Dağlıq Qarabağ münaqişəsi müzakirə edilib

28 Avqust 2017 14:58

Xəbər 824 dəfə oxunub

Azərbaycanın Braziliyada və eyni zamanda Surinamdakı səfiri Elxan Poluxov Surinam Milli Assambleyasının spikeri Cennifer Qirlings-Simons ilə görüşüb.Azərbaycanın Braziliyadakı səfirliyindən Azərtac-a verilən məlumata görə, görüşdə parlamentlərarası əlaqələr, müasir dövrdə parlament diplomatiyasının ikitərəfli münasibətlərdəki rolu, hökumətlərarası qarşılıqlı səfərlərin təşkil edilməsinin mümkünlüyü və Ermənistan-Azərbaycan, Dağlıq Qarabağ münaqişəsi müzakirə edilib. Tərəflər ölkələrimiz arasında əlaqələrin genişləndirilməsində böyük potensialın olduğunu bildirib və bu sahədə qanunverici orqanların xüsusi rolunu qeyd ediblər.xeber100.com

Xarici İşlər Nazirliyi ölkə vətəndaşlarına xəbərdarlıq edib

Azərbaycan Respublikasının Xarici İşlər Nazirliyi ölkə vətəndaşlarına Çin Xalq Respublikasında mövcud olan vəziyyətlə bağlı xəbərdarlıq edib.Bu barədə Azərtac-a Xarici İşlər Nazirliyindən məlumat verilib.Bildirilir ki, 2019-cu ilin dekabrında Çin Xalq Respublikasının Uxan şəhərində yeni növ təhlükəli virus (coronavirus 2019-nCoV) aşkarlanıb və insandan-insana keçmə xüsusiyyəti olduğuna görə bu virusa yoluxan insanların sayında artım müşahidə edilib.Çin Milli Səhiyyə Komitəsinin 2020-ci il 24 yanvar tarixli məlumatına əsasən, 177 nəfərin vəziyyəti kritik olmaqla, 830 nəfər sözügedən virusa yoluxub və 25 nəfər vəfat edib. Çinin Uxan şəhərində karantin elan olunub.Dünya Səhiyyə Təşkilatı kəskin respirator xəstəliklərin yayılması riskinin azaldılması məqsədilə aşağıdakıları tövsiyə edir: - kəskin respirator xəstəliklərdən əziyyət çəkən insanlarla yaxın təmasdan çəkinmək; - xəstə insanlarla və ya onların mühiti ilə birbaşa təmasdan sonra əlləri yumaq; - canlı/ölü vəhşi və ya kənd təsərrüfatı heyvanları ilə yaxın təmasdan çəkinmək; - kəskin respirator xəstəliklər simptomu olan səyahətçilər öskürək etiketinə əməl etməlidirlər (məsafə saxlanılmalı, öskürək zamanı ağzı bağlamaq və əlləri yumaq); - yaranmış vəziyyətlə bağlı təşvişə düşməmək; - sözügedən xəstəliklə bağlı hansısa simptomlar müşahidə edildiyi təqdirdə birbaşa müvafiq tibb müəssisəsinə müraciət etmək. Çinə səfər etmək istəyən Azərbaycan vətəndaşlarına ehtiyatlı olmalarını, Dünya Səhiyyə Təşkilatının tövsiyələrinə əməl etmələri və ölkədə mövcud olan vəziyyəti nəzərə almaları tövsiyə olunur.xeber100.com  

Yanvar 24, 2020 18:21

Mərkəzi Seçki Komissiyasının növbəti iclası keçirilib

Yanvarın 12-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilib.Azərtac xəbər verir ki, əvvəlcə komissiyanın 6 yanvar tarixli iclasının protokolu təsdiq olunub. Sonra 2020-ci il fevralın 9-na təyin edilmiş Azərbaycan Respublikasının Milli Məclisinə seçkilərdə Yeni Azərbaycan Partiyası tərəfindən MSK-ya təyin edilmiş məşvərətçi səs hüquqlu üzvün təsdiq olunmasına qərar verilib.İclasda Azərbaycan Respublikasının Milli Məclisinə 2020-ci il fevralın 9-na təyin olunmuş seçkilərdə səlahiyyətli nümayəndəsinin səlahiyyətinə xitam verilməsi ilə bağlı Vəhdət Partiyasının müraciətinə də baxılıb və sözügedən partiyanın müraciəti təmin edilərək səlahiyyətli nümayəndənin qeydiyyatı ləğv olunub, ona verilən lövhəcik etibarsız hesab edilib.Komissiyanın iclasında, həmçinin qarşıdan gələn 9 fevral Milli Məclisə seçkilərlə əlaqədar MSK-ya daxil olmuş müraciətə baxılıb. Müraciət maraqlı subyektin də iştirakı ilə komissiyanın iclasında geniş müzakirə olunduqdan sonra müvafiq qərar qəbul edilib.Beynəlxalq müşahidəçilərin və kütləvi informasiya vasitələrinin nümayəndələrinin iştirak etdiyi iclasda bəzi seçki dairələri dairə seçki komissiyalarının tərkibində dəyişikliklər edilib və cari məsələlərə də baxılıb.xeber100.com

Yanvar 12, 2020 16:40

Mərkəzi Seçki Komissiyasının növbəti iclası keçirilib

Yanvarın 5-də Məzahir Pənahovun sədrliyi ilə Mərkəzi Seçki Komissiyasının (MSK) növbəti iclası keçirilib.MSK Katibliyinin Media və ictimai əlaqələr şöbəsindən Azərtac-a bildiriblər ki, əvvəlcə Komissiyanın 2019-cu il dekabrın 28-də keçirilmiş iclasının protokolu təsdiq olunub.Sonra 2020-ci il fevralın 9-na təyin edilmiş Milli Məclisə seçkilər və 2019-cu il dekabrın 23-də keçirilmiş bələdiyyə seçkiləri ilə əlaqədar maraqlı subyektlərin də iştirakı ilə MSK-ya daxil olmuş müraciətlərə baxılıb. Milli Məclisə seçkilərə dair müraciətlərin müzakirəsindən sonra Komissiya namizədin qeydə alınmaması ilə bağlı müvafiq dairə seçki komissiyasının qərarının ləğv edilərək, namizədliyi öz təşəbbüsü ilə irəli sürülən bir nəfərin Milli Məclisə seçkilərdə namizədliyinin qeydə alınmasına qərar verib.Ötən il dekabrın 23-də keçirilmiş bələdiyyə seçkiləri ilə əlaqədar MSK-ya daxil olmuş müraciətlərin müzakirəsi zamanı da vətəndaşların seçki hüquqlarının daha səmərəli və effektiv təmin olunması üçün geniş, hərtərəfli və obyektiv araşdırılan müraciətlərlə bağlı müvafiq qərarlar qəbul edilib. Komissiya üzvlərinin müzakirəsindən sonra 30 saylı Suraxanı birinci seçki dairəsinin 24 və 31 saylı Suraxanı ikinci seçki dairəsinin 30 saylı seçki məntəqələri üzrə səsvermənin nəticələri etibarsız hesab olunub, eləcə də sözügedən seçki məntəqələrinin məntəqə seçki komissiyaları buraxılıb.Kütləvi informasiya vasitələri tərəfindən geniş işıqlandırılan iclasda, həmçinin seçkilərlə bağlı cari məsələlərə baxılıb.xeber100.com

Yanvar 5, 2020 17:48