Azərbaycan Futzal Federasiyasının məlumatına görə…

Futzal üzrə dünya çempionatının elit-raund mərhələsindəki rəqiblərimiz növbəti yoldaşlıq oyunlarını keçiriblər.Azərtac Azərbaycan Futzal Federasiyasına istinadla xəbər verir ki, ilk oyunda Macarıstanı 3:2 hesabı ilə məğlub edən Rusiya millisi bu dəfə məğlub olub - 1:2. Əvəzində Xorvatiya məğlubiyyətin revanşını alıb. Onlar Ukrayna ilə ikinci matçda 4:3 hesablı qələbəyə seviniblər. Bu komandaların ilk duelində Ukrayna futzalçıları 3:1 hesabı ilə qalib gəliblər.Millimiz elit-raundda Rusiya, Xorvatiya və Slovakiya yığmaları ilə bir qrupda mübarizə aparacaq. Bu qrupun oyunları gələn il yanvarın 27-dən fevralın 5-dək Xorvatiyada keçiriləcək.Xatırladaq ki, dünya çempionatının final mərhələsi Litvada təşkil olunacaq.xeber100.com

Badmintonçuların Avropa çempionatındakı rəqibləri müəyyənləşib

Fransanın Lievin şəhərində kişi və qadın komandalar arasında Avropa çempionatının püşkü atılıb.Azərtac xəbər verir ki, püşkatma mərasimini Avropa Badminton Konfederasiyasının baş katibinin müavini Cimmi Andersen və Avropa Oyunlarının bürünc və 2018-ci ildə keçirilən Avropa çempionatının gümüş mükafatçısı Emili Lefel aparıb.Tarixində ikinci dəfə komandalararası Avropa çempionatına qatılan kişilərdən ibarət millimiz püşkatmanın nəticələrinə əsasən beşinci qrupda Almaniya, Çexiya və İslandiya ilə qarşılaşacaq. Komandamız qrup mərhələsində birinci oyununu Çexiyaya qarşı keçirəcək. Kişi badmintonçulardan ibarət kollektiv ikinci turda İslandiya, sonuncu turda isə Almaniya komandası ilə üz-üzə gələcək.Qrup mərhələsinin görüşləri fevralın 11-13-də keçiriləcək. Dörddəbir, yarımfinal və final görüşləri isə fevralın 14-16-da oynanılacaq. Qruplarda ilk yerdə qərarlaşacaq komandalar pley-offa yüksələcək. Oyunların formatı iki şəxsi və üç qoşa görüşdən ibarət olacaq. Qarşılaşmalar “Arena Stad Kuver”də oynanılacaq. Hər komandanın heyətində bir badmintonçu oyun ərzində həm şəxsi, həm də qoşa kateqoriyada yalnız bir dəfə korta çıxa bilər.xeber100.com

Yunan-Roma güləşi üzrə finalçılar müəyyənləşib

Dekabrın 4-də “Sərhədçi” İdman Olimpiya Mərkəzində keçirilən yunan-Roma güləşi üzrə Azərbaycan çempionatında finalçılar müəyyənləşib.Azərtac xəbər verir ki, ilk yarış günündə 156 yunan-Roma güləşçisi mübarizə aparıb. Bütün çəkilərdə finalçılar müəyyənləşib, eləcə də təsəlliverici qarşılaşmalar keçirilib.Dekabrın 5-i axşam seansında baş tutacaq finallarda 55, 60, 63, 67, 72, 77, 82, 87, 97 və 130 kiloqram çəki dərəcələrində çempionlar müəyyənləşəcək.Qızıl medallar uğrunda mübarizədə Ziyad Zeynalov - İbrahim Nurullayev (55 kq), Murad Bazarov - Sakit Quliyev (60 kq), Murad Məmmədov - Taleh Məmmədov (63 kq), Namaz Rüstəmov - İslambek Dadov (67 kq), Sənan Süleymanov - Ülvi Qənizadə (72 kq), Rüstəm Əliyev - Tuncay Vəzirzadə (77 kq), Elvin Mürsəliyev - Nicat Abdullayev (82 kq), İslam Abbasov - Eltun Vəzirzadə (87 kq), Orxan Nuriyev - Zamir Məhəmmədov (97 kq) və Oyan Nəzəriani - Beka Kandelaki 130 (kq) qarşılaşmaları keçiriləcək.Dekabrın 5-də sərbəst güləş üzrə yarışda 10 çəki dərəcəsində finalçıların adlarına aydınlıq gələcək. Üçüncü yarış günündə isə əvvəlcə təsəlliverici, daha sonra medal görüşləri təşkil olunacaq.Qeyd edək ki, yarışa dekabrın 6-da yekun vurulacaq.xeber100.com

Azərbaycan Boks Federasiyasının məlumatı əsasında…

Kişi boksçulardan ibarət Azərbaycan millisi növbəti təlim-məşq toplanışına başlayıb.Azərbaycan Boks Federasiyasından Azərtac-a verilən məlumata görə, baş məşqçi Umberto Orta Dominqezin rəhbərliyi altında bir araya gələn yığmamız hazırlığı Bakı Boks Mərkəzində keçir. Gündə 2 dəfə məşq edən komandamızın düşərgəsinə 21 boksçu dəvət olunub.Təlim-məşq toplanışının ilkin mərhələsi dekabrın 9-dək davam edəcək.xeber100.com

“Qızıl top” mükafatının sahibinin adı açıqlanıb

Dekabrın 3-də Parisdəki “Şatle” teatrında FIFA və “France Football” jurnalı 2019-cu ilin ən yaxşı futbolçusuna verilən “Qızıl top” mükafatının sahibinin adını açıqlayıb.Azərtac xəbər verir ki, “Qızıl top” mükafatına Argentina millisinin və İspaniyanın “Barselona” klubunun futbolçusu Lionel Messi layiq görülüb. O, səsvermə nəticəsində “Yuventus”un əsas qol silahı sayılan Kriştiano Ronaldunu və “Liverpul” komandasının müdafiəçisi Virgil van Deyki qabaqlayıb.Mərasimdə, həmçinin FIFA tərəfindən ən yaxşı qapıçı İngiltərənin “Liverpul” klubunun qapıçısı Alisson Beyker, ən yaxşı qadın futbolçusu ABŞ yığmasının yarımmüdafiəçisi Meqan Rapino, ən yaxşı gənc (20 yaşa qədər) futbolçusu adına isə Hollandiya millisinin və İtaliyanın “Yuventus” klubunun müdafiəçisi Mateas De Liqt layiq görülüb.“France Football” nəşri “Qızıl top” mükafatını 1956-cı ildə təsis edib. İndiyə qədər argentinalı Lionel Messi 6, portuqaliyalı Kriştiano Ronaldu 5 dəfə, fransız Mişel Platini, həmçinin hollandiyalılar – Yohan Kroyf və Marko van Basten üç dəfə bu mükafata layiq görülüb.Xatırladaq ki, ötən il “Qızıl top” mükafatı Madridin “Real” komandasının xorvatiyalı yarımmüdafiəçisi Luka Modriçə təqdim olunub.xeber100.com

Azərbaycan Premyer Liqasında XIII tura yekun vurulub

Futbol üzrə Azərbaycan Premyer Liqasında XIII tura yekun vurulub.Azərtac xəbər verir ki, sonuncu oyun günündə "Sabah" klubu "Qarabağ"ı qəbul edib. Masazırdakı "Bank Respublika Arena"da baş tutan matçda qonaqlar qalib gəliblər - 1:0.Xorvatiyalı Jelko Sopiçin meydan sahiblərinin baş məşqçisi postunda debüt etdiyi görüşün 74-cü dəqiqəsində Abdullah Zubir fərqlənib.Ağdam təmsilçisi bu qalibiyyətdən sonra xalını 30-a çatdırıb. "Sabah" isə 13 xalla 6-cı sıradadır.Qeyd edək ki, hesabat turunda "Qəbələ" "Zirə"yə 3:0, "Keşlə" "Sumqayıt"a 2:1 hesabı ilə qalib gəlib. "Səbail" - "Neftçi" qarşılaşması isə qolsuz bərabərliklə yekunlaşıb.xeber100.com

2020/2021-ci il mövsümünün seçmə mərhələsinin püşkü atılıb

On yeddi yaşadək futbolçulardan ibarət komandalar arasında Avropa çempionatının 2020/2021-ci il mövsümünün seçmə mərhələsinin püşkü atılıb.Azərtac AFFA-ya istinadla xəbər verir ki, püşkün nəticəsinə əsasən, müvafiq yaş qrupundan ibarət Azərbaycan millisi 8-ci qrupda İngiltərə, Yunanıstan və San-Marino komandaları ilə birgə mübarizə aparacaq.Bu qrupun oyunları 2020-ci il noyabrın 11-də, 14-də və 17-də Yunanıstanda keçiriləcək.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) dekabr ayı üçün universal reytinq siyahısını açıqlayıb.Azərtac xəbər verir ki, şahmatçımız Teymur Rəcəbov dünyanın ən güclü şahmatçılarının siyahısında ilk onluqda qərarlaşıb (2766, 9-cu yer). Şəhriyar Məmmədyarov isə 2763 xalla 12-ci pillədə yer alıb.Digər şahmatçılarımızdan Qədir Hüseynov (2689, 49-cu yer) və Rauf Məmmədov (2688, 50-ci yer) ilk 50-likdə yer alıblar. Nicat Abbasov (2657, 100-cü yer) isə ilk 100-lüyü qapayır.Kişi şahmatçılar arasında dünya çempionu norveçli Maqnus Karlsen (2870) birinci yerdədir. Çinli Dinq Liren, fransalı Maksim Vaşe-Laqrav (hər ikisi 2796) sonrakı iki pillədə qərarlaşıblar.xeber100.com

Azərbaycan Qılıncoynatma Federasiyasının məlumatı

Azərbaycan Texniki Universitetinin İdman Sarayında keçirilən yeniyetmələr arasında ölkə birinciliyinə yekun vurulub.Azərtac xəbər verir ki, Azərbaycan Qılıncoynatma Federasiyasının, Gənclər və İdman Nazirliyinin birgə təşkil etdiyi turnirdə oğlanlar və qızlar arasında üç növ üzrə yarışların qalibləri müəyyənləşib. Oğlanlar arasında sablyada Saleh Məmmədov, şpaqada Elçin Daşdəmirov və rapirada Ziya Yolçuzadə fəxri kürsünün ən yüksək pilləsinə qalxıblar. Qızların mübarizəsində isə sablyada Zərifə Hüseynova, şpaqada Nazilə Rəhimova və rapirada Röya Ağayeva birinci olublar.Mükafatçılar diplom və medallarla təltif ediliblər.xeber100.com

FIFA və “France Football” jurnalı “Qızıl top” mükafatının sahibini açıqlayacaqlar

Dekabrın 2-də FIFA və “France Football” jurnalı ilin ən yaxşı futbolçusuna verilən “Qızıl top” mükafatının sahibini açıqlayacaqlar.Azərtac xəbər verir ki, Bakı vaxtı ilə saat 23:45-də başlayacaq mərasim Parisdəki “Şatle” teatrında baş tutacaq. Təqdimat mərasiminin aparıcılarından biri “Çelsi”nin sabiq hücumçusu Didye Droqba olacaq.Mükafatın qalibi üç namizəd - “Barselona” klubunun argentinalı futbolçusu Lionel Messi, “Yuventus”un portuqaliyalı hücumçusu Kriştiano Ronaldo və “Liverpul”un niderlandlı müdafiəçisi Virgil van Deyk arasından seçiləcək.“France Football” nəşri “Qızıl top” mükafatını 1956-cı ildə təsis edib. İndiyə qədər Kriştiano Ronaldo və argentinalı Lionel Messi hərəsi 5 dəfə, fransız Mişel Platini, həmçinin hollandiyalılar – Yohan Kroyf və Marko van Basten üç dəfə bu mükafata layiq görülüblər. Ötən il “Qızıl top” mükafatı Madridin “Real” komandasının xorvatiyalı yarımmüdafiəçisi Luka Modriçə təqdim olunub.xeber100.com  

Şərqi Avropa Zonal Assosiasiyasının çempionatı keçirilib

Tbilisidə 16 yaşadək qız voleybolçular arasında Şərqi Avropa Zonal Assosiasiyasının (EEVZA) çempionatı keçirilib.Azərtac xəbər verir ki, yarışda Gürcüstan, Latviya, Rusiya, Ukrayna və Azərbaycan milliləri A, Belarus, Estoniya, Latviya, Polşa komandaları isə B qrupunda mübarizə aparıblar.“Avro 2020”yə seçim xarakteri daşıyan çempionat Rusiya voleybolçularının qələbəsi ilə yekunlaşıb və komanda Avropa çempionatına vəsiqə qazanıb. Qrup mərhələsində maksimum nəticə göstərən şimal qonşularımız həlledici görüşdə Polşadan güclü olublar - 3:0. Üçüncü yer uğrunda matçda isə Ukrayna və Belarus milliləri üz-üzə gəliblər. Daha güclü olan Belarus millisi 3:2 hesabı ilə qələbə qazanaraq bürünc medala yiyələnib.Qeyd edək ki, A qrupunda oynayan komandamız Rusiya, Ukrayna, Latviya və Gürcüstanla qüvvəsini sınayıb və bütün görüşləri məğlub başa vurub.xeber100.com

Azərbaycan Premyer Liqasının 13-cü turuna start verilib

Noyabrın 30-da futbol üzrə Azərbaycan Premyer Liqasının 13-cü turuna “Qəbələ”-“Zirə” oyunu ilə start verilib.Azərtac xəbər verir ki, Qəbələ şəhər stadionunda keçirilən oyunda meydan sahibləri “Zirə”nin qapısından üç cavabsız top keçiriblər.“Qəbələ”nin heyətində Rövlan Muradov, Fernan Lopez və Davit Volkov fərqləniblər.Günün ikinci görüşü “ASCO Arena”da keçirilir. “Keşlə” klubu “Sumqayıt” komandasını qəbul edir.Turun üçüncü görüşü dekabrın 1-də oynanılacaq. “Səbail” “Neftçi”ni qonaq edəcək. “ASCO Arena” stadionunda Orxan Məmmədovun idarə edəcəyi oyun saat 15:00-da başlayacaq. Turun sonuncu qarşılaşmasında “Sabah” öz meydanında “Qarabağ”ı qəbul edəcək. Əliyar Ağayevin idarə edəcəyi qarşılaşma saat 20:00-da start götürəcək.Qeyd edək ki, turun bütün görüşləri “CBC Sport” kanalı ilə birbaşa yayımlanacaq.Turnir cədvəlinə 27 xalla “Qarabağ” klubu başçılıq edir. Hesabındakı xalların sayını 12-yə çatdıran “Qəbələ” yeddinci yerə yüksəlib. “Zirə” isə 14 xalla beşinci pillədədir.xeber100.com

Formula 1 “Toro Rosso” komandasının adının dəyişdirilməsi təsdiq edilib

Beynəlxalq Avtomobil Federasiyası (FIA) Formula 1 “Toro Rosso” komandasının adının dəyişdirilməsini rəsmən təsdiq edib.Azərtac çempionatın rəsmi saytına istinadla xəbər verir ki, 2020-ci il mövsümünün ilkin müraciət siyahısında İtaliya komandası “Red Bull”a məxsus olan brend moda geyimi brendinin - “Alfa Tauri”nin adını daşıyacaq.Komandanın indiki adı “Toro Rosso”nu (italyanca “Red Bull”) komanda 2006-cı ildə alıb. Həmin vaxt enerji içkilərinin istehsalçısı “Minardi” adlanıb.Növbəti mövsümdə “Alfa Tauri” komandasının tərkibində rusiyalı Daniil Kvyat və fransız Pyer Qasli çıxış edəcəklər. Builki mövsümün başa çatmasına bir mərhələ qalmış “Toro Rosso” Konstruktorlar Kubokunda altıncı yeri tutur və beş güclü komanda sırasına düşmək üçün “Renault” ilə mübarizə aparır. 2019-cu il mövsümündə Kvyat və Qasli komandanın tarixində ilk dəfə olaraq birdən-birə iki podium əldə ediblər. Daniil Almaniyada üçüncü, Pyer isə Braziliyada ikinci yeri tutublar.xeber100.com

Azərbaycan Güləş Federasiyasının məlumatı əsasında

Rusiyanın paytaxtı Moskvada sərbəst və yunan-Roma güləşi üzrə ALROSA Kuboku keçirilib.Azərtac Azərbaycan Güləş Federasiyasına istinadla xəbər verir ki, ənənəvi yarışda sərbəst güləş yığmamızın üzvləri ölkəmizi təmsil edib. İki gün davam edən turnirdə baş məşqçi əvəzi Zəlimxan Hüseynovun rəhbərliyi ilə Georgi Edişeraşvili (57 kq), Hacı Əliyev (65 kq), Hacımurad Hacıyev (74 kq), Cəbrayıl Həsənov (86 kq) və Şərif Şərifov (97 kq) mübarizə aparıb.Noyabrın 29-da olimpiya çəkiləri üzrə fərdi mübarizəyə start verilib. Ancaq ən yüngül çəkidə cəmi iki iştirakçı olduğundan bu kateqoriyada fərdi yarış keçirilməyib. Həmin gün Şərif Şərifov (97 kq) iranlı Məhəmməd Məhəmmədi üzərində əzmkar qələbə qazanıb - 5:4. Hacı Əliyev (65 kq) İkinci Avropa Oyunlarının finalında məğlub etdiyi gürcü Vladimir Xinceqavilini növbəti dəfə üstələyib - 7:3. Beləliklə, hər iki güləşçimiz ertəsi gün Rusiya və dünya yığması qarşılaşmasında iştirak etmək hüququ əldə edib.Hacımurad Hacıyev (74 kq) yarışda ilk görüşdə gürcü Avtandil Kençadzeyə (2:12), Cəbrayıl Həsənov (86 kq) isə rusiyalı Məhəmməd Ramazanova (1:4) uduzub. Ancaq yığma üzvləri bürünc medal qazanıb. Axşam seansında H.Hacıyev kubalı Kabalyero Qarzondan (7:2), C.Həsənov isə moldovalı Petr Yanulovdan (3:0) güclü olub.Noyabrın 30-da həlledici qarşılaşmalar keçirilib. H.Hacıyev son Avropa çempionatında məğlub etdiyi rusiyalı Naçın Kuulara növbəti dəfə qalib gəlib. İdmançımız son saniyələrdə icra etdiyi uğurlu fəndlə 5:4 hesablı qələbəyə sevinib. G.Edişeraşvili yerli idmançı Ramiz Həmzətova (4:7), Ş.Şərifov isə Rusiyanın digər təmsilçisi Əlixan Cəbrayılova (2:5) məğlub olub.xeber100.com

Sambo güləşi üzrə beynəlxalq turnir keçiriləcək

Noyabrın 30-dan dekabrın 1-dək Qazaxıstan prezidentinin mükafatı uğrunda sambo güləşi üzrə beynəlxalq turnir keçiriləcək.Azərtac xəbər verir ki, yarışda ölkəmizi hakim qismində beynəlxalq dərəcəli hakim Cabir İsmayılov təmsil edəcək.Turnirdə döyüş sambosu üzrə kişilər və qadınlar arasında yarışlar keçiriləcək.xeber100.com

“Qarabağ” futbol klubu “Düdelanj” komandası ilə qarşılaşacaq

UEFA Avropa Liqasının 2019-2020-ci illər mövsümünün qrup mərhələsinin beşinci turu çərçivəsində keçirilən “Sevilya” - “Qarabağ” oyunu başa çatıb.Azərtac xəbər verir ki, Sevilya şəhərindəkı “Xuan Sançes Pisxuan” stadionunda keçirilən görüşdə Ağdam təmsilçisi 2:0 hesabı ilə məğlub olub.Beləliklə, “Qarabağ” bu məğlubiyyətdən sonra play-off mərhələsinə çıxma şansını itirib. A qrupunda “Qarabağ” ilə 4 xalla ikinci və üçüncü yerləri bölüşən Kiprin APOEL komandası səfərdə Lüksemburqun “Düdelnaj” klubuna 2:0 hesabı ilə qalib gəlib.Qrup mərhələsinin son turunda “Qarabağ” öz meydanında “Düdelanj” ilə, “Sevilya” isə səfərdə APOEL komandası ilə qarşılaşacaq. Altıncı turda “Qarabağ” qalib gələrsə, APOEL məğlub olsa, 7 xal toplamalarına baxmayaraq şəxsi oyunlardakı üstünlüyə görə (2:1, 2:2) nikosiyalılar qrup mərhələsini 2-ci pillədə başa vuracaq.Növbəti turun oyunları dekabrın 11-də keçiriləcək.xeber100.com

UEFA Avropa Liqasının qrup mərhələsinin V turunda

Noyabrın 28-də UEFA Avropa Liqasının qrup mərhələsinin V turunun oyunları keçirilib.Azərtac xəbər verir ki, gün ərzində aşağıdakı hesablar qeydə alınıb: A qrupu: “Sevilya” (İspaniya) – “QARABAĞ” (Azərbaycan) - 2:0; “Düdelanj” (Lüksemburq) - APOEL (Kipr) - 0:2. B qrupu: “Luqano” (İsveçrə) – “Kopenhagen” (Danimarka) - 0:1; “Malmö” (İsveç) – “Dinamo” (Kiyev, Ukrayna) - 4:3. C qrupu: “Trabzonspor” (Türkiyə) – “Xetafe” (İspaniya) - 0:1; “Krasnodar” (Rusiya) – “Bazel” (İsveçrə) - 1:0. D qrupu: “Rusenborq” (Norveç) - LASK (Avstriya) - 1:2; “Sportinq” (Portuqaliya) - PSV (Hollandiya) - 4:0. E qrupu: “Latsio” (İtaliya) – “ÇFR Kluj” (Rumıniya) - 1:0; “Seltik” (Şotlandiya) – “Renn” (Fransa) - 3:1. F qrupu: “Gimaraynş” (Portuqaliya) – “Standard” (Belçika) - 1:1; “Arsenal” (İngiltərə) – “Ayntraxt” (Frankfurt, Almaniya) - 1:2. G qrupu: “Feyenoord” (Hollandiya) – “Qlazqo Reyncers” (Şotlandiya); “Yanq Boyz” (İsveçrə) – “Portu” (Portuqaliya). H qrupu: “Ferentsvaroş” (Macarıstan) – “Espanyol” (İspaniya) - 2:2; MOİK (Moskva, Rusiya) – “Lüdoqorets” (Bolqarıstan) - 1:1. I qrupu: “Aleksandriya” (Ukrayna) – “Volfsburq” (Almaniya) - 0:1; “Sent-Etyen” (Fransa) – “Gent” (Belçika) - 0:0. J qrupu: “Volfsberq” (Avstriya) – “Borussiya” (Mönxenqladbax, Almaniya) - 0:1; “Başakşehir” (Türkiyə) - “Roma” (İtaliya) - 0:3. K qrupu: “Braqa” (Portuqaliya) – “Vulverhempton” (İngiltərə) - 3:3; “Beşiktaş” (Türkiyə) – “Slovan” (Bratislava, Slovakiya) - 2:1. L qrupu: “Astana” (Qazaxıstan) – “Mançester Yunayted” (İngiltərə) - 2:1; “AZ Alkmar” (Hollandiya) – “Partizan” (Serbiya) - 2:2.xeber100.com

Serbiyada keçirilən beynəlxalq şahmat turnirində

Serbiyada keçirilən beynəlxalq turnirdə Azərbaycan şahmatçısı liderliyə yüksəlib.Azərtac xəbər verir ki, 5 turda maksimum xal toplayan təmsilçimiz Abdulla Qədimbəyli turnir cədvəlində birinci pillədə qərarlaşıb. Digər təmsilçimiz Nail Bəşirli isə 4,5 xalla ikinci pillədədir.İsveçrə sistemi üzrə keçirilən turnir 9 turdan ibarət olacaq.xeber100.com

Azərbaycan Güləş Federasiyasının məlumatına görə…

Noyabrın 29-30-da Moskvada sərbəst və yunan-Roma güləşi üzrə ALROSA kuboku yarışları keçiriləcək.Azərtac Azərbaycan Güləş Federasiyasına istinadla xəbər verir ki, ənənəvi yarışda ölkəmizi sərbəst güləşçilərimiz təmsil edəcəklər. Baş məşqçi əvəzi Zəlimxan Hüseynovun rəhbərliyi altında Georgi Edişeraşvili (57 kq), Hacı Əliyev (65 kq), Hacımurad Hacıyev (74 kq), Cəbrayıl Həsənov (86 kq) və Şərif Şərifov (97 kq) turnirdə qüvvələrini sınayacaqlar.Reqlamentə əsasən, güləşçilər noyabrın 29-da Olimpiya çəkiləri üzrə fərdi mübarizə aparacaqlar. Ertəsi gün isə “Lujniki” İdman Kompleksində müxtəlif ölkələrin güləşçilərindən ibarət komanda ilə Rusiya yığması qarşılaşacaq.Qeyd edək ki, beynəlxalq dərəcəli hakim Həbib Nurulu yarışda ədaləti qoruyacaq.xeber100.com

“Qarabağ” futbol klubu “Sevilya” komandasının qonağı olacaq

Noyabrın 28-də UEFA Avropa Liqasının 2019-2020-ci il mövsümünün qrup mərhələsinin beşinci turu çərçivəsində Ağdamın “Qarabağ” klubu səfərdə İspaniyanın “Sevilya” komandasının qonağı olacaq.Azərtac xəbər verir ki, Sevilya şəhərindəkı “Xuan Sançes Pisxuan” stadionunda keçiriləcək matç Bakı vaxtı ilə gecə saat 12-də başlayacaq.Qarşılaşmanın idarə edilməsi İsveçdən olan hakimlər briqadasına tapşırılıb. Oyunun baş hakimi Məhəmməd Əl-Hakimi olacaq.A qrupunun digər oyununda Lüksemburqun “Düdelanj” klubu öz meydanında Kiprin APOEL komandasını qəbul edəcək.Dörd turdan sonra aktivində 12 xal olan “Sevilya” qrupda birinci pillədə qərarlaşıb. Aktivində 4 xal olan APOEL və “Qarabağ” ikinci və üçüncü yerləri bölüşürlər. “Düdelanj” isə üç xalla sonuncu - dördüncü yerdə qərarlaşıb.xeber100.com