Fəaliyyətinə icazə verilmiş iş və xidmət sahələri müəyyən edilib

Məlum olduğu kimi, “Xüsusi karantin rejiminin sərtləşdirilməsi ilə bağlı əlavə tədbirlər barədə” Azərbaycan Respublikası Nazirlər Kabinetinin 2020-ci il 19 iyun tarixli 208 nömrəli Qərarı ilə ölkə ərazisində fəaliyyətinə icazə verilmiş iş və xidmət sahələri müəyyən edilib. Həmin sahələrdə çalışan işçilərin işə çıxması üçün icazələrin verilməsi Nazirlər Kabinetinin müvafiq Qərarı ilə müəyyən edilən və Dövlət Statistika Komitəsinin “İqtisadi fəaliyyət növlərinin təsnifatı”na əsasən fəaliyyəti icazə verilən sahələrə uyğun şəkildə işəgötürənlərin “icazə.e-gov.az” portalına müraciəti əsasında həyata keçirilir. İcazələr həmçinin Nazirlər Kabinetinin 2020-ci il 25 iyun tarixli 220 nömrəli Qərarına əsasən işçi sayına məhdudiyyət tətbiq edilmiş fəaliyyət sahələri üzrə tələblər nəzərə alınmaqla verilir.İcazə sistemindən sui-istifadə hallarının qarşısının alınması, vətəndaşlarımızın infeksiyaya yoluxma riskinin azaldılması məqsədilə öncədən bir neçə dəfə xəbərdarlıq edildiyi kimi, Vətəndaşlara Xidmət və Sosial İnnovasiyalar üzrə Dövlət Agentliyi tərəfindən iyulun 5-dən etibarən, Nazirlər Kabinetinin 2020-ci il 19 iyun tarixli 208 nömrəli Qərarı ilə fəaliyyətinə icazə verilən sahələrə aid olmayan fiziki şəxslərin, habelə işçi heyətinin məhdud şəkildə iş çıxarılmasına olan tələblərə əsaslanaraq bu həddi keçən qurumlar üzrə icazələrin bir hissəsi ləğv olunub. İqtisadiyyat Nazirliyi bir daha hüquqi və fikziki şəxslərin nəzərinə çatdırır ki, icazələrin bir hissəsinin ləğv edilməsi ilə əlaqədar fəaliyyətinə icazə verilən sahələrdə çalışan hüquqi və fiziki şəxslər icaze.e-gov.az portalına daxil olmaqla işçi heyətinin qeydiyyatl ilə bağlı məsələləri müəyyən edilmiş qaydalar çərçivəsində yenidən tənzimləməlidirlər. İcazələrin verilməsi zamanı əmək müqaviləsi ilə çalışan işçilərin sayı və təsnifat kodu əsas götürülür. Növbəti həftə ərzində işə çıxacaq əməkdaşlar barədə məlumatlar işəgötürən tərəfindən əvvəlcədən portala daxil olunmalıdır.Nazirlər Kabinetinin müvafiq qərarları ilə fəaliyyətinə icazə verilməmiş sahələr üzrə sistemə müraciət edilməsi mümkün deyildir. İqtisadiyyat Nazirliyi yanında Dövlət Vergi Xidməti tərəfindən fəaliyyətinə icazə verilən və xüsusi karantin rejiminin tətbiq edildiyi şəhər və rayonlarda uçotda olan və ya təsərrüfat subyekti (obyekti) həmin şəhər və rayonlarda yerləşən vergi ödəyicisinin siyahısı “icazə.e-gov.az” portalına daxil edilməsi üçün real vaxt rejimidə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə təqdim edilir. İyulun 5-i 17.00-a olan məlumata görə, artıq “icazə.e-gov.az” portalında 38.348 işəgötürən tərəfindən 453.781 işçi sayına icazə alınıb.İcazələrin tənzimlənməsi ilə bağlı yaranan xüsusi hallar üzrə hüquqi və fiziki şəxslər İqtisadiyyat Nazirliyinə müraciət edə bilərlər.İşəgötürən tərəfindən portala daxil edildikdən sonra narıncı zonaya aid olan ərazidə hərəkət etmək icazəsi olan şəxslər işəgötürən tərəfindən verilmiş ezamiyyə vərəqələri əsasında həmin zonanı tərk edə bilərlər.xeber100.com

“Brent” markalı neftin bir barrelinin qiyməti 0,34 dollar ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,34 dollar ucuzlaşaraq 42,80 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,33 dollar geriləyərək 40,32 dollar təşkil edib.xeber100.com

6 iyuldan etibarən ekspress xətlərinin fəaliyyəti bərpa olunur

Bakı Metropolitenində sərnişindaşıma fəaliyyəti dayandırıldığından iyulun 6-sı tarixindən M1, M2, M3, M4, M5, M6 və M7 ekspress xətlərinin fəaliyyəti bərpa olunur.Bakı Nəqliyyat Agentliyindən Azərtac-a bildirilib ki, bütün ekspress xətlər üzrə avtobusların iş qrafiki əvvəllər olduğu kimi saat 07:00-dan 20:00-dək müəyyən edilib. Gündəlik müntəzəm marşrut xətlərinin iş qrafiki isə dəyişməz olaraq qalır. Həm müntəzəm, həm də ekspress marşrut xətləri üzrə avtobuslararası intervallar sərnişin axınına uyğun tənzimlənəcək.Mövcud epidemik vəziyyətdə sərnişindaşımaların tənzimlənməsində başlıca məqsəd, həyat fəaliyyətinin təmin edilməsi baxımından zəruri hesab olunan sahələrdə (xüsusi xidmət sahələri, ərzaq mağazaları və sair) çalışan vətəndaşların daşınmasını təmin etməkdir.Sərnişinlərə zəruriyyət olmadığı təqdirdə evdən çıxmamaq tövsiyə edilir. Dayanacaqlarda, nəqliyyat mübadilə mərkəzlərinin ərazisində və avtobuslarda səyahət edən zaman tibbi maskadan istifadə mütləqdir.

“Goldman Sachs” xam neftin qiyməti ilə bağlı proqnozunu açıqlayıb

ABŞ-ın qabaqcıl investisiya banklarından olan “Goldman Sachs” xam neftin qiyməti ilə bağlı proqnozunu açıqlayıb.Azərtac “Goldman Sachs”a istinadla xəbər verir ki, bank “Brent” markalı xam neftin bir barrelinin qısamüddətli orta qiymətinin 35 dollar olacağını nəzərdə tutur. “Goldman Sachs” 2022-ci ildə isə qiymətin 55 dollar/barrelə çatacağını gözləyir.xeber100.com

Qısamüddətli notlarının yerləşdirilməsi üzrə hərrac keçirilib

İyulun 1-də Bakı Fond Birjasında (BFB) Azərbaycan Mərkəzi Bankının (AMB) 50100183S dövlət qeydiyyat nömrəli, 200 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.BFB-dən Azərtac-a bildirilib ki, hərrac zamanı 13 investor tərəfindən qiyməti 99.4966 AZN (6.51 faiz) olan 21 sifariş təqdim edilib. Sifarişlərin nominal qiymətlə ümumi məbləği 525 milyon 941 min 500 AZN olub. AMB-nin qərarına əsasən, notların kəsmə və orta ölçülmüş qiyməti 99.4966 AZN (6.51 faiz) müəyyən edilib. Hərrac nəticəsində notların yerləşdirilmiş həcmi 200 milyon AZN təşkil edib. Notlar iyulun 29-da ödəniləcək.xeber100.com

Auditorlar Palatası Şurasının növbəti iclası keçirilib

Auditorlar Palatası Şurasının videokonfrans formatında növbəti iclası keçirilib.Palatanın mətbuat xidmətindən Azərtac-a bildirilib ki, şura üzvlərinin və Auditorlar Palatasının Şurası yanında komitə sədrlərinin iştirak etdiyi videokonfransda qurumda auditor təşkilatlarının, sərbəst auditorların və onların sifarişçilərinin kommersiya sirri təşkil edən, həmçinin xüsusi məlumatlarının məxfi saxlanılması, bir sıra auditor təşkilatları və sərbəst auditorların apardıqları auditlərin keyfiyyətinin plandankənar monitorinqinin həyata keçirilməsi, Auditorlar Palatası üzvlərinin hüquq və vəzifələri haqqında Əsasnaməyə dəyişikliklər edilməsi, ölkə ərazisində auditor fəaliyyəti ilə məşğul olmaq üçün icazələrin qüvvədəolma müddətinin başa çatması ilə əlaqədar keçiriləcək imtahan, “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyə auditorlar tərəfindən riayət edilməsinin monitorinqinə dair təlimat”ın layihəsinin müzakirəsi, Auditorlar Palatasının Şurası yanında Keyfiyyətə nəzarət üzrə komitənin üzvlərinin və müfəttişlərinin tərkibində dəyişiklik edilməsi, auditor xidmətinin keyfiyyətinə kənar nəzarət üzrə qaydalara dəyişikliklər edilməsi barədə məsələlər müzakirə olunub və müvafiq qərarlar qəbul edilib.xeber100.com

“Light” markalı neftin bir barrelinin qiyməti isə 0,93 dollar azalıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,94 dollar ucuzlaşaraq 40,08 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,93 dollar geriləyərək 37,56 dollar təşkil edib.xeber100.com

“Bakı Metropoliteni” QSC iki yeni qatarı xəttə buraxacaq

“Bakı Metropoliteni” QSC-nin sifarişi ilə iyunun 8-də gətirilən 4 yeni qatardan 2-si bu gün xəttə buraxılacaq.Azərtac xəbər verir ki, həmin qatarlar “Həzi Aslanov” – “Dərnəgül” istiqamətində hərəkət edəcək. Digər iki qatarda sazlanma işləri yekunlaşmaq üzrədir. Sınaq və tənzimləmə işləri yerinə yetirildikdən sonra onlar da yaxın günlərdə xəttə buraxılacaq. Bununla da yeni qatarlar 15-ə çatacaq.Qeyd edək ki, ötən il “Metrovaqonmaş” SC ilə imzalanan müqavilədə 3 il müddətində hər il 20 vaqon olmaqla ümumilikdə 60 yeni nəsil vaqonların Bakıya gətirilməsi nəzərdə tutulub. Hər biri 5 vaqondan ibarət olan 4 qatar artıq Bakıdadır.xeber100.com

“Azeri Light” markalı neftin bir barrelinin qiyməti 0,19 dollar ucuzlaşıb

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,19 dollar ucuzlaşaraq 42 dollar təşkil edib.Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Dövlət Statistika Komitəsinin məlumatına görə…

Apreldə Azərbaycana 76 ədəd yük avtomobili idxal olunub.Dövlət Statistika Komitəsindən Azərtac-a bildirilib ki, qeyd edilən dövrdə ölkəyə 1603 ədəd minik avtomobili, 3 ədəd isə avtobus gətirilib.xeber100.com

TANAP ilə Türkiyəyə 1,6 milyard kubmetr təbii qaz nəql olunub

Bu ilin yanvar-may aylarında TANAP ilə Türkiyəyə 1,6 milyard kubmetr təbii qaz nəql olunub.Energetika Nazirliyindən Azərtac-a bildirilib ki, istismara veriləndən iyunun 1-dək isə TANAP-la Türkiyəyə 5,47 milyard kubmetr qaz nəql edilib.Qeyd edək ki, Xəzər dənizinin Azərbaycan sektorundakı “Şahdəniz-2” yatağından çıxarılan qazı Türkiyəyə nəql edən TANAP boru kəməri Türkiyə-Gürcüstan sərhədində Cənubi Qafqaz Boru Kəmərinə qoşulub, Türkiyə-Yunanıstan sərhədində isə TAP qaz boru kəmərinə birləşib. Avropa İttifaqı üçün prioritet enerji layihələrindən biri olan və 3500 kilometrlik Cənub Qaz Dəhlizinin birləşdirici halqasını təşkil edən TANAP-ın Gürcüstan-Türkiyə sərhədi-Əskişəhər 56 düymlük hissəsinin uzunluğu 1350 kilometr, Əskişəhər-Türkiyə-Yunanıstan sərhədi boyunca 48 düymlük hissəsinin uzunluğu isə 480 kilometrdir. Mərmərə dənizi boyunca isə boru kəmərinin diametri 36 düym təşkil edir. İki fazada icra olunan layihə çərçivəsində boru kəmərinin uzunluğu (19 kilometri Mərmərə dənizindən keçməklə) ümumilikdə 1850 kilometrdir.TANAP Türkiyənin Gürcüstanla sərhədindəki Ardahan vilayətinin Posof mahalından başlayaraq 20 şəhər və 67 vilayətindən keçməklə qardaş ölkənin Yunanıstanla sərhədindəki Ədirnə vilayətinin İpsala qəsəbəsinədək uzanır. “Enerjinin İpək yolu” adlandırılan TANAP layihəsi təbii qazın “Şahdəniz”, eyni zamanda, Azərbaycanın digər yataqlarından Avropa bazarlarına nəql edilməsi potensialına görə mühüm siyasi və iqtisadi əhəmiyyətə malikdir.2018-ci il iyunun 12-də Türkiyənin Əskişəhər şəhərində TANAP qaz kəməri istifadəyə verilib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,32 dollar ucuzlaşaraq 42,76 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,71 dollar artaraq 40,46 dollar təşkil edib.xeber100.com

“Brent” markalı neftin bir barrelinin qiyməti 0,14 dollar azalıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,14 dollar geriləyərək 42,05 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,27 dollar ucuzlaşaraq 39,48 dollar təşkil edib.xeber100.com

Dövlət Gömrük Komitəsinin məlumatına görə…

Cari ilin yanvar-may aylarında dəniz nəqliyyatı ilə ümumilikdə 405,1 min ton yük daşınıb ki, bu yüklərin dəyəri 227,4 milyon ABŞ dollar olub.Dövlət Gömrük Komitəsindən Azərtac-a verilən məlumata görə, 5 ayda dəniz nəqliyyatı ilə ixrac olunan 141,1 min ton yükün dəyəri 43,6 milyon dollar, bu nəqliyyat növü ilə idxal edilən yüklərin həcmi 263,9 min tondan çox, dəyəri isə 183,7 milyon dollar təşkil edib.xeber100.com

Bakı-Naxçıvan-Bakı marşrutu üzrə müntəzəm daxili reyslər bərpa edilir

Koronavirus infeksiyası pandemiyasının başlandığı müddətdən ilk dəfə olaraq milli aviadaşıyıcı “Azərbaycan Hava Yolları” QSC (AZAL) iyunun 18-dən Bakı-Naxçıvan-Bakı marşrutu üzrə müntəzəm daxili reysləri bərpa edir.QSC-nin mətbuat xidmətindən Azərtac-a bildirilib ki, qeyd edilən reyslərə 2-ci terminalda xidmət göstərilir.Uçuşa yalnız Tibbi Ərazi Bölmələrini İdarəetmə Birliyi tərəfindən akkreditə olunmuş xüsusi laboratoriyalarda koronavirus üçün müayinədən keçən və mənfi nəticə əldə edən sərnişinlər buraxılır. Müayinə uçuşdan ən gec 48 saat əvvəl aparılmalıdır. Koronavirus infeksiyasının yayılmasının qarşısını almaq məqsədilə və ölkədəki epidemioloji vəziyyətlə əlaqədar sərnişinləri yola salan vətəndaşların aerovağzal ərazisində toplaşması qadağandır.Reyslər həftədə iki dəfə - çərşənbə axşamı və cümə axşamı günləri yerinə yetiriləcək. Aviabiletin dəyərinə 23 kiloqram çəkidə baqaj daxildir. Kişi portfeli və ya qadın çantası istisna olmaqla əl yükü, o cümlədən “Duty free” mağazalarından alınan əşyaların daşınması qadağandır.Cari şərtlərə uyğun olaraq, Bakı-Naxçıvan-Bakı reyslərinə aviabilet satışı Naxçıvan Muxtar Respublikasının Bakıdakı daimi nümayəndəliyi tərəfindən təqdim olunmuş sərnişinlərin siyahısına əsasən həyata keçirilir. Təsdiq edilmiş siyahı daxil olduqdan sonra aviaşirkətin çağırış mərkəzi sərnişinlərlə əlaqə yaradaraq aviabiletin dəyərinin ödənilməsi qaydasını izah edir.Reyslərdə yerlərin sayının məhdud olduğunu nəzərə alaraq, “Azərbaycan Hava Yolları” ilk növbədə təcili uçuşa ehtiyacı olan sərnişinlərin aviabilet almaq üçün müraciət etmələrini tövsiyə edir.xeber100.com

Ticarət dövriyyəsi 113 milyon dollara yaxın olub

Yanvar-may aylarında Azərbaycan və Belarus arasında ticarət dövriyyəsi 113 milyon dollara yaxın olub.Bu barədə Azərtac-a Belarus Dövlət Statistika Komitəsindən məlumat verilib. Hesabat dövründə Belarusdan Azərbaycana ixracın dəyəri 48,1 milyon dollar, ölkəmizdən Belarusa isə 64,5 milyon dollar təşkil edib.Qeyd edək ki, 2019-cu ildə Azərbaycanla Belarus arasında idxal-ixrac əməliyyatlarının dəyəri 227 milyon dolları ötüb, bu da 2018-ci illə müqayisədə 23 milyon dollar çoxdur.xeber100.com

“Azərbaycan Hava Yolları” QSC sərnişinlərə müraciət edib

İyunun 17-18-də Bakıdan İstanbula uçan sərnişinlər uçuşdan əvvəl mütləq qaydada koronavirus infeksiyası (COVID-19) testindən keçməlidirlər.Azərtac xəbər verir ki, qaydalara əsasən, sərnişinin koronavirus testindən keçməsi barədə arayış uçuşdan ən gec 48 saat əvvəl verilməlidir. Sərnişin yalnız testdən keçərək mənfi nəticə əldə etməsi barədə arayış təqdim etdikdən sonra təyyarəyə buraxılacaq. Bakı-İstanbul reyslərinə birinci terminalda xidmət göstəriləcək. Bundan başqa, iyunun 17-si və 18-də AZAL tərəfindən Bakı-İstanbul-Bakı marşrutu üzrə iki xüsusi reys yerinə yetiriləcək. Hər bir istiqamətdə reysə 150 sərnişin qəbul ediləcək. Bakı-İstanbul reysinə aviabiletləri həm Azərbaycan, həm də Türkiyə vətəndaşları (və ya həmin ölkələrdə yaşamaq hüququna malik olan şəxslər) əldə edə bilər. İstanbul-Bakı reysinə isə yalnız Azərbaycan vətəndaşları buraxılacaq.AZAL sərnişinləri Operativ Qərargahın, həmçinin Ümumdünya Səhiyyə Təşkilatının COVID-19 ilə mübarizəyə dair bütün tələb və tövsiyələrinə əməl etməyə çağırır.Aviaşirkət və hava limanı əməkdaşları isə öz növbələrində uçuşun maksimum dərəcədə rahat və təhlükəsiz keçməsi üçün onlardan asılı olan bütün tədbirləri görəcəklər və sərnişinlərə yalnız qəti zərurət olduqda təyyarə ilə səyahət etməyi tövsiyə edirlər.xeber100.com

“Kapital Bank”ın reytinqi “BB-/B” səviyyəsində təsdiqlənib

“Standard & Poor's” Beynəlxalq Reytinq Agentliyi növbəti qiymətləndirmənin yekunu olaraq “Kapital Bank”ın reytinqini “stabil” proqnozda müəyyənləşdirərək “BB-/B” səviyyəsində təsdiqləyib. Bu reytinq ölkə bankları arasında ən yüksək göstəricilərdən hesab olunur.Agentliyin fikrincə, “Kapital Bank” növbəti il ərzində kifayət qədər likvidlik ehtiyatları, adekvat kapitallaşma səviyyəsi və stabil depozit portfeli sayəsində COVID-19 pandemiyası və neftin qiymətinin düşməsi səbəbindən dünyada yaşanan iqtisadi tənəzzül şəraitinə bənzər yerli və xarici banklara nisbətən daha effektiv müqavimət göstərə biləcək. Həmçinin “Kapital Bank”ın risk və kapital mövqeyinin daha güclü olduğu söylənilir.Hesabatda qeyd olunur ki, 2020-2021-ci illər üçün “Kapital Bank”ın kredit və depozit portfelində 10-15 faiz səviyyəsində illik artım gözlənilir ki, bu da proqnozlardan təxminən 5-10 faiz yüksəkdir. Qlobal iqtisadi artımın ləngiməsi dövründə bankın diqqətini rəqəmsallaşma və müştəri xidmətinin yaxşılaşdırılması sahəsinə yönəldəcəyi də vurğulanıb.Azərbaycanda ən böyük filial şəbəkəsinə malik olan “Kapital Bank” 101 filialı və 15 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün “www.kapitalbank.az” saytına, 196 Sorğu mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.xeber100.com

Dövlət Statistika Komitəsinin məlumatına görə…

Bu ilin yanvar-may aylarında əsas kapitala yönəldilmiş ümumi vəsaitin 54,4 faizi sənaye, 21 faizi isə tikinti sahələrinə sərf olunub.Dövlət Statistika Komitəsindən Azərtac-a bildirilib ki, həmin dövrdə ümumi vəsaitin 12,3 faizi nəqliyyat və anbar təsərrüfatı, 3,7 faizi peşə, elmi və texniki fəaliyyət, hər birində 1,9 faiz olmaqla kənd təsərrüfatı, meşə təsərrüfatı və balıqçılıq, dövlət idarəetməsi və müdafiə, sosial təminat, 1,1 faizi informasiya və rabitə, 1 faizi təhsil, 0,7 faizi turistlərin yerləşdirilməsi və ictimai iaşə, 0,5 faizi əhaliyə səhiyyə və sosial xidmətlərin göstərilməsi, hər birində 0,4 faiz olmaqla ticarət, nəqliyyat vasitələrinin təmiri, inzibati və yardımçı xidmətlərin göstərilməsi, hər birində 0,3 faiz olmaqla maliyyə və sığorta fəaliyyəti, istirahət, əyləncə və incəsənət sahəsində fəaliyyət, 0,1 faizi digər sahələrdə xidmətlərin göstərilməsi sahələrinə sərf edilib.xeber100.com

AZAL: Aviabiletlərin satışı müvəqqəti dayandırılır

Bakı-Naxçıvan-Bakı reysinə aviabiletlərin satışı müvəqqəti dayandırılır.Bu barədə Azərtac-a AZAL-dan bildirilib.Ölkədə epidemioloji vəziyyətin davam etməsi ilə əlaqədar, iyulun 7-dən sonrakı tarixlər üçün Bakıdan Naxçıvana və geri istiqamətdə reyslərə aviabiletlərin satışı AZAL aviaşirkətinin saytında müvəqqəti olaraq dayandırılır.Satışın açılması barədə ictimaiyyətə əvvəlcədən məlumat veriləcək.Qeyd edək ki, iyulun 7-dək olan reyslərə alınan bütün aviabiletlər etibarlıdır, nəzərdə tutulan reyslər cədvəl üzrə yerinə yetiriləcək.Xatırladaq ki, Naxçıvana və geri istiqamətdə uçuşlar iyunun 18-dən həftədə iki dəfə - ikinci və dördüncü günlər yerinə yetiriləcək.xeber100.com