Fransada bələdiyyə seçkilərinin birinici turu keçiriləcək

15 Sentyabr 2019 13:08

Xəbər 165 dəfə oxunub

Fransada 2020-ci ilin mart ayında bələdiyyə seçkilərinin birinici turu keçiriləcək. Seçki ilə bağlı İfop-Fudicial şirkətinin keçirdiyi sosial sorğunun nəticələrinə görə, Parisin hazırkı meri Ann Hidalqo birinci yerdədir.Azərtac xəbər verir ki, “İrəli, Respublika” siyasi partiyasının namizədi Benjamin Qrivo (17%) ilə həmin partiyadan olan Sedrik Villani (15%) 2-ci və 3-cü yerləri bölüşürlər. Respublikaçılar Partiyasının namizədi Raşida Dati 14 faiz səslə dördüncü yerdədir.Qeyd edək ki, Paris şəhərinin meri vəzifəsinə seçilmək üçün 12 nəfər namizədliyini irəli sürüb.xeber100.com

“South China Morning Post” qəzetinin məlumatı

XR Dövlət Şurasının Baş Nazirinin müavini Lyu He və ABŞ-ın ticarət danışıqlarındakı nümayəndəsi Robert Laythayzer avqust ayında Çin-Amerika ticarət sazişinin ilk mərhələsi üzrə əldə edilən aralıq nəticələri və gələcək addımları müzakirə etməyi planlaşdırır.“South China Morning Post” qəzetinə istinadla xəbər verir ki, danışıqlar yarım ildə bir dəfə yüksək səviyyədə keçiriləcək mütəmadi məsləhətləşmələr barədə sazişə uyğun hazırlanır. Tərəflər sənədin imzalandığı dövrdən bəri əldə olunan irəliləyişi qiymətləndirəcək.Bir müddət öncə ABŞ Prezidenti Donald Tramp pandemiya fonunda Pekinlə ikitərəfli ticarət sazişinin əhəmiyyətinin azaldığını bildirib. O, eyni zamanda, Çinin Amerika istehsalı olan kənd təsərrüfatı məhsullarını rekord həcmdə almağa başladığını qeyd edib.Rəsmi statistikaya əsasən, yanvar ayından iyunadək ÇXR və Birləşmiş Ştatlar arasında ticarət dövriyyəsi illik əmsalda 9,7 faiz azalaraq 233,98 milyard dollar təşkil edib. Çindən ABŞ-a ixrac həcmi 11.1 faiz aşağı düşərək 177,55 milyard dollara, Amerika məhsullarının idxalı isə 4,8 faiz azalaraq 56,43 milyard dollara enib.Qeyd edək ki, yanvarın 15-də Vaşinqtonda ABŞ və Çin arasında ticarət sövdələşməsinin ilk fazası üzrə saziş əldə olunub. Sənədi Birləşmiş Ştatlar Prezidenti Donald Tramp və Çin Baş Nazirinin müavini Lü He imzalayıb. Donald Trampın sözlərinə görə, saziş ticarət defisitini aradan qaldırmağa imkan verəcək.xeber100.com

İyul 25, 2020 19:09

Böyük Britaniyada “5G” şəbəkəsi qurulacaq

Böyük Britaniya hökuməti Çin texnologiyalarından istifadədən imtina etdikdən sonra ölkədə beşinci nəsil mobil rabitə şəbəkəsinin (“5G”) yaradılmasına kömək üçün Yaponiyaya müraciət edib.Xarici KİV xəbər verir ki, Böyük Britaniyada yeni nəsil mobil rabitə şəbəkəsinin yaradılmasında Çin istehsalçısını Yaponiyanın “NEC” və “Fujitsu” şirkətləri əvəz edə bilər. Hazırda iki Yaponiya şirkəti “5G” baza stansiyaları bazarında 1 faizlik paya sahibdir. Lakin Böyük Britaniya ilə əməkdaşlığın onlara dünya səviyyəsinə çıxmağa kömək edəcəyi gözlənilir. Dünya “5G” bazarının təxminən 80 faizinə “Huawei”, “Ericsson” və “Nokia” şirkətləri nəzarət edir.Bildirilir ki, iyulun 14-də Böyük Britaniya hökuməti “Huawei” şirkətinə ölkə ərazisində “5G” şəbəkələrinin inkişafı ilə məşğul olmasının qadağan edilməsi ilə bağlı qərar qəbul edib. Yerli şirkətlərə 2021-ci ildən etibarən indiyədək əsas tədarükçü qismində çıxış edən Çin şirkətindən avadanlıq almaq qadağan olunacaq.Qərar üçün əsas kimi “5G” şəbəkəsi istifadəçilərinin fərdi məlumatlarının Çinin xüsusi xidmət orqanlarına ötürülmə ehtimalı göstərilir. Ötən il ABŞ tərəfindən analoji ittihamlar “Huawei” şirkəti üçün sanksiyalara və onunla Birləşmiş Ştatlar korporasiyalarının əməkdaşlığının qadağan edilməsi ilə nəticələnib.xeber100.com

İyul 20, 2020 17:08