktyabr 2020 18:55

Xəbər 49 dəfə oxunub

Beynəlxalq Universitet İdman Federasiyası (FISU) Ümumdünya Qış Universiadasının 2021-ci ilin dekabrında keçirilməsi variantını müzakirə edir.Azərtac xəbər verir ki, bu barədə FISU-nun rəhbəri, Rusiyanın idman naziri Oleq Matıtsin məlumat verib.Ümumdünya Qış Universiadası İsveçrənin Lyutsern şəhərində 2021-ci il yanvarın 21-31-də keçirilməli idi. Lakin koronavirus səbəbindən təxirə salınıb.xeber100.com

“Qarabağ” klubu UEFA Avropa Liqasının qrup mərhələsində növbəti oyununu keçirəcək

Bu gün Ağdamın “Qarabağ” futbol klubu UEFA Avropa Liqasının qrup mərhələsində növbəti oyununu keçirəcək.Azərtac xəbər verir ki, I qrupunda yer alan Ağdam təmsilçisi ikinci sınağında İspaniyanın “Vilyarreal” komandası ilə üz-üzə gələcək.Qarşılaşma Bakı vaxtı ilə saat 21:55-də start götürəcək.Matç Çexiyadan olan hakimlər briqadasına həvalə edilib. Görüşün əsas hakimi Referi Pavel Orelə olacaq. Ona həmyerliləri Petr Blajey və İrji Krjij kömək edəcəklər. Dördüncü hakim funksiyasını isə Andrey Peçanets yerinə yetirəcək.Qarşılaşmanın hakim-inspektor gürcüstanlı Levan Paniaşvili, UEFA nümayəndəsi isə Ukraynadan Anna Bordiuqova olacaq.“Köhlən atlar” Ermənistan ordusunun Azərbaycana qarşı genişmiqyaslı hərbi təxribatları ilə əlaqədar oyunu İstanbuldakı “Başakşehir Fatih Terim” stadionunda keçirəcək.Hər iki komandanın heyətində oyun öncəsi itkilər var. “Qarabağ”da Bədavi Hüseynov matçı buraxa bilər. Mahir Emreli və Maksim Medvedevin meydana çıxması da sual altındadır. “Vilyarreal”da isə Dani Parexo, Pervis Estupinyan və Jerar Moreno Azərbaycan çempionuna qarşı oynamayacaqlar.Qurban Qurbanovun başçılıq etdiyi komanda qrupun ilk oyununda İsrailin “Makkabi Təl-Əviv” komandasına uduzub - 0:1. “Vilyarreal” isə öz meydanında keçirdiyi görüşdə “Sivasspor”a qalib gəlib - 5:3.xeber100.com

Oktyabr 29, 2020 13:58

UEFA Avropa Liqasının qrup mərhələsində ilk oyununu keçirəcək

Bu gün “Qarabağ” futbol klubu UEFA Avropa Liqasının qrup mərhələsində ilk oyununu keçirəcək.Azərtac xəbər verir ki, Ağdam klubu İsraildə Təl-Əvivin “Makkabi” klubunun qonağı olacaq.“Blumfild” stadionunda baş tutacaq görüş Bakı vaxtı ilə saat 23:00-da start götürəcək.Görüşü şotlandiyalı hakimlər briqadası idarə edəcək.Qarşılaşmanın əsas hakimi Con Biton olacaq. Ona Frensis Konor və Daniel Makfarlan kömək edəcək. Dördüncü hakim funksiyasını Euan Anderson yerinə yetirəcək.Hakimlərin işinə serbiyalı Milan Karaciç qiymət verəcək. UEFA nümayəndəsi isə rusiyalı İvan Tsitoviç olacaq.Qurban Qurbanovun başçılıq etdiyi komanda matça itkilərlə çıxacaq. Azərbaycan çempionunun heyətində Mahir Emreli və Abbas Hüseynov zədə səbəbindən “Makkabi”yə qarşı oynamayacaq.Ardıcıl 7-ci dəfə qrupda çıxış edəcək “Qarabağ” cari mövsüm Avrokubok mübarizəsinə UEFA Çempionlar Liqasının təsnifat mərhələsindən başlayıb. Birinci raundda Şimali Makedoniyanın “Sileks” klubunu (4:0), növbəti mərhələdə isə Moldovanın “Şerif” klubunu (2:1) keçən “köhlən atlar” növbəti oyunda Norveçin “Molde” kollektivinə penaltilər seriyasında uduzaraq, UEFA Avropa Liqasının pley-off mərhələsinə düşüb. Burada isə Polşanın “Legiya” klubunu səfərdə 3:0 hesabı ilə məğlub edən ağdamlılar qrup mərhələsinə vəsiqə qazanıblar.“Qarabağ” kimi “Makkabi” də UEFA Avropa Liqasının qrupuna Çempionlar Liqasından gəlib. Birinci təsnifat mərhələsində Latviyanın “Riqa” komandasını mübarizədən kənarlaşdıran (2:0) İsrail təmsilçisi ardınca “Suduva” (Litva) (3:0) və “Dinamo Brest”i (Belarus) (1:0) məğlub edərək pley-offa yüksəlib. Bu raundda Avstriyanın “Zaltsburq” komandasına hər iki qarşılaşmada uduzan (1:2, 1:3) paytaxt klubu birbaşa UEFA Avropa Liqasının qrupuna vəsiqə əldə edib.xeber100.com

Oktyabr 22, 2020 13:02

UEFA Çempionlar Liqasının qrup mərhələsinə start verilir

Oktyabrın 20-də futbol üzrə UEFA Çempionlar Liqasının qrup mərhələsinə start verilir.Azərtac xəbər verir ki, ilk oyun günündə 4 qrupda 8 qarşılaşma keçiriləcək.“H” qrupunda yer alan Türkiyənin “Başakşehir” klubu ilk matçında Almaniyanın “Leyptsiq” komandasının qonağı olacaq. Ötən mövsüm Türkiyə Superliqasının qalibi olan komanda qitənin bir nömrəli klub turnirinin qrup mərhələsində debüt edəcək. Bu qrupun digər qarşılaşmasında “Paris Sen-Jermen” Fransada İngiltərənin “Mançester Yunayted” klubunu qəbul edəcək.“A” qrupunda mübarizə aparan UEFA Avropa Liqasının sonuncu qalibi İspaniyanın “Sevilya” klubu İngiltərənin “Çelsi” komandasını qonağı olacaq.Günün digər görüşləri aşağıdakılardır: “E” qrupu “Çelsi” (İngiltərə) – “Sevilya” (İspaniya), “Renn” (Fransa) – “Krasnodar” (Rusiya), “F” qrupu “Zenit” (Rusiya) – “Brügge” (Belçika), “Latsio” (İtaliya) – “Borussiya” (Dortmund, Almaniya), “G” qrupu “Dinamo” (Kiyev, Ukrayna) – “Yuventus” (İtaliya), “Barselona” (İspaniya) – “Ferentsvaroş" (Macarıstan), “H” qrupu PSJ (Fransa) – “Mançester Yunayted” (İngiltərə), “Leyptsiq” (Almaniya) – “Başakşehir” (Türkiyə). Qeyd edək ki, qrup mərhələsinin digər oyunlar oktyabrın 21-də olacaq.xeber100.com

Oktyabr 20, 2020 14:14

“Hər şey Vətən üçün” adlı yarışlara start verilib

Oktyabrın 16-dan 18-dək Azərbaycan Respublikası Atçılıq Federasiyasının təşkilatçılığı ilə keçirilən “Hər şey Vətən üçün” adlı tədbirdə ilk günün yarışlarına start verilib.Azərtac xəbər verir ki, Ordumuza dəstək və milli ruhun yüksəldilməsi məqsədilə keçirilən tədbirdə ilk olaraq “E” kateqoriyası üzrə 80 santimetr hündürlükdə qurulan maneələrdən ibarət konkur yarışında yeniyetmələrdən ibarət idmançılar iştirak ediblər. 14 idmançının 16 atla iştirak etdiyi mübarizədə “Respublika Atçılıq və Müasir Beşnövçülük üzrə İxtisaslaşdırılmış Olimpiya Ehtiyatları Uşaq-Gənclər İdman Məktəbi”nin idmançısı Rəna Axundova “Tibet” ləqəbli atla öz rəqiblərinə qalib gələrək “Ərgünəş Kuboku”nun qalibi olub. Eyni zamanda, məktəbin idmançıları, Elman Mirzəyev “Ak’s Clientus” ləqəbli atla 3-cü, Emin Rzayev “Light Limerick” ləqəbli atla 4-cü yerin sahibi olublar. “Elite Horse&Polo Klubu”nun idmançıları Ramil İbrahimov “Alart S” ləqəbli atla 2-ci, Məhəmməd İskəndərov “Cera 59” ləqəbli atla 5-ci yerdə qərarlaşıblar.Günün 2-ci yarısı saat 12:30-dan etibarən başlayıb. “A**” kateqoriyası üzrə hündürlüyü 110-115 santimetr olan yarışda 14 idmançı 18 atla iştirak edib. Nəticədə 1-ci və 2-ci yerlərdə “Gilan Atçılıq Klubu”nun idmançısı Rahib İsmayılov müvafiq olaraq “Khazar” və “Welga” ləqəbli atlarla qərarlaşıb. Bununla da o, Hadrut kubokunun qalibi olub.3-cü yerdə “Buta Qolden Atçılıq İdman Klubu”nun idmançısı “Astrello” ləqəbli atla Eqor Morotskiy, 4-cü yerdə isə “D’amour” ləqəbli atla “Murad Atçılıq Klubunun” idmançısı Kənan Novruzov qərarlaşıb. “Sərhədçi Atçılıq Klubu”nun idmançısı Seyid Musayev “Ayla” ləqəbli atla 5-ci yerin sahibi olub.Tədbirin proqramına uyğun olaraq sabah atçılığın konkur növü “Qarabağ Kuboku” uğrunda idmançılar öz güclərini sınayacaqlar. Yarış Binə Atçılıq Mərkəzinin ərazisində saat 11:00-dan etibarən keçiriləcək.xeber100.com

Oktyabr 17, 2020 15:50

Atçılıq Federasiyasının təşkilatçılığı ilə “Hər şey vətən üçün” adlı yarış keçiriləcək

Ermənistan silahlı qüvvələrinin genişmiqyaslı təxribatlarına qarşı uğurlu əks-həmlə əməliyyatı keçirərək düşmənə sarsıdıcı zərbələr vuran və əzəli torpaqlarımızı işğaldan azad etməsi hər bir azərbaycanlının qəlbində sonsuz qürur hissi oyatmaqla yanaşı, cəmiyyətdə sonsuz ruh yüksəkliyinə səbəb olub.Azərbaycan Respublikası Atçılıq Federasiyasının (ARAF) təşkilatçılığı ilə oktyabrın 16-18-də şanlı ordumuzun qəhrəmanlığına həsr olunmuş “Hər şey Vətən üçün” adlı tədbir keçiriləcək.ARAF-dan Azərtac-a bildiriblər ki, tədbir çərçivəsində oktyabrın 16-da və 17-də atçılığın konkur növü üzrə yeniyetmələr arasında “Ərgünəş”, peşəkar idmançılar arasında isə “Hadrut” və “Qarabağ” kubokları uğrunda yarışlar təşkil olunacaq.Oktyabrın 18-də isə müxtəlif yaş kateqoriyalarında ingilis, Qarabağ və Dilbaz atlarının iştirakı ilə 5 qaçışdan ibarət cıdır yarışları təşkil olunacaq. Ordumuza dəstək məqsədilə keçirilməsi planlaşdırılan yarışda jokeylər öz atları ilə müvafiq olaraq “Suqovuşan”, “Murov”, “Cəbrayıl”, “Füzuli” və “Qarabağ” kubokları uğrunda mübarizə aparacaqlar.Tədbir yuxarıda qeyd olunan tarixlərdə saat 11:00-dan etibarən Binə Atçılıq Mərkəzində təşkil olunacaq.xeber100.com

Oktyabr 15, 2020 08:36