Avropa çempionatının seçmə mərhələsinin növbəti oyunları keçirilib

Oktyabrın 15-də futbol üzrə 2020-ci il Avropa çempionatının seçmə mərhələsinin növbəti oyunları keçirilib.Azərtac xəbər verir ki, turun üçüncü oyun günündə F, J, D və G qruplarında ümumilikdə 9 qarşılaşma oynanılıb və aşağıdakı nəticələr qeydə alınıb: D qrupu Cəbəllütariq – Gürcüstan - 2:3; İsveçrə - İrlandiya - 2:0. F qrupu Farer Adaları – Malta - 1:0; Rumıniya – Norveç - 1:1; İsveç – İspaniya - 1:1. G qrupu İsrail – Latviya - 3:1. J qrupu Finlandiya - Ermənistan - 3:0; Yunanıstan - Bosniya və Herseqovina - 2:1; Lixtenşteyn – İtaliya - 0:5.xeber100.com

“FIDE Grand Swiss 2019” turnirinin yeddinci turunda

Böyük Britaniyanın Men adasında keçirilən şahmat üzrə “FIDE Grand Swiss 2019” turnirinin yeddinci turunda şahmatçılarımızın rəqibləri müəyyənləşib.Azərtac xəbər verir ki, növbəti turda Rauf Məmmədov ukraynalı Anton Korobov, Nicat Abbasov xorvatiyalı İvan Sariç, Eltac Səfərli amerikalı Samuel Sevian, Vasif Durarbəyli fransalı Marie Sebagla qarşılaşacaqlar.Qeyd edək ki, yeddinci turun qarşılaşmaları oktyabrın 17-də keçiriləcək. Bu gün turnirdə istirahət günüdür.Altı turun yekununda R.Məmmədov və N.Abbasov hərəyə 3,5 xal qazanıblar. E.Səfərlinin 3, V.Durarbəylinin isə 2 xalı var. Turnir cədvəlinə 5 xalla çinli Hao Yanq və amerikalı Fabiano Karuana liderlik edirlər. Hazırkı dünya çempionu Maqnus Karlsen 4,5 xalla 3-9-cu yerləri bölüşür.İddiaçılar turnirinə vəsiqə qazandıracaq turnir oktyabrın 21-də yekunlaşacaq.xeber100.com

Cüdo üzrə dünya çempionatına start verilib

Oktyabrın 16-da Mərakeşdə gənclər arasında cüdo üzrə dünya çempionatına start verilib. Yarışın birinci günündə 5 cüdoçumuz mübarizəyə qoşulub.Azərtac xəbər verir ki, kişilər arasında 60 kiloqram çəki dərəcəsində Rövşən Əliyev Hakberdi Jumayev (Türkmənistan)-Ervand Nersesyan (Ermənistan), Əhməd Yusifov Jaheo Jin (Koreya Respublikası)-Anass Elalamı Elıdrıssı (Mərakeş) cütünün qalibləri ilə qarşılaşacaqlar. İbrahim Əliyev ABŞ təmsilçisi Riçard Marin, Davud Abbaslı (hər ikisi 66 kq) ermənistanlı Arsen Avedisyan ilə qüvvələrini sınayacaqlar. Qadınların yarışında isə Gültac Məmmədəliyeva (52 kq) italiyalı Federika Silveri ilə mübarizə aparacaq.Dünya çempionatında Azərbaycanı 9 kişi və 2 qadın olmaqla ümumilikdə 11 cüdoçu təmsil edir.Yarışda 81 ölkədən 500-dən çox tatami ustası mübarizə aparır. Dünya çempionatı oktyabrın 19-dək davam edəcək.xeber100.com

“Barselona” klubunun yarımmüdafiəçisi yeni müqavilə imzalayacaq

İspaniyanın “Barselona” futbol klubu yarımmüdafiəçisi Ansu Fati ilə yeni uzunmüddətli müqavilə imzalaya bilər.Azərtac İspaniya mətbuatına istinadla xəbər verir ki, 16 yaşlı qvineya-bissaulu futbolçu cari mövsümdə Kataloniya klubunun əsas heyətində oynayacaq.Ansu Fati cari mövsümdə Barselona təmsilçisinin heyətində keçirdiyi 6 oyunda 2 dəfə fərqlənib və bir məhsuldar ötürmə edib.Qeyd edək ki, mövsümün əvvəlində “Barselona”nın hücumçularının zədələndiyi səbəbindən A.Fati yeniyetmələrdən ibarət komandadan əsas heyətə cəlb olunub. Futbolçu, həmçinin ötən günlərdə İspaniya vətəndaşlığını qəbul edərək milli komandaya dəvət olunub.xeber100.com

Avropa çempionatının səkkizinci turuna yekun vurulacaq

Oktyabrın 15-də futbol üzrə 2020-ci il Avropa çempionatının seçmə mərhələsinin səkkizinci turuna yekun vurulacaq.Azərtac xəbər verir ki, turun üçüncü oyun günündə F, J, D və G qruplarında, ümumilikdə, 9 qarşılaşma oynanılacaq: D qrupu Cəbəllütariq – Gürcüstan; İsveçrə - İrlandiya. Qrupdakı vəziyyət: İrlandiya – 12 xal (6 oyuna), Danimarka - 12 (6), İsveçrə - 8 (5), Gürcüstan – 5 (6), Cəbəllütariq – 0 (5). F qrupu Farer Adaları – Malta; Rumıniya – Norveç; İsveç – İspaniya. Qrupdakı vəziyyət: İspaniya – 19 (7 oyuna), İsveç - 14 (7), Rumıniya – 13 (7), Norveç - 10 (7), Malta - 3 (6), Farer Adaları - 0 (7). G qrupu İsrail – Latviya. Qrupdakı vəziyyət: Polşa - 19 xal (8 oyuna), Avstriya - 16 (8), Şimali Makedoniya - 11 (8), Sloveniya - 11 (8), İsrail - 8 (7), Latviya - 0 (7). J qrupu Finlandiya - Ermənistan; Yunanıstan - Bosniya və Herseqovina; Lixtenşteyn – İtaliya. Qrupdakı vəziyyət: İtaliya – 21 (7 oyuna), Finlandiya – 12 (7), Ermənistan - 10 (7), Bosniya və Herseqovina – 10 (7), Yunanıstan – 5 (7), Lixtenşteyn –2 (7).xeber100.com

“FIDE Grand Swiss 2019” turnirinin altıncı turunun oyunları keçiriləcək

Oktyabrın 15-də Men adasında şahmat üzrə “FIDE Grand Swiss 2019” turnirinin altıncı turunun oyunları keçiriləcək.Azərtac xəbər verir ki, şahmatçılarımız Nicat Abbasov ermənistanlı Qabriel Sarkisyan, Rauf Məmmədov rusiyalı Vladislav Artemiyev, Eltac Səfərli argentinalı Maksim Çiqaev, Vasif Durarbəyli israilli Ariel Erenberq ilə qarşılaşacaqlar.Beş turun yekununda R.Məmmədov və N.Abbasov hərəyə 3 xal qazanıblar. E.Səfərlinin 2,5, V.Durarbəylinin 2 xalı var.İddiaçılar turnirinə vəsiqə qazandıracaq turnirə oktyabrın 21-də yekun vurulacaq.xeber100.com

“Tour of Peninsular 2019” yarışının birinci mərhələsində

Azərbaycan velosipedçisi Elçin Əsədov Malayziyada keçirilən “Tour of Peninsular 2019” yarışının birinci mərhələsinin qalibi olub.Azərtac turnirin saytına istinadla xəbər verir ki, təmsilçimiz 2.1 kateqoriyalı yarışda bütün rəqiblərini qabaqlayıb. Digər velosipedçimiz Samir Cəbrayılov isə yarışı yeddinci pillədə başa vurub.xeber100.com

Oktyabrın 13-də keçirilən Macarıstan-Azərbaycan oyunu başa çatıb

2020-ci il Avropa çempionatının seçmə mərhələsi çərçivəsində oktyabrın 13-də keçirilən Macarıstan-Azərbaycan oyunu başa çatıb.Azərtac xəbər verir ki, Budapeştdə, “Groupama Arena”da baş tutan oyunda komandamız minimal hesabla məğlub olub (1:0). Oyunun son dəqiqələrində milli komandamızın futbolçusu Bəhlul Mustafazadə fərqlənib. Lakin hakim əllə oyuna işarə edərək qolu qeydə almayıb. Milli komandamızın futbolçuları hollandiyalı baş hakimə etirazını etsə də, qərar dəyişilməyib.Hazırda “E” qrupunda Macarıstan 12 xalla 2-ci yerə yüksəlib. Azərbaycan isə 1 xalla 5-ci pillədə qərarlaşıb.Qrupun digər oyununda Uels seçməsi öz meydanında Xorvatiya yığmasını qəbul edəcək.xeber100.com

Cüdo federasiyasının məlumatı əsasında…

Oktyabrın 12-13-də Estoniyanın paytaxtı Tallində cüdo üzrə Avropa açıq kuboku yarışı keçirilib.Azərtac xəbər verir ki, beynəlxalq turnirdə Azərbaycanı təmsil edən Aleksandra-Larisa Florian mükafatçılar sırasında yer alıb. Qadınlar arasında 57 kiloqram çəki dərəcəsində mübarizə aparan millimizin rumın legioneri yalnız bir görüşdə, turnirin fransalı çempionu Prişila Gnetoya uduzaraq 3-cü yeri tutub. Florian bürünc medal uğrunda qarşılaşmada Almaniya təmsilçisi Nora Bannenberqə qalib gəlib.Qeyd edək ki, Tokio Olimpiadasına lisenziya xalları verən Tallin turnirində 35 ölkədən 292 cüdoçu yarışıb.xeber100.com

Avropa çempionatının seçmə mərhələsində növbəti oyunları keçirilib

Oktyabrın 13-də futbol üzrə 2020-ci il Avropa çempionatının seçmə mərhələsində 8-ci turun növbəti oyunları keçirilib.Azərtac xəbər verir ki, “C”, “E”, “G” və “I” qruplarında, ümumilikdə 9 qarşılaşma baş tutub.Günün bütün görüşlərində aşağıdakı hesablar qeydə alınıb: “C” qrupu: Belarus - Niderland - 1:2, Estoniya - Almaniya - 0:3. “E” qrupu: Macarıstan – Azərbaycan - 1:0, Uels - Xorvatiya - 1:1. “G” qrupu: Polşa - Şimali Makedoniya - 2:0, Sloveniya - Avstriya - 0:1. “I” qrupu: Qazaxıstan - Belçika - 0:2, Kipr - Rusiya - 0:5, Şotlandiya – San-Marino - 6:0.xeber100.com

“FIDE Grand Swiss 2019” turnirinin dördüncü turu yekunlaşıb

Men adasında şahmat üzrə “FIDE Grand Swiss 2019” turnirinin dördüncü turu yekunlaşıb.Azərtac xəbər verir ki, şahmatçılarımızdan yalnız Nicat Abbasov ötən turu qələbə ilə başa vurub. O, fransalı rəqibi Marie Sebagı məğlub edib. Digər şahmatçılarımız Rauf Məmmədov amerikalı Hikaru Nakamura, Vasif Durarbəyli israilli Maksim Rodşteinlə heç-heçə edib. Eltac Səfərli isə ukraynalı şahmatçı Yuri Kryvoruçkoya məğlub olub.Qeyd edək ki, dörd turun nəticəsinə görə R.Məmmədov, N.Abbasov hərəyə 2,5 xal qazanıblar. E.Səfərli və V.Durarbəylinin isə 2 xalı var. Turnir on bir turdan ibarətdir və oktyabrın 21-dək davam edəcək.xeber100.com

Fransada güllə atıcılığı üzrə Avropa kuboku keçirilib

Fransanın Şatoru şəhərində güllə atıcılığı üzrə Avropa kuboku keçirilib.Azərtac xəbər verir ki, təmsilçimiz Ruslan Lunyov böyük çaplı tapançadan 25 metr məsafəyə atəşaçma yarışında bütün rəqiblərini üstələyərək qızıl medal qazanıb.xeber100.com

2020-ci il Avropa çempionatının seçmə mərhələsi çərçivəsində

Oktyabrın 13-də futbol üzrə 2020-ci il Avropa çempionatının seçmə mərhələsi çərçivəsində Azərbaycan millisi növbəti oyununu keçirəcək.Azərtac xəbər verir ki, E qrupunda yer alan komandamız səfərdə Macarıstan yığmasının qonağı olacaq. Budapeştdə, "Groupama Arena"da baş tutacaq oyun Bakı vaxtı ilə saat 20:00-da başlanacaq.Görüşü Hollandiyadan olan hakimlər briqadası idarə edəcək. Oyunun baş hakimi Dennis Higler olacaq. Ona həmyerliləri Yohan Balder və Yoost van Zuylen kömək edəcəklər. Bas Niyhuys isə dördüncü hakim funksiyasını yerinə yetirəcək. Görüşün hakim-inspektoru Miroslav Liba (Çexiya), UEFA nümayəndəsi isə Ariel Kennet Şayman (İsrail) olacaq.Hazırda E qrupunda Macarıstan 9 xalla 3-cü, Azərbaycan 1 xalla 5-ci pillədə qərarlaşıb.Hər iki komanda matça itkilərlə çıxacaq. Azərbaycan yığmasında Maksim Medvedev, Anton Krivotsyuk və Dmitri Nazarov cəzalı, Səlahət Ağayev və Mahir Emreli zədəlidirlər. Əvəzində Bəhreynə 3:2 hesabı ilə qalib gəldikləri yoldaşlıq görüşündə çıxış etməyən Qara Qarayev və Pavel Paşayev artıq formadadırlar. Komandanı kapitan sarğısı ilə matça məhz Qarayev çıxaracaq.Macarıstan millisində isə Laslo Klyaynhaysler cəzalı olduğu üçün oynamayacaq. Komanda üçün ən böyük cəza isə əvvəlki matçlarda irqçi davranışları səbəbindən azarkeşlərin stadiona girməsinə qadağa qoyulmasıdır. Bu səbəbdən matçı tribunalardan yalnız 14 yaşadək təxminən 15 min uşaq izləyəcək.xeber100.com

Aerobika gimnastikası üzrə 5-ci ölkə birinciliyi davam edir

Bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatı davam edir.Azərtac xəbər verir ki, dörd günlük yarışda gimnastlar gənclər, yeniyetmələr, uşaqlar və balacalar yaş qruplarında medallar uğrunda mübarizə aparacaqlar.Çempionatın ikinci günündə balaca gimnastlar alətsiz, halqa və gürzlərlə proqramlarını təqdim edirlər.Aerobika gimnastları isə bütün yaş qruplarında təsnifat yarışlarında mübarizə aparırlar.Gimnastikanın hər iki növü üzrə yarışlarda Bakı və bölgələr üzrə ümumilikdə 200-dən çox idmançı iştirak edir. Bakı üzrə Bakı Gimnastika Məktəbi, “Ocaq Sport”, “AyUlduz”, “Gymkids” klublarının, “Zirvə International”, Zabrat idman klublarının, Respublika Kompleks İdman Məktəbinin, Şağan Olimpiya İdman Kompleksinin, eləcə də Sumqayıt, Gəncə, Mingəçevir, Ağdaş, İsmayıllı, Göyçay, Zaqatala, Kürdəmir, Qusar, Şirvan və Masallı təmsilçiləri birincilik uğrunda yarışırlar.xeber100.com

UEFA Çempionlar Liqası növbəti oyununu keçirib

"Araz" futzal klubu UEFA Çempionlar Liqasının əsas mərhələsində növbəti oyununu keçirib.Azərtac xəbər verir ki, təmsilçimiz “Benfika” klubu ilə qarşılaşıb. Belçikada təşkil olunan oyun Portuqaliya çempionunun 7:0 hesablı qələbəsi ilə başa çatıb.Azərbaycan çempionu ilk oyununda Belçikanın “Halle-Gooik” klubuna 1:5 hesabı ilə məğlub olub.“Araz” qrupda sonuncu oyununu oktyabrın 12-də Ukraynanın “Xerson” klubuna qarşı keçirəcək.xeber100.com

Futbol üzrə Avropa çempionatının seçmə mərhələsində

Bu gün futbol üzrə 2020-ci il Avropa çempionatının seçmə mərhələsinin yeddinci turunun növbəti oyunları keçiriləcək.Azərtac xəbər verir ki, turun ikinci oyun günündə A, B və H qruplarında, ümumilikdə, 7 qarşılaşma oynanılacaq.Günün görüşləri aşağıdakılardır: “A” qrupu: Çexiya - İngiltərə, Monteneqro – Bolqarıstan. Xal durumu: İngiltərə - 12 xal (4 oyuna), Çexiya - 9 (5), Kosovo – 8 (5), Monteneqro - 2 (5), Bolqarıstan – 2 (5). “B” qrupu: Portuqaliya – Lüksemburq, Ukrayna – Litva. Xal durumu: Ukrayna – 13 xal (5 oyuna), Portuqaliya – 8 (4), Serbiya - 7 (5), Lüksemburq – 4 (5), Litva – 1 (5). “H” qrupu: Andorra – Moldova, İslandiya – Fransa, Türkiyə - Albaniya. Xal durumu: Türkiyə - 15 xal (6 oyuna), Fransa - 15 (6), İslandiya – 12 (6), Albaniya – 9 (6), Moldova – 3 (6), Andorra – 0 (6).xeber100.com

5-ci ölkə birinciliyi və paytaxt çempionatına start verilib

Bədii gimnastika üzrə dünya çempionatından qısa bir müddət sonra Milli Gimnastika Arenası bu növ üzrə yerli yarışlara ev sahibliyi edir. Bu dəfə bədii gimnastika təmsilçilərinə aerobika gimnastları da qoşulacaqlar.Azərtac xəbər verir ki, oktyabrın 10-da bədii gimnastika üzrə 26-cı Azərbaycan və Bakı birinciliyi, 6-cı bölgələrarası kubok və aerobika gimnastikası üzrə 5-ci ölkə birinciliyi və paytaxt çempionatına start verilib.Dörd günlük yarışda gimnastlar gənclər, yeniyetmələr, uşaqlar və balacalar yaş qruplarında medallar uğrunda mübarizə aparacaqlar.Çempionatın birinci günündə balaca gimnastlar alətsiz, halqa və gürzlərlə proqramlarını təqdim edirlər.Aerobika gimnastları oktyabrın 11-də mübarizəyə qoşulacaqlar.Gimnastikanın hər iki növü üzrə yarışlarda Bakı və bölgələr üzrə ümumilikdə 200-dən çox idmançı iştirak edəcək. Bakı üzrə Bakı Gimnastika Məktəbi, “Ocaq Sport”, “AyUlduz”, “Gymkids” klublarının, “Zirvə International”, Zabrat idman klublarının, Respublika Kompleks İdman Məktəbinin, Şağan Olimpiya İdman Kompleksinin, eləcə də Sumqayıt, Gəncə, Mingəçevir, Ağdaş, İsmayıllı, Göyçay, Zaqatala, Kürdəmir, Qusar, Şirvan və Masallı təmsilçiləri birincilik uğrunda yarışacaqlar.xeber100.com

Azərbaycan Həndbol Federasiyasının məlumatı əsasında…

Həndbol üzrə Azərbaycan çempionatının yeni mövsümünə qadınların mübarizəsi ilə start verilib.Azərbaycan Həndbol Federasiyasından Azərtac-a bildiriblər ki, yarışın ilk oyununda “Azərsu” və “Azəryol” komandaları üz-üzə gəliblər. Mövsümün start matçında son çempionun imkanları daha yüksək qiymətləndirilib. “Azərsu”nun ciddi müqavimətinə baxmayaraq, görüş 29:18 hesabı ilə “Azəryol”un qələbəsi ilə nəticələnib.İlk oyun gününün digər qarşılaşmasında “Qarabağ” “İdman Akademiyası” komandasını sınağa çəkib. Maraqlı mübarizə şəraitində keçən görüşdə “Qarabağ” qələbə qazanıb - 35:21.Qeyd edək ki, kişilərdən ibarət komandaların mübarizəsinə oktyabrın 12-də start veriləcək. Həndbol həvəskarları ilk turda “Təhsil” - “Məhsul” və “Bakı” – U-18 qarşılaşmalarını izləyə bilərlər. Görüşlər müvafiq olaraq saat 17:00 və 19:00-da başlanacaq.Azərbaycan çempionatının bütün oyunları “ABU Arena”da keçiriləcək.xeber100.com

“Arsenal” klubunun qapıçısı “Quildford Foeniks”də çıxış edəcək

Çexiya milli komandasının və İngiltərənin “Arsenal” futbol klubunun sabiq qapıçısı Petr Çex buzüstü xokkey komandası olan “Quildford Foeniks”də çıxış edəcək.Azərtac xəbər verir ki, ötən il futbolçu karyerasını bitirən 37 yaşlı qapıçı buzüstü xokkeydə də qapıçı olacaq və 33 nömrəli forma geyinəcək.Xatırladaq ki, son olaraq “Arsenal”da oynayan Çex karyerası ərzində “Çelsi”, “Renn” və “Sparta”nın şərəfini qoruyub.xeber100.com

Güləş üzrə qitələrarası kubok yarışları keçiriləcək

Oktyabrın 11-13-də Dağıstanın Xasavyurt şəhərində sərbəst güləş üzrə qitələrarası kubok yarışları keçiriləcək.Azərtac xəbər verir ki, 11-ci dəfə təşkil olunacaq ənənəvi yarışda ölkəmizi gənclərdən ibarət yığmamızın məşqçiləri Rövşən Hacıyev və Əşrəf Əliyevin rəhbərliyi altında Əfqan Xaşalov (57 kq), Mircəlal Həsənzadə, Tural Hüseynov (hər ikisi 61 kq), Vahid Əlizadə (65 kq), Vurğun Əliyev, Gitinoməhəmməd Hacıyev (hər ikisi 70 kq), İsmayıl Abdullayev, Coşqun Əzimov, Nadir Hacıyev (hamısı 74 kq), Rəşad Yusifli (79 kq), Roman Bəkirov və Rahid Həmidli (hər ikisi 125 kq) təmsil edəcəklər.Qeyd edək ki, beynəlxalq dərəcəli hakimlər Vaqif Zeynallı, Kamran Əliyev və Elgün Məmmədov turnirdə ədaləti qoruyacaqlar.xeber100.com