TASS informasiya agentliyinin məlumatına görə…

12 May 2022 15:05

Xəbər 41 dəfə oxunub

Beynəlxalq Şahmat Federasiyasının (FIDE) prezidenti Arkadi Dvorkoviç təşkilatın bu yay keçiriləcək seçkilərində iştirak edəcək. Bu barədə TASS informasiya agentliyi məlumat yayıb. A.Dvorkoviçin komandasına 15-ci dünya çempionu hindistanlı Vişvanatan Anand, doqquzuncu dünya çempionu çinli Çju Çen, həmçinin norveçli Yoran Eulin-Yansson və Azərbaycan Şahmat Federasiyasının prezidenti Mahir Məmmədov daxildir.Seçkilər FIDE-nin Baş Assambleyası çərçivəsində avqustun 7-8-də Hindistanın Çennai şəhərində keçiriləcək. Seçkilərdə iştirak üçün ərizələr iyunun 7-dən gec olmayaraq təqdim edilməlidir.TASS agentliyinə müsahibəsində A.Dvorkoviç beş milli federasiyadan dəstək məktubu aldıqdan sonra təşkilat rəhbərinin seçilməsi üçün rəsmi ərizə verəcəyini vurğulayıb.FIDE-nin prezidenti qeyd edib ki, Vişvanatan Anand dünya çempionlarından biridir, şahmat aləmində hörmətli şəxsdir və onu bütün dünyada tanıyırlar. Azərbaycan Şahmat Federasiyasının prezidenti Mahir Məmmədov indi FIDE-nin vitse-prezidentidir və mən ona öz vəzifəsini saxlamağı təklif edəcəyəm. Yeni vitse-prezidentliyi isə Fişer şahmatı üzrə dünya çempionatını təşkil edən norveçli həmkarım Yoran Eulin-Yanssonu təklif edəcəyəm.2018-ci ilin oktyabrından FIDE-yə rəhbərlik edən A.Dvorkoviç təşkilatın düzgün istiqamətdə inkişaf etdiyinə əminliyini ifadə edib: “Yaxın günlərdə proqramı dərc edəcəyəm, yalnız onu deyim ki, bu, bizim məşğul olduğumuz sahələrdə işin davamıdır. Hamı FIDE-də inkişafın düzgün istiqamətdə getdiyinə inanır”.xeber100.com

2021/2022-ci il mövsümünün ən yaxşı futbolçusu müəyyənləşib

Azərbaycan Premyer Liqasında 2021/2022-ci il mövsümünün ən yaxşı futbolçusu müəyyənləşib.İdman Araşdırmalar Mərkəzinin (İAM) “Huner Group”un sponsorluğu və "Report"un informasiya dəstəyi ilə keçirdiyi səsvermə nəticəsində "Qarabağ"ın futbolçusu Kadi Borges Malinovski bu ada layiq görülüb.Mükafatlandırma mərasimi mayın 22-də Bakı Olimpiya Stadionunun qapalı meydançasında İAM-ın və ETOPAZ-ın 10 illik yubileyi münasibətilə jurnalistlər arasında Zəfər Kuboku çərçivəsində keçiriləcək "Suqovuşan" - "Xocalı" oyunundan əvvəl fəxri qonaqların iştirakı ilə keçiriləcək.Səsvermədə 8 komandadan adları Peşəkar Futbol Liqasının rəsmi saytında əsas komandaların heyətində göstərilən ümumilikdə 189 nəfər (181 futbolçu, 8 baş məşqçi) iştirak edib.“Qarabağ” və “Sumqayıt”ın 25, “Qəbələ”, “Zirə” və “Sabah”ın 24, “Şamaxı”nın 23, “Neftçi” və “Səbail”in 22 üzvü (oyunçular və baş məşqçi) öz variantlarını açıqlayıb.Respondentlər ümumilikdə 38 futbolçu arasında seçim ediblər. Nəticədə Kadi Borges 47 səslə birinci olub. İyirmi altı yaşlı braziliyalı yarımmüdafiəçi səslərdən 44-nü oyunçulardan, 3-nü isə baş məşqçilərdən alıb.“Qarabağ”ın digər yarımmüdafiəçisi Abdullah Zubir 24 səslə ikinci olub. Üçüncü yeri isə "Sabah"da çıxış edən Azərbaycan millisinin üzvü Aleksey İsayev 19 səslə tutub.Qalan baş məşqçilərdən 2-si "Neftçi"dən Emin Mahmudova, 2-si isə "Qarabağ"dan Maksim Medvedev və Patrik Andradeyə səs verib.Səsvermənin əsas şərtinə əsasən, respondentlər öz komandalarının futbolçularına səs verməyiblər.Qeyd edək ki, mövsümün ən yaxşı futbolçusunu ardıcıl beş ildir İAM “Report”un dəstəyi ilə 8 klubun oyunçuları və baş məşqçiləri arasında sorğu nəticəsində müəyyənləşdirir. Əvvəlki 4 mövsümdə hazırda “Kəpəz”də çıxış edən Cavid İmamverdiyev (2017/2018-ci il mövsümü), “Neftçi”nin yarımmüdafiəçisi Emin Mahmudov (2018/2019-cu), “Qarabağ”ın legioneri Abdullah Zubir (2019/2020-ci) və hazırda Türkiyənin “Bursaspor” komandasının formasını geyinən Namik Ələskərov (2020/2021-ci) ən yaxşı seçilib.xeber100.com

May 20, 2022 12:02