Avropa-Aralıq dənizi Seysmoloji Mərkəzi: Yeni Zelandiyada zəlzələ baş verib

Yanvarın 24-də Yeni Zelandiya sahillərində 5,8 bal gücündə zəlzələ baş verib.Azərtac xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.Yeraltı təkanların episentrinin Blaff şəhərindən 680 kilometr cənub-qərbdə, ocağının 2 kilometr dərinlikdə olduğu bildirilir.Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com

Qırğızıstanda növbədənkənar prezident seçkilərində

Qırğızıstanda növbədənkənar prezident seçkilərində dövlət başçısı seçilən Sadır Japarov Baş nazir vəzifəsindən istefa verib, hökumət isə istefaya göndərilib.Azərtac xəbər verir ki, bu barədə jurnalistlərə Qırğızıstan Prezident Aparatının rəhbəri Suynbek Kasmambetov bildirib.O deyib ki, Sadır Japarov hökumət üzvlərindən yeni hökumət formalaşanadək səlahiyyətlərini icra etmələrini xahiş edib. Yeni hökumətin yaxın günlərdə formalaşdırılması nəzərdə tutulur.Xatırladırıq ki, Sadır Japarov prezidentliyə namizədliyini verənədək müvəqqəti olaraq ölkənin Baş naziri və Prezident səlahiyyətlərini icra edib.xeber100.com

İtaliya Parlamentinin Aşağı Palatasında keçirilən səsvermədə

İtaliyada Baş nazir Cüzeppe Konte Parlamentdə keçirilən birinci etimad votumunu qazanıb.Azərtac xəbər verir ki, Parlamentin Aşağı Palatasında keçirilən səsvermədə 321 deputat bitərəf siyasətçini dəstəkləyib, 259 deputat əleyhinə səs verib, 27 deputat isə bitərəf qalıb. Parlamentdə ilk etimad votumunu öz xeyrinə həll edən C.Konte bu gün Senat qarşısına çıxacaq və hazırkı hökumətin fəaliyyətini davam etdirə bilməsi üçün senatorların etimadını qazanmağa çalışacaqdır. Koalisiyalı hökumətdə təmsil olunan “Beş ulduz hərəkatı” və sosial-demokratların (“Partido Democratico”) Aşağı Palata ilə müqayisədə Senatdakı təmsilçilərinin sayı daha azdır və Senatdakı çıxış və müzakirələrin gərgin keçəcəyi gözlənilir.Aşağı Palatadakı çıxışında C.Konte avropayönümlü deputatları onun hökumətinin siyasi kursunu dəstəkləməyə çağırıb. Baş nazir bildirib ki, pandemiyanın hazırkı gərgin mərhələsində İtaliyada hökumət böhranına yer yoxdur.Liberal və mərkəzçi qüvvələrin dəstəyini qazanmaq üçün C.Konte öz çıxışında kabinetin tərkibində dəyişiklik aparılacağını və həmçinin hökumətin fəaliyyət planını yeniləyəcəyini vəd edib. Bildirilib ki, hökumətin əsas hədəfi ölkəni modernləşdirmək və durğunluq keçirən iqtisadiyyatın qısa zamanda dirçəldilməsi üçün tədbirlər planı həyata keçirməkdir.C.Konte hökumət böhranına səbəb olan və ”Viva İtalia” partiyasına rəhbərlik edən Matteo Renzi ilə yeni alyansın qurulacağına dair bütün ehtimal və iddiaları rədd edib.xeber100.com

Türkiyədə orta məktəblərin mərhələli şəkildə açılması planlaşdırılır

Fevralın 15-dən etibarən Türkiyədə orta məktəblərin mərhələli şəkildə açılması planlaşdırılır.Azərtac xəbər verir ki, bu barədə ölkənin milli təhsil naziri Ziya Selçuk bildirib.Məlumatda qeyd edilir ki, ilkin mərhələdə təhsil müəssisələrinin hər iki dərs günündən bir fasilə verməsi və ya bəlli siniflər səviyyəsində mərhələli şəkildə fəaliyyət göstərməsi şərti ilə açılması nəzərdə tutulur.Hazırda bu planlar ətrafında danışıqlar aparılır.xeber100.com

Misir Qətər təyyarələri üçün hava məkanını açdığını elan edib

Misir 3 illik fasilədən sonra Qətər təyyarələri üçün hava məkanını açdığını elan edib.Azərtac xəbər verir ki, bu məlumatı Misirin Mülki Aviasiya Departamenti yayıb.Məlumatda qeyd olunub ki, bu gündən etibarən Misirin “EgyptAir” və Qətərin aviaşirkətləri qarşılıqlı uçuşlar həyata keçirə biləcək. Yanvarın 13-də Dohadan ilk təyyarənin Qahirə aeroportuna enəcəyi də gözlənilir.Misir və digər 3 ərəb ölkəsi yanvarın 5-də Səudiyyə Ərəbistanının Əl Ula şəhərində keçirilən Körfəz Əməkdaşlıq Təşkilatının sammitində Qətərə qarşı embarqonun ləğvi və 2017-ci ildən bağlı olan quru, hava və dəniz sərhədlərinin açılmasına dair Bəyannamə imzalayıblar. Sammitdə ABŞ Prezidentinin müşaviri Cared Kuşner, İslam Əməkdaşlıq Təşkilatının Baş katibi Yusif bin Əhməd Əl-Osaymin və Ərəb Liqasının Baş katibi Əhməd Əbul Ğeyt də iştirak ediblər.xeber100.com

Qazaxıstanda keçirilən parlament seçkilərində “Nur Otan” partiyası qalib gəlib

Qazaxıstanda keçirilən parlament seçkilərində sabiq prezident Nursultan Nazarbayevin başçılıq etdiyi hakim “Nur Otan” partiyası qalib gəlib.Azərtac Qazaxıstan KİV-lərinə istinadla xəbər verir ki, Mərkəzi Seçki Komissiyasının ilkin məlumatına görə, “Nur Otan” partiyası seçicilərin 71,09 faizinin səsini toplayıb. Bundan başqa, parlamentə Məclisin hazırkı tərkibində yer alan “Ak yol” (İşıqlı yol) və “Qazaxıstan xalq partiyası” da keçiblər. Bu partiyalar müvafiq olaraq 10,95 faiz və 9,1 faiz səs alıblar.Seçkilərə qatılan digər partiyalar isə 7 faizlik baryeri aşa bilməyib.Ölkədə Məclisə (parlamentin aşağı palatası) və yerli nümayəndəli orqanlara seçkilər bazar günü keçirilib.xeber100.com

Qazaxıstanda parlament seçkiləri yerli vaxtla saat 20:00–da başa çatıb

Qazaxıstanda parlament seçkiləri yerli vaxtla saat 20:00–da başa çatıb.Azərtac xəbər verir ki, seçicilər 14 bölgədə və respublika əhəmiyyətli üç şəhərdə yaradılan 10 mindən çox seçki məntəqəsində səs veriblər. Xaricidə yaşayanlar qazaxlar arasında ilk səs verənlər saat fərqinə görə Yaponiyada yaşayan vətəndaşlardır. Sonuncu səs verənlər isə ABŞ-da və Kanadada yaşayanlar olacaqlar.Nur-Sultan vaxtı ilə saat 20:00-a kimi seçicilərin 63,1 faizi səs verib.Qeyd edək ki, Mərkəzi Seçki Komissiyasında qeydiyyata alınmış 6 siyasi partiyadan Qazaxıstan Xalq, Nur Otan, Auıl Xalq Demokratik, Ak Jol Demokratik, və Adal siyasi partiya seçkilərdə mübarizə aparır.Mərkəzi Seçki Komissiyası seçkilərin nəticələri barədə qərarını yeddi gün ərzində elan edəcək.xeber100.com

“Türk axını” boru kəməri ilə təbii qaz tədarükü 2,2 dəfə artıb

“Türk axını” boru kəməri (“TurkStream”) ilə təbii qaz tədarükü 2,2 dəfə artıb.Azərtac xarici KİV-lərə istinadla xəbər verir ki, bu barədə “Gazprom”un idarə heyətinin sədri Aleksey Miller deyib.2020-ci ildə “TurkStream”lə Türkiyə üzərindən Avropaya 5,8 milyard kubmetr təbii qaz nəql olunub. Keçən il yanvarın əvvəlində istifadəyə verilən boru kəməri ilə Rusiya təbii qazı Bolqarıstan, Yunanıstan, Makedoniya və Rumıniyadakı istehlakçılara çatdırılır.Qeyd edək ki, ötən il yanvarın 8-də Türkiyə Prezidenti Rəcəb Tayyib Ərdoğan və Rusiya Prezidenti Vladimir Putinin iştirakı ilə “TurkStream” istifadəyə verilib. Qara dənizdən keçən qoşa xəttinin uzunluğu 930 kilometrdir. Bu xətlərin hər biri 15,75 milyard kubmetr təbii qaz daşıyacaq. Rusiyanın Anapa şəhərindən başlayan boru kəməri İstanbulun təxminən 100 kilometr qərbində yerləşən Kıyıköy bölgəsində quruya çıxır. Boru kəmərinin ilk xəttinin Türkiyənin təbii qaza olan hazırkı tələbatının təxminən 35 faizini ödəyir. İkinci xətt ilə Rusiya qazının Avropaya nəqli planlaşdırılır.

Türkiyənin növbəti süni peyki – “TürkSAT 5A” orbitə göndərilib

Türkiyənin növbəti süni peyki - “TürkSAT 5A” yanvarın 8-də Ankara vaxtı ilə saat 4:26-da (Bakı vaxtı ilə saat 05:26) orbitə göndərilib.Azərtac Türkiyənin Nəqliyyat və İnfrastruktur Nazirliyinə istinadla xəbər verir ki, nəqliyyat və infrastruktur naziri Adil Karaismailoğlu bu münasibətlə müraciətində bildirib : “TürkSAT 5A” sayəsində orbitdə gücünü artıran Türkiyə bundan sonra Yaxın Şərq və Afrika qitəsinə də peyk xidməti göstərəcək”.Türkiyənin Nəqliyyat və İnfrastruktur Nazirliyinin məlumatında bildirilir ki, “TürkSAT 5A” süni peyki ABŞ-ın Florida ştatındakı “Canaveral” kosmodromundan “Falcon-9” kosmik daşıyıcısı ilə orbitə yola salınıb. Beləliklə, Türkiyə fəzada peyklərini artırmaqda olan ölkələr sırasında öz yerini qorumaqla “TürkSAT 5A” ilə birlikdə “TürkSAT 3A”, “TürkSAT 4A” və “TürkSAT 54B” peyklərinin də fəaliyyətini davam etdirəcək.xeber100.com

Ümumdünya Səhiyyə Təşkilatının məlumatına əsasən…

Ümumdünya Səhiyyə Təşkilatının (ÜST) məlumatına əsasən, dünyanın yoxsul ölkələri yanvar ayının sonundan fevralın ortalarınadək koronavirusa qarşı peyvənd dozalarının ilk tranşını alacaqlar.Azərtac xəbər verir ki, koronavirus əleyhinə peyvənd təşəbbüsü (COVAX) çərçivəsində əldə edilən peyvənd dozaları qarşıdakı həftələr ərzində paylanmalıdır. Bildirilib ki, COVAX təşəbbüsü çərçivəsində ümumilikdə 2 milyard doza peyvəndin alınması barədə müxtəlif istehsalçılarla razılıq əldə edilib.Qeyd edilməlidir ki, GAVI peyvənd alyansının dəstəyi ilə ÜST tərəfindən təsis edilən beynəlxalq COVAX proqramının hədəfi COVID-19 peyvəndlərinin dünyada ədalətli paylanmasını təşkil etməkdir.COVAX-ın məqsədi bu ilin sonunadək bu təşəbbüsə qoşulmuş ölkələrin əhalisinin 20 faizinin vaksinasiyası üçün lazım olan miqdarda peyvənd dozalarının əldə edilməsinə nail olmaqdır. Qeyd edilib ki, dünyanın 92 yoxsul ölkəsi üçün peyvənd dozalarının alınması və çatdırılmasının maliyyələşməsi təmin edilib.xeber100.com

Türkiyənin hava limanlarından ümumilikdə 81 milyon 657 min 70 sərnişin istifadə edib

Ötən il Türkiyənin hava limanlarından ümumilikdə 81 milyon 657 min 70 sərnişin istifadə edib.Azərtac xəbər verir ki, bu barədə Türkiyənin Nəqliyyat və İnfrastruktur Nazirliyinin Dövlət Hava Meydanları İdarəsindən bildirilib.Məlumata əsasən, 2020-ci ildə Türkiyə aeroportlarından ümumilikdə 1 milyon 57 min 247 reys həyata keçirilib və 2 milyon 403 min 959 ton yük daşınıb.Türkiyənin yeni istifadəyə verilən İstanbul hava limanında ötən il ərzində 185 min 642 təyyarə hərəkət edib ki, bu reyslərdən istifadə edən sərnişin sayı 23 milyon 409 min 132 nəfər olub.Fəaliyyəti məhdudlaşdırılan Atatürk hava limanından isə keçən il 37 min 428 reys həyata keçirilib.xeber100.com

ABŞ Konqresi prezident seçkilərinin nəticəsini təsdiqləyib

ABŞ Konqresi Kapitoli binasında baş verən iğtişaşlar və Vaşinqtonda tətbiq edilən komendant saatı rejimi fonunda Cozef Baydenin prezident seçkilərində qələbəsini təsdiqləyib.Azərtac ABŞ telekanallarına istinadla xəbər verir ki, Cozef Bayden seçkiçilərin Konqres tərəfindən təsdiqlənən 270-dən çox səsini qazanıb.Konqresdəki müzakirələr Vaşinqtonda Donald Tramp tərəfdarlarının Kapitoli binasına daxil olması zamanı baş verən iğtişaşlar fonunda keçirilir. Seçkiçilərin səslərinin təsdiqlənməsi ölkədə prezident seçkilərinin nəticələri ilə bağlı mübahisələrin davam etməsi üçün bütün konstitusiya imkanlarının qarşısını alır.Qeyd edək ki, Vaşinqtonda yerləşən Kapitoli binası qarşısında baş verən etiraz aksiyası və iğtişaşlar zamanı 4 nəfər həlak olub. Həmçinin iğtişaşlar zamanı paytaxt polisinin ən azı 14 əməkdaşının da xəsarət aldığı bildirilir.xeber100.com

Körfəz Əməkdaşlıq Şurasının 41-ci sammitində

Səudiyyə Ərəbistanının Əl-Ulə şəhərində keçirilən Körfəz Əməkdaşlıq Şurasının 41-ci sammitində Körfəz münaqişəsinin həlli yolunda ortaq iradənin sərgilənməsi və Qətərlə diplomatik əlaqələrin yenidən təsis edilməsinə dair açıqlama müsbət haldır.Azərtac xəbər verir ki, bu barədə Türkiyə Xarici İşlər Nazirliyindən mövzu ilə bağlı açıqlamada bildirilib.Açıqlamada qeyd olunur: “Körfəz Əməkdaşlıq Şurasının üzvləri ilə Misir tərəfindən imzalanan Əl-Ulə Bəyannaməsinin münaqişəni birdəfəlik həll edəcəyinə ümidvarıq. Müxtəlif vasitələrlə bəyan etdiyimiz kimi Türkiyə Körfəz Əməkdaşlıq Şurasının birlik və həmrəyliyinə önəm verir. Körfəz ölkələri arasında etimadın bərpası nəticəsində Türkiyə strateji tərəfdaşı olan Körfəz Əməkdaşlıq Şurası ilə əlaqələrin inkişafı üçün səylər göstərməyə hazırdır.xeber100.com

Düşənbə MDB-nin mədəniyyət paytaxtı və turizm şəhəri elan olunub

Tacikistanın paytaxtı Düşənbə 2021-ci ildə MDB-nin mədəniyyət paytaxtı, İqtisadi Əməkdaşlıq Təşkilatı tərəfindən isə turizm şəhəri elan olunub.Azərtac xəbər verir ki, bu barədə Müstəqil Dövlətlər Birliyinin İcraiyyə Komitəsi məlumat yayıb. Qeyd edilir ki, 2021-ci il ərzində bununla bağlı Düşənbədə bir sıra tədbirlərin keçirilməsi nəzərdə tutulur.Statistik məlumata görə, hazırda Düşənbədə 37 mehmanxana, 42 əyləncə mərkəzi, 25 bazar, 91 ticarət mərkəzi, 17 mədəniyyət və istirahət parkı, 7 professional teatr, 306 müalicə-profilaktika müəssisəsi və digər xidmət sahələri fəaliyyət göstərir.Xatırladırıq ki, 2020-ci ildə Qazaxıstanın Çimkənd şəhəri MDB-nin mədəniyyət paytaxtı olub.xeber100..com

Tokio hökuməti fövqəladə vəziyyət rejimi elan olunması üçün mərkəzi hökumətə müraciət edəcək

Yanvarın 2-də Tokio hökuməti və daha üç prefekturanın rəhbərliyi Yaponiyanın mərkəzi hökumətindən koronavirus pandemiyasının yayılmasının qarşısını almaq üçün ölkədə fövqəladə vəziyyət rejiminin elan olunması barədə xahişlə müraciət edəcək.Azərtac Yaponiya KİV-lərinə istinadla xəbər verir ki, koronavirusun böyük sürətlə yayıldığı Tokio ilə yanaşı, Saytama, Çiba və Kanaqava prefekturalarının rəhbərləri buna hazırlaşırlar.Bildirilir ki, dekabrın 31-də paytaxtda 1337 yoluxma halı qeydə alınıb. Bununla da Tokioda gündəlik yoluxma ilk dəfə olaraq 1000 nəfər həddini aşıb. Yeni ilin ilk günündə isə paytaxtda 783 yoluxma təsdiq edilib ki, bu da sayca ən çox ikinci gündəlik yoluxma halıdır.Bununla yanaşı, COVID-19 virusu ilə xəstəxanaya yerləşdirilənlərin sayı da yeni maksimuma çatıb və Tokio xəstəxanaları çarpayı çatışmazlığı ilə üzləşib.xeber100.com

İtaliyanın dövlət başçısı ölkə əhalisini vaksinasiya prosesində fəal iştirak etməyə çağırıb

İtaliyanın dövlət başçısı Sercio Mattarella Yeni il münasibətilə televiziya müraciətində italyanları koronavirus pandemiyasına qarşı mübarizədə sıx birləşməyə və koronavirusa qarşı vaksinasiya prosesində fəal iştirak etməyə çağırıb.Azərtac xəbər verir ki, 2021-ci ili koronavirus üzərində qələbə və yeni başlanğıc il adlandıran S.Mattarella peyvənd inadkarları və qərarsız insanların bu məsələdə ümumi rifahı nəzərə almalı olduqlarını ifadə edib.Ötən ilin fevral ayında Avropada epidemiyanın ən sürətlə yayıldığı İtaliya əhalisi və iqtisadiyyatına COVID-19 pandemiyası olduqca baha başa gəlib. Ölkədə indiyədək iki milyondan çox insan virusa yoluxub, 74 min insan virusla əlaqəli və ya birbaşa virusun təsirindən həyatını itirib. Pandemiyanın sosial və iqtisadi nəticələri də kifayət qədər ağır olub. Prezident bildirib ki, ölkədə çox sayda iş yerləri bağlanıb, müəssisələr öz gələcəklərinə görə qorxu keçirirlər, insanların gəlirləri azalıb. Ölkə iqtisadiyyatının bir sıra sektorları, xüsusilə turizm pandemiyadan ən çox əziyyət çəkən sahələrdir.Bununla belə, dövlət başçısı pandemiyadan sonrakı dövr üçün mühüm və ümidverici siqnallara da toxunub. Qeyd edilib ki, Avropa İttifaqının yenidənqurma proqramı çərçivəsində İtaliya iqtisadiyyatına ümumilikdə 209 milyard avro yönləndiriləcək və dekabrın sonunda başlayan vaksinasiya kampaniyası tezliklə epidemioloji vəziyyətdə dönüş yarada biləcək. 79 yaşlı dövlət başçısı vurğulayıb ki, ən yaxın zamanda o da özünə koronavirusa qarşı peyvənd vurduracaq və bu addım digər insanların sağlamlığı naminə hər kəsin üzərinə düşən bir cavabdehlik və öhdəlikdir.Pandemiya üzərində qələbənin İtaliya üçün mühüm olduğunu bildirən S.Mattarella bu ölkə həyatındakı mühüm hadisələrə də toxunub. Həmçinin qeyd edilib ki, 2021-ci ildə İtaliya öz tarixində ilk dəfə G20 ölkələrinə sədarəti həyata keçirəcək və bu dövr ölkə iqtisadiyyatının dirçəlişi üçün yeni təkan ola bilər.xeber100.com

“Jerusalem Post”: İsraildə pandemiya dövrünün üçüncü total karantin rejimi başlayıb

Bu gün yerli vaxtla saat 17:00-da (Bakı vaxtı ilə 19:00) İsraildə pandemiya dövrünün üçüncü total karantin rejimi başlayıb.“Jerusalem Post” qəzetinə istinadla xəbər verir ki, yanvarın 9-dək israillilərə zərurət olmadıqda evlərindən bir kilometrdən çox uzaqlaşmaq, bir-birinə qonaq getmək qadağan olunub. Karantin müddətində zəruri tələbat malları satan mağazalar istisna olmaqla, bütün ticarət obyektləri bağlanacaq, restoranlara yalnız çatdırılma xidmətləri göstərməyə icazə veriləcək.Həmçinin ölkədə bütün əyləncəli tədbirlər qadağan edilib, ictimai nəqliyyatın hərəkəti məhdudlaşdırılıb. Səhiyyə Nazirliyinin mətbuat xidməti tətbiq olunan bu və digər məhdudiyyətlərin siyahısını dərc edib.Qeyd edək ki, dekabrın 20-də İsraildə koronavirus qarşı milli vaksinasiya kampaniyasına start verilib. Baş nazir Binyamin Netanyahunun sözlərinə görə, dekabrın 27-dək 270 min israilli Amerikanın “Pfizer” kompaniyasının peyvəndinin birinci dozasını alıb. Ölkədə yeni koronavirusa qarşı ilk olaraq dekabrın 19-da Baş nazirin özü peyvənd olunub.

Rixter cədvəli üzrə 4.1 bal gücündə zəlzələ baş verib

Türkiyənin Elazığ vilayətinin Sivrice rayonunda yerli vaxtla saat 11.57-də Rixter cədvəli üzrə 4.1 bal gücündə zəlzələ baş verib.Azərtac xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.Hələlik yeraltı təkanın təsiri barədə məlumat yoxdur.xeber100.com

Özbəkistan iqtisadiyyatına 7,5 milyard dollar sərmayə qoyulması nəzərdə tutulur

2021-ci ildə Özbəkistan iqtisadiyyatına 7,5 milyard dollar birbaşa xarici sərmayə qoyulması nəzərdə tutulur.Azərtac Özbəkistan Prezidentinin mətbuat xidmətinə istinadla xəbər verir ki, bu barədə Prezident Şavkat Mirziyoyev keçirdiyi müşavirədə deyib. Müşavirədə bu il əldə edilən uğurlar, 2021-ci ildə Özbəkistana sərmayə qoyuluşu və ticarətin inkişafı sahəsində geniş müzakirələr aparılıb. Dövlət başçısı deyib ki, bu il ölkə iqtisadiyyatına 6,6 milyard dollar sərmayə qoyulub. İlin sonunadək ixraca 15 milyard dollarlıq məhsulun göndərilməsi reallaşacaq.Ş.Mirziyoyev bildirib ki, gələn il Özbəkistanda 226 böyük layihənin həyata keçirilməsi nəzərdə tutulur. 2021-ci ildə 17 milyard dollar ixrac əməliyyatlarının həyata keçirilməsi planlaşdırılır. Yanvarın 1-də xarici tərəfdaşlarla ixrac müqavilələrinin bağlanması ilə bağlı artıq səlahiyyətli orqanlara tapşırıqlar verilib.xeber100.com

Rusiya Dövlət Duması “Rusiya Federasiyası prezidentinin seçkiləri haqqında” qanun layihəsini qəbul edib

Rusiya Dövlət Duması “Rusiya Federasiyası prezidentinin seçkiləri haqqında” Qanuna düzəlişlərə dair qanun layihəsini qəbul edib.Azərtac xəbər verir ki, qanun layihəsi hazırkı Prezident Vadimir Putinə növbəti iki müddətə dövlət başçısı seçilmək hüququ verir.Qanun layihəsinə əsasən, Rusiya prezidenti yaşı 35-dən çox olan, Rusiyada azı 25 il daim yaşamış, həm hazırda, həm də əvvəllər xarici vətəndaşlığı olmayan şəxslər seçilə bilərlərlər. Rusiya Konstitusiyasında təsbit edilmiş “eyni şəxsin yalnız iki müddətə prezident seçilməsi ilə bağlı məhdudiyyət” düzəlişlər qəbul edildikdən sonra yenidən hesablanacaq. Başqa sözlə, hazırkı Prezident Vladimir Putin daha iki müddətə Rusiya prezidenti seçilmək imkanı əldə edəcək.xeber100.com