Boksçular arasında beynəlxalq turnir davam edir

Bakıda yeniyetmə boksçular arasında Ümummilli Lider Heydər Əliyevin 100 illiyinə həsr olunan beynəlxalq turnir davam edir. Boks Mərkəzində keçirilən yarışın üçüncü günündə dörddəbir final mərhələsi başa çatıb. Turnirdə 52, 54, 57 və 60 kiloqram çəki dərəcələrində yarımfinala yüksələn boksçular bəlli olub. Azərbaycan millisinin altı idmançısı da dörddəbir final döyüşünü qələbə ilə bitirib və mərhələ adlamaqla özü üçün ən azı bürünc medalı təmin edib. Həmçinin 46 və 50 kiloqram çəki dərəcələrində finalçılar müəyyənləşib. Döyüşlərin nəticəsinə əsasən yığmamızın daha iki boksçusu həlledici görüşə vəsiqə qazanıb.xeber100.com  

Futbolçulardan ibarət Azərbaycan millisinin heyəti açıqlanıb

Qadın futbolçulardan ibarət Azərbaycan millisinin heyəti açıqlanıb. AFFA xəbər verir ki, Türkiyə ilə keçiriləcək yoldaşlıq görüşlərinə 23 oyunçu çağırılıb. Millimizin heyətində Aytac Şərifova, Nərgiz Hacıyeva (hər ikisi “Trabzonspor”, Türkiyə), Günay İsmayılova, Sona Rəhimova, Vüsalə Hacıyeva, Vüsalə Seyfəddinova (hamısı “Amedspor”, Türkiyə), Nərgiz Əliyeva, Jalə Məhsimova (hər ikisi “KDZ Ereğli Bələdiyyə Spor”, Türkiyə), Göknur Güləryüz, Nazlıcan Parlak (hər ikisi “Fənərbağça”, Türkiyə), Ayşən Əhmədova (“Fomget ve Genclik Spor”, Türkiyə), Kamilla Məmmədova, Coşqunə Əliyeva (hər ikisi “Kayseri””, Türkiyə), Kristina Bakarandze (“Qalatasaray”, Türkiyə), Yeliz Acar, Peritan Bozdağ, Bilge Su Koyun (hamısı “Fatih Vatan”, Türkiyə), Esra Manya (“Beşiktaş”, Türkiyə), Nigar Mirzəliyeva (“Zenit”, Rusiya), Diana Məmmədova (“Yenisey”, Rusiya), Sevinc Cəfərzadə (“Krasnodar”, Rusiya), Manə Mollayeva və Firəngiz Teymurova (8 – İOEUGiM) yer alıblar. Qeyd edək ki, Azərbaycanla Türkiyə arasında yoldaşlıq oyunları aprelin 8-də və 11-də “Dalğa Arena”da keçiriləcək.xeber100.com

Voleybol üzrə yarımfinal mərhələsinin oyunlarının vaxtı dəqiqləşib

Kişi və qadın voleybolçular arasında Azərbaycan çempionatlarında yarımfinal mərhələsinin növbəti oyunlarının vaxtı dəqiqləşib. Azərbaycan Voleybol Federasiyası xəbər verir ki, qadınların Yüksək Liqasında ikinci qarşılaşmalar aprelin 5-də keçiriləcək. Bir gün sonra isə kişi voleybolçuların Yüksək Liqasında ikinci görüşlər baş tutacaq. Aprelin 5-də “Murov” - “Abşeron”, UNEC - “Azərreyl”, ertəsi gün isə “Neftçi” - “Xarı bülbül” və MOİK - “Murov” görüşləri keçiriləcək. Qeyd edək ki, yarımfinal mərhələsi iki qələbəyə, final mərhələsi isə üç qələbəyə kimi oynanılacaq.xeber100.com  

Dünyanın ən çox məvacib alan məşqçilərinin siyahısı

Dünyanın ən çox məvacib alan məşqçilərinin siyahısı açıqlanıb. Fransanın nüfuzlu “Ekip” nəşrinin tərtib etdiyi siyahıya “Atletiko”nun çalışdırıcısı Dieqo Simeone başçılıq edir. Argentinalı mütəxəssis Madrid klubunda ilə 34 milyon avro məvacib alır. Argentinalı mütəxəssis “böyük beşlik” ölkələrində həm də “Frayburq”a rəhbərlik edən Kristian Ştrayxla birgə bir klubda ən uzun müddət işləyən məşqçidir. Simeone 2011-ci ildən “Atletiko”nun sükanı arxasındadır. Siyahıda ikinci pillədə “Mançester Siti”nin çalışdırıcısı Xosep Qvardiola qərarlaşıb. İspaniyalı mütəxəssis “Mançester Siti”də ilə 22,4 milyon avro məvacib alır. Üçüncü yerdə isə illik qazancı 17,8 milyon avro olan “Liverpul”un baş məşqçisi Yürgen Kloppdur. Dördüncü pillədə də Premyer Liqada işləyən mütəxəssis qərarlaşıb. Söhbət ilə 13,5 milyon avro gəlir əldə edən “Çelsi”nin baş məşqçisi Qrem Potterdən gedir. Beşinci sırada qərarlaşan “Yuventus”un baş məşqçisi Massimiliano Alleqrinin illik maaşı 12,8 milyon avrodur. Bir neçə gün əvvəl “Bavariya” ilə müqavilə imzalayan Tomas Tuxel isə 12 milyon avro ilə altıncı yeri tutur. “Real Madrid”in baş məşqçisi Karlo Ançelottinin adı isə yeddinci sırada qeyd olunub. İtaliyalı mütəxəssis ilə 11 milyon avro məvacib alır.xeber100.com

Güləşçilər arasında Azərbaycan çempionatına yekun vurulub

Bakı İdman Sarayında 20 yaşadək güləşçilər arasında Azərbaycan çempionatına yekun vurulub. Yarışın sonuncu – üçüncü günündə yunan-Roma güləşi üzrə 67, 72, 77, 82, 87, 97 və 130 kiloqram çəki dərəcələrində görüşlər keçirilib. Gərgin idman mübarizəsi şəraitində keçən yarışda Fərid Xəlilov (67 kq), Ruslan Nurullayev (72 kq), Davud Məmmədov (77 kq), İsmayıl Rzayev (82 kq), Etibar Rzayev (87 kq), İsa Hüseynov (97 kq) və Məzahim Mərdanov (130 kq) bütün rəqiblərini qabaqlayaraq Azərbaycan çempionu adına sahib olublar. Çempionatda mükafatçılar sırasında yer alan güləşçilər yığma komandalara cəlb ediləcəklər. Qeyd edək ki, aprelin 1-dən 4-dək Bakı İdman Sarayında yeniyetmə güləşçilər arasında ölkə birinciliyi təşkil olunacaq.xeber100.com

Azərbaycan Yüksək Liqasının yarımfinal mərhələsi start götürüb

Kişi voleybolçular arasında Azərbaycan Yüksək Liqasının yarımfinal mərhələsi start götürüb. Voleybol Mərkəzində təşkil olunan yarımfinalın ilk oyunları çərçivəsində “Murov”la MOİK, “Xarı bülbül” komandası ilə “Neftçi”qarşılaşıb. Günün ilk matçı “Murov” və MOİK komandaları arasında olub. Görüş “Murov”un 25:20 hesablı üstünlüyü ilə başlayıb. Fərid Cəlalovun komandası rəqibindən üstün oyun göstərərək sonrakı hissələrdə də (25:18, 25:14) qalib gəlib. Beləliklə “Murov” yarımfinalda ilk qələbəsini qazanıb – 3:0. Günün digər qarşılaşmasında “Xarı bülbül"lə “Neftçi” üz-üzə gəlib. Oyuna daha yaxşı başlayan "Xarı bülbül" ilk iki seti 25:22 və 25:17 hesabları ilə öz xeyrinə yekunlaşdırıb. Növbəti hissədə "Neftçi" 25:21 hesablı qələbə ilə ümumi hesabı azalda bilib. Lakin təşəbbüsü yenidən ələ alan Şuşa təmsilçisi 25:19 hesabı ilə qalib gələrək meydandan 3:1 hesablı qələbə ilə ayrılıb. Qeyd edək ki, yarımfinal mərhələsi iki qələbəyə kimi, final mərhələsi isə üç qələbəyə kimi oynanılacaq.xeber100.com

Azərbaycan çempionatının yarımfinal mərhələsində

Bu gün qadın voleybolçular arasında Azərbaycan çempionatında yarımfinal mərhələsinin ilk oyunları keçiriləcək. Oyun günündə "Abşeron" klubu "Murov"la, "Azərreyl" isə UNEC-lə qarşılaşacaq. Martın 30-da isə kişi voleybolçuların mübarizəsinə start veriləcək. İlk yarımfinal matçlarında "Murov"la MOİK, "Xarı bülbül"lə isə "Neftçi" üz-üzə gələcək. Qeyd edək ki, əsas mərhələdə baş tutmuş dörd dövrənin nəticələrinə görə, turnir cədvəlində birinci olan komanda dördüncü yerin sahibi ilə, ikinci olan komanda isə üçüncü yeri tutan klubla qarşılaşır. Yarımfinal mərhələsi iki qələbəyə, final mərhələsi isə üç qələbəyə kimi oynanılacaq.xeber100.com

Bədii gimnastika üzrə dünya kuboku yarışları keçiriləcək

Martın 31-dən aprelin 2-dək Bolqarıstanın paytaxtı Sofiyada bədii gimnastika üzrə dünya kuboku yarışları keçiriləcək. Azərbaycan Gimnastika Federasiyası xəbər verir ki, yarışda Azərbaycan fərdi növdə təmsil olunacaq. Ölkəmizin idman şərəfini Zöhrə Ağamirova və Alina Gözəlova qoruyacaqlar. Artıq gimnastlarımız Bolqarıstana yollanıblar. Bolqarıstan yarışı cari il Z.Ağamirovanın ilk beynəlxalq turniri olacaq. Digər təmsilçimiz A.Gözəlova bir müddət əvvəl İspaniyada Qran-Pri turnirində çıxış edib və topla proqramın finalında səkkizinci olub. Qeyd edək ki, Bakıda bədii gimnastika üzrə növbəti dünya kuboku yarışları aprelin 21-23-də keçiriləcək. Ölkəmizin gimnastika növləri üzrə bu il ev sahibliyi edəcəyi üçüncü beynəlxalq yarışda qeydiyyat siyahısına əsasən, 46 ölkədən idmançıların fərdi və qrup hərəkətləri proqramında mübarizə aparacağı gözlənilir. Üç gün ərzində baş tutacaq yarışlarda gimnastlar ayrı-ayrı alətlər və çoxnövçülük üzrə mübarizə aparacaqlar. Ənənəyə uyğun olaraq, yarışlarda ən çox icra xalını toplamış gimnast və qrup komandasına “AGF Trophy” kuboku təqdim olunacaq. Bu, ölkəmizdə bədii gimnastika üzrə təşkil ediləcək onuncu dünya kuboku yarışları olacaq. Paytaxtımız 2005-ci və 2019-cu illərdə bu növ üzrə dünya çempionatına ev sahibliyi edib.

“Böyük dəbilqə” turnirinə qatılacaq Azərbaycan cüdoçuları müəyyənləşib

Martın 31-də Antalyada start götürəcək “Böyük dəbilqə” turnirinə qatılacaq Azərbaycan cüdoçuları müəyyənləşib. Türkiyədəki yarışda 17 idmançımız tatami üzərinə çıxacaq. Turnirdə kişilərin yarışında ölkəmizin idman şərəfini Kəramət Hüseynov, Nazir Talıbov (hər ikisi 60 kq), Orxan Səfərov, Yaşar Nəcəfov (hər ikisi 66 kq), Hidayət Heydərov, Nurlan Osmanov (hər ikisi 73 kq), Səid Mollayi, Zelim Tçkayev (hər ikisi 81 kq), Məmmədəli Mehdiyev, Murad Fətiyev (hər ikisi 90 kq), Zelim Kotsoyev (100 kq), Uşangi Kokauri və Camal Qamzatxanov (+100 kq) qoruyacaqlar. Qadınların mübarizəsində Leyla Əliyeva, Könül Əliyeva (hər ikisi 48 kq), Gültac Məmmədəliyeva (52 kq) və Fidan Əlizadə (57 kq) güclərini sınayacaqlar. Aprelin 2-də yekun vurulacaq turnirdə 85 ölkədən 349 kişi, 266 qadın cüdoçu mübarizə aparacaq.xeber100.com

Dünya Güləş Birliyi: Güləş üzrə Avropa çempionatı keçiriləcək

Aprelin 17-dən 23-dək Xorvatiyanın paytaxtı Zaqrebdə güləş üzrə Avropa çempionatı keçiriləcək. Dünya Güləş Birliyi xəbər verir ki, Azərbaycan yığmalarının heyətləri açıqlanıb. Sərbəst güləş yarışlarında ölkəmizi Əliabbas Rzazadə (57 kq), İntiqam Vəlizadə (61 kq), Hacı Əliyev (65 kq), Maqomed Xaniyev (70 kq), Cəbrayıl Hacıyev (74 kq), Səbuhi Əmiraslanov (79 kq), Abubakr Abakarov (86 kq), Osman Nurməhəmmədov (92 kq), Maqomedxan Maqomedov (97 kq) və Qiorqi Meşvildişvili (125 kq) təmsil edəcəklər. Yunan-Roma güləşi yarışlarında millimizin üzvlərindən Eldəniz Əzizli (55 kq), Nihat Məmmədli (60 kq), Taleh Məmmədov (63 kq), Həsrət Cəfərov (67 kq), Ülvi Qənizadə (72 kq), Sənan Süleymanov (77 kq), Rafiq Hüseynov (82 kq), İslam Abbasov (87 kq), Arif Niftullayev (97 kq) və Sabah Şəriəti (130 kq) güclərini sınayacaqlar. Qadın güləşçilərin mübarizəsində Mariya Stadnik (50 kq), Elnurə Məmmədova (53 kq), İlona Dudyak Semkiv (55 kq), Jalə Əliyeva (57 kq), Alyona Kolesnik (59 kq), Elis Manolova (62 kq), Birgül Soltanova (65 kq) və Nigar Mirzəzadə (68 kq) medallar uğrunda yarışacaqlar.xeber100.com

Azərbaycan Gimnastika Federasiyası: İkinci dünya çempionatı keçiriləcək

Martın 29-dan aprelin 2-dək Antalyada idman gimnastikası üzrə gənclər arasında ikinci dünya çempionatı keçiriləcək. Azərbaycan Gimnastika Federasiyası xəbər verir ki, yarışda ölkəmizi Rəsul Əhmədzadə, Anar Həsənov, Dəniz Əliyeva, Duyğu Məcidzadə və Aytən Məmmədova təmsil edəcəklər. Antalya Gimnastika Salonunda təşkil olunacaq çempionatda 65 ölkədən 286 idmançı medallar uğrunda mübarizə aparacaq.xeber100.com

Futbol üzrə “AVRO-2024”ün seçmə mərhələsinin ilk turunda

Futbol üzrə “AVRO-2024”ün seçmə mərhələsinin ilk iki turunda Avstriyaya 1:4 və İsveçə 0:5 hesabı ilə məğlub olan Azərbaycan millisi tarixinin ən uğursuz startını təkrarlayıb. Yığmamız ikinci dəfə seçmə mərhələnin ilk iki görüşündə 1 qol vurub, 9 top buraxıb. Bununla “Avro-2012”nin seçmə mərhələsindəki nəticə təkrarlanıb. Həmin vaxt Azərbaycan millisi ilk turda Almaniyaya 1:6, ikinci matçında isə Avstriyaya 0:3 hesabı ilə yenilib. Ümumiyyətlə komandamız dünya və Avropa çempionatlarında qatıldığı 15 seçmə mərhələnin 9-da ilk iki qarşılaşmasında məğlubiyyət acısı dadıb.xeber100.com

Güləş üzrə Azərbaycan çempionatına start verilib

Bakı İdman Sarayında gənclər arasında güləş üzrə Azərbaycan çempionatına start verilib. Azərbaycan Güləş Federasiyasının Gənclər və İdman Nazirliyi ilə birgə keçirdiyi çempionatı beynəlxalq və milli dərəcəli hakimlərimiz idarə edir. Martın 30-dək davam edəcək yarışlarda medal qazanacaq idmançılar sərbəst və yunan-Roma güləşi üzrə yığmalarımıza cəlb ediləcəklər. Gənclər arasında ölkə birinciliyi başa çatdıqdan sonra yeniyetmə güləşçilərin Azərbaycan çempionatına start veriləcək. Yarış aprelin 1-dən 4-dək Bakı İdman Sarayında təşkil olunacaq.xeber100.com  

Azərbaycan Gimnastika Federasiyası: “Keti Cup” beynəlxalq turniri keçirilib

Tbilisidə bədii gimnastika üzrə “Keti Cup” beynəlxalq turniri keçirilib. Azərbaycan Gimnastika Federasiyası xəbər verir ki, yarışda ölkəmizi “Ocaq Sport” klubunun bədii gimnastları təmsil ediblər. Gimnastlarımız yarışdan Vətənə 9 qızıl, 8 gümüş və 5 bürünc medalla dönüblər. Turnirdə Maya Kozaçuk 2 qızıl (gürzlər, top), 1 gümüş (çoxnövçülük), Selin Yusifova 2 qızıl (çoxnövçülük, alətsiz), 1 gümüş (top), Sara Cəlilli 1 qızıl (çoxnövçülük), 1 gümüş (alətsiz), 1 bürünc (top), Nilufər Qasımova 1 qızıl (alətsiz) və 1 gümüş (çoxnövçülük) medala sahib olublar. Suada İskakova 1 qızıl (gürzlər), 1 bürünc (alətsiz), Röya Alıkişiyeva 1 qızıl (halqa), 1 bürünc (gürzlər) və Alsu Abdullayeva 1 qızıl (alətsiz) medalla Vətənə qayıdıblar. Beynəlxalq turnirdə Ahu Aslanova (alətsiz), Fərəh Həsənova (alətsiz), İnara Abıyeva (top) və Beril Yalın (top) gümüş medala sahib olublar. Leyla Azaqova çoxnövçülükdə, Ayla Abbaszadə isə gürzlərlə yarışda üçüncü olublar.xeber100.com

Azərbaycan Cüdo Federasiyasının məlumatı əsasında…

Almaniyanın Bremen şəhərində keçirilən gənclər arasında beynəlxalq “Masters” turnirində Azərbaycan cüdoçuları 2 qızıl, 1 gümüş və 1 bürünc medal əldə ediblər. Azərbaycan Cüdo Federasiyası xəbər verir ki, turnirdə 21 ölkəni, o cümlədən Yaponiya, Braziliya, Almaniya, Fransa və Niderlandı təmsil edən 700-ə yaxın idmançı iştirak edib. Azərbaycan yarışda cüdo üzrə gənclərdən ibarət milli komandanın 17 üzvü ilə təmsil olunub. Cüdoçulara gənclərdən ibarət yığmanın baş məşqçisi Elxan Məmmədov və məşqçi Elxan Rəcəbli rəhbərlik ediblər. Turnirdə Nicat Şirinov (60 kq) və Qadir Hüseynov (73 kq) qızıl, Aydın Rzayev (66 kq) gümüş, Əli Hacıyev (60 kq) isə bürünc medal qazanıblar. Məmmədrza Hacızadə (81 kq) yarışı beşinci, Əjdər Bağırov, Nicat Şıxəlizadə (90 kq), Atabala Niftəliyev, Tamerlan Cabbarov (100 kq) və Məhəmməd Məhəmmədzadə (+100 kq) yeddinci yerdə başa vurublar. Azərbaycan yığması yarışda medal əyarına görə ümumi komanda hesabında birinci yeri tutub. Qeyd edək ki, idmançılarımız martın 27-29-da Bremendə təşkil olunacaq təlim-məşq toplanışına qatılacaqlar.

“Avro-2024”ün seçmə mərhələsinin ikinci turu çərçivəsində

Bu gün “Avro-2024”ün seçmə mərhələsinin ikinci turu çərçivəsində daha səkkiz oyun keçiriləcək. Bütün qarşılaşmalar eyni saatda start götürəcək. Günün oyunları aşağıdakılardır: B qrupu 22:45. Niderland - Cəbəllütariq 22:45. İrlandiya - Fransa Xal durumu: Fransa - 3, Yunanıstan - 3, İrlandiya - 0 (oyun keçirməyib), Cəbəllütariq - 0, Niderland - 0 E qrupu 22:45. Polşa - Albaniya 22:45. Moldova - Çexiya Xal durumu: Çexiya - 3, Farer adaları - 1, Moldova - 1, Albaniya - 0 (oyun keçirməyib), Polşa - 0 F qrupu 22:45. İsveç - Azərbaycan 22:45. Avstriya - Estoniya Xal durumu: Avstriya - 3, Belçika - 3, Estoniya - 0 (oyun keçirməyib), İsveç - 0, Azərbaycan - 0 G qrupu 22:45. Macarıstan - Bolqarıstan 22:45. Monteneqro - Serbiya Xal durumu: Serbiya - 3, Monteneqro - 3, Macarıstan - 0 (oyun keçirməyib), Bolqarıstan - 0, Litva – 0.xeber100.com

Azərbaycan Şahmat Federasiyası: Beynəlxalq turnirə start veriləcək

Martın 27-də Özbəkistanda rapid üzrə beynəlxalq turnirə start veriləcək. Azərbaycan Şahmat Federasiyasından bildiriblər ki, yarışda Nodirbek Abdusattarov, Aleksandr Qrişuk, Rüstəm Kasımjanov kimi tanınmış şahmatçılar iştirak edəcəklər. Turnirdə ölkəmizi Şəhriyar Məmmədyarov təmsil edəcək. Özbəkistandakı yarışın baş hakimi Azərbaycan Şahmat Federasiyasının birinci vitse-prezidenti Faiq Həsənov olacaq. Qeyd edək ki, üç gün davam edəcək turnirin mükafat fondu 50 min ABŞ dollarıdır.xeber100.com

Güləşçilər arasında Avropa çempionatı başa çatıb

Rumıniyanın paytaxtı Buxarestdə keçirilən 23 yaşadək güləşçilər arasında Avropa çempionatı başa çatıb. Qitə birinciliyinin son 3 günündə sərbəst güləş üzrə mübarizə baş tutub. Ötən il komanda hesabında çempion olan millimiz titulunu qoruyub və növbəti dəfə qitənin ən güclü komandası adına sahib çıxıb. Beləliklə, 3 qızıl, 1 gümüş və 1 bürünc medal qazanan yığmamız 140 xalla birinci yerdə qərarlaşıb. Millimiz medalların əyarına görə də hamını qabaqlayıb. Türkiyə (129) ikinci, Gürcüstan (125) isə üçüncü yeri tutub. Yığmamızın üzvlərindən Maqomed-Başir Xaniyev (70 kq), Turan Bayramov (74 kq) və İslam İlyasov (97 kq) qızıl, Rəşid Babazadə (65 kq) gümüş, Səbuhi Əmiraslanov (79 kq) isə bürünc medal qazanıblar.xeber100.com

Boksçular arasında dünya kuboku yarışlarına yekun vurulub

Monteneqronun Budva şəhərində gənc boksçular arasında dünya kuboku yarışlarına yekun vurulub. Azərbaycan Boks Federasiyası xəbər verir ki, millimiz 25 ölkədən 176 (58 qız, 118 oğlan) idmançının qatıldığı yarışı 1 gümüş və 5 bürünc medalla başa vurub. Turnirin finalında Ömər Aslanlı (54 kq) meksikalı Andrey Bonilya ilə üz-üzə gəlib. Rəqib qələbə qazandığından təmsilçimiz yarışı ikinci pillədə bitirib. Beləliklə, yığmamızın Budvada qazandığı medalların sayı 6-ya çatıb. Ö.Aslanlıdan əvvəl Məhəmmədəli Aşurəliyev (57 kq), Ziya Həsənov (71 kq), Nərmin Əlizadə (50 kq), Aynur Mikayılova (52 kq) və Emili Rzayeva (66 kq) bürünc mükafata sahib olublar.xeber100.com

“Zirə” futbol klubu yoxlama matçı keçirəcək

“Zirə” futbol klubu milli komandaların oyunları ilə əlaqədar çempionatda yaranmış fasilədə yoxlama matçı keçirəcək. Klub xəbər verir ki, paytaxt təmsilçisi “Şamaxı” ilə qarşılaşacaq. Martın 25-də Zirə İdman Kompleksində keçiriləcək görüş saat 16:00-da başlayacaq. Qeyd edək ki, "Zirə" Azərbaycan Premyer Liqasında 37 xalla turnir cədvəlində dördüncü, "Şamaxı" isə 20 xalla doqquzuncu pillədə qərarlaşıb.