Müdafiə Nazirliyinin məlumatı əsasında…

6 İyun 2019 22:11

Xəbər 172 dəfə oxunub

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 18 dəfə pozub.Müdafiə Nazirliyinin mətbuat xidmətindən Milli.Az-a verilən məlumata görə, Ermənistanın Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.Tərtər rayonunun işğal altında olan Çiləbürt, Ağdam rayonunun Baş Qərvənd, Kəngərli, Xocavənd rayonunun Kuropatkino, Füzuli rayonunun Qobu Dilağarda, Cəbrayıl rayonunun Nüzgar kəndləri yaxınlığında, həmçinin Goranboy, Tərtər və Xocavənd rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.xeber100.com

“El Sol de Mexico” qəzeti parlament seçkilərindən yazır…

Meksikanın nüfuzlu “El Sol de Mexico” qəzetində beynəlxalq müşahidəçi qismində Azərbaycanda səfərdə olmuş tanınmış jurnalist Federiko Lamontun 9 fevral tarixində Azərbaycanda keçirilmiş növbədənkənar parlament seçkilərinə dair “Azərbaycan: çoxlu seçici və şəffaf seçkilər” adlı növbəti məqaləsi dərc olunub.Məqalədə Azərbaycan Respublikasının Prezidenti İlham Əliyevin 5 dekabr 2019-cu il tarixində imzaladığı Sərəncama əsasən keçirilmiş növbədənkənar parlament seçkilərinə beynəlxalq müşahidəçilərin dəvət olunduğu qeyd olunur.Azərbaycan hökumətinin dəvətinə əsasən seçkilərdə müşahidəçi qismində iştirak edən müəllif, Mərkəzi Seçki Komissiyasının sədri Məzahir Pənahovla keçirdiyi müsahibə zamanı onun seçkilərin şəffaf keçəcəyini, həmçinin yüksək seçici fəallığının müşahidə olunacağını vəd etdiyini bildirir və bu söylənənlərə Bakı şəhərində iştirak etdiyi 12 seçki məntəqəsində əyani şahidi olduğunu vurğulayır.Məqalədə, habelə seçkilərin ABC Radio OEM daxil olmaqla 800-dən artıq beynəlxalq müşahidəçilər tərəfindən izləndiyi qeyd olunur, bunun Azərbaycan rəhbərliyinin təşəbbüsü ilə aparılan islahatlara daha da güclü təkan verəcəyi və həmin islahatların qeyri-neft sektorunun inkişafı, sosial-iqtisadi restrukturizasiyanı davam etdirməyə imkan verəcəyi xüsusilə vurğulanır.xeber100.com

Fevral 13, 2020 14:32

Mərkəzi Seçki Komissiyasının məlumatı əsasında…

Qarşıdan gələn 9 fevral Milli Məclisə seçkilərlə əlaqədar Mərkəzi Seçki Komissiyası seçki bülletenlərinin dairə seçki komissiyalarına paylanmasına başlayıb.Mərkəzi Seçki Komissiyası Katibliyinin Media və ictimai əlaqələr şöbəsindən Azərtac-a bildirilib ki, Mərkəzi Seçki Komissiyasının üzvləri, Katibliyin müvafiq struktur bölmələrinin əməkdaşları, habelə dairə seçki komissiyalarının sədrləri və katiblərinin iştirakı ilə Milli Məclisin Mətbəəsində geniş aşkarlıq şəraitində keçirilən tədbirdə beynəlxalq və xarici qurumlar, seçki müşahidə missiyaları, kütləvi informasiya vasitələri və seçki prosesinin iştirakçısı olan subyektlərin prosesi yaxından və birbaşa izləmələri üçün hərtərəfli şərait yaradılıb.Seçki bülletenlərinin ilk gün - fevralın 2-də Naxçıvan Muxtar Respublikası və ucqar bölgələri əhatə edən ümumilikdə 62 seçki dairəsinə, növbəti gün isə respublikanın digər bütün seçki dairələrinə təhvil verilməsi nəzərdə tutulur. Seçki bülletenləri dairə seçki komissiyaları sədrlərinin və katiblərinin iştirakı ilə bülletenlərin sayı, verilmə tarixi və vaxtı göstərilməklə tərtib edilən akt əsasında dairə seçki komissiyalarının sədrlərinə təhvil verilir. Xüsusi Dövlət Mühafizə Xidməti tərəfindən həyata keçirilən yüksək təhlükəsizlik şəraitində hazırlanan seçki bülletenləri dairə seçki komissiyalarına verildikdən sonra onların daşınması, saxlanması və məntəqə seçki komissiyalarına paylanılması prosesinin mühafizəsini Daxil İşlər Nazirliyinin müvafiq qurumları təmin edir.Milli Məclisin Mətbəəsində baş tutan tədbirdə seçki bülletenlərin hazırlanması və aidiyyəti üzrə çatdırılmasının təşkili ilə bağlı qanunvericiliyin tələbləri barədə kütləvi informasiya vasitələrinə də ətraflı məlumat verilib, şəffaflığın təmin edilməsi üçün bütün mərhələlər media təmsilçiləri tərəfindən geniş işıqlandırılıb və jurnalistləri maraqlandıran suallar cavablandırılıb.xeber100.com  

Fevral 2, 2020 21:13

İslam Əməkdaşlıq Təşkilatının yaradılmasının 50 illiyi qeyd edilib

Nyu-Yorkdakı “Millenium-Hilton” otelində İslam Konfransı Təşkilatının (İKT, indiki İslam Əməkdaşlıq Təşkilatı (İƏT)) yaradılmasının 50 illiyinə həsr edilmiş təntənəli tədbir keçirilib.Azərtac xəbər verir ki, BMT yanında İƏT-in daimi müşahidəçi missiyası tərəfindən təşkil olunmuş bayram tədbirində İƏT-in üzvü olan və bu təşkilatın üzvləri olmayan bir sıra dövlətləri təmsil edən nümayəndələr, habelə BMT Baş katibliyinin müxtəlif bölmələrinin, BMT ilə əlaqədar köməkçi orqanların, bir sıra başqa beynəlxalq təşkilat və idarələrin nümayəndələri iştirak ediblər. İştirakçılar arasında Norveç Xarici İşlər nazirinin dövlət katibi də vardı.İslam Əməkdaşlıq Təşkilatının daimi müşahidəçisi, səfir Aqşin Mehdiyev qonaqları salamlayandan sonra qısa bəyanatla çıxış edib, tədbirdə iştirak etmələrinə qonaqlara təşəkkürünü bildirib, İƏT-in məqsəd və prioritetlərini vurğulayıb.Sonra İƏT sammitinin budəfəki sessiyasının sədri və tədbiri qəbul edən ölkənin nümayəndəsi kimi çıxış üçün Səudiyyə Ərəbistanı Krallığının Nyu-Yorkdakı səfiri və BMT yanında daimi nümayəndəsi Abdulla Əl-Müəllimiyə söz verilib.Səfir Əl-Müəllimi İƏT-in beynəlxalq münasibətlərdə mühüm rol oynamasını vurğulayaraq qeyd edib ki, İƏT daim sülhü və həmrəyliyi dəstəkləyir, İslamın ali təliminə və prinsiplərinə riayət etməklə, müxtəlif mədəniyyətlər və dinlər arasında dialoqun və qarşılıqlı anlaşmanın tərəfdarı kimi çıxış edir. Əl-Müəllimi xüsusi diqqətə çatdırıb ki, İƏT-in fəaliyyəti təkcə müsəlmanları deyil, digər dinlərin və mədəniyyətlərin nümayəndələrini də əhatə edir.xeber100.com

Yanvar 25, 2020 21:43

Xarici İşlər Nazirliyi ölkə vətəndaşlarına xəbərdarlıq edib

Azərbaycan Respublikasının Xarici İşlər Nazirliyi ölkə vətəndaşlarına Çin Xalq Respublikasında mövcud olan vəziyyətlə bağlı xəbərdarlıq edib.Bu barədə Azərtac-a Xarici İşlər Nazirliyindən məlumat verilib.Bildirilir ki, 2019-cu ilin dekabrında Çin Xalq Respublikasının Uxan şəhərində yeni növ təhlükəli virus (coronavirus 2019-nCoV) aşkarlanıb və insandan-insana keçmə xüsusiyyəti olduğuna görə bu virusa yoluxan insanların sayında artım müşahidə edilib.Çin Milli Səhiyyə Komitəsinin 2020-ci il 24 yanvar tarixli məlumatına əsasən, 177 nəfərin vəziyyəti kritik olmaqla, 830 nəfər sözügedən virusa yoluxub və 25 nəfər vəfat edib. Çinin Uxan şəhərində karantin elan olunub.Dünya Səhiyyə Təşkilatı kəskin respirator xəstəliklərin yayılması riskinin azaldılması məqsədilə aşağıdakıları tövsiyə edir: - kəskin respirator xəstəliklərdən əziyyət çəkən insanlarla yaxın təmasdan çəkinmək; - xəstə insanlarla və ya onların mühiti ilə birbaşa təmasdan sonra əlləri yumaq; - canlı/ölü vəhşi və ya kənd təsərrüfatı heyvanları ilə yaxın təmasdan çəkinmək; - kəskin respirator xəstəliklər simptomu olan səyahətçilər öskürək etiketinə əməl etməlidirlər (məsafə saxlanılmalı, öskürək zamanı ağzı bağlamaq və əlləri yumaq); - yaranmış vəziyyətlə bağlı təşvişə düşməmək; - sözügedən xəstəliklə bağlı hansısa simptomlar müşahidə edildiyi təqdirdə birbaşa müvafiq tibb müəssisəsinə müraciət etmək. Çinə səfər etmək istəyən Azərbaycan vətəndaşlarına ehtiyatlı olmalarını, Dünya Səhiyyə Təşkilatının tövsiyələrinə əməl etmələri və ölkədə mövcud olan vəziyyəti nəzərə almaları tövsiyə olunur.xeber100.com  

Yanvar 24, 2020 18:21