Liviyada dekabrın 24-nə təyin edilmiş prezident seçkiləri baş tutmayıb

27 Dekabr 2021 15:22

Xəbər 459 dəfə oxunub

Uzun illər vətəndaş müharibəsi şəraitində yaşamış və bir il əvvəl silahlı münaqişə tərəfləri arasında atəşkəsə nail olunmuş Liviyada dekabrın 24-nə təyin edilmiş prezident seçkiləri baş tutmayıb. Bu ölkənin parlamenti hazırkı gərgin vəziyyətdə bu mühüm demokratik addımı mümkün hesab etmir.Azərtac xəbər verir ki, Liviyanın Mərkəzi Seçki Komissiyası seçkiləri yanvarın 24-də keçirməyi təklif etsə də, bunun həmin tarixdə baş tutacağı da böyük şübhə altındadır. Dekabrın 25-də Misir və Rusiya prezidentləri Əbdülfəttah əl-Sisi və Vladimir Putin Liviyadakı vəziyyəti müzakirə ediblər. Misir Prezidentinin mətbuat xidmətinin məlumatında bildirilib ki, iki lider bu ölkədə vəziyyətin sabitləşməsi və seçkilərin keçirilməsi istiqamətində səyləri gücləndirmək üzrə razılıq əldə ediblər.Seçkilərin təxirə salınması ilə bağlı ABŞ, Böyük Britaniya, Fransa, İtaliya və Almaniya hökumətləri də birgə bəyanat yayıblar. Sənəddə Liviyada keçmiş silahlı münaqişə tərəfləri xalqın seçki hüquqlarını təmin etməyə, prezident seçkilərinin dəqiq vaxtını razılaşdırmağa dəvət edilib.Prezident seçkiləri Muammər Qəddafinin 2011-ci ildə qətlə yetirilməsindən sonra vətəndaş müharibəsi meydanına çevrilən Liviyada sabitliyin və təhlükəsizliyin bərpası istiqamətində mühüm addım sayılır. Namizədlər arasında Tripoliyə qarşı vuruşmuş ordunun komandanı general Xəlifə Haftar, Qəddafinin oğlu Seyf əl-İslam, hazırkı keçici hökumətin başçısı Əbdülhəmid Dbeibah var.xeber100.com

 

BMT-nin Baş katibi sankiyaları aradan qaldırmağa çağırıb

BMT-nin Baş katibi Antoniu Quterriş ABŞ-ı İrana qarşı tətbiq etdiyi sankiyaları aradan qaldırmağa çağırıb.Bu barədə İranın İRNA agentliyi xəbər verib. Baş katib İranın dünya bazarına neft çıxarmasına icazənin verilməsini də istəyib. O ABŞ və İrana müraciət edərək danışıqları bərpa etməyə çağırıb və bu prosesdə razılaşmanın faydalı olacağını bildirib.Nəzərə çatdıraq ki, iyunun 30-da BMT Təhlükəsizlik Şurasının növbəti iclası keçiriləcək. Bu iclasda İranın “Nüvə proqramı” məsələsinə baxılacaq.Xatırladaq ki, 2015-ci ildə İranla ABŞ arasında imzalanan razılaşma BMT tərəfindən təsdiq edilmişdi. Lakin buna baxmayaraq, ABŞ həmin dövrdə birtərəfli qaydada müqavilədən çıxaraq, sanksiyaları nəinki qüvvədə saxladı, həmçinin sanksiyalar siyahısına daxil olan İrana aid şirkət, fiziki və hüquqi şəxslərin adlarını artırdı. Müqaviləyə əsasən, İran nüvə proqramını məhdulaşdıracaq, ABŞ isə bunun müqabilində saksiyaları aradan qaldıracaqdı.İran mətbuatı BMT Baş katibinin ABŞ-a müraciətini və məsələnin BMT Təhlükəsizlik Şurasına çıxarılmasını rəsmi Tehranın diplomatik qələbəsi kimi təqdim edir. Lakin bu qələbənin nədən ibarət olduğunu açıqlanmır. Məsələnin mahiyyəti ondan ibarətdir ki, İranın “Nüvə proqramı” məsələsi dəfələrlə BMT Təhlükəsizlik Şurasında müzakirə olunsa da, heç nə dəyişməyib. ABŞ sanksiyaların tətbiqini, İran isə uranı zənginləşdirməkdə davam edib.Onu da qeyd etmək lazımdır ki, bu gün İranın xarici işlər nazirinin müavini, ABŞ-la danışıqlarda İran nümayəndə heyətinə rəhbərlik edən Əli Bageri Qətərin paytaxtı Doha şəhərinə gedib. Hazırda o, Dohada ABŞ nümayəndələri ilə danışıqların bərpa olunmasını müzakirə edir. Qətərə yola düşərkən Ə.Bageri jurnalistlərə bildirib ki, danışıqlar bərpa olunacaq.xeber100.com

İyun 28, 2022 15:45

Parlamentlərarası dostluq qrupu təsis edilib

Əlcəzair Milli Xalq Məclisində Əlcəzair-Azərbaycan parlamentlərarası dostluq qrupu təsis edilib.Qrupun ilk iclasında Əlcəzair Milli Xalq Məclisinin sədr müavini Munzer Boden, Əlcəzair-Azərbaycan Dostluq qrupunun sədri Ğarbi Abdelbaset, millət vəkilləri və Əlcəzair Xarici İşlər Nazirliyinin Asiya və Okeaniya idarəsinin rəis müavini Lounas Taazibet, ölkəmizin Əlcəzairdəki müvəqqəti işlər vəkili Rəfail Bağırov iştirak ediblər.İclasda çıxış edənlər Əlcəzair və Azərbaycan arasında əlaqələrin inkişafında parlamentarilərin rolu, iki dost ölkənin qanunverici orqanları arasında əməkdaşlığın perspektivlərindən bəhs ediblər. Əlcəzairin millət vəkilləri azərbaycanlı həmkarları ilə birgə tədbirlərin, qarşılıqlı səfərlərin təşkil edilməsinin zəruriliyini də qeyd ediblər.Parlamentlərarası dostluq qrupunun ilk iclasında iştirakından məmnunluğunu ifadə edən R.Bağırov ölkəmizin inkişafı, işğaldan azad olunmuş Azərbaycan ərazilərində aparılan bərpa-quruculuq işləri barədə millət vəkillərinə ətraflı məlumat verib. Azərbaycanın diplomatik nümayəndəliyinin iki dost ölkənin parlamentləri arasında əməkdaşlığın inkişafı istiqamətində hər cür dəstək göstərəcəyini qeyd edən diplomat, parlamentlərarası dostluq qrupunun üzvlərinə uğurlar arzulayıb.xeber100.com  

İyun 27, 2022 12:39