MDB İqtisadi Şurasının 84-cü iclası keçirilib

Dekabrın 6-da Moskvada MDB İqtisadi Şurasının 84-cü iclası keçirilib.Azərtac xəbər verir ki, iclasda Azərbaycanı Baş Nazirin birinci müavini Yaqub Eyyubov və ölkəmizin Rusiyadakı səfiri Polad Bülbüloğlu təmsil ediblər.Türkmənistanın sədrliyi ilə keçirilən iclasın gündəliyinə MDB ölkələrinin iqtisadiyyat sahəsində qarşılıqlı əlaqələri ilə bağlı məsələlər daxil edilib. Müzakirələrin əsas mövzusu 2030-cu ilədək MDB-nin iqtisadi inkişaf strategiyasının layihəsi olub. Sənəd dünyada cərəyan edən iqtisadi proseslərin dinamikasının, habelə birlik ölkələrinin inkişaf potensialının təhlili əsasında yaxın onillikdə MDB-nin iqtisadi inkişafının məqsəd və vəzifələrini, iqtisadiyyat sahəsində qarşılıqlı fəaliyyətin əsas istiqamətlərini müəyyən etməyə yönəlib.Strategiyanın həyata keçirilməsi MDB ölkələrinin iqtisadiyyatının rəqabət qabiliyyətini, vətəndaşların rifahını yüksəltməyə imkan verəcək, dünya təsərrüfat sistemində əlaqələri möhkəmlədəcək.İclasda enerji resurslarının istehsalı və istehlakının proqnozu, dəmir yolu nəqliyyatında razılaşdırılmış tarif siyasəti konsepsiyası, məhsulların və xidmətlərin keyfiyyəti sahəsində uğurlara görə mükafat uğrunda müsabiqə haqqında əsasnamənin yeni redaksiyasının layihəsi barədə MDB Hökumət Başçıları Şurasının qərarının yerinə yetirilməsi məsələləri nəzərdən keçirilib.xeber100.com  

“Light” markalı neftin qiyməti 0,26 dollar ucuzlaşıb

Dünya birjalarında neftin qiyməti yenidən ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,15 dollar geriləyərək 62,85 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,26 dollar ucuzlaşaraq 58,17 dollar təşkil edib.xeber100.com

OPEC Nazirlər Şurasının 177-ci iclası keçiriləcək

Dekabrın 5-də Avstriyanın paytaxtı Vyanada OPEC Nazirlər Şurasının 177-ci iclası keçiriləcək.Azərtac xəbər verir ki, toplantıda qlobal neft tədarükü və aşağı tələbat məsələləri müzakirə ediləcək. İclasda OPEC-ə üzv 14 ölkənin enerji və neft nazirləri iştirak edəcək.OPEC və qeyri-OPEC ölkələrinin nazirlərinin Birgə Monitorinq Komitəsinin (JMMC) 17-ci iclası isə bu gün qapalı keçiriləcək və üzv ölkələrin istehsal kvotalarının monitorinqi məsələsi müzakirə olunacaq.OPEC Nazirlər Şurasının 177-ci iclasında qlobal neft bazarındakı mövcud tədarük bolluğu və aşağı neft tələbatının qiymətləndirilməsi gözlənilir. Görüşdən sonra bəzi nazirlər jurnalistlərin suallarını cavablandıracaq.Dekabrın 6-da isə OPEC və qeyri-OPEC ölkələri (“OPEC plus”) nazirlərinin 7-ci görüşü, sonra isə mətbuat konfransı keçiriləcək. İclasda Energetika naziri Pərviz Şahbazov da iştirak edəcək.Qeyd edək ki, Səudiyyə Ərəbistanının rəhbərlik etdiyi OPEC-in müzakirə edəcəyi ən vacib məsələlər hasilatın azaldılması üzrə müqaviləsinin müddətinin uzadılması və istehsal məhdudiyyətlərinin həcminin artırılması olacaq.Rusiya başda olmaqla qeyri-OPEC ölkələri isə kartelin qərarını dəstəkləyib-dəstəkləməməyi müzakirə edəcək.Xatırladaq ki, ötən ilin dekabrında OPEC-ə üzv ölkələrdə üzrə neft hasilatının gündəlik orta hesabla 800 min barrel azaldılması qərara alınıb, bu həcmin 500 min barreli Səudiyyə Ərəbistanı tərəfindən qarşılanıb.Razılaşmaya əsasən, OPEC-ə daxil olmayan ölkələr isə neft istehsalını sutkada orta hesabla 400 min barrel azaltmağa razı olub və Rusiya bu həcmin 228 min barrelinə cavabdehlik götürüb.Sazişin müddəti bu il iyulun 1-dən 2020-ci ilin birinci rübünün sonunadək uzadılıb.xeber100.com

Əmlak Məsələləri Dövlət Komitəsinin məlumatı

Dekabrın 3-də dövlət əmlaklarının özəlləşdirilməsi üzrə növbəti hərrac keçirilib. Budəfəki hərracda nəqliyyat vasitələri özəlləşdirilib.Əmlak Məsələləri Dövlət Komitəsindən Azərtac-a bildirilib ki, nəqliyyat vasitələrindən biri rəqabətli şəkildə özəlləşdirilib. Belə ki, 2005-ci il istehsalı olan “Chevrolet Niva”nın ilkin qiyməti 4 min manat olsa da artırılan təkliflər nəticəsində maşın 5200 manata özəlləşdirilib.Bundan başqa, alman istehsalı olan “Mercedes Benz Viano” da alıcıların diqqətini cəlb edib. İstehsal ili 2012-ci il olan bu maşın 36 min manata özəlləşdirilib. Digər özəlləşdirilən nəqliyyat vasitəsi isə Rusiya istehsalı olan “QAZ-221721”dir.Qeyd edək ki, növbəti özəlləşdirilmə hərracı dekabrın 10-da keçiriləcək. Hərraca çıxarılan dövlət əmlakları ilə tanış olmaq və iştirak statusu qazanmaq istəyən şəxslər rəsmi sayta (emdk.gov.az) və ya Özəlləşdirmə portalına (privatization.az) daxil ola bilərlər. Vətəndaşlar dövlət əmlakları üzrə sifarişləri elektron formada verməklə yanaşı, hərraclarda onlayn iştirak edə bilərlər.xeber100.com

Əməkdaşlığa dair anlaşma memorandumu imzalanıb

Azərbaycanın aparıcı mobil rabitə operatoru olan "Azercell Telekom" şirkəti ilə İsveçin "Ericsson" şirkəti arasında əməkdaşlığa dair anlaşma memorandumu imzalanıb.Azərtac xəbər verir ki, sənədi "Azercell Telekom"un prezidenti Vahid Mürsəliyev və "Ericsson" şirkətinin Şərqi Avropa və Mərkəzi Asiya üzrə prezidenti Sebastyan Tolstoy imzalayıblar.Sənədə əsasən, tərəflər 5G şəbəkəsinin inkişafı istiqamətində əməkdaşlıq edəcəklər.Qeyd edək ki, hazırda şirkət tərəfindən pilot 5G şəbəkəsi Bakının mərkəzində (Fəvvarələr meydanında) yaradılıb. Gələn ilin sonunadək Bakının bütün ərazisini 5G şəbəkəsi ilə əhatə edəcəyini planlaşdırır.Daha sonra isə şəbəkənin əhatə dairəsi regionlarda genişləndiriləcək və bazar hazır olduqda şəbəkənin kommersiya istifadəsi bütün ölkə üzrə istifadəyə veriləcək.xeber100.com

“Brent” markalı neftin bir barrelinin qiyməti 1,44 dollar azalıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,44 dollar geriləyərək 62,43 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 2,94 dollar ucuzlaşaraq 55,17 dollar təşkil edib.xeber100.com

“Azeri Light” markalı neftin qiyməti 67,86 dollar təşkil edib

Azərbaycan neftinin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,08 dollar geriləyərək 67,86 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

“Buta Airways” birbaşa uçuşlar həyata keçirməyə başlayacaq

Loukost aviaşirkəti “Buta Airways” dekabrın 23-dən Bakıdan Ukraynanın Lvov şəhərinə birbaşa uçuşlar həyata keçirməyə başlayacaq.Aviaşirkətin mətbuat xidmətindən Azərtac-a bildirilib ki, beləliklə, “Buta Airways”in Ukraynadakı istiqamətlərinin sayı 4-ə çatmış olacaq. “Buta Airways” artıq Kiyev, Xarkov və Odessaya uçuşlar həyata keçirir.Lvovu Ukraynanın mədəni paytaxtı adlandırırlar. Qədim Lvov heyrətamiz dərəcədə ahəngdar bir Avropa şəhəridir. Buraya şəhərin mərkəzində gəzmək, muzeylərə baş çəkmək, çoxsaylı küçə musiqiçilərini dinləmək və Qərbi Ukraynanın çox zəngin mədəniyyəti ilə tanış olmaq üçün gəlirlər.Lvova uçuşlar bazar ertəsi və cümə axşamı yerinə yetiriləcək. Aviaşirkətin digər istiqamətləri kimi minimal tarif 29 avro (bir tərəfə) təşkil edəcək. Aviabiletləri artıq aviaşirkətin rəsmi internet saytında, həmçinin aviaşirkətin satış ofislərində əldə etmək mümkündür. Loukost aviaşirkət olaraq, "Büdcə" minimal tarifdə baqajın, əl yükünün daşınması, təyyarə göyərtəsində isti yeməklər, hava limanında qeydiyyat, eləcə də təyyarədə yer seçimi kimi əlavə xidmətlər ödəniş müqabilində təklif edilir. "Super" tarifi 10 kiloqramadək çəkisi olan əl yükü, çəkisi 23 kiloqramadək olan baqaj və hava limanında ödənişsiz qeydiyyatı nəzərdə tutur. Saytda onlayn-qeydiyyat uçuşdan 24 saat əvvəl açılır və uçuşa 2 saat qalmış bağlanır. Onlayn-qeydiyyat bütün tariflərdə pulsuzdur.xeber100.com

Londonun ICE birjasında neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,25 dollar geriləyərək 63,81 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,31 dollar ucuzlaşaraq 57,80 dollar təşkil edib.xeber100.com

MDB İqtisadi Şurasının 84-cü iclası keçiriləcək

Dekabrın 6-da Moskvada MDB İqtisadi Şurasının 84-cü iclası keçiriləcək.MDB İcraiyyə Komitəsinin mətbuat xidmətindən Azərtac-a verilən məlumata görə, iclasda Türkmənistan sədrlik edəcək. İclasın gündəliyinə MDB ölkələrinin iqtisadiyyat sahəsində qarşılıqlı əlaqələri ilə bağlı məsələlərin geniş kompleksi daxildir.Müzakirələrin əsas mövzusu 2030-cu ilə qədər olan dövrdə MDB-nin iqtisadi inkişaf strategiyasının layihəsidir. Bu sənəd dünyada cərəyan edən iqtisadi proseslərin dinamikasının, habelə Birlik ölkələrinin inkişaf potensialının təhlili əsasında yaxın onillikdə MDB-nin iqtisadi inkişafının məqsəd və vəzifələrini, iqtisadiyyat sahəsində qarşılıqlı fəaliyyətin əsas istiqamətlərini müəyyən etməyə yönəlib.Strategiyanın həyata keçirilməsi MDB ölkələrinin iqtisadiyyatının rəqabət qabiliyyətini, vətəndaşların rifahını yüksəltməyə imkan verəcək, dünya təsərrüfat sistemində əlaqələri möhkəmlədəcək.İclasda enerji resurslarının istehsalı və istehlakının proqnozu, dəmir yolu nəqliyyatında razılaşdırılmış tarif siyasəti konsepsiyası, məhsulların və xidmətlərin keyfiyyəti sahəsində uğurlara görə mükafat uğrunda müsabiqə haqqında əsasnamənin yeni redaksiyasının layihəsi barədə MDB Hökumət Başçıları Şurasının qərarının yerinə yetirilməsi məsələləri nəzərdən keçiriləcək.xeber100.com

“Light” markalı neftin bir barrelinin qiyməti isə 0,13 dollar ucuzlaşıb

Dünya birjalarında neftin qiyməti ucuzlaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,12 dollar geriləyərək 64,15 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,13 dollar ucuzlaşaraq 58,28 dollar təşkil edib.xeber100.com

Dövlət Gömrük Komitəsinin məlumatına görə…

Oktyabrda Azərbaycana idxal olunan avtomobillərin sayı 4549 olub.Dövlət Gömrük Komitəsindən Azərtac-a verilən məlumata görə, ölkəyə gətirilən avtomobillərin 70-i sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitəsi, 4109-u əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitəsi, 337-si yük daşımaq üçün motorlu nəqliyyat vasitəsi, 33-ü isə xüsusi təyinatlı motorlu nəqliyyat vasitəsidir.xeber100.com

Mərkəzi Bankda Neft Fondunun iştirakı ilə hərrac keçirilib

Noyabrın 26-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Mərkəzi Bank depozit hərracının nəticələrini açıqlayıb

Azərbaycan Mərkəzi Bank (AMB) vəsaitlərin cəlb edilməsi üzrə depozit hərracının nəticələrini açıqlayıb.AMB-dən Azərtac-a bildirilib ki, noyabrın 25-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 743,7 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 6,01 faiz olub.xeber100.com

“Bakı Metropoliteni” QSC-nin məlumatı əsasında…

“Bakı Metropoliteni” QSC noyabrın 24-də səhər saatlarında metroda baş vermiş texniki problemlə əlaqədar məlumat yayıb.Azərtac QSC-nin saytına istinadla xəbər verir ki, məlumatda “Neftçilər”-“Qara Qarayev” mənzilində təmas relsində baş vermiş nasazlıqla əlaqədar təxirəsalınmaz texniki tədbirlərin yerinə yetirilməsi məqsədilə Bakı metropolitenində Qırmızı və Yaşıl xətlər üzrə qatarların hərəkətinin “Nəriman Nərimanov”-“İçərişəhər”, “Nəriman Nərimanov”-“Dərnəgül” və əks istiqamətdə təşkil edildiyi bildirilib.Qeyd olunub ki, hazırda “Ulduz”-“Həzi Aslanov” istiqamətində qatarların hərəkətinin bərpa edilməsi istiqamətində təcili tədbirlər görülür.İctimaiyyətə əlavə məlumat veriləcək.xeber100.com

“Nəqliyyat və logistika – “TransUzbekistan-2019” sərgisi keçirilib

Daşkənddə 16-cı beynəlxalq “Nəqliyyat və logistika – “TransUzbekistan-2019” sərgisi keçirilib.Azərtac xəbər verir ki, sərgidə 15 ölkədən 70 nəqliyyat və logistika şirkəti iştirak edib. Ölkəmiz bu sərgidə “ACSC Logistics” MMC ilə təmsil olunub. Azərbaycan guşəsinə gələnlərə şirkətin fəaliyyəti haqqında məlumat verilib, Özbəkistanın və iştirakçı dövlətlərin nümayəndələri ilə əməkdaşlığa dair danışıqlar aparılıb.Şirkətin baş direktoru Azər Məmmədov Azərtac-ın müxbirinə deyib ki, şirkət marşrutun seçilməsi ilə bağlı məsləhətlər verir, nəqliyyat marşrutlarının dəniz və dəmir yolu sahələrində tarifləri müəyyənləşdirir, Xəzər və Qara dəniz limanlarında daşıma və mühafizə, habelə Transxəzər Beynəlxalq Nəqliyyat marşrutu üzrə logistik xidmətləri həyata keçirir, logistik təhlil və multimodal daşıma, yolboyu yüklərə nəzarəti təmin edir, Azərbaycan, Qazaxıstan və Gürcüstanda logistik xidmətlər göstərir.xeber100.com

Manatın ortaçəkili məzənnəsi 1,7000 səviyyəsində formalaşıb

Noyabrın 21-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Neft Fondunun iştirakı ilə hərrac keçirilib

Noyabrın 19-da Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Gömrük Komitəsinin məlumatı əsasında…

On ayda ölkəyə 7003 ton süd idxal edilib.Azərtac Dövlət Gömrük Komitəsinə (DGK) istinadla xəbər verir ki, yanvar-oktyabr aylarında idxal edilən südün dəyəri isə 11 milyon 407 min ABŞ dolları olub.Xatırladaq ki, ötən ilin eyni aylarında 10 milyon 160 min dollarlıq 7 min 254 ton süd idxal edilib.xeber100.com

Azərbaycan-Rusiya Regionlararası Forumu keçiriləcək

Noyabrın 22-23-də Moskvada növbəti Azərbaycan-Rusiya Regionlararası Forumu keçiriləcək.İqtisadiyyat Nazirliyinin mətbuat xidmətindən Azərtac-a bildirilib ki, iki gün davam edəcək tədbirdə Azərbaycan və Rusiyanın dövlət rəsmilərinin, deputatların, biznes dairələri nümayəndələrinin iştirakı nəzərdə tutulur.Forum çərçivəsində Azərbaycan-Rusiya və Rusiya-Azərbaycan işgüzar şuralarının geniş iclası, sənaye, turizm, kənd təsərrüfatı və humanitar sahələr üzrə dəyirmi masalar təşkil ediləcək, forumun plenar iclası keçiriləcək.Azərbaycan nümayəndə heyətinin Moskvaya səfəri çərçivəsində Xalq Təsərrüfatı Nailiyyətləri Sərgisində “Azərbaycan” pavilyonunun açılışı olacaq.xeber100.com